Dep-Provera သုံးလခံ ထိုးဆေး

သုံးလခံ ကိုယ်ဝန်တားထိုးဆေးက မျိုးဥအိမ်ကနေ မျိုးဥ မထွက်အောင် ဆောင်ကျဉ်းပေးတယ်။ ဒါ့အပြင် သားအိမ်အဝက ချွဲကို စေးပျစ်စေလို့ ဝင်လာမဲ့ သုက်ပိုးအတွက် ခက်ခဲစေတယ်။ သားအိမ်အတွင်းဆုံးလွှာကိုလဲ ပါးစေသေးတယ်။ မျိုးဥ ထွက်စေပါ၊ ထွက်အုံးတော့ သုက်ပိုးအဝင်ခက်စေမယ်၊ ဝင်လာနိုင်လို့ နှစ်မျိုးတွေ့ပြီးအုံးတော့ အထဲမှာမတွယ်စေနိုင်ဘူး။

ကောင်းချက်တွေ အများကြီးရှိတယ်။
• ထိရောက်မှု သုတေသနတွေအရ ဝ% ကနေ ၂့၆% သာ လိုရာမရောက် ဖြစ်ပါတယ်။
• ၃ လနေမှ တခါထိုးရတယ်။
• တခြား ဟော်မုန်း ၂ မျိုးတွဲတွေလောက် ဆေး (အက်ရှင်) ဖြစ်တာတွေ နဲတယ်။
• Estrogen ဟော်မုန်းမပါလို့ DVT အတွင်းပိုင်းက သွေးပြန်ကြောပိတ်တာ၊ PE အဆုပ်သွား သွေးကြောပိတ်တာ၊ Stroke နှလုံး-သွေးကြောပိတ်တာ အန္တရာယ် မစိုးရိမ်ရဘူး။
• သားအိမ်ကင်ဆာဖြစ်မဲ့ အန္တရာယ်နဲတယ်။
• သွေးအားနဲရောဂါ၊ တင်ပဆုံတွင်းအင်္ဂါရောင်တာ၊ သားအိမ်ပြင်ပ သန္ဓေတည်တာ၊ သားအိမ်အကျိတ်ဖြစ်တာတွေနဲတယ်။
• Endometriosis သားအိမ်ရောဂါရှိနေသူ ခံစားရတာတွေ နဲတယ်။
• အစကထဲက ရာသီဆင်းချိန်မှာ နာတာ၊ မျိုးဥထွက်ချိန်မှာ နာတတ်တာ၊ မျိုးဥအိမ်အလုံးဖြစ်တာလဲ နဲတယ်။
• အတက်ရောဂါရှိနေသူ အတက်ဖြစ်တာ နဲစေသေးတယ်။
• သွေးရောဂါတမျိုးရှိတဲ့ အမျိုးသမီးတွေမှာ Sickle cell crises ဆိုတာ အဖြစ်နဲတယ်။
• နို့တိုက်မိခင်တွေ သုံးနိုင်တယ်။
• မွေးပြီး ၁ လခွဲ ရှိမှထိုးတာ ပိုကောင်းတယ် မဟုတ်ရင် သွေးဆင်းနေတာ များတတ်တယ်။ နို့မတိုက်သူဆိုရင် ၁ ပါတ်အတွင်း ထိုးလို့ရတယ်။

ဒီဆေး မထိုးသင့်သူတွေကတော့ -
• Deep vein thrombosis (DVT) အတွင်းပိုင်းက သွေးပြန်ကြောပိတ်ရောဂါ ရှိနေသူ၊
• PE အဆုပ်သွား သွေးကြောပိတ်ရောဂါ ရှိနေသူ၊
• မိုင်ဂရိန်း ခေါင်းမူး-ခေါင်းကိုက်ရောဂါ ရှိနေသူ၊
• Liver diseases (Acute viral hepatitis, severe Decompensated cirrhosis, Benign or malignant liver tumors) လတ်တလော ဖြစ်နေတဲ့ အသဲရောဂါ ရှိနေသူ၊
• Stroke နှလုံးသွေးကြောပိတ်ရောဂါ ရှိနေသူ၊
• ဆီးချိုဖြစ်တာ အနှစ် ၂ဝ ကြာနေသူ၊
• သွေးတိုးနေရင် သတိထားသုံးပါ၊
• နို့ကင်ဆာ ဖြစ်ထားသူ၊
• ကိုယ်ဝန်ဆောင်နေသူ၊
• လိင်ကတဆင့် ကူးစက်ရောဂါတွေကို အကာကွယ် မပေးနိုင်ပါ။

ရာသီ စဆင်းတဲ့ နေ့ကနေ ၅ ရက်အတွင်း ထိုးရင် ချက်ချင်း ထိရောက်တယ်။ ၅ ရက်နောက်မှ ထိုးရင် ၂ ပါတ်ကြာမှ ထိရောက်တယ်။ ကလေးပြန်ရဘို့ နောက်ကျ စေတယ်။ ဆေးထိုးတာ ရပ်ထားပြီးနောက် ၉ လ၊ ၁ နှစ်ခွဲကျမှ ကလေး ပြန်ရနိုင်ကြတယ်။ ၁ နှစ်ခွဲနေရင်တော့ တခြား တားနည်းတွေလိုဘဲ ကလေး ပြန်ရနိုင်စွမ်းက အတူတူဘဲ။ ထိုင်းနိုင်ငံမှာ လေ့လာမှုတခုအရ ဆေးထိုးရပ်ပြီး ကလေးပြန်ယူတော့ အလေးချိန်နဲတဲ့ကလေး မွေးနှုန်း များတာ တွေ့ရတယ်။ စမ်းသပ်တာကလဲ ဆင်းရဲသူတွေမှာပါ။

ဘေးထွက်ဆိုးကျိုး
• သွေးမဆင်းတာ၊ (၁ နှစ်တာ ထိုးထားတဲ့ အမျိုးသမီးတွေမှာ ၅၅%၊ ၁ နှစ်တာ ထိုးထားတဲ့ အမျိုးသမီးတွေမှာ ၆၈% ရာသီမလာတာ တွေ့ရတယ်။)
• သွေးဆင်းမမှန်တာ၊
• ဗိုက်နာတာ၊
• ဝတာ-ပိန်တာ၊
• အားယုတ်ချင်တာ၊
• စိတ်လှုတ်ရှားတာ၊

ဆိုးကျိုးတွေ ဘယ်လိုရှိသလဲသိဘို့ ဒီဆေးကို ၇ နှစ်ကြာ ထိုးထားတဲ့ အမျိုးသမီးပေါင်း ၄ဝဝဝ လောက်ကို စမ်းသပ်ခဲ့တယ်။
• သူတို့ထဲက ၅% ကျော်ကျော်မှာ ရာသီမမှန် (များသူ + မလာသူ)၊ ဗိုက်နာ၊ ကိုယ်အလေးချိန် ပြောင်းလဲ၊ အားယုတ်၊ ခေါင်းမူး၊ စိုးရိမ်၊
• ၁% ကနေ ၅% အထိတွေမှာ ဆက်ဆံလိုစိတ်နည်း၊ ဗိုက်အောက်ပိုင်းနာ၊ ခါးနာ၊ ရင်သားနာ၊ ခြေထောက်နာ၊ စိတ်ကျ၊ အနီပြင်ထွက်၊ ပျို့၊ အိပ်မပျော်၊ အဖြူဆင်း၊ ခြေထောက်ယောင်၊ ဝက်ခြံပေါက်၊
• ၁% ထက်နည်းသူတွေမှာ အသားဝါ၊ ဆီးလမ်း-မွေးလမ်းရောင်၊ တက်၊ အစားပျက်၊ ဝမ်းမမှန်၊ ဝမ်းသွေးပါ၊ ဆက်ဆံချိန်နာ၊ ရင်ပတ်နာ၊ သွေးအားနည်း၊ အလာဂျီရ၊ အိပ်ချင်၊ ဖျား၊ ချမ်း၊ အသားအရေခြောက်၊ ပန်းနာ၊ ရင်ခုန်မြန်၊ ချွေးပိုထွက်၊ အာခေါင်ခြောက်၊ လေဖြတ်၊ ရေငတ်၊ အသက်ရှူမဝ၊ ရာသီလာစဉ်နာ၊ ကိုယ်ဝန်ရှိသလို ခံစား၊ မထင်မှတ်ဘဲ ကိုယ်ဝန်ဆောင်၊ ကလေးပြန်မရ၊ သွေးပြန်ကြောရောင်၊ ဆက်ဆံလိုစိတ်ပို၊ နို့ထွက်နည်း၊ ရင်သား အရွယ်ပြောင်း၊ ရင်သားထိပ်က သွေးထွက်၊ ရင်သား-ကင်ဆာ၊

“အထူးသတိပေးချက်” ကတော့ Osteoporotic effects ဆိုတဲ့ အရိုးအားနဲတာ ပိုကြာစေတတ်ပါတယ်။ ဒါ့ကြောင့် FDA ကနေ ၂ဝဝ၄ ကစပြီး၊ သတိပေးချက် ထည့်လိုက်တယ်။ FDA က ၂ နှစ်ထက်ပို မသုံးနဲ့လို့ ပြောတယ်။ WH- ကတော့ ဒါ့ကြောင့်တော့ ဒီဆေးမသုံးနဲ့လို့ မပြောသင့်ဘူး ဆိုပါတယ်။ အမေရိကန် ACOG ကလဲ WH- နဲ့ သဘောတူတယ်။ တခြားတားနည်း ပြောင်းသုံးစရာ မရှိရင် ရပ်စရာ မလိုပါဘူးတဲ့။

ယောက်ျားတွေအတွက်လဲ သုံးတယ်။ မုဒိန်းကောင်တွေကို Chemical castration ဆေးနဲ့ သင်းကွပ်ပေးတာပါ။ လိင်စိတ် သိသိသာသာ နဲသွားစေမယ်။

Dr. တင့်ဆွေ

ဆက်ဖတ်ရန်>>>>

ဒီတကြိမ် ပျက်ကွက်လို့ကတော့..

အယ့် မနိုင်ဘူးဟ..

တာတီး ( Tar Tee ) တစ်ယောက်.. လုပ်လက်စအလုပ်တွေကို အလောတကြီး စိတ်စောစွာနဲ့ ပီးစီးအောင် လက်စသတ်နေတယ်။

ချစ်သူနဲ့ ချိန်းထားတာက ည ၇ နာရီ.. ခု ၆ နာရီခွဲနေပီ…
ဒီနေ့က.. အရေးကြီးသည်.. အချိန်မှီ မသွားလို့မဖြစ်…

ခါတိုင်းဆို တာတီးတို့က ဒီလိုမဟုတ်.. ရည်းစားကို အိပ်ထဲက ဖားလို သဘောထားတာ..
ဘယ်အချိန်ထုတ်ရိုက်စားစား အေးဆေးပါဆိုတဲ့ လူစားမျိုး…

သူငယ်ချင်းအပေါင်းအသင်းနဲ့များတွေ့လို့ကတော့.. တခွက်တဖလားမော့ပီး ရည်းစားချိန်းတာကို မေ့ချင်မေ့နေတတ်တာမျိုးလေ..

ရည်းစားကစိတ်ကောက်လို့…နောက်နေ့မှ ချော့ရပေါင်းလဲ.. မနည်းတော့ဘူး…

အဲ.. ဒီနေ့မနက်ကတော့.. သူ့ကောင်မလေးက ညဖက်တွေ့ဖို့ ဖုန်းထဲကို messsge ပို့ပီး ချိန်းဆိုလာတယ်…

ဒီတစ်ခါတော့.. သူ့ကောင်မလေးရဲ့ message ကိုဖတ်ပီး.. တာတီးတစ်ယောက် မျက်လုံးပြူး မျက်ဆံပြူး နဲ့…

” ဟိုက်..စ်.. ဒီတစ်ခါတော့ မသွားရင်မဖြစ်တော့ဘူး…အမငီး.. နာ့ဟာလေး..နာ့ဟာလေး..”
ဟု.. တဖွဖွရွတ်ဆိုပီး.. အလုပ်ကို ကုန်းရုန်းလုပ်နေလေတော့သည်..

သူ့ကောင်မလေး ပို့လိုက်သည့် message မှာ…

” တော့.. ကိုရင်တာတီး.. ကျမ ရှင့်ကို အကြီး ကြီး တင်းနေပီ တိလား.. ကျမချိန်းတိုင်း ရှင်မလာဖြစ်တာတွေ များနေပီ.. ဆက်ပီး သည်းမခံနိုင်တော့ဘူး..
ဒီည ၇ နာရီ ကျမကို လာတွေ့ပါ..
ပျက်ကွက်လို့ကတော့.. ရှင့်ခေါင်းအုံး သူများ အုံးသွားပီသာမှတ်..ဒါဗျဲ..!! ”

P.S
” ရှင်မလာ.. ရှင်သာ..ငတ်..
ရှင့်နေရာ… လူမလပ်..ဒချိ…! ”

ပုံ/- မိရွပိုးထိုး

မချိုမချဉ်ဟာသများ

ဆက်ဖတ်ရန်>>>>

Android တွင် Bump , iBeacon တို့နှင့် ဆင်တူသည့် နည်းပညာ ထည့်သွင်းမည်

Google က Bump App ၏ စွမ်းဆောင်ချက် ကို Android တွင် ထည့်သွင်းမည် ဖြစ်ပြီး Neary စွမ်းဆောင် ချက် ဟု အမည်ပေးထားပါသည်။ Android Police ၏ အဆိုအရ Nearby ကို မကြာမီတွင် Google Play Service အနေဖြင့် Android Device များတွင် ထည့်သွင်းပေးမည် ဟု သိရပါသည်။ Nearby သည် Android Device များကြားတွင် သတင်းအချက်အလက်များ အလွယ်တကူ Share လုပ်နိုင်မည်ဖြစ်သည်။ ထို့အပြင် စတိုးဆိုင်များတွင် ဈေးဝယ်သည့်အခါတွင်လည်း Discount အစီအစဉ်များ နှင့် ကူပွန်များကို ဖုန်းမှ လက်ခံရရှိမည် ဖြစ်သည်။

အနီးအနားတွင် ရှိသော Android Device များကြားတွင် သတင်းအချက်အလက်များ လွယ်ကူစွာ ပေးပို့ရယူနိုင်သည့် စွမ်းဆောင်ချက်မှာ Bump App နှင့် ဆင်တူပါသည်။ Bump App ကို Google က ၂၀၁၃ ခုနှစ် စက်တင်ဘာလ တွင် ၀ယ်ယူခဲ့ခြင်း ဖြစ်ပါသည်။ Bump ၏ CEO ဖြစ်သူ David Lieb က သူတို့ အဖွဲ့သည် Google ၏ စီမံကိန်းများတွင် ပူးပေါင်းမည် ဟု ယခုနှစ် ဇန်န၀ါရီလ တွင် ပြောကြားခဲ့ပါသည်။

Bump သည် Android Phone နှစ်လုံး ကို ထိတွေ့ရုံဖြင့် Contact Information, Photos, Videos, Apps, Files များကို လွယ်ကူစွာ Share လုပ်နိုင်ခြင်း ဖြစ်ပါသည်။ ဖုန်းနှစ်လုံး တွင် Bump App ကို ဖွင့်ထားရမည် ဖြစ်ပြီး ညင်သာစွာ ထိတွေ့ပေးသည်နှင့် Bump က ဖိုင်များကို ပေးပို့မည် ဖြစ်သည်။

Google ၏ Nearby စွမ်းဆောင်ချက်သည် Apple ၏ iBeacon နည်းပညာ နှင့် ဆင်တူပါသည်။ သဘောတရားမှာ စတိုးဆိုင် အနီးအနားတွင် ရောက်ရှိသည်နှင့် ဖုန်းသည် စတိုးဆိုင်တွင် တပ်ဆင်ထားသည့် Beacon Device နှင့် WiFi or Bluetooth တို့ဖြင့် ချိတ်ဆက်မည် ဖြစ်သည်။ ထို့နောက်တွင် လျှော့ဈေးများ၊ ကူပွန်များကို ရောက်ရှိနေသည့် တည်နေရာ အလိုက် ပြသပေးမည် ဖြစ်သည်။

Google က Nearby စွမ်းဆောင်ချက် ကို ဇူလိုင်လ တွင် နှစ်စဉ်ကျင်းပလေ့ရှိသည့် Google I/O Conference တွင် ကြေညာမည် ဟု မျှော်လင့်ရပါသည်။

သူရ
ref:Myanmar Digital Life Journal

ဆက်ဖတ်ရန်>>>>

ရွှေမန္တလာခရီးသည်တင်ယာဉ် မတော်တဆမှုဖြစ်ပွား၊ လူအသေအပျောက် မရှိ

လားရှိုး၊ ဇွန် (၇)

ဇွန်လ (၆) ရက်နေ့ ၊ နံနက် ၇ နာရီခန့် တွင် ရှမ်းပြည်နယ် (မြောက်ပိုင်း) သီပေါမြို့ နယ်၊ စံလောင်းကျေးရွာ အနီး၊ မိုင်တိုင် အမှတ် (၁၃၄/၄)တွင် မန္တလေးဖက်မှ လားရှိုးသို့  မောင်းနှင်လာသော ရွှေမန္တလာ ခရီးသည်တင်ယာဉ်သည် လားရှိုးဖက်မှ မန္တလေးဖက်သို့  မောင်းနှင်နေသော ကင်တာကုန်တင်ယာဉ်အား တိုက်မိပြီး မြေသယ်ယာဉ် တစ်စီး အား ဆက်တိုက်မိကာ သစ်ပင်တစ်ပင်နှင့်တိုက်မိရပ်တန့် သွားခဲ့ရာ ရွှေမန္တလာယာဉ်မောင်း၊ ယာဉ်လိုက်များ ပွန်းပဲ့ ဒဏ်ရာရာများ ရရှိခဲ့ပြီး ခရီးသည် အသေအပျောက်မရှိကြောင်း သိရသည်။

ဖြစ်စဉ်မှာ ပြည်ထောင်စုလမ်းမကြီး မိုင်တိုင်အမှတ် (၁၃၄/၄) အနီးတွင် မန္တလေးဖက်မှ လားရှိုးသို့  ယာဉ်မောင်း အောင်မြင့်စိုး (၃၁) နှစ် မောင်းနှင်လာသော ၅ဃ/xxxx Scana အစိမ်းရောင် ရွှေမန္တလာ ခရီးသည်တင်ယာဉ်သည် လားရှိုးဖက်မှ မန္တလေးဖက်သို့  ယာဉ်မောင်း ဖြိုးရဲရင့်လွင် မောင်းနှင်လာသော 4G/xxxx ကင်တာ အပြာရောင် ကုန် တင်ယာဉ်အား တိုက်မိပြီး တစ်ဆက်တည်း ယာဉ်မောင်း စိုင်းအောင်ညွန့် မောင်းနှင်လာသည့် CNJ တံဆိပ် မြေသယ်ယာဉ်အ၀ါရောင်၏ ယာဉ်ဦးခေါင်းတံခါး ၀ဲဖက်ခြမ်းသကို ထပ်မံတိုက်မိကာ လမ်းဘေးရှိ သစ်ပင်တစ်ပင်နှင့် တိုက်မိပြီး ရပ်တန့် သွားခဲ့ကြောင်း သိရသည်။

ယာဉ်တိုက်မှုကြောင့် ရွှေမန္တလာခရီးသည်တင်ယာဉ်မှ ယာဉ်မောင်း အောင်မြင့်စိုး နှင့် ယာဉ်နောက်လိုက် ကျော်နိုင် တို့ မှာ ပွန်းပဲ့ဒဏ်ရာ အသီးသီးရရှိသွားခဲ့ပြီး မြေသယ်ယာဉ်မောင်းနှင်သူ စိုင်းအောင်ညွှန့် မှာ ငယ်ထိပ်ပေါက်ပြဲ ဒဏ် ရာ အသီးသီး ရရှိခဲ့သဖြင့် ဒဏ်ရာရရှိသူများအား သီပေါပြည်သူ့ ဆေးရုံသို့  ရဲဆေးစာဖြင့် ပို့ ဆောင်ပေးခဲ့ကြောင်း ယာဉ်တိုက်မှုကို သီပေါမြို့ မရဲစခန်းတွင် ယာဉ်(ပ)၃၀/၁၄ ပြစ်မှုပုဒ်မ ၃၃၇ ဖြင့် အမှုဖွင့်လှစ်၍ ဒုရဲအုပ် သိန်းနိုင် က စစ်ဆေးဆောင်ရွက်လျက်ရှိကြောင်း သိရသည်။

လားရှိုးမြို့  မာန်ဆူအဝေးပြေးကားကွင်းမှ မန္တလေး၊ နေပြည်တော်၊ ရန်ကုန် သို့  ထွက်ခွာမည့် ခရီးသည်တင် express ယာဉ်များကို မကြာသေးမှီက ကြံ့ခိုင်ရေးစစ်ဆေးခဲ့ရာ သက်ဆိုင်ရာက ယာဉ်မောင်းချိန် (၈) နာရီထက် ပို၍ ကြာမြင့်မည့် ခရီးစဉ်အတွက် ယာဉ်မောင်း (၂) ဦးထားရှိရန် ညွှန်ကြားထားသော်လည်း ယာဉ်အများစုတွင် ယာဉ်မောင်း တစ်ဦးတည်းသာ ပါရှိပြီး တာယာပန်းမရှိခြင်း၊ မီးသတ်ဆေးဗူး စနစ်တကျ မဆောင်ထားခြင်း၊ အရေး ပေါ် အခြေအနေကို တုန့် ပြန်ရန် ကားပေါ်တွင် တူ၊ ပုဆိန်၊ မီးသတ်ဆေးဗူး၊ ဆေးသေတ္တာ စသည်တို့  လုံလုံ လောက်လောက် မရှိခြင်း၊ ယာဉ်/လူ ဆိုင်ရာ စာရွက်စာတမ်းများ မပြည့်စုံခြင်း စသည့် ပြစ်ချက်မျိုးစုံကို တွေ့ ခဲ့ရပြီး ခရီးသည်များအဖို့  express ကားများအပေါ် ယုံကြည်မှု နည်းပါးနေပြီဖြစ်ကြောင်း သိရသည်။

သမန်းကျား
Lashio News Diary

ဆက်ဖတ်ရန်>>>>

facebook v.10.0.0.28.27 for android(official)

Android phone/Tablet ကိုင်ဆောင်သူများအတွက် Facebook နောက်ဆုံးဗားရှင်း Facebook v 10.0.0.28.27(official)ကိုတင်ပေးလိုက်ပါတယ်။official version ဖြစ်တဲ့အတွက် ဖုန်းအားလုံးနဲ့ အဆင်ပြေစွာအသုံးပြုနိုင်မှာဖြစ်ပါတယ်။အသုံးပြုလိုသူများအောက်မှာရယူနိုင်ပါပြီ။

ဆော့ဝဲလ်အားရယူရန်

Myanmar Mobile App

ဆက်ဖတ်ရန်>>>>

တောင်ငူမြို့ အစာ အဆိပ်သင့်မှုတွင် ကလေးငယ်များ စားသော နန်းပြားသုပ်တွင် ဗက်တီးရီးယား ပိုး(၂) မျိုး တွေ့ရှိ

ပဲခူးတိုင်းဒေသကြီး၊ တောင်ငူမြို့နယ် (၂၂) ရပ်ကွက် ၀က်ကုန်းလမ်းရှိ ဇေယျာသီရိ အမျိုးသမီး မိဘမဲ့ ကလေးများ ဂေဟာ၌ မေလ (၁၉) ရက်နေ့ က ဖြစ်ပွားခဲ့သော အစာ အဆိပ်သင့်မှုတွင် ကလေးငယ်များ စားသော ဆန်ပြားသုပ်၌ ဗက်တီးရီးယားပိုး နှစ်မျိုး ပါဝင် နေကြောင်း တောင်ငူ ဆေးရုံကြီး မှ သိရသည်။

ဆန်ပြားသုပ် ထဲမှာ ပါတဲ့ ပိုးနှစ်မျိုးမှာ တစ်မျိုးက အဆိပ် ဖြစ်စေတယ်။ တစ်မျိုးက ၀မ်းပျက်ဝမ်းလျှော အော့အန်တာတွေ ဖြစ်စေတယ် ဟု တောင်ငူ ဆေးရုံကြီးမှ လက်ထောက် ဆေးရုံအုပ် ဒေါက်တာကြည်သာစိုးက ဓာတ်ခွဲခန်း ရလဒ်ကို ကိုးကား၍ The Messenger သတင်းစာသို့ ပြောသည်။ အဆိုပါ ဗက်တီးရီးယားပိုး နှစ်မျိုးမှာ E-coli ဟု အတိုကောက် ခေါ်သော Escherichia coli ပိုးနှင့် staphylococcus ပိုးတို့ ဖြစ်ကြောင်း သိရသည်။

မေလ (၁၉) ရက် နေ့က ဇေယျာသီရိ အမျိုးသမီး မိဘမဲ့ ကလေးများ ဂေဟာတွင် ဆန်ပြားသုပ် နှင့် ဒီးဒို အချိုရည်များကို စားသောက် ပြီးနောက်တွင် ကလေးငယ်များ မူးဝေ အော့အန်ခြင်း ဖြစ်ပွားခဲ့ခြင်း ဖြစ်ကြောင်း သိရသည်။ အဆိုပါ အစာ အဆိပ်သင့် မှုကြောင့် သုံးနှစ် အရွယ်မှ (၁၅) နှစ်အရွယ် အထိ ကလေးငယ် ပေါင်း (၆၈) ဦးနှင့် လူကြီး ခြောက်ဦးတို့ကို တောင်ငူ ဆေးရုံသို့ ပို့ဆောင် ကုသခဲ့ရကြောင်း သိရသည်။

ဓာတ်ခွဲခန်း အဖြေအရ ကလေးငယ်များ စားသော ဆန်ပြားသုပ်တွင် ဗက်တီးရီးယားပိုးများတွေ့ ရသော်လည်း ၎င်း တို့ သောက်သော ဒီးဒို အချိုရည်တွင်မူ ဗက်တီးရီးယားပိုး မတွေ့ရကြောင်း သိရသည်။ ထို့အပြင် ယခုဖြစ်ပွားသော အစာအဆိပ်သင့်မှုမှာ ချက်ပြုတ်ရာတွင် မသန့်ရှင်းခြင်း၊ ရေမ သန့်ရှင်းခြင်း တို့ကြောင့်လည်း ဖြစ်နိုင်ကြောင်း ဒေါက်တာ ကြည်သာစိုးက သုံးသပ်သည်။ ယခုအခါ အဆိုပါ မိဘမဲ့ကျောင်းတွင် ကျန်းမာရေး ပညာပေးမှု များ၊ သောက်သုံးရေ သန့်ရှင်းရေးများ ကိုလည်း ဆောင်ရွက်ထားကြောင်း သိရသည်။

ယခုနှစ် မေလ (၃၁) ရက်နေ့ ကလည်း မြစ်သား မြို့နယ်တွင် မင်္ဂလာဆောင်၌ ကျွေးသော နတ်သုဒ္ဓါ ဒံပေါက် စားရာမှာ လူ(၁၈၀) ကျော် အစာ အဆိပ်သင့် ခဲ့ပြီး၊ ဧပြီလ (၁၉) ရက်နေ့ ကလည်း အလှူပွဲတွင် ကျွေးသော သင်္ကြန် ထမင်းစားရာမှ ကရင်ပြည်နယ်၊ မြ၀တီ မြို့နယ်၌ လူပေါင်း (၂၀၀) ကျော် အစာအဆိပ်သင့်ခဲ့ ရကြောင်း သိရသည်။ ထို့အပြင် ဖေဖော်ဝါရီလ (၁၁) ရက်နေ့က စစ်ကိုင်းတိုင်းဒေသကြီး၊ ဟုမ္မလင်း မြို့နယ်တွင် ဂေါ်ဖီသုပ် စားရာမှ လူ (၃၀)ကျော် အစာအဆိပ်သင့်ခဲ့ပြီး၊ လူနှစ်ဦး သေဆုံးခဲ့ကြောင်း ပြည်တွင်း မီဒီယာများ၏ ဖော်ပြချက် အရ သိရသည်။

မင်းသူအောင်
Messenger News Journal

ဆက်ဖတ်ရန်>>>>

အင်တာနက်အမြန်နှုန်း 4 Mpbs မှ 6 Mbps အထိ အသုံးပြုနိုင်ရန်Telenor Myanmar မှ စီစဉ်

၂၀၁၄ခုနှစ် ဇွန် (၂)ရက်နေ့တွင် Telenor Myanmar အနေဖြင့် စတုတ်္ထအကြိမ်မြောက် net Monday အစီအစဉ်ကိုTelenor House တွင် ကျင်းပခဲ့သည်။ အဆိုပါ ပွဲအခမ်းအနားတွင် ဦးဆောင် ဆွေးနွေးသူများ အဖြစ် Microsoft ကုမ္ပဏီမှ Mr. Alvin Chua Telenor Myanmar မှ CEO ဖြစ်သူ Mr. Petter Furberg နှင့် CMO Mr.Sharad Mehrotraတို့ ပါဝင်ခဲ့ကြသည်။

စတုတ္ထအကြိမ်မြောက် net Monday တွင် “ ကမ္ဘ့အင်တာနက် ” ခေါင်းစဉ်ဖြင့်ဆွေးနွေးခဲ့ပြီး နည်းပညာ ကျွမ်းကျင်သူလူငယ်(၁၅၀) ကျော် တက်ရောက်ခဲ့သည်။ “ကမ္ဘ့လူဦးရေ၄.၁ဘီလီယံ ဟာဆိုရင် အခုအချိန်အထိအင်တာနက်ချိတ်ဆက်မှု မရရှိသေးပါဘူး။ဒါပေမယ့် ၂၀၁၇ခုနှစ် အရောက်မှာပဲ
အဲဒီလူဦးရေတွေထဲက (၁)ဘီ လီယံဟာအင်တာနက်အသုံးပြုနိုင်မှာပါ။ အင်တာနက်အသုံးပြုသူ များအနက် ၂၅ရာခိုင်နှုန်းဟာမိုဘိုင်းလ်ကနေတစ်ဆင့် အင်တာနက် အသုံးပြုသူတွေပါ” ဟုTelenor Myanmar မှ တာဝန်ရှိသူတစ်ဦး ကပြောကြားခဲ့သည်။

Telenor Myanmar အနေဖြင့် 3Gကွန်ရက်အသုံးပြုသူများအတွက် အင်တာနက်အမြန်နှုန်းကို 700Mbps မှ 7 Mbps အထိ သုံး စွဲနိုင်ရန်ဝန်ဆောင်မှုပေးသွားမည်ဖြစ်ပြီး အင်တာနက်အ သုံးပြုသူနည်း ပါးသောအ ချိန်ကာ လများတွင် 4 Mbpsမှ 6Mbps အထိ ၀န် ဆောင်မှုပေးသွားရန် စီစဉ်ထားရှိသည်။

ထို့အပြင် 2G ကွန်ရက်အသုံး ပြုသူများအတွက် 100Kpbs မှ 150Kbpsအထိ အသုံးပြုနိုင်ရန် ၀န်ဆောင် မှုပေးသွားမည်ဖြစ်သည်။ နောက်ပိုင်းကာလများတွင် မိုဘိုင်းလ်ဈေးကွက်အတွင်း LTE စနစ် ပါဝင်သော မိုဘိုင်းလ်ဖုန်းအ သုံးပြုမှုအရေအတွက် မြင့်မားလာ သည်နှင့် တစ်ပြိုင်နက် 4G LTE ၀န် ဆောင်မှုကို
Telenor Myanmar မှ သတင်း ထုတ်ပြန်ထားရှိကြောင်းသိရှိရ သည်။

အောင်ရဲကျော်
Ref:Myanmar Digital Life Journal

ဆက်ဖတ်ရန်>>>>

စမတ်ဖုန်း၊ Laptop နှင့် Tabletမှ အလင်းရောင်ကြောင့် ကိုယ်အလေးချိန် တိုးလာနိုင်

စမတ်ဖုန်းများ၊ Tabletနှင့် Laptop ကွန်ပျူတာများမှ ထွက်ရှိသည့် အလင်းရောင် တစ်မျိုးသည် လူအများ ကိုယ်အလေးချိန် တိုးပွားမှုနှင့် သွယ်ဝိုက်ဆက်နွယ်နေကြောင်း သိရှိရသည်။ သုတေသီများက စမတ်ဖုန်းကဲ့သို့ ကိရိယာများမှ ထွက်ရှိလာသည့် အပြာရောင် အလင်းများသည် နာရီပေါင်း အတော်များများ ဆက်တိုက်ထိတွေ့သည့်အခါ လူတစ်ဦး၏ ဆာလောင်စိတ်ကို လှုံ့ဆော်ပေးလာကြောင်း ဖော်ထုတ် တွေ့ရှိခဲ့သည်။ လူတစ်ဦးသည် အစာရေစာ လုံလောက်စွာ စားသောက်ထားသည့်တိုင် ယင်းအပြာရောင် အလင်းနှင့် ရေရှည်ထိတွေ့ချိန်၌ သာမန်ထက် မြန်ဆန်စွာ ပြန်လည် ဆာလောင်လာတတ်ကြောင်း သိရသည်။

ထိုအခြေအနေက သာမန်ထက် အစာပိုစားပြီး ကိုယ်အလေးချိန် တိုးပွားလာစေရန် တွန်းအားတစ်ရပ်သဖွယ် ဖြစ်လာသည်။ အမေရိကန်မှ ပညာရှင်များသည် စမတ်ဖုန်းများမှ ထွက်ရှိသည့် အလင်းရောင်က ဆာလောင်မှုကို လှုံ့ဆော်နိုင်ကြောင်း တွေ့ရှိထားသည့်တိုင် အဘယ်ကြောင့် ယင်းကဲ့သို့ ဆက်စပ်မှုမျိုး ဖြစ်ပေါ်နေသည် ဆိုခြင်းကိုမူ မဝေခွဲနိုင်သေးချေ။ အပြာရောင် အသားပေးထားသည့် အလင်းရောင် ထုတ်လွှင့်မှုနှင့် မှိန်ဖျော့ဖျော့ အလင်းရောင် ထုတ်လွှင့်မှုများ နှိုင်းယှဉ်စမ်းသပ်ချက်အရ လူတစ်ဦး၏ ဆာလောတ်မှာ အပြောင်းအလဲ ဖြစ်ပေါ်တတ်ကြောင်း ပညာရှင်များက တွေ့ရှိခဲ့သည်။ (၁၅)မိနစ်မျှကြာအောင် အပြာရောင် အလင်းနှင့် ထိတွေ့နေပြီးနောက် ယင်းသက်ရောက်မှု စတင်ဖြစ်ပေါ်လာပြီး (၂)နာရီမျှထိ ဆက်လက် တည်မြဲနေတတ်ကြောင်း သုတေသီများက ယုံကြည်ထားသည်။

ချီကာဂိုရှိ အနောက်မြောက်ပိုင်း တက္ကသိုလ်မှ ဦးဆောင်သုတေသီ အိုင်ဗီချောင်က “အပြာရောင် အဓိကပါဝင်တဲ့ အလင်းတွေက ခန္ဓာဗေဒ စနစ်တွေမှာ ဆာလောင်မွတ်သိပ်မှုကို လှုံ့ဆော်ပေးတာ အမှန်ပါပဲ။ ဒီတွေ့ရှိချက်က အရေးကြီးပါတယ်။ ဒါဟာ ကျွန်တော်တို့ ပတ်ဝန်းကျင်က အလင်းရောင် ရင်းမြစ်တွေနဲ့ ကိုယ်အလေးချိန် တိုးပွားမှု ဆက်နွယ်နေတာကို ခြေရာခံမိစေတဲ့ အခြေအနေ တစ်ရပ်ပါပဲ။ ဒီလိုဘာကြောင့် ဖြစ်ရတယ် ဆိုတာတော့ မသိနိုင်သေးဘူး။ ဒါပေမဲ့ အပြာရောင် အလင်းတွေနဲ့ ရေရှည်ထိတွေ့နေရင် ဇီဝကမ္မ ဖြစ်စဉ်တွေ ပြောင်းလဲလာမယ်။ ပိုပြီးဆာလာမယ်၊ ပိုပြီးစားသောက်မယ်၊ အဲဒီတော့ ပိုပြီးဝလာနိုင်ပါတယ်”ဟု ပြောကြားခဲ့သည်။

သုတေသီများသည် ယခုစစ်တမ်းအတွက် ကျန်းမာသန်စွမ်းသူ (၁၀)ဦးကို အသုံးပြု စစ်ဆေးခဲ့ခြင်း ဖြစ်သည်။ (၄)ရက်ကြာ စမ်းသပ်မှုများအတွင်း မှိန်ဖျော့ဖျော့ အလင်းရောင်နှင့် ပုံမှန်ထိတွေ့သူများထက် အပြာရောင် အလင်းနှင့် ပိုမိုထိတွေ့ဖြစ်သူများက ယခင်ထက် အစားအသောက် ပိုများလာကာ ကိုယ်အလေးချိန်လည်း အတန်ငယ် တိုးလာကြောင်း သိရှိရသည်။

ဆက်ဖတ်ရန်>>>>

လူမှုကွန်ရက်ကို အသုံးပြုပြီး ပြည့်တန်ဆာ ဈေးကွက်ရှာဖွေမှု အွန်လိုင်းပေါ်မှာကျယ်ပြန့်လာ

လူမှုကွန်ရက် စာမျက်နှာများကို အသုံးချပြီး အွန်လိုင်းပေါ်တွင် ပြည့်တန် ဆာဈေးကွက် ရှာဖွေမှုကို ကျယ်ကျယ် ပြန့်ပြန့်လုပ်ဆောင်လာသည်ကို တွေ့ရသည်။ Facebook စာမျက်နှာများပေါ် တွင် လိင်ဝန်ဆောင်မှု၊ လိင် ဖျော်ဖြေရေး ဆိုသောခေါင်းစဉ်များ အောက်မှနေပြီး လူမှုကွန်ရက် စာမျက်နှာပေါ်တွင် ဈေးကွက်ရှာဖွေမှုများလုပ်ဆောင်နေကြောင်း ရန်ကုန်အခြေစိုက် ဘလော့်ဂါတစ်ဦး ဖြစ်သော ကိုမောင်မျိုးက News Watch ဂျာနယ်သို့ ပြောသည်။

''အခုနောက်ပိုင်း အတော်လေးများ လာပါတယ်။ လိင်နဲ့ပတ်သက်တဲ့ ခေါင်းစဉ် တွေကိုတပ်ပြီးတော့ ပုံစံအမျိုးးမျိုးးနဲ့ အွန်လိုင်းပေါ်မှာ တင်လာကြတာ ဖြစ်ပါတယ်။ ဒါပေမဲ့ တစ်ခုရှိတာကတော့ အရင် အစောပိုင်းကာလက ဒီစာမျက်နှာတွေမှာ အလုပ်လုပ်ကြတဲ့ မိန်းကလေးတွေရဲ့ ဓာတ်ပုံကို တင်တယ်။ ပြီးတော့ နံပါတ် ပါပေးတယ်။ နောက်ပိုင်းမှာတော့ သူတို့ ဘယ်လိုပြဿနာတွေ တက်လဲမသိဘူး။ ဓာတ်ပုံတွေပဲ ပေးတယ်။ ဖုန်းနံပါတ်တွေ ကိုတော့ Message Box ကပဲ ပေးတယ် လို့ သိရတယ်''ဟု ၎င်းကပြောသည်။

အဆိုပါ လိင်ဖျော်ဖြေရေး၊ လိင် ၀န်ဆောင်မှု အစရှိသည့် စာမျက်နှာများ ပေါ်မှ ဖုန်းနံပါတ်တောင်းယူပြီး ဆက်သွယ်ခဲ့သည့် မန္တလေးမြို့နေ ကိုသော်တာက ''မန္တလေးက လူတွေအတွက် ဘာညာ ဆိုပြီး ရှယ်လာတော့ ကျွန်တော်လည်း ဆက်ကြည့်လိုက်တယ်။ တကယ် ဖုန်းကိုင် ပါတယ်။ ပြီးတော့ ၀န်ဆောင်ခကလည်း သူတို့တင်ထားတဲ့အတိုင်းနဲ့ အိုကေ သွားတယ်''ဟု ၎င်းကပြောသည်။

ယခုကဲ့သို့ လူမှုကွန်ရက် စာမျက်နှာ များပေါ်တွင် အမျိုးသမီးငယ်လေးများ၏ ဓာတ်ပုံနှင့်တကွ လိင်ဝန်ဆောင်မှုဟု ခေါင်းစဉ်တပ်ထားခြင်းမှာ အတုအယောင် ဓာတ်ပုံများလည်းပါရှိကြောင်း ရန်ကုန်နေ မသီတာက ပြောသည်။

''တကယ်တော့ ပြောသာပြောနေ တာပါ။ အချို့ပုံတွေဆို အတုအယောင် တွေပါ။ ကျွန်မ အစ်မတစ်ယောက်ရဲ့ သူငယ်ချင်းတစ်ယောက်ပုံကို ဘယ်ကနေ ဘယ်လိုယူပြီး တင်လိုက်လဲ မသိပါဘူး။ အဲဒီကိစ္စကို ကျွန်မတို့တော့ ဆိုင်ရာကနေ ရှင်းမယ်ဆိုပြီး message box က ပြောတော့ မှဖြုတ်ပေး လိုက်တယ်လေ။ အချို့ကိစ္စတွေက လုပ်တဲ့ လူတွေကိုယ်တိုင်က ယုတ်မာကြတာတွေ လည်း ရှိပါတယ်''ဟု သူမက ပြောသည်။

“လိင် ဖျော်ဖြေရေး”ဆိုသော စာမျက်နှာတွင် ရန်ကုန်မြို့၏ မည်သည့် နေရာတွင် လိင်ဖျော်ဖြေရေး နေရာများရှိ သည်ကို တည်နေရာနှင့် အတိအကျရေး သားထားသည်ကိုလည်း တွေ့ရသည်။

မြန်မာနိုင်ငံမှာ တရားဝင် ပြည်တန် ဆာလုပ်ငန်းကို ခွင့်ပြုထားခြင်းမရှိသည့် အတွက် အယခုကဲ့သို့ အွန်လိုင်းပေါ်တွင် လိင်ဝန်ဆောင်မှု ကျယ်ပြန့်အောင် ဖန်တီးနေခြင်းသည် တစ်နည်းအားဖြင့် ဆွယ်သည့် အဓိပ္ပာယ်သက်ရောက်သဖြင့် ဥပဒေအရ အရေးယူခံရနိုင်ကြောင်း တရားလွှတ်တော်ရှေ့နေ ဦးကိုနီ က ပြောသည်။

“'ဒီကိစ္စကို အစိုးရက တရားဝင်မှ ခွင့်မပြုထားတာဘဲဗျ။ ဒီလို နည်းပညာကိုအသုံးပြုပြီးတော့ အွန်လိုင်းမှာ ၀န်ဆောင်မှုအသွင်လုပ်နေတာကို ထောင် ချလို့ရပါတယ်။ ပြည့်တန်ဆာ နှိပ်ကွပ်ရေး ဥပဒေနဲ့ဖမ်းလို့ရပါတယ်။ ဒါပေမဲ့ ခက်တာက ဘယ်သူလုပ်နေတယ်ဆိုတာကို အစိုးရက အစ ဖော်နိုင်တဲ့နည်းပညာ အကူအညီ မရှိတဲ့ အချက်ပဲ'' ဟု ၎င်းကပြောသည်။

လက်ရှိအချိန်တွင် အဆိုပါ လိင်ဝန်ဆောင်မှုနှင့်ပတ်သက်ပြီး ဖွင့်ထားသော စာမျက်နှာများတွင် လူမှုကွန်ရက် အသုံးပြုသူ ထောင်ဂဏန်းနီးပါး Like လုပ်ထားခြင်းများ ရှိနေသည်ကိုလည်း မြင်တွေ့ရသည်။

News Watch(စောင့်ကြည့်သတင်းဂျာနယ်)

ဆက်ဖတ်ရန်>>>>

How to live with Hepatitis B (ဘီ) ပိုးရှိသူနဲ့ အတူနေခြင်း

1. B ပိုးက ရေတဖန်ခွက်ထဲသောက်ခြင်းဖြင့် ကူးစက်နိုင်ပါသလား။
2. ကျွန်မမှာ ဘီပိုး ရှိတယ်ဆရာ။ ပိုက်ဆံကလည်းမတတ်နိုင်တော့ ဆရာဝန်စစ်ခိုင်းသမျှလည်း မစစ်နိုင်ဘူးဆရာ။ ဘယ်လို နေထိုင် စားသောက်ကုသရမယ်ဆိုတာ ပြောပေးပါလားဆရာ။ ကုသလို့လည်း ပျောက်ပါသလားဆရာ။ ကျွန်မက စာသင်တဲ့ ဆရာမတစ်ယောက်ပါဆရာ။ ကလေးတွေကော ကူးစက်နိုင်ပါသလား။

• (ဘီ) ပိုး ဘယ်လိုကူးသလဲ။
၁။ ပိုးပါနေတဲ့ အပ်အမျိုးမျိုး ဆေးထိုးအပ်၊ တက်တူးထိုးအပ်၊ အပ်စိုက်ကုအပ်၊ အလှအပကွင်းတပ်တဲ့အပ်၊ နားဖေါက်တဲ့အပ်၊ မူးယစ်ဆေးထိုးတဲ့အပ်၊
၂။ လိင်။ ပိုးရှိသူ ယောက်ကျား-မိန်မကနေ လိင်ဆက်ဆံရာမှာ အကာအကွယ် မသုံးရင်။
၃။ မိခင်ကနေ ကလေး။ ခွဲမွေးမွေး၊ ရိုးရိုးမွေမွေး မထူးပါ။ ကိုယ်ဝန်ဆောင်ချိန်သွေးစစ်ရင် hepatitis B surface antigen (HBsAg) အနုတ်ပြနေရမယ်။ HBsAg test positive ဖြစ်နေရင် သူကနေမွေးလာတဲ့ကလေးကို ကာကွယ်ဆေး ၂ မျိုးလုံး ၁၂ နာရီအတွင်း ထိုးပါ။ ကာကွယ်ဆေးရိုးရိုးကို မွေးမွေးချင်း + ၁ လ + ၆ လမှာ စုစုပေါင်း (၃) ခါထိုးပါ။ ကလေးကို အသက် ၉-၁၈ လရှိရင် antibody test အပေါင်းပြနေမယ်။ တကယ်လို့ အနုတ်သာပြနေသေးရင် စတုတ္ထအကြိမ် ကာကွယ်ဆေးထိုးပါ။
၎။ လက်ပွန်းတတည်းနေခြင်း။ သွေး ဒါမှမဟုတ် ခန္ဓာကိုယ်ကထွက်တဲ့အရည်နဲ့ ထိတွေ့မိသူတွေကိုလဲ ကူးနိုင်တယ်။ အနာအဆာနဲ့ မျက်လုံးထဲဝင်ရာကနေသာကူးမယ်။ သွးတိုက်တံ၊ အမွှေးရိတ်ဓါး၊ လက်သည်းညှပ်တွေ မျှသုံးရင်လဲကူးနိုင်တယ်။
၅။ ဆေးရုံ-ဆေးခန်း-ဓါတ်ခွဲခန်း။

• (ဘီ) ပိုးရှိနောက ပြန်ပျောက်မှာလား။
လူကြီးဆိုရင် ပျောက်နိုင်တယ်။ ၉ဝ% ပျောက်မယ်။ ၁ဝ% က နာတာရှည်အသဲရောင်ဖြစ်မယ်။ ကလေးတွေမှာ ဆိုးတယ်။ ၄ဝ% ပျောက်မယ်။ ၆ဝ% နာတာရှည်အသဲရောင်ဖြစ်မယ်။ အသက် ၁ နှစ်ဝန်းကျင်ကလေးတွေ ၁ဝ% သာ ပျောက်မယ်။ ၉ဝ% နာတာရှည်အသဲရောင်ဖြစ်မယ်။

• ရက်တိုနဲ့ နာတာရှည်ဆိုတာဘာလဲ။
(ဘီ) ပိုးနဲ့ထိတွေ့မိပြီးနောက် ၆ လအတွင်းမှာဖြစ်တာက ရက်တို။ ဒိနောက်ပြန်ပြီး သက်သာလာမယ်။ ၆ လနောက်မှာ သွေးစစ်လို့ (HBsAg+) ဖြစ်နေရင် နာတာရှည်လို့ သတ်မှတ်နိုင်တယ်။ ပြန်မပျောက်တော့ပါ။

• (ဘီ) ပိုးက သူများကိုမကူးအောင် ဘယ်လိုလုပ်ရမလဲ၊
အတူနေသူတွေတွေအားလုံး (ဇနီး၊ ခင်ပွန်းအပါအဝင်) Hepatitis B vaccine ကာကွယ်ဆေးထိုးပါ။ (၃) ခါထိုးရမယ်။ တသက်စာ ကာကွယ်ပေးမယ်။ ဒါ့အပြင် စူးရှနိုင်တာတွေမှန်သမျှ မထိခိုက်အောင် ဂရုစိုက်ပါ။ ဖြစ်တာနဲ့ ပတ်တီးစီးပြီး ဖုံးအုပ်ထားပါ။ အဲလိုအရာတွေနဲ့ မျှဝေမသုံးပါနဲ့။ နှာချေ၊ ချောင်းဆိုး၊ ရင်ချင်းအပ်တာနဲ့ မကူးပါ။ ပိုးရှိသူက ချက်ကျွေးတာ စားလို့လဲ မကူးပါ။

• နေမကောင်းတိုင်း (ဘီ) ပိုးရက်တိုဖြစ်ပါသလား။
အများအားဖြင့် (ဘီ) ပိုးဝင်တာကို မသိလိုက်ဘူး။ နေမကောင်းမဖြစ်ဘူး။ တချို့မှာ ခံစားရမှာတွေကတော့ ဖျားမယ်၊ အားယုတ်မယ်၊ အဆစ်တွေ အသားတွေနာမယ်၊ အစားပျက်မယ်၊ တုပ်ကွေးနဲ့တူတယ်။ ရှားရှားပါးပါးဖြစ်တာတွေကတော့ ပျို့အန်မယ်၊ အသားဝါဖြစ်မယ်။ ဝမ်းပျက်မယ်။

• ရက်တိုအဆင့်ပြီးသွားတာကို ဘယ်လိုသိမလဲ။
သွေးစစ်ရင် (HBsAb+) တွေ့မယ် Antibodies ခုခံအား (အင်တီဘ်ေဒီ) တွေရှိနေပြီ။ နောက်ထပ် (ဘီ) ပိုး လာမကူးတော့သလို သူများကိုလဲ မကူးစေဘူး။

• နာတာရှည်ဖြစ်ပြီလို့ ဘယ်လိုသိနိုင်မလဲ။
၆ လကျော်အထိ ပိုးတွေ့နေရင် နာတာရှည်။ ဆေးစစ်ရတော့မယ်။ အသဲကုဆရာဝန်နဲ့ ၆ လ၊ ဒါမှမဟုတ် ၁ နှစ်တခါ ပြနေရမယ်။ လူအများစုဟာ ကျန်းမာပြီး လူကောင်းလိုနေနိုင်ကြပါတယ်။ ဒါပေမဲ့ ကိုယ်ကနေကောင်းနေပေမဲ့ သူများကို ကူးစေမှာကို သိထားပြီး ရှောင်ကျဉ်စရာမှန်သမျှ ရှောင်ကျဉ်ရမယ်။

• ဘယ်စမ်းသပ်နည်းတွေနဲ့ စောင့်ကြည်နေမှာလဲ။
Hepatitis B blood panel, Liver function tests (ALT), Hepatitis B e-Antigen (HBeAg), Hepatitis B e-Antibody (HBeAb), Ultrasound and imaging နဲ့ လိုအပ်သူတွေကို Liver biopsy တွေလုပ်မယ်။ လိုအပ်လာရင် ဆေးကုမယ်။

• နာတာရှည်ဖြစ်တာ ပျောက်သွားနိုင်သလား။
အခုထိတော့ ပျောက်ဆေး မရှိသေးပါ။ ဒါပေမဲ့ နာတာရှည်သမားတွေမှာ ဗိုင်းရပ်စ်ပိုးတွေကို နှေးစေအောင် ဆေးတွေက လုပ်ပေးနိုင်ပြီ။ ပိုးတွေ နည်းလေလေ အသဲကိုထိခိုက်မှာ နည်းလေလေဖြစ်တယ်။ ကံကောင်းရင် ဗိုင်းရပ်တွေကို လုံးဝ ထိန်းနိုင်တယ်။ ရှားတော့ရှားတယ်။ သုတေသနတွေအရ အလားအလာကောင်းတွေရှိတယ်။

• ဘယ်ဆေးတွေကို တရားဝင်အသိအမှတ်ပြုထားပါသလဲ။
- Interferon Alpha (Intron A) ထိုးဆေး။ ၁၉၉၁ ကတည်းကသုံးတယ်။ တပါတ်မှာ အကြိမ်များစွာ၊ ၆ လ၊ ၁ နှစ်ကြာထိုးတယ်။ ဒိထက်ပိုချင်လဲပိုမယ်။ flu-like symptoms, depression, and headaches တွေ ခံစားရနိုင်တယ်။
- Pegylated Interferon (Pegasys) ထိုးဆေး။ ၂ဝဝ၅ မှာ စသုံးတယ်။ တပါတ် ၁ ခါထိုးတယ်။ ၆ လ၊ ၁ နှစ် ကြာ ထိုးတယ်။ flu-like symptoms and depression တွေ ခံစားရနိုင်တယ်။
- Lamivudine (Epivir-HBV, Zeffix, or Heptodin) သောက်ဆေး။ ၁၉၉၈ ကစသုံးတယ်။ တနေ့ ၁ လုံး။ ၁ နှစ်ကြာ သောက်ရမယ်။
- Adefovir Dipivoxil (Hepsera) သောက်ဆေး။ ၂ဝဝ၂ ကစသုံးတယ်။ တနေ့ ၁ လုံး။ ၁ နှစ်ကြာသောက်ရမယ်။ Entecavir (Baraclude) သောက်ဆေး။ ၂ဝဝ၅ ကစသုံးတယ်။ တနေ့ ၁ လုံး။ ၁ နှစ်ကြာသောက်ရမယ်။
- Telbivudine (Tyzeka, Sebivo) သောက်ဆေး။ ၂ဝဝ၈ ကစသုံးတယ်။ တနေ့ ၁ လုံး။ ၁ နှစ်ကြာသောက်ရမယ်။

• (ဘီ) ပိုးတွေ့တိုင်း ဆေးသောက်ရမှာလား။ မဟုတ်ပါ။

• နာတာရှည်သမားတွေက ဘာတွေကိုရှောင်ရမလဲ။ အရက်လုံးဝမသောက်ပါနဲ့။ ဆေးလိပ်ဖြတ်ပါ။ ဆေးသောက်စရာမှန်သမျှ ဟာဗယ်ဆေးတွေအပါအဝင် ဆရာဝန်ကို ပြပြီးမှသာ သောက်ပါ။ အစားအသောက် လုံလောက်မျှတအောင်စားသောက်ပါ။ သွေးလှူလို့မရပါ။

• ကိုယ်ဝန်ဆောင်နေလို့ (ဘီ) ပိုးစစ်ရမလား။ ကိုယ်ဆောင်မှန်သမျှ စစ်ပါ။ မွေးလာမဲ့ကလေးကို ကူးဘို့ အခွင့်အလမ်း ၉၅% ရှိတယ်။ ကလေးကို မွေးမွေးချင်း (၁) Hepatitis B vaccine ကာကွယ်ဆေး နဲ့ (၂) Hepatitis B Immune Globulin (HBIG) ကာကွယ်ဆေးတမျိုးပါ ထိုးရမယ်။ ကလေးကို နို့တိုက်နိုင်ပါတယ်။ အကျိုးနဲ့ အပြစ်မှာ အကျိုးကပိုသာတယ်။

ဒေါက်တာတင့်ဆွေ

ဆက်ဖတ်ရန်>>>>

Pregnancy and Hepatitis B ကိုယ်ဝန် နှင့် ဘီပိုး

ကနေ့ ဘီပိုးရှိနေတဲ့ ကိုယ်ဝန်ဆောင် တယောက်လာပြတယ်။ မကြာခင်မွေးမယ်။ ကလေးမွေးပြီးပြီးချင်း ထိုးဘို့ ကာကွယ်ဆေးတမျိုး ရှာဝယ်ထားဘို့ ဆေးလက်မှတ်ရေးပေးပြီး ကူးစက်နိုင်ပုံတွေကို ရှင်းပြလိုက် တယ်။ သူပြောမှ ပြန်သတိရတယ်။ အရင်ကလေး သားဦးတုံးကလဲ ဘီပိုးရှိလျှက်နဲ့ ဆရာဘဲမွေးပေး ခဲ့တာတဲ့။ အရင်တခါဝယ်တာ ရူးပီး ၅ဝဝဝ ပေးရသတဲ့။ အင့်း့ သည်တခါလဲ အထူးသတိထားပြီး မွေးပေးရအုံး မှာဘဲ။ သည်တယောက်မွေးပြီးရင်တော့ ခြာထားပါကွာလို့ အကြံပေးလိုက်ရတယ်။ သူ့အသက်ကလဲ ငယ်သေးတယ်။

ကိုယ်ဝန်ရှိရင် ဘီပိုး ရှိ-မရှိ စစ်ရပါမယ်။ ခင်ပွန်း၊ အဖေါ်ယောက်ျားမှာ ဘီပိုးရှိရင်၊ ကိုယ်က ဆေးရုံ-ဆေးခန်း-ဓါတ်ခွဲခန်း၊ ကျန်းမာရေးဌာနမှာအလုပ်လုပ်ရင် ဘီပိုး ရှိ-မရှိ စစ်ဘို့ သူများတွေထက်လိုတယ်။ ကိုယ်ဝန်ဆောင်နေတုံး မိခင်လောင်းမှာ ဘီပိုး ရှိနေတယ်ဆိုရင် ကလေးမွေးဖွါးနေတုံး ကလေးဆီကို ကူးစေနိုင်တယ်။

ကိုယ်ဝန်နုကာစ မိခင်လောင်းမှာ ဘီပိုးရှိတာဆိုရင် ကလေးကို ကူးလာနိုင်ချေ ၁ဝ% ထက်နည်းတယ်။ ကိုယ်ဝန်ရင့်ပြီဆိုရင် ၉ဝ% အထိရှိနိုင်တယ်။ ကလေးကိုကူးပြီဆိုရင်တော့ ဆိုးတယ်။ ရောဂါလက္ခဏာတွေ မခံစားရသေးပေမဲ့ ပိုးရှိနေပြီဖြစ်တဲ့ကလေးဟာ ၉ဝ% ဟာ ရောဂါပိုးသယ်ပို့ပေးနေသူဖြစ်နေမယ်။ ကလေးကြီးလာရင်လဲ ၂၅% ဟာ အသဲခြောက်တာ၊ အသဲကင်ဆာနဲ့ သေဆုံးနိုင်တယ်။

Delivery ဘယ်လိုနည်းနဲ့မွေးမလဲ
မွေးပေးမဲ့ ဆရာဝန်ကနေ မွေးခန်းကြိုတင်ပြင် ဆင်မှုတွေ အသေအခြာ လုပ်ပေးမယ်။ လိုအပ်တဲ့ ဆေးတွေ အဆင်သင့် ရှာထားမယ်။ ထိုးပေးမယ်။ အဲလိုမလုပ်ရင် မွေးလာမဲ့ကလေးကို ၅၉% ရောဂါကူးစက်လိမ့်မယ်။ နာတာရှည် အသဲရောင်ဖြစ်စေမယ်။ ကိုယ်ဝန်ဆောင်နေတုံးမှာ ကလေးကို ဘာမှမဖြစ်စေပါ။ ဗိုက်ခွဲမွေးဖွးရင် ကလေးကို ကူးစေနိုင်တဲ့ အခွင့်အလမ်းနည်းနေမယ်လို့ ယူဆကြသလို ဘယ်လိုနည်းနဲ့မွေးမွေး မထူးဘူးလို့လဲ ယူဆကြတယ်။

At birth မွေးမွေးချင်းကလေးကို -
၁။ Hepatitis B vaccine ကာကွယ်ဆေး ပဌမအကြိမ် ထိုးပေးမယ်။
၂။ တခါတည်း Hepatitis B Immune Globulin (HBIG) ဆေးလဲထိုးပေးမယ်။
အဲလိုဆေး ၂ မျိုးကို မွေးပြီး ၁၂ နာရီအတွင်းထိုးပေးနိုင်ရင် ကလေးကို ပိုးကူးဘို့ ၉ဝ% စိတ်ချနိုင်တယ်။ နောက် တလတိတိမှာ ဒုတယအကြိမ် နဲ့ ၆ လ အပြည့်မှာ တတိယအကြိမ် ကာကွယ်ဆေး ဆက်ထိုးဘို့ လိုတယ်။

Breast feeding ကလေးနို့တိုက်ခြင်း
မွေးမွေးချင်း ကလေးကို ကာကွယ်ဆေး ၂ မျိုးလုံးတိတိကျကထိုးပေထားရင် နို့တိုက်လို့လဲ ကလေးကိုကူးမှာကို ထူးပြီးစိုးရိမ်ရာမလိုပါ။ တချို့က အတိုက်မခိုင်းဘူး။ အမေရိကန်ပြည်ထောင်စု၊ ပင်ဆယ်လ်ဗေးနီးယားမှာရှိတဲ့ Centers for Disease Control (CDC) ဌာနအဆိုအရ မတိုက်ဘဲထားတာနဲ့ တိုက်တာတွေရဲ့ အဆိုး-အကောင်းတွေယှဉ်ရင် ကလေးကို နို့တိုက်သင့်တယ်လို့ ထောက်ခံ အားပေးပါတယ်။

Antepartum ကလေးမွေးပြီးတဲ့နောက်မှာ
• hepatitis viruses A အေ ကာကွယ်ဆေး ထိုးသင့်တယ်။
• အရက်ရှောင်ရမယ်။
• Acetaminophen (Tylenol)/Paracetamol (ပါရာစီတမော) ဆေးမသောက်ပါနဲ့။
• သွေးမလှူပါနဲ့၊ တခြား ကိုယ်ခန္ဓာအစိတ်အပိုင်းလဲ မလှူပါနဲ့။
• သွားတိုက်တံ၊ ရေဇာ၊ လက်သည်းညှပ်၊ သူများတွေနဲ့ တွဲမသုံးပါနဲ့၊
• ဆေးရုံ၊ ဆရာဝန်တွေကို hepatitis B carrier ကိုယ့်ရောဂါရှိနေတာကို ပြောပြပါ။
• အနည်းဆုံး တနှစ်တခါ ဆရာဝန်ပြပါ။
• ကိုယ့်မိသားစု၊ ယောက်ျား၊ ဇနီး အတူနေတွေကို ရှင်းပြပါ။
• HBsAg test positive ဖြစ်သူဟာ အသဲအခြေအနေသိရအောင် Liver function testing ပါလုပ်ပါ။

Hepatitis B Virus (HBV) ဘီပိုး
ကူးစက်ခံရသူရဲ့ သွေးထဲမှာ အများဆုံးစုနေပြီး၊ တံတွေး၊ သုတ်ရည်၊ ဗဂျိုင်းနာအရည် နဲ့ အနာအဆာကနေ ထွက်တဲ့ အရည်တွေထဲမှာ နည်းနည်းသာတွေ့ရတယ်။ ဒီ ဗိုင်းရပ်စ်ပိုးဟာ အခန်းထဲ အပူချိန်မှာ ၇ ရက်အထိလောက် ရှင်နေနိုင်တယ်။

ပိုးဝင်ခံတဲ့နောက် ရက်ပေါင်း ၉ဝ ကနေ ၆ လ အတွင်း လက္ခဏာပြမယ်။ ရက်တိုပိုးဝင်လက္ခဏာတွေကတော့ အစား အသောက်ပျက်မယ်၊ ပျို့ချင် အန်ချင်မယ်၊ ကိုယ်ပူမယ်၊ ဗိုက်နာမယ်၊ အသားဝါမယ်။ ဆီးဝါမယ်။ ဝမ်းအရောင် ပျော့မယ်။ ဘူတဝက်လောက်မှာတော့ ရောဂါလက္ခဏာ မပြတတ်ဘူး။ ၁% လောက်ကတော့ သိပ်ဆိုးနိုင်တယ်။

ရက်တိုဖြစ်တဲ့သူတွေဟာ ကလေးငယ်လေးတွေဆိုရင် ၉ဝ% နာတာရှည်ဖြစ်မယ်။ ၅ နှစ်အောက်ကလေး ၃ဝ% နာတာရှည် ဖြစ်မယ်။ လူကြီးဆိုရင် ၂-၆% နာတာရှည်ဖြစ်မယ်။ မိခင်မှာ ဘီပိုးရှိနေပေမဲ့ မွေးလာတဲ့ကလေးမှာ မွေးရာပါ ချို့ယွင်းတာ မဖြစ်ပါ။ ကိုယ်အလေးချိန် နည်းတာ မပြည့်တာတော့ ဖြစ်နိုင်တယ်။

ကိုယ်ဝန်လာအပ်ရင် ဘီပိုးရှိ-မရှိ သွေးစစ်တာကို hepatitis B surface antigen (HBsAg) ခေါ်တယ်။ သံသယရှိသူအားလုံး၊ ဥပမာ မိသားစုဝင်တွေ၊ ဇနီး-ခင်ပွန်း-အဖေါ်တွေကို (HBsAg, antiHBc, antiHBs) တွေစစ်ရမယ်။
• HBsAg = negative, anti-HBc = negative, anti-HBs = negative ဖြစ်နေသူဆိုတာ၊ ကောင်းတယ်။ ဒါပေမဲ့ တချိန်မှာ ကူးမလားဘူးမပြောနိုင်ဘူး။ ရောဂါ မပြီးသူဖြစ်တယ်။
• HBsAg = negative, anti-HBc = positive, anti-HBs = positive ဖြစ်နေသူဆိုတာ၊ ပိုကောင်းတယ်။ immune due to natural infection သူဟာ မသိမသာပိုးအဝင်ခံထားရာကနေ သဘာဝအရ ရောဂါပြီးနေတယ်။
• HBsAg = negative, anti-HBc = negative, anti-HBs = positive ဖြစ်သူဟာ immune due to hepatitis B vaccination
• ဘီပိုး ကာကွယ်ဆေးထိုးထာလို့ ရောဂါပြီးနေသူ ဖြစ်တယ်။
• HBsAg = positive, anti-HBc = positive, IgM anti-HBc = positive, anti-HBs = negative ဆိုသူဟာ acutely infected လောလောလတ်လတ် ပိုးဝင်တာခံနေရသူဖြစ်တယ်။
• HBsAg = positive, anti-HBc = positive, IgM anti-HBc = negative, anti-HBs = negative ဆိုသူဟာ chronically infected နာတာရှည်ပိုးဝင်နေသူဖြစ်တယ်။
• HBsAg ရှိနေတယ်ဆိုတာ ပိုးလတ်တလောအဝင်ခံရသူဖြစ်တယ်။ ၃-၅ ပါတ်မတိုင်ခင်က ဝင်ခဲ့သူဖြစ်မယ်။ ပိုးဝင်ပြီး နလံထရင် (၃-၄ လ ကြာရင်) ဒါကို မတွေ့တော့ဘူး။ အဲဒီအချိန်မှာ anti-HBs တွေ့လာမယ်။
• HBsAg positive ဖြစ်ပြီး၊ IgM anti-HBc မတွေ့သူဆိုတာ chronic infection နာတာရှည်ပိုးဝင်နေသူဖြစ်တယ်။
• HBsAg = negative, anti-HBc = positive, anti-HBs = negative ဆိုဟာ four interpretations possible (၄) မျိုးဖြစ်နိုင်တယ်။
1. May be recovering from acute HBV infection ရက်တိုရာကနေ နလံထလာသူ၊
2. May be distantly immune and test not sensitive enough to to detect very low level of anti-HBs in serum ရောဂါကိုပြီးပေမဲ့ စမ်းသပ်တဲ့အခါမှာ သွေးထဲမှာ နည်းနေသူ၊
3. May be susceptible with a false positive anti-HBc အပေါင်းပြတာ မမှန်လို့ ရောဂါပိုးဝင်တာခံရနိုင်သူ၊
4. May be undetectable level of HBsAg present in the serum and the person is actually a carrier သွေးစစ်တာမှာ နည်းလွန်းလို့ မပြပေမဲ့ သူများကို ကူးစေနိုင်သူ။

Prevention ကာကွယ်ဆေး
• အမေရိကားမှာ Recombivax HB (Merck and Co., Inc.) နဲ့ Engerix-B (SmithKline Beecham Biologicals) ၂ မျိုး သုံးတယ်။ ကိုယ်ဝန်ဆောင်နေလဲထိုးနိုင်တယ်။ ကလေးတွေကို 0.5 ml ထိုးတယ်။ အသက် ၂ဝ အထက်ကို 1.0 mL IM ထိုးတယ်။
• Acute Hepatitis B ရက်တိုပိုးရှိသူနဲ့ ထိတွေ့လိုက်ရလို့ (လိင်ဆက်ဆံလို့) ဆိုရင် ၁၄ ရက်အတွင်းမှာ HBV vaccine ထိုးပါ။ စုစုပေါင်း ၃ ခါထိုးရမယ်။ ချက်ချင်း၊ နောက် ၁ လ၊ ဒိနောက် ၅ လ။ နောက်ပြီး Hepatitis B immune globulin (HBIG) 0.06 mL/kg IM ကိုလည်း နောက် တင်ပါး၊ လက်မောင်းမှာ ထိုးပါ။
• တကယ်လို့ အရေပြား၊ အရေပြားနုရဲ့အပေါက်အပြဲ၊ ဒဏ်ရာကနေ ဝင်တာဆိုရင် HBIG ကို နောက် တလနေရင် တခါထပ်ထိုးပါ။
• Chronic HBV Infection နာတာရှည်ပိုးရှိနေသူကနေ (လိင်ဆက်ဆံတာဖြစ်ဖြစ်၊ အပ်-သွေးကြောင့်ဖြစ်ဖြစ်) ကာကွယ်ဘို့ hepatitis B vaccine တမျိုးထဲသာ လိုတယ်။
• Acute HBV infection ရက်တိုပိုးဝင်ခံရသူကို ရောဂါဆေးရယ်လို ပေးစရာမလိုပါ။ အထောက်အကူပြုကုသမှုသာ လိုတယ်။ သပ်ဆိုးသူကိုတော့ ဆေးရုံတင်ရမယ်။ Chronic hepatitis B နာတာရှည်ပိုးဝင်သူကို alpha-interferon ဒါမှမဟုတ် Lamivudine ဆေးပေးမယ်။ ကိုယ်ဝန်ဆောင်ကို ဒီဆေး ပေးနိုင်တယ်၊ မပေးသင့်ဘူး၊ အတိအကျ ပြောမရပါ။

ဒေါက်တာတင့်ဆွေ
၇-၆-၂ဝ၁၄

ဆက်ဖတ်ရန်>>>>

(၂၄)နာရီအတွင်း အမေရိကန် တိုက်လေယာဉ်(၂)စင်း သီးခြားစီပျက်ကျ

ကြာသပတေးနေ့ နံနက်ပိုင်းက ကယ်လီဖိုးနီးယား တောင်ပိုင်းဒေသတွင် ယခုကဲ့သို့ လေယာဉ်ပျက်ကျမှု ဖြစ်ပွားခဲ့ခြင်းဟု ရေတပ်ပြောရေးဆိုခွင့်ရ အရာရှိ တစ်ဦးက ဆိုသည်

အမေရိကန် ရေတပ်မှ တိုက်လေယာဉ် တစ်စင်းသည် လေယာဉ်တင် သင်္ဘောပေါ် အဆင်းတွင် ပျက်ကျသွား ခဲ့ကြောင်း သိရှိရသည်။ ကြာသပတေးနေ့ နံနက်ပိုင်းက ကယ်လီဖိုးနီးယား တောင်ပိုင်းဒေသ တွင် ယခုကဲ့သို့ လေယာဉ်ပျက်ကျမှု ဖြစ်ပွားခဲ့ခြင်းဟု ရေတပ်ပြောရေးဆိုခွင့်ရ အရာရှိ တစ်ဦးက ဆိုသည်။ F/A-18E Super Hornet အမျိုးအစား တိုက်လေယာဉ်မှ လေယာဉ်မှူးမှာ အချိန်မီ ခုန်ထွက်နိုင်ခဲ့ပြီး ရေထဲသို့ ကျသွားခဲ့သည်။ ၎င်းကို ရေတပ်က ဆယ်ယူခဲ့ပြီး ယခုအခါ အခြေအနေ တည်ငြိမ်နေပြီဟု သိရသည်။ USS Carl Vinson လေယာဉ်တင် သင်္ဘောပေါ် ဆင်းသက်ရန် လေယာဉ်ပျံဝဲ ချဉ်းကပ်လာရင်း ယခုလို ပျက်ကျခြင်း ဖြစ်သည်။

အမေရိကန် စစ်ဘက်သုံး တိုက်လေယာဉ်များ ပျက်ကျမှုသည် (၂၄)နာရီ မပြည့်မီ (၂)ကြိမ်ဆက် ပေါ်ပေါက်လာခြင်း ဖြစ်သည်။ ယင်းမတိုင်မီကလည်း ရေတပ်၏ AV-8B Harrier အမျိုးအစား လေယာဉ်တစ်စင်းသည် ဆန်ဒီယေဂို အနီးရှိ လူနေအိမ်ပေါ် ပျက်ကျမှု ဖြစ်ပွားခဲ့သေးသည်။ Super Hornet လေယာဉ်မှာမူ သင်္ဘောကုန်းပတ်အနီး ဆင်းသက်လာစဉ် လမ်းကြောင်းလွဲပြီး ရေပြင်နှင့် ရိုက်မိခဲ့ခြင်း ဖြစ်ကြောင်း ရေတပ်က ဆိုသည်။ လေယာဉ်ပျက်ကျမှုနှင့် ပတ်သက်ပြီး စုံစမ်းစစ်ဆေးသွားမည် ဖြစ်သော်လည်း လတ်တလောတွင်မူ လေယာဉ်ကို ပင်လယ်အောက်မှ ပြန်လည် ဆယ်ယူနိုင်ခြင်း မရှိသေးကြောင်းလည်း သိရှိရသည်။

Planet Myanmar Network

ဆက်ဖတ်ရန်>>>>

၂၀၁၄ ကမ္ဘာ့အလှဆုံး အမျိုးသမီးဆယ်ဦး

အရာအားလုံးတွင် အခြားအရာများနှင့် ကွဲပြားစေသော ကိုယ်ပိုင်ထူးခြားမှုနှင့် အရည်အသွေးများ ကိုယ်စီရှိကြသည်။ သို့သော် သဘာဝအလှဆိုသည်မှာ ကံ၏ အကျိုးကျေးဇူးသာဖြစ်၏။ ကမ္ဘာပေါ်တွင်ရှိသည့် လှပသောအရာများအနက် လူသားများလည်း ပါဝင်သည်။ အမျိုးသမီးတစ်ဦး၏အလှမှာ မျက်နှာအလှသာမဟုတ်ဘဲ ကိုယ်ခန္ဓာကောက်ကြောင်း အလှလည်း ပါဝင်သည်။ အမေရိကန်နိုင်ငံ ဟောလိဝုဒ်တွင် အချောအလှဆုံး အမျိုးသမီးများအတွက် ဆန္ဒမဲကောက်ခံခဲ့မှုအရ ၂၀၁၄ ခုနှစ် ကမ္ဘာ့အချောအလှဆုံး အမျိုးသမီး ၁၀ ဦးကို ဖော်ပြပေးလိုက်ပါသည်။

(၁၀) နာအိုမီဝပ်စ်

နာအိုမီဝပ်စ်၏အလှကြောင့် ၂၀၁၃ ကိုယ်ရေးအတ္ထုပ္ပတ္တိရုပ်ရှင်တွင် မင်းသမီးဒိုင်ယာနာအဖြစ် သရုပ်ဆောင်ရန် ရွေးချယ်ခံခဲ့ရသည်။ ၎င်းသည် ရုပ်ရှင်ကားများစွာတွင်လည်း ဘုရင့်သမီးတော်နေရာမှ ပါဝင်သရုပ်ဆောင်ထားသည်။ မျက်နှာအလှနှင့် ရွှေရောင်ဆံပင်တို့က ၎င်း၏ ကြော့ရှင်းလှပမှုကို များစွာအားဖြည့်ပေးသည်။

(၉) အလီစီယာကီးစ်

ဂီတပညာရှင်တစ်ဦးဖြစ်သည့် အလီစီယာကီးစ်မှာ အချိန်တိုတိုအတွင်း ၂၀၁၄ ခုနှစ် ကမ္ဘာ့အလှဆုံးအမျိုးသမီးများ စာရင်းတွင် ရွေးချယ်ခံခဲ့ရသူဖြစ်သည်။ ၎င်းသည် သွယ်သွယ်လျလျနှင့် ဆွဲဆောင်မှုအလွန်ရှိသူဖြစ်ကာ သရုပ်ဆောင်အလုပ်လည်းလုပ်သူ ဖြစ်သည်။

(၈) ဇူအီဒက်စ်ချန်နယ်

ဇူအီဒက်စ်ချန်နယ်မှာ ၎င်း၏ ပင်လယ်ရေကဲ့သို့ အပြာရောင်မျက်ဝန်းများကြောင့် ကျော်ကြားပြီး အရပ်မြင့်ကာ ခန္ဓာကိုယ်အချိုးအစားပြေပြစ်ပြီး ထင်ရှားသော ဂီတပညာရှင်တစ်ဦး ဖြစ်သည်။

(၇) အန်ဂျလီနာဂျိုလီ

အန်ဂျလီနာဂျိုလီမှာ နာမည်ကြီးပြီး ဆွဲဆောင်မှုရှိသော မင်းသမီးဖြစ်ကာ အလွန်လှပသော အမျိုးသမီးတစ်ဦးဖြစ်သည်။ ၎င်းသည် အက်ရှင်ကားပေါင်းများစွာ ရိုက်ကူးထားပြီး တိုက်ခိုက်ရာတွင်လည်း ကောင်းသူဖြစ်သည်။ ၎င်းသည် စေတနာကောင်းသူတစ်ဦးဖြစ်ကာ ကမ္ဘာတစ်ဝန်း အလှူအတန်းများစွာ ပြုလုပ်ထားသည်။

(၆) အန်းဟက်သဝေး

ဟောလိဝုဒ်မင်းသမီး အန်းဟက်သဝေးမှာ တည်ငြိမ်လှပချောမောသော အမျိုးသမီးဖြစ်သည်။ ၎င်း၏ အပေါက်ဆုံးဇာတ်ကားမှာ Dark Night Rises ဇာတ်ကားဖြစ်ပြီး ငယ်ရွယ်စဉ်က ဘုရင့်သမီးတော်အဖြစ် ရုပ်ရှင်ဇာတ်ကားများတွင် ပါဝင်သရုပ်ဆောင်ခဲ့သဖြင့် လူသိများသူဖြစ်သည်။

(၅) အမန်ဒါဆေးဖရီး

ဟောလိဝုဒ်၏ ငှားရမ်းခအများဆုံး မင်းသမီးတစ်ဦးဖြစ်သော အမန်ဒါဆေးဖရီးသည် အညိုရောင်ဆံပင်ကောက်ကောက်အရှည်နှင့် ခန္ဓာကိုယ်အချိုးအစား ပြေပြစ်သူဖြစ်သည်။

(၄) ကိတ်မစ်ဒယ်လ်တန်

ကိတ်မစ်ဒယ်လ်တန်၏ ဆွဲဆောင်မှုရှိသောအလှနှင့် မဟာဆန်မှုကို မည်သူမျှ ငြင်းနိုင်မည်မဟုတ်ပေ။ ၎င်း၏အရပ်မြင့်ခြင်း၊ ချစ်စရာကောင်းခြင်းနှင့် ဆံပင်ရှည်ရှည်ကြောင့် ကမ္ဘာ့တစ်ဝန်း ပရိသတ်များစွာ ရရှိထားသူဖြစ်သည်။

(၃) ရိုးစ်ဘန်နီ

၂၀၁၄ ကမ္ဘာ့အလှဆုံးအမျိုးသမီး ၁၀ ဦး စာရင်းတွင် တတိယနေရာ၌ ရှိနေသည့် ရိုးစ်ဘန်နီမှာ အံ့သြစရာလှပသော ရုပ်ရည်ရှိပြီး ယင်းတတိယနေရာကိုရရန် အသက်ငယ်ရွယ်လွန်းသူ ဖြစ်သည်။ ပြုံးနေစဉ် အလွန်ချစ်စရာကောင်းလောက်အောင် လှပသူဖြစ်သည်။ ၎င်းသည် Star War ဇာတ်ကားများတွင် ပါဝင်သရုပ်ဆောင်ထားသည်။

(၂) အေမီအဒမ်

ဟောလိဝုဒ်၏ ဈေးအကြီးဆုံး မင်းသမီးစာရင်းတွင် ပါဝင်သော အေမီအဒမ်မှာ ဟောလိဝုဒ်တွင်တွေ့ရသော အလုပ်အများဆုံး မင်းသမီးဟုပြောလျှင် လွန်မည်မထင်ပေ။ Man of Steel ဇာတ်ကားတွင် Lois Lane အဖြစ် သရုပ်ဆောင်ချက်မှာ အလွန်ဆွဲဆောင်နိုင်သည့် သရုပ်ဆောင်ချက်ဖြစ်သည်။

(၁) ရိုစီဟန်တင်တန်ဝှိုက်တလေ

အလွန်ချစ်စရာကောင်းသော အပြုံးနှင့် ပြီးပြည့်စုံသည့် ခန္ဓာကိုယ်အလှကို ပိုင်ဆိုင်ထားသည့် ဟောလိဝုဒ်ဈေးကြီးသော မင်းသမီးတစ်ဦးဖြစ်သူ ရိုစီဟန်တင်တန်ဝှိုက်တလေသည် ကမ္ဘာ့အလှဆုံးအမျိုးသမီးအဖြစ် ယခု ဆန္ဒမဲကောက်ခံမှုတွင် ရွေးချယ်ခံရသည်။ ၎င်း၏ အပေါက်ဆုံး ရုပ်ရှင်ဇာတ်ကားမှာ Transformer ဇာတ်ကား Dark of the Moon ဖြစ်ပြီး တစ်သက်တာ အလှဆုံးအမျိုးသမီးတစ်ဦးဟု ၎င်းကိုမှတ်ယူမှုမှာ ငြင်းဆန်ရန်ခက်ခဲသည်။

7 Day

ဆက်ဖတ်ရန်>>>>

သုတ်ရည်တွင် ချုိ့ယွင်းချက် ရှိသော အမျိုးသားများ ငယ်ငယ်ရွယ်ရွယ် နှင့် သေဆုံးနိုင်

သုတ်ရည် ချို့ယွင်းချက်ကြောင့် ကလေးမရနိုင်တဲ့ အမျိုးသားတွေမှာ သက်တမ်းတိုနိုင်တယ်လို့ လေ့လာမှုအသစ်အရ ထုတ်ဖော်ထားပါတယ်။ အမေရိကန်နိုင်ငံမှ ကလေးမရရှိတဲ့ စုံတွဲပေါင်း ၇ ဒဿမ ၃သန်းရှိသည့် အနက် ၄၀ ရာခိုင်နှုန်းဟာ အမျိုးသားတွေကြောင့် ဖြစ်တယ်လို့ သိရပါတယ်။

အမျိုးသားတွေ မြံနိုင်တဲ့ အကြောင်းမျိုးစုံ ရှိပေမယ့် သုတ်ထုတ်လုပ်တာ ဒါမှမဟုတ် သုတ်လုပ်ငန်း ပုံမမှန် ဖြစ်တာတွေက အဓိက အကြောင်းအချက်ပါ။ မျိုးရိုးဗီဇ ချို့ယွင်းတာ၊ ဆီးချိုရောဂါ ဖြစ်တာ၊ အမျိုးသား အင်္ဂါအတွင်း သွေးပြန်ကြောတွေ ကြီးမားနေတာနဲ့ ကပ်ပယ်အိတ်ထဲ ဝှေးစေ့ မဆင်းတာလိုမျိုး အပါအ၀င် ကျန်းမာရေး ပြဿနာမျိုးစုံကြောင့် သုတ်ပိုးထုတ်လုပ်တဲ့ လုပ်ငန်းမှာ ပုံမမှန် ဖြစ်တတ်ပါတယ်။

သုတ်ရည်အတွင်း နှစ်မျိုး ဒါမှမဟုတ် နှစ်မျိုးထက်ပိုပြီး ပုံမမှန်ဖြစ်ရင် သုတ်ရည်မှာ ချို့ယွင်းချက် မရှိသူတွေထက် ရှစ်နှစ် အတွင်း ငယ်ငယ်ရွယ်ရွယ် နဲ့ သေဆုံးနိုင်ခြေ နှစ်ဆပိုများပါတယ်။ ကလေးမရနိုင်တာဟာ သူ့မှာ ရှိတဲ့ ကျန်းမာရေး ပြဿနာတွေကြောင့် ဖြစ်တာမို့ ငယ်ငယ်ရွယ်ရွယ်နဲ့ သေဆုံးတာဟာ မျိုးမအောင်တာထက် ကျန်းမာရေး ပြဿနာကြောင့် ဖြစ်တာ ပိုများပါတယ်။ ဒါ့အပြင် သုတ်လုံးဝမရှိတဲ့ အမျိုးသားတွေ အနေနဲ့ သုတ်ရည် ပမာဏရှိတဲ့ သူတွေနဲ့ နှိုင်းယှဉ်ရင် ကင်ဆာဖြစ်နိုင်ခြေ ပိုများတယ်လို့လည်း ထပ်မံတွေ့ရှိခဲ့ပါတယ်။

Health Digest

ဆက်ဖတ်ရန်>>>>