Sunday, November 10, 2013

ပလပ်စတစ် ဆာဂျရီ ခွဲစိတ်မှု ခံယူထားသည် ဆိုခြင်းကို ဂျေလို ငြင်းဆို

Posted by drmyochit Sunday, November 10, 2013, under | No comments


လန်ဒန်မြို့မှ ပလပ်စတစ်ဆာဂျရီ ခွဲစိတ်ဆရာဝန် ဒေါက်တာ အေဟမ်အယ်လ်အာယူဘီက American Idol အစီအစဉ်၏ ဒိုင်ဖြစ်သူ လိုပက်ဇ်၏ မျက်နှာပေါ်တွင် အလှအပအတွက် ခွဲစိတ်မှု ခံယူထားသည့် အရိပ်လက္ခဏာ အများအပြား တွေ့မြင်ရကြောင်း Twitterတွင် သုံးသပ်ရေးသားခဲ့သည်။

သူမအနေဖြင့် ပလစ်စတစ် ဆာဂျရီ ခွဲစိတ်မှု ခံယူဖူးကြောင်း စွပ်စွဲချက်များကို ဂျနီဖာလိုပက်ဇ်က ပြတ်ပြတ်သားသား ငြင်းဆိုခဲ့သည်။ လန်ဒန်မြို့မှ ပလပ်စတစ်ဆာဂျရီ ခွဲစိတ်ဆရာဝန် ဒေါက်တာ အေဟမ်အယ်လ်အာယူဘီက American Idol အစီအစဉ်၏ ဒိုင်ဖြစ်သူ လိုပက်ဇ်၏ မျက်နှာပေါ်တွင် အလှအပအတွက် ခွဲစိတ်မှု ခံယူထားသည့် အရိပ်လက္ခဏာ အများအပြား တွေ့မြင်ရကြောင်း Twitterတွင် သုံးသပ်ရေးသားခဲ့သည်။ ယခုအခါ အသက်(၄၄)နှစ်ရှိ အဆိုတော် မင်းသမီးက သူမအနေဖြင့် ပလစ်စတစ် ဆာဂျရီနှင့် ပတ်သက်၍ မည်သည့် အမျိုးအစား ခွဲစိတ်မှုကိုမျှ မခံယူခဲ့ဖူးကြောင်း တုံ့ပြန်ရှင်းလင်းလာခြင်း ဖြစ်သည်။
ဒေါက်တာ အာယူဘီက လိုပက်ဇ်၏ ဓာတ်ပုံနှစ်ခုကို ယှဉ်တွဲတင်ကာ "လိုပက်ဇ်ဟာ နဂို သဘာဝအတိုင်း လှပတဲ့ မိန်းကလေးပါ။ ဒါပေမဲ့ နောက်ပိုင်းမှာတော့ အံ့ဩစရာ ပုံရိပ်မျိုး ဖြစ်လာတယ်"ဟု Twitterတွင် မှတ်ချက်ပြု ရေးသားခဲ့သည်။ သို့သော်လည်း လိုပက်ဇ်က "စိတ်မကောင်းပါဘူးဆရာ၊ ကျွန်မ ဘယ်တုန်းကမှ ပလပ်စတစ်ဆာဂျရီ ခွဲစိတ်မှု တစ်ခုခု ခံယူခဲ့တာမျိုး မရှိခဲ့ဖူးပါဘူး"ဟု တုံ့ပြန်ရေးသားခဲ့သည်။ ထိုအခါ ဒေါက်တာ အာယူဘီက လိုပက်ဇ်ကို စော်ကားသည့် သဘောမျိုး ဖြစ်သွားပါက တောင်းပန်ကြောင်း ပြန်လည် ရေးသားခဲ့သလို ၎င်းတင်ထားသည့် ဓာတ်ပုံများကို ပြန်ဖျက်ပေးခဲ့သည်။ ဒေါက်တာ အာယူဘီသည် ယခင်ကလည်း မီလာနီ ဂရစ်ဖ်သ်၊ ရှယ်ရွန် အော့စ်ဘွန်းနှင့် ဟေဒီမွန်းတက်ဂ်တို့၏ မျက်နှာအနေအထား အပြောင်းအလဲများနှင့် ပတ်သက်၍လည်း ယခင်က Twitterတွင် မှတ်ချက်များ ရေးသားဖူးကြောင်း သိရှိရသည်။


Planet Myanmar Network

အမျိုးသမီးများကို နှောင့်ယှက်ခြင်း မရှိရေး နဲ့ ၄၈ အထူး

Posted by drmyochit Sunday, November 10, 2013, under | No comments


မြို့တော်ရန်ကုန်အတွင်း ဟိုဟိုဒီဒီ သွားလာရင် လူကြပ်၊ ကားကြပ်၊ စိတ်ကျဉ်းကြပ် .... ကြပ်သုံးပါးနဲ့ ကြုံရပါလိမ့်မယ်။

၄၈ ကားကြီးတစီးထဲမှာတော့ အခုလို အသိပေးစာ ရေးထားတာ တွေ့ရပါတယ် ...

မြို့တွင်းခရီးသည် သယ်ယူပို့ဆောင်ရေး ယာဉ်များအား ဝန်ဆောင်မှု ကောင်းစွာ ပေးနိုင်ရန် ရည်ရွယ်ပါတယ်။

"အား" ဆိုတာကို ပိုက်ဆံမပေးရတိုင်း ဖောဖောသီသီ သုံးတယ်၊ အားပါးတရသုံးတယ်၊ မလိုအပ်ဘဲ သုံးနေကြတာကို ဒီကြော်ငြာက သက်သေပြနေပါတယ်။

အား .... ဒီပို့စ်မှာ မြန်မာစာ အသုံးအနှုန်းအကြောင်း ဆရာကြီးလုပ်ဖို့ စိတ်ကူးမရှိပါ။

အဓိက ပြောချင်တာက ကားအကြောင်း ဖြစ်ပါတယ်။ "အား" အကြောင်းက ကြုံလို့ ထည့်ပြောမိတာပါ။

အင်းစိန် နဲ့ ရန်ကုန်မြို့တွင်း ပြေးနေတဲ့ "၄၈ အထူး" ဘတ်စ်ကား စမ်းသပ်ယာဉ်က ခရီးသည်တွေကို ဝန်ဆောင်မှု ကောင်းကောင်း ပေးနိုင်ရေးအတွက် ရည်ရွယ်ပါတယ် တဲ့။

စမ်းသပ်တယ် ဆိုတော့ ဘယ်ကာလအထိ စမ်းသပ်မောင်းနှင်မလဲ၊ ရလဒ်ကို ဘယ်လိုစစ်ဆေးမလဲ ဆိုတာကတော့ စိတ်ဝင်စားစရာပါ။

ဒီစမ်းသပ်ယာဉ်ရဲ့ အကျိုးကျေးဇူးတွေကတော့ အများကြီးပါပဲ၊ အဲဒီထဲက တခုကတော့ .... အမျိုးသမီးများအား ကာအိနြေ္ဒ နှောက်ယှက်၍ မရနိုင်ခြင်း လို့ ဆိုထားပါတယ်။

စပယ်ယာက အမျိုးသမီးတွေကို တွန်းလားဆွဲလားမလုပ်ဘူး၊ ဘတ်စ်ကားထဲ ရည်ရွယ်ချက်ရှိရှိ အသားချင်း သွားထိတာတွေ လုပ်ဖို့ အခြေအနေ မပေးဘူးလို့ နားလည်မိပါတယ်။

စမ်းသပ်ပြေးဆွဲကာလ လွန်သွားတဲ့အခါ အမှန်တကယ်ပြေးဆွဲရင် ကောင်းမှာပဲလို့ ခရီးသည်တို့က တွေးကြမယ် ထင်ပါတယ်။

ရလဒ်သိရုံပဲ၊ ဆက်မဆွဲတော့ဘူး ဆိုလည်း ဝမ်းနည်းစရာတွေ ဖြစ်လာပါလိမ့်မယ်။

ရပ်စီးခရီးသည် အပို မတင်ဘူး ဆိုတဲ့ စာတန်းကိုလည်း ထင်ထင်ရှားရှား ကပ်ထားတာ တွေ့ရမှာပါ။

ထိုင်ခုံပြည့်ရင် ခရီးသည် ထပ်မတင်ဘူးလို့ ဆိုလိုတာပါ။

အား.... ဒီအချက်ကတော့ အငြင်းပွားစရာ ဖြစ်ကောင်းဖြစ်လာနိုင်ပါတယ်။

ရန်ကုန်မှာ ခရီးသည်အရေအတွက်က တော်တော်များပါတယ်။ ဘတ်စ်ကားတွေ များများ လိုပါတယ်။

တခြားတဘက်မှာလည်း... ရန်ကုန်မှာ ယာဉ်ပိတ်ဆို့မှုပြဿနာ အင်မတန်ကြီးပါတယ်၊ ဘတ်စ်ကားအရေအတွက် လျှော့ချလိုက်ရင် ဘာတွေ ဖြစ်လာမလဲ ဆိုတဲ့ စဉ်းစားချက် ရှိနေပါတယ်။

ဒါကြောင့် ခုံပြည့်လည်း နောက်ထပ် ငါးယောက်လောက် တင်သွားပေါ့လေ။

အား ... ကားမှတ်တိုင်မှာ စောင့်နေတဲ့ ခရီးသည်က မနည်းဘူး၊ နောက်ထပ် ငါးယောက်လောက် ထပ်တင်လည်း ကားက အချောင်ကြီးပါပဲ လို့ တွေးမိသူလည်း ရှိနိုင်ပါတယ်။


ပုံထဲမှာ မြင်ရတဲ့ ၄၈ အထူးကားက စမ်းသပ် ပြေးဆွဲတယ် လို့ ရေးထားတော့ ခရီးသည်တွေရဲ့အသံကို နားထောင်၊ ကိုယ်တိုင်လည်း ကွင်းဆင်းလေ့လာကြည့်တာပဲ ဖြစ်ပါလိမ့်မယ်လို့ ထင်ပါတယ်။


ဒီပို့စ် ရေးသူရဲ့ အသံကို ထုတ်ရရင်...

ရပ်စီးခရီးသည် မတင်ဘူး ဆိုရင် ခုံများများ ထည့်ပါ။ ဒါဆို ရပ်စရာ နေရာ သိပ်မကျန်လို့ ရပ်စီးသူကို လုံးဝမတင်ပါနဲ့။


ရပ်စီး ခွင့်ပြုမယ် ဆိုရင် ခုံ များများ မထည့်ပါနဲ့။ ရပ်ဖို့၊ အတက်အဆင်း တိုးဝှေ့နိုင်ဖို့ နေရာကျယ်ကျယ် ဖန်တီးပါ ဆိုတာပါပဲ။

ရပ်စီး ခွင့်ပြုရင်တော့ ရုံးဆင်းရုံးတက်ချိန်တွေမှာ ကြပ်ကြပ်တည်းတည်း လိုက်ပါရမှာ ဖြစ်တဲ့အတွက် အမျိုးသမီးတွေ အနည်းနဲ့အများ နှောင့်ယှက်ခံရပါလိမ့်မယ်။

နှောင့်ယှက်ခံရတာကို ဖြေရှင်းဖို့အတွက်ဆို တခြားနည်းလမ်းတွေကို သုံးရပါလိမ့်မယ်။ ဘတ်စ်ကားနဲ့ မြို့ပတ်ရထား ကြပ်တယ် ဆိုတာ ကမ္ဘာ့မြို့တော်ကြီးအများအပြားမှာ ကြုံနေရပါတယ်။ သူတို့ဆီမှာရော အမျိုးသမီးတွေ နှောင့်ယှက်ခံနေရပါသလား။ ဒါကိုလည်း လေ့လာသင့်ပါတယ်။ လေ့လာမယ် ဆိုရင် မြန်မာပြည်က သယ်ယူပို့ဆောင်ရေး အကြပ်အတည်းတွေ ဖြေရှင်းရေးမှာ အထောက်အကူပြုမယ်လို့ ဆိုချင်ပါတယ်။

ဧရာဝတီဘလော့

စာအုပ်ခေတ် မရှိတော့ဘူးတဲ့လား

Posted by drmyochit Sunday, November 10, 2013, under | No comments



လွန်ခဲ့တဲ့ တစ်ပတ်က သူငယ်ချင်း တစ်ယောက်နဲ့တွေ့တော့ ကျွန်မစုထားတဲ့ ငွေလေးနဲ့ ကိုယ်ပိုင်စာအုပ် အငှားဆိုင်လေး တစ်ဆိုင်ဖွင့်ဖို့ကိစ္စ တိုင်ပင်မိရာ သူပြန်ပြောတာက "စာအုပ်ခေတ် မရှိတော့ပါဘူး" တဲ့။

အခုနောက်ပိုင်း ကာလတွေမှာ လူတော်တော်များများဆီက ဒီလိုစကားမျိုး ကြားနေရတာ အတော်ကြာပါပြီ။ ဘာကြောင့်များ စာအုပ်ခေတ် မရှိတော့ဘူးလို့ ပြောနေကြမှန်း ကျွန်မနားမလည်နိုင်စွာဘဲ စပ်စုမိပါတယ်။ ကျွန်မအဖေ ကိုယ်တိုင်က စာအုပ်အရောင်းဆိုင် ဖွင့်ထားသလို စာအုပ်အငှား လုပ်ငန်းလည်း လုပ်ပါတယ်။ ဟုတ်ပါတယ်။ အခုနောက်ပိုင်းမှာ လွန်ခဲ့တဲ့ လေးငါးနှစ်ကလောက်တော့ စာအုပ်လုပ်ငန်းတွေ အခြေအနေ မကောင်းတော့တာ အမှန်ပါပဲ။ တချို့ စာအုပ်အငှားဆိုင်တွေ တော်တော်များများ ဆိုင်ဖြုတ်လိုက်ပြီး၊ အခြားစီးပွားရေး လုပ်ငန်းတွေ ပြောင်းလုပ်နေကြရတဲ့ အထိပါပဲ။ စာအုပ်အငှား လုပ်ငန်းတွေ ရပ်တန့်သွားတော့ အငှားဆိုင်တွေရဲ့ ၀ယ်လိုအားကို အားပြုရပ်တည် နေကြတဲ့ စာအုပ်အရောင်းဆိုင်တွေ တော်တော်များများလည်း လုပ်ငန်းအခြေအနေ ကျဆင်းနေတာ အမှန်ပါပဲ။ ဘာကြောင့်လဲဆိုတော့ အဖြေက ရှင်းပါတယ်။ လူတွေစာမဖတ် ကြတော့လို့ပေါ့တဲ့။ ဒါနဲ့ပဲ စာအုပ်ခေတ်က ကုန်သွားပြီလို့ ပြောကြသတဲ့လား။

ကျွန်မကတော့ အဲဒီလို မထင်ပါဘူး။ ဒီကနေ့ ခေတ်ကြီးမှာ အစစအရာရာ ဖွံ့ဖြိုးတိုးတက်လာတာ မှန်ပါတယ်။ ဖျော်ဖြေရေး ပစ္စည်းတွေ တိုးတက်လာသလို အပန်းဖြေ စရာတွေကလည်း များမှများ။ တီဗွီတွေ၊ ရုပ်သံလိုင်းတွေ၊ ဂိမ်းတွေ၊ အင်တာနက်တွေ တိုးတက်ဖွံ့ဖြိုး လာတာနဲ့ပဲ စာအုပ်က နောက်တန်းကို ရောက်သွားရတယ်ဆိုတဲ့ အဖြစ်ကို ကျွန်မက လက်မခံနိုင်တာပါ။ ဒီလို အစစအရာရာ နည်းပညာတွေ တိုးတက်လာတာနဲ့အညီ လူတွေရဲ့ အသိဥာဏ်တွေ၊ ရွေးချယ်နိုင်ခွင့်တွေ များပြားလာတာရော မဖြစ်နိုင်ဘူးလား။ အပြိုင်အဆိုင် ကြိုးစားနေရတဲ့ ခေတ်ကြီးထဲမှာ သာမန်စာအုပ် တစ်အုပ်အတွက် အချိန်မပေးနိုင် တော့တာရော မဖြစ်နိုင်ဘူးလား။ ကျွန်မတို့ စဉ်းစားဖို့ လိုအပ်ပါတယ်။ လူတွေ စာမဖတ်တော့တာကြောင့် စာအုပ်တွေ ခေတ်ကုန်သွားပြီ။ စာအုပ်ခေတ် ကုန်သွားလို့ စာအုပ်ဆိုင် လုပ်ငန်းတွေဟာ အသုံးမ၀င်တော့ဘူးလို့ ပြောလို့မရပါဘူး။ တကယ်တော့ တခြားတစ်ဖက်က တွေးကြည့်မယ်ဆိုရင် ဒီနေ့ခေတ်လို စားဝတ်နေရေးအတွက် အသည်းအသန် ရုန်းကန်နေကြတဲ့ အချိန်မှာ ဘာမှမရနိုင်တဲ့ စာအုပ်တစ်အုပ်ကို အချိန်မပေးချင် ကြတော့တာပါ။ စာအုပ်ကောင်း တစ်အုပ်ကိုသာ အချိန်လုပြီး ဖတ်ကောင်းဖတ်ကြ ချင်တော့တာပါ။ စာအုပ်အငှားဆိုင်တွေက သာမန်ကာတွန်း၊ အချစ်ဝတ္ထုနဲ့ ဖက်ရှင်မဂ္ဂဇင်း လောက်ကိုသာ တင်ထားရုံနဲ့ လူတွေစာမဖတ် ကြတော့ဘူးလို့ ပြောနေကြမယ်ဆိုရင် ဒီကနေ့ခေတ်မှာ နိုင်ငံရေး၊ သုတ၊ ရသ စာအုပ်ကောင်းတွေ အများကြီး ထုတ်နေကြတဲ့ ထုတ်ဝေသူတွေ၊ အဲဒီစာအုပ်တွေကို ငွေ ၂၀၀၀၊ ၃၀၀၀ ပေးဝယ်ဖို့ ၀န်မလေးတဲ့ စာဖတ်သူတွေကိုရော သာမန်စာအုပ်လေး တစ်အုပ်ကို မဖတ်ရုံလောက်နဲ့ စာမဖတ်တော့တဲ့ လူစာရင်းထဲ ထည့်သွင်းလိုက်တာမျိုးတော့ မဖြစ်သင့်ဘူး ထင်ပါတယ်။ လူတွေ စာဖတ်လာဖို့ စာအုပ်ကောင်းတွေ များများထွက်ဖို့၊ ထွက်ရှိပြီးသား စာအုပ်ကောင်းတွေကိုလည်း များများတင်ထား ပေးနိုင်ဖို့က စာအုပ်ဆိုင်တွေရဲ့ အရေးကြီးဆုံး အချက်တစ်ချက်ပါ။ စာကြည့်တိုက်ကောင်းတွေ အများကြီး လိုအပ်သလို၊ တကယ်စာဖတ်တဲ့ သူတွေအတွက် မှန်ကန်တဲ့ စာအုပ်ဆိုင်တွေ ရှိဖို့လည်း လိုအပ်ပါတယ်။ ပေါ်ပင်အလိုက် စာအုပ်တွေကိုသာတင်ပြီး၊ အကျိုးအမြတ် ရလိုမှု တစ်ခုတည်းကိုကြည့်ပြီး ဖွင့်တဲ့ စာအုပ်ဆိုင် တစ်ဆိုင်အတွက်တော့ စာအုပ်တွေ ခေတ်မရှိတော့ဘူးဆိုတဲ့ စကားဟာ စာလုံးဝမဖတ်တဲ့ လူတွေကြားထဲမှာ အမှန်တရား တစ်ခုအဖြစ် တည်ရှိသွားပါလိမ့်မယ်။

ဂိမ်းတွေ၊ အင်တာနက်တွေ တိုးတက်လာလို့ စာအုပ်ခေတ် မရှိတော့ဘူးလို့ပြောရင် အမေရိကလို ဖွံ့ဖြိုးတိုးတက်နေတဲ့ တိုင်းပြည်တစ်ပြည်ဆို ဘယ်လိုလုပ်မလဲ။ သူတို့ဆီမှာ ကျွန်မတို့ထက် အစစအရာရာ တိုးတက်နေတာ။ အင်တာနက်တွေ၊ ဂိမ်းတွေ၊ ဖျော်ဖြေရေး ပုံစံအမျိုးမျိုး ရှိနေတာပဲ။ ဒါနဲ့များ သူတို့ဆီက စာအုပ်တွေ ဘာလို့များ သန်းဂဏန်းလောက်ထိ ရိုက်နှိပ်ထုတ်ဝေ နေကြသလဲ။ အဖြေက ရှင်းပါတယ်။ သူတို့လို အဘက်ဘက်က ဖွံ့ဖြိုးနေတဲ့ တိုင်းပြည်တစ်ခုမှာတောင် စာအုပ်တွေက မတိမ်ကောတဲ့အပြင် သူ့နေရာနဲ့သူ ရပ်တည်နေသေးရင် အခုမှ ဖွံ့ဖြိုးစ ကျွန်မတို့ တိုင်းပြည်မှာဆိုရင် စာအုပ်တွေ တိမ်ကောသွားဖို့ဆိုတာ ဘယ်လိုမှ မဖြစ်နိုင်တဲ့ ကိစ္စတစ်ခုပါ။

ကျွန်မကို ညီမလေး တစ်ယောက်က ပြောဖူးပါတယ်။ ဘာလို့ စာအုပ်ကိုကိုင်ပြီး ဖတ်နေတော့မှာလဲတဲ့။ ခေတ်နဲ့အညီ အင်တာနက်မှာ လိုချင်တဲ့ စာအုပ်ကိုရှာ download လုပ်ပြီး ဖတ်လိုက်ရုံပေါ့တဲ့လေ။ အဲဒါကြောင့် စာအုပ်တွေလည်း မလိုအပ်ပါဘူးတဲ့လေ။ အင်တာနက်က တက်လာတဲ့ သတင်းတစ်ပုဒ်ကိုသာ ပြီးအောင်ဖတ်ကောင်း ဖတ်လိမ့်မယ်။ တကယ့်သုတ၊ ရသစာအုပ် တစ်အုပ်ကို အင်တာနက်ကနေ ပြီးအောင်ဖတ်ဖို့ဆိုတာ အမြဲတမ်းတော့ လွယ်ကူနေတဲ့ ကိစ္စတစ်ခုမှ မဟုတ်တာ။ စာအုပ်ကိုကိုင်ပြီး ဖတ်ရတဲ့ အရသာနဲ့ ကွန်ပျူတာရှေ့မှာ ကွန်ပျူတာကိုကြည့်ပြီး ဖတ်ရတဲ့ အရသာ ဘယ်လိုမှ မတူနိုင်ပါဘူး။ လူသက်သာမှု၊ စိတ်ရဲ့ခံစားနိုင်စွမ်း၊ အာရုံစုစည်းမှု အရမ်းကို ကွာခြားလွန်းတယ်ဆိုတာ တကယ်စာဖတ်တဲ့သူတိုင်း သိပါတယ်။ ခေတ်နဲ့အညီ အင်တာနက်ကတစ်ဆင့် စာအုပ်တွေ ရှာဖတ်လို့ ရပါတယ်။ ဒါပေမဲ့ ကိုယ်တိုင်စာအုပ် ကိုင်ဖတ်ရတဲ့ စနစ်တစ်ခုလည်း အလွယ်တကူတော့ မပျောက်ပျက်နိုင်ပါဘူး။

ဖွံ့ဖြိုးတိုးတက်နေတဲ့ တိုင်းပြည်တိုင်း၊ နိုင်ငံတိုင်းမှာ စာအုပ်တွေက ရှေ့တန်းမှာ ရှိနေပါတယ်။ တကယ့်ထိပ်သီး ခေါင်းဆောင်တွေဟာလည်း စာဖတ်တဲ့သူတွေ များပါတယ်။ ဒီလိုဆိုရင် အခုမှ ဖွံ့ဖြိုးတိုးတက်ဖို့ လျှောက်လှမ်းနေတဲ့ ကျွန်မတို့နိုင်ငံမှာ စာအုပ်ခေတ် မရှိတော့လို့ ဖြစ်ပါ့မလား။ စာအုပ်ကောင်းတွေ ထုတ်ဝေတဲ့သူတွေ ရှိဖို့လိုသလို၊ စာအုပ်ဆိုင်ကောင်းတွေ၊ စာကြည့်တိုက်ကောင်းတွေနဲ့ စာကောင်းတွေကို ရွေးချယ်ဖတ်ရှုနိုင်တဲ့ သူတွေ ရှိဖို့လိုပါတယ်။ အဲဒီလို လူတွေလည်း ရှိနေပါသေးတယ်။ အဲဒီတော့ "စာအုပ်ခေတ် မရှိတော့ဘူး" ဆိုတဲ့ စကားဟာ ဖြစ်နိုင်ပါရဲ့လားဆိုတာ မေးပါရစေ။
(ဆောင်းပါးရှင် - သဲသီရိကျော်)

တရားရေး မဏ္ဍိုင် ဘယ်လို တည့်မတ်နိုင်မလဲ

Posted by drmyochit Sunday, November 10, 2013, under | No comments


သန့်ရှင်းကောင်းမွန်တဲ့ အစိုးရ အဖြစ်ဆောင်ရွက်သွားမယ်လို့ ကြေညာခဲ့တဲ့ သမ္မတ ဦးသိန်းစိန် အစိုးရ တာဝန်ယူခဲ့တာ ၃ နှစ် နီးပါး ရှိလာပြီ ဖြစ်ပေမယ့် လာဘ်ပေး လာဘ်ယူမှု၊ အုပ်ချုပ်ရေး အာဏာပိုင်တွေရဲ့ အာဏာ အလွဲသုံးစားမှု စတဲ့ အဂတိ လိုက်စားမှု တွေဟာ အရင် စစ်အစိုးရ လက်ထက်ကလိုပဲ ပြောင်းလဲမှု အားနည်းနေဆဲပါ။

ဦးသိန်းစိန် အစိုးရ လက်ထက်မှာလည်း တရားစီရင်ရေးဆိုင်ရာ အားနည်းနေသလို တရားဥပဒေ စိုးမိုးမှုပိုင်း ဆိုင်ရာကလည်း အားနည်းနေဆဲ ဖြစ်ပါတယ်။

အထူးသဖြင့် နိုင်ငံရဲ့ အဓိကကျတဲ့ မဏ္ဍိုင်ကြီးသုံးရပ်အနက် တရားစီရင်ရေး မဏ္ဍိုင်ဟာ အရေးကြီးတဲ့ အခန်းကဏ္ဍက ပါဝင် နေပေမယ့် မြန်မာနိုင်ငံရဲ့ တရားစီရင်ရေး မဏ္ဍိုင်ကတော့ ဦးနေ၀င်း မဆလ အစိုးရ လက်ထက်ကနေ ဒီနေ့အထိ ပြောင်းလဲ မှု မရှိသေးပါဘူး။ တရားစီရင်ရေး ကဏ္ဍတွေမှာ လာဘ်ပေး လာဘ်ယူမှုတွေ အပြင် အုပ်ချုပ်ရေး အာဏာပိုင်တွေရဲ့ ဖိအား ပေး စွက်ဖက်မှုတွေဟာလည်းပဲ အမြစ်တွယ်နေတုန်းပါပဲ။

မနှစ်ကလည်း နိုင်ငံတော် ဖွဲ့စည်းပုံ အခြေခံဥပဒေ ဆိုင်ရာ ခုံရုံး နဲ့ လွှတ်တော် ကြားမှာ အားပြိုင်မှုတွေ ဖြစ်ခဲ့ပါသေးတယ်။

တရားရုံး အဆင့်အဆင့်မှာ လာဘ်ပေး လာဘ်ယူမှုတွေ နဲ့ အာဏာပိုင်တွေရဲ့ လွှမ်းမိုးမှုဟာတိုက်ရိုက် ဖြစ်စေ၊ သွယ်ဝိုက်ပြီး ဖြစ်စေ နည်းလမ်း ပေါင်းစုံ နဲ့ကျင့်သုံးနေဆဲ ဖြစ်ပြီး အမှု ၁၀၀ မှာ ၈၅ မှုဟာ လာဘ်ပေးလာဘ်ယူ မကင်းဘူးလို့ ဥပဒေ ပညာ ရှင် တွေက ပြောပါတယ်။

၁၉၆၂ ခုနှစ် တော်လှန်ရေး ကောင်စီ ခေတ်ကနေ ဒီနေ့အထိ ပြောင်းလဲတာဆိုလို့ တရားရုံးနဲ့တရားသူကြီးတွေ အခေါ်အဝေါ် ပြောင်းသွားတာ၊ တရားသူကြီးတွေရဲ့ အရည်အချင်း သတ်မှတ်တာ၊ စာချွန်တော် အမိန့်တွေကို ပြန်လည် အသက်သွင်းဖို့ ကြိုးပမ်းတာလောက်ပဲ ရှိသေးတယ်လို့ သိရတယ်။

“တရားစီရင်ရေး စနစ်တွေကလဲ အရင်ကလူတွေ ချမှတ်ခဲ့တဲ့စနစ်တွေပါ၊ လူတွေကလည်းပဲ အရင် စနစ်ဟောင်းက လူတွေပဲ ဆိုတော့ တရားစီရင်ရေး ကဏ္ဍဟာလည်းပဲ အရင်အတိုင်းပဲ၊ စနစ်ကြီး တခုလုံးကို ပြောင်းမှရမယ်”လို့ ရှေ့နေ ဦးအောင် သိန်း က ပြောပါတယ်။

တရား စီရင်ရေးမှာ လာဘ်ပေးလာဘ်ယူမှု တခုခုကြောင့် ပြဿနာဖြစ်ခဲ့မယ်ဆိုရင် အဲဒီတရားသူကြီးကို တရားရုံးချုပ်လို နေပြည်တော်က ပြည်ထောင်စု လွှတ်တော် တရားရုံးချုပ်လို နေရာမျိုးကို ခေတ္တခေါ်ယူထားပြီး ၆ လ တနှစ်ကြာတဲ့ အခါမှာတာ့ နေရာကောင်း တခုကို ပြောင်းရွှေ့လိုက်တာမျိုးတွေ အများအပြား ရှိတယ်လို့ သိရပါတယ်။

“တရားသူကြီး လာဘ်စားတဲ့ အမှုကို တရားသူကြီး ကိုယ်တိုင်က စစ်ဆေးတော့ အမှုက ထောင်ချဖို့အတော်ခက်တယ်၊ တ ရား သူကြီး ထောင်ကျတာ မရှိသလောက်ပါဘဲ၊ အမြင့်ဆုံး ပြစ်မှုက တာဝန်က ရပ်စဲတာ၊ နေရာပြောင်းတာလောက် ပါပဲ”လို့ ဦးအောင်သိန်းက ပြောပါတယ်။

တရားစီရင်ရေး မဏ္ဍိုင် တည့်မတ်မှန်ကန်ဖို့ဆိုရင် တင်းကျပ်တဲ့ ဥပဒေတွေ၊ ပြစ်ဒဏ်ချမှတ်မှုတွေ၊ ၂၀၀၈ ဖွဲ့စည်းပုံထဲက တ ရားစီရင်ရေး ဆိုင်ရာ ဥပဒေ တွေကို ပြုပြင်ပြဌာန်းဖို့ အရေးတကြီး လိုအပ်နေတယ်လို့ ပြည်သူ့လွှတ်တော် ကိုယ်စားလှယ်၊ ရှေ့နေ တဦးလည်းဖြစ်သူ ဦးဘရှိန်က ပြောပါတယ်။

ရခိုင်ပြည်နယ် လွှတ်တော်ရဲ့ တရားသူကြီး ဒေါ်စီစီ ကို လာဘ်ပေး လာဘ်ယူမှု၊ အာဏာအလွဲသုံးစားမှုတွေနဲ့ ပြည်နယ် လွှတ်တော် ကိုယ်စားလှယ် ၁၄ ဦးက အယုံအကြည် မရှိ အဆိုတင်သွင်းပြီး စုံစမ်းရေးကော်မတီ ဖွဲ့စည်း စစ်ဆေးဖို့ ဆောင်ရွက်နေ စဉ်မှာပဲ မိမိဆန္ဒအလျောက် ရာထူးမှ နုတ်ထွက်ခွင့်ပြုကြောင်း သမ္မတ ဦးသိန်းစိန် အမိန့်နဲ့အောက်တိုဘာလ ၂၂ ရက်နေ့က ကြေညာခဲ့ပါတယ်။

ပြည်နယ်အဆင့်ရှိတဲ့ တရားသူကြီး တဦးရဲ့ အဂတိ လိုက်စားမှုတွေ ပြစ်မှုထင်ရှားပေမယ့် ထိုက်သင့်တဲ့ စုံစမ်းစစ်ဆေး အရေး ယူမှု ပြီးဆုံးအောင် မလုပ်ဆောင်နိုင်တဲ့ အပေါ်မှာလည်း မြန်မာနိုင်ငံရဲ့ တရားစီရင်ရေး မဏ္ဍိုင် အပေါ်အများက မေးခွန်း ထုတ်စရာ ဖြစ်နေပါတယ်။ ရာထူးက နုတ်ထွက်သွားတဲ့အတွက် ဒေါ်စီစီအမှုဟာ အလုံးစုံ ပြီးဆုံးသွားပြီလို့ ယူဆရမလားပဲ။

လွှတ်တော်က စွပ်စွဲပြစ်တင်မှု ပြုလုပ်ပြီး စုံစမ်းစစ်ဆေးမှုတွေ မပြီးဆုံးခင် မိမိဆန္ဒအလျောက် ထွက်လိုက်ရုံနဲ့ အမှုတခုလုံး ပြီးစီးသွားတာဟာ မြန်မာနိုင်ငံရဲ့ တရားစီရင်ရေး မဏ္ဍိုင် လွဲမှားနေကြောင်း ထင်ရှားစေပါတယ်။

၂၀၀၈ ဖွဲ့စည်းပုံ အခြေခံ ဥပဒေမှာတော့ တရားသူကြီး တဦးဦးသည် တရားစီရင်ရေး ဥပဒေ ပုဒ်မ ၄၉၊ ပုဒ်မခွဲ(က) တို့ အရ ဆန္ဒအလျောက်ရာထူးမှ နုတ်ထွက်ခွင့်ရှိကြောင်း ပြဌာန်းထားပါတယ်။ ၂၀၀၈ ဖွဲ့စည်းပုံ အခြေခံ ဥပဒေမှာ တရားသူကြီးတွေ အတွက် အကာအကွယ် ပေးထားတဲ့ ဥပဒေတွေကို ပြင်ဆင်ဖို့ လိုအပ်နေတယ်လို့ ဥပဒေ ကျွမ်းကျင်သူတွေက ပြောပါတယ်။

“ဖွဲ့စည်းပုံ ဥပဒေမှာက တရားသူကြီးတွေကို အကာအကွယ် ပေးထားတော့ အရေးယူဖို့ ခက်တယ်၊ တရားသူကြီး အဆင့်ဆင့် က လာဘ်စားနေတာ၊ လာဘ်စားခဲ့တာတွေ လုပ်ခဲ့ကြတော့ အချင်းချင်း အကာအကွယ်ပေးပြီးသား ဖြစ်နေတယ်”လို့ ဦးဘရှိန် က ဆိုတယ်။

တည်ဆဲ ဥပဒေတွေမှာ တရားသူကြီးတွေကို အရေးယူနိုင်တဲ့ ဥပဒေတွေ သတ်သတ်မှတ်မှတ် ရေးဆွဲ ပြဌာန်းထားတာ မရှိ သေးတဲ့အတွက် ပြဌာန်းဖို့ လိုအပ်နေတယ်လို့ ပြည်သူ့လွှတ်တော်ရဲ့ တရားစီရင်ရေး ကော်မတီ ဥက္ကဋ္ဌ သူရ ဦးအောင်ကို က လည်း လွှတ်တော်မှာ မကြာသေးခင်က ဆွေးနွေးခဲ့ပါသေးတယ်။

နိုင်ငံတော် စီမံကိန်းမျိုးစုံနဲ့ပတ်သက်ပြီး အမှုပေါင်းစုံ ဖြစ်ပွားနေတဲ့ ရခိုင်ပြည်တွင်းက ကျောက်ဖြူ ခရိုင်၊ မြို့နယ် တရားရုံးတို့ က တရားသူကြီးတွေ၊ ဥပဒေအရာရှိတွေရဲ့ လာဘ်စားမှု သတင်းတွေ မကြာခဏကြားနေရပါတယ်။ ကျောက်ဖြူမြို့က အမှု သည် တဦးဆိုရင် သူ့အမှုကို အာမခံ ရလိုတာကြောင့် မြို့နယ်ဥပဒေ အရာရှိ ဦးစိုးမြ ဆိုသူကို ကျပ် ၆ သိန်းပေးထား ရတယ် လို့ ဆိုပါတယ်။

“အဖမ်းခံထားရတဲ့ ပုဒ်မက အာမခံမရဘူး၊ အဲဒီတော့ ပုဒ်မ ၃၇၉ ကို ပြောင်းဖို့ ဥပဒေအရာရှိကို ပြောတော့ စစ်တွေကိုသွားပြီး ပြောင်းပေးရမယ် ဆိုပြီးငွေ ၆ သိန်းပေးရတယ်၊ ဒါပေမယ့် ဖမ်းထားတဲ့ ပုဒ်မက သက်သေမခိုင်လုံတော့ ၃၇၉ ကို ပြောင်း ပြီး သား ဖြစ်သွားတာပေါ့၊ ဒါပေမယ့် ပေးထားတဲ့ ပိုက်ဆံ ပြန်တောင်းတော့ မပေးတော့ဘူး၊ အမှုကတော့ စစ်ဆေးတုန်းပဲ”လို့ အမှုသည် တဦးက ပြောပါတယ်။

ပြည်သူ့လွှတ်တော်ရဲ့ တရားဥပဒေ စိုးမိုးရေးနှင့်တည်ငြိမ်အေးချမ်းရေး ကော်မတီဝင် ပြည်သူ့လွှတ်တော် ကိုယ်စားလှယ်နဲ့ ဥပဒေ ပညာရှင် ဦးသိန်းညွန့်ကလည်း ၎င်းတို့ ကော်မတီ အနေနဲ့ မန္တလေးတိုင်း အတွင်းက တရားရုံးတွေကို စစ်ဆေးကြရာ မှာ တရားစီရင်ရေး အလွဲအမှား အများအပြားတွေ့ခဲ့ရတယ်လို့ ပြောပါတယ်။

တရားဥပဒေ စိုးမိုးမှု အားနည်းတာ၊ တရားစီရင်ရေး မဏ္ဍိုင် ယိုယွင်းနေတာတွေကို အထောက်အကူ ဖြစ်စေဖို့ ဒေါ်အောင် ဆန်း စုကြည် ဥက္ကဋ္ဌ အဖြစ်တာဝန်ယူတဲ့ တရားဥပဒေ စိုးမိုးရေး ကော်မတီကို ပြီးခဲ့တဲ့ နှစ်မှာဖွဲ့စည်းခဲ့ပေမယ့် ယနေ့အထိ သိသာတဲ့ ထိရောက် ပြောင်းလဲမှု မတွေ့ရသေးပါဘူး။
အဲဒီကော်မတီဟာ နိုင်ငံတွင်းက ဒေသအများအပြားကို ကွင်းဆင်းပြီး လေ့လာတဲ့အခါမှာ တရားရုံးအပေါ် အာဏာပိုင်တွေ ရဲ့လွှမ်းမိုးမှု ရှိနေတာ၊ အမှုလိုက်ပါဆောင်ရွက်တဲ့ ဥပဒေ အရာရှိတွေ၊ တရားသူကြီးတွေ လာဘ်ပေး လာဘ်ယူမှု ရှိနေတာတွေ ကို လွှတ်တော်မှာ အစီရင်ခံ တင်ပြခဲ့ပါသေးတယ်။

ယိမ်းယိုင်နေတဲ့ တရားစီရင်ရေး မဏ္ဍိုင်ကို ပြန်လည်တည့်မတ်ဖို့ တရားစီရင်ရေးနဲ့ပတ်သက်တဲ့ ပုဂ္ဂိုလ်တွေအားလုံးက အဂ တိ တရားကင်းရှင်းကြဖို့ကိုပဲ ကော်မတီက တိုက်တွန်းနိုင်ပါတယ်။ တရားသူကြီးတွေ၊ ဥပဒေ အရာရှိတွေ၊ ရှေ့နေတွေ ရဲ အရာ ရှိတွေက ပါဝင်ပူးပေါင်းမှသာ တရားရေးမဏ္ဍိုင် ကောင်းမွန်လာနိုင်မှာ ဖြစ်ကြောင်းလည်း ကော်မတီက တင်ပြခဲ့ပါတယ်။

တရားဥပဒေ စိုးမိုးရေး ကော်မတီရဲ့ အစီရင်ခံစာပါ ပြုပြင်ရမယ့် အားနည်းချက်တွေကို တာဝန်ယူဆောင်ရွက်ရမယ့် အဓိက တာဝန်ရှိသူကတော့ အစိုးရပါပဲ။ ဒါပေမယ့် အစိုးရအဖွဲ့ ကိုယ်တိုင်က အလေးထား ဆောင်ရွက်မှု အားနည်းနေတော့ အစီရင် ခံစာဟာလည်း အရေးမပါတဲ့ သဘော ဖြစ်သွားရပါတယ်။

တရားသူကြီးတွေဟာ မြို့နယ်၊ ခရိုင်၊ ပြည်နယ်၊ တိုင်း စတဲ့အဆင့်ဆင့် တာဝန်ထမ်းဆောင်ခဲ့စဉ်ကတည်းက အဂတိ လိုက် စားမှု တွေရှိခဲ့တာကြောင့် လက်အောက်ခံ တရားသူကြီးတွေကို အပြန်အလှန် ဖေးမမှုတွေကြောင့် လာဘ်ပေးလာဘ်ယူမှု တွေ ကို လက်ပူးလက်ကြပ် အရေးယူဖို့ခက်ခဲကြောင်း ဥပဒေ ပညာရှင်တွေက ထောက်ပြကြပါတယ်။

“အထက်က လူကိုယ်တိုင်က လာဘ်စားထားတော့ အောက်က လူတွေကို အရေးယူ အပြစ်ပေးဖို့ ခက်တာပေါ့၊ ပြည်သူတွေ ကိုယ်တိုင်ကလည်း အမှန်တရားကို ပြောရဲ ဆိုရဲ တိုင်ရဲကြဖို့ အရေးကြီးပါတယ်”လို့ လွှတ်တော်ရဲ့ ဥပဒေကြမ်း ကော်မတီဝင် တဦး လည်းဖြစ်တဲ့ ရှေ့နေ ဦးဘရှိန် က ပြောတယ်။

အစိုးရကိုယ်တိုင်က ပြစ်မှုတွေကို အလေးထား ဆောင်ရွက်ဖို့လိုအပ်နေတယ်လို့လည်း ဆိုတယ်။

ဖွဲ့စည်းပုံထဲက တရားစီရင်ရေး ဥပဒေတွေကို ပြုပြင်ဖို့၊ တင်းကျပ်တဲ့ တရားစီရင်ရေး ဥပဒေ ပြဌာန်းနိုင်ဖို့ လိုအပ်နေသလို တရားစီရင်ရေးဆိုင်ရာ ၀န်ကြီးအဆင့် တဦးလည်းထားဖို့ လိုအပ်တယ်၊ ဒါမှသာ လာဘ်ပေး လာဘ်ယူမှုတွေ လျော့ကျလာနိုင်မှာ ဖြစ်တယ်လို့ ဦးဘရှိန် က ဆက်လက် ပြောဆိုပါတယ်။

မြန်မာ့တရား စီရင်ရေး မပြောင်းလဲနိုင်တာဟာ စစ်ဗိုလ်ချုပ်တွေ၊ စစ်တပ်အရာရှိတွေ၊ အုပ်ချုပ်ရေး အာဏာပိုင်တွေက တရား စီရင်ရေး ကိစ္စတွေမှာ ပါဝင်နေတာရယ်၊ ၀န်ထမ်းတွေကို လုံလောက်တဲ့ အကျိုးခံစားခွင့် လစာ ပေးခြင်းမရှိတာတွေရယ် ကြောင့် ဖြစ်တယ်လို့လည်းပဲ ဥပဒေ ပညာရှင်တွေက ပြောဆိုပါတယ်။

တရားစီရင်ရေး ကဏ္ဍဟာ အနှောင်အဖွဲ့ကင်းပြီး လွတ်လပ်တဲ့ တရားစီရင်ရေး ဖြစ်ဖို့၊ တရားသူကြီးတွေ ကိုယ်တိုင်က လွတ် လပ်တဲ့ စိတ်နဲ့ တရားစီရင်နိုင်ဖို့ အရေးကြီးပါတယ်။ ဒါ့အပြင် ဥပဒေ အရာရှိတွေ၊ အမှုလိုက်တဲ့ ရှေ့နေတွေ၊ ရဲ ၀န်ထမ်းတွေ စတဲ့ အဆင့်ဆင့် တာဝန်ရှိသူတွေ ကလည်း အာဂတိ လိုက်စားမှု ကင်းရှင်းဖို့ အရေးကြီးပါတယ်။

ရဲဝန်ထမ်းက ပြစ်မှုကျူးလွန်သူ တဦးဦးကို ဖမ်းလာပြီး တရားစွဲဆိုတော့မယ်ဆိုရင် တရားသူကြီးနဲ့ပူးပေါင်း ညှိနှိုင်းပြီးအမှု ဖွင့် တာ၊ ပုဒ်မ တပ်တာတွေ လုပ်လေ့ရှိကြောင်း သိရပါတယ်။

“အမှုကိုင်တဲ့ ရဲနဲ့ တရားသူကြီးတို့က ပေါင်းပြီးတော့ ပုဒ်မကို လိုသလိ်ုတပ်တာ၊ တရားခံ၊ တရားလို နှစ်ဘက်စလုံးက လာဘ် ငွေပေးမယ်ဆိုရင်လည်း ငွေများများပေးတဲ့ ဘက်ကို အနိုင်ပေးတယ်၊ ငွေပိုပေးရင် တရားခံကနေ တရားလို ဖြစ်သွားတဲ့ အမှု မျိုးတွေ အများအပြားရှိပါတယ်”လို့ ရှေ့နေ တဦး က ပြောပါတယ်။

အမှုတခု ဖြစ်ပေါ်ပြီဆိုရင် အမှုကိစ္စကို ဆွေးနွေးဖို့ တရားသူကြီးဆီကို လာရောက်ဆွေးနွေးမယ်ဆိုရင်လည်း တရားသူကြီးရဲ့ လက်ထောက် သို့မဟုတ် စာရေး နဲ့ပဲ စကားပြောပြီး ညှိနှိုင်းလိုက်ကြပါဆိုတဲ့ ဈေးစကား၊ ပွဲစား စကားပြောတာမျိုးတွေ ဟာ လည်းပဲ တရားရုံးရဲ့ ယဉ်ကျေးမှု တခုလို ကျင့်သုံးနေဆဲပါ။

်မြန်မာနိုင်ငံ တ၀န်းလုံးမှာ အဲဒီလို ဖြစ်ပျက်နေတာ၊ တရားစီရင်ရေး မဏ္ဍိုင်ကြီး တခုလုံး အကျင့်ပျက်ခြစား နေတာကို တ ဘက် တလမ်းက တည့်မတ်နိုင်ဖို့ လွှတ်တော်မှာ အမြင်အမျိုးမျိုးနဲ့ ဆွေးနွေးကြတာလည်း တွေ့ရပါတယ်။ တရားစီရင်ရေး ကိစ္စတွေမှာ လာဘ်ပေး လာဘ်ယူမှု အားနည်းလာအောင် တရားခွင်ကို မှတ်တမ်းတင်တာ၊ CCTV ကင်မရာ တပ်ဆင်တာ တွေ ပြုလုပ်ဖို့ လွှတ်တော် ကိုယ်စားလှယ် တချို့က အကြံပြုကြတာတွေလည်း ရှိပါတယ်။

့နေကြီး ဦးအောင်သိန်း က တော့“လာဘ်ပေးတာက တရားခွင်မှာ ပေးမှ မဟုတ်ဘူး၊ ထမင်းဆိုင်၊ လက်ဖက်ရည် ဆိုင်မှာ ပေးလည်း ရတာပဲ၊ အဲဒီတော့ CCTV တပ်တာထက် တင်းကျပ်တဲ့ ဥပဒေ ပြဌာန်းနိုင်ဖို့ အရေးကြီးတယ်”လို့ ဆိုပါတယ်။


CCTV ကင်မရာတွေ တပ်ဆင်တာ အပြင် တရားရုံး သတင်းထောက်တွေ ထားပြီး မီဒီယာတွေကို တရားရုံးတွေမှာ လွတ်လပ် စွာ စောင့်ကြည့် သတင်းရယူခွင့်ပေးဖို့ လိုအပ်ကြောင်းလည်း ရှေ့နေကြီးတွေက ပြောပါတယ်။

အဲဒီတော့ ဦးသိန်းစိန် အစိုးရရဲ့ လက်ကျန် ၂ နှစ်အတွင်းမှာ သန့်ရှင်းကောင်းမွန်တဲ့ အစိုးရ တရပ်ဖြစ်ရေးအတွက် မြန်မာ့ တ ရားစီရင်ရေး မဏ္ဍိုင် တည့်မတ်လာရေးဟာ တင်းကျပ်တဲ့ ဥပဒေတွေ ပြုပြင် ပြဌာန်းနိုင်ရေးဟာ အဓိက ဖြစ်နေပါတယ်။

အဲဒီ ဥပဒေတွေကို အစိုးရ အဖွဲ့ကရော တရားစီရင်ရေး ဆိုင်ရာ ပုဂ္ဂိုလ်တွေ ကိုယ်တိုင်က ကျင့်သုံးနိုင်မယ်ဆိုရင်တော့ ယိမ်း ယိုင်နေတဲ့ မြန်မာ့ တရားစီရင်ရေး မဏ္ဍိုင်ကြီးဟာ အတန်အသင့် တည့်မတ် လာနိုင်ခြေ ရှိတယ်လို့ သုံးသပ်မိပါတယ်။

ဧရာဝတီ

အင်တာနက်သုံးတိုင်း ထားကို သတိရပါလို့ ဆိုလာလေတဲ့ ထားထက်ထက်

Posted by drmyochit Sunday, November 10, 2013, under | No comments



ထိုင်းနုိုင်ငံ ချင်းမိုင်မြို့၌ ကျင်းပနေသည့် Miss Grand International 2013 အတွက် နုိုင်ငံပေါင်း ၈၄ နုိုင်ငံက ကိုယ်စားပြု အလှမယ် Best National Costume Award အလှမယ် ၁၀ ဦးစာရင်းဝင် မထားထက်ထက် နိုဝင်ဘာ ၉ ရက်နေ့ ညနေပိုင်း ပတ္တရားကမ်းခြေမှာ ရေကူးဝတ်စုံနှင့် ဆက်လက်ပြိုင်ပွဲဝင်ခဲ့ကြောင်း သိရှိရသည်။
ြ်မန်မာနုိုင်ငံကိုယ်စားပြုလာရောက်ယှဉ်ပြိုင်၍စကာတင်(၁၀)ဦးစာရင်းဝင်လာသူ မထားထက်ထက်မှ နိုဝင်ဘာ ၁၉ ရက်နေ့၌ဘန်ကောက်တွင် ချီးမြှင့်မည့် ဆုများအတွက် အင်တာနက်ဆန္ဒမဲ အပါအ၀င် အဖက်ဖက်မှ ဆက်လက် အားပေးကြရန် မြန်မာပြည်သူများအား တိုက်တွန်းပြောကြား လိုက်သည်။
" ကျမကို Vote ပေးလို့ရတဲ့ Link က သုံးခုရှိတယ်။ မစ်ပေါ်ပြူလာဗုတ်အတွက်က ဒီ Grand International က ပေးမယ့် တိုင်တယ်လ် ဆုပေါ့နော် အဲ့ဒါက အမေရိကန်ဒေါ်လာ သုံးထောင် ဆု ချီမြှင့်မယ် ပေါ့နော်၊ နောက်ပြီးတော့ Tပေးတန့် အတွက်ကုို ထိုင်းပေးတန့်က ပေါ့နော်၊ အဲ့ဒါကြတော့ မစ်စ်ပေါ်ပြူလာချွိုင့် အတွက် သူက ထရောပီလေးပေးမယ်၊ နောက်ပြီး တော့ မစ်စ်ဆောစောလောဂျီ ဆိုတဲ့ ၀က်ဆုိုက်ရှိတယ် အဲ့ကလည်း သူက Likeအများဆုံးရပြီးတော့ ပေါ်ပြူလာ ဖြစ်တဲ့ နုိုင်ငံက ထရောပီ တစ်ခုရမယ်ပေါ့နော် အဲ့ သုံးခုစလုံးအတွက်ကို နေ့စဉ်ပေါ့နော်၊ ထားထက်ထက်ကို သတိတယနဲ့ အင်တာနက် သုံးတာနဲ့ပေါ့နော်၊ ထားအတွက်ကို အရင်ဆုံးအဲ့သုံးခုလုံး Vote ပေးစေချင်တယ်ပေါ့နော် အားပေးကြပါလို့ ကျမပြောချင်ပါတယ်" ဟု ထားထက်ထက်က စကာတင်(၁၀)ဦးစာရင်း ၀င်ပြီးနောက်မြန်မာပြည်သူများကို မှာကြားလိုက်ခြင်းဖြစ်သည်။
ထိုင်းနိုင်ငံအတွင်း ပထမဆုံးအကြိမ် ကျင်းပပြုလုပ်ခဲ့သည့် Miss GrandInternational 2013 ပြိုင်ပွဲကို နိုဝင်ဘာလ ၈ရက်နေ့က PROMENADA Resort Mall Chiang Mai မှာ ကျင်းပခဲ့ခြင်းဖြစ်ပြီး ထုိုင်း၊ ဗီယက်နမ်၊ဖိလစ်ပိုင်အစရှိသည့် နိုင်ငံများမှ အလှမယ် များနှင့်အတူ အသက် ၂၄နှစ်အရွယ် အင်ဂျင်နီယာ ( အိုင်တီ)ပညာရပ်သင်ကြားဖူးသူ မထားထက်ထက်မှာမြန်မာနုိုင်ငံ ကိုယ်စားပြု ၀င်ရောက်ယှဉ် ပြိုင်ခဲ့ခြင်းလည်းဖြစ်သည်။
အင်းဝခေတ်အ၀တ်အစားနှင့် စကာတင်(၁၀)ဦးစာရင်းဝင်ရောက်ယှဉ်ပြိုင်ခဲ့ရမှုနှင့်ပတ်သက်၍ ထားထက်ထက်က ယခုကဲ့သို့ ဆိုသည်။
" National Costume က အဲ့လိုမျိုး Top Ten ထဲဝင်မယ်လို့မထင်မှတ်မိဘူးပေါ့နော်၊ ဒီဟာက အရင် အင်းဝခေတ်ပုံစံ ဆိုပေ မယ့်လေနည်းနည်း ဆန်းတယ် ဆိုပေမယ့် နည်းနည်း ရိုးတဲ့ဟာလည်း ပါတယ်ပေါ့နော်၊
အဲ့လိုမျိုးဖြစ်တဲ့အတွက် ဒါလည်း ညီမ စိတ်ကြိုက်ပုံစံမျိုးဖြစ်တယ်ပေါ့နော်၊ အဲ့လိုမျိုးဆိုတော့ အရမ်းကို မမှန်းထားဘူး ဒါပေမယ့်မထင်ထားတဲ့အချိန်မှာ Miss Myan mar လို့ ခေါ်လိုက်တဲ့အချိန်မှာ
ကိုယ့်ကို ခေါ်တာမှ ဟုတ်ရဲ့လားပေါ့နော်"ဟု ထားထက်ထက်ကပြောကြားခဲ့ခြင်းဖြစ်သည်။
Miss Grand International 2013 ပြိုင်ပွဲကို နိုဝင်ဘာလ ၁၉ ရက်နေ့မှာဘန်ကောက်၌ နိုင်ငံပေါင်း ၈၆ နိုင်ငံကို ကိုယ်စားပြု အလှမယ်များဖြင့်ယှဉ်ပြိုင်ခွင့်ရရှိမည်ဖြစ်သော်လည်း နိုင်ငံ ၆ နိုင်ငံက အလှမယ် ၆ ဦး
ပြိုင်ပွဲမှ နုတ်ထွက်သွားသည့်အတွက် နုိုင်ငံ ၄ နိုင်ငံက အလှမယ်များအားအစားထိုးကျင်းပခဲ့သည်ဟု ပွဲစီစဉ်သူတို့၏အဆိုအရ သိရှိရသည်။
ချင်းမုိုင်Best National Costume Award ပြိုင်ပွဲတွင် နုိုင်ငံပေါင်း ၈၄နုိုင်ငံမှ အလှမယ် ၈၄ ဦးယှဉ်ပြိုင်ရာ ထားထက်ထက်အပါအ၀င် အလှမယ်(၁၀)ဦးစကာတင် ရွေးချယ်ခံခဲ့ရခြင်းလည်းဖြစ်သည်။
Myit Ma Kha Media Group.

သီလဝါ ရွှေ့ပြောင်းအိမ်ထောင်စုများအတွက် ပြန်လည် နေရာချထားရေး စီမံချက် ထုတ်ပြန်

Posted by drmyochit Sunday, November 10, 2013, under | No comments


သီလဝါ အထူးစီးပွားရေးဇုန် ပထမအဆင့် စီမံကိန်း ဧရိယာအတွင်းရှိ အိမ်ထောင်စုများအတွက် ပြန်လည် နေရာချထားရေးနှင့် ပတ်သက်သော အသေးစိတ် လုပ်ငန်းစီမံချက်ကို ရန်ကုန်တိုင်းဒေသကြီး အစိုးရအဖွဲ့က နိုဝင်ဘာလ ၈ ရက်နေ့တွင် ထုတ်ပြန်လိုက်သည်။
ဒေသခံများကို ပြန်လည် နေရာချထားရာတွင် တည်ဆဲဥပဒေ၊ နည်းဥပဒေနှင့် လုပ်ထုံးလုပ်နည်းများ သာမက ဂျပန်အပြည်ပြည်ဆိုင်ရာ ပူးပေါင်း ဆောင်ရွက်ရေး အေဂျင်စီ (JICA) နှင့် ကမ္ဘာ့ဘဏ်တို့၏ ပြန်လည် နေရာချထားခြင်းဆိုင်ရာ လမ်းညွှန်ချက်တို့ အတိုင်း လုပ်ဆောင်ပေးခြင်း ဖြစ်ကြောင်း သီလဝါ အထူးစီးပွားရေးဇုန် စီမံခန့်ခွဲမှု ကော်မတီ ဥက္ကဋ္ဌ ဦးဆက်အောင်က ပြောကြားသည်။

ြ်ပန်လည် နေရာချထား နေစဉ်နှင့် နေရာချထား ပေးပြီးချိန်တွင် ကျေနပ်မှု မရှိပါက မြို့နယ်အထွေထွေ အုပ်ချုပ်ရေးမှူးသို့ တိုက်ရိုက် တင်ပြနိုင်ပြီး ၁၅ ရက်အတွင်း ပြေလည်မှု မရှိပါက ရန်ကုန်တိုင်းဒေသကြီး အစိုးရသို့ လွှဲပြောင်းပေးမည်ဖြစ်ကာ ယင်းအဆင့်တွင်လည်း ၁၅ ရက်အတွင်း သဘောတူညီမှု မရှိလျှင် တရားရုံးသို့ လွှဲအပ်ပေးမည် ဖြစ်ကြောင်း အဆိုပါ လုပ်ငန်းစီမံချက်တွင် ဖော်ပြထားသည်။


လက်ရှိတွင် ပြန်လည် နေရာချထားပေးမည့် နေရာတွင် ရာသီဥတု အခြေအနေကြောင့် အိမ်ဆောက်နိုင်ခြင်း မရှိသေးဘဲ လမ်းဖောက်ခြင်း၊ လျှပ်စစ်မီး သွယ်တန်းခြင်းနှင့် ရေတွင်းတူးခြင်း တို့ကိုသာ လုပ်ဆောင်နေကြောင်း သီလဝါ အထူးစီးပွားရေးဇုန် စီမံခန့်ခွဲမှု ကော်မတီမှ တာဝန်ရှိသူတစ်ဦးက ပြောကြားသည်။
ြ်ပန်လည် နေရာချထားရမည့် အိမ်ထောင်စုများ မူလဝင်ငွေ အခြေအနေ ပြန်လည် ရရှိရေးအတွက် အသက်မွေးဝမ်းကျောင်း သင်တန်းများ ပေးသွားမည် ဖြစ်ပြီး ယင်းအိမ်ထောင်စုများ၏ အခြေအနေကို သုံးနှစ်အကြာထိ စောင့်ကြည့်သွားမည် ဖြစ်ကြောင်း ၎င်းကဆိုသည်။


ရန်ကုန်တိုင်းဒေသကြီး အစိုးရအဖွဲ့၏ ထောက်ပံ့ လျော်ကြေးပေးခြင်းနှင့် ပြန်လည် နေရာ ချထား ပေးခြင်းတို့ကို အဆိုပါ ပထမအဆင့် စီမံကိန်း အတွင်းရှိ ဒေသခံ အများစုက သဘောတူ လက်ခံကြသော်လည်း အိမ်ထောင်စုနှစ်စုက သဘောတူ လက်မှတ်ထိုးခြင်း မရှိဘဲ ငြင်းပယ်ထားကြောင်း သီလဝါ အထူးစီးပွားရေးဇုန် စီမံခန့်ခွဲမှု ကော်မတီမှ တာဝန်ရှိသူတစ်ဦးက ပြောကြားသည်။

သီလဝါ ပထမအဆင့် စီမံကိန်းကို မြေဟက်တာ ၄၀၀ နီးပါးတွင် အကောင်အထည် ဖော်မည် ဖြစ်ပြီး ယင်းဧရိယာ အတွင်းတွင် အိမ်ထောင်စုပေါင်း ၈၁ ခုနှင့် လူဦးရေ စုစုပေါင်း ၃၈၂ ဦး ရှိကြောင်း စီမံ ခန့်ခွဲမှု ကော်မတီက ထုတ်ပြန်သည်။

The Voice Weekly

First Look: 2014 Honda Odyssey နှင့် Honda Odyssey Absolute

Posted by drmyochit Sunday, November 10, 2013, under | No comments


လှပခန့်ညားသည့် ဒီဇိုင်းပုံစံဖြင့် ၂၀၁၄ မော်ဒယ် Odyssey အသစ်အား ဂျပန်ပြည်တွင်း ဈေးကွက်အတွက် Honda မှ စတင်ထုတ်လုပ် ဖြန့်ချိလိုက်ပြီ ဖြစ်သည်။

မျိုးဆက် ၅ ခုမြောက် Odyssey သည် ယခင်မျိုးဆက်နှင့် အခြေခံ ဒီဇိုင်းပုံစံ ကွဲထွက်သွားခြင်း မရှိသော်လည်း ရွေ့လျှောတံခါး၊ မြင့်မားသည့်ခေါင်မိုးနှင့် ကားအတွင်းပိုင်း၌ ကွာလတီမြင့် ပစ္စည်းများ အသုံးပြုထားခြင်း စသည့် ထင်ရှားသည့် ပြောင်းလဲမှုအချို့ကိုမူ တွေ့ရှိနိုင်မည်ဖြစ်သည်။

ကနေဦး ကြည့်ရှုလေ့လာမှုအရတော့ ယခု မော်ဒယ်သစ် Odyssey ဟာ အမေရိကန်အခေါ် Mini Van ၊ အခြားနိုင်ငံများအခေါ် Multi-Purpose Vehicle (MVP) များထဲတွင် ထိပ်ဆုံးမှ ရပ်တည်ရန် ဦးတည်နေသယောင်ပင် ရှိနေသည်။

ဤ Odyssey အား B ၊ G နှင့် အထူးအဆင့်မြင့် Absolute ဟူ၍ Trim Level ၃ မျိုး ထုတ်လုပ်သွားမည်ဖြစ်သည်။ Trim ၃ ခုစလုံးအတွက် မြင်းကောင်ရေ ၁၇၃ ကောင်အားရှိ ၂.၄ လီတာ i-VTEC အင်ဂျင်အား တပ်ဆင်ပေးထားပြီး ၇ ချက်ထိုး CVT ဂီယာစနစ်အား အသုံးပြုထားသည်။

B နှင့် G မော်ဒယ်များ၏ အင်ဂျင်တွင် Port Fuel Injection စနစ်အား အသုံးပြုထားသဖြင့် ဆီစားသက်သာသလို အင်ဂျင်ရုန်အား (Torque) လည်း ပိုမိုကောင်းမွန်မည်ဖြစ်သည်။ Absolute မော်ဒယ်၏ အင်ဂျင်တွင်မူ Direct Fuel Injection စနစ်အား အသုံးပြုထားသဖြင့် အထူးကောင်မွန်သည့် အမြန်နှုန်းအား ခံစားရရှိနိုင်မည် ဖြစ်သည်။

Odyssey နှင့် Odyssey Absolute တို့သည် Honda ၏ ထင်ရှားသည့် MVP များဖြစ်သည့် Elysion နှင့် Elysion Prestige တို့အား တိုက်ရိုက် အစားထိုးဖွယ် ရှိနေပြီး Elysion ၏ အထူးကောင်းမွန်သည့် အချက်များနှင့် ပါဝင်သည့် features များအား အမိအရ ရယူထည့်သွင်း ပေးထားသဖြင့် မိသားစုများအနေဖြင့် ခရီးဝေးများအား သက်သောင့်သက်သာဖြင့် အဆင်ပြေပြေ သွားရောက်နိုင်မည် ဖြစ်သည်။

အထူးသဖြင့် Odyssey Absolute တွင် အသုံးပြုထားသည့် အင်ဂျင်မှာ အမေရိကန်နိုင်ငံရှိ Honda စက်ရုံထုတ် Accord များတွင် အသုံးပြုသည့် အင်ဂျင်နဲ့ ပုံစံတူ ဖြစ်နေသဖြင့် မြင့်မားသည့် စွမ်းဆောင်ရည် ၊ sporty ဖြစ်မှုနှင့် စိတ်ချမ်းမြေ့ဖွယ် ထိန်းချုပ် မောင်းနှင်မှုတို့ကို ရရှိနိုင်ဖွယ် ရှိနေသည်။

ဂီယာစနစ်တွင်လည်း CVT စနစ် အသစ်အား အသုံးပြုထားသော်လည်း Honda ၏ ယခင် CVT စနစ်များအား သုံးစွဲသူများက နှစ်သက်ခြင်း မရှိခဲ့ပေ။ သို့သော်လည်း စာဖတ်သူတို့အနေဖြင့် Myanmar Consumer Guide မှ လက်တွေ့ စမ်းသပ်မောင်းနှင်မှု မတိုင်မီအထိတော့ ဆုံးဖြတ်ချက်ချ မစောရန် မေတ္တာရပ်ခံပါရစေ။

Odyssey အား ကမ္ဘာ့နိုင်ငံ အများစုတွင် ရောင်းချလျက်ရှိပြီ်း Honda ထုတ် ကားများထဲတွင် အရေးပါသည့် ကားတစ်စီးဖြစ်သလို Multi-Purpose Vehicle အမျိုးအစားများထဲ၌လည်း နာမည်ကျော် ကားတစ်စီးပင် ဖြစ်သည်။ လတ်တလောကာလတွင် Honda အနေဖြင့် Elysion အား မည်သို့မည်ပုံ ပြောင်းလဲထုတ်လုပ်မည်ကို မသိရှိရသေးပေ။ ယင်းအတွက်ကြောင့် ယခု Odyssey အသစ်၏ အခန်းကဏ္ဍမှာ ဂျပန်ပြည်တွင်း ဈေးကွက်သာမက ကမ္ဘာ့ကားဈေးကွက်အတွက်ပါ အရေးပါလာမည်ဖြစ်သည်။

Honda အနေဖြင့် အမေရိကန်ဈေးကွက်တွင် ရောင်းချနေသည့် Odyssey ၏ လိုအပ်ချက်များကိုလည်း အသေးစိတ် လေ့လာပြီး ယခု မျိုးဆက် ၅ ခု မြောက် Odyssey အသစ်တွင် ထည့်သွင်းပြင်ဆင်ထားသည်ဟု ယူဆရပါသည်။ ပုံစံဒီဇိုင်း ၊ စွမ်းဆောင်ရည်နှင့် လုပ်ဆောင်ချက်များ အရတော့ဖြင့် Odyssey အသစ်သည် MVP ကားများ၏ ဘုရင်အဖြစ် သရဖူဆောင်းနိုင်ရန် Toyota Vellfire/Estima နှင့်သာ ရင်ဆိုင်ရဖွယ် ရှိနေပါသည်။

Myanmar Consumer Guide

မိုးစက်ဝိုင်နဲ့ အားပေးသူတို့ ပုံရိပ်

Posted by drmyochit Sunday, November 10, 2013, under | 2 comments





credit-Tun Thida Oo Mamienge,Pa Pa Win
Popular Journal

တနင်္သာရီတိုင်း ဒေသကြီးမှ ၂၀၁၄-၂၀၁၅ ဘဏ္ဍာရေးနှစ်အတွက် ဘတ်ဂျက်(BE) ယခင်နှစ်များထက် ပိုမိုလျာထား တောင်းခံရန် အတည်ပြု တင်ပြထား

Posted by drmyochit Sunday, November 10, 2013, under | No comments


တနင်္သာရီတိုင်း ဒေသကြီးမှ လာမည့် ၂၀၁၄-၂၀၁၅ ဘဏ္ဍာရေး နှစ်အတွက်ဘတ် ဂျက်(BE)ကို ပြည်ထောင်စု အစိုးရသို့ ယခင်နှစ်များထက် ပိုမိုလျာထားတောင်းခံရန် အတည်ပြု တင်ပြထားကြောင်း နိုဝင်ဘာ ၇ ရက်က ကျင်းပပြီးစီးခဲ့သည့် ပထမအကြိမ် တနင်္သာရီတိုင်း ဒေသကြီး လွှတ်တော် န၀မပုံမှန် အစည်းအဝေး နောက်ဆုံးနေ့တွင် တိုင်းဒေသကြီး လွှတ်တော်ဥက္ကဋ္ဌ ဦးထင်အောင်ကျော်က အမှာစကားတွင် ထည့်သွင်း ပြောကြားခဲ့သည်။

လျာထားအတည်ပြုထားသော ၂၀၁၄-၂၀၁၅ ဘတ်ဂျက်(BE)တွင် ဆည်၊ တမံများအတွက် ကျပ် ၁ ဒသမ ၄၅၈ ဘီလျံ၊ ပါ ချန်မြစ်အတွင်း Reatining Wall အတွက် ကျပ် ၂ ဒသမ ၅ ဘီလျံ၊ သဘာဝ ဘေးအန္တရာယ် ကာကွယ်ရေးအတွက် ကျပ် တစ်ဘီလျံ၊ မီးသတ်ယာဉ်ကြီး ၂၂ စီး၊ ထရေလာ ၁၉ စီး၊ အပေါ့စား မီးသတ်စက် ၁၀ စီး၊ Cylinder Air Filling Machine ၁၀ စုံ၊ အသက်ရှူ ကိရိယာ Rescue Kit ၁၀ စုံ၊ ကျောပိုး အမြှုပ်ဆေးရည် Kit နဲ့ မီးငြှိမ်းသတ်မည့် ကိရိယာမျိုးစုံ ၀ယ်ယူရေးအတွက် ကျပ် ၁ ဒသမ ၄၆၀ ဘီလျံ ပါဝင်ကြောင်း သိရသည်။

ထို့အပြင် တနင်္သာရီတိုင်း ဒေသကြီးအတွင်း ၅၀၄ မိုင် ၇ ဖာလုံရှည်သော ပြည်ထောင်စု လမ်းမကြီးနှင့် ခရိုင်လမ်းများ အဆင့်မြှင့်ပြီး ကတ္တရာ ခင်းနိုင်ရေးအတွက် ကျပ် ၁၆၄ ဒသမ ၀၃ ဘီလျံ တောင်းဆို လျာထားပေးခဲ့ကြောင်းလည်း သိရသည်။

"လမ်းတံတားများကို အဆင့်မြှင့်ရေးအတွက် ၂၀၁၃-၂၀၁၄ ဖြည့်စွက်ငွေကျပ် ၁၆ ဒသမ ၅၉၉ ဘီလျံနဲ့ ယခု တောင်းခံထားတာကတော့ ၂၀၁၄-၂၀၁၅ ဘတ်ဂျက်မှာ ကျပ် ၁၆၄ ဒသမ ၀၃ ဘီလျံ ( ဘတ်ဂျက် တစ်ရပ်လုံး၏ ၈၂ ရာခိုင်နှုန်း) ဖြစ်ပါတယ်။ ယခု လျာထား တင်ပြထားသည့်အတိုင်း ပြည်ထောင်စုမှ ခွင့်ပြုပေးခဲ့ရင်တော့ ၂၀၁၅ ခုနှစ် ပွင့်လင်းရာသီမှာ ဖြစ်ပေါ်လာမယ့် လမ်းများ အခြေအနေ (မောတောင်-တနင်္သာရီ BOT လမ်းအပါအ၀င်)ကတော့ မလွှဲတောင်မှ တနင်္သာရီ ထုံမခါ လမ်းခွဲအထိ ကတ္တရာခင်းပြီးမှာဖြစ်ပြီး ကျန်နေတဲ့ ထုံမခါ-ကော့သောင်း အကြားမှာ ၇၉ မိုင်သာ ကတ္တရာမခင်းနိုင်ဘဲ ကျောက်ချောလမ်းဖြစ်မှာမို့  နောက်ထပ် ကျပ် ၁၈ဘီလျံ ရရှိခဲ့ရင် မလွှဲတောင်-ကော့သောင်း၊ မောတောင်-တနင်္သာရီ၊ ကျွန်းစုပတ်လမ်း၊ မေတ္တာ-ထားဝယ်-မောင်းမကန်၊ ကမြောကင်း-ကျောက်နီမော်-ရှင်မော်လမ်းအားလုံး ကတ္တရာခင်း လမ်းကြီးများ ဖြစ်လာမှာ ဖြစ်ပါတယ်။ မြိတ်ရှောင်ကွင်းလမ်းနဲ့ သမုတ်တံတား၊ ပလောက်တံတား၊ တနင်္သာရီ မြစ်ကူးတံတားကြီးများ အပါအ၀င် ဆောင်ရွက်မှာဖြစ်လို့ ၃၈ တန် ခံနိုင်တဲ့ တံတားများ ဖြစ်ကြပြီး လေအိတ် ခရီးသည်ကားများနဲ့ ကွန်တိန်နာ ကားကြီးများပါ ဖြတ်သွားနိုင်တဲ့ တံတားများ ဖြစ်လာပါမယ်"ဟု တိုင်းဒေသကြီး လွှတ်တော် ဥက္ကဋ္ဌ ဦးထင်အောင်ကျော်က ပြောကြားသည်။

တနင်္သာရီ တိုင်းဒေသကြီး၏ ၂၀၁၃-၂၀၁၄ ဘတ်ဂျက်တွင် ကျပ် ၄၆ ဒသမ ၄၅၂ ဘီလျံ တောင်းခံထားပြီး ၂၀၁၃-၂၀၁၄ ဖြည့်စွက်တွင် ကျပ် ၇ ဒသမ ၁၂၇ ဘီလျံ တောင်းခံခဲ့ရသောကြောင့် တိုင်းဒေသကြီး၏ ဖြည့်စွက်သည် ဘတ်ဂျက်၏ ၁၅ ဒသမ ၃၄ ရာခိုင်နှုန်း ဖြစ်ခဲ့ပြီး ကန့်သတ်ထားသော ၁၀ ရာခိုင်နှုန်း ကျော်လွန်ခဲ့သည်ကို တွေ့ရှိရကြောင်း၊ သို့သော် နိုဝင်ဘာ ၅ ရက်က ပြည်ထောင်စု လွှတ်တော်မှ တိုင်းဒေသကြီးနှင့် ပြည်နယ်များက တောင်းခံခဲ့ကြသော ဖြည့်စွက်ခွင့်ပြုငွေ အားလုံးကို လုံးဝမဖြတ်ဘဲ ခွင့်ပြုပေးခဲ့ကြောင်း သိရသည်။ လာမည့် ၂၀၁၄-၂၀၁၅ ဘတ်ဂျက်တွင် ပညာရေးက ကျပ် ၆ ဒသမ ၃၂၅ ဘီလျံကို ယခုနှစ်ထက် ၅၄ ရာခိုင်နှုန်း ပိုမိုလျာထား တောင်းခံထားပြီး ကျန်းမာရေးက ကျပ် ၄ ဒသမ ၉၀၆ ဘီလျံကို ယခုနှစ်ထက် ၂၃ ရာခိုင်နှုန်း တင်ပြတောင်းခံထားကြောင်း သိရသည်။ ပြည်ထောင်စုအဆင့်တွင် တစ်နိုင်ငံလုံး အတိုင်းအတာဖြင့် ညှိနှိုင်းကြပြီး မည်မျှရရှိမည်ကို မသိရှိရသေးသော်လည်း သမ္မတရုံးဝန်ကြီး ဦးစိုးသိန်း၏ သြဂုတ် ၁၂ ရက် ထားဝယ်ခရီးစဉ်တွင် တိုင်းဒေသကြီးနှင့် ပြည်နယ်များကို ဘတ်ဂျက် ပိုမိုခွဲဝေပေးမည်ဟု ပြောကြားသွားကြောင်း တိုင်းဒေသ ကြီး လွှတ်တော်ဥက္ကဋ္ဌက ဆက်လက် ပြောကြားသည်။

စကျင်တောင်ရှိ ရှေးဟောင်းသမိုင်းဝင် စေတီပုထိုး နေရာများတွင် ကျောက်ထုတ်လုပ်နေမှုအပေါ် သာသနာပိုင် ဆရာတော်များနှင့် ဒေသခံများ စိုးရိမ်နေ

Posted by drmyochit Sunday, November 10, 2013, under | No comments


မန္တလေးတိုင်းဒေသကြီး မတ္တရာမြို့နယ် စကျင်တောင်ရှိ ရှေးဟောင်းစေတီ ပုထိုးနေရာများတွင် ကျောက်ထုတ်လုပ်ရေး လုပ်ငန်းများ ၀င်ရောက်လုပ်ကိုင်နေမှုအပေါ် သာသနာပိုင် ဆရာတော်များနှင့် ဒေသခံများ စိုးရိမ်ပူပန်လျက်ရှိကြောင်း သိရသည်။

မတ္တရာမြို့နယ် စကျင်ကျေးရွာ အုပ်စုတွင် စကျင်တောင် ကိုးလုံးရှိသည့်အနက် ရွှေဆံရှင်တောင်၊ ကျောင်းတောင်နှင့် ရေချမ်းတောင်တွင် သီရိဓမ္မာသောက မင်းကြီးနှင့် အလောင်းစည်သူမင်းကြီး တည်ထားကိုးကွယ်ခဲ့သော ရှေးဟောင်းစေတီပုထိုး နေရာများတွင် ကုမ္ပဏီများမှ ကျောက်ထုတ်လုပ်ရေး လုပ်ငန်းများ ၀င်ရောက်လုပ်ကိုင်လျက်ရှိကြောင်း သိရသည်။

"ရွှေဆံရှင် တောင်ပေါ်မှာရှိတဲ့ ရွှေဆံရှင်တော်ဘုရား မြေနေရာကို သာသနာပိုင်မြေ ဖြစ်ဖို့အတွက် လွန်ခဲ့တဲ့ ခုနစ်နှစ်လောက်က သက်ဆိုင်ရာကို တောင်းခံခဲ့ဖူးတယ်။ အခုချိန်ထိလည်း မကျသေးဘူ။ စကျင်တစ်ရွာလုံးနဲ့ သက်ဆိုင်တဲ့ ဘုရားလည်းဖြစ်တော့ ထိခိုက်မှု မရှိအောင်တော့ ကျောက်ထုတ်လုပ်ငန်းက တာဝန်ရှိသူတွေနဲ့ ပထမညှိနှိုင်း မေတ္တာရပ်ခံ သွားမယ်။ မရဘူးဆိုရင်တော့ သက်ဆိုင်ရာကို တရားဝင် တင်ပြတောင်းဆို သွားမှာပါ" ဟု စကျင်ကျေးရွာရှိ ဒက္ခိဏာရုံရွှေကျင် နိကာယကျောင်းတိုက်က ကျောင်းတိုင်ဆရာတော် ဦးသံဝရမှ မိန့်ကြားသည်။

"ဒေသခံ ရွာသားတွေ အနေနဲ့ စေတီပုထိုးရှိတဲ့ နေရာတွေကို သာသနာ့နယ်မြေ ဖြစ်နေလို့ ကျောက်ထုတ်လုပ်ငန်းတွေ မလုပ်ရဲကြဘူး။ ကုမ္ပဏီတွေ အနေနဲ့ ရှေးဟောင်းစေတီ ပုထိုးတွေကို တိုက်ရိုက်ထိခိုက် တူးဖော်မှု မလုပ်ပေမယ့် တောင်အခြေလောက်ကနေ ၀ိုက်ပြီး ကျောက်ထုတ်ယူနေတာကို တွေ့ရတယ်။ သာသနာ့မြေမှာ အဲလို ကျင်းချိုင့်ကြီးတွေနဲ့ဆိုတော့ ဘယ်လိုမှ အမြင်မသင့်တော်ပါဘူး" ဟု ရွှေကျောင်းတောင် ကျောက်ဆစ်လုပ်သားများ အဖွဲ့မှ အတွင်းရေးမှူး ဦးစိုးဝင်းက ပြောကြားသည်။
ရွှေဆံရှင်တောင်တွင် သီရိဓမ္မာသောက မင်းကြီးလက်ထက် ရွှေဆံရှင်တော်ဘုရား တည်ရှိပြီး ကျောင်းတောင်တွင် သားမျှော်တောင် စေတီနှင့် အထက်စက်တော်ရာ၊ အောက်စက်တော်ရာ ခြေတော်ရာနှစ်ခုရှိကြောင်း၊ ရေချမ်းတောင်တွင် အလောင်းစည်သူ မင်းကြီးလက်ထက် တည်ထားကိုးကွယ်ခဲ့သော ပွင့်လှကြီး၊ ပွင့်လှလေးစေတီ နှစ်ဆူရှိကြောင်း သိရသည်။
Eleven Media

မြ၀တီ နယ်စပ်ဂိတ်မှ နိုဝင်ဘာ ပထမပတ်အတွင်း ခရီးသွား ၃၀၀ ကျော် ၀င်ထွက်

Posted by drmyochit Sunday, November 10, 2013, under | No comments


မြ၀တီ နယ်စပ်ဂိတ်မှ ခရီးသွား ၀င်ထွက်မှု များပြားလာပြီး နိုဝင်ဘာ ပထမပတ်တွင် နိုင်ငံခြားသားနှင့် မြန်မာနိုင်ငံသားများ ၃၀၀ ကျော် ၀င်ထွက်ခဲ့ပြီး ယခင်လကထက် ရာခိုင်နှုန်းအားဖြင့် မြင့်တက်လာကြောင်း သိရသည်။
မြ၀တီ နယ်စပ်ဂိတ်မှ ပြန်လည်ထွက်ခွာရန် လာကြသော ကမ္ဘာလှည့် ခရီးသွားများမှာ ဒေါနတောင်ပေါ်တွင် ယာဉ်ကြောပိတ်ဆို့မှုကြောင့် မြ၀တီသို့ ရောက်ချိန်နောက်ကျကာ နယ်စပ်မှ တစ်ဖက်နိုင်ငံသို့ ထွက်ခွာရန် အခက်အခဲများနှင့်လည်း ကြုံနေရကြောင်း သိရသည်။

ခရီးသွား ၀န်ဆောင်မှု လုပ်ငန်းလုပ်သူ တစ်ဦးက "ယာဉ်တန်းအတက်နေ့ပေမယ့် စစ်ကြောင်းယာဉ်တန်း အဆင်းရှိလို့ အောက်ဗိုလ်တဲ (ကော့ကရိတ်) မှာ အချိန်အကြာကြီး စောင့်ခဲ့ရပါတယ်။ တံတားကလည်း ၆ နာရီ ပိတ်တော့ အတော်ကို ကသိကအောက် ဖြစ်ရပါတယ်" ဟု ပြောကြားခဲ့သည်။

ဗြိတိန်၊ အမေရိကန်၊ သြစတြီးယား၊ နယ်သာလန် နိုင်ငံသားများ ပါဝင်သည့် ကမ္ဘာလှည့် ခရီးသွား၂၂ ဦးသည် မူဆယ်နယ်စပ်ဂိတ်မှ ၀င်ရောက်လာပြီး မြန်မာနိုင်ငံအတွင်း ၁၉ ရက် လည်ပတ်ကာ နိုဝင်ဘာ ၈ ရက်တွင် မြ၀တီနယ်စပ်မှတစ်ဆင့် ထိုင်းနိုင်ငံသို့ ပြန်လည်ထွက်သွားခဲ့ကြောင်း သိရသည်။ နိုဝင်ဘာ ၈ ရက်က စင်းလုံးငှား မော်တော်ယာဉ်နှင့် လာရောက်လည်ပတ်သူ ၂၂ ဦး အပါအ၀င် မြ၀တီ နယ်စပ်ဂိတ်မှ ၆၁ ဦး ၀င်ထွက်ခဲ့သည်။
မြ၀တီ နယ်စပ်ပေါက်မှ နိုဝင်ဘာ ၁ ရက်မှ ၈ ရက်အထိ နိုင်ငံခြားသား ၄၂ ဦး ၀င်ရောက်ခဲ့ပြီး ၄၆ ဦး ပြန်လည်ထွက်ခွာခဲ့ကြောင်း၊ ထိုင်းနိုင်ငံသား ၃၂ ဦး ၀င်ရောက်လာခဲ့သလို ပြန်လည်ထွက်ခွာသူ ၁၀၁ ဦးရှိပြီး ယင်းတိုမှာ တန်ခိုးကြီး ဘုရားများအား လာရောက်ဖူးမြော်ရန်၊ စီးပွားရေး လုပ်ငန်းများအား လေ့လာရန်နှင့် သဘာဝတောတောင် ရေမြေရှုခင်း အလှများကို ကြည့်ရှုခံစားရန် ၀င်ရောက်လာခြင်းဖြစ်ပြီး မြန်မာနိုင်ငံသားများ အပါအ၀င် ၃၁၄ ဦး ၀င်ထွက်သွားလာခဲ့ပြီးဖြစ်ကြောင်း သိရသည်။

ထို့အပြင် မြ၀တီ နယ်စပ်ဂိတ်အား အပြည်ပြည်ဆိုင်ရာ ၀င်ထွက်ပေါက်အဖြစ် ဖွင့်လှစ်လိုက်ပြီးနောက် မြန်မာနိုင်ငံ အတွင်းသို့ ပတ်စ်ပို့နှင့် ဗီဇာဖြင့် နိုင်ငံခြားသား ၀င်ရောက်လည်ပတ်မှု မြင့်တက်လျက်ရှိကာ ထိုင်းနိုင်ငံသား အများဆုံးဖြစ်ပြီး သြဂုတ် ၂၈ ရက်မှ နိုဝင်ဘာ ၈ ရက်ထိ ၆၈၁ ဦး ၀င်ထွက်ခဲ့ကြောင်းနှင့် နိုင်ငံခြားသား ၄၇၅ ဦး ၀င်ထွက်ခဲ့ကြောင်း သိရသည်။

နိုင်ငံတော်မှ အသေးစားနှင့် အလတ်စား လုပ်ငန်းများအတွက် ချေးငွေ ကျပ် ၃၀ ဘီလျံ တိုးမြှင့်ထုတ်ချေး သွားမည်

Posted by drmyochit Sunday, November 10, 2013, under | No comments


နိုင်ငံတစ်ဝန်း အသေးစားနှင့် အလတ်စား လုပ်ငန်းရှင်များအတွက် နိုင်ငံတော်မှ ကျပ် ၃၀ ဘီလျံအား တိုးမြှင့်ထုတ်ချေး သွားမည်ဖြစ်ကြောင်း မြန်မာနိုင်ငံ အသေးစားနှင့် အလတ်စား လုပ်ငန်းများ ဖွံ့ဖြိုးတိုးတက်ရေး ဌာနမှ သိရသည်။

အဆိုပါကိစ္စနှင့် ပတ်သက်၍ အသေးစားနှင့် အလတ်စား လုပ်ငန်းများ ဖွံ့ဖြိုးတိုးတက်ရေး ဌာနမှ လက်ထောက်ညွှန်ကြားရေးမှူး ဒေါ်ခင်သော်တာဝင်းက "ကျွန်မတို့ ပထမအကြိမ် ၂၀၁၂ ခုနှစ် ဒီဇင်ဘာလထဲမှာ ပထမအကြိမ် အနေနဲ့ ငါးဘီလျံ ချပေးပါတယ်။ နောက် ၂၀၁၃ ခုနှစ် ဇူလိုင်လထဲမှာ ငါးဘီလျံ ထပ်မံချပေးပါတယ်။ အခုတစ်ခါမှာတော့ နိုင်ငံတော်က ဒီအသေးစား အလတ်စား လုပ်ငန်းရှင်တွေအတွက် ဒီအသေးစား အလတ်စား ဖွံ့ဖြိုးတိုးတက်ရေးဘဏ်ကို ဘီလျံ ၃၀ ချထားပေးဖို့ ရှိပါတယ်" ဟု ပြောကြားသည်။
ြ်မန်မာနိုင်ငံအတွင်း တရားဝင် မှတ်ပုံတင်ထားသည့် အသေးစားနှင့် အလတ်စား လုပ်ငန်းပေါင်း ၆၄၀၀၀ ကျော်နှင့် မှတ်ပုံမတင်ထားသည့် လုပ်ငန်းပေါင်း ၆၂၀၀၀ ၀န်းကျင်ခန့်ရှိပြီး နိုင်ငံတော်မှာ တရားဝင် မှတ်ပုံတင်ထားသည့် လုပ်ငန်းပေါင်း ၆၄၀၀၀ အတွက် ၂၀၁၂ ခုနှစ် ဒီဇင်ဘာမှ ၂၀၁၃ ခုနှစ် ဇူလိုင်အထိ ၁၀ ဘီလျံအား ချေးငွေအဖြစ် ချထားပေးခဲ့သည်။ 

"ကျွန်မတို့ အသေးစား အလတ်စား လုပ်ငန်းများ ဖွံ့ဖြိုးတိုးတက်ရေး အသင်းကနေပြီးတော့ ပထမနှစ်ကြိမ် ချထားတဲ့နေရာမှာ လုပ်ငန်းရှင် ၆၂ ဦးကို ချေးငွေချထားပေးပြီး ဖြစ်ပါတယ်။ နောက်ပြီး နယ်ဘက်မှာရှိတဲ့ အသေးစားနှင့် အလတ်စား လုပ်ငန်းရှင်တွေ ချေးငွေရရှိနိုင်ဖို့အတွက် တိုင်းနှင့်ပြည်နယ် ၁၅ ခုမှာ အသေးစားနှင့် အလတ်စား ရုံးခွဲတွေ ထပ်မံဖွင့်လှစ်သွားဖို့ ရှိပါတယ်" ဟု ၎င်းကဆက်လက် ပြောကြားသည်။

အသေးစားနှင့် အလတ်စား ဖွံ့ဖြိုးတိုးတက်ရေးဘဏ် အနေဖြင့် အသေးစားနှင့် အလတ်စား လုပ်ငန်းရှင်များအား အတိုး ၈ ဒသမ ၅ ရာခိုင်နှုန်းဖြင့် အများဆုံး ရာခိုင်နှုန်း ၅၀ နှင့် အနည်းဆုံး ရာခိုင်နှုန်း ၃၀ အဖြစ် ချေးငွေများ ထုတ်ချေးပေးလျက်ရှိပြီး ချေးငွေကာလကိုလည်း ယခင်တစ်နှစ်မှ သုံးနှစ်အထိ တိုးမြှင့်ပေးထားကြောင်း သိရသည်။

လူထောင်ချီသေဆုံးဖွယ် ရှိသည့် ဖိလစ်ပိုင်

Posted by drmyochit Sunday, November 10, 2013, under | No comments


ဖိလစ်ပိုင်နိုင်ငံမှာ သောကြာနေ့တုန်းက အလွန်အင်အားပြင်းထန်တဲ့လေမုန်တိုင်း တိုက်ခတ်ပြီးတဲ့နောက် ကမ်းရိုးတန်းမြို့ဖြစ်တဲ့ Tacloban မြို့တမြို့တည်းမှာတင် လူပေါင်း ၁,၀၀၀ ကျော် သေဆုံးခဲ့ရပြီး Samar ခရိုင်အတွင်းမှာလည်း သေဆုံးသူ ၂၀၀ ထက် မနည်းရှိတယ်လို့ ဖိလစ်ပိုင် ကြက်ခြေနီအဖွဲ့က ပြောဆိုလိုက်ပါတယ်။

Tacloban မြို့နဲ့ Samar ခရိုင်တွေမှာရှိတဲ့ ကြက်ခြေနီအဖွဲ့တွေရဲ့ ကနဦး သတင်းပေးပို့ချက်တွေကို အခြေခံပြီး အခုလို သေဆုံးအရေအတွက်ကို ထုတ်ပြန်ရတာဖြစ်ကြောင်း ဖိလစ်ပိုင်ကြက်ခြေနီအသင်းရဲ့ အထွေထွေ အတွင်းရေးမှူး Gwendolyn Peng က ပြောဆိုကြောင်း Reuters သတင်းဌာနက ဖော်ပြပါတယ်။

ဒေသတွင်းမှာရှိတဲ့ ကြက်ခြေနီအဖွဲ့ရဲ့ ပြောဆိုမှုအရ ရေထဲမှာမြောနေတဲ့ သေဆုံးသူ အလောင်း ၁,၀၀၀ ကျော် ရှိတဲ့ အကြောင်း သူမက Reuters သတင်းဌာနကို ပြောဆိုခဲ့ပါတယ်။ လူသေဆုံးမှုအခြေအနေဟာ တိုးများလာနိုင်တဲ့ အနေအထားမှာရှိနေပြီး ပျက်စီးဆုံးရှုံးမှု အခြေအနေတွေဟာလည်း တိတိကျကျ ပြောနိုင်ဖို့အတွက် အချိန်ယူရလိမ့်အုံးမှာ ဖြစ်ပါတဲ့အကြောင်း ကနဦးသတင်းတွေမှာ ဖော်ပြထားပါတယ်။

ဟိုင်ယန် အမည်ရှိတဲ့ တိုင်ဖုန်းလေမုန်တိုင်းဟာ ကမ္ဘာ့သမိုင်းမှာ အပျင်းထန်ဆုံး တိုက်ခတ်ခဲ့တဲ့ လေမုန်တိုင်းတွေထဲက တခုဖြစ်ပါတယ်။ မုန်တိုင်း တိုက်ခတ် မှုကြောင့် ဖိလစ်ပိုင်နိုင်ငံအလယ်ပိုင်းမှာ လျှပ်စစ်ဓာတ်အားနဲ့ ဆက်သွယ်ရေး လိုင်းတွေ ပြတ်တောက်နေပြီး အဆောက်ဦးတွေ ပြိုကျပျက်စီးမှုတွေ၊ သစ်ပင်တွေ အမြစ်ကနေကျွတ်ထွက်သွားတာတွေ၊ ရေကြီး မြေပြိုမှုတွေ ဖြစ်ပွားနေပါတယ်။

မုန်တိုင်းမတိုက်ခတ်ခင် အာဏာပိုင်တွေက လူပေါင်း ၈ သိန်းနီးပါးကို ဘေးလွတ်ရာ ရွှေ့ပြောင်းပေးနိုင်ခဲ့တယ်လို့ ဆိုပါတယ်။ ဖိလစ်ပိုင်နိုင်ငံမှာတော့ အဲဒီမုန်တိုင်းကို ယိုလန်ဒါ မုန်တိုင်းလို့ ခေါ်ကြပြီး ဒီမုန်တိုင်းဟာ ခရိုင် ၃၆ ခရိုင်အတွင်းမှာရှိတဲ့ လူပေါင်း ၄ သန်း ကျော်ကို သက်ရောက်မှုဖြစ်စေခဲ့တာပါ။

လေမုန်တိုင်းဟာ တနာရီကို မိုင် ၁၉၀ ကျော် နှုန်းနဲ့ တိုက်ခတ်ခဲ့တာဖြစ်ပြီး အခုတော့ အားလျော့သွားပြီး ပင်လယ်ပြင်ကို ဖြတ်ကာ ဗီယက်နမ် နိုင်ငံဘက် ဆီကို ဦးတည်ရွှေ့လျှားနေပါတယ်။ ဗီယက်နမ်နိုင်ငံကို တနင်္ဂနွေနေ့မှာ ၀င်ရောက် တိုက်ခတ်လိမ့်မယ်လို့ မျှော်လင့်ရပါတယ်။

ဗွီအိုအေ (မြန်မာဌာန)

မြန်မာ့ငပိနဲ့ ယူရီးယားဓါတ်မြေသြဇာ

Posted by drmyochit Sunday, November 10, 2013, under | No comments


မြန်မာ့ထမင်းဝိုင်းမှာ အမြဲလိုလိုတွေ့ရလေ့ရှိတဲ့ ငပိကိုသိပ်ရာမှာ မြန်မြန်ရောင်းလို့ ရအောင် ယူရီးယားဓါတ်မြေသြဇာတွေ ထည့်ကြတယ်ဆိုတဲ့ သတင်းကြောင့် ငပိစားဖို့ ကြောက်နေသူတွေအတွက် ဓါတုဗေဒပညာရှင် ဒေါက်တာခင်မောင်ညိုကို မးမြန်းပြီး တင်ပြပေးထားပါတယ်။

ယူရီးယားကို Carbamide လို့လည်း လူသိများပါတယ်။ သူ့ကို သက်ရှိသတ္တဝါတွေရဲ့ အညစ်အကြေးအဖြစ် စွန့်ပစ်ရာမှာ ဆီးမှာ အဓိကတွေ့နိုင်ပါတယ်။ ယူရီးယားဓါတ်ဟာ ငပိထဲမှာပါနေနိုင်သလို ယူရီးယား တွေ့တာနဲ့ ဓါတ်မြေသြဇာထည့်ထားတယ်လို့ မပြောနိုင်ကြောင်းနဲ့ ငပိလုပ်ငန်းမှာ ယူရီးယားထည့်ပြီး ငပိဖြစ်အောင် လုပ်ဖို့မလိုသလို ယူရီးယားပါနေတာကလည်း လူအတွက် အန္တရာယ်မဖြစ်စေဘူးလို့ ဆိုပါတယ်။

ဒါ့ပြင် ငပိဟာ အဟာရကြွယ်ဝတဲ့ အစားအစာဖြစ်ပြီး မြန်မာနိုင်ငံကထွက်တဲ့ ငပိနဲ့ ငါးခြောက်တွေဟာ တခြားဒေသထွက်တွေထက် အရသာထူးကဲပါတယ်။ ဒါဟာသူ့မှာ ပါဝင်တဲ့ ဘက်တီးရီးယားကြောင့်ဖြစ်ပြီး ဒီဘက်တီးရီးယားကလည်း အရပ်ဒေသကို လိုက်ပြီး အမျိုးကွဲပြားလေ့ရှိတာကြောင့်ပါ။
VOA

"ဗုဒ္ဓလက်ထက် အရှင်လတ်လတ် မြေမျိုခံခဲ့ရသူ (၅)ဦး"

Posted by drmyochit Sunday, November 10, 2013, under | No comments


 မိလိန္ဒပဥှပါဠိတော် (၁၀ဂ)တွင် ဂေါတမဘုရားရှင် သာသနာတော် အတွင်း၌ အရှင်လတ်လတ် မြေမျိုခံခဲ့ရသူ ငါးဦးရှိကြောင်း ဖော်ပြထား၏။ ထိုငါးဦးမှာ - (၁) စိဉ္စမာဏ (၂) သုပ္ပဗုဒ္ဓ (၃) အရှင်ဒေဝဒတ် (၄) နန္ဒကဘီလူး (၅) နန္ဒလုလင် တို့ပင် ဖြစ်သည်။ ၁။ စိဉ္စမာဏ ---------------- စိဉ္စမာဏသည် ဘုရားလက်ထက် တိတ္တိဆရာကြီးများ၏ စေခိုင်းမှုကြောင့် မြတ်စွာဘုရားရှင်အား အမျိုးမျိုး စွပ်စွဲခဲ့သူ ဖြစ်သည်။ စိဉ္စမာဏသည် မြတ်ဗုဒ္ဓအား လူအများ အထင်လွဲမှားစေရန် ရည်ရွယ်၍ ညနေချမ်းလူများ မြင်ရချိန်တွင် ဘုရားကျောင်းတော်အတွင်း ဝင်သွားပြီး မနက်စောစော လူအများကျောင်းကို လာချိန်တွင် ဘုရားကျောင်းတော်မှ ပြန်ထွက်လာဟန် ပြုမူနေထိုင်ခဲ့ပြီး အတော်အတန် ကြသည့်အခါ ရဟန်းဂေါတမနှင့် ကိုယ်ဝန်ရသည့် ပုံစံဖြင့် မိမိဝမ်းဗိုက်တွင် ပြင်ချပ်ချည်ကာ တရားဟောနေသည့် ဘုရားရှင်အား တရားနာပရိတ်သတ်ကြားတွင် စွပ်စွဲလေ၏။ မြတ်ဗုဒ္ဓက မေတ္တာတရားဖြင့်သာ နေတော်မူချိန် နတ်သားလေးယောက်တို့က ကြွက်ယောင်ဖန်းဆင်းပြီး စိဉ္စမာဏ၏ ကိုယ်ဝန်အတုကို ကိုက်ဖြတ်ကာ အမှန်ကို ဖော်ထုတ်ပေးခဲ့သည်။ ထိုအခါမှသာ တရားနာပရိတ်သတ်များလည်း အမြင်ရှင်းကာ ထိုအမျိုးသမီးအား ရိုက်ပုတ်ပြီး ကျောင်းအပြင်သို့ နှင်ထုတ်လိုက်ကြလေသည်။ စိဉ္စမာဏသည် ဘုရားရှင် မျက်ကွယ်သို့ ရောက်သည့်ခဏမှာပင် မြေမျိုခံခဲ့ရလေတော့သည်။ အဝီစိငရဲမှ မီးလျှံများသည် စိဉ္စမာဏအား ရစ်ပတ်၍ အဝီစိငရဲသို့ ခေါ်ဆောင်သွားခဲ့လေသည်။ ၂။ သုပ္ပဗုဒ္ဓ ------------- သုပ္ပဗုဒ္ဓသည် ဘုရားရှင် သိဒ္ဓတ္ထမင်းသား ဘဝက တော်စပ်ခဲ့ရသည့် ယောက္ခမ သကျသာကီဝင် မင်းမျိုးဖြစ်၏။ ဒေဝဒတ်နှင့် ယသော်ဓရာတို့၏ အဖေ၊ သိဒ္ဓတ္ထမင်းသား၏ ဦးရီးတော်လည်း ဖြစ်၏။ သုပ္ပဗုဒ္ဓသည် တူတော်သိဒ္ဓတ္ထမင်းသာ ဘုရားအဖြစ်ကို ရောက်ပြီးနောက်ပိုင်း သမီးတော် ယသော်ဓရာကို ထားခဲ့သည့် အကြောင်း၊ သားတော် ဒေဝဒတ်၏ ရန်သူအရာ၌တည်ခဲ့သည့် အကြောင်း၊ မိမိထက်ငယ်ရွယ်သူ တူတော်မောင် တစ်ယောက်အပေါ် ရိုသေလေးစားမှု မပြုလိုသည့်အကြောင်း စသည့်အကြောင်းများဖြင့် ဘုရားရှင်အပေါ် ရန်ငြိုးထားသူ ဖြစ်သည်။ တစ်နေ့တွင် ဘုရားရှင်ကြွတော်မူရာ လမ်းကိုပိတ်ပင်တားဆီး၊ ဘုရားရှင်တို့၏ ခရီးလမ်းကို နှောက်ယှက်ဖျက်ဆီးသည်ကို အကြောင်းပြု၍ ဘုရားရှင်က ဦးရိးတော်သည် ဤအကုသိုလ်ကြောင့် (၇)ရက်လွန်သည့်အခါ ပြဿဒ်ခြေရင်း လှေခါးရင်းတွင် မြေမျိုခံရမည် ဖြစ်ကြောင်း မိန့်တော်မူခဲ့သည်။ ထိုအကြောင်းကို သုပ္ပဗုဒ္ဓ ကြားသိသည့်အခါ မြတ်စွာဘုရားစကား မမှန်အောင်နေပြီး မုသာဝါဒဖြင့် စွပ်စွဲမည်ဟု နှလုံးပိုက်ကာ ဘုံ(၇)ဆင့်ရှိသည့် ပြဿဒ်ထက်ဝယ် နေခဲ့လေ၏။ သို့သော် (၇)ရက်မြောက်သည့်နေ့တွင် ရှင်ဘုရင်၏ မင်္ဂလာစီးတော်မြင်း၏ မြည်ဟီးကာ သောင်းကျန်းနေသည်ကို အကြောင်းပြုပြီး စီးတော်မြင်အား တားဆီးရန် သတိလက်လွတ်ဖြင့် ပြဿဒ်ထက်မှ ဆင်းသက်မိရာက လှေကားခြေရင်းတွင် မြေမျိုကာ အဝီစိငရဲသို့ ကျရောက်ခဲ့ခြင်း ဖြစ်သည်။ ဘုရားရှင်တို့၏ စကားတော်သည် လွဲချော်ရိုးထုံးစံမရှိသည့်အလျောက် (၇)ရက်မြောက်လျင် မြေမျိုခံရမည့်သုပ္ပဗုဒ္ဓ္ပသည်လည်း မဖြစ်မနေ အကြောင်းဖန်ကာ မြေမျိုသေဆုံးခဲ့ခြင်း ဖြစ်သည်။ ၃။ အရှင်ဒေဝဒတ် ---------------------- ဒေဝဒတ် မြေမျိုခြင်းအကြောင်းကား အတော်များများ သိထားပြီး ဖြစ်၏။ မြတ်ဗုဒ္ဓ၏ ယောက်ဖတော်လည်းဖြစ်၊ ညီကိုတော်လည်း ဖြစ်သည့် ရှင်ဒေဝဒတ်သည် ရဟန်းအဖြစ်ကို ရရှိပြီးနောက် မိမိနောက်မှ ရောက်လာကြသည့် အရှင်သာရိပုတ္တရာနှင့် အရှင်မဟာမောဂ္ဂလာနတို့ကို ဘုရားရှင်က အဂ္ဂသာဝက ရာထူးများ ပေးအပ်လိုက်ချိန်မှစ၍ ဘုရားရှင်အပေါ် ရန်ငြိုးဖွဲ့မှုများ တိုးပွားလာခဲ့ခြင်း ဖြစ်သည်။ ဘုရားရှင်ကို အမျိုးမျိုး အတိုက်အခံပြု ဆန့်ကျင်ဘက်ပြုကာ ဘုရားကို သွေးစိမ်းတည်အေငာ် လုပ်ခြင်း၊ ညီညွတ်နေသည့် သံဃာတော်များ ကွဲပြားသွားအောင် သံဃာသင်းခွဲခြင်း စသည့် ပဉ္စာနန္တရိယကံများအထိ ကျူးလွန်မိခဲ့သည်။ မြတ်ဗုဒ္ဓနှင့် လမ်းခွဲကာ နောက်ပါတပည့်များနှင့် နေပြီးမကြာခင်မှာ ရောဂါစွဲကပ်လာခဲ့သည့် ရှင်ဒေဝဒတ်သည် မိမိ၏အမှားများအပေါ် နောင်တတရားများ ဖြစ်ခဲ့လေ၏။ နောက်ဆုံး ဘဝနိဂုံးမချုပ်ခင် မြတ်စွာဘုရားအား ဖူးမြော်လိုကြောင်း တပည့်များအား တိုးလျိုးတောင်းပန်သဖြင့် တပည့်များက ထမ်းစင်ဖြင့် ဘုရားရှင်ရှိရာ ဇေတဝန်ကျောင်းတော်သို့ ပို့ဆောင်စဉ် ကျောင်းဘေးနားရှိ ရေကန်နားအရောက် တပည့်များက ထမ်းစင်ကိုချပြီး ရေကန်ဘက်အသွား တပည့်များအလာကို မစောင့်နိုင်ဘဲ ဘုရားကျောင်းတော်ကို မိမိကိုယ်တိုင် အားပြုရုန်းထလျက် ထမ်းစင်ပေါ်မှ အဆင်းမှာပင် မဟာပထဝီမြေကြီး ကွဲအက်ကာ အရှင်လတ်လတ် မြေမျိုခံခဲ့ရခြင်း ဖြစ်သည်။ ၄။ နန္ဒကဘီလူး ------------------- နန္ဒကဘီလူးသည် သူတော်ကောင်း ဓာတ်ခံအလွန်နည်းပါးသည့် ဘီလူးဖြစ်သည်။ ထို့ကြောင့် သူတော်ကောင်းများ အပေါ်တွင်လည်း မနောကံအပြင် ဝစီကံ၊ ကာယကံတွေနဲ့များဖြင့် ကိုယ်ထိလက်ရောက် ဆော်ကားလေ့ရှိသည်။ တစ်ချို့ဆော်ကားမှု အပိုင်းများသည် လက်တွေ့ပိုင်းမှာ အကျိုးသက်ရောက်မှု မရှိသော်လည်း ပညာရှိသူတော်ကောင်း၊ သီလသမာဓိပညာ အားကောင်းသည့် အရိယာသူတော်ကောင်းများကို ဆော်ကားမိပါက လက်တွေ့ခံရသည်ကို နန္ဒကဘီးလူး သဘောပေါက်သွားခဲ့သည်။ တစ်နေ့ "အရှင်သာရိပုတ္တရာ" မထေရ်မြတ်သည် ဂိဇ္ဈဂုတ်တောင်တွင် တရားအားထုတ်နေစဉ် နန္ဒကဘီလူး ရောက်ရှိလာပြီး တရားအားထုတ်၍ မရအောင် အမျိုးမျိုး နှောက်ယှက်လေသည်။ နောက်ဆုံး မထေရ်မြတ်၏ ဦးခေါင်းတော်ကို ကိုယ်ထိလက်ရောက် ရိုက်ပုတ်သည်အထိ ဆော်ကားနှောက်ယှက်ခဲ့သည်။ ထိုအကုသိုလ် အကျိုးကြောင့် နန္ဒကဘီလူးသည် မြေကြီးကွဲအက်ကာ အဝီစိငရဲမှ ခေါ်ဆောင်သွားခြင်းကို ခံခဲ့ရသည်။ နန္ဒကဘီလူးသည် လက်တွေ့ဘဝတွင် သူတော်ကောင်းကို စော်ကားမိသဖြင့် အရှင်လတ်လတ် မြေမျိုးခဲ့ရလေသည်။ ၅။ နန္ဒလုလင် ------------------ နန္ဒလုလင်သည် ရဟန္တာမထေရ်မကို ဆော်ကားမိသဖြင့် အရှင်လတ်လတ်မြေမျို ခံခဲ့ရသူဖြစ်သည်။ သူဆော်ကားခံရသူမှာ "ဥပ္ပလဝဏ် ထေရီမ" ဖြစ်သည်။ ဥပ္ပလ၀ဏ်ထေရီမသည် "တန်ခိုးကြီးသောအရာ၌ အမြတ်ဆုံးဧတဒဂ်ဘွဲ့ရ ရဟန္တာထေရီမ" တစ်ဦး ဖြစ်ပေသည်။ ထေရီမသည် တန်ခိုးကြီးသည်သာမက ဥပဓိသမ္ပတ္တိနှင့်လည်း ပြည့်စုံသဖြင့် ထေရီမဖြစ်သော်လည်း လူယောက်ျားများ၏ စိတ်ဝင်စားမှုကို ခံရသူဖြစ်သည်။ ထိုအထဲတွင် နန္ဒလုလင်လည်း တစ်ဦးအပါအဝင် ဖြစ်သည်။ တစ်နေ့သော် နန္ဒလုလင်သည် လူသူကင်းဆိတ်ချိန်တွင် ထေရီမ၏ ကျောင်းသင်္ခမ်းသို့ ရောက်ရှိလာပြီး ထေရီမအား အဓမ္မပြုကျင့်လေသည်။ ရဟန္တာဖြစ်နေသည့် ထေရီမအား ဆော်ကားမိသဖြင့် ယင်းအကုသိုလ်ကံ အကျိုးကြောင့် နန္ဒလုလင်မှာ မြေကြီးကွဲအက်၍ အရှင်လတ်လတ် မြေမျိုခြင်းကို ခံခဲ့ရပြီး အဝီစိငရဲသို့ ကျရောက်သွားခဲ့လေသည်။ ဤကား ဒိဋ္ဌဓမ္မဝေဒနီယကံ၏ အကျိုးဆက်အဖြစ် လက်ရှိဘဝမှာပင် သူတော်ကောင်းကို ဆော်ကားမိသဖြင့် အရှင်လတ်လတ်မြေမျိုခံခဲ့ရသည့် ပုဂ္ဂိုလ်ငါးဦးအကြောင်း တစေ့တစောင်းပင် ဖြစ်ပါသည်။ ဓမ္မစာပေပရိတ်သတ် တစ်ဦး၏ တောင်းဆိုချက်ကို အကျဉ်းချုပ်၍ ရေးသားဖော်ပြလိုက်ပါသည် အများသူငါ ဗဟုသုတ တိုးစေရန်လည်း တစ်ဆင့်ပြန်လည် မျှဝေလိုက်ပါသည်။ မေတ္တာဖြင့် - [မနာပဒါယီ အရှင်ဝိစိတ္တ (ဒိုက်ဦး)]

 Dhamma Danã Source ----youngbuddhistassociation

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်