ကယ်လိုရီပိုမိုလောင်ကျွမ်းစေရန် စားသင့်သည့် အစားအစာ ၁၀ မျိုး

ကိုယ်အလေးချိန် လျှော့ချရန်နှင့် ကယ်လိုရီပိုမိုလောင်ကျွမ်းစေရန် နေ့စဉ်စားနိုင်သော အစားအသောက်များစွာ ရှိသည်။ ယင်းအစားအသောက်များမှာ အလွန်အရသာရှိပြီး အံ့သြဖွယ်ကျန်းမာရေး အကျိုးကျေးဇူးများ ရရှိနိုင်သည်။ ယင်းအစားအသောက်များကို သင်၏ နေ့စဉ်(သို့မဟုတ်) သီတင်းပတ်တိုင်းစားသည့် အစားအသောက်တွင် ပေါင်းထည့်လိုက်ပါ။ လေ့ကျင့်ခန်းပုံမှန်လုပ်ရန် မမေ့ပါနှင့်။ ဤနည်းဖြင့် ကယ်လိုရီများစွာ လောင်ကျွမ်းစေမည်ဖြစ်ကာ သင်၏ကျန်းမာရေး ပိုကောင်းလာမည်ဖြစ်သည်။ ကယ်လိုရီ ပိုမိုလောင်ကျွမ်းစေမည့် အစားအသောက် ၁၀ မျိုးကို ဖော်ပြပေးလိုက်ပါသည်။

၁။ ဂရိတ်ဖရု (Great Fruit)

ဂရိတ်ဖရု အသီးများစားခြင်းဖြင့် ခန္ဓာကိုယ်ဇီဝဖြစ်စဉ်ကို လျင်မြန်စေပြီး ကယ်လိုရီများစွာ လောင်ကျွမ်းစေရန် ကူညီနိုင်သည်။ သွေးထဲတွင် ပါဝင်သော ဂလူးကို့စ်ပါဝင်မှုကို ထိန်းညှိရန် ကူညီနိုင်သည့် ဖိုက်ဘာဓာတ်များ ဂရိတ်ဖရုတွင်ကြွယ်ဝစွာ ပါဝင်သည်။

၂။ တရုတ်နံနံကြီး (Celery)

တရုတ်နံနံကြီးတွင် ရိုးရှင်းသော လျှိ့ဝှက်ချက်များရှိသည်။ ကယ်လိုရီအနည်းငယ်သာပါဝင်ပြီး သင်စားသည်ထက် ကယ်လိုရီ ပိုမိုလောင်ကျွမ်းစေရန် ကူညီပေးနိုင်သည်။ တရုတ်နံနံကြီးတွင် ရေဓာတ်အများစုပါဝင်သည်။ သို့သော် တရုတ်နံနံကြီးတစ်မျိုးတည်း စားသုံးရန် မသင့်လျော်သဖြင့် အခြားအစားအသောက်များနှင့် ရော၍ စားသုံးပါက အကောင်းဆုံးဖြစ်သည်။

၃။ သဘာဝဆန်နှင့် ဂျုံ (Whole grains)

သဘာဝဆန်နှင့် ဂျုံများစားခြင်းမှာ ပြန်လည်သန့်စင်ထားသော ဆန်နှင့် ဂျုံကို စားခြင်းထက် ပို၍ ကျန်းမာစေကြောင်း လေ့လာမှုများက ဖော်ပြသည်။ သဘာဝဆန်နှင့် ဂျုံများကို စားခြင်းဖြင့် ပြင်းထန်သော ရောဂါများ ဖြစ်နိုင်သည့်အန္တရာယ်ကို လျှော့ချပေးနိုင်သည်။ အစာခြေဖျက်ရန် အချိန်ပိုကြာသည့် သဘာဝဆန်နှင့် ဂျုံများကို စားခြင်းဖြင့် ဆာလောင်ချိန်ပိုကြာမည်ဖြစ်သည်။ သဘာဝဆန်နှင့် ဂျုံတွင် ဗီတာမင်နှင့် သတ္တုဓာတ်များစွာပါဝင်ပြီး ကာဗိုဟိုက်ဒရိတ်ပါဝင်သော်လည်း အဆီပါဝင်မှု နည်းပါးသည်။

၎။ လက်ဖက်စိမ်း (Greentea)

လက်ဖက်စိမ်းတွင် ဓာတ်တိုးဆန့်ကျင်ပစ္စည်းများ ကြွယ်ဝစွာ ပါဝင်ပြီး ခန္ဓာကိုယ် ဇီဝဖြစ်ပျက်မှုကို အားဖြည့်ပေးနိုင်ကာ ကိုယ်အလေးချိန် လျှော့ချရန် ကူညီနိုင်သည်။

၅။ အိုမီဂါ -၃ (Omega-3)

အိုမီဂါ-၃ မှာ ဇီဝဖြစ်စဉ်ကို ထိန်းညှိပေးသူအဖြစ် လုပ်ဆောင်ကြောင်း သိပ္ပံပညာဆိုင်ရာ စမ်းသပ်မှုများက သက်သေပြထားပြီးဖြစ်သည်။ အဆီများ မည်မျှလျင်မြန်စွာ လောင်ကျွမ်းသည်ကို ထိန်းချုပ်သည့် ဟော်မုန်းပါဝင်မှုအဆင့်ကို ထိန်းချုပ်သော ဖက်တီးအက်စစ်မှာ အိုမီဂါ-၃ ဖြစ်သည်။ အိုမီဂါ-၃ ကို ကျွန်ုပ်တို့ ခန္ဓာကိုယ်မှသာ ထုတ်လုပ်ခြင်းမဟုတ်ဘဲ ငါးမည်းလုံး၊ မြောက်အတ္တလန္တိတ် ငါးသလောက်၊ ဆော်လမွန်ငါးများစားခြင်း (သို့မဟုတ်) အိုမီဂါ-၃ ဖြည့်စွက်စားခြင်းဖြင့်လည်း ရရှိနိုင်သည်။

၆။ ကော်ဖီ (coffee)

ကဖိန်းဓာတ်မှာ ကိုယ်ခန္ဓာ နိုးနိုးကြားကြားရှိစေပြီး ကဖိန်းပါဝင်သော ကော်ဖီသောက်ခြင်းဖြင့် နှလုံးခုန်နှုန်းတိုးလာပြီး သွေးက အောက်ဆီဂျင်များ ပိုမိုရယူကာ ကယ်လိုရီများ ပိုမိုလောင်ကျွမ်းစေသည်။ သို့သော် ကော်ဖီထဲ ထည့်ဖျော်သော ခရင်မ်များ အားလုံးနှင့် သကြားတို့ကြောင့် အကျိုးသက်ရောက်မှုကို ထိခိုက်စေသည်။ သကြားနှင့် ခရင်မ်များ ထည့်မည့်အစား ဥပမာ သစ်ကြံပိုးခေါက် ထည့်သောက်ပါ။

၇။ ထောပတ်သီး (Avocado)

ထောပတ်သီးတွင် ဇီဝဖြစ်ပျက်မှုကို မြန်ဆန်စေသော အဆီဓာတ်ပါဝင်ပြီး ဆဲလ်များ၏ စွမ်းအင်ထုတ်ပေးသော အပိုင်းကို ပျက်စီးခြင်းမှ ကာကွယ်ပေးနိုင်သည်။ ထောပတ်သီးစားခြင်းဖြင့် ကိုလက်စထရောပါဝင်မှုကို လျှော့ချပေးပြီး ဒဏ်ရာများ သက်သာပျောက်ကင်းစေကာ နှလုံးရောဂါနှင့် လေဖြတ်ခြင်း အန္တရာယ်များကိုလည်း လျော့ကျစေနိုင်သည်။ မျက်စိနှင့် ဆံပင်အတွက် အထူးကောင်းသည်။

၈။ အမွှေးအကြိုင်ကဲပြီး အရသာစူးရှသော အစားအစာများ (Spicy Foods)

အမွှေးအကြိုင်ထူးကဲပြီး အရသာစူးရှသော အစားအစာများမှာ ကယ်လိုရီလျင်မြန်စွာ လောင်ကျွမ်းစေသော အစားအစာအုပ်စုတွင် ပါဝင်သည်။ ငရုတ်ကောင်း (သို့မဟုတ်) အချဉ်ရည်အချို့ ပါဝင်သော ပစ္စည်းစာရင်း ဂရုတစိုက်ဖတ်ပြီး စားသုံးပါ။

၉။ ပူဒီနာမျိုးစိတ်ဝင်ပန်းပင်၏ အစေ့များ (Chia Seeds)

Chia အစေ့များတွင် ပရိုတိန်းဓာတ်၊ ဖိုက်ဘာနှင့် အိုမီဂါ-၃ အဆီများ ကြွယ်ဝစွာပါဝင်ပြီး ဇီဝဖြစ်စဉ်ကို အားကောင်းစေရန် ကူညီနိုင်သည်။ ယင်း Chia အစေ့များကို ဖျော်ရည်၊ အသုပ်၊ ဒိန်ချဉ်(သို့မဟုတ်) ဂျုံဖြင့် ချက်လုပ်သော အစားအသောက်များတွင် ထည့်၍ သုံးဆောင်နိုင်သည်။

၁၀။ ဘရာဇီးအခွံမာသီးများ (Brazil nuts)

ကယ်လိုရီပိုမိုလောင်ကျွမ်းစေရန် စားရမည့် အရသာအရှိဆုံး စားစရာများအနက် တစ်ခုမှာ ဘရာဇီး အခွံမာသီးဖြစ်သည်။ ယင်းအခွံမာသီးများစားသုံးခြင်းဖြင့် ကိုယ်ခံအားကောင်းစေပြီး ဇီဝဖြစ်ပျက်မှုကို မြန်ဆန်စေရန် ကူညီပေးနိုင်သည်။ ယင်းအခွံမာသီးများ စားခြင်းက အခြေခံသွိုင်းရွိုက်ဟော်မုန်း၏ သက်ဝင်သော ပုံစံတစ်မျိုးဖြစ်သည့် T3 အဖြစ် ပြောင်းပေးခြင်းဖြင့် ခန္ဓာကိုယ်၏ ဇီဝဖြစ်စဉ်ကို လျင်မြန်စေရန် ကူညီပေးသည်။

အထက်ပါ အစားအသောက်များမှာ ဇီဝဖြစ်စဉ်ကို အားကောင်းစေပြီး ကယ်လိုရီလျင်မြန်စွာ လောင်ကျွမ်းစေသဖြင့် ပိုနေသော ကိုယ်အလေးချိန်ကို လျှော့ချရန် ကူညီနိုင်သည်။ ယင်းအစားအသောက်များ စားပြီး ကိုယ်လက်လေ့ကျင့်ခန်းပြုလုပ်ပါက ကိုယ်အလေးချိန် လျှော့ချရန် အချိန်ကြာကြာ စောင့်ရမည် မဟုတ်ပေ။

_womanitely
7 Day Daily

ဆက်ဖတ်ရန်>>>>

မောင်တောနယ်စပ် တိုက်ပွဲများဖြစ်ပွားပြီးနောက် ညမထွက်ရအမိန့် တင်းကျပ်

မောင်တော၊ ဇွန် ၇

မေ ၁၃ရက်မှ ၂၉ရက်အထိ မြန်မာ-ဘင်္ဂလား ဒေ့ရ်ှနယ်စပ် မိုင်တိုင်တစ်လျှောက် တွင် RSO လက်နက် ကိုင်သောင်း ကျန်းသူများနှင့် မြန်မာ နယ်စပ် လုံ ခြုံရေးတပ်ဖွဲ့ဝင်များ တိုက်ပွဲဖြစ်ပွား မှုကြောင့် မောင်တော နယ်စပ်တွင် ညမထွက်ရ အမိန့်ကို တင်းကျပ် ထား ကြောင်း သိရသည်။
''ညအချိန် လုံခြုံရေးကားတွေ အရင်ထက်ပတ်တာ တွေ့နေရတယ်၊ ရဲတွေအပြင် စစ်တပ်လဲပါတယ်၊ အ ရင်တုန်းက နားလည်မှုနဲ့ ညမထွက် ရတဲ့ အချိန်ထက် နည်းနည်းလွန် သွားရင်လဲ သွားလာလို့ ရပေမယ့် ဒီရက်ပိုင်း အတွင်းမှာ အချိန်လွန်ပြီး မနေဖို့ မနေ့ညက လုံခြုံရေးအရာ ရှိတစ်ဦးက ပြောခဲ့တယ်''ဟု မြို့ခံ တစ်ဦးက ပြောသည်။

ယခုအခါ ၂၀၁၂ခုနှစ်က မောင် တောနယ်စပ်တွင် ဆူပူအကြမ်းဖက် ခံရသည့် ဇွန် ၈ရက်နေ့သည်လည်း နီးကပ်လာနေပြီး ဆူပူ အကြမ်းဖက် မှုများ တစ်နည်းမဟုတ်တစ်နည်း ဖြစ်ပွားလာနိုင်သောကြောင့် လုံခြုံရေး ကို ဂရုစိုက်ရန် အရေးတကြီး လို နေကြောင်း ယင်း က ထပ်မံပြောကြား သည်။
''မသီတာထွေးဖြစ်စဉ်က မေ ၂၈ရက်၊ တောင်ကုတ်ဖြစ်စဉ်က ဇွန် ၃ရက်၊ မောင်တောဖြစ်စဉ်က ဇွန် ၈ ရက်ဆိုတော့ ဒီကာ လတွေ မှာ လုံခြုံ ရေးတာဝန်ယူထားတဲ့သူတွေနဲ့ ဒေသ ခံတွေက အရင်ကထက် သတိရှိဖို့ လိုပါတယ်''ဟု ဌာနဆိုင်ရာမှ တာဝန် ရှိသူ တစ်ဦးက သုံးသပ်ပြောသည်။
ယခုအခါ မောင်တောနယ်စပ်တွင် ညမထွက်ရအမိန့်ကို ည ၁၁နာရီ မှ နံနက် ၄နာရီအထိ သတ်မှတ်ထား သည့်အတွက် ဒေသခံ များ အနေဖြင့် သတ်မှတ်ထားသည့် အချိန်ထက် ကျော်လွန်ကာ လမ်းထွက်ခြင်းများ မပြုလုပ်ရန် လိုအပ်ကြောင်း သိရ သည်။

NT
[--Democracy today Daily Newspaper--]

ဆက်ဖတ်ရန်>>>>

မိဘသဘောမတူသောသူနှင့်ယူသည့်အတွက် ဖခင်က ပစ်သတ်ခဲ့သည့် ဆယ်ကျော်သက် မိန်းကလေးအသက်ရှင်

ပါကစ္စတန်နိုင်ငံတွင် အသက် (၁၈)နှစ်အရွယ် ဆယ်ကျော်သက်မိန်းကလေးတစ်ဦးကို မိသားစုသဘောမတူသူနှင့် လက်ထပ်ခဲ့သည့်အတွက် ဖခင်က သေနတ်ဖြင့်ပစ်ပြီး မြောင်းထဲသို့ပစ်ချသော်လည်း မိန်းကလေးမှာ ကံကောင်းထောက်မစွာ အသက်ရှင်နေသေးသည်ဟု သိရသည်။

ဒေသခံရဲအရာရှိ အလီအကဘာ၏ ပြောကြားချက်အရ အဆိုပါမိန်းကလေး၏ ဖခင်သည် အမျိုးများနှင့်အတူ အစ္စလာမ်မာဘတ်နှင့် ကီလိုမီတာ ၂၀၀ အကွာရှိ ဟီဖာစဖတ်မြို့တွင် သမီးဖြစ်သူအား ပစ်ခတ်ရိုက်နှက်ခဲ့သည်ဟု ဆိုသည်။

မိန်းကလေးဆာဘာမက်ဆွဒ်က အနီးအနားမြို့မှ ယောက်ျားတစ်ယောက်နှင့် ချစ်ကြိုက်ခဲ့ပြီး ပြီးခဲ့သည့်သီတင်းပတ်က လက်ထပ်ခဲ့သည်။ ဖခင်ဖြစ် သူက ဆာဘာကိုမရိုက်နှက်ပါဟု ကတိပေးပြီး အိမ်သို့ပြန်ခေါ်သွားခဲ့သည်။ သို့သော် မိသားစုဝင်များက ဆာဘာကိုရိုက်နှက်ခဲ့ကြပြီး နောက်နေ့တွင် ဖခင်ဖြစ်သူက လူပြတ်သောနေရာတစ်နေရာသို့ခေါ်သွားကာ သတ်ရန်ကြိုးစားခြင်းဖြစ်သည်။

ဖခင်ဖြစ်သူက ၎င်းကို သေနတ်ဖြင့် ပစ်ချိန်တွင် ဦးလေးများကကြည့်နေခဲ့ကြပြီး ၎င်းအား ဖျင်အိတ်ထဲထည့်ကာ မြောင်းထဲပစ်ချခဲ့သည်ဟု ဆာဘာက ပြောကြောင်း ရဲအရာရှိအကဘာက ရှင်းပြသည်။

‘‘သူ့အဖေနဲ့ အမျိုးတွေက သူ့ကိုသေပြီလို့ထင်ကြတယ်။ ဒါပေမဲ့ သူက သတိပြန်ရလာပြီး အိတ်ကိုခွဲပြီး မြောင်းထဲကနေထွက်လာခဲ့တာ’’ဟု ၎င်းရဲအရာ ရှိက ပြောသည်။

မြောင်းထဲကနေလွတ်လာသော ဆာဘာမှာ လုံခြုံရေးများရှိသည့် ဓာတ်ဆီဆိုင်သို့ရောက်ရှိလာခဲ့သည်ဟု ဆိုသည်။ ရဲများက ယခုအခါ ဖခင်ဖြစ်သူနှင့် ဆာဘာကို ဝိုင်းရိုက်ခဲ့သော ဆွေမျိုးများအား နေရာအနှံ့လိုက်ရှာနေသည်။

ပါကစ္စတန်နိုင်ငံ ဥပဒေများအရ အမျိုးသမီးများကိုသတ်လျှင် မိသားစုနှင့် ဆွေမျိုးများကို သွေးလျော်ကြေးဟုခေါ်သော လျော်ကြေးငွေပေးပြီး အမှုကိုကျေအေးနိုင်သည့်ထုံးစံရှိပါသည်။ ပြီးခဲ့သည့်အပတ်ကလည်း ပါကစ္စတန်လာဟိုးမြို့တွင် အသက် (၂၅)နှစ်အရွယ် အမျိုးသမီးတစ်ဦးကိုသဘောမတူသူနှင့် လက်ထပ်မှုဖြင့် မိဘဆွေမျိုးများက ကျောက်တုံးဖြင့်ပေါက်သတ်ခဲ့သည်။ ထိုကဲ့သို့ မိဘဆွေမျိုးမိသားစုဆန္ဒကို ဆန့်ကျင်သည့် အမျိုးသမီးများအား အဆုံးစီရင်ခြင်းကို ဂုဏ်သိက္ခာအတွက် အဆုံးစီရင်ခြင်းဟု ယူဆလေ့ရှိသည်။

(အေပီသတင်းကို ဘာသာပြန်ဆိုထားပါသည်။)
7 Day Daily

ဆက်ဖတ်ရန်>>>>

နေရာအချို့တွင် မိုးကြီးနိုင်

ဘင်္ဂလားပင်လယ်အော်တွင် မုတ်သုံလေအားအလွန်ကောင်းနေသောကြောင့် ပဲခူးတိုင်းဒေသကြီး၊ ကရင်ပြည်နယ်နှင့် မွန်ပြည်နယ်အချို့ဒေသများတွင် ၂၄ နာရီအတွင်း မိုးရေချိန် ၅ လက်မမှ ၈ လက်မအထိ မိုးရွာသွန်းနိုင်ပြီး မိုးကြီးနိုင်ကြောင်း မိုးလေဝသပညာရှင် ဒေါက်တာထွန်းလွင်က သတိပေးထားသည်။

‘‘မုတ်သုံလေက တစ်ကျော့ပြန်အားကောင်းလာတာ။ ဒါကြောင့် ဒေသတချို့ နေရာကွက်ပြီး မိုးကြီးနိုင်လို့ ခန့်မှန်းသတိပေးချက်ထုတ်ထားတာပါ’’ဟု ဒေါက်တာထွန်းလွင်က ပြောသည်။

ဒေသအချို့တွင် နေရာကွက်၍ မိုးကြီးနိုင်သကဲ့သို့ မိုးနည်းနေသည့် မြန်မာနိုင်ငံအလယ်ပိုင်းနှင့် အထက်ပိုင်းဒေသများအပါအဝင် တစ်နိုင်ငံလုံးအနှံ့ နေရာကျဲကျဲ (သို့မဟုတ်) နေရာစိပ်စိပ် မိုးရွာသွန်းနိုင်ကြောင်း ပြောသည်။

ကမ်းရိုးတန်းဒေသများတွင်လည်း လေပြင်းအန္တရာယ်ရှိနေပြီး မွန်၊ တနင်္သာရီကမ်းရိုးတန်းတစ်လျှောက်တွင် လှိုင်းအမြင့် ၁၀ ပေခန့်အထိရှိနိုင်ကာ လေတိုက်နှုန်းမှာ တစ်နာရီလျှင် ၃၅ မိုင်မှ မိုင် ၄၀ အထိ တိုက်ခိုက်နိုင်ကြောင်း သတိပေးထားသည်။

မိုး/ဇလဌာန၏ ဇွန်လ ၈ ရက်ညနေအထိ ခန့်မှန်းချက်တွင် တနင်္သာရီတိုင်းဒေသကြီးနှင့် မွန်ပြည်နယ်တို့တွင် နေရာကွက်၍ မိုးကြီးနိုင်ကြောင်း သတင်း ထုတ်ပြန်ထားသည်။

7 Day Daily

ဆက်ဖတ်ရန်>>>>

ဟိုတယ်ခ ဈေးမြင့်သည်ဟု ဆိုကာ နိုင်ငံခြားသားတစ်ဦး ကလေးတွင် ဆန္ဒပြ

ကလေး၊ ဇွန် ၇

စစ်ကိုင်းတိုင်းဒေသကြီး ကလေးမြို့တွင် ဇွန်လ ၆ ရက်နေ့က ဟိုတယ် အခန်းခများ ဈေးနှုန်း မြင့်မားသောကြောင့် တည်းခိုနိုင်ခြင်း မရှိဟုဆိုကာ ပြင်သစ်နိုင်ငံသားတစ်ဦး ဆန္ဒပြမှု ဖြစ်ခဲ့ကြောင်း အောင်ရတနာ ဟိုတယ်လုပ်ငန်းရှင် ဦးအေးဖေက ပြောကြားသည်။


ယင်းပြင်သစ်နိုင်ငံသားသည် ကလေးမြို့ မင်္ဂလာဥယျာဉ် ရပ်ကွက်ရှိ အောင်ရတနာ ဟိုတယ်သို့ နံနက် ၈ နာရီခန့်က ရောက်ရှိခဲ့ပြီး တစ်ရက် တည်းခိုခ အမေရိကန်ဒေါ်လာ ၂၀ သည် တည်းခိုခ ဈေးနှုန်း မြင့်မားသည်ဟု ဆိုကာ ဟိုတယ်ရှေ့ရှိ “နိုင်ငံခြားသားများကို ကူညီစောင့်ရှောက်ပါ” ဟု ရေးထားသည့် ဆိုင်းဘုတ်အောက်တွင် ဖျာခင်း၍ နေခဲ့ကြောင်း ၎င်းက ပြောဆိုသည်။

“တခြားဟိုတယ်တွေကို မေးပြီးမှ ကျွန်တော့်ဟိုတယ် ရောက်လာတယ် ပြောတယ်။ ဟိုတယ်ခက ကျွန်တော်တို့ ပေးတဲ့ ဝန်ဆောင်မှုနဲ့ သတ်မှတ်ထားတဲ့ ဈေးနှုန်းပါ။ ဘယ်နိုင်ငံခြားသားမဆို ဒီဈေးပဲ” ဟု ၎င်းက ရှင်းပြသည်။

မြစ်ကြီးနားမှတစ်ဆင့် မန္တလေး၊ ထိုမှတစ်ဆင့် ကလေးမြို့သို့ ကုန်းလမ်းခရီးဖြင့် ရောက်ရှိခဲ့သူ ဖြစ်ကြောင်း၊ ထိုမြို့များတွင် တစ်ည တည်းခိုခမှာ အမေရိကန်ဒေါ်လာ ၈ ဒေါ်လာ (ရှစ်ထောင်ကျပ်) ခန့်သာ ရှိကြောင်း၊ ကလေးမြို့တွင်မူ ဈေးနှုန်း မြင့်သောကြောင့် တည်းခိုနိုင်ခြင်း မရှိ၍ ယခုကဲ့သို့ နေခြင်းဖြစ်ကြောင်း ဆန္ဒပြသည့် ပြင်သစ်နိုင်ငံသား Mr. FACQUES CUILLAUME JEAN CLAUDE က ပြောကြားသည်။

ချင်းပြည်နယ်သို့လည်း ဆက်လက် သွားရောက်မည် ဖြစ်ပြီး မြန်မာနိုင်ငံသို့ အလည်လာရောက်ခြင်း ဖြစ်ကြောင်း၊ ချင်းတောင်သို့ သွားရောက်ရန်အတွက် ကလေးမြို့တွင် တည်းခိုခြင်း ဖြစ်ရာ ဟိုတယ်ခ ဈေးကြီးသဖြင့် ညမအိပ်နိုင်သောကြောင့် ကလေးမြို့နယ် လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေး ဦးစီးဌာန၏ ညှိနှိုင်းပေးချက်ဖြင့်သာ တည်းခိုခဲ့ရကြောင်း ၎င်းက ဆက်လက် ပြောဆိုသည်။

ယင်းဖြစ်စဉ်နှင့် ပတ်သက်၍ အောင်ရတနာ ဟိုတယ်ပိုင်ရှင်နှင့် ညှိနှိုင်းကာ နေထိုင်ရေး အဆင်ပြေစေရန် စီစဉ်ပေးခဲ့ကြောင်း ကလေးမြို့နယ် လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေး ဦးစီးဌာန ဦးစီးအရာရှိ ဦးသိန်းဇော်က ပြောကြားသည်။

ယင်းသို့ ညှိနှိုင်းပေးခြင်းနှင့် ပတ်သက်၍ “တစ်ယောက်ကို ဈေးလျှော့ပြီး တည်းခိုင်းလိုက်တယ် ဆိုရင် နောက်ထပ် ဒီလိုမျိုး ဖြစ်လာမှာ စိုးရိမ်တယ်” ဟု အောင်ရတနာ ဟိုတယ်ပိုင်ရှင် ဦးအေးဖေက ညည်းတွား ပြောဆိုသည်။

ဟိုတယ်များ၏ တည်းခိုခ ဈေးနှုန်း သတ်မှတ်ချက်မှာ လုပ်ငန်းရှင်များနှင့်သာ သက်ဆိုင်ပြီး ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာန အနေနှင့် နိုင်ငံခြားသား အဝင်အထွက်သာ စာရင်းပြုခြင်း ဖြစ်ကြောင်း ယင်းဝန်ကြီးဌာန ကလေးမြို့နယ် မြို့နယ်ဦးစီးအရာရှိ ဦးခိုင်မွန်က ပြောကြားသည်။

ကလေးမြို့တွင် တည်းခိုခဈေးနှုန်း ကြီးမြင့်သည်ဟု ဆိုကာ လာရောက် တည်းခိုသူများ ဆန္ဒပြမှု မရှိခဲ့သောကြောင့် ယခုဖြစ်ရပ်သည် ကလေးမြို့တွင် ပထမဆုံး ဖြစ်ကြောင်း၊ နိုင်ငံခြားသား တစ်ဦးလျှင် တစ်ည တည်းခိုက အမေရိကန်ဒေါ်လာ ၃၀ သတ်မှတ်ထားကြောင်း ကလေးမြို့တွင် နိုင်ငံခြားသားအများစု အဓိကတည်းခိုရာ ဟိုတယ်ဖြစ်သည့် တောင်ဇလပ်ဟိုတယ် မန်နေဂျာက ပြောကြားသည်။

The Voice Weekly

ဆက်ဖတ်ရန်>>>>

တက္ကသိုလ် ၀င်တန်း စာမေးပွဲကျ၍ မောင်တောတွင် ကျောင်းသူ တစ်ဦး ဆေးသောက် သေဆုံး

မောင်တော၊ ဇွန် ၇

ရခိုင်ပြည်နယ် မောင်တောမြို့နယ် ကြိမ်ချောင်းကျေးရွာမှ တက္ကသိုလ်ဝင်တန်း ဖြေဆိုထားသူ ကျောင်းသူတစ်ဦးသည် ဂုဏ်ထူးပါမည်ဟု မှန်းထားသော်လည်း စာမေးပွဲ ကျဆုံးသဖြင့် သွေးကျဆေး ၂၂ လုံး သောက်ပြီး သေဆုံးသွားကြောင်း အဆိုပါကျေးရွာမှ ကျောင်းဆရာမတစ်ဦးက ပြောကြားသည်။

သေဆုံးသူ ကျောင်းသူမှာ အသက် ၁၈ နှစ်အရွယ် မမေသန်းစိုး ဖြစ်ပြီး တက္ကသိုလ်ဝင်တန်း စာမေးပွဲကို သုံးနှစ် ဖြေဆိုခဲ့ကြောင်း ၎င်းနှင့် နီးစပ်သည့် အသိုင်းအဝိုင်းမှ သိရှိရသည်။

“စာမေးပွဲကျမှန်း ရင်းနှီးတဲ့ ကျောင်းဆရာတစ်ဦးက ပြောလိုက်တော့ စိတ်ထိခိုက်ပြီး သူ့အဖေ သောက်နေတဲ့ သွေးကျဆေး ၂၂ လုံးကို သောက်ပြီး သေသွားတာပါ” ဟု ယင်းကျေးရွာမှ ကျောင်းဆရာမတစ်ဦးက ဆိုသည်။

မမေသန်းစိုးသည် ဇွန်လ ၆ ရက်နေ့ ည ၁၀ ခန့်တွင် စာမေးပွဲ ကျဆုံးကြောင်းကို သိရှိခဲ့ပြီး ယင်းညဥ့်တွင် သွေးကျဆေးများကို သောက်သုံးခဲ့ရာ ဇွန်လ ၇ ရက်နေ့ နံနက် ၅ နာရီခန့်တွင် သေဆုံးခဲ့ခြင်း ဖြစ်ကြောင်း၊ ဇွန်လ ၇ ရက်နေ့ ညပိုင်းတွင် ၎င်းကို သင်္ဂြိုဟ်လိုက်ကြောင်း ၎င်းနှင့် နီးစပ်သည့် အသိုင်းအဝိုင်းထံမှ သိရှိရသည်။

မောင်တောမြို့နယ်တွင် စာစစ်ဌာန လေးခုအနက် ကြိမ်ချောင်း အခြေခံပညာ အထက်တန်းကျောင်းရှိ စာစစ်ဌာနတွင် ၂၀၁၃-၂၀၁၄ တက္ကသိုလ်ဝင်တန်း ဖြေဆိုသူပေါင်း ၃၈၀ ဦးရှိပြီး ၂၇ ဦး အောင်မြင်ခဲ့ကြသည်။

(ခင်မောင်အေး)

The Voice Weekly

ဆက်ဖတ်ရန်>>>>

Stitches ချုပ်ရိုး

သမီးက ဗိုက်ခွဲပြီး ကလေးမွေးထားတာ ၈ ရက်မြောက်နေ့ရှိနေပါပြီ။ ချုပ်ရိုးက နာပြီး စပ်သလိုဖြစ်ပါတယ်။ ခွဲပြီးစမှာ အဲဒီလို ဖြစ်တတ်ပါလားရှင့်။ ချုပ်ရိုးက ဘယ်အချိန်လောက်မှာကျက်ပြီး သွားနိုင်လာနိုင်ပါသလဲရှင့်။ ဘေးစောင်းအိပ်လို့လဲ မရသေးပါဘူးရှင့်။

• ဗိုက်ခွဲတာတိုင်းမှာ အရေပြား၊ အဆီ၊ ကြွက်သား၊ အရွတ်လွှာ၊ ဗိုက်ဖုံးလွှာဆိုပြီး၊ ၄ ထပ်၊ အဆင့်ဆင့် ခွဲရ၊ ချုပ်ရတယ်။ ကလေးဖွါးတာဆိုရင် သားအိမ်ကိုပါ ၃ ထပ်ချုပ်ပေးရတယ်။
• နာတာမှာ ခံစားမှု မတူတာရှိတယ်။ ဗိုက်ကို တခါမကခွဲရသူတွေဆိုရင် သတိထားစရာတခုရှိတယ်။ တခါခွဲတိုင်း တွယ်ကပ်ဖြစ်စဉ် ဖြစ်ကြရတယ်။ တွယ်ကပ်မှုကြောင့် နာတတ်တယ်။ “Adhesion ခွဲစိတ်ရရင် တွယ်ကပ်မှု ဖြစ်တယ်” စာတပုဒ်သပ်သပ် ရေးထားပါတယ်။ လိုအပ်ရင် စစ်ဆေးပြုပြင်ပေးမယ်။
• ခွဲစိတ်မှုမှာ အသေးစားနဲ့ အကြီးစားရှိတယ်။ ဗိုက်ခွဲရရင်တော့ အကြီးစားထဲမှာပါမယ်။ မေ့ဆေးနဲ့ခွဲတာနဲ့ ခါးထုံဆေးနဲ့ ခွဲရတာတွေလဲ အကြီးစားလို့ ယေဘုယျ ပြောနိုင်တယ်။
• အနာ၊ ဒဏ်ရာနဲ့ ခွဲစိတ်နာတွေက အပေါ်ယံအရေပြား ကျက်ဘို့ (၈) ရက်ထက်မစောင့်ရပါ။ ခေါင်းပိုင်းဆို (၅) ရက်သာ ကြာတယ်။ STO ချုပ်ရိုးဖြေတဲ့ရက်တွေဖြစ်ပါတယ်။ အရိုးကျိုးထားတာက အချိန်ပိုယူပါမယ်။
• အရေပြားအောက်က အဆီ၊ ကြွက်သားနဲ့ အင်္ဂါအစိတ်အပိုင်းတွေလဲ ရက်တူလောက်မှာ အနာကျက်ပါတယ်။
• အကြမ်းဖျဉ်း နှစ်ပါတ် (၁၄ ရက်) ဆိုရင် အနာကောင်းကောင်းကျက်ပြီလို့ပြောနိုင်တယ်။ ပိုးဝင်လို့ အနာရင်းတာ၊ ချုပ်ရိုးကြောင်းဟသွားတာ၊ ပွင့်သွားတာ မဟုတ်ရင်ပြောတာဖြစ်ပါတယ်။
• ဗိုက်ကိုအကြီးစားခွဲစိတ်မှုလုပ်ပြီး ချုပ်ရိုးကြောင်းတခုလုံး ဟပွင့်ထွက်ထွက်တာမျိုးက ရက်စေ့လို့ ချုပ်ရိုးဖြေတဲ့ရက်မှာဘဲ ဖြစ်တယ်။ ကျွန်တော့်ဆရာဝန်သက်တမ်းအတွင်း အနည်းဆုံး (၃) ယောက်လောက်တွေ့ရဘူးတယ်။ ပြန်ချုပ်ရာမျာ အထူးစီမံပြီး ချုပ်ပေးရတယ်။ အဲလိုလူမျိုးကတော့ နောက်တခါ ချုပ်ရိုးဖြည်ဘို့ ရက်ပိုစောင့်ရမယ်။
• ချုပ်ရိုးမှာ လုံးလုံးလေးတွေလိုစမ်းတွေ့တာက စိုးရိမ်စရာမရှိပါ။ အရေပြားကိုချုပ်တဲ့ အပ်ခြည်၊ အောက်က အလွှာတွေကို ချုပ်တဲ့ အသားဖြစ်ချုပ်ကြိုး (ကက်ဂတ်) တွေက အမာရွတ်ဖြစ်စဉ်မှာ စုနေလို့သာဖြစ်ပါမယ်။ ကြာလေ အသားကျလေ ဖြစ်မယ်။ တကယ်လို့ နေရာတခုစီလောက်မှာ အနာလို ပန်းရောင်၊ အနီရောင် နေရာလေးတွေ ရှိရင်တော့ အထဲက ချုပ်ရိုးစလေး ထွက်ချင်လို့နေမယ်။ ထုတ်ပေးလိုက်ရင် ပျောက်သွားပါမယ်။
• ခွဲစိတ်ပြီးနောက် မေ့ဆေး၊ ထုံဆေးပျယ်တာနဲ့ လှုပ်ရှားမှုစနိုင်တယ်။ စလဲစသင့်တယ်။ (ဟာနီယာ) အူကျတာကို ခွဲစိတ်တာ၊ (ပလပ်စတစ်) ခွဲစိတ်တာစတဲ့ တချို့ ချွင်းချက်ကလွဲရင် ပြောတာဖြစ်ပါတယ်။
• အသက်ကြီးသူတွေဆိုရင် ခြေထောက်လှုပ်ရှားမှုကို မဖြစ်မနေလုပ်စေတယ်။ လမ်းလျှောက်နိုင်တာလဲ ရက်မကြာပါ။
• လေ့ကျင့်ခန်းလုပ်တာမျိုးအတွက် အနည်း-အများနဲ့ အပြင်း-အပြော့ကွာမယ်။ ဘာလုပ်လုပ် ဖြေးဖြေး၊ နည်းနည်းကနေ စသင့်တယ်။
• ၄ ပါတ်ဆိုရင် မခွဲစိတ်ခင်ကလို လုပ်နိုင်ပါပြီ။ ခွဲထားတဲ့နေရာအတွက်သာ စောင့်ကြရတာဖြစ်ပါတယ်။ လက်ကို ခွဲထားသူက ဗယ်လီလေ့ကျင့်ခန်း လုပ်လို့ ရပါတယ်။
• အမျိုးသမီးတွေ တင်ပါးဆုံနေရာ၊ မွေးဖွါးလမ်းမှာ ခွဲစိတ်ရသူဆိုရင် (ကီဂယ်လ်) လေ့ကျင့်ခန်းလိုမျိုးကတော့ (၂) ပါတ် ထက်ပိုပြီး စောင့်စရာမလိုပါ။ သားအိမ်နဲ့ မွေးလမ်း (ဗဂျိုင်းနား)၊ ဆီးလမ်းအားကောင်းစေဘို့လုပ်နည်းကို ဆိုလိုတာပါ။ သားအိမ်-ဆီးအိမ်ကျတာ သက်သာစေတယ်။ စာတပုဒ်သပ်သပ် ရေးထားပါတယ်။
• လေ့ကျင့်ခန်းနဲ့အတူ၊ အစားအသောက်နဲ့ လိုမဲ့ဆေးတွေလဲ ကူသင့်တယ်။ ဥပမာ မျှတလုံလောက်တဲ့ အာဟာရ စားသောက်ရမယ်။ (တစ်ရှူး) တွေ အသစ်ဖြစ်စေအောင် (ပရိုတင်း) ဓါတ် မနည်းစေရပါ။ ကြွက်သား အားကောင်းအောင် (ပိုတက်ဆီယမ်) အပိုဆောင်းလိုနိုင်တယ်။ (ပိုတက်ဆီယမ်) များတဲ့အစားအသောက်တွေ လိုမယ်။ ဗီတာမင် (စီ) လဲ ၅ဝဝ မီလီဂရမ် သောက်တာ ကောင်းပါတယ်။
• Chimose လိုဆေးပေးတာအတွက် ခွဲစိတ်ဆရာဝန်တိုင်းက ကောင်းတယ်-မကောင်းဘူးဆိုတာ သဘောထားမတူကြပါ။
• ခွဲစိတ်မှုနည်းနာတွေ ပါဖက် ဖြစ်ရင် ခွဲစိတ်တာအတွက် ပိုးသေဆေး မပေးတာလဲရှိတယ်။ တချို့ ခွဲစိတ်မှုတွေမှာတော့ မခွဲခင်ကတည်းက ပိုးသေဆေးပေးထားရတယ်။

ဒေါက်တာတင့်ဆွေ

ဆက်ဖတ်ရန်>>>>

၉ ပေရှည်တဲ့ ငါးမန်းကြီးကို ဘယ်လိုသတ္တဝါကြီး စားလိုက်သလဲ ???

သြစတေးလျ ပင်လယ်ပြင် တခုမှာ ၉ ပေအရှည်ရှိတဲ့ ငါးမန်းဖြူကြီးတကောင်ကို ရေထဲက သတ္တဝါ တကောင် က ကိုက်စားခဲ့ပါတယ်။

ဒီဖြစ်ရပ်ကြောင့် လူတွေလည်း နောက်ဆိုရင် ပင်လယ်ပြင်ခရီးသွားရင် လက်ရှိ လှေသင်္ဘောတွေထက် ကြီးတာနဲ့ သွားမှ ဖြစ်မယ်လို့ တွေးလာကြတယ်တဲ့။

သြစတေးလျ သိပ္ပံပညာရှင်တွေအပြောအရ ဒီလောက် ကြီးတဲ့ ငါးမန်းကို စားတာ Godzilla ( ဂေါ်ဇီလာ) သို့မဟုတ် Kraken ( ပင်လယ်ရေဘဝဲကြီး ) ထက် ကြီးတဲ့ Sea Monster တကောင်ကများ ကိုက်စားတာ လားလို့ ယူဆတာမျိုးလည်း ရှိပါသတဲ့။ Sea Monster ဆိုတာ ဒဏ္ဍာရီလာ ပင်လယ် နဂါးကြီးလိုဖြစ်မယ် ထင်ပါတယ်။

ဘာကြောင့်လည်း ဆိုတော့ ငါးမန်းကို ခြေရာခံနိုင်တဲ့ ကိရိယာတခု တပ်ပေးပြီး စောင့်ကြည့်ခဲ့တယ်တဲ့။ ပထမတော့ ငါးမန်းကို လွှတ်လိုက်ပြီး ၂ လလောက်ကြာတော့ ကမ်းခြေနား ပြန်ရောက်လာခဲ့တယ်တဲ့။

ဒါနဲ့ တနေ့ စောင့်ကြည့်နေတုန်း ငါးမန်းကြီးက ပင်လယ်ရေမျက်နှာပြင် အပေါ်ယံနားကနေ ရုတ်တရက်ဆို သလို သမုဒ္ဓရာ ကြမ်းပြင်ဆီ ပေ ၁၉၉ဝ လောက်ထိ ဆွဲချသွားတယ်လို့ ခြေရာခံ ကိရိယာက ညွှန်ပြတယ်လို့ ဆိုတယ်။

ပညာရှင်တွေ တပ်ထားတဲ့ ခြေရာခံ ကိရိယာလည်း အပူချိန်တွေ မြင့်တက် လာတာ သိရပြီး ဒါဟာ အစာအိမ်တခုထဲ က အပူရှိန်မျိုး ဖြစ်မယ်လို့ ယူဆကြပါသတဲ့။ အခုထိတော့ ငါးမန်းကြီးကို ဘယ်သတ္တဝါ စားလိုက်သလဲဆိုတာ ပဟေဠိဖြစ်နေဆဲပါဘဲတဲ့။ သုတေသနပြုထားတဲ့ မှတ်တမ်းကို ပြန်လည်ဖော်ပြပေး လိုက်ပါတယ်။




ဧရာဝတီ

ဆက်ဖတ်ရန်>>>>

လက်သန်းဗေဒင်တွက်လိုလျှင်

သင့်ရဲ့  လက်သန်းလေး တွေကို ကြည့်လိုက်ပါ။ ( အမျိုးသား ဆို ဘယ်ဘက်၊ အမျိုးသမီး ဆို ညာဘက်။ ) လက်သန်းမှာ အပိုင်း သုံးပိုင်း ကန့် ထားပါတယ်။ အဲ့ဒီ သုံးပိုင်း အရ အရှည်ဆုံး အပိုင်း ရဲ့  အားသာချက်တွေပါ။

1. လက်သန်း ထိပ်ဆုံးက အရှည်ဆုံး ဖြစ်ပါတယ်။ သင်ဟာ… ဆွဲဆောင်မှု ရှိတယ်၊ ဘာသာစကားကြွယ်ဝတယ်၊ တစ်ယောက်ယောက်ကို ဖော်ပြတဲ့ အခါမှာ ကျွမ်းကျင်တယ်၊ လေ့လာ ခြင်း ကောင်းတာကြောင့် သူများတွေရဲ့  အရူးလုပ်ခြင်း မခံ၇ပါ။
2.လက်သန်း အလယ်ပိုင်းက တစ်ခြား အပိုင်းတွေထက် ရှည်နေမယ်ဆိုရင် သင်ဟာ သူများ ကို စိတ်ရှည်လက်ရှည် နဲ့  ပြုစု စောင့်ရှောက်ဖို့  ပင်ကိုယ် ကောင်းပြီးသားပါ။ ကျန်းမာရေး နယ်ပယ်မှာ လုပ်နေတဲ့ ၀န်ထမ်းတွေ တော်တော်များများ ဒီလို လက်သန်းမျိုး ပိုင်ကြပါတယ်။

3. လက်သန်း အောက်ဆုံး အပိုင်းက ပိုပြီး ရှည်နေခဲ့မယ်ဆိုရင် သင်ဟာ လွတ်လပ်ခြင်းကို နှစ်သက်တယ်။ အပူအပင်မရှိတဲ့ ဘ၀ကို အေးအေး ဆေးဆေးနေချင်တယ်။ သင်ဟာ အချက်လက်လက် ကျကျ နဲ့  စကားကို ပြန်ပြောနိူင်စွမ်းရှိတယ်။

ထိုနည်းတူစွာ အဲဒီ သုံးပိုင်း အရ အတိုဆုံး အပိုင်း ရဲ့  အားနည်း ချက်တွေပါ။

4. လက်သန်း အပေါ်ဆုံး အပိုင်းက အတိုဆုံး ဆိုရင် သင်ဟာ သင့်ကိုယ်သင် ဖော်ပြနိူင်မှု အားနည်းတယ်။ သင်ဟာ မွေးလာကတည်းက ရှက်တတ်တာကြောင့် သင့်ကိုယ်သင် နားလည် ရန်ခက်ခဲ့ပါတယ်။ သင်ဟာ အပေါင်းအသင်းတွေ ကြားမှာတော့ သိပ် ထင်ပေါ် ကျော်ကြားခြင်းမရှိပါဘူး။

5. လက်သန်း အလယ်ပိုင်းက အတိုဆုံး ဆိုရင် သင်ဟာ သစ္စာ ရှိတဲ့ လူတစ်ယောက်ဖြစ်တယ်။ သင့် စိတ်သဘောထားတွေက အမြဲတမ်း တူညီနေသလို သင့် ဟာ လိုက်လျောညီထွေစွာ မပြောင်းလဲတတ်ပါဘူး။ ဒါဟာ အားသာချက် ဖြစ်ပေမယ့် တစ်ဖက်မှာတော့ သင်ဟာ ခေါင်းမာတတ်တဲ့လူတစ်ယောက် ဆိုတာ ဖော်ပြနေပါတယ်။

6.လက်သန်း အောက်ဆုံး အပိုင်းက အတိုဆုံး ဆိုရင် သင်ဟာ တစ်အား ရိုးစင်းပြီး သူများ အပေါ် ခဏလေး နဲ့ ယုံတတ်ပါတယ်။ တစ်အား ရိုးတော့ တစ်ခါ တစ်လေ သူများ အပေါ် မယဉ်ကျေးတာမျိုး မသိနားမလည်တာမျိုး ဖြစ်တတ်ပါတယ်။

မြန်မာ.ရိုးရာဗေဒင်ပညာရပ်

ဆက်ဖတ်ရန်>>>>

အမြို့မြို့ အနယ်နယ်မှ တက္ကသိုလ်ဝင်စာမေးပွဲအောင်မြင်မှု

သန်လျင်
သန်လျင်မြို့နယ်တွင် ဖြေဆိုသူ ၂၉၉၅ ဦး ရှိပြီး အောင်မြင်သူ ၉၂၂ ဦး အောင်ချက်ရာခိုင်နှုန်းမှာ ၃၀ ဒသမ ၇၈ ရာခိုင်နှုန်းဖြစ်ပြီး ဘာသာစုံဂုဏ်ထူးရှင် ငါးဦးထွက်ပေါ်ခဲ့သည်။
-------------------------------------------------------------
မြန်အောင်
မြန်အောင်မြို့နယ်တွင် တက္ကသိုလ်ဝင်စာမေးပွဲ အောင်မြင်မှုမှာ တစ်မြို့နယ်လုံး အောင်ချက်ရာခိုင်နှုန်း ၄၈ ဒသမ ၉၂ ဖြစ်ပြီး ဘာသာစုံ ဂုဏ်ထူးရှင် တစ်ဦး ထွက်ပေါ်ခဲ့သည်။
-------------------------------------------------------------
ဆိပ်ဖြူ
ဆိပ်ဖြူမြို့နယ်တွင် ၁၉၄၁ ဦး ဖြေဆိုခဲ့ရာ ၄၂၉ ဦး အောင်မြင်ခဲ့ပြီး အောင်ချက်ရာခိုင်နှုန်း ၂၂ ဒသမ ၁ ရာခိုင်နှုန်းရှိကာ ဘာသာစုံ ဂုဏ်ထူးရှင်တစ်ဦး ထွက် ပေါ်ခဲ့သည်။
-------------------------------------------------------------
လှိုင်သာယာ
လှိုင်သာယာမြို့နယ်တွင် ၆၀၁၂ ဦး ဖြေဆိုခဲ့ရာ ၁၇၅၃ ဦး အောင်မြင်ပြီး အောင်ချက်ရာခိုင်နှုန်း မှာ ၂၉ ဒသမ ၁၆ ဖြစ်ကြောင်း သိရသည်။
-------------------------------------------------------------
တိုက်ကြီး
တိုက်ကြီးမြို့နယ်တွင် ၃၁၄၆ ဦး ဖြေဆိုခဲ့ရာ ၁၁၄၅ ဦး အောင်မြင်ပြီး အောင်ချက်ရာခိုင်နှုန်းမှာ ၃၉ ဒသမ ၃၆ ဖြစ်ကြောင်း သိရသည်။
-------------------------------------------------------------
ရွှေပြည်သာ
ရွှေပြည်သာမြို့နယ်တွင် ၄၅၇၄ ဦး ဖြေဆိုခဲ့ရာ ၁၁၉၆ ဦး အောင်မြင်ပြီး အောင်ချက်ရာခိုင်နှုန်းမှာ ၂၆ ဒသမ ၁၅ ဖြစ်ကြောင်း သိရသည်။
-------------------------------------------------------------
ယင်းမာပင်
ယင်းမာပင်မြို့နယ်တွင် ၂၄၄၄ ဦး ဖြေဆိုခဲ့ရာ ၅၂၄ ဦး အောင်မြင်ပြီး အောင်ချက်ရာခိုင် နှုန်းမှာ၂၁ ဒသမ ၄၄ ဖြစ်ကြောင်း သိရသည်။
-------------------------------------------------------------
မိတ္ထီလာ
မိတ္ထီလာမြို့နယ်တွင် ၄၆၅၄ ဦး ဖြေဆို ခဲ့ရာ ၁၇၂၅ ဦး အောင်မြင်ပြီး အောင်ချက်ရာခိုင်နှုန်း မှာ ၃၇ ဒသမ ၀၆ ဖြစ်ကာ ဘာသာစုံဂုဏ်ထူးရှင် သုံးဦး ထွက်ပေါ် ခဲ့သည်။
-------------------------------------------------------------
မိုးညှင်း
မိုးညှင်းမြို့နယ်တွင် ၄၁၇၂ ဦး ဖြေဆို ခဲ့ရာ ၁၅၁၂ ဦး အောင်မြင်ပြီး အောင်ချက်ရာခိုင်နှုန်းမှာ ၃၆ ဒသမ
၂၄ ဖြစ်ကာ ဘာသာစုံဂုဏ်ထူးရှင် ရှစ်ဦး ထွက်ပေါ်ခဲ့ သည်။
-------------------------------------------------------------
ဟုမ္မလင်း
ဟုမ္မလင်းမြို့နယ်တွင် ၂၀၁၁ ဦး ဖြေဆိုရာ ၃၂၃ ဦး အောင်မြင်ပြီး အောင်ချက်ရာခိုင်နှုန်းမှာ ၁၆ ဒသမ
၀၆ ဖြစ်ကြောင်း သိရသည်။
-------------------------------------------------------------
မင်းလှ
မင်းလှမြို့နယ်တွင် ၁၁၃၂ ဦး ဖြေဆိုခဲ့ရာ အောင်မြင်သူ ၂၇၃ ဦး ဖြစ်ပြီး အောင်ချက်ရာခိုင်နှုန်း
၂၄ ဒသမ ၁၂ ရှိကြောင်း သိရသည်။

MOI Webportal Myanmar/ Photo By Popular Myanmar News Journal

ဆက်ဖတ်ရန်>>>>

လူတွေကို နှလုံးသားနဲ့ ဆက်ဆံမယ့် ကမ္ဘာ့ပထမဆုံး စက်ရုပ်

ဂျပန်နည်းပညာလုပ်ငန်းစုတစ်ခုဖြစ်တဲ့ Softbank က တီထွင်ထုတ်လုပ်လိုက်တဲ့ အံ့အား သင့်စရာ ပစ္စည်းသစ် တစ်ခု ကတော့ Pepper ပဲဖြစ်ပါတယ်။ နှလုံးသားရှိတဲ့ ကမ္ဘာ့ပထမဆုံး စက်ရုပ်ပါ။

ဒီစက်ရုပ်ဟာ အသိဥာဏ်စွမ်းရည်ပရိုပရမ်ကနေတဆင့် ကိုယ်ဟန်အမူအရာ၊ မျက်နှာအမူအရာနဲ့ အသံနေ အသံထား တို့ ကို မှတ်သား၊ စိစစ်ပိုင်းခြားနိုင်တယ်လို့  တီထွင်သူတွေက ဆိုပါတယ်။

Softbank ရဲ့ ပြောကြားချက်အရ လူတွေဟာ ဒီစက်ရုပ်နဲ့ သူငယ်ချင်းလို မိသားစုလို ပေါင်းသင်း ဆက်ဆံနိုင်ပြီး တခြားလုပ်ငန်းအများအပြားကိုလည်း ဆောင်ရွက်နိုင်တယ်လို့ ဆိုပါတယ်။

Softbank ရဲ့ အမှုဆောင်အရာရှိချုပ် Masayoshi Son က “ တခြားစက်ရုပ်တွေမှာ စိတ်ခံစားချက်တွေနဲ့  နှလုံးသားမပါရှိတဲ့အတွက် လူတွေက စက်ရုပ်လို့ ပဲ အသိအမှတ်ပြုကြပါတယ်။ လူသားသမိုင်းမှာ ပထမဆုံးအနေနဲ့ နှလုံးသားပါရှိပြီး စိတ်ခံစားချက်တွေ ဖော်ပြနိုင်တဲ့ စက်ရုပ်တစ်ရုပ်ကို ကျွန်တော်တို့  တီထွင်လိုက်ပါပြီ” လို့ ပြောကြားခဲ့ပါတယ်။

Pepper ကို နေ့ စဉ်တာဝန်တွေကို ကူညီလုပ်ဆောင်ဖို့ ဒီဇိုင်းဆွဲထားပြီး ဂျပန်လူဦးရေရဲ့ အဓိကဖြစ်တဲ့ သက်ကြီးရွယ်အိုတွေကို ဖေးမစောင့်ရှောက်ဖို့ အကောင်းဆုံးနည်းလမ်းတစ်ခုဖြစ်လာနိုင်ပါတယ်။

ဒီစက်ရုပ်တွေကို နောက်နှစ်မှာ ဈေးကွက်စသွင်းမှာဖြစ်ပြီး ဈေးနှုန်းကတော့ ယန်း ၁၉၈ ၀၀၀ ( ပေါင် ၁၁၅၀) ဖြစ်ပါတယ်။ ဈေးကွက်မတင်ခင်မှာတော့ သုံးစွဲသူပြည်သူတွေဟာ ဂျပန်နိုင်ငံမှာရှိတဲ့ Softbank ရဲ့ စတိုးဆိုင်နှစ်ခုမှာ စက်ရုပ်တွေကို စမ်းသပ်အသုံးပြုနိုင်တယ်လို့ ဆိုပါတယ်။ Peeper စက်ရုပ်ဟာ လူတွေကို ကပြဖျော်ဖြေနိုင်သေးတယ်လို့ သိရပါတယ်။




Ref: Mirror.co.uk
Trend Myanmar

ဆက်ဖတ်ရန်>>>>

အွန်လိုင်းရည်းစားကိုအပြင်မှာတွေ့့လိုက်ရသောကြောင့် လေးထပ်မှ ခုန်ချသတ်သေသွား

“ငါကတော့ နင့်ကိုအရမ်းလှတယ်ထင်ထားတာငါအတော်အသုံးမကျတဲ့ ကောင်ပဲ။ ဘာလို့ လဲ ဆိုတော့ ပြင်ထားတဲ့ ဓာတ်ပုံထဲမှာတွေ့ ရတဲ့ နင့်ကိုသိပ်ချောတယ်လို့ ထင်ထားခဲ့ တာကိုး “

အထက်ပါစကားများကိုပြောကြားခဲ့သူကတော့စင်ကာပူကမက်အန်ထော်နီဆိုသူဖြစ်ပါသည်။ သူနှင့်အ ချိန်ကြာစွာဖေ့စ်ဘွတ်မှာအွန်လိုင်းရည်စားဖြစ်နေသောမိန်းကလေးကို ဈေးဝယ်စင်တာတစ်ခုမှာလွန်ခဲ့ သောနှစ်ရက်ခန့် က သူကဆုံခဲ့ပါသည်။

အန်ထော်နီ၏ ရည်းစားကဖေ့စ်ဘွတ်နှင့်တွစ်တာအွန်လိုင်းစာမျက်နှာမှာနာမည်ကြီးတစ်ယောက်ဖြစ်သည်။ ထိုမိန်း ကလေး၏ လှပသောဓာတ်ပုံများကြောင့် ကျော်ကြားပြီးအန်ထော်နီနှင့်အွန်လိုင်းမှတစ်ဆင့် ရည်းစားဖြစ် ခဲ့ကြသည်။ သူတို့ နှစ်ယောက်က နေရာအလှမ်းဝေးသဖြင် တရားဝင် ချစ်သူများဖြစ်သည့် တိုင်အောင် တစ်ယောက်နှင့်တစ်ယောက်အပြင်မှာတော်တော်နှင့်မဆုံဖြစ်ကြ။ ထိုမိန်းကလေးက ၃၆၀ ကင်မရာကိုအမြဲသုံးပြီး သူ့ဓာတ်ပုံများကိုလှပနေအောင်ဆွဲဆောင်မှုရှိအောင်လုပ်ထားကာ အွန်လိုင်းပေါ်က လူအတော်များများကိုလှည့်စားထားသူဖြစ်သည်။  ထိုနည်းကလူတွေကို စိတ်ဝင်စား ဆွဲဆောင်သည့်နည်းဟုမိန်းကလေးကထင်သည်။

ထိုအထဲမှာမှာကံဆိုးသူမောင်ရှင်ကမက်အန်ထော်နီဖြစ်ပါသည်။
လေးလကြာအောင်အဝေးကနေချစ်သူတွေဖြစ်ကြပြီးနောက် နောက်ဆုံးမှာလူချင်းတွေ့ ခဲ့ကြ၏။ တွေ့ တွေ့ ချင်းသူ၏ အွန်လိုင်းရည်းစား၏ ပကတိမျက်နှာကိုတွေ့ လိုက်ရသောအခါ  အန်ထော်နီမှာ အလွန်စိတ်ပျက်ကာကြောက်ရွံ့အံသြသွားရပါသည်။ မိတ်ကပ်တွေမျက်နှာအပြည့်လိမ်းထားသည့်တိုင် သူ့ ရည်းစားမှာရုပ်ဆိုးလှပါချေတကား။

ထိုကဲ့ သို့ တွေ့ ပြီးသည့်အခါ အန်ထော်နီမှာအော်ဟစ်ငိုယိုပေါက်ကွဲကာမိန်းကလေးနှင့် လမ်းခွဲပြီးသည်နှင့် ဈေးဝယ်စင်တာ၏ လေးထပ်မှ နေပြီးခုန်ချအဆုံးစီရင်သွားပါတော့သည်။

အရေးပေါ်ကားများရောက်လာသည့်အခါတွင် အန်ထော်နီ၏ အသက်မမှီတော့။ ပွဲချင်းပြီးကွယ်လွန်ခဲ့ပါသည်။ သူကျသည့်အရှိန်မှာပြင်းသဖြင့် အသက်ရှင်ဖို့ မလွယ်ဟု ဆရာဝန်များက ကောက်ချက်ချပါသည်။

သနားစရာကောင်းသည့်အန်ထော်နီအဖြစ်ကိုလူအတော်များများကတွေ့ ခဲ့ပါသည်။ ရဲများက ဖြစ်ရပ်ကိုစုံစမ်းကြည့်သည့်အခါ ရာနှုန်းပြည့်ကိုယ့်ကိုယ်ကိုယ်သေကြောင်းကြံခြင်းဖြစ်ကြောင်းအတည်ပြုနိုင်ခဲ့ပါ၏။

(the real Singpore မှ သတင်းကိုဘာသာပြန်ဆိုထားပါသည်)
7 Day

ဆက်ဖတ်ရန်>>>>

Neonatal jaundice မွေးစကလေး အသားဝါခြင်း

1. ဆရာဆွေရှင့် မွေးကင်းစ ကလေး အသားဝါခြင်း လကဏာတွေအကြောင်း ပြောပြပေးပါနော်။ သမီးကလေးက မွေးပြီးမှာ မျက်လုံးမျက်သားက အဖြူမဟုတ်ပဲ ဝါနေပါတယ်။ ဆေးရုံကပြောတာကတော့ အသားဝါတာ မရှိဘူးလို့ ပြောလိုက်ပါတယ်။ ဒါပေမဲ့ စိုးရိမ်လို့ပါရှင်။
2. ဆရာရှင့် သမီးအစ်မက ၂ဝ ရက်နေ့က မန္တလေးက (့) ဆေးရုံမှာ ယောက်ျားလေး မွေးခဲ့ပါတယ်ရှင့်။ ဘေးအခန်းနဲ့ မျက်နှာချင်းဆိုင်အခန်းက ကလေးတွေက အသားဝါ ပါလို့ ဓါတ်ကင်တာကို တွေ့ ရပါတယ်။ အစ်မရဲ့ ကလေးကတော့ ၃ ရက်နေမှ သွေးဖောက်ကြည့်တော့ အသားဝါပါလို့ သွေးလဲရပါတယ်ရှင့်။ အဲဒါဟာ ဘာကြောင့်ပါလဲရှင့်။ ကိုယ်ဝန်ဆောင်ချိန်အတွင်းမှာ စားသောက်နေထိုင်မှုနဲ့ ဆိုင်ပါသလားရှင့်။ ဒါမှမဟုတ် ကူးစက်မှုတစ်ခုလား။ မွေးလာမယ့် ကလေးမှာ အသားဝါ မပါအောင် ဘယ်လို လုပ်သင့်ပါသလဲရှင့်။

အသားဝါကို ခေါ်တဲ့ Jaundice (ဂျွန်းဒစ်) ဆိုတာ ပြင်သစ်စကားကနေလာတယ်။ ကလေးအရေပြားမှာ Bilirubin (ဘီလီရူဘင်) ခေါ်တဲ့ အရောင်ရှိ ဓါတ်တွေ များနေလို့ ဖြစ်တယ်။ လူတိုင်းမှာ ရှိတာပါဘဲ၊ ကလေးမှာ များနေလို့။ ကလေးတိုင်း ၅ဝ-၆ဝ% က မွေးပြီး တပါတ်အတွင်းမှာ အသားဝါကြတယ်။ မွေးစကလေး အသားဝါတာကို ဆေးစာနဲ့ Neonatal jaundice ခေါ်တယ်။ သွေးစစ်ကြည့်ရင် Bilirubin level က 85 umol/l (5 mg/dL) ထက် များနေတာ ဖြစ်တယ်။ လူကြီးတွေမှာတော့ 34 umol/l (2 mg/dL) ဆိုရင် အသားဝါနေတယ်လို့ ပြောတယ်။

Causes ဖြစ်စေတဲ့ အကြောင်းတွေက -
1. Increase bilirubin load on liver cells: အသဲ (ဆဲလ်) တွေမှာ (ဘီလီရူဘင်) များလာလို့၊
2. Defective hepatic uptake of bilirubin from blood plasma: သွေးထဲက (ဘီလီရူဘင်) တွေကို အသဲကနေ လုံလောက်အောင် မယူနိုင်လို့၊
3. Defective billirubin conjugation: (ဘီလီရူဘင်) ကို အသဲကနေ ပေါင်းစပ်ပေးမှုမှာ ချို့ယွင်းလို့၊
4. Defective bilirubin excretion (ဘီလီရူဘင်) တွေကို စွန့်ထုတ်ပြစ်တာ မနိုင်လို့ ဆိုတဲ့အကြောင်းတရားတွေကြောင့် အသားဝါရတယ်။

မွေးစကလေး အသားဝါတာ (၄) မျိုးရှိတယ်။
(၁) Physiological jaundice ဇီဝကမ္မဖြစ်စဉ်အရ ဖြစ်လာတာမျိုး၊ ဆေးကုစရာ မလိုပါ။ သန္ဓေသားဘဝက သွေးတွေကို အသစ်လဲရာကနေ သွေးနီဥတွေ ပျက်စီးတဲ့အခါ (ဟီမိုဂလိုဘင်) ထဲက (ဘီလီရူဘင်) တွေထွက်လာပြီး၊ သွေးထဲရောက်မယ်။ အသဲမှာ ပြောင်းလဲမှုတွေ လုပ်တယ်။ မလိုတာတွေ ဝမ်းထဲကနေ စွန့်ထုတ်တယ်။ အသဲကနေ (ဘီလီရူဘင်) ကို နိုင်အောင် မရှင်းနိုင်သေးလို့ ၂-၃ ရက်ဆို ဝါလာမယ်။ ၁-၂ ပါတ်နေရင် ကောင်းသွားမယ်။
(၂) Blood group incompatibility (Rh or ABO problems) သွေးအုပ်စုမတည့်လို့ဖြစ်တာ၊ မိခင်သွေးက မတူရင် ကလေးရဲ့သွေးနီဥတွေကို ဖျက်ဆီးတာမျိုးဖြစ်စေတယ်။ အဲလိုဖြစ်ရင် ကလေးသွေးထဲမှာ (ဘီလီရူဘင်) တွေ များလာတယ်။ ဆိုးတယ်။ ၂၄ နာရီအတွင်းမှာ သိသာလာမယ်။ Rh ကြောင့်ဖြစ်တာအတွက် အခုခေတ်မှာ မိခင်ကို ကလေးမွေးပြီး ၇၂ နာရီအတွင်း RhoGAM ထိုးပေးတယ်။ နောက်ကလေးတွေအတွက် ကာကွယ်ပြီးသား ဖြစ်သွားမယ်။
(၃) Breast-feeding jaundice နို့ဗူးတိုက်လို့ဖြစ်တဲ့ အသားဝါ၊ ကလေးကို နို့လိုသလောက် မတိုက်ရင်ဖြစ်မယ်။ အဲဒါမျိုးက ၅-၁ဝ% ရှိတယ်။ မွေးကာစကလေးတွေမှာ လူကြီးတွေလို အူထဲမှာ (ဗက်တီးရီးယား) မရှိသေးဘူး။ လူကြီးတွေဆိုရင် ပိုးတွေကနေ Conjugated bilirubin ဆိုတာကို Stercobilinogen အဖြစ်ပြောင်းပေးမယ်။ နောက်ဆုံး Stercobilin အနေနဲ့ ဝမ်းထဲမှာ ပါသွားတယ်။ ကလေးငယ်လေးတွေမှာ အဲလိုဖြစ်မလာနိုင်သေးဘူး။
(၄) Breast-milk jaundice မိခင်နို့တိုက်ရာကနေဖြစ်တာ ၁-၂% ရှိတယ်။ ၄-၇ ရက်မှာပြတယ်။ ၃-၁ဝ ပါတ်အထိ ကြာတယ်။ အန္တရာယ် မရှိပါ။ တချို့ မိခင်တွေရဲ့နို့ထဲမှာ Progesterone (ပရိုဂျက်စတီရုန်း) ဟော်မုန်းနဲ့ဆိုင်တာ ပါနေတယ်။ ကလေးအူကနေ (ဘီလီရူဘင်) တွေကို ပြန်စုပ်ယူစေလို့ ဖြစ်ရတယ်။ နောက်ပြီး နို့ထဲမှာ Lipoprotein lipase ခေါ်တဲ့ (အင်ဇိုင်းမ်) ပါနေတယ်။ ဒါကနေ Bilirubin ဖြစ်စဉ်ကို ထိခိုက်စေတယ်။ ကလေးဝမ်းချုပ်ရင်လဲ ရှင်းထုတ်တာ နှေးလို့ ဖြစ်နိုင်တယ်။ ဗိုက်ထဲတုံးကတော့ အချင်းကတဆင့် စွန့်ထုတ်တာ လုပ်ပေးတယ်။

လမစေ့ဘဲမွေးတာနဲ့ ကိုယ်အလေးချိန် မပြည်တဲ့ကလေးတွေမှာ ပိုဖြစ်ကြရှာတယ်။ ကလေးအသားဝါရင် သွေးကို အချိန်တန်တိုင်း Bilirubin levels စစ်နေရမယ်။ သွေးထဲမှာ Unconjugated bilirubin ဆိုတဲ့ အသဲကနေ ပေါင်းစပ်ပေးတာ မလုပ်ရသေးတဲ့ (ဘီလီရူဘင်) အမျိုးအစားတွေ များနေမယ်။ မွေးကာစကလေးတိုင်း ပဌမပါတ်မှာ 30 µmol/L (1.8 mg/dL) မက ရှိကြတယ်။ များနေတာကို Hyperbilirubinemia ခေါ်တယ်။ ကလေးကို ထိခိုက်စေနိုင်တယ်။ ဆေးကုဘို့လို-မလို ကလေးအထူးကု ဆရာဝန်ကနေ ဆုံးဖြတ်ပါမယ်။

Pathological jaundice ဆေးကုစရာလိုတဲ့ အသားဝါဆိုတာ ၂၄-၄၈ နာရီအတွင်း တွေ့ရမယ်။ သွေးဆက်စစ်နေတဲ့အခါ -
- Total bilirubin က တနာရီမှာ 8.5 umol/l (0.5 mg/dL) ထက်များနေတာ၊
- Total bilirubin က ၂၄ နာရီမှာ (85 umol/l) 5 mg/dL ရှိနေတာ၊
- Total bilirubin 331.5 umol/l (19.5 mg/dL) မကရှိနေတာ၊
- Direct bilirubin 34 umol/l (2.0 mg/dL) မကရှိနေတာတွေဆိုရင် ဆေးကုရမယ်။

တခြားဖြစ်နိုင်ခြေတွေလဲ ထည့်တွက်ရမယ်။
- ဗိုက်ထဲမှာ ကလေးက ချို့ယွင်းချက် တခုခုရှိတာ။ ရောဂါပိုးဝင်တာ၊ Biliary atresia, PFIC, Bile duct paucity, Alagille's syndrome, Alpha 1 နဲ့ Cystic fibrosis or hepatitis အသဲရောဂါရှိနေရင်၊
- Hemolytic anemia, polycythemia သွေးအားနည်းရောဂါတွေနဲ့ သွေးရောဂါတွေ၊ Abnormal RBC သွေးနီဥ ပုံစံမမှန်ရင်၊
- Cephalohematoma မွေးတုံးက ခက်ခဲလို့ ခေါင်းထဲမှာ သွေးခဲတာ ဖြစ်နေရင်၊
- Rubella ဂျာမန် ဝက်သက်၊ Syphilis (ဆစ်ဖလစ်) စတဲ့ကူးစက်ရောဂါတွေ၊
- မိသားစုထဲမှာလဲ အဲလိုမျိုးရှိဘူးတာ၊ မအေမှာ ဆီးချိုရှိနေရင်၊ (ဆာလ်ဖါ) ဆေး၊ ငှက်ဖျားဆေး၊ လိင်ဟော်မုန်းတွေနဲ့ စိတ်ရောဂါဆေးတွေ၊ (ကလေး ၂ လအောက်ကို (ဆာလ်ဖါ) ပါတဲ့ဆေး မပေးရပါ။)

ဆေးစစ်ရင်
- Complete blood count
- Coomb's test
- Reticulocyte count တွေကို စစ်ဆေးနိုင်တယ်။

မွေးစကလေးတွေမှာ အသားဝါတိုင်း စိုးရိမ်စရာမလိုပါ။ ဆေးကုစရာမလိုတာ များတယ်။ ၃ ရက်နေရင် စသိသာပြီး ၁၄-၁၅ ရက်နေရင် ပျောက်သွားတာတယ်။ မျက်နှာကစ သိသာတယ်။ နောက် ရင်ပတ်၊ ဗိုက်၊ ခြေ-လက်၊ အကုန်ပါဘဲ။ မျက်လုံးကို ကြည့်ရင် သိမယ်။ လက်နဲ့အသာလေးဖိပြီး စစ်ဆေးရင် ဝါတာကို ပိုမြင်သာတယ်။ ရေတိုက်တာနဲ့ နေရာင် ပြပေးတာနဲ့ လုံလောက်ကြတာ များတယ်။ ၂-၃ နာရီတခါ၊ တနေ့မှာ ၁၂ ကြိမ် နို့တိုက်ပါ။ တချို့အခြေအနေမှာ မိခင်နို့ကို အတိုက်မခိုင်းဘူး။ ရေခဏခဏတိုက်ပေးပါ။ ဝမ်းသွားများတာ ကောင်းတယ်။ လိုအပ်ရင် ဝမ်းခြူပေးပါ။

Phototherapy အလင်းရောင်ပေး ကုသနည်းကို အင်္ဂလန် Rochford Hospital ဆေးရုံကနေ စသုံးခဲ့တယ်။ လမစေ့မွေးတဲ့ ကလေးတွေကို ပြုစုပေးတဲ့ သူနာပြုဆရာမကြီးကနေ စတာဖြစ်ပါတယ်။ နောက်ပိုင်းမှာ အရောင်ပါတဲ့ မီးချောင်းတွေ သုံးလာတယ်။ အပြာရောင်ကို အသုံးအများဆုံးဘဲ။ ကလေးမျက်စိကို ဖုံးထားရမယ်။ တနေ့မှာ ၁ဝ-၁၂ ကြိမ်၊ တခါလုပ်ရင် ၂-၃ နာရီကြာတယ်။ အလင်းရောင်ပေးကုသနေတုံးလဲ နို့တိုက်နိုင်တယ်။ တချို့ဆေးရုံတွေက ဒီအချိန်မှာ သွေးကြောထဲကနေ အဟာရဖြည့်တာသာ လုပ်ပေးတယ်။

သိပ်မဆိုးရင် အိမ်မှာတင် Biliblanket ကိုသုံးနိုင်တယ်။ Fiber optics နဲ့လုပ်ထားတယ်။ သဘာဝ နေရောင်ထဲက Ultraviolet light therapy ခရမ်းလွန်ရောင်ခြည်ကနေ မှဲ့ပေါက်မလား စိုးရိမ်ရတယ်။ Total serum bilirubin 428 umol/l (25 mg/dL) ထက် များတဲ့ကလေးကို Exchange transfusions သွေးလဲ ကုသပေးရတယ်။

ကလေးမှာ အသားဝါတာ သိပ်ကြာနေရင် Kernicterus ဦးနှောက်ထိခိုက်တဲ့ရောဂါ ဖြစ်နိုင်တယ်။ အမေရိကားမှာ ကလေး နှစ်သိန်းရှိရင် Kernicterus ဖြစ်တဲ့ကလေး ၃ ယောက်ရှိတယ်။ ယောက်ျားလေးတွေမှာ ပိုဖြစ်တယ်။ ကိုယ်ပူမယ်၊ တက်နိုင်တယ်။ ကလေးက တအား ငိုမယ်။ အသဲ နဲ့ ဘေလုံးကြီးနေမယ်၊ သွေးခြည်ဥလေးတွေ တွေ့မယ်၊ ခေါင်း (ဦးနှောက်) ငယ်နေမယ်။ တချို့လေးတွေမှာ Cerebral palsy မျက်နှာလေဖြတ်တာ နဲ့ Deafness နားမကြားတာလဲ ဖြစ်နိုင်တယ်။

မွေးမဲ့ကလေး ဆေးကုရမဲ့ အသားဝါ မဖြစ်အောင် ကိုယ်ဝန်ဆောင်တိုင်း Blood type သွေးအုပ်စု နဲ့ Unusual antibodies တွေ့နေကျ မဟုတ်တဲ့ (အင်တီဘော်ဒီ) တွေရှိ-မရှိ စစ်ထားသင့်တယ်။ သွေးအုပ်စုက O+ ဖြစ်နေတာလဲ သတိထားရတယ်။ Rh negative ဖြစ်နေရင် ကလေး ချက်ကြိုးကနေ စစ်တာ လုပ်သင့်တယ်။

Dr. တင့်ဆွေ

ဆက်ဖတ်ရန်>>>>