Saturday, May 24, 2014

ဆီးရီးယားအား နိုင်ငံတကာ ရာဇ၀တ် ခုံရုံးတင် စစ်ဆေးရေး အဆိုပြုချက် မူကြမ်းကို တရုတ်နှင့် ရုရှား ဗီတိုအာဏာသုံး ပယ်ချ

Posted by drmyochit Saturday, May 24, 2014, under | No comments


နယူးယောက်
လင်းပ

ဆီးရီးယား နိုင်ငံအား ပြည်တွင်းစစ် အတွင်း အစိုးရနှင့် အတိုက်အခံ သူပုန် နှစ်ဘက်စလုံးက ကျူးလွန် ခဲ့သည့် ရာဇ၀တ်မှုများ အတွက် နိုင်ငံတကာ ရာဇ၀တ်ခုံရုံး (ICC) သို့ တင်ရေး  အမေရိကန်က တင်သွင်းခဲ့သည့် ဆုံးဖြတ်ချက် မူကြမ်းကို တရုတ်နှင့် ရုရှားတို့က ဗီတိုအာဏာဖြင့် လုံခြုံရေး ကောင်စီတွင် ပယ်ချ လိုက်သည်။

အမေရိကန် ဦးဆောင်သော အနောက် နိုင်ငံများ သည် ဆီးရီးယားတွင် လူမျိုးပြုတ် သတ်ဖြတ်မှုများ၊ ဓါတု လက်နက်ဖြင့် တိုက်ခိုက်မှုများ၊ စနစ်တကျ နှိပ်စက် ညှင်းပန်းမှုများ၊ ဓါတ်ဆီဗုံးများဖြင့် အရပ်သားများအား တိုက် ခိုက်မှုများ နှင့် ဒုက္ခသည်များ အတွက် နိုင်ငံတကာ အထောက်အပံ့များ ပိတ်ပင်တားမြစ် ထားခြင်း အပါအ၀င် ပြစ်မှုများစွာ အတွက် ဆီရီးယားကို လုံခြုံရေး ကောင်စီတွင် အရေးယူရန် ဖိအားပေးခဲ့ ကြခြင်းဖြစ်သည်။ အမေရိကန်က တင်သွင်းခဲ့ သော ဆီးရီးယားအား အရေးယူ ရေးအဆိုမူကြမ်း ကို အလှည့်ကျ အဖွဲ့ဝင် နိုင်ငံများ အပါအ၀င် လုံခြုံရေး ကောင်စီ ၀င် အခြား (၁၃) နိုင်ငံတို့က ထောက်ခံခဲ့သော် လည်း ဗီတိုအာဏာ ကိုင်ခွင့် ရထားသည့် အမြဲတမ်းအဖွဲ့ဝင် ရုရှားနှင့် တရုတ်တို့ က ပယ်ချခဲ့ ခြင်းဖြစ်သည်။ ၎င်းတို့က ဆီးရီးယားမှ အစိုးရနှင့် သူပုန်တပ်များ နှစ်ဖက်စလုံးကို နိုင်ငံတကာ တရားစီရင်မှု စနစ်ဖြင့် စီရင်ရေးမှာ နိုင်ငံရေးအရ ဖြေရှင်းချက်ရရန် ကြိုးပမ်းမှုများကို ပျက်ပြားစေပြီး စစ်မီးတောက် ပိုကြီးစေနိုင် သည်ဟု အကြောင်းပြကာ ပယ်ချခဲ့ကြသည်။

အမေရိကန်တို့ တင်သွင်းသည့် အဆို ပယ်ချခံခဲ့ရခြင်း အတွက် ကုလသမဂ္ဂ ဆိုင်ရာ အမေရိကန် သံအမတ်ကြီး ဆမန်သာ ပါဝါက ““ကျွန်မတို့ နောက်မျိုးဆက် မြေးမြစ်တွေ ကတော့ အခုကစပြီး မေးကြတော့မှာပါ။ ကျွန်မတို့ဟာ ကဗ္ဘာမြေပေါ်က အရှင် လတ်လတ် ငရဲပြည် တစ်ခုမှာ နေထိုင်နေရတဲ့ ပြည်သူတွေ အတွက် ဘာ့ကြောင့် တရားမျှတမှုကို ဆောင်ကြဉ်းပေးဖို့ ပျက်ကွက် ရသလဲ ဆိုတာကိုပေါ့””ဟု ပြောသည်။ မော်စကိုသည် လွန်ခဲ့သည့် သုံးနှစ်မှစ၍ ဆီးရီးယား စစ်ပွဲကာလ တလျှောက်လုံး တွင် ဆီးရီးယား သမ္မတ အာဆတ်အား နိုင်ငံတကာမှ အရေး မယူနိုင်အောင် သံတမန်ရေး အရ အကာအကွယ် ပေးခဲ့ပြီး တရုတ်ပြည်မှာ လည်း မော်စကို၏ ရပ်တည်ချက် အတိုင်း ထောက်ခံလေ့ ရှိသည့် ကုလ လုံခြုံရေး ကောင်စီ၏ ဗီတိုအာဏာ ပိုင်ရှင် အမြဲတမ်း အဖွဲ့ဝင်နိုင်ငံ တစ်နိုင်ငံ ဖြစ်သည်။

လုံခြုံရေး ကောင်စီတွင် အမေရိကန်တို့ တင်ပြခဲ့သော အဆိုမူကြမ်း မှာ နိုင်ငံပေါင်း ခြောက်ဆယ်ကျော် ၏ ထောက်ခံမှု အပြင် ပြင်သစ်နိုင်ငံ မှ ကမကထပြု ရေးဆွဲခြင်းဖြစ်သည်။ ဆီးရီးယားမှာ နိုင်ငံတကာ ရာဇ၀တ် ခုံရုံးကို လိုက်နာရန် လက်မှတ်ရေး ထိုးထားသည့် နိုင်ငံမဟုတ်ရာ လုံခြုံရေး ကောင်စီကသာ ထိုနိုင်ငံကို လူသား မျိုးနွယ် အပေါ် ရာဇ၀တ်မှု ကျူးလွန်ခြင်း ပုဒ်မဖြင့် အရေးယူခွင့် ရှိမရှိ ဆုံးဖြတ်နိုင်မည် ဖြစ်သည်။

ဆုံးဖြတ်ချက် မူကြမ်းကို ပယ်ချခဲ့သည့် ရုရှားမှ ကိုယ်စားလှယ် ဗစ်တာလီ ချာကင်က ဗြိတိန်နှင့် အမေရိကန် တို့အား အီရတ်တွင် စစ်ရာဇ၀တ်မှု ကျူးလွန်ခြင်းအတွက် ICC သို့ လွှဲပြောင်းခံရခြင်း မရှိကြောင်း ပြန်လှန် ဝေဖန်ခဲ့ပြီး တရုတ် သံအမတ် ကလည်း ဆုံးဖြတ်ချက်မှာ နိုင်ငံရေး ဖြေရှင်းမှုများကို ထိခိုက်စေမည် ဖြစ်ကြောင်း ဆိုခဲ့သည်။

Source:AFP
The Messenger

"ထိုင်းနိုင်ငံ၏လုံခြုံရေးအပေါ် နိုင်ငံခြားခရီးသွားများ ယုံကြည်မှုရှိမရှိ ဒွိဟဖြစ်နေ"

Posted by drmyochit Saturday, May 24, 2014, under | No comments

(ဘန်ကောက်။ ။ မေ ၂၃)

ကြာသပတေးနေ့က ထိုင်းတပ်မတော်၏ အာဏာ သိမ်းယူမှုကြောင့် ထိုင်းနိုင်ငံ အတွင်းသို့ လာရောက် လည်ပတ်မည့် နိုင်ငံခြား ခရီးသွားများမှာ စိုးရိမ်လျှက် ရှိမရှိကို အချို့သော စောင့်ကြည့်သူများက စိတ်ဝင်စားနေကြကြောင်း သိရသည်။

ဘန်ကောက်တွင် ထုတ်ပြန်ခဲ့သော ညနေ ၅နာရီမှ ည ၁၀ နာရီထိ အပြင် မထွက်ရ ဟူသည့် အမိန့်ကြောင့် လာရောက် လည်ပတ်မည့် ခရီးသွားများ အတွက် အဆင်မပြေ မဖြစ်စေရန် အစိုးရနှင့် သင့်တင့်သော သဘောတူညီမှု ရယူထားသည်ဟုလည်းသိရသည်။

သို့ရာတွင် ပြည်ပ ထွက်ခွာမည့် လေကြောင်းအစီအစဉ် များနှင့် နိုင်ငံခြား ခရီးသွားများ ၀င်ရောက်မှုကို သတ်မှတ်ချိန် အတွင်း ပြင်ပ မထွက်ရ အမိန့် အတိုင်း ထိုင်းတပ်မတော်က အချိန်မရွေး သွားလာခွင့်ပြုထားသည်ဟုလည်း ဆိုထားသည်။ ထို့ကြောင့် ထိုင်းလေကြောင်း လိုင်းများနှင့် လေဆိပ် များမှာ ပုံမှန်ခရီးစဉ်များအတိုင်း ဆက်လက်ဆောင်ရွက်လျှက်ရှိသည်ဟုသိရသည်။

သို့သော် ထိုင်းနိုင်ငံအတွင်းရှိ အစိုးရကျောင်းများကို တနင်္ဂနွေနေ့ အထိ ပိတ်ထားရန်နှင့် အင်တာနေရှင်နယ် ကျောင်းများကိုမူယခင်အတိုင်း ဖွင့်လှစ်ပေးထားရန် ထိုင်းတပ်မတော် ကကြေငြာခဲ့သည်ဟု ဖော်ပြထားသည်။

Ref: CNN Asia
KTZO
Popular Myanmar News Journal

ရုရှား လိုလားသော ခွဲထွက်ရေး သမားများ ကျောက်မီးသွေးတွင်းများ ကို သိမ်းပိုက်ပြီး ဖောက်ခွဲရေး ပစ္စည်းများ ထုတ်လုပ် ပေးရန် တောင်းဆို

Posted by drmyochit Saturday, May 24, 2014, under | No comments


ကိယက်ဗ်
အောင်ပိုင်

ရုရှား လိုလားသော ခွဲထွက်ရေး သမားများ သည် ယူကရိန်း အရှေ့ပိုင်းရှိ ကျောက်မီးသွေး တွင်းများအား ကြာသပတေးနေ့ က သိမ်းပိုက်ခဲ့ပြီး သတ္တုတွင်း အလုပ်သမားများ အား ဖောက်ခွဲရေး ပစ္စည်းများ ထုတ်လုပ်ပေး ရန် တောင်းဆို ခဲ့ကြောင်း ယူကရိန်း စွမ်းအင်ဝန်ကြီးဌာန က ပြောဆိုခဲ့သည်။

တနင်္ဂနွေနေ့ တွင် ယူကရိန်းတွင် ရွေးကောက်ပွဲ ပြုလုပ်မည်ဖြစ်ပြီး ခွဲထွက်ရေး သမားများ သည် ရွေးကောက်ပွဲ အား နှောင့်ယှက်ရန် အတွက် ယူကရိန်း စီးပွားရေး၏ အဓိက ရင်းမြစ် တစ်ခုဖြစ်သည့် ကျောက်မီး သွေးတွင်းများ ကို တိုက်ခိုက် သိမ်းပိုက် ထားခြင်းဖြစ်သည်။

ရုရှား နယ်စပ်နားရှိ လူဂန်စကီ ဒေသတွင် ဖြစ်ပွားခဲ့သည့် အထက်ပါ ဖြစ်ရပ်အား  ယူကရိန်း စွမ်းအင် ၀န်ကြီးဌာနက သတင်းထုတ်ပြန် ထားသော်လည်း  ခွဲထွက်ရေး သမား မည်မျှ ပါဝင်သည်၊  ကျောက်မီးသွေးတွင်း အလုပ်သမားများ ၏ ကံကြမ္မာ မည်သို့ ရှိသည် တို့ကိုမူ ယခု အချိန်အထိ ရှင်းလင်းစွာ သိရှိရခြင်း မရှိသေးချေ။

ယူကရိန်း စွမ်းအင် ၀န်ကြီးဌာန၏ ထုတ်ပြန် ကြေညာချက်တွင် ““အကြမ်းဖက် သမားတွေဟာ လက် နက်တွေ နဲ့ သတ္တုတွင်း အလုပ်သမားတွေ ကို ခြိမ်းခြောက် နေကြပြီး ဖောက်ခွဲရေး ပစ္စည်းများအား တောင်း ဆို ထားကြပါ တယ်””ဟု ဆိုထားသည်။ ထို့ပြင်  ယူကရိန်း စွမ်းအင်ဝန်ကြီးသည် ထိုကိစ္စအား လိုအပ်သည့် အရေးယူ ဆောင်ရွက်မှုများ အား ချက်ချင်း ဆောင်ရွက်ရန် ယူကရိန်း လုံခြုံရေးဌာနကို တောင်းဆို ထားသည် ဟုလည်း ဆိုထား သေးသည်။ ကရိုင်းမီးယား ဒေသအား ရုရှားက ၎င်းတို့ပိုင် အဖြစ် သတ်မှတ်ပြီး နောက် ယူကရိန်း နှင့် ရုရှားတို့ကြားရှိ ဆက်ဆံရေး တင်းမာလာခဲ့ပြီး တစ်ချိန်တည်းမှာတွင်  ယူကရိန်းရှိ ရုရှားလိုလားသည့် ခွဲထွက်ရေး သမားများသည် အကြမ်းဖက် တိုက်ခိုက်မှုများ အား ပြုလုပ် လာခဲ့သည်။ ကရိုင်းမီးယားအား သိမ်းပိုက် ထားသည့် ရုရှားအား အမေရိကန် အပါအ၀င် အနောက် နိုင်ငံများက စီးပွားရေး ပိတ်ဆို့မှုများ ပြုလုပ် ခဲ့သည်။    

Source:AP
Messenger News Journal

သွေးအတွင်း ကိုလက်စထရောများခြင်းက သားသမီးရနိုင်ခြေကို ထိခိုက်စေနိုင်

Posted by drmyochit Saturday, May 24, 2014, under | No comments


သွေးကြောနံရံများတွင် အဆီစုသည်အထိ ကိုလက်စထရော ပမာဏ များပြားနေသော အမျိုးသမီးများတွင် ပြုလုပ်ခဲ့သော လေ့လာမှုများအရ ယင်းတို့၏ သားသမီးရနိုင်ခြေသည် သာမန်ထက် သိသိသာသာ လျော့ကျသွား

သွေးထဲတွင် ကိုလက်စထရောဓာတ် များပြားခြင်းသည် နှလုံးကျန်းမာရေးကို ထိခိုက်စေနိုင်ကြောင်း လူအများ လက်ခံထားပြီး ဖြစ်သည်။ သို့သော်လည်း ယင်းအခြေအနေထက် ပိုမိုသော ဆိုးကျိုးတစ်ရပ်အဖြစ် လူသားတစ်ဦး၏ မျိုးပွားမှု စွမ်းရည်ကိုပါ ကျဆင်းစေကြောင်း ပညာရှင်များက သတိပေး ပြောကြားလိုက်သည်။ သွေးကြောနံရံများတွင် အဆီစုသည်အထိ ကိုလက်စထရော ပမာဏ များပြားနေသော အမျိုးသမီးများတွင် ပြုလုပ်ခဲ့သော လေ့လာမှုများအရ ယင်းတို့၏ သားသမီးရနိုင်ခြေသည် သာမန်ထက် သိသိသာသာ လျော့ကျသွားကြောင်း သိရှိရသည်။

အကယ်၍ ယင်းအမျိုးသမီးများ၏ မိတ်ဖက်အမျိုးသားသည်လည်း ကိုလက်စထရော ပမာဏ ကြွယ်ကြွယ်ဝဝ စုဆောင်းထိန်းသိမ်းထားသူ ဖြစ်နေပါက သားသမီး ထွန်းကားနိုင်ခြေသည် သုညရာခိုင်နှုန်း နီးပါးထိ လျော့နည်းသွားလိမ့်မည်ဟု အမေရိကန် ကျန်းမာရေး သုတေသီများက မှတ်ချက်ပြုခဲ့သည်။ အမေရိကန် အစိုးရ၏ ကျန်းမာရေး သုတေသန ဌာနမှ ပညာရှင်များသည် သားသမီးယူရန် ကြိုးစားနေသည့် စုံတွဲပေါင်း (၄၀၁)တွဲ၏ အနေအထားကို လေ့လာဆန်းစစ်ခဲ့ကြသည်။ ယင်းတို့အားလုံးသည် အသက်(၁၈)နှစ်နှင့် (၄၄)နှစ်ကြား အရွယ်များ ဖြစ်ကြသည်။ (၁)နှစ်အကြာတွင် အမျိုးသမီး (၃၄၇)ဦး ကိုယ်ဝန်ရလာပြီး (၅၄)ဦးမှာမူ ကလေးမရကြချေ။ သုတေသီများက အဆိုပါစုံတွဲ အားလုံးထံမှ သွေးနမူနာများကို ရယူကာ တိုက်ဆိုင်စစ်ဆေးပြီးနောက် သွေးထဲတွင် ကိုလက်စထရောဓာတ် များပြားခြင်းသည် ကလေးရနိုင်ခြေ နည်းပါးခြင်းအပေါ် တိုက်ရိုက် အချိုးကျနေကြောင်း တွေ့ရှိခဲ့သည်။

သုတေသီ တစ်ဦးဖြစ်သည့် ဒေါက်တာ အင်းနရစ် ရှိန်စတာမန်းက “ကိုလက်စထရော အရမ်းများရင် နှလုံးမှာ ရောဂါတွေဖြစ်အောင် အားပေးရာရောက်မှန်း သိထားပြီးသားပါ။ ဒါပေမဲ့ လက်ရှိ အချက်အလက်တွေအရ ဒီအခြေအနေဟာ နှလုံးသွေးကြောတွေ အတွက်ပဲ အန္တရာယ်များတာ မဟုတ်ဘူး။ စုံတွဲတွေရဲ့ သားသမီးရနိုင်ခြေကိုပါ လျော့ကျသွားစေကြောင်း ဖော်ထုတ်နိုင်ခဲ့ပါတယ်။ ဒါကြောင့် သားသမီးရချင်တဲ့ အမျိုးသား၊ အမျိုးသမီးတွေ အနေနဲ့ ကိုယ့်ရဲ့သွေးထဲမှာ ကိုလက်စထရော ပါဝင်မှုဟာ လက်ခံနိုင်လောက်တဲ့ အဆင့်မျိုး ရှိနေတာ သေချာစေဖို့ သတိပြုသင့်ပါတယ်”ဟု အကြံပြုခဲ့သည်။ ကိုလက်စထရော များပြားခြင်းသည် မျိုးပွားမှု စွမ်းရည်ကို အဘယ်ကြောင့် ထိခိုက်စေကြောင်း တိတိကျကျ မသိရသေးသော်လည်း ၎င်းတွင် ပါဝင်သည့် အဆီဆန်ဆန် ပစ္စည်းများက Oestrogenနှင့် Testosteroneတို့ကဲ့သို့ လိင်ပိုင်းဆိုင်ရာ ဟိုမုန်းများ ပေါင်းစပ်ဖွဲ့စည်းမှုကို ဟန့်တားနှောင့်ယှက်ခြင်းကြောင့် ဖြစ်နိုင်ကြောင်း ပညာရှင်များက ကောက်ချက်ချထားသည်။

Planet Myanmar

မစ္စယင်လတ်နဲ့ ပါတီခေါင်းဆောင်တချို့ထိုင်းစစ်တပ်က အာဒီဆွန်းစခန်းမှာ ထိန်းသိမ်းထား

Posted by drmyochit Saturday, May 24, 2014, under | No comments


မေ၊ ၂၄။

ထိုင်းနိုင်ငံရဲ့ အာဏာသိမ်းစစ်ကောင်စီက အရင်ဝန်ကြီးချုပ်ဟောင်းမစ္စယင်လတ်နဲ့ ဖုယာ့ထိုင်းပါတီ
ခေါင်းဆောင် တချို့ကို နိုင်ငံပြင်ပထွက်ခွာခွင့်တွေ ပိတ်ပင်လိုက်ပြီးဆုရာဘူရီခရိုင် အာဒီဆွန်းစခန်းမှာ ထိန်းသိမ်း ထားလိုက်ပါပြီ။ ဘန်ကောက်ကိုပြန်ရောက်နေပြီး  နုတ်ထွက်ပေးလိုက်ရတဲ့ ဝန်ကြီးချုပ်ဟောင်း မစ္စယင်လတ်ဟာ အာဏာသိမ်း စစ်ကောင်စီကို သတင်းပို့ဖို့ ပျက်ကွက်ရင် ဖမ်းဝရမ်း ထုတ်မယ်ဆိုတဲ့ သတိပေး ချက်ကြောင့် သတင်းပို့အပြီး မကြာမီမှာ အခုလို သူနဲ့ တာဝန်ရှိသူခေါင်းဆောင်တချို့ကို ထိုင်းစစ်တပ်ကထိန်းသိမ်းထားလိုက်တာဖြစ်တယ်လို့ ထိုင်း သတင်းတွေနဲ့ နိုင်ငံတကာသတင်းတချို့က ရေးပါတယ်။
ထိုင်းသတင်းတွေရဲ့ ဖော်ပြချက်မှာတော့ ထိုင်းနိုင်ငံရေးမှာ ပါတီ အဖွဲ့အစည်းအသီးသီးက အဓိက ဦးဆောင်သူ စုစုပေါင်း၁၅ဝ ကျော်ကို ထိုင်းစစ်တပ်က ဖမ်းဆီးထိန်းသိမ်းထားတယ်လို့ ဖော်ပြထားပါတယ်။
ဒါ့အပြင် ချင်းမိုင်မှာရှိတဲ့ မစ္စယင်လတ်ရဲ့ အကိုတော်စပ်သူဝန်ကြီးချုပ်ဟောင်း သက်ဆင်ရှင်နာဝပ်ရဲ့ အိမ်နဲ့
သူ့ဆွေမျိုးရင်းချာအိမ်တွေ၊ဖုယာ့ထိုင်းပါတီထိပ်တန်းခေါင်းဆောင်တချို့ရဲ့နေအိမ်တွေကိုလည်း
ထိုင်းစစ်တပ်က ဝင်ရောက်ရှာဖွေမှုတွေနဲ့ ထိန်းသိမ်းမှုတွေလုပ်ခဲ့ပါတယ်လို့ဖော်ပြထားပါတယ်။
Source;AFP

ဘာသာပြန် David

ရန်ကင်း ခေါင်းဖြတ်လူသတ်မှု သက်သေများ စစ်ဆေးရန် လေးဦးကျန်

Posted by drmyochit Saturday, May 24, 2014, under | No comments

ရန်ကင်းမြို့နယ် အမှတ် ၁၂ ရပ်ကွက် မေတ္တာရိပ်သာ လမ်းဆုံအနီးတွင် လွန်ခဲ့သော နှစ်လကျော်ခန့်က ဖြစ်ပွားခဲ့သော ခေါင်းဖြတ်လူသတ်မှုနှင့် ပတ်သက်၍ သက်သေ ၁၁ ဦးကို သင်္ဃန်းကျွန်းမြို့နယ်၊ အရှေ့ပိုင်းခရိုင် တရားရုံးတွင် စစ်ဆေးလျက် ရှိပြီး ဆက်လက်စစ်ဆေးရန် သက်သေ လေးဦးသာ ကျန်ရှိကြောင်း အရှေ့ပိုင်းခရိုင် တရားရုံး၊ တွဲဘက် (၄) မှ ခရိုင်တရားသူကြီး ဦးငြိမ်းမြင့်က ပြောကြားသည်။

ယင်းလူသတ်မှုနှင့် ပတ်သက်၍ ခရိုင်တရားရုံးတွင် သက်သေ ၁၅ ဦးကို ဧပြီလ ၂၄ ရက်နေ့မှ စတင်ကာ အပတ်စဉ် ရုံးချိန်း ခုနစ်ချိန်းအထိ ခေါ်ယူစစ်ဆေးခဲ့ရာမှ မတ်လ ၂၂ ရက်နေ့ထိ လူသတ်မှု ကျူးလွန်သည်ဟု တိုင်ကြားခံရသူ၏ ဦးလေးတော်စပ်သူ၊ အစ်ကိုဝမ်းကွဲ ဖြစ်သူနှင့် သေဆုံးသူ ကိုမင်းမင်းဦး (ခ) အကြီးကောင်၏ ယောက္ခမဖြစ်သူ ဒေါ်နီနီ အပါအဝင် သက်သေ ၁၁ ဦးကို စစ်ဆေးခဲ့ပြီး ဖြစ်ကြောင်း၊ မေလ ၂၉ ရက်နေ့တွင် ရန်ကင်းမြို့နယ် တရားသူကြီး အပါအဝင် ကျန်လေးဦးကို ဆက်လက်ခေါ်ယူ စစ်ဆေးသွားမည် ဖြစ်ကြောင်း ၎င်းက ပြောကြားသည်။

“တရားခံဘက်က ပိုက်ဆံမတတ်နိုင်လို့ ရှေ့နေ့မငှားနိုင်ဘူး။ နိုင်ငံတော်စရိတ်နဲ့ ရှေ့နေ ငှားရမ်းထားပါတယ်။ ပုဒ်မ ၃၀၂ အရ ရဲတင်ပြထားတဲ့ သက်သေတွေကို ရုံးတော်က စစ်ဆေးနေဆဲပါ” ဟု ခရိုင်တရားသူကြီး ဦးငြိမ်းမြင့်က ရှင်းပြသည်။

မတ်လ ၁၅ ရက်နေ့ ည ၉ နာရီခန့်က ယင်းလူသတ်မှုနှင့် ပတ်သက်၍ မေလ ၂၂ ရက်နေ့က မေတ္တာရိပ်သာလမ်း၌ နေထိုင်သော တရားလိုပြသက်သေ အမျိုးသမီးနှစ်ဦးကို ခေါ်ယူစစ်ဆေးခဲ့ရာတွင် သက်သေနှစ်ဦးက ခေါင်းဖြတ်မသတ်မီ ထိုးကြိတ် ရိုက်နှက်ခဲ့သည်ကို မြင်တွေ့ခဲ့ကြောင်း ရုံးတော်၌ ထွက်ဆိုခဲ့သည်။

ရန်ကင်းမြို့နယ်တွင် ဖြစ်ပွားခဲ့သော အဆိုပါ ခေါင်းဖြတ် လူသတ်မှုနှင့် ပတ်သက်၍ ရပ်ကွက်နေ ပြည်သူများက မတ်လ ၂၈ ရက်နေ့က တရားဥပဒေစိုးမိုးရေးနှင့် အဆိုပါ လူသတ်မှုကို ရှုတ်ချသည်ဟု ဆိုကာ လူဦးရေ ၇၀၀ ကျော်က ဆန္ဒထုတ်ဖော်ခဲ့သည်။
အဆိုပါအမှုကို အမှုမှန်ပေါ်ပေါက်ရေးအတွက် အမျိုးသားလွှတ်တော် ကိုယ်စားလှယ် ဦးဖုန်းမြင့်အောင်နှင့် ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ ကူညီ ဆောင်ရွက်ပေးသွားမည် ဖြစ်ကြောင်း ၎င်းတို့က ပြောကြားသည်။

သေဆုံးခဲ့သော ကိုမင်းမင်းဦး (ခ) အကြီးကောင်မှာ ရန်ကင်းမြို့နယ် ၁၂ ရပ်ကွက် လူငယ်မေတ္တာလမ်းတွင် နေထိုင်ပြီး ကျပန်းလုပ်ကိုင်သူ ဖြစ်ကြောင်း၊ မတော်တဆ ပခုံးချင်း တိုက်မိရာမှ ခေါင်းဖြတ် အသတ်ခံခဲ့ရကြောင်း၊ ယင်းလူသတ်မှုနှင့် ပတ်သက်၍ ရဲတပ်ဖွဲ့၏ ပုဒ်မ ၃၀၂ ဖြင့် တင်ထားသော စွဲချက်ကို စောင့်ကြည့်လျက် ရှိကြောင်း ရန်ကင်းမြို့နယ် ၁၂ ရပ်ကွက်တွင် နေထိုင်သူ နိုင်ငံရေးအကျဉ်းသားဟောင်း ဦးမျိုးမင်း (ခ) မုန်းခက်က ပြောဆိုသည်။

The Voice Weekly

ထိုင်း အခြေအနေ နိုင်ငံတကာ စိုးရိမ်

Posted by drmyochit Saturday, May 24, 2014, under | No comments


မေ၊ ၂၄။

ထိုင်းနိုင်ငံမှာ စစ်တပ်က အာဏာသိမ်းလိုက်တဲ့အပေါ် ကုလသမဂ္ဂနဲ့အာဆီယံအပါအဝင် နိုင်ငံတကာနဲ့ ဒေသတွင်းက ဝေဖန်သံတွေ
စိုးရိမ်မကင်းသံတွေအကြီးအကျယ် ထွက်ပေါ်လာပါတယ်။ အာဆီယံ အတွင်းရေးမှူးချုပ် Le Luong Minh
ကတော့ ထိုင်းနိုင်ငံရဲ့အခြေအနေဟာ အသင်းတစ်ခုလုံးကိုထိခိုက်လာမှာစိုးရိမ်တဲ့အကြောင်း ပြောဆိုခဲ့ပါတယ်။

အာဆီယံအသင်းဝင်နိုင်ငံတစ်ခုမှာ ငြိမ်းချမ်းရေးနဲ့တည်ငြိမ်မှုတွေမရှိဘူးဆိုရင် အထူးသဖြင့် ရှေ့နှစ် ၂၀၁၅ ခုနှစ်မှာ အာဆီယံအသိုက်အဝန်း
တစ်ခု ထူထောင်ဖို့ရည်မှန်းထားတာတွေကို ရိုက်ခတ်လာနိုင်တဲ့အကြောင်းနဲ့ အာဆီယံမှာ ဒုတိယ စီးပွားရေး အင်အား
အကြီးဆုံးဖြစ်တဲ့ ထိုင်းနိုင်ငံရဲ့ ၆လလောက်ကြာမြင့်နေပြီဖြစ်တဲ့ နိုင်ငံရေးအကျပ်အတည်းတွေဟာ
စိုးရိမ်စရာဖြစ်ရတဲ့အကြောင်း အာဆီယံအတွင်းရေးမှူးချုပ်က ပြောပါတယ်။

အာဆီယံအသင်းရဲ့ အလှည့်ကျဥက္ကဋ္ဌ တာဝန်ယူထားတဲ့ မြန်မာနိုင်ငံကတော့ထိုင်းနိုင်ငံရဲ့အခြေအနေတွေကို ဆွေးနွေးညှိနှိုင်းဖြေရှင်းနိုင်ဖို့
မျှော်လင့်တဲ့ အကြောင်း ပြောပါတယ်။ တခြားအာဆီယံအသင်းဝင်တွေဖြစ်ကြတဲ့အင်ဒိုနီးရှား၊ မလေးရှား၊ ဖိလစ်ပိုင်နဲ့ စင်္ကာပူနိုင်ငံ တွေကလည်း
အခြေအနေကို စိုးရိမ်တကြီးနဲ့စောင့်ကြည့်နေကြသလိုလုံခြုံရေးစိုးရိမ်ချက်ကြောင့် သက်ဆိုင်ရာ နိုင်ငံသားတွေကို
ထိုင်းနိုင်ငံခရီးစဉ်ဖျက်ဖို့ သတိပေးတာတွေလည်း ရှိခဲ့ပါတယ်။

အမေရိကန်ပြည်ထောင်စုကလည်း ဘယ်လိုအကြောင်းပြချက်မျိုးနဲ့မှအာဏာသိမ်းဖို့မလိုဘူးဆိုပြီး ပြင်းပြင်းထန်ထန် ဝေဖန်ခဲ့ပါတယ်။ အလားတူ
ဗြိတိန်၊ ပြင်သစ်၊ သြစတြေးလျ၊ နယူးဇီလန်၊ ဂျပန်အပါအဝင်နိုင်ငံအတော်များများက စိုးရိမ်မကင်းတဲ့သဘောထားတွေကို
ထုတ်ဖော်ပြောဆိုခဲ့ကြပါတယ်။

Source;VOA
ဘာသာပြန် David
Myanma Age

ချမ်းချမ်းပြောပြတဲ့ သူမရဲ့ “အိပ်မက်”

Posted by drmyochit Saturday, May 24, 2014, under | No comments


တေးသံရှင် ချမ်းချမ်း ရဲ့ အိပ်မက်တေးစီးရီး မိတ်ဆက်ပွဲ အခမ်းအနားကို (၂၃.၅.၁၄) ရက်နေ့နေ့လည် ၁ နာရီ၊ စင်ထရယ်ဟိုတယ်မှာ စည်ကားသိုက်မြိုက်စွာ ကျင်းပခဲ့ပါတယ်။ အဆိုပါ အခွေနဲ့ပတ်သတ်ပြီး ချမ်းချမ်းက “ဒီအခွေလေးက ကိုယ်ပိုင်သံစဉ်လေးတွေ ကြီးပဲပေါ့နော်။ ချမ်းချမ်း အမျိုးသားက ဒီတတိယ အခွေလေးကို ကိုယ်ပိုင်သံစဉ် လုပ်ဆိုလို့ လုပ်ဖြစ်ခဲ့တာပေါ့နော်။ ဘာလို့လဲဆိုတော့ မြန်မာနိုင်ငံမှာက ကိုယ်ပိုင်သံစဉ် အရမ်းနည်းတယ်။ အဲဒါကြောင့် ဘ၀မှတ်တိုင်မှာ ကိုယ်ပိုင်သံစဉ် ထွက်ထားသင့်တယ်ဆိုတဲ့ စိတ်လေးနဲ့လုပ်ဖြစ်ခဲ့တာပါ။ မ အရမ်း ပင်ပန်းပါတယ်။ အသံသွင်းရတဲ့အချိန်တွေမှာ ကိုယ်ဝန်ကြီးနဲ့ ဆိုတော့လေ။ ဒီအခွေလေးကို ဒီနေ့စဖြန့်ဖြစ်တာက သမီးလေးရဲ့၎လပြည့်မွေးနေ့မို့လို့ပါ။ ဗီစီဒီကိုတော့ မရဲ့ မွေးနေ့ ၉လပိုင်း၎ ရက်နေ့မှာ ထွက်နိုင်အောင် ကြိုးစားနေပါတယ်။

ဒါရိုက်တာကတော့ ကိုဘုဏ်းသိုက်၊ ကိုသုံးပေါင်၊ ကိုဖစ်လစ်တို့အများကြီးပါပဲ။ မသူငယ်ချင်းတွေလဲ ပါတယ်။ ခုရိုက်ထားပြီးသားကတော့ ၃ပုဒ်ပေါ့။ အဲဒါကတော့ မ သရုပ်ဆောင်ထားတာပေါ့။ မ အမျိုးသား ကတော့ မအသံနဲ့လိုက်မဲ့သီချင်း လေးတွေပေါ့။ သူရွေးပေးတယ်။ အပုဒ် ၂၀လောက်တင်ပေးတယ်။ အဲဒီထဲကမှ ၁၅ ပုဒ်ပြန်ရွေးပေးတာပေါ့နော်။ အဓိက ခေါင်းစဉ်လေးကို အိပ်မက်လို့ပေးဖြစ်ခဲ့တာက အိပ်မက် ဇာတ်ကားအတွက် theme song ရေးပေးဖို့တွက် စိတ်ပူပြီး တစ်နာရီလောက် အိပ်ပျော်သွား တယ်။ အိပ်မက်ထဲမှာ အဲဒီသီချင်းလေးကို စန္ဒယားတီးပြီး သီချင်းလေးဆိုနေတာ။ အိပ်မက်ဆိုပေမယ့် ကိုယ်ဆိုနေတဲ့ စာသားတွေအကုန်လုံးကလဲ တစ်ထပ်တည်းပဲ။ မက်ပြီးတော့ နိုးလာတဲ့ထိ အဲ့စာသားလေး က အလွတ်ရနေတယ်။ အဲဒါနဲ့တစ်ခါတည်း record လုပ်ပြီး အဲဒီသီချင်းလေးကို အဲဒီဇာတ်ကားထဲမှာ ချမ်းချမ်းနဲ့ဘုဏ်းသိုက်၂ယောက်ဆိုထားတာပေါ့။ ပြီးတော့ ဒီအခွေလေး ကျတော့မှ ကိုဟန်ထွန်းနဲ့တွဲဆိုပြီး title လေး ပေးဖြစ်ခဲ့တာပါ။ ဒီအခွေလေးက အခက်အခဲတွေလဲ အများကြီးရှိပါတယ်။ ကိုယ်ဝန်ကြီးနဲ့ ဆိုတော့ အရမ်းလဲ ပင်ပန်းပါတယ်။ အားလုံးက ကိုယ်ပိုင်သံစဉ်ကြီးပဲဆိုတော့ ၁နှစ်ခွဲလောက် အချိ်န်ကြာ သွားပါတယ်။ ဒါပေမဲ့ ချမ်းချမ်းကိုယ်တိုင်လဲ ပရိသတ်တွေ ရင်ထဲရောက်လိမ့်မယ်လို့မျှော်လင့်မိပါတယ်။” လို့ပြောပြပေးခဲ့ပါတယ်။

Trend Myanmar

ဗြိတိန်ရဲ့ ကလေး အမွေးနိုင်ဆုံး မိခင်

Posted by drmyochit Saturday, May 24, 2014, under | No comments


အသက် (၃၉)နှစ်ရှိပြီ ဖြစ်တဲ့ ရက်ဖို့ဒ် ဟာလက်ရှိအချိန်မှာ သားကိုးဦး၊ သမီးခုနစ်ဦး ပိုင်ဆိုင်ထားပါတယ်။ ဒါပေမဲ့ ရက်ဖို့ဒ်ဟာနာက်ထပ် ရင်သွေးတစ်ဦး ထပ်မွေးဖွားဖို့ ကိုယ်ဝန်ဆောင်ထားရတာမို့ ကလေးပေါင်း
(၁၇)ဦးကို ပိုင်ဆိုင်ထားရတော့မှာ ဖြစ်ပါတယ်။ ဒါကြောင့် ရက်ဖို့ဒ်ကို ဗြိတိန် ရဲ့ ကလေး အမွေးနိုင်ဆုံး မိခင်အဖြစ် သတ်မှတ်ခံရခြင်း ဖြစ်ပါတယ်။

ရက်ဖို့ဒ်ရဲ့ သမီးဖြစ်သူ ဆိုဖီယာ ကလည်း ကိုယ်ဝန်ဆောင် ထားရပါတယ်။ ရက်ဖို့ဒ်ဟာ နိုဝင်ဘာလမှာ မွေးဖွားဖို့ မှန်းထားပြီး သမီးဖြစ်သူ ဆိုဖီယာက သီတင်းကိုး ပတ်စောပြီး မွေးဖွား လိမ့်မယ်လို့ ခန့်မှန်းထားပါတယ်။

ရက်ဖို့ဒ်ဟာ (၁၇)ဦး မြောက် ကလေး ကို ပိုင်ဆိုင်ရမှာ ဖြစ်ပေမယ့် သမီးဖြစ်သူနဲ့ လပိုင်းလောက်သာခြားပြီး မွေးဖွားရမှာဖြစ် လို့ မပျော်မရွှင် ဖြစ်နေပါတယ်။ ဘာဖြစ်လို့လဲဆို တော့ ရက်ဖို့ဒ်ဟာ သူ့ရဲ့မြေးကို အပြည့်အ၀ ပြုစုစောင့်ရှောက်ခွင့်မရမှာကို စိုးရိမ်နေခြင်း ဖြစ်ပါတယ်။

ရက်ဖို့ဒ် ဟာ ကလေးတစ်ယောက် မွေးပြီးတိုင်း နောက်ထပ် ကလေးမယူတော့ဘူး လို့ အကြိမ်ကြိမ်ပြောခဲ့ပေမယ့် အခုဆိုရင် (၁၇)ဦးမြောက် ကလေးကိုတောင် ပိုင်ဆိုင် ရတော့မှာ ဖြစ်ပါတယ်။ ရက်ဖို့ဒ်ရဲ့ ကလေး တွေဟာ အသက် (၂၅)နှစ်၊ (၂၀)နှစ်၊ (၁၈) နှစ်၊ (၁၇)နှစ်၊ (၁၅)နှစ်၊ (၁၃)နှစ်၊ (၁၂)နှစ်၊ (၁၁)နှစ်၊ (၁၀)နှစ်၊ (၉)နှစ်၊ (၈)နှစ်၊ (၇) နှစ်၊ (၅)နှစ်၊ (၄)နှစ်၊ (၂)နှစ်နဲ့ (၁)နှစ် အရွယ် အသီးသီးရှိနေကြပြီဖြစ်ပါတယ်။

ရက်ဖို့ဒ် ဟာ လန်ကတ် ရှိုင်းယားဒေသရှိ အိပ်ခန်းကိုး ခန်းပါ ကလေးပြုစုထိန်းသိမ်းရေး ကျောင်း ဟောင်းမှာ နေထိုင်ပြီး တစ်နေ့ အတွက် ချက်ပြုတ်ရတဲ့ အစားအစာက ပေါင်မုန့် အကြီး သုံးလုံး၊ ကွေကာအုပ် နှစ်ဗူး၊ နွားနို့ (၁၈) ပန့်၊ ၀က်သား (၁၆)ခွက်၊ အာလူး (၁၅) ပေါင်၊ ဂေါ်ဖီ ထုပ်သုံးထုပ်နဲ့ မုန်လာဥ (၃၀) ချောင်းတို့ ဖြစ်ကြပါ တယ်။ ရက်ဖို့ဒ်ဟာ မိသားစုတွေ စုဝေးပြီး ပျော်ပါးစွာနေထိုင်ရတာကို သဘောကျမိကြောင်း ဆိုခဲ့ပါတယ်။

အေသင်အောင်
Messenger News Daily

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်