Time in Rangoon 
ဘဂ္ဂဒက်၊ ဧပြီ ၂၁
အကြမ်းဖက် တိုက်ခိုက်မှုများ ခပ်စိပ်စိပ် ဖြစ်ပွားနေသည့် အီရတ်နိုင်ငံတွင် မြို့တော် ဘဂ္ဂဒက်မြောက်ပိုင်း တက္ကသိုလ်တစ်ခုကို စစ်သွေးကြွ အစွန်းရောက်တစ်ဦး၏ အသေခံဖောက်ခွဲ တိုက်ခိုက်မှုကြောင့် အနည်းဆုံးလူ ၁၄ ဦး သေဆုံးသွားခဲ့ကြောင်း BBC သတင်းတစ်ရပ်တွင် ဖော်ပြထားသည်။
လာမည့် သီတင်းပတ် နှစ်ပတ်အတွင်းတွင် အီရတ်နိုင်ငံ၌ ပါလီမန်ရွေးကောက်ပွဲ ကျင်းပမည်ဖြစ်ပြီး ယင်းရွေးကောက်ပွဲသည် အီရတ်လက်နက်ကိုင် တပ်ဖွဲ့များ၏ လုံခြုံရေး ထိန်းချုပ်နိုင်စွမ်းကို အဓိက မှတ်ကျောက်တင်မည့် ပွဲတစ်ခုလည်း ဖြစ်သည်။
ဘဂ္ဂဒက်မြို့တော် အီမန်ကာဒင် တက္ကသိုလ်ကြီးကို အသေခံတိုက်ခိုက်ရေးသမားများက ဝင်ရောက်လာကြစဉ် ဗုံးခွဲသမားတစ်ဦးနှင့် သေနတ်သမား တစ်ဦးတို့ကို လုံခြုံရေးများက တားဆီးပစ်ခတ် သတ်ဖြတ် နှိမ်နင်းနိုင်ခဲ့သော်လည်း ဗုံးခွဲသမားတစ်ဦးက လွတ်မြောက်သွားခဲ့ပြီး တက္ကသိုလ်အတွင်း ဝင်ကာ ဖောက်ခွဲခဲ့ခြင်း ဖြစ်သည်။
အီရတ်နိုင်ငံတွင် နေ့စဉ်နီးပါး ဗုံးဖောက်ခွဲခြင်း၊ သေနတ်ဖြင့် ပစ်ခတ်ခြင်း စသည်တို့ကြောင့် လတိုင်း လူရာပေါင်းများစွာ သေဆုံးခဲ့ရလေ့ ရှိသည်။ သို့သော် တက္ကသိုလ်များကို ပစ်မှတ်ထား တိုက်ခိုက်မှုများမှာမူကား အလွန်ရှားပါးသည့် ဖြစ်တောင့်ဖြစ်ခဲ ကိစ္စဖြစ်သည်။
ယခုရက်ပိုင်းတွင် အီရတ်နိုင်ငံတောင်ပိုင်း ဘာဘေးပြည်နယ်တွင်လည်း ကားဗုံးတစ်လုံး ပေါက်ကွဲသဖြင့် လူသုံးဦး သေဆုံးကာ လေးဦး ဒဏ်ရာရရှိ သွားခဲ့ကြသည်။မူသာနာပြည်နယ်တွင်လည်း ကားဗုံးတစ်လုံး ထပ်မံပေါက်ကွဲသဖြင့် လူသုံးဦး သေဆုံးသွားခဲ့ကာ ၂၆ ဦး ဒဏ်ရာရရှိသွားခဲ့သည်ဟု ရဲတပ်ဖွဲ့က သတင်းထုတ်ပြန်ထားသည်။
ဧပြီလ ၃၀ ရက်နေ့တွင် စတင် မဲပေးရမည့် ပါလီမန်ရွေးကောက်ပွဲသည် အီရတ်မှ အမေရိကန် ဦးဆောင်သော နိုင်ငံစုံတပ်ဖွဲ့များ ၂၀၁၁ နှောင်းပိုင်းတွင် ဆုတ်ခွာသွားပြီးကတည်းက ပထမဦးဆုံးအကြိမ် ပြုလုပ်သော ပါလီမန်ရွေးကောက်ပွဲ ဖြစ်သည်။
ပြီးခဲ့သည့် နှစ်များက ပြုလုပ်ခဲ့သည့် ပြည်နယ်ရွေးကောက်ပွဲများ အတွင်းတွင် တိုက်ခိုက်မှုများ၊ သွေးထွက်သံယို ကိစ္စများကို အနည်းဆုံးအထိ လျှော့ချနိုင်ခဲ့သော်လည်း လုံခြုံရေးတပ်ဖွဲ့ဝင်များသည် လက်ရှိဖြစ်ပွားနေသော အကြမ်းဖက်မှုများကို မထိန်းသိမ်းနိုင်သေးပေ။ လက်ရှိဖြစ်နေသော အကြမ်းဖက်မှုများမှာ ဆွန်နီအာရပ် လူနည်းစုက ရှီးယိုက် ဦးဆောင်သော အစိုးရအဖွဲ့၏ မမျှတမှုများ ရှိနေသည်ဟူသော မကျေနပ်ချက်များကို အရင်းခံပြီး ဖြစ်ပေါ်နေခြင်းဟု ယူဆနိုင်သည်။
From: The Voice Weekly
