Friday, July 26, 2013

ဦးဝီရသူတရားပွဲ ဗုံးပေါက်ကွဲမှု NDF ပါတီ ကြေညာချက်ထုတ်

Posted by drmyochit Friday, July 26, 2013, under | No comments

မန္တလေး၊ ဇူလိုင် ၂၅

မန္တလေးတိုင်းဒေသကြီး မဟာအောင်မြေမြို့နယ် ရတနာဘုမ္မိ အနောက်ရပ်ကွက် ၃၆ လမ်း ၈၄x၈၅ လမ်းကြား တွင် ဇူလိုင်လ၂၁ ရက်နေ့က ကျင်းပသော မစိုးရိမ်ကျောင်းတိုက် ဆရာတော်ဦးဝီရသူ တရားပွဲ တွင် လက်လုပ်ဗုံးပေါက်ကွဲမှုနှင့် ပတ်သက်၍ အမျိုးသား ဒီမိုကရေစီ အင်အားစုပါတီ (NDF) အထက် မြန်မာနိုင်ငံ က အဆိုပါ ဗုံးခွဲမှုလုပ်ရပ်ကို ဆန့်ကျင်ရှုတ်ချကြောင်း ကြေညာချက် ထုတ်ပြန်ခဲ့ သည်ဟု ယင်းပါ တီ ဗဟိုကော်မတီဝင် ဦးမြင့်ဦးက ပြောကြားသည်။

ယင်းကြေညာချက်တွင် နိုင်ငံရေး မတည်ငြိမ်စေရန် ခုတုံးလုပ် လုပ်ကြံခြင်းဖြစ်စေ၊ အစွန်းရောက် ဘာသာရေး အကြမ်းဖက်သမားများ၏ လုပ်ရပ်ဖြစ်စေ၊ ဗုဒ္ဓဘာသာဝင်များ တရားပွဲ ကျင်းပသည့် နေရာတွင် ဗုံးဖောက် ခွဲမှုဖြစ် ရပ်ကို အမျိုးသားဒီမိုကရေစီ အင်အားစုပါတီ (NDF) အထက်မြန်မာပြည်က ပြင်းထန်စွာ ကန့် ကွက် ရှုတ်ချကြောင်း အဆိုပါ ပါတီထံမှ သိရသည်။

အဆိုပါ ဆန့်ကျင်ရှုတ်ချခြင်း ကြေညာချက်ကို ဇူလိုင်လ ၂၆ ရက်နေ့ နံနက် ၈ နာရီပတ်ဝန်းကျင် အချိန် မှစ၍ ပုသိမ်ကြီးမြို့နယ်၊ ချမ်းမြသာစည်မြို့နယ်၊ အောင်မြေသာစံမြို့နယ်၊ ပြည်ကြီးတံခွန် မြို့နယ်အတွင်းရှိ လူစည် ကားရာ နေရာများတွင် ပြည်သူများထံသို့ ဖြန့်ဝေသွားမည် ဖြစ်ကြောင်း ဦမြင့်ဦးက ထပ်မံပြောကြားသည်။

ဇူလိုင်လ ၂၁ ရက်နေ့ ည ၉ နာရီခန့် က မဟာအောင်မြေမြို့နယ် ရတနာဘုမ္မိ အနောက်ရပ်ကွက်၊ ၃၆လမ်း၊ (၈၄x၈၅) လမ်းကြား၊ အေးမေတ္တာဆေးခန်းရှေ့ လမ်းဘေးတွင် ရပ်ထားသည့် ယာဉ်ပိုင်ရှင် ဒေါက်တာတင်မြင့်၏ ၇က/၃၀၂၀ တိုယိုတာကိုရိုလာ အဖြူရောင်ယာဉ် အနီးမှ ဗြောက်အိုးကွဲသံ ကဲ့သို့ အသံဖြစ်ပေါ်ပြီး ယာဉ်၏ နောက်ဘီးနှစ်ဘီးနှင့် ရှေ့ယာဘက်ဘီးတို့ ဘီးပေါက်ခဲ့ကာ အဆိုပါ ဗုံးပေါက်ကွဲမှုကြောင့် အမျိုးသမီးလေးဦး အမျိုးသားတစ်ဦးနှင့် ကိုရင်တစ်ပါးတို့ ဒဏ်ရာရရှိခဲ့သည်။

The Voice Weekly

မြန်မာနိုင်ငံတွင် ညစ်ညမ်းကိစ္စဖြန့်ဖြူးမှုများ အရေးယူရန် အရေးတကြီးလိုအပ်နေ

Posted by drmyochit Friday, July 26, 2013, under | No comments




ရန်ကုန်၊ ဇူလိုင် ၁၈

မြန်မာနိုင်ငံအတွင်း အင်တာနက်သုံးစွဲမှုများပြားလာသည့်နည်းတူ အင်တာနက် လူမှုရေး ကွန်ရက် စာမျက်နှာ များနှင့် ၀က်ဘ်ဆိုက်များကို အသုံးပြု၍ လိင်စပ်ယှက်မှုများကို ခိုးဝှက်ရိုက်ကူးထားသော ဗီဒီယိုမှတ် တမ်းများနှင့် ပြည့်တန်ဆာအချို့၏ အဖော်အချွတ်ပုံများကို ဖြန့်ဝေမှုများ များပြားလာ၍ မြန်မာ့ လူ့အဖွဲ့ အစည်းအတွင်းရှိ လူငယ်များအတုယူ မှား၍မဖြစ်သင့်သော ကိစ္စရပ်များဖြစ်ပေါ်လာမည်ကို စိုးရိမ် လျက်ရှိကြသည်။

လတ်တလောကာလတွင် ရေပန်းစားလျက်ရှိသော ကျောင်းသား၊ ကျောင်းသူနှစ်ဦး၏ လိင်ကိစ္စ ဗီဒီယို မှတ်တမ်း အပါအ၀င် အနုပညာရှင်များ၏ လိင်ကိစ္စဗီဒီယိုမှတ်တမ်းများကို ခိုးဝှက်ရိုက်ကူး၍ အင်တာနက် တွင် ပျံ့နှံ့စေခြင်းဖြင့် မလိုလားအပ်သော လူမှုရေးဆိုးကျိုးများဖြစ်ပေါ်လျက်ရှိသည်။ ထို့သို့ လူမှုရေး ဆိုးကျိုး များ ဖြစ်စေသည့် ဗီဒီယိုမှတ်တမ်းများကို ရိုက်ကူးဖြန့်ဝေသူများကို အရေးယူ ရန်ဆိုင် ရာဥပဒေပြဋ္ဌာန်း ချက်များ ရှိ သော်လည်း သက်ဆိုင်ရာမှ အရေးယူဆောင်ရွက်မှုများလုံးဝမရှိဘဲ မသိကျိုး ကျွန်ပြုလျက် ရှိကြောင်း ပြည်တွင်းဂျာနယ်အယ်ဒီတာတစ်ဦးက မြန်မာသံတော်ဆင့်သို့ ပြောသည်။

ထို့ပြင် အင်တာနက်လူမှုကွန်ရက်စာမျက်နှာများကို အသုံးပြု၍ နိုင်ငံတွင်းလုပ်ကိုင်လျက်ရှိသော ပြည့်တန်ဆာအချို့က ၄င်းတို့၏ အဖော်အချွတ်ပုံများကို အင်တာနက်တွင်တင်၍ ဖိတ်ခေါ်မှု များပြုလုပ် လျက် ရှိသည်။ ထိုလုပ်ဆောင်ချက်များအပေါ် သက်ဆိုင်ရာပြည့်တန်ဆာဥပဒေဖြင့် ရှာဖွေ အရေး ယူ၍ရသော်လည်း သက်ဆိုင်ရာမှဆောင်ရွက်ခြင်းမရှိ၍ ပိုမိုရဲတင်းစွာပြုလုပ်လာကြသည်။ အင်တာ နက်လူမှု ကွန်ရက် စာမျက်နှာများတွင် ပျံ့နှံ့နေသော အဖော်အချွတ်ပုံများတွင် မြန်မာ အမျိုးကောင်း သမီး အချို့ကို ခိုးဝှက် ရိုက်ကူးထားသည့် ပုံများလည်းပါရှိနေ၍ ထိုကာယကံရှင်အမျိုးသမီးများ၏ အရှက်နှင့် ဂုဏ်သိ က္ခာကို ထိခိုက်လျက်ရှိသည်။

ထိုဖြစ်ရပ်များကြောင့် မြန်မာနိုင်ငံတွင်း အင်တာနက်အသုံးပြု၍ ညစ်ညမ်းကိစ္စရပ်များ ဖြန့်ဖြူးမှုတို့အပေါ် အစိုး ရက သက်ဆိုင်ရာတည်ဆဲဥပဒေများအတိုင်း ရှာဖွေဖော်ထုတ် အရေးယူသွားရန် အရေးတကြီးလိုအပ် နေပြီဖြစ်ကြောင်း တရားလွှတ်တော်ရှေ့နေတစ်ဦးဖြစ်သူ ဦးတင်လှိုင်ကပြောသည်။

Myanmartandawsint Newspaper

အစော်ကားခံရကြောင်း တိုင်ကြားပြီးနောက် ထောင်ဒဏ်ကျ ခံရသူ နော်ဝေအမျိုးသမီးအား လွတ်ငြိမ်းခွင့်ပေး

Posted by drmyochit Friday, July 26, 2013, under | No comments



အဓမ္မစော်ကားခံရကြောင်းကို တိုင်ကြားခဲ့ပြီးနောက် ထောင်ဒဏ်ကျခံ ခဲ့ရသော ဒူဘိုင်း၌ လာရောက် အလုပ် လုပ်ကိုင်သူ နော်ဝေ အမျိုးသမီး တစ်ဦး ၏ ကိစ္စအား အများပြည်သူက ဝေဖန် ကန့်ကွက်သံများ ထွက်ပေါ်လာပြီး နောက် သူမအား လွတ်ငြိမ်းခွင့်ပေးခဲ့ ကြောင်း သိရသည်။

အသက် ၂၄ နှစ်အရွယ်Marte Dalelv ဆိုသူ အမျိုးသမီးသည် သူမ၏ အလုပ်ရှင်အား ပြစ်ဒဏ်ချမှတ်ရန် တိုင် ကြားခဲ့ပြီးနောက် လိုင်စင်မရှိဘဲ အရက် သောက်မှု၊ မုသား သက်သေခံမှု၊ ကာမပိုင် ယောက်ျားရှိ လျက်ဖောက်ပြန် မှုများဖြင့် တရားစွဲဆိုခံရပြီး လေးလကြာ ဒုက္ခသုက္ခများနှင့် ရင်ဆိုင်ခဲ့ရပြီးနောက် လွတ်ငြိမ်းခွင့်ရခဲ့ခြင်း ဖြစ်သည်။

သူမသည် အဓမ္မစော်ကားခံရသည့် အကြောင်းကို ရဲတပ်ဖွဲ့အား တိုင်ကြားခဲ့ ပြီးနောက် ချက်ချင်းဖမ်းဆီးထိန်းသိမ်းခံ ရပြီး လေးရက်အကြာ တွင် နော်ဝေသံ တမန်များ၏ အကူအညီဖြင့် လွတ်မြောက် ခဲ့သည်။ သူမအား အာရပ်စော်ဘွားများ နိုင်ငံအတွင်း၌ ၁၆ လကြာ ထောင်ဒဏ် ကျခံရန် စီရင်ချမှတ်ခဲ့သော်လည်း လွတ် ငြိမ်းချမ်းသာခွင့်ပေးခဲ့ပြီး အရက်သောက် သုံးမှု၊ အိမ်ထောင်ရေး ဖောက်ပြန်မှု များဖြင့် ၁၃ လကြာထောင်ဒဏ် ကျခံရ မည့် သူမ၏သူဌေးကိုလည်း လွတ်ငြိမ်း ခွင့်ပေးခဲ့သည်။

''မင်းကို လွတ်ငြိမ်းခွင့်ပေးလိုက်ပြီ လို့ ပြောတော့ ကျွန်မ တအားပျော်သွား တာ။ ပျော်စရာကောင်းတဲ့ အဆုံးသတ် တစ်ခုပါ။ ကျွန်မပတ်(စ်)ပို့လည်းပြန်ရ ပြီ။ ဒီနိုင်ငံကနေ အမြန်ဆုံးထွက်ခွာမှာ ပါ''ဟု သူမက ပြောကြားခဲ့သည်။

နော်ဝေနိုင်ငံခြားရေးဝန်ကြီး Barth Eide က ယင်းကဲ့သို့ လွတ်ငြိမ်း ခွင့်ပေးခဲ့ခြင်းအပေါ် ထောက်ခံခဲ့သော် လည်း ထောင်ဒဏ်ချမှတ်ခဲ့သည့် တရား ရုံး၏ မူလဆုံးဖြတ်ချက်ကို ပြစ်တင်ဝေ ဖန်ခဲ့သည်။ သူမသည် ဒိုဟာမှ ဒူဘိုင်း သို့ အလုပ်ဖြင့် လာရောက်ခဲ့ခြင်းဖြစ်ပြီး ကာတာသို့ ပြန်သွားရန် ဆုံးဖြတ်ချက် မချရသေးပေ။

သူမအား လွတ်ငြိမ်းချမ်းသာခွင့် ပေးရန် လူပေါင်း ၇၂ဝဝဝ က လက်မှတ် ရေးထိုးတောင်းဆိုခဲ့ပြီး Facebook ရှိ အသင်းအဖွဲ့များကလည်း သူမကို လွှတ်ပေးရန် တောင်းဆိုခဲ့ကြသည်။

Ref:AFP
သိင်္ဂီဝင်း

Popular Myanmar News Journal

အသက်ရှည်ချင်လျှင် အိမ်ထောင်ပြုပါ

Posted by drmyochit Friday, July 26, 2013, under | No comments




သက်လတ်ပိုင်း ရောက်သည်အထိ တည်ငြိမ်သော သံယောဇဉ် နှောင်ဖွဲ့မှု ကင်းမဲ့ နေသူများသည် အရွယ် မတိုင်မီ သေဆုံးနိုင်သည့် အလား အလာများ ပိုမိုကြောင်း Duke တက္ကသိုလ် ဆေးပညာ ဌာန၏ လေ့လာ မှုတွင် ဖော်ပြ ထားသည်။

Duke တက္ကသိုလ် သုတေသီများက သုတေသနပြုလုပ်ရန် အမျိုးသား၊ အမျိုးသမီး ၄၈၀၂ ဦးကို ခေါ်ယူခဲ့သည်။ ၎င်းတို့အားလုံးမှာ မြောက်ကာရိုလိုင်းနား တက္ကသိုလ်၏ နှလုံးလေ့လာ သင်ကြားမှု သင်တန်းကို တက်ဖူးသူများ ဖြစ်ကြ သည်။ ထိုသင်တန်းသည် ၁၉၄၀ ခုနှစ်များ တွင်မွေးဖွား ခဲ့သူများ၏ ကျန်းမာရေးကို ခြေရာခံစောင့်ကြည့် နေခဲ့သည့် သင်တန်း တစ်ခုလည်း ဖြစ်သည်။

လက်ထပ်ထိမ်းမြားမှု၏ သက်လတ်ပိုင်း အရွယ်အပေါ် အကျိုး သက်ရောက် ပုံကို လေ့လာ ခဲ့ကြသည်၊ သုတေသန ရလဒ်များကို လွှမ်းမိုးမှု ရှိလာမည့် ကိုယ်ရည် ကိုယ်သွေး ပြဿနာများ၊ လူမှု စီးပွားရေး အခြေ အနေ တို့နှင့် ကျန်းမာရေးနှင့် မညီညွတ်သော အပြုအမူ စသည့် အချက်များကို ထိန်းချုပ် စစ်ဆေးမှုများ ပြုလုပ်ပြီးမှ သုတေသနတွင် ပါဝင်ရန် ရွေးချယ် ခဲ့ခြင်း ဖြစ်သည်။ သုတေသနတွင် တွေ့ရှိချက်အရ တစ်ကြိမ်တစ်ခါမျှ လက်မထပ်ဖူး သူများသည် လူရွယ်ဘဝမှ စ၍ ခိုင်မာသော ချစ်သံယောဇဉ် ထူထောင်လာ ခဲ့သော ဇနီးမောင်နှံ များထက် အရွယ်မတိုင်မီ သေဆုံးရန် နှစ်ဆ အလားအလာ များကြောင်း သိရသည်။

တစ်ကိုယ်တည်း နေသူများ၊ ဇနီးခင်ပွန်းဆုံးပါးသွား သူများသည် သက်ကြီး ရွယ်အို ဘဝအထိ အသက် မရှည်နိုင်သည့် အလားအလာ များပြားသည်။ ထိုသက်ရောက်မှုသည် ကျန်းမာရေးနှင့် ညီညွတ်စွာ ပြုမူနေထိုင်သူများ၊ လူမှုစီးပွားရေး အခြေအနေ ကောင်းမွန်သူ များ၌ ပါတွေ့ရ တတ်သည်။

လက်မထပ်ဘဲ အတူ နေထိုင်တဲ့ ပုံစံကို အာရုံစိုက် လေ့လာတာဟာ ကလေးတွေ တစ်ပြုံကြီး မွေးနေသူတွေ အတွက် အရေးပါတဲ့ လေ့လာမှု ဖြစ်လာနိုင်ပါတယ်။ ဒီလိုပုံစံ နေထိုင်သူ တွေဟာ စောစီးစွာ သေဆုံးမှုနှင့် ဆက်စပ်နေတဲ့ အတွက် စိတ်ပိုင်းဆိုင်ရာ၊ လူမှုရေးဆိုင်ရာ အထောက် အပံ့တွေ ပိုမို ပေးအပ် သင့်ပါတယ်။ သက်လတ်ပိုင်း အရွယ်မှာ လူမှုရေးအရ တွယ်တာ နှောင်ဖွဲ့မှုတွေကို လေ့လာခြင်း အားဖြင့် အရွယ်မတိုင်မီ သေဆုံးရတဲ့ အကြောင်းရင်း တစ်ခုကို တွေ့ရှိ လာရပါတယ်ဟု သုတေသန စာတမ်းပြုစု သူများက ထည့်သွင်း ဖော်ပြ ထားသည်။

သုတေသနကို အပြုအမူဆိုင်ရာ ဆေးပညာ ဂျာနယ် (journal Annals of Behavioral Medicine) တွင် ဖော်ပြထားသည်။

သီဟ
Source:MDI
Health Updates Journal

မြန်မာနိုင်ငံအလယ်ပိုင်း မိုးစတင်ရနေပြီဖြစ်သလို မြစ်ဝကျွန်းပေါ်ဒေသနဲ့ တနင်္သာရီတိုင်းမှာတော့ စတင်ရေဖုံး လွှမ်းခံရပြီ

Posted by drmyochit Friday, July 26, 2013, under | No comments



ဆရာ ဒေါက်တာထွန်းလွင်က မြန်မာနိုင်ငံရဲ့ မိုးလေ၀သအခြေအနေတွေကို နေ့မနား၊ ညမနား အလုပ် လုပ်နေပြီး မြန်မာပြည်သူပြည်သားတွေအတွက မိုးလေ၀သသတင်းတွေကို အချိန်နဲ့ တစ်ပြေးညီ ပြောပြပေးနေ ပါတယ်။ ခုလို မိုးလေ၀သသတင်းတွေကို ကျန်းမာရေးကို မငဲ့ဘဲ ပြောပြပေးနေတဲ့ ဆရာ ဒေါက်ထာထွန်းလွင် ကို အထူးကျေးဇူးတင်ရှိပါတယ်။

Weather News Update
26-7-2013
00:58 am

မြန်မာနိုင်ငံအလယ်ပိုငး မိုးစတင်ရနေပြီဖြစ်သလို မြစ်ဝကျွန်းပေါ်ဒေသနဲ့ တနင်္သာရီတိုင်းမှာတော့ စတင်ရေဖုံး လွှမ်းခံရပြီ။

(၁) စွတ်စိုကာလ(Wet Spell Period) ဖြစ်တဲ့ ဇူလိုင်လ(၂၃-၂၅)ရက် အတွင်း NASA ဂြိုဟ်တုမှ RS နည်းပညာနဲ့ တိုင်းတာချက်များအရ မြန်မာနိုင်ငံ တ၀ှမ်းမှာ တစ်နေ့ထက်တစ်နေ့ မိုးရွာသွန်းမှု တိုးလာ တာကိုတွေ့ရပါတယ်။ (၂၂-၇-၁၃) ရက်နေ့မှာ မိုးမရွာသေးတဲ့ဒေသ မြန်မာနိုင်ငံအလယ်ပိုင်း နဲ့ မြေလတ် ပိုင်းဒေသတွေ မှာ အများအပြား ဆက်လက်ကျန်ရှိနေသေးပေမယ့် (၂၃-၇-၁၃) မှာတော့ မိုးမရွာတဲ့ဒေသ ဟာ ချင်းပြည်နယ်မှာသာ ကျန်တော့တာ ကို တွေ့ရပါတယ်။ (၂၅-၇-၁၃) ရက်မှာတော့ တပြည်လုံး မိုးမရွာ တဲ့ဒေသ မကျန်တော့တာကို တွေ့ရ ပါတယ်။

(၂) (၂၅-၇-၂၀၁၃)ရက်နေ့မှာတော့ မိုးအနည်းဆုံး(၂၄ နာရီအတွင်း ၁-၁၀ မမ) ရွာသွန်းတဲ့ဒေ သများအဖြစ် စစ်ကိုင်းတိုင်းအောက်ပိုင်း၊ မကွေးတိုင်းမြောက်ပိုင်း၊ မန္တလေးတိုင်းအနောက်အလယ်ပိုင်း၊ ကချင်ပြည်နယ်၊ ရှမ်းပြည်နယ်မြောက်ပိုင်း နဲ့ အရှေ့ပိုင်းတို့ကို တွေ့ရပါတယ်။

(၃) ဂြိုဟ်တုနဲ့တာဝေးတိုင်းတာမှုအနေနဲ့တော့ မိုးခေါင်နေတဲ့ မြန်မာနိုင်ငံ အလယ်ပိုင်းမှာ မိုးရနိုင်တဲ့ အခြေ အနေတွေဖြစ်ပေါ်နေခဲ့တာကိုတွေ့ရ ပါတယ်။ မြေပြင်အခြေအနေနဲ့တော့ တိုက်ဆိုင်ကြည့်ဖို့တော့ လိုပါလိမ့်မယ်။

(၄) တချိန်တည်းမှာဘဲ မိုးရရှိမှုအနေနဲ့ မြန်မာနိုင်ငံအောက်ပိုင်းမြစ်ဝကျွန်းပေါ်ဒေသ နဲ့ တောင်ပိုင်းဒေသတွေမှာ သိသိသာသာ တိုးခဲ့ပါတယ်။ (၂၄)မိုးရေချိန် အများဆုံး ၂ လက်မ(၅၀ မမ)ခန့်အထိ ရရှိခဲ့ပါတယ်။

(၅) ကြိုတင်စိုးရိမ်ခဲ့တဲ့အတိုင်းပါဘဲ မြစ်ကျွန်းပေါ်ဒေသ ဧရာဝတီတိုင်းတောင်ပိုင်း၊ ရန်ကုန်တိုင်းတောင်ပိုင်း၊ ပဲခူးတိုင်းတောင်ပိုင်း နဲ့ တနင်္သာရီတိုင်းတို့ မှာတော့ မြေနိမ့်ပိုင်းတွေ၊ လယ်ကွင်းတွေသာမက လူနေအိမ် ရပ်ကွက်တွေ ပါ ရေမြုပ်ခံရတဲ့ သတင်းတွေလည်း ကြားသိလာရပါတယ်။

လက်ရှိအချိန်မှာတော့ ရေဇု့းလွှမ်းခံရမှုဟာ မိုးကောင်းလာတာနဲကအမျှ အရေးအကြီးဆုံး ကာကွယ် မှုဆောင်ရွက်ရမယ့်ကိစ္စဖြစ်ပါတယ်။ မိုးကတော့ ဇူလိုင်လကုန်အထိ ကောင်းဦးမယ်လို့ ခန့်မှန်းထား ပါတယ်။

ဒေါက်တာထွန်းလွင်
Popular Journal

ရခိုင်ပြည်နယ်အတွင်း ဗုံးခွဲမည်ဆိုသည့်သတင်းများ ထွက်ပေါ်နေ

Posted by drmyochit Friday, July 26, 2013, under | 1 comment


ကျောက်ဖြူမြို့အတွင်း စာသင်ကျောင်းနှင့် ဘာသာရေးအဆောက်အဦးများအား ဗုံးခွဲမည်ဟု သတင်းတစ်ရပ် ထွက်ပေါ်ခဲ့သဖြင့်  ကျောက်ဖြူမြို့ရှိနေရာအနှံ့အပြား၌  လုံခြုံရေးများချထားကြောင်း ကျောက်ဖြူမြို့ခံများထံမှ သိရှိရသည်။

“လုံခြုံရေးတွေက ဇူလိုင်လ ၂၃ ရက်နေ့ကပင် ကင်းလှည့်တယ်၊ ကျွန်တော်တို့ သိတာက မနေ့ကဘဲ သိတယ်၊  အခုလက်ရှိ  အစ္စလာမ်ဘာသာဝင် တစ်ယောက်တော့ ဖမ်းတယ်လို့ သိရတယ် ၊ ဖမ်းတာက လဝက အမှူနဲ့လို့ သိရတယ်’’ဟု ကျောက်ဖြူမြို့ခံတစ်ဦးက ပြောသည်။

 ဇူလိုင်လ(၂၄)ရက်နေ့တွင် ကျောက်ဖြူမြို့ လူနေထူထပ်သည့်နေရာများတွင် ဗုံးခွဲမည်ဟု သတင်းများ ထွက်ပေါ်လာခဲ့သည့်အတွက် စာသင်ကျောင်းအချို့ကို တစ်ရက်တာ ပိတ်ထားလိုက်ရခြင်းဖြစ်သော်လည်း အဆိုပါသတင်းထွက်ပေါ်ခဲ့သည့် သတင်းရင်းမြစ်ကိုမူ မသိရှိချေ။

 “ကျောက်ဖြုမြို့မှာ အထင်ကရနေရာတွေကို ဗုံးခွဲမယ်ဆိုပြီး သတင်းတစ်ခုထွက်ပေါ်လာတာကြောင့် မနေ့က စာသင်ကျောင်းတွေ ပိတ်ထားလိုက်ရတယ်၊ စာသင်ကျောင်းတွေ လူစည်ကားတဲ့နေရာတွေမှာ ဗုံးခွဲမယ်ဆိုပြီး သတင်းတစ်ခု ထွက်လာတဲ့အတွက် လုံခြုံရေးအဖွဲ့တွေ့က စာသင်ကျောင်းများ ဈေးရောင်းနေတဲ့ သူတွေကို ဖယ်ခိုင်းတယ်၊ အန္တာရယ် တစုံတရာဖြစ်လာတယ်ဆိုလို့ရှိရင် သူတို့အတွက် တာဝန်မယူဆိုတဲ့ အကြောင်းတွေ ပေါ့’’ ဟုကျောက်ဖြူမြိုခံတစ်ဦးက ပြောသည်။

အဆိုပါ သတင်းထွက်ပေါ်မှုနှင့်ပတ်သက်၍ ကျောက်ဖြူရဲစခန်းအား ဖုန်းဖြင့် ဆက်သွယ်ခဲ့ရာ ယခုကဲ့သို့ ဖြေကြားခဲ့သည်။

 “ကျောက်ဖြူမှာဗုံးခွဲမယ်ဆိုပြီး သတင်းထွက်ပေါ်တာ မဟုတ်ပါဘူးခင်ဗျား၊ သံသယရှိတဲ့သူကို ဖမ်းဆီးထား တာလည်း မရှိပါဘူး’’ ဟု ကျောက်ဖြူရဲစခန်းမှ တာဝန်ရှိသူက ဖြေကြားခဲ့သည်။

သို့သော် အဆိုပါသံသယရှိသူအား ကျောက်ဖြူ ငလပွေ့ဆိပ်ကမ်း၌ ဖမ်းဆီးရကြောင်း သတင်းများ ထွက်ပေါ်လျက်ရှိသည်။

ဇူလိုင်လ(၂၅)ရက်နေ့ ကျောက်ဖြူမြို့တွင် စာသင်ကျောင်းများ ပြန်လည်ဖွင့်လှစ်ထားပြီဖြစ်သည်ဟု ကျောက်ဖြူဒေသခံများထံမှ သိရသည်။

အလားတူစစ်တွေမြို့၌လည်း ယင်းသို့ သတင်းထွက်ပေါ်မှုများရှိနေရာ စစ်တွေမြို့အမှတ်(၁)ရဲစခန်းမှ ရဲအရာရှိတစ်ဦးအား ဆက်သွယ်ရာ ယခုကဲ့သို့ဆိုသည်။

”သတင်းကတော့ မျိုးစုံထွက်နေတာဘဲလေ၊ ဟုတ်တာလည်း ပါမယ်၊မဟုတ်တာလည်း ပါမယ်၊ အခုကျွန်တော် တို့ရဲတပ်ဖွဲ့တွေ လုံခြုံရေးအဖွဲ့တွေ တိုးချထားပါတယ်၊  ပြည်သူတွေ အထိတ်တလန့်မဖြစ်အောင် အတတ်နိုင် ဆုံး ကာကွယ်ထားပါတယ်’’ဟု စစ်တွေအမှတ်(၁)ရဲစခန်းမှ တာဝန်ရှိသူက ပြောသည်။

အိန္ဒိယနိုင်ငံ ဘီယာပြည်နယ် ဗုဒ္ဒဂယာတွင် ဗုံးခွဲမှုနောက် ရခိုင်ပြည်နယ်အတွင်း၌ အကြမ်းဖက်သူအချို့က  ဗုံးခွဲမည်ဟု သတင်းများ ထွက်ပေါ်ခဲ့သေးသည်။

ရခိုင်ပြည်နယ်တွင်း ပဋိပက္ခဖြစ်ပေါ်မှု တစ်နှစ်ကျော်ကြာမြင့်ခဲ့ပြီဖြစ်သော်လည်း ဘင်္ဂလီဒုက္ခသည်စခန်းများတွင် ဝန်ထမ်းများအား တိုက်ခိုက်မှုရှိခဲ့ကြောင်း၊ လက်ရှိတွင် ပဋိပက္ခထပ်မဖြစ်ရအောင် ရခိုင်ပြည်နယ်တွင် ရဲအင်အား ၆ထောင် ချထားသလို တစ်ချို့နေရာများတွင် လုံခြုံရေးကင်းများချထားရဆဲဖြစ်သည်။

ဇူလိုင်လ ၉ရက်နေ့တွင် ရန်ကုန်မြို့ နိုင်ငံခြားဝန်ကြီးဌာန၌ ပြုလုပ်ခဲ့သည့် ရခိုင်ပြည်နယ်အစိုးရအဖွဲ့၏ သတင်းစာရှင်းလင်းပွဲတွင် ရခိုင်ပြည်နယ် ဥပဒေချုပ်ဦးလှသိန်းက ဘင်္ဂါလီများနေထိုင်သည့် နေရာများတွင် လုံခြုံရေးအပြည့်အဝချထားပြီး ရခိုင်နှင့်ဘင်္ဂါလီ တစ်ဖက်နှင့် တစ်ဖက်သွားလာခွင့် ခွင့်ပြုထားခြင်းမရှိဟု ပြောဆိုထားသည်။

ရခိုင်ပြည်နယ်အစိုးရအနေဖြင့်  ကောလဟာလ သတင်းမျိုးများ ထွက်ပေါ်လာမှုကို ထိန်းချုပ်ရန် ခက်ခဲ သော်လည်းဖြစ်စဉ်အချို့ကိုမူ  အမြဲတမ်းထုတ်ပြန်လေ့ရှိသည်။

From: မိုးဝေ-ရခိုင်ပြည်နယ်(မြစ်မခ)

တောင်ပြုန်းပွဲတော်လာ မိန်းမလျာ ဖမ်းဆီးထိန်းသိမ်းမည် မဟုတ်ပါ

Posted by drmyochit Friday, July 26, 2013, under | No comments



တောင်ပြုံးပွဲတော်သို့ အနယ်နယ် အရပ်ရပ်မှ လာရောက် မည့်မိန်းမလျာ များကိုဖမ်းဆီးထိန်းသိမ်းခြင်း ပြုလုပ်ရန် အစီအစဉ်မ ရှိဟုမန္တလေးတိုင်းဒေသကြီး ရဲတပ်ဖွဲ့ရုံးမှရဲမှူး စိုးငြိမ်းက ပြောသည်။

မိန်းမလျာများအား ဆက်တိုက် ဖမ်းဆီးမှုပြုလုပ်နေသည့် မန္တလေးမြို့ ကိစ္စရပ်နှင့်ပတ်သက်၍ မကြာမီကျင်းပ တော့မည့်တောင်ပြုံးပွဲတော်၌ လာရောက် လည်ပတ်ရန် မိန်းမလျာအများစု စိုးရိမ် နေမှုအပေါ် ရဲမှူးက အထက်ပါအတိုင်း ပြောကြားခဲ့ခြင်း ဖြစ်သည်။

''ကျွန်တော်တို့ မန္တလေးမှာ မိန်းမ လျာဆိုတာနဲ့ ဖမ်းနေတာ မဟုတ်ဘူး။ ဒါကိုရှင်းရှင်းလင်းလင်း သိစေချင်တယ်။ ကျွန်တော်တို့က အများပြည်သူစိတ် အ နှောင့်အယှက် ဖြစ်နေလို့သာ သူတို့ကို ကျွန်တော်တို့ ဖမ်းတာပါ''ဟု ရဲမှူးက ရှင်းပြသည်။

ထို့အတူတောင်ပြုန်း၌ အများပြည် သူတို့စိတ်အနှောင့်အယှက်ဖြစ်က မိန်းမ လျာတို့ကို မဖမ်းဆီးဘဲမနေဟု ရဲမှူးက ဆက်ပြောသည်။ ရိုးရာဓလေ့ ထုံးစံအရ တောင်ပြုန်းပွဲကို ဝါခေါင်လဆန်းတွင် နှစ် စဉ်ကျင်းပ နေရာ မိန်းမလျာများသာမက အနယ်နယ်အရပ်ရပ်မှ အများပြည်သူတို့ လာရောက်လေ့ရှိသည်။

မန္တလေးမြို့ လိင်တူချစ်သူများကွန် ရက်မှ ကိုရှင်းသန့်က ''ဒါကတော့ သူ တို့အပြောလေ။ ဒီလိုပဲပြောကြတာပဲ။ တောင်ပြုန်းမှာ မဖမ်း လည်း တောင်ပြုန်း သွားတဲ့လမ်းတစ်လျှောက်နဲ့ ကျုံးဘေး မှာ ဖမ်းလို့ရတာပဲ။ ဘာပဲဖြစ်ဖြစ် စိုးရိမ် တယ်''ဟု ပြောသည်။

ဇူလိုင်လ ပထမအပတ်မှ စကာ မန္တလေးရဲတပ်ဖွဲ့က မိန်းမလျာ ၂ဝ ဦး ခန့် ဖမ်းဆီးထိန်းသိမ်းခဲ့ပြီး ခံဝန်လက် မှတ်ရေးထိုးခိုင်းခြင်း၊ အချုပ်ထဲ ထည့် ခြင်းနှင့် ထောင်ဒဏ်ချမှတ်ခြင်းများကို ပြုလုပ်ခဲ့သည်။

ရဲမှူးဦးစိုးငြိမ်းက ''ကျွန်တော်တို့ ဒါက ဥပဒေအတိုင်းလုပ်တာ၊ အပြင် မှာ ကျွန်တော်တို့ ရဲကိုတရားစွဲမယ်လို့ ပြောတယ်။ ဘာပုဒ်မနဲ့စွဲမှာလဲ။ အဲဒီ ကျုံးတောင်ဘက်မှာ မိန်းမလျာတွေက မဟုတ်တာလုပ်တဲ့အလုပ်တွေ အများ ကြီးရှိတယ်။ အဲဒီဘက်က မိန်းမလျာ တွေသာမကဘူး မဟုတ်တာလုပ် တဲ့ ယောက်ျားတွေလည်း ဖမ်းတာပဲ။ ဒါပေ မဲ့ တစ်ခုပဲရှိတယ် ဘာမှမလုပ်တဲ့ မိန်းမ လျာတွေကိုတော့ ဖမ်းမှာမဟုတ်တာ တော့ သေချာတယ်'' ဟု ပြောသည်။

PN-051 ၊ စိုင်းလမင်း

Popular Myanmar News Journal

ဆေးရုံထဲသို့ အရက်ပုလင်းနှင့် ဆိုင်ကယ်စီး ဝင်လာသော ဆရာဝန် သတင်း ဖြစ်ရပ်မှန်

Posted by drmyochit Friday, July 26, 2013, under | No comments



၂၁ ရက်နေ့   ည ၉ နာရီလောက်မှာ မန္တလေးတိုင်း ဒေသကြီး ကျောက်ဆည်မြို့  ကျောက်ဆည်ဆေးရုံကို accident ဖြစ်တဲ့ လူနာနှစ်ယောက် ရောက်လာပြီး လူနာများ၏ အခြေအနေမှာ ဦးခေါင်းထိထား၍ ကောင်းစွာ သတိမရကြောင်း သိရပါတယ်။

အဆိုပါလူနာ များနှင့် ပါလာသော ယာဉ်ထိမ်းရဲ နှစ်ယောက်မှာ ဆရာဝန်စမ်းသပ် ခန်းထဲသို့ ဝင်လာပြီး လူနာများ အား လှုပ်နိုးပြီး၊ နာမည်၊ အသက် စသည်တို့ ကို မေးတဲ့အခါ တာဝန်ကျ ဆရာဝန်များထဲမှ ဆရာဝန် တယောက်က လူနာက ကောင်းကောင်း သတိမရသေးသဖြင့်၊ အရေးပေါ် အခြေ အနေဖြစ် ကြောင်း ဆရာဝန် အခန်း အပြင်မှ စောင့်ရန်ပြောသဖြင့်၊ အရက်လည်း မူးနေတဲ့ ယာဉ်ထိမ်းရဲ ၂ပွင့် ဦးအေး ကိုကိုမှ အခန်းအပြင်ဘက်သို့ ထွက်သွားရ၍ မကျေနပ်ကြောင်း ပြောဆိုနေခဲ့ပါတယ်။

အဲဒီအချိန်မှာ ဒေါက်တာ ဇော်သူအောင်မှ ဆိုင်ကယ်ထားရန် ပြင်ပလူနာ ဌာနဆောင်ထဲသို့ တက်လာစဉ်၊ ယာဉ်ထိမ်းရဲများ ပိတ်နေ၍ လမ်းဖယ်ပေးရန် ဆိုင်ကယ်ဟွန်းတီးတဲ့အခါ၊ ယာဉ်ထိမ်းရဲ ဖြစ်သူများမှ ဖယ်မပေးဘူးလို့ ဆိုပါတယ်။

ထိုအခါ ဒေါက်တာဇော်သူအောင်မှ ဆိုင်ကယ်ကို လမ်းကျဉ်းကျဉ်းလေးထဲ သို့  ယာဉ်ထိမ်းရဲများ ဘေးမှ ကပ်ရှောင် သွားစဉ်၊ဒေါက်တာ ဇော်သူအောင် ဆိုင်ကယ်မှ ဆိုင်ကယ်ဦးထုပ်နှင့် ဦးအေးကိုကို၏ လက်ထိ မိသွား ကြောင်းသိရပါတယ်။

အထဲမှ လူနာနှစ်ယောက်ကိုတော့ ရောဂါအခြေအနေ အကြောင်း တာဝန်ကျ ခွဲစိပ်ဆရာဝန်ကြီးထံ အကြောင်း ကြားပြီး ဆရာဝန်ကြီး order အရ မန္တလေးဆေးရုံကြီး ဦးနောက်နှင့် အာရုံကြောခွဲစတ်ဌာနလို့ လွဲပြောင်း ခိုင်း လိုက်ပါတယ်။

ထိုသို့ လွှဲပြောင်းကုသ ခြင်းကို ယာဉ်ထိမ်းရဲ ဖြစ်သူဦိးအေးကိုကိုမှ ဒီမှာပဲ ကုလို့ မရနိုင်ဖူးလား၊ ဘာဖြစ်လို့ လွှဲတာ လဲလို့ ပြောပါတယ်၊ အရေးပေါ်အခြေအနေကြောင့် လွှဲပြောင်းခြင်းကို သူ့ ဘက်က ဘာကိစ္စ သဘော မတူ ဖြစ်နေရတာလဲဆိုတာကို ဆရာဝန်များမှ နားမလည်နိုင်ကြောင်း၊ ကျောက်ဆည် ဆေးရုံက ဆရာဝန် တဦးက ပြောပါတယ်။

မလွှဲလို့ မရဖူးလို့ ပြောလိုက်တော့မှ ယာဉ်ထိမ်းရဲ ဖြစ်သူ နှစ်ဦးထွက်သွားခဲ့ ပါတယ်။

ည ၁၀ နာရီလောက်မှာ ယာဉ်ထိမ်းရဲ ဖြစ်သူနှစ်ဦးနှင့် ကိုကိုလွင် ဆိုသော လူတယောက်ပါလာပြီး ၊၃ ယောက် စလုံးမှ အရက်နံ့့ရပြီး တော်တော်ပင်မူးနေကြကြောင်း၊ ကိုကိုလွင် ဆိုသူမှာ ဆေးရုံထဲသို့ ဆေး လိပ်သောက် ၀င်လာပြီး သူ့ ဖုန်းဖြင့် ဓာတ်ပုံများရိုက်ကြောင်း၊ ယာဉ်ထိန်းရဲဖြစ်သူ ဦးအေးကိုကိုမှ သူ့ အားဆိုင် ကယ်ဖြင့် ဝင်တိုက်သွားသည့် ဆရာဝန်အား ခေါ်ပေးရန် ရင့်ရင့်သီးသီးပြောဆို ကြောင်း၊
ကိုကို လွင်အား ဓာတ်ပုံ ရိုက်လို့ မရကြောင်း ပြောသောအခါ ၊ ငါက မီဒီယာသမားကွ ငါရိုက်ချင်ရင် အကုန် ရိုက်လို့ ရတယ်ကွဟု ပြောကြောင်း၊ ရောက်လာသူ ၃ ယောက်စလုံးမှ တော်တော်မူးနေ၍ ပြသနာ တက်မည် ဆိုးသော ကြောင့် ဒေါက်တာ ဇော်သူအောင်ကို ခေါ်မပေးပဲ ပြေလည်အောင် ဆရာဝန်တဦးမှ ဦးအေး ကိုကိုအား ဆိုင်ကယ်ဦးထုပ်နှင့် တိုက်မိတာပဲ ခင်များလက်က ဒဏ်ရာရသွားရင် ကျွန်တော်တို့ ဒေါက်တာ ဇော်သူအောင် အစားတောင်းပန်ပါတယ်လို့ ပြောပါတယ်။

ပြီးတော့ ခင်များလက်ကိုလည်း ဓာတ်မှန်ရိုက်ပြီး ဆေးကုပေးမည်ဟု ပြောကြောင်း၊ အမှန်မှာ ဆိုင်ကယ်ဦးထုပ်ဖြင့် တိုက်မိသောကြောင့် မည်သည့် ဒဏ်ရာအနာမှ မဖြစ်ကြောင်း၊ ဦးအေးကိုကိုမှ ဒေါက်တာဇော်သူအောင်အား မခေါ်ပေးသဖြင့် ဆေးရုံရှေ့့တွင် အော်ပစ်ဆဲဆို သောင်းကြမ်းနေကြောင်း၊ မီဒီယာ သမားဟုပြောသော ကိုကိုလွင်ဆိုသူမှ ငါက ၈၈ကျောင်းသားဟောင်းကွ၊ ငါကိုဘာကောင်မှတ်နေလည်း၊ မင်းတို့ ဆေးရုံတခု လုံးကို ဓာတ်ပုံရိုက်ပြီး internet ပေါ်တင်လို့ ရတယ်ကွ၊ ပါးစပ်မှ လည်းနားနှင့် မကြားဝင့်တဲ့ စကားလုံးမျိုးစုံ ဖြင့်ဆဲဆိုပြီး၊ မင်းတို့ ဆေးရုံတခုလုံးကို မီးရို့ ပစ်မယ်၊ ဘာမှတ်နေလဲကွဟု ပြောကြောင်း၊ ပြသနာများ ပိုကြီးလာမည်ဆိုးသောကြောင့် အကုန်လုံးမှ ဒေါက်တာဇော်သူအောင်အား ခေါ်ပေးပြီး၊ ယာယီဆေးရုံအုပ် ဒေါက်တာဦးဌေးအောင်ကိုလည်း တာဝန်ကျ ဆရာဝန်တဦးမှ သွားခေါ်ခဲ့ပါတယ်။

ဒေါက်တာဦးဌေးအောင်ရောက်လာပြီး ပြသာနာဖြစ်သူ နှစ်ဦးအား အခန်းတွင်း သီးသန့် ဖြေရှင်းပေးကြောင်း၊ ဒေါက်တာဦးဌေးအောင်မှ ဦးအေးကိုကိုအား တာဝန်ချိန် အတွင်း ယူနီဖောင်း ဝတ်ပြီး အရက်သောက်ထားသဖြင့်မှားကြောင်း၊ ဒေါက်တာဇော်သူအောင်အား ဆိုင်ကယ်မထားရတဲ့နေရမှာ မောင်းတက်လာ၍ မှားကြောင်း ပြောပါတယ်။

ဒေါက်တာ ဇော်သူအောင်မှ ဒီနေရာတွင် ဆိုင်ကယ်မထားရသည်ကို မသိကြောင်း၊ အစဉ်အဆက်ကလည်း ဆိုင်ကယ်ထားကြ၍ မိမိလည်းထားမိခြင်းဖြစ် ကြောင်း၊ ယာဉ်ထိန်းရဲ ဦးအေးကိုကိုမှ ဒေါက်တာဇော်သူအောင်လည်း အရက်သောက်ထားကြောင်း ပြောဆိုပြီး ဆိုင်ကယ်ရှေ့ မှ ညှပ်ထားသော ဘူးကိုယူ၍ပြကြောင်း၊ အဲဒီဘူးမှာ အချိုရည်ဘူး ဖြစ်ကြောင်း ပြောပြီး ဒေါက်တာဦးဌေးအောင်နှင့် ဦးအေးကိုကိုမှ အဖုံးဖွင့်ပြီး ကြည့်ကြကြောင်း၊ အရက်အနံ့ မရပဲ အချိုရည်အနံ့ ပဲရကြောင်း၊ ဒေါက်တာ ဦးဌေးအောင်မှ ဝန်ထမ်းအချင်းချင်း ပြသနာဖြစ်တာ ရှက်စရာကောင်းလှ ကြောင်း၊ နှစ်ဦးနှစ်ဖက်တောင်းပန်ခိုင်း၍ အပြန်အလှန်လက်ဆွဲ နုတ်ဆက်ခိုင်းကြောင်း သိရပါတယ်။

ဒေါက်တာ ဦးဌေးအောင်မှ အရပ်သားတွေကို တောင်းပန်စရာ မလိုကြောင်းလဲ မပြောခဲ့ကြောင်း၊ ကိုကိုလွင်နှင့် ဦးအေးကိုကိုတို့ ဆဲဆိုနေသော ဗီဒီယိုဖိုင်နှင့် ဓာတ်ပုံများကို ဒေါက်တာဦးဌေးအောင်မှ ပြသနာ အကျယ်အကျယ်ဖြစ်မည်ဆိုးသဖြင့် ပြန်ဖျက်ခိုင်းလိုက်ကြောင်းလည်း ကျောက်ဆည် ဆေးရုံ တာဝန်ကျ ဆရာဝန်များ ပြောပြချက် အရ သိရပါတယ်။

ဆက်လက်ပြီး တာဝန်ကျ ဆရာဝန်တဦးမှ ဒေါက်တာဦးဌေးအောင်က လူနာများကို ဆဲဆိုရတဲ့ အကြောင်းအရင်း သိချင်ရင် အချိန်မရွေးလာရောက် စုံစမ်းနိုင်ကြောင်း၊ အလာကား သက်သက် မဆဲကြောင်း၊ ပြီးတော့ လူနာများကို ကြက်သား၊နို့ ၊ငါးဆန်ပြုတ် တနေ့ သုံးနှပ် နေ့ တိုင်းကျွေးကြောင်း၊ မြန်မာနိုင်ငံမှာ ဒီလိုမျိုး လူနာတွေကို ဆန်ပြုတ်နေ့ တိုင်းတိုက်တဲ့ ဆေးရုံမျိုးတွေကို လက်ချိုးရေလို့ ရကြောင်း၊ ကျောက်ဆည်ဆေရုံကြီးကို တက်ဖူးတဲ့ လူနာတွေကို ကြိုက်တဲ့လူ မေးလို့ ရနိုင်ကြောင်း၊ ငွေရေးကျေးရေး အရုပ်အရှင်း ကိစ္စမရှိကြောင်း၊ ဆင်းရဲသောလူနာများကို တက်နိုင်သလောက် ဆေးအလာကားပေးကြောင်း၊ ဆေးရုံဆင်းချိန်တွင် အလှူငွေကောက်ခံခြင်းကို မတက်နိုင်လျှင်လုံးဝမထည့် ခိုင်းကြောင်း၊ အဲဒါကြောင့် ၁၅နှစ်လုံးလုံး ဒီမှာမြဲနေတာဖြစ်ကြောင်း၊ ကြိုက်တဲ့ အချိန် ကျောက်ဆည်ဆေးရုံကို လာပြီးတော့ မေးမြန်းနိုင်ကြောင်း ထံမံပြောဆိုသွားပါတယ်။

From: Myanmar News Now

ဓားပြတိုက်နေစဉ် ထငိုသော ကလေးငယ်ကို ဓားပြဖြစ်သူက နို့ ဘူးဖျော်တိုက်ကာ ချော့သိပ်

Posted by drmyochit Friday, July 26, 2013, under | No comments

ဓားပြတစ်ဦး ဓားပြတိုက်နေစဉ် ၄င်းဓားပြတိုက်နေသော အိမ်မှကလေးငယ် အိပ်ရာမှ နိုးကာထ အော် ငိုလေ သည်။ ထိုအခါ ၄င်းက ၄င်းကြိုးတုပ် ချည်နှောင်ထားသော မိခင်ဖြစ်သူကို ကလေးအငိုတိတ်ရန် မည်သို့ လုပ် ရမည် ဆိုသည်ကို လှမ်းမေးလိုက်လေသည်။

ကလေးငယ် မိခင်က ကလေး နို့ဆာနေကြောင်း ပြန်ပြောလိုက်သောအခါ ဓားပြ ဖြစ်သူက နှို့မှုန့် ဖျော် ကာ ကလေးကို တိုက်လိုက်သည့်အပြင် ကလေးကို ပုခက် လွှဲပေးကာ သိပ်လိုက်လေ သည်။ အဆိုပါ အဖြစ် အပျက်သည် အင်ဒိုနီးရှားနိုင်ငံ မြို့တော် ဂျကာတာ အနောက်ပိုင်း တန်ဂါရန်မြို့ တွင် ဖြစ်ပျက် ခဲ့ခြင်း ဖြစ်သည်။

ဂျကာတာ ရဲအရာရှိ ဟယ်ရီက အဆိုပါ ဓါးပြသည် ဖခင် တစ်ဦးဖြစ်နေသောကြောင့် ကလေး အဖြစ် ကို မကြည့်ရက်ကာ ထိုကဲ့သို့ လုပ်ခဲ့ခြင်း ဖြစ်သည်ဟု ပြောကြားသည်။ ကလေး အိပ်ပျော် သွားသော အခါမှ ထိုဓါးပြနှင့် အပေါင်းအပါတို့သည် ရွှေငွေ ပစ္စည်းများကို ယူဆောင်ကာ ထွက်ခွါ သွားကြတော့သည်။ ၎င်းတို့ ယူဆောင်ခဲ့သည့် ပစ္စည်း တန်ဖိုးစုစုပေါင်း ပေါင် ၃၁၀၀ ခန့်ရှိသည်ဟု ရဲများက ဆိုသည်။ မကြာမီ ရက်ပိုင်းတွင်ပင် ရဲများက အဆိုပါ ဓါးပြ တစ်သိုက်ကို ဂျကာတာ အနောက် ပိုင်း ရှိ အိမ်တစ်အိမ်တွင် ဖမ်းဆီးရမိခဲ့လေသည်။ သနား ကြင်နာတတ်သော်လည်း ယင်းဓါးပြနှင့် ကြံရာပါ များသည် ထောင်ဒဏ် ၁၀ နှစ် ချမှတ်ခံလိုက်ရပြီ ဖြစ်သည်။

(DM 25.7.13) ချယ်ရီ
ပြည်မြန်မာ

မတရားသဖြင့်ခံနေရသောပြည်သူများ ပျော်ရွှင်စေရန် အဓိကလိုအပ်ကြောင်း ပြည်ထောင်စု လွှတ်တော် နာယက အသစ်နှင့် ပြည်သူ များကို မှာကြားလို

Posted by drmyochit Friday, July 26, 2013, under | No comments



မြေပြင်မှာ ပြည်သူကို မိဘပါလို့ပြောတယ်။

ဒါပေမဲ့အနိုင်ကျင့်ခံနေရတာပဲ။

 ပြည်သူတွေအနေနဲ့ကလည်း မိမိဆန္ဒနဲ့မကိုက်ညီသမျှ

ဆန္ဒပြနေမယ် ဆိုရင်တော့ မဖြစ်ဘူး . . .

နေပြည်တော်၊ ဇူလိုင် ၂၅



 ပြည်ထောင်စုလွှတ်တော်နာယက အမျိုးသားလွှတ်တော်ဥက္ကဋ္ဌဦးခင်အောင်မြင့်သည် ရက်ပိုင်းအတွင်း ပြည်ထောင်စုလွှတ်တော် နာယကတာဝန်ကို ပြည်သူ့လွှတ်တော်ဥက္ကဋ္ဌ သူရဦးရွှေမန်းသို့ လွှဲပြောင်းရတော့မည် ဖြစ်ရာ ကျန်ရှိသောသက်တမ်း ၂ နှစ်ခွဲအတွင်း ပြည်ထောင်စု လွှတ်တော်နာယကအသစ်နှင့် ပြည်သူများ အတွက်မှာကြားလိုသောဆန္ဒမှာ “မတရားအနိုင်ကျင့်ခံနေရသော ပြည်သူများသည် ပျော်ရွှင်စေရန်အတွက် သာလိုလားကြောင်း” မြန်မာသံတော်ဆင့်၏ သဘောထားမေးမြန်းမှုကို ဖြေကြားခဲ့သည်။

မြန်မာနိုင်ငံ၏ ပထမဆုံးပြည်ထောင်စုလွှတ်တော်နာယကအဖြစ် သက်တမ်း ၂ နှစ်ခွဲထမ်းဆောင်ခဲ့ရ သည်မှာ ကျေနပ်ဖွယ်ရာဖြစ်ကြောင်း ဦးခင်အောင်မြင့်က ထုတ်ဖော်ပြောကြားခဲ့သည်။ ဦးခင်အောင်မြင့်ကို မကြာမီတာဝန်ထမ်းဆောင်မည့် ပြည်ထောင်စုလွှတ်တော်နာယက အသစ်ဖြစ်သော ပြည်သူ့လွှတ်တော် ဥက္ကဋ္ဌသူရဦးရွှေမန်းနှင့် ပြည်သူများအားလုံးအတွက် မှာကြားလိုသောစကားပြောကြားပေးပါရန် မြန်မာသံတော်ဆင့်က မေးမြန်းခဲ့ရာ ဦးခင်အောင်မြင့်က

““ဒီလွှတ်တော်အရတော့ အဲဒီဥပဒေရေးရာနဲ့ ဥပဒေပြုရေးနဲ့ပတ်သက်လို့ လုံးပန်းနေ ဘာညာဆိုပေမယ့် လက်တွေ့မြေပြင်မှာ ပြည်သူကို မိဘပါလို့ပြောတယ်။ ဒါပေမဲ့ အနိုင်ကျင့်ခံနေရတာပဲ။ မတရားသဖြင့် အနိုင်ကျင့်ခံရတယ်။ အုပ်ချုပ်ရေးအရသော်လည်းကောင်း၊ တရားစီရင်ရေးအရ သော်လည်းကောင်း မဖြစ်အောင် ဆောင်ရွက်ဖို့လိုပါတယ်။ အဲဒါမဖြစ်တော့ဘူးဆိုရင် ပြည်သူက ပျော်ရွှင်သွားမှာ။ ပြည်သူပျော်ရွှင်ခြင်းစံနှုန်းနဲ့ တိုင်းတယ်ဆိုရင် တချို့ကအခုမှမဟုတ်ဘူး။ ဗိုလ်ချုပ် အောင်ဆန်းရှိကတည်းက ဗိုလ်ချုပ်အောင်ဆန်းပြောသွားတာရှိတယ်။ တိုင်းပြည်ပြု လွှတ်တော်မှာ Greatest happinest for the greatest number of people. ဒါက ၀ါဒတစ်ခုအနေနဲ့ရှိခဲ့ဖူးတယ်။ အဲဒီအချိန်က ဗိုလ်ချုပ်အောင်ဆန်းက တော်တော်ကိုဗဟုသုတပြည့်တာ။ တော်တော်နှံ့နှံ့စပ်စပ်သိတာ။ ဆိုတော့ အဲဒီလိုဖြစ်အောင် ပြည်သူအားလုံးပျော်ရွှင်ချမ်းမြေ့အောင် ကြိုးစားရမယ်။ ပြည်သူတွေအနေနဲ့ကလည်း ဒီမိုကရေစီစနစ်နဲ့ မင်းမဲ့စရိုက်နဲ့ပေါ့ ဒါကို ခွဲခြားနားလည်ဖို့လိုပါတယ်။ ဒါကိုခွဲခြားနားမလည်လို့ရှိရင် မိမိဆန္ဒနဲ့မကိုက်ညီသမျှ ဆန္ဒပြနေမယ်ဆိုရင်တော့မဖြစ်ဘူး။ မိမိဆန္ဒနဲ့ကိုက်ညီသည်ဖြစ်စေ၊ မကိုက်ညီ သည်ဖြစ်စေ ဥပဒေတစ်ရပ်ဖြစ်လာရင်တော့ လိုက်နာရမှာပဲ။ နောက်တစ်ခုကတော့ အထူးသဖြင့်ကတော့ ကောလာဟလကိုမယုံဖို့ပေါ့””ဟူ၍ ၄င်း၏သဘောထားကို ပြောကြားခဲ့သည်။

ဦးခင်အောင်မြင့်သည် ယခင်နယက အစိုးရ၏ တစ်ဦးတည်းသောအစိုးရအဖွဲ့ဝင် ၀န်ကြီးအဆင့်မှ အမျိုးသားလွှတ်တော် ကိုယ်စားလှယ်ဖြစ်ခဲ့ပြီး အမျိုးသားလွှတ်တော် စတင်ကျင်းပစဉ်တွင် ကန့်ကွက်သူမရှိ အမျိုးသားလွှတ်တော်ဥက္ကဋ္ဌအဖြစ်ရွေးချယ် တင်မြှောက်ခြင်းခံခဲ့ရပြီးနောက် ဖွဲ့စည်းပုံ အခြေခံဥပဒေအရ သက်တမ်း ၅ နှစ်၏ ပထမသက်တမ်း ၂ နှစ်ခွဲကို ပြည်ထောင်စုလွှတ်တော်နာယကအဖြစ် ထမ်းဆောင် ခဲ့ရခြင်းဖြစ်ရာ ယခုရက်ပိုင်းအတွင်း ပထမသက်တမ်း ၂ နှစ်ခွဲပြည့်မြောက်တော့မည်ဖြစ်သည်။

Myanmartandawsint Newspaper

GTC ကျောင်းသား/သူ နှစ်ဦး၏ အင်တာနက်ဗီဒီယိုဖိုင် ကျောင်းတွင် ပရိုဂျက်တာဖြင့် ပြသမှုကြောင့် GTC ကျောင်းအုပ် နုတ်ထွက်စာတင်ထားရ

Posted by drmyochit Friday, July 26, 2013, under | No comments



ရန်ကုန်၊ ဇူလိုင် ၂၄

          သန်လျင် နည်းပညာတက္ကသိုလ်တွင် ဖြစ်ပွားခဲ့သော အင်တာနက်စာမျက်နှာတွင် ပျံ့နှံ့နေသည့် ဗီဒီယိုတွင်ပါဝင်သူ နှစ်ဦးနှင့်မိသားစုများကို တွေ့ဆုံကာ ၎င်းဗီဒီယိုဖိုင်ကို ပရိုဂျက်တာဖြင့် ပြသခဲ့သည့်အတွက် နှစ်ဖက်မိသားစုဝင်များအပေါ် ထိခိုက်စေခဲ့သဖြင့် ပါမောက္ခချုပ်အား  နုတ်ထွက်ခိုင်းထားကြောင်း ရန်ကုန်တိုင်းဒေသကြီး အစိုးရအဖွဲ့ရုံးမှပြောသည်။

ပါမောက္ခချုပ် ဆရာမကြီးသည် ခန်းမအတွင်း ကျောင်းသားတချို့ခေါ်ယူကာ နှစ်ဖက်မိဘများနှင့် ကာယကံရှင်နှစ်ဦးရှေ့တွင် ၎င်းဗီဒီယိုဖိုင်ကို ပရိုဂျက်တာဖြင့် ပြသခဲ့ပြီး ယခုတစ်ကြိမ်ကို ကျောင်းသားအားလုံး နမူနာယူရန် ပြောကြားခဲ့ကြောင်း၊ နောက်တစ်ကြိမ် ထပ်မံဖြစ်ပွားလျှင် ကျောင်းမှ ထုတ်ပယ်သွားမည် ဖြစ်ကြောင်း စသည်ဖြင့် လုပ်ဆောင်ခဲ့သဖြင့် နှစ်ဖက်မိဘများအပေါ်  သိက္ခာကျစေခဲ့သည့်အတွက် နုတ်ထွက်ခိုင်းထားခြင်းဖြစ်သည်ဟု ပြောသည်။

အဆိုပါဖြစ်ရပ်များအပေါ် အတည်ပြုချက်ရရှိစေရန် သန်လျင်နည်းပညာတက္ကသိုလ်သို့ သွားရောက် မေးမြန်းခဲ့ရာ ပါမောက္ခချုပ်နှင့် တွေ့ဆုံခွင့်မရရှိဘဲ အတည်ပြုပြန်လည်ဖြေကြားမှုများကိုလည်း ကျောင်းတွင်းရှိ ဆရာ/ဆရာမ များက ပြန်လည် ငြင်းပယ်ခဲ့သည်။

          ရန်ကုန်တိုင်းဒေသကြီး အစိုးရရုံးမှ ပညာရေးဝန်ကြီးဌာန အနေဖြင့် GTC ကျောင်းအပေါ် ထူးခြားသည့် စည်းကမ်းသတ်မှတ်ချက်များ ထုတ်ပြန်ထားခြင်း မရှိသေးကြောင်း၊ ယခုကြားသိရသည့် ဖြစ်စဉ်များသည် မှန်ကန်ကြောင်း၊ ၎င်းကျောင်းတွင် တာဝန်ထမ်းဆောင်လျက်ရှိသော ကျောင်းဆရာတစ်ဦးက ထိုကဲ့သို့ ပြောပြ ခဲ့ကြောင်း စသည်ဖြင့် အစိုးရရုံးမှ တာဝန်ရှိသူတစ်ဦးက ပြောသည်။

အဆိုပါကိစ္စနှင့်စပ်လျဉ်း၍ သက်ဆိုင်ရာကျောင်းအုပ်ဆရာကြီးတွေ ဒီကိစ္စကို ငြင်သာစွာ ကိုင်တွယ်ဖြေရှင်းသင့်တယ်။ အဲဒီ ဖြစ်စဉ်ကြောင့် ဖြစ်ပေါ်ခဲ့တဲ့ လူတစ်ယောက်ရဲ့ ဂုဏ်သိက္ခာတွေကိုလည်း လေးစားလိုက်နာသင့်တယ်။ ဒီလိုမျိုးအဖြစ်အပျက်တွေဟာ ဒီဟာတစ်ခုတည်း ပေါ်ပေါ်တင်တင်ကြီး ထွက်ပေါ်လာခဲ့တာ၊ အဲဒီလိုဖြစ်နေခဲ့တာ ဘယ်လောက်ဖြစ်နေကြတယ်ဆိုတာ မခန့်မှန်းနိုင်ဘူး၊ ကျွန်တော်တို့ အမျိုးသမီးတွေကလည်း ကိုယ့်ကိုယ်ကိုယ် ထိန်းသိမ်းစောင့်ရှောက် တန်ဖိုးထားဖို့ လိုအပ်တယ်””ဟု တက္ကသိုလ်များ ကျောင်းသားသမဂ္ဂခေါင်းဆောင် ကျောင်းသားခေါင်းဆောင် ကိုစည်သူမောင်က ပြောသည်။

နည်းပညာတက္ကသိုလ်တွင် ပါမောက္ခချုပ် ဆရာမကြီးနုတ်ထွက်ခြင်းသတင်းသည် မှန်ကန်ကြောင်း၊ သို့သော် ပရိုဂျက်တာဖြင့် ပြသခြင်းကို ၎င်းတို့အနေဖြင့် မသိရှိကြောင်း စသည်ဖြင့် GTC ကျောင်းသားတချို့နှင့် ဆရာများ က ပြောကြားခဲ့သည်။

အင်တာနက်စာမျက်နှာတစ်ချို့နှင့် facebook စာမျက်နှာများပေါ်တွင်  သန်လျင်နည်းပညာ တက္ကသိုလ်ကျောင်းခန်းမဆောင်အတွင်း ကျောင်းသားတစ်ဦးနှင့် ကျောင်းသူတစ်ဦးတို့၏ မဖွယ်မရာ ရုပ်သံဖိုင်များပျံ့နှံ့ခဲ့ပြီး အဆိုပါသတင်းနှင့်အတူ နောက်ဆက်တွဲသတင်းများလည်း ထွက်ပေါ်ခဲ့သည်။

          ယခု GTC ကျောင်းသား/သူ နှစ်ဦး၏ ဖြစ်ရပ်အပါအ၀င် အင်တာနက်တွင်ဖြန့်ဝေခဲ့သော နာမည်ကြီးအနုပညာရှင်များ၏ လိင်ဆက်ဆံမှုဗီဒီယိုဖိုင်များကို ဖြန့်ဝေသူတို့အား သက်ဆိုင်ရာ ဥပဒေပြဋ္ဌာန်းချက်များရှိသော်လည်း ယင်းဥပဒေများအတိုင်း ဖော်ထုတ်အရေးယူမှုမရှိဘဲ ဒေါက်တာ ဆိတ်ဖွားကဲ့သို့ လွှတ်တော်အပေါ် အင်တာနက်မှတစ်ဆင့် ဝေဖန်သူကိုမူ အားသွန်ခွန်စိုက် ရှာဖွေဖော်ထုတ်ရန် ဆောင်ရွက်ခဲ့ခြင်းတို့သည် မြန်မာနိုင်ငံ၏ တရားဥပဒေစိုးမိုးမှုကို မေးခွန်းထုတ်စရာဖြစ်နေကြောင်း၊ ယခုကဲ့သို့ မြန်မာအမျိုးသမီးများ၏ ဂုဏ်သိက္ခာကို ဖျက်ဆီးနေသူများအား ဖော်ထုတ်အရေးယူမှု မပြုလုပ်ခြင်းသည် မြန်မာအမျိုးသမီးများ၏ အနာဂတ်အတွက် ရင်လေးဖွယ်ရာ ဖြစ်နေကြောင်းကို မြန်မာ့လူ့အဖွဲ့ အစည်းနှင့်နိုင်ငံရေးအသိုင်းအ၀ိုင်း၊ မီဒီယာအသိုင်းအ၀ိုင်းတို့က မေးခွန်းထုတ်နေကြခြင်းဖြစ်သည်။

ယခုကဲ့သို့ မေးခွန်းထုတ်မှုများနှင့် မြန်မာအမျိုးသမီးများ၏ ဂုဏ်သိက္ခာကိုထိခိုက်စေသည့် ဗီဒီယို၊ ဓာတ်ပုံတို့ကို အင်တာနက်တွင် ဖြန့်ဝေနေသူများအား ရှာဖွေဖမ်းဆီးဖော်ထုတ်ရန် တာဝန်ရှိ အစိုးရမှ ကြိုးပမ်းဆောင်ရွက် နေပြီဖြစ်ကြောင်း သတင်းရရှိမှု မရှိသေးပေ။

Myanmartandawsint New

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်