ပြည်တွင်း မိုဘိုင်း ဈေးကွက် အတွင်းသို့ ပြည်ပဖုန်း ကုမ္ပဏီ သုံးခု ဝင်ရောက် ရန်ရှိ

ဆက်ဖတ်ရန်>>>>

အမေရိကန်က မြန်မာသွင်းကုန် ပိတ်ပင်မှုကို ယာယီရုတ်သိမ်း

မြန်မာပြည်မှ သွင်းကုန်များကို အမေရိကန်နိုင်ငံမှ တားမြစ်ပိတ်ပင်မှုကို အနည်းဆုံး ယာယီအားဖြင့် စက်တင်ဘာလကုန်အထိ ရပ်ဆိုင်းလိုက်သည်။ ဤသည်မှာ ဥပဒေပြုသူများအကြား အာဖရိက ကုန်သွယ်မှု အထောက်အပံ့ အတွက် ပြုလုပ်မှုတွင် ပဋိပက္ခများ ပေါ်လာ၍ဖြစ်၏။ ဤကိစ္စ နှစ်ရပ်သည် အိုဘားမား အုပ်ချုပ်ရေးကို ကျောထောက်နောက်ခံပြု ပူးတွဲချမှတ်ထားသော ကိစ္စများဖြစ်၏။ ဂုဏ်ပြုသူများကမူ သြဂုတ်တစ်လလုံး အားလပ်မှု ပြုပြီးမှ ပြနလည်စဉ်းစားရန် မျှော်လင့်ထားကြ၏။
အိမ်ဖြူတော်က မြန်မာနိုင်ငံအပေါ် ပိတ်ဆို့မှုအချို့ကို လျှော့ချခဲ့၏။ မြန်မာနိုင်ငံ၏ စီးပွားရေးနှင့် နိုင်ငံရေးပြုပြင်ပြောင်းလဲမှုများကြောင့် လျှော့ ချပေးခဲ့ခြင်းဖြစ်၏။ သို့သော် သွင်းကုန် တားမြစ်မှုကား မရုတ်သိမ်းပေးသေး။
ရီပတ်ဘလီကန် ဆီးနိတ်ခေါင်းဆောင် ''မစ်ခ်ျမက်ကော်နယ်''ကမူ ကိစ္စနှစ်ရပ် ကို ခွဲခြားရန် အဆိုပြုပြီး မြန်မာပြည်မှ သွင်းကုန် ပိတ်ဆို့မှုကို အသစ်ပြုလုပ် ရန် အကြံပြု၏။
သို့သော် ဆီးနိတ်မှ ဘဏ္ဍာရေးကော်မတီဥက္ကဋ္ဌ ဒီမိုကရက်တစ် တစ်ဦးဖြစ်သူ ''မက်စ်ဘောကပ်စ်'' ကမူ ကန့်ကွက်ခဲ့သည်။ ဤသို့ ပြုလုပ်လျှင် အာဖရိက ကုန်သွယ်မှု အတိုင်းအတာကို အနှောင့်အယှက် ဖြစ်နိုင်ပြီးတိုက်၏အဝတ် အထည် လုပ်ငန်းများအတွက် အရေးပါသည်ဟု ဆို၏။
သူက ''မက်ကော်နဲ'' ၏ အဆိုကို ပယ်ချကာ ဒီမိုကရက်များသည် မြန်မာပြည် အပေါ် တားဆီးပိတ်ဆို့မှုကို အသစ်ပြန်လည် သုံးသပ်နေကြောင်းပြော၏။
''ဘောကပ်စ်'' သည် အိုကလာဟိုးမား ပြည်နယ်မှ ရီပတ်ဘလီကန် အမတ်ဆီးနိတ်တာ ''တွမ်ကိုဘန်း'' နှင့် ပူးပေါင်းလုပ်ကိုင်ရန် မျှော်လင့်သည့်ဟု ဆို၏။ ''အာဖရိကကုန်သွယ်မှု အထောက်အပံ့အတွက် လာမည့် ရက်များတွင် သူ့သဘောထားကို ပြောကြားမည်ဟု ဆိုသည်။
၂ဝဝဝ ပြည့်နှစ်က ''အာဖရိက ကြီးပွားရေးနှင့် အခွင့်အရေး အက်ဥပဒေ''ကို ကွန်ဂရက်က ချမှတ်အတည်ပြုခဲ့၏။ ဆဟာရ အာဖရိတိုက်ခွဲမှ အချို့နိုင်ငံများ အနေဖြင့် အာဖရိကသို့ ကုန်ပစ္စည်း ထောင်ပေါင်းများစွာကို ပို့ကုန်အခွန် မပေးပဲ တင်သွင်းခွင့် ပြုသော အက်ဥပဒေဖြစ်၏။
''အာဖရိကကြီးပွားရေးနှင့် အခွင့်အရေး အက်ဥပဒေ'' နိုင်ငံများမှ အဝတ် အထည်များကို အခွန်လွတ်ခွင့်သည် စက်တင်ဘာ ၃ဝ တွင် ကုန်ဆုံးမည် ဖြစ်သည်။ အဝတ်အထည်၏ ပိတ်သားသည် ''တတိယနိုင်ငံများဖြစ်သော တရုတ်၊ တောင်ကိုရီးယားနှင့် ဗီယက်နမ်တို့ မှ ပိတ်စဆိုလျှင် အခွန်ကင်း လွတ်ခွင့်မရ။ ''ကိုဘန်း''က ဆယ်နှစ်အတွင်း ကုန်သွယ်မှု အခွန် ဒေါ်လာ သန်း ၂ဝဝ အကောက်ခွန်ဌာနမှ ကောက်ခဲ့ခြင်းကို ကန့်ကွက်ခဲ့၏။
ဤသည်တို့မှာ အမေရိကန်အစိုးရ အကြွေးကို ဧရာမတောင်လိုပုံစေသည့် ကိစ္စကို ဖန်တီးသည်ဟု သူက ပြောသည်။

ဝါရှင်တန်-ဇူလိုင် ၂၆ (ရိုက်တာ)

ဆက်ဖတ်ရန်>>>>

ကျောက်တော်မြို့နယ် သုံးခွကျေးရွာတွင် ဘင်္ဂါလီမူဆလင်ဝင်ရောက်ခြိမ်းခြောက်

ဆက်ဖတ်ရန်>>>>

ပြည်နယ်နှင့် တိုင်းဒေသကြီး အုပ်ချုပ်ရေး ဆိုင်ရာ လစ်လပ်နေရာ တပ်မတော်သား ကိုယ်စားလှယ်များ အစားထိုးဝင်ရောက် လာမည်ကို စိုးရိမ်း

ဆက်ဖတ်ရန်>>>>

ပါကစ္စတန် တာလီဘန်အဖွဲ့တစ်ဖွဲ့မှ ရိုဟင်ဂျာအရေးနှင့်ပတ်သက်ပြီး မြန်မာနိုင်ငံကို ခြိမ်းခြောက်မှုများပါဝင်သည့် ကြေညာချက်တစ်စောင် ထုတ်ပြန်

'

ဆက်ဖတ်ရန်>>>>

ဥရောပသမဂ္ဂ၏ ဘဏ္ဍာရေးဆိုင်ရာအကူအညီပေးရေးနှင့်ပတ်သက်သော ပြင်ဆင်ချက်များအပေါ် ဆွေးနွေးညှိနှိုင်းရန် ဥရောပကော်မရှင်ဥက္ကဋ္ဌသည် ဂရိနိုင်ငံသို့သွားရောက်ရန်ရှိခြင်း

    

ကြေးမြီအကျပ်အတည်းများ ဖြစ်ပေါ်နေသော ဂရိနိုင်ငံအပေါ် ဥရောပသမဂ္ဂ၏ ဘဏ္ဍာရေးဆိုင်ရာ အကူအညီပေးရေးပြင်ဆင်ချက်များနှင့် ပတ်သက်၍ ဆွေးနွေးရန်အတွက် ဥရောပကော်မရှင် ဥက္ကဋ္ဌ Jose Manuel Barroso သည် ဂရိနိုင်ငံသို့ အလည်အပတ်ခရီးသွားရောက်မည်ဖြစ်ပါသည်။ Barroso သည် ဂရိဝန်ကြီးချုပ် Antonis Samaras နှင့် ဇူလိုင်လ ၂၆ ရက်နေ့တွင် အေသင်မြို့၌ တွေ့ဆုံဆွေးနွေးသွားမည်ဖြစ်ကြောင်း ဥရောပသမဂ္ဂ ပြောခွင့်ရပုဂ္ဂိုလ်က ဇူလိုင်လ ၂၄ ရက်နေ့တွင် ပြောကြားခဲ့ပါသည်။ ဂရိနိုင်ငံအား ကြေးမြီအကျပ်အတည်းမှ လွတ်မြောက်နိုင်ရေးအတွက် ဥရောပသမဂ္ဂအနေဖြင့် ကူညီသွားမည်ဆိုခြင်းအား ထပ်လောင်းအတည်ပြုရန် နှစ်ဖက်ခေါင်းဆောင်များမှ မျှော်မှန်းထားခဲ့ပါသည်။

          ဥရောပသမဂ္ဂ၏ အကူအညီပေးမှုတွင် မရှိမဖြစ်လိုအပ်ချက်တစ်ခုဖြစ်သော ခြိုးခြံချွေတာရေးအစီအစဉ် လျော့ပါးသက်သာစေရန် ဂရိနိုင်ငံ၏ တောင်းဆိုချက်တစ်ရပ်နှင့် ပတ်သက်၍လည်း နှစ်ဖက်ခေါင်းဆောင်များမှ  ဆွေးနွေးသွားမည်ဖြစ်ပါသည်။ ဥရောပသမဂ္ဂ၊ နိုင်ငံတကာငွေကြေးရန်ပုံငွေအဖွဲ့ (IMF) ဥရောပဗဟိုဘဏ် (ECB) တို့မှစုံစမ်းစစ်ဆေးသူများသည် ဇူလိုင်လ ၂၄ ရက်နေ့တွင် အေသင်မြို့သို့ ရောက်ရှိလာခဲ့ပါသည်။ ¤င်းတို့သည် ဂရိနိုင်ငံအနေဖြင့် ကြေးမြီလျော့ပါးရေးအား မည်ကဲ့သို့ပြီးမြောက်အောင် ဆောင်ရွက်လျက်ရှိနေသည်ကို ကြည့်ရှု စစ်ဆေးသွားမည်ဖြစ်ကာ စုံစမ်းစစ်ဆေးမှုရလဒ်များအား ဥရောပသမဂ္ဂသို့ အစီရင်ခံတင်ပြရမည် ဖြစ်ကြောင်းသိရှိရပါသည်။ ဥရောပသမဂ္ဂအနေဖြင့် စုံစမ်းစစ်ဆေးသူများ၏ အစီရင်ခံချက်၊ ဂရိနိုင်ငံနှင့်တွေ့ဆုံဆွေးနွေးမှုအား အရှိန်မြှင့် ဆောင်ရွက်ရန်မျှော်လင့်ရပါသည်။ ထို့ပြင် ဥရောပသမဂ္ဂသည် စက်တင်ဘာလတွင် အကူအညီပေးရေး အဆိုပြုချက်ပြင်ဆင်မှုတစ်ရပ်အား သဘောတူညီမည်ဟု မျှော်လင့်ရပါသည်။သို့သော်လည်း စေ့စပ်ညှိနှိုင်းမှုများသည် ခက်ခဲမည်ဟု မျှော်လင့်ရကြောင်း သိရှိရပါသည်။

 NHK.or.jp;July-25(Wed)  

ဆက်ဖတ်ရန်>>>>

အမေရိကန်နှင့် ပိုလန်နိုင်ငံတို့သည် SM-3ကြားဖြတ် ဒုံးပျံကာကွယ်ရေးစနစ်များ တပ်ဖြန့်ချထားရေးနှင့်ပတ်သက်၍ အသေးစိတ်ဆွေးနွေးလျက်ရှိခြင်း

          အမေရိကန်နှင့် ပိုလန်နိုင်ငံတို့သည် ပိုလန်နိုင်ငံ၌ ၂ဝ၁၈ ခုနှစ်တွင် အမေရိကန်မျိုးဆက်သစ် ဒုံးပျံ ကာကွယ်ရေးကြားဖြတ်တိုက်ခိုက်ရေးစနစ်တစ်ခု တပ်ဖြန့်ချထားရေးနှင့်ပတ်သက်၍ အသေးစိတ်ဆွေးနွေးလျက်ရှိ ကြောင်း ပင်တဂွန် စစ်ဌာနချုပ်ပြောခွင့်ရပုဂ္ဂိုလ် George Little က ပြောကြားခဲ့ပါသည်။ အမေရိကန်ကာကွယ်ရေးဝန်ကြီး Leon Panetta သည် ဥရောပတွင် အမေရိကန်ဒုံးပျံကာကွယ်ရေး အစိတ်အပိုင်းများ တပ်ဖြန့်ချထားရေး အပြင် အခြားသောကိစ္စရပ်များအား ဆွေးနွေးရန်အတွက် ပိုလန်ကာကွယ်ရေးဝန်ကြီးTomasz Siemoniak  နှင့် ဇူလိုင်လ ၂၅ ရက်နေ့တွင် တွေ့ဆုံခဲ့ပါသည်။

          နေတိုးဒုံးပျံကာကွယ်ရေးတွင် ပိုလန်နိုင်ငံ၏ဦးဆောင်ခဲ့မှုအတွက် Panettor u Siemoniak အားကျေးဇူးတင်ကြောင်း ပြောကြားခဲ့ပါသည်။ ပိုလန်နိုင်ငံသည် ဒုံးပျံကာကွယ်ရေးစနစ်တစ်ခုထူထောင်ရန် အမေရိကန်နှင့်သဘောတူညီမှုရရှိခဲ့သော ပထမဆုံးနိုင်ငံဖြစ်ပါသည်။ ¤င်းတို့နှစ်နိုင်ငံသည် ၂ဝ၁၈ ခုနှစ်တွင် ပိုလန်နိုင်ငံ၌             SM-3ဒုံးပျံကြားဖြတ်ကာကွယ်ရေးစနစ်တစ်ခုတည်ဆောက်ရန် အသေးစိတ် ဆွေးနွေးမှုများ ပြုလုပ်လျက်ရှိကြောင်း ကြေညာချက်တစ်စောင်တွင် George Littleက ပြောကြားခဲ့ပါသည်။SM-3ကြားဖြတ်ဒုံးပျံကာကွယ်ရေးစနစ်သည် တာလတ်ပစ်ပဲ့ထိန်း ဒုံးပျံခြိမ်းခြောက်မှုများကို ဖျက်ဆီးရန်နှင့် ကြားဖြတ်တိုက်ခိုက်ရန် ပုံစံထုတ်လုပ်ထားခြင်း ဖြစ်ပြီး ဥရောပတွင်အမေရိကန်နိုင်ငံက တည်ဆောက်နေသော ဒုံးပျံကာကွယ် ရေးစနစ်၏မရှိမဖြစ်လိုအပ်သောအစိတ်အပိုင်းတစ်ရပ်ဖြစ်ပါသည်။ ရုရှားနိုင်ငံက ¤င်း၏နယ်စပ် အနီးတွင် အမေရိကန်ဒုံးပျံကာကွယ်ရေးစနစ်များတပ်ဖြန့်ချထားခြင်းအား ယခင်ကတည်းက ဆန့်ကျင်ခဲ့ပြီး အဆိုပါ ဒုံးပျံကာကွယ်ရေးစနစ်များသည် လုံခြုံရေးခြိမ်းခြောက်မှုကို ဖြစ်ပေါ်စေမည်ဖြစ်ကြောင်း ပြောကြားခဲ့ပါသည်။ သို့သော်လည်း အမေရိကန်နိုင်ငံသည် ပိုလန်နိုင်ငံတွင် ဒုံးပျံကာကွယ်ရေးနှင့် လေတပ်ဖွဲ့များတပ်ဖြန့်ချထားရန် စီစဉ်ထားကြောင်း အမေရိကန်နိုင်ငံခြားရေးဝန်ကြီး ဟီလာရီကလင်တန်က ၂ဝ၁၁ ခုနှစ်က ထုတ်ပြန်ကြေညာခဲ့ ကြောင်းသိရှိရပါသည်။

RIA Novosti;July-26(Thu)

ဆက်ဖတ်ရန်>>>>

ယူအန်နှင့် အိုင်အန်ဂျီအို ဆန့်ကျင် ပိုစတာများ ရဲက သိမ်းဆည်း

ဆက်ဖတ်ရန်>>>>

ပလက်ဝမြို့ တွင်လျှပ်စစ်မီးရရှိသည့် အချိန်တိုးပေးရန် နိုင်ငံတော်သမ္မတထံ လက်မှတ် ထိုး ပေးပို့ 

မြန်မာနိုင်ငံ၊ ချင်းပြည်နယ်တောင်ပိုင်း ပလက်ဝမြို့ တွင် တနေ့  (၃)နာရီအတွင်း ပုံမှန် လျှပ်စစ်မီး ရရှိရေးအတွက် ဒေသခံလူထု (၂၇၉) များမှလက် မှတ်ရေးထိုးကြပြီး နိုင်ငံတော် သမ္မတ ဦး သိန်းစိန် ထံပေးပို့ ကြောင်းသိရသည်။
လျှပ်စစ်မီး တနေ့ လျင် တစ်နာရီခွဲသာ ရရှိကြောင်း၊ ယင်းသို့ တစ်နာရီခွဲမျှသာ လျှပ်စစ် ဖြန့်  ဖြူးရေးဌာနမှ ဖြန့် ဖြူးပေးသော လျှပ်စစ်မီးသည် မည်သည့် ကဏ္ဍတွင်ပင် အသုံးပြု၍ လုံ လောက်ခြင်းမရှိကြောင်း Khumi Media Group facebook တွင်ဖေါ်ပြထားသည်။
မနေ့ က Khumi Media Group facebook တွင် အဆိုးစွန်ဆုံးအနေဖြင့် ဖျော်ဖြေရေးကဏ္ဍဖြစ် သည့် တီဗွီကြည့်ရန်ပင် အဆင်မပြေနိုင်ကြောင်း၊ ယင်းအပေါ် ဒေသခံလူထုများ မကြေမနပ်ဖြစ်နေ ကြကြောင်း ဖေါ်ပြထားသည်။
ယင်းအခြေအနေများကို ဖြေရှင်းပေးနိုင်ရန်နှင့် တနေ့ လျင်အနည်းဆုံး (၃)နာရီခန့်  လျှပ်စစ်မီး ရရှိ ရေးအတွက် ဒေသခံ လူထုများစုစည်း၍ လက်မှတ် ထိုးကြခြင်းဖြစ်ကြောင်း၊ ယင်းသို့ လက်မှတ်ထိုး ခဲ့သည့်စာကို ဇူလိုင်လ (၁၈)နေ့ စွဲဖြင့် သမ္မတ ဦးသိန်းစိန်ထံပေးပို့ ခဲ့ကြောင်း  သိရသည်။
၎င်းစာကို ချင်းပြည်နယ်အစိုးရအဖွဲ့ ၊ ၀န်ကြီးချုပ် ဦးဟုန်းငိုင်နှင့် နေပြည်တော်ရှိ အမှတ် (၂) လျှပ်စစ်ဓါတ် အားဖြန့် ဖြူးရေးဝန်ကြီးဌာနတို့ ကို လိပ် မူပြီး ပေးပို့ ခဲ့သည်။
အထူးသဖြင့် မြန်မာနိုင်ငံတွင် ချင်းပြညနယ်သည် လမ်းပန်းဆက်သွယ်ရေးအခက်ခဲဆုံးပြည်နယ် ဖြစ်သည်နှင့်အညီ စားဝတ်နေရေးနှင့် လျှပ်စစ်မီးရရှိမှု အညံ့ဆုံးဖြစ်သည်။
၂၀၁၁ခုနှစ် United Nations Development Programme (UNDP) ကပြုလုပ်သည့် စစ်တမ်းအရ မြန်မာနိုင်ငံတွင် တိုင်းနှင့်ပြည်နယ် (၁၄)ခုရှိ သည့်အနက် ချင်းပြည်နယ်သည် အဆင်းရဲဆုံးပြည်နယ် ဖြစ်ကြောင်း ဖေါ်ပြထားသည်။ ၄င်းစစ်တမ်းအရ ချင်းပြည်နယ်၏ ဆင်းရဲမွဲတေမှုနှုန်းသည် ၇၃.၃ ရာခိုင်နှုန်းရှိကြောင်း ဖေါ်ပြထားသည်။
ထို့ အပြင် အမျိုးသားဒီမိုကရေစီအဖွဲ့ ချုပ်၊ ဥက္ကဌလည်းဖြစ်၊ ရန်ကုန်တိုင်း ကော့မှူးမြို့ နယ် ပြည်သူ့  လွှတ်တော်ကိုယ်စားလှယ် ဒေါ်အောင်ဆန်းစုကြည် က ပထမအကြိမ်ပြည်သူ့ လွှတ်တော် စတုတ္ထ ပုံမှန်အစည်းအဝေး ၁၄ ရက်မြောက်နေ့ တွင် ချင်းပြည်နယ်၏ ဆင်းရဲမွဲတေမှုနှုန်းသည် အာရှဖွံ့ ဖြိုးရေး ရဲ့  ကိန်းဂဏန်းအရ ၇၃.၃ ရာခိုင်နှုန်းရှိကြောင်း ဆွေးနွေးခဲ့သည်။

Posted by khonumthung on July 27th, 2012

ဆက်ဖတ်ရန်>>>>

ကော့သောင်း ကျောက်မီးသွေးသုံး ဓါတ်အားပေးစက်ရုံ လည်ပတ်တော့မည်

စံခလပူရီ (မဇ္ဈိမ) ။      ။ တနင်္သာရီတိုင်း၊ ကော့သောင်းမြို့ပေါ်ရှိ ကျောက်မီးသွေး လောင်စာသုံး လျှပ်စစ် ဓါတ်အားပေး စက်ရုံမှ ဖြစ်ပေါ်လာမည့် ဆိုးကျိုးများကို စိုးရိမ်ပြီး လူနေရပ်ကွက်နှင့် ၁၀ မိုင် အကွာသို့ ပြောင်းရွှေ့ပေးရန် ဒေသခံများ က တောင်းဆိုနေစဉ်အတွင်း စက်ရုံ စတင် လည်ပတ်တော့မည်ဟု စက်ရုံ တာဝန်ရှိသူများက ပြောသည်။

ရွှေပြည်သာနှင့် အေးရိပ်ငြိမ် ရပ်ကွက်ကြားရှိ သန်းဖြိုးသူ ကုမ္ပဏီ လိမိတက်ပိုင် ၈ မဂ္ဂါဝပ်ထုတ် ထိုစက်ရုံကို တရုတ် ပညာရှင်များက အချောသတ် စစ်ဆေးလျက် ရှိပြီး စက်ရုံမှ ဆိုးကျိုးများ ဖြစ်မပေါ်စေရန် စီစဉ်ထားသည့်အတွက် ဇူလိုင်လကုန်တွင် စတင်လည်ပတ်မည်ဟု ဆိုသည်။

“ဆိုးကျိုး သိပ်မရှိနိုင်ဘူး၊ ဘာဖြစ်လို့လဲ ဆိုတော့ လူတွေနဲ့ မနီးဘူးလေ။ ပင်လယ် ကမ်းစပ်မှာ သွားလုပ်ထားတယ်။ တရုတ်က နည်းပညာက တော်တော်ကောင်းတယ်” ဟု စက်ရုံတာဝန်ရှိသူ တဦးက ပြောသည်။

“အဲဒီက ထွက်လာတဲ့ အညစ်အကြေးတွေကို စွန့်ပစ်လို့ ရတယ်။ စက်ရုံက အငွေ့ နည်းနည်းပါးပါး ထွက်မယ်။ ထွက်တဲ့ အငွေ့တွေကိုလည်း စုပ်ယူဖို့ သစ်ပင်တွေ စိုက်ထားတယ်။ စစ်တဲ့ ကတော့ကြီး သုံးခု ရှိတယ်။ အဲဒီတော့ ပြင်ပကို အနှောက်အယှက် မရှိနိုင်တော့ဘူး” ဟု သူက ဆက်ပြောသည်။

ဒေသခံများကမူ ထိုစက်ရုံသည် လူနေအိမ်နှင့် ပေအနည်းငယ်သာ ကွာဝေးပြီး မီးခိုးခေါင်းတိုင်မှာလည်း ပေ ၄၀ ခန့်သာ
မြင့်ကာ ကော့သောင်းမြို့နေ ပြည်သူများ သောက်သုံးရေအဖြစ် အားထားနေရသည့် ယင်းဝါ ရေလှောင်တမံနှင့် မိုင်ဝက်ခန့်သာ ကွာဝေးသည့်အတွက် ၎င်းတို့အတွက် အန္တရာယ် ရှိနိုင်ကြောင်း ပြောသည်။

“ထင်းရှူးပင် တတန်းလေး စိုက်ထားတယ်။ အပင် ၃ဝ လောက်ပဲ ရှိမယ်။ ကျန်တာ ဘာမှ စိုက်မထားဘူး။ ရပ်ကွက်
နှစ်ကွက်လုံးကလည်း ဘာသစ်ပင်မှ မရှိဘူး။ ဧက တရာလောက် ရှိတဲ့ သစ်တောတောင်မှ ဒီစက်ရုံက ထွက်လာမယ့် အခိုးအငွေ့တွေကို စုပ်ယူလို့ နိုင်မှာ မဟုတ်ဘူး” ဟု ဒေသခံတဦး ဖြစ်သည့် ကိုသန်းထွန်း က ပြောသည်။

စက်ရုံအနီး နေထိုင်သည့် ရွှေပြည်သာ ရပ်ကွက်သား တဦးကလည်း “စက်ရုံက စွန့်ပစ်မယ့် အညစ်အကြေးတွေကို
ရေထဲ မျှောချဖို့ ပိုက်လိုင်း နှစ်လိုင်း လုပ်ထားတယ်။ ပါချန်မြစ်ထဲကို မျှောချမှာ။ ဒီလို လွှတ်ချလိုက်ခြင်း အားဖြင့် ငါးမိုင်အတွင်းမှာ ရှိတဲ့ သားငါးသတ္တဝါတွေ အားလုံး သေကြေသွားနိုင်တယ်” ဟု ပြောသည်။

စက်ရုံအနီးတွင် နေထိုင်သည့် ရပ်ကွက် နှစ်ခုမှ ဒေသခံ အများစုကမူ စက်ရုံကို လူနေ ရပ်ကွက်နှင့် ဝေးရာသို့
ပြောင်းရွှေ့ လည်ပတ်စေလိုပြီး အချို့ကမူ စက်ရုံ ဆောက်လုပ်ခြင်းကို လုံးဝ ကန့်ကွက်ကြသည်။

ဧပြီလ ၂၃ ရက်နေ့ ဒေသခံ ၆၀ ကျော်နှင့် နှင့် ဇွန်လ ၅ ရက်နေ့တွင် ဒေသခံ ၁၂၀ ခန့်တို့က အသီးသီး လက်မှတ်
ရေးထိုးကာ စက်ရုံကို လူနေအိမ်နှင့် ၁ဝ မိုင်အကွာသို့ ပြောင်းရွှေ့ပေးရန် နိုင်ငံတော် သမ္မတထံသို့ အသနားခံစာ
ပေးပို့ခဲ့ပြီး စက်ရုံကို လုံးဝ ရပ်တန့်ပေးရန် အတွက် မေလ ၃ ရက်နေ့ကလည်း ဒေသခံ ၆၃ ဦးက လက်မှတ်ထိုးကာ သမ္မတထံ လက်မှတ် ရေးထိုးပေးပို့ခဲ့သည်။ သို့သော်လည်း တစုံတရာ ထူးခြားမှု မရှိခဲ့ကြောင်း ဒေသခံများက
ပြောသည်။

၎င်းစက်ရုံမှ မြို့ပေါ် ၁၀ ရပ်ကွက်သို့ တယူနစ်လျှင် ကျပ် ၂၀၀ နှုန်းဖြင့် လျှပ်စစ်ဓါတ်အား ဖြန့်ဝေမည် ဖြစ်ကြောင်း ကုမ္ပဏီက ကြေညာထားသည်။ လက်ရှိ ကော့သောင်းမြို့တွင် လျှပ်စစ်ဓါတ်အား ဖြန့်ဝေနေသည့် ဖိုးသီးချို (P.T.C ) မီးလင်းရေးမှ တယူနစ်လျှင် ၆၀၀ ကျပ်ကျော် နှုန်းဖြင့် ဖြန့်ဝေလျက် ရှိသည်။

ဦးကျော်လွင် ပိုင်ဆိုင်သည့် သန်းဖြိုးသူ ကုမ္ပဏီ လိမိတက်သည် စက်ရုံဆောက်လုပ်ရန် အမှတ် ၁ လျှပ်စစ်ဝန်ကြီးဌာန
နှင့် ၂ဝ၁ဝ ခု နှစ်ဆန်းပိုင်းတွင် သဘောတူချက် ရရှိခဲ့ပြီး ထိုနှစ် အောက်တိုဘာလခန့်တွင် စတင်တည်ဆောက်ခဲ့ခြင်း
ဖြစ်သည်။

စက်ရုံ လည်ပတ်ရန်အတွက် လိုအပ်သည့် ကျောက်မီးသွေးများ စက်ရုံဝင်းအတွင်းသို့ ရောက်ရှိနေပြီး စတင်လည်ပတ် ပါက စက်ရုံကို ရွှေ့ပြောင်းပေးရန် ဆန္ဒပြသွားမည်ဟု ဒေသခံတို့က ပြောသည်။

ဒေသခံများ၏ ကန့်ကွက်မှုကြောင့် မဂ္ဂါဝပ် ၄,ဝဝဝ ထုတ်လွှတ်မည့် ထားဝယ် ရေနက် ဆိပ်ကမ်း၏ အစိတ်အပိုင်း တခု ဖြစ်သည့် ကျောက်မီးသွေး လောင်စာသုံး လျှပ်စစ် ဓါတ်အားပေး စက်ရုံကို ဇန်နဝါရီလဆန်းပိုင်းတွင် အစိုးရက ရပ်ဆိုင်းပေးခဲ့ရသည်။

မြန်မာနိုင်ငံတွင် ကျောက်မီးသွေး လောင်စာသုံး လျှပ်စစ်ဓါတ်အားပေး စက်ရုံ ခုနှစ်ရုံ ရှိသည့်အနက် မဂ္ဂါဝပ် ၁၂ဝ ထုတ် တီကျစ်နှင့် မဂ္ဂါဝပ် ၃၆၉ ထုတ် မိုင်းခုတ် ကျောက်မီးသွေး လျှပ်စစ်ဓါတ်အားပေး စက်ရုံများမှာ လည်ပတ်လျက်ရှိပြီး ကျန် ငါးရုံမှာ လျာထားအဆင့်တွင် ရှိကြောင်းကို ပအိုးဝ် လူငယ်များ အစည်းအရုံးမှ ၂ဝ၁၁ ခုနှစ်က ထုတ်ဝေသည့် “အဆိပ်သင့် မိုးတိမ်များ” အစီရင်ခံစာတွင် ဖေါ်ပြထားသည်။

ဆက်ဖတ်ရန်>>>>

နယ်စပ်ဖြတ်ကျော် လိုင်စင်မဲ့ကားများ ဥပဒေအရ အရေးယူမည်

ကောကရိတ် ဖားအံ လမ်းရှိ ဂျိမ်းတံတားတွင် တာဝန်ကျနေသောအရာရှိတစ်ဦး၏ ပြောဆိုချက်ကို ကိုးကားတင်ပြရပါသည်။

“ …  လိုင်စင်မဲ့ကားများအား စိစစ်အရေးယူရမည် ဆိုသည့်ဥပဒေမှာ ဟိုးအရင်အချိန်များကတိုင်းက ရှိပြီးသားဖြစ်ပါတယ်။ ယခုအခါ လိုင်စင်မဲ့ကားများ နေ့စဉ် ဆင်းနေပါတယ်။ ဆင်းလာတဲ့အခါမှာလည်း နယ်လိုင်စင် ရမည်ဆိုသည့်အချက်ကြောင့် ဘားအံတွင် စောင့်ရန်ဆိုပြီး ဆင်းသည့်သူများရှိသကဲ့သို့ မည်သူ့ကားဖြစ်သည် မည်သည့်အဖွဲ့အစည်းပိုင်ကား၊  ဘယ်ဝန်ကြီးချုပ် ၊ဘယ်သူနဲ့ ပါတ်သက်သည့်ကား စသည်ဖြင့် အမျိုးမျိုး အကြောင်းပြ ခြိမ်းခြောက်ပြီး ကျော်ဖြတ်ကြသည်။ ကျွန်တော်တို့ တံတားမှာတာဝန်ကျနေတဲ့ သူတွေကို  ဒီလိုအထက်ကလာသည် ဆိုသည့် ၀ိုက်မျိုးစုံသုံးပြီး ကျော်ဖြတ်ကြပါသည် ။အမှန်တစ်ကယ် ပြဿနာဖြစ်လာပါက ကျွန်တော်တို့ကသာ တာဝန်ယူအပြစ်ပေးခံရတယ်”

ဟု  ပြောပြပါသည်။

ယခုအခါ နိုင်ငံတော်သမ္မတရုံးနှင့် လွတ်တော် သို့တိုင်အောင် စာများရေးတင်ထားပြီး ဖြစ်ပြီး ဥပဒေအတိုင်းသာဆောင်ရွက်ရန်လည်း ညွှန်ကြားချက်ရရှိပြီး ဖြစ်ကြောင်း ပြောပြပါသည်။ အဖွဲ့အစည်းများ လူပုဂ္ဂိုလ်များ၏ အမည်များ ရာထူးများကို အကြောင်းပြ၍သော်လည်းကောင်း ငွေပေး၍သော်လည်းကောင်း ဆောင်ရွက်ပေးမည်မဟုတ်ဟုလည်း ထိုအရာရှိက ပြောပြပါသည်။

(ဓာတ်ပုံ – ကားများနဲ့ တံတား ဖြတ်ညပ်ကပ်တပုံ)

မိုးမခပေးစာ၊ ဇူလိုင် ၂၇၊ ၂၀၁၂ ( စောအယ်းဒူး၊ ဘားအံ )

ဆက်ဖတ်ရန်>>>>

ကူဝိတ်နိုင်ငံသို့ အမေရိကန်ဒေါ်လာ ၄.၂ ဘီလီယံတန်ဖိုးရှိသော ပက်ထရီရော့ ဒုံးကျည်များရောင်းချရန် အမေရိကန်နိုင်ငံမှ စီစဉ်လျက်ရှိခြင်း

          အမေရိကန်နိုင်ငံသည် ကူဝိတ်နိုင်ငံသို့ အမေရိကန်ဒေါ်လာ ၄.၂ ဘီလီယံခန့် တန်ဖိုးရှိသော ပက်ထရီရော့ဒုံးကျည် ၆ဝ စင်း ရောင်းချရန်စီစဉ်လျက်ရှိကြောင်းနှင့် ကူဝိတ်နိုင်ငံသည် အီရန်နိုင်ငံမှ ခြိမ်းခြောက်မှုကို ကာကွယ်ရေးအတွက် ¤င်းတို့၏ ကာကွယ်ရေးကိုမြှင့်တင်ရန် ကြိုးစားလျက်ရှိကြောင်း ပင်တဂွန်ဌာနမှ ဇူလိုင်လ ၂၅ ရက် နေ့တွင်ပြောကြားခဲ့ပါသည်။နိုင်ငံခြားတိုင်းပြည်များသို့ အမေရိကန်လက်နက်များ ရောင်းချရေးတာဝန်ယူထားသော လုံခြုံရေးဆိုင်ရာ ကာကွယ်ရေးပူးပေါင်း ဆောင်ရွက်ရေးအဖွဲ့ (DSCA) သည် ¤င်းလက်နက်များရောင်း ချရေးအတွက် ဇူလိုင်လ ၂ဝ ရက်နေ့တွင် အမေရိကန်လွှတ်တော်သို့တင်သွင်းထားကြောင်း ¤င်းအဖွဲ့က ပြောကြားခဲ့ ပါသည်။

          လက်နက်ရောင်းချမှုအား ကန့်ကွက်ရန်ရှိပါက ကန့်ကွက်နိုင်ရန် လွှတ်တော်မှ ရက်ပေါင်း၃ဝ ကြာ စောင့်ဆိုင်းမည်ဖြစ်ပြီး ကန့်ကွက်ချက်မရှိပါက ¤င်းရက်ပေါင်း ၃ဝ အပြီးတွင် အရောင်းအဝယ်သဘောတူညီချက် သည်တရားဝင်သည်ဟု မှတ်ယူခြင်း ခံရမည်ဖြစ်ပါသည်။ ¤င်းသဘောတူညီချက်တွင်  PAC-3  အမျိုးအစား ပက်ထရီရော့ ဒုံးကျည် ၆ဝ စင်း၊ ဒုံးကျည်ပစ်စင် ၂ဝ ခု၊ ရေဒါစနစ်နှင့် ထိန်းချုပ်ရေးစခန်း ၄ ခု၊ လေ့ကျင့်ရေးအထောက် အကူပစ္စည်းများနှင့် အပိုပစ္စည်းများရောင်းချရေး တို့ ပါဝင်ကြောင်းDSCA အဖွဲ့အစည်းက ပြောကြားခဲ့ပါသည်။ ကူဝိတ်နိုင်ငံသည် ဒေသတွင်းခြိမ်းခြောက်မှုများကိုဟန့်တားရန်၊ နိုင်ငံကာကွယ်ရေး ပိုမိုတောင့်တင်း လာစေရန်နှင့် ဒုံးကျည်ကာကွယ်ရေးစွမ်းဆောင်နိုင်မှုများကို မြှင့်တင်ရန်အတွက် PAC3 ဒုံးကျည်နှင့် ဆက်စပ်ပစ္စည်းများကို အသုံးပြုသွားမည်ဖြစ်ကြောင်း အထက်ပါ အဖွဲ့အစည်းက ထပ်မံပြောကြားခဲ့ပါသည်။ ကူဝိတ်နိုင်ငံသည် ၁၉၉၂ ခုနှစ်တွင် အစောပိုင်းမျိုးဆက် ပက်ထရီရော့ ဒုံးကျည် ၂၁ဝ စင်းနှင့် လောင်ချာ ၂၅ လက်ကိုလည်းကောင်း၊ ၂ဝဝ၇ ခုနှစ်တွင် ၁၄ဝ လက်ကိုလည်းကောင်း ဝယ်ယူခဲ့ပြီးဖြစ်ကြောင်း သိရှိရပါသည်။

Yahoo!New;July-26(Thu)

ဆက်ဖတ်ရန်>>>>

တရုတ်စစ်ဘက် အဆင့်မြင့်အရာရှိတစ်ဦးသည် အမေရိကန်အမျိုးသားလုံခြုံရေး အကြံပေးနှင့် တွေ့ဆုံခဲ့သည်ဆိုခြင်း

        

တရုတ်ဗဟိုစစ်ကော်မရှင်ဒုတိယဥက္ကဋ္ဌ Xu Caihou သည် ဇူလိုင်လ ၂၅ ရက်နေ့တွင် အမေရိကန် အမျိုး သားလုံခြုံရေးအကြံပေး Thomas Donilon နှင့်တွေ့ဆုံခဲ့ပြီး နှစ်နိုင်ငံအကြား စစ်ဘက်ဆက်ဆံရေးနှင့် အခြားအဓိကကိစ္စရပ်များနှင့်ပတ်သက်၍ အမြင်ချင်းဖလှယ်ခဲ့ကြပါသည်။ နှစ်နိုင်ငံစစ်ဘက် များအကြား ဆက်ဆံရေးသည် အမေရိကန်နှင့်တရုတ်နိုင်ငံ တို့အကြားဆက်ဆံရေးတွင် အရေးကြီးသည့် အစိတ်အပိုင်း တစ်ရပ်ပင်ဖြစ်ကြောင်း Xu က အဆိုပါဆွေးနွေးပွဲ၌ပြောကြားခဲ့ပါသည်။ အမေရိကန်နှင့်တရုတ်နိုင်ငံတို့အနေဖြင့် နှစ်နိုင်ငံအကြား မဟာဗျူဟာ မြောက်ဆက်ဆံရေးနှင့် အပြန်အလှန်ယုံကြည်မှုများအား တိုးမြှင့်ဆောင်ရွက် သွားမည် ဖြစ်ပြီး အပြန်အလှန်ယုံကြည်မှု၊ လေးစားမှု၊ တန်းတူညီတူရှိမှုတို့အပေါ်အခြေခံ၍ ပူးပေါင်းဆောင် ရွက်မှုနှင့် လက်တွေ့ဆန်သော အမြင်ခြင်းဖလှယ်မှုများကို တိုးမြှင့် ဆောင်ရွက်သွားမည်ဖြစ်ကြောင်း ပြောကြား ခဲ့ပါသည်။ နှစ်နိုင်ငံအကြား စစ်ဘက်ဆိုင်ရာ ဆက်ဆံရေးနှင့်ပတ်သက်၍ အမေရိ ကန် နိုင်ငံ အနေဖြင့် အလေးထား ကြောင်းနှင့် တရုတ်နိုင်ငံနှင့်ဆွေးနွေးပွဲများအား ဆက်လက် ပြုလုပ်သွားမည်ဖြစ်ပြီး အပြန် အလှန်ယုံကြည်မှုအား တိုးမြှင့်သွားမည်ဖြစ်ကြောင်း Donilon ကပြောကြားခဲ့ပါသည်။ အာရှ-ပစိဖိတ်ဒေသနှင့် ပတ်သက်၍ အမေရိကန် နိုင်ငံ၏မဟာဗျူဟာမြောက်ရည်မှန်းချက်မှာ ဒေသတွင်းတည်ငြိမ်အေးချမ်းရေးနှင့် ချမ်းသာကြယ်ဝမှုကိုမြှင့်တင်ရေးပင်ဖြစ်ကြောင်း တရုတ်နိုင်ငံသို့ ချစ်ကြည်ရေးခရီး ရောက်ရှိနေသော အမေ ရိကန်အမျိုးသားလုံခြုံရေးအ Thomas Donilon က ပြောကြားခဲ့ပါသည်။ ဒေသတွင်းလုံခြုံရေးနှင့် တည်ငြိမ် မှုအားထိန်းသိမ်းရန်အတွက် တရုတ် နိုင်ငံနှင့်ပူးပေါင်းဆောင်ရွက်မှုများနှင့် အမြင်ချင်းဖလှယ်မှုများအား တိုးမြှင့် ဆောင်ရွက်သွားရန် အမေရိကန်နိုင်ငံအနေဖြင့်အသင့်ရှိကြောင်း Donilon က ပြောကြားခဲ့ပါသည်။

Xinhuanet.com;July-25(Wed) 

ဆက်ဖတ်ရန်>>>>

ဂရင်းလန်ကျွန်း၏ရေခဲအရည်ပျော်ကျမှုသတင်း

Ens-newswire.com;July-24(Tue)

          ဂရင်းလန်ကျွန်းတစ်ခုလုံးဖုံးအုပ်ထားသည့် အနားစွန်းမှထိပ်အထိ ၂ မိုင်ခန့် ရှိသောရေခဲပြင်သည် ယခုလအတွင်း အပူချိန်ကြောင့် အရည်ပျော်လျက်ရှိရာ နာဆာနှင့် တက္ကသိုလ်သိပံ္ပပညာရှင်များက ဂြိုဟ်တု ၃ လုံး အပေါ်အခြေခံရရှိထားသည့် သတင်းအချက်အလက်နှင့် ဓာတ်ပုံများအရ ထိပ်ဆုံးအပေါ်လွှာ ၉၇ရာ ခိုင်နှုန်းမှာ ယခုလအတွင်းအရည်ပျော်ကျခဲ့ပါသည်။ ဆယ်စုနှစ် ၃ ခုအတွင်းအကြီးမားဆုံး အရည်ပျော် ကျမှုဖြစ် သည်။ ရိုက်ကူးသည့် ဂြိုဟ်တု ၃လုံးမှာ(U.S. Air Force's Defence Meteorological Satellite program-DMSP)? India's OceanSat-2 အေ-၂ နှင့် NASA's Terra and Aqua satellites တို့ဖြစ်သည်။ ¤င်းဂြိုဟ်တု ၃ လုံး သည် မတူညီသောအချိန်၊ မတူညီသော စကေးများဖြင့်ဖမ်းယူခဲ့သော်လည်း ရရှိလာသည့် အရည်ပျော် ကျမှုအခြေအနေမှာ အတူတူပင်ဖြစ်သည်။

          ဂရင်းလန်ကျွန်းသည် အာတိတ်နှင့် အတ္တလန္တိတ်သမုဒ္ဒရာအကြားတွင် တည်ရှိပြီး ကိုယ်ပိုင်အုပ်ချုပ်ခွင့် ရဒေသအဖြစ် ဒိန်းမတ်နိုင်ငံအတွင်းပါဝင်သည့် ကျွန်းဖြစ်သည်။ ဗြိတိသျှမိုးလေဝသသိပံ္ပပညာရှင် Jonathan Gregory ၏ခန့်မှန်းချက်အရ ဂရင်းလန်ကျွန်းပေါ်ရှိရေခဲပြင် အားလုံးအရည်ပျော်မည်ဆိုပါက ပင်လယ် ရေမျက်နှာ ပြင်မှာ ၂၃ပေ ထပ်မံမြင့်တက်လာမည်ဖြစ်သည်။ နွေရာသီအချိန်ကာလတိုင်းတွင် ကျွန်းပေါ် ရှိရေခဲပြင်အစိတ်အပိုင်း အနည်းငယ်သာသဘာဝအလျောက် အရည်ပျော်လေ့ ရှိသည်။ မြင့်မားသော အမြင့်ပေါ်မှ ပျော်ကျလာသည့်အရည်များသည် လျင်မြန်စွာပင် ပြန်လည်ရေခဲဖြစ်သွားပြီး ¤င်းကျွန်းတွင်ပင် ဖုံးလွှမ်းသွားသည်။ ကမ်းခြေအနီးရှိရေခဲချပ် များက ပျော်၍ကျလာသည့် ရေများအား ပင်လယ်သို့ ရောက်မသွားအောင် ထိန်းသိမ်းပေးသည်။ဤကဲ့သို့ရေခဲ မျက်နှာပြင်ထိပ်မှ အောက်ခြေအလယ်အထိ အရည် ပျော်မှုဖြစ်စဉ်သည် နှစ်ပေါင်း ၁၅ဝ တွင် တစ်ကြိမ်စီဖြစ်ပေါ်တတ် ကြောင်း၊ ၁၈၈၉ ခုနှစ်တွင် တစ်ကြိမ်ဖြစ် ပွားခဲ့ကြောင်း သိရှိရပါသည်။

ဆက်ဖတ်ရန်>>>>

အွန်လိုင်းတွင်ဈေးလိမ်ရောင်းမှုဖြင့်အမျိုးသမီးငယ် ၂ ဦးအားဖမ်းဆီး

          ၁၆နှစ်အရွယ်အမျိုးသမီးငယ်၂ဦးအား အွန်လိုင်းတွင် ဈေးလိမ်လည် ရောင်းချ ခဲ့မှုကြောင့် စင်ကာပူရဲမှ ဇူလိုင်လ ၂၅ ရက်နေ့တွင် ဖမ်းဆီးခဲ့သည်။ ¤င်းအမျိုးသမီး ၂ ဦးမှာ အွန်လိုင်း blog shopတစ်ခုရှိ င်္Facebookခေါင်းစဉ်တစ်ခုတွင် ပိုလာရိုက် ကင်မရာ၊ မှန်ဘီလူး၊ ရုပ်ရှင်ကားများကို ဈေးပေါပေါဖြင့် ကြော်ငြာ၍ အပြင်ဈေးနှုန်း ထက်လျှော့ကာ ရောင်းချခဲ့သည်။ အွန်လိုင်းမှဝယ်ယူသူများ၏ ငွေများကို လက်ခံခဲ့ သော်လည်း ပစ္စည်းများကိုဝယ်သူထံသို့ ဆက်လက်ပေးပို့ ခြင်းမရှိ သဖြင့် ဇွန်လ ၂ဝ ရက်မှ ဇူလိုင်လ ၃ ရက်အထိ ရဲစခန်း သို့တိုင်ကြားစာ အစောင် ၂ဝ ရောက်ရှိလာခဲ့သည်။ ရဲမှလိုက်လံစုံစမ်းကာ ဇူလိုင်လ ၂၅ ရက်နေ့နံနက် ၇ နာ ရီခန့်တွင် တစ်ဦး အားHenderson လမ်းနှင့် နောက်တစ်ဦးအား woodland  လမ်းသွယ် (၁၃)တွင် တစ်ချိန်တည်းတစ်ပြိုင်တည်းဖမ်းဆီးခဲ့သည်။

          ပဏာမစစ်ကြောချက်အရင်းဆယ်ကျော်သက် ၂ဦးမှာ မေလနှင့် ဇွန်လအတွင်း အနည်းဆုံးလူ ၇ဝ ခန့်အား ထိုကဲ့သို့ လိမ်လည်၍ စင်ကာပူဒေါ်လာ ၁၂,ဝဝဝ ရယူခဲ့ကြောင်း သိရသည်။ တို့ ၂ ဦးမှာ လိမ်လည် မှုနှင့် သူတစ်ပါး ပစ္စည်းဥစ္စာအား မရိုးမဖြောင့်ရယူမှုဖြင့် ဥပဒေပုဒ်မ၊ ၄၂ဝ အပိုဒ်ခွဲ(၂၂၄) အရ အနည်း ဆုံးထောင်ဒဏ်၁ဝနှစ်နှင့်အထက်ကျခံရနိုင်ဖွယ်ရှိသည်ဟု ရဲတပ်ဖွဲ့မှပြော ကြားခဲ့သည်။ အများပြည်သူအား online shopping တွင် သတိမူစရာအဖြစ် ဖော်ပြလိုက်ရပါသည်။

ကိုဇံ

 CNA.com; Jul-27(Fri)

ဆက်ဖတ်ရန်>>>>