စင်ကာပူတွင် သေဆုံး၊ မြှတ်နှံသဂြိုလ်ခံသူများ

လူတစ်ယောက်သေရင်၊ ဘယ်လိုလုပ်ရမယ်၊ ဘယ်လောက်ကုန်ကျသလဲဆိုတာတွေ၊ သေဆုံး သူရဲ့ ရုပ်ကြွင်း ကို အမှတ်တရဖြစ်အောင် ဘယ်လိုလုပ်ရမလဲ။ မွေးနေ့ဆင်နွဲခြင်း၊ သေဆုံးရုပ် အလောင်း သဂြိုလ်ခြင်းတွေ ကို အထူးသဖြင့် ငွေတတ်နိုင်သော မိသားစုက အကြီးကျယ်လုပ်ကြပါသည်။ စင်ကာပူတွင် အနည်း ဆုံး ဒေါ်လာ၂၀၀၀ မှ အများဆုံး ဒေါ်လာသောင်းဂဏန်း၊ သိန်းဂဏန်းထိ ကုန်ကျခံကြသည်။ သခြိုင်းများ လည်း မြို့အပြင်သို့ရွှေ့ကြသည်။

ကျနော် ရန်ကုန်စက်မှုတက္ကသိုလ်ရောက်စဉ်၊ ၁၉၈၀ခုနှစ်က အားလပ်ရက်လျှောက်လည်ရာမှ မမျှော်လင့်ပဲ ဟံသာဝတီအဝိုင်းအနီးမှ ကြံထောသုဿန်သို့ ရောက်ရှိသွားသဖြင့် တစ်ရက်လုံး အုတ်ဂူများအား ကြည့်ရှုရင်း အချိန်ကုန်သွားသည်။ မှတ်မှတ်ရရ .. မြန်မာ့နိုင်ငံရေးခေါင်းဆောင်ကြီးများ၊ စာရေးဆရာများ၊ သူတို့မွေးနေ့နှင့်သေနေ့ ၂ခုဖြင့် အသက်၆၀၊ အသက်၇၀ စသဖြင့် ကွယ်လွန်၊ ဂူသွင်းထားသည့် အုတ်ဂူများစွာတွေ့ရသည်။ ဒေါ်ခင်မေသန်း (ဗိုလ်ချုပ်ကြီးနေဝင်း၏ ဇနီးသည်) အုတ်ဂူကိုရောက်ရှိကြည့်ရှုခဲ့စဉ်က မြန်မာနိုင်ငံကို ဦးနေဝင်းက မ.ဆ.လ ပါတီအကြီးအကဲအဖြစ် အုပ်ချုပ်နေဆဲကာလဖြစ်သည်။ ထိုစဉ်ကာလ ၁၉၈၀တွင် ဟံသာဝတီအဝိုင်းပတ်လည်သည် မြို့လည်ခေါင်ဖြစ်နေပါသည်။ လာရောက်မြေမြှတ်သဂြိုလ်နေသော အသုဘများကိုလည်း တွေ့ရသည်။

 နောက်ပိုင်း န.အ.ဖ လက်ထက် ၁၉၉၀ အလွန်နှစ်များတွင် လူများကို အတင်းကျပ်ရွှေ့ပြောင်းခြင်းဖြင့် လှိုင်သာယာ၊ တောင်ဒဂုံ၊ မြောက်ဒဂုံ၊ ရွှေပေါက်ကန် စသည့်မြို့သစ်များ ပေါ်လာသည်။ လူသေများကိုလည်း အတင်းအကြပ်ရွှေ့ပြောင်းခြင်းဖြင့် သုဿန်များသည် ကားဈေးကွက်နေရာများဖြစ်လာကြသည်။ ယခုအခါတွင် ထိုနေရာများ (သုဿန်မြေနေရာဟောင်းများ) မှာ အလွန်တန်ဖိုးကြီးသော လူနေ၇ပ်ကွက်အိမ်ယာများ ဖြစ်နေလေပြီ။

 မြန်မာပြည်တွင် သုဿန်ရွှေ့ခြင်း

 ပြည်သူလူထုထံ အသိပေးခြင်း လပိုင်းမျှသာကြာတတ်သည်။ အလောင်း (အရိုး) ဖေါ်ပြီး ပြန်ရွှေ့သည့်လုပ်ငန်းကို မိမိပိုက်ဆံဖြင့်လုပ်ရသည်။ ငွေမတတ်နိုင်သူများမှာ မိမိတို့ မိဘများ၊ အုတ်ဂူကိုပင် တစ်နှစ်တခါ သန့်ရှင်းရေးမလုပ်နိုင်ကြ။ အုတ်ဂူဖေါက်ခိုးခံရခြင်းမှာလည်း ရိုးနေပြီဖြစ်သည်။ နောက်ဆုံး မိမိစရိတ်ဖြင့် အရိုးအိုးတူးထုတ်ပြီး၊ သခြိုင်းအသစ်သို့ အစိုးရသတ်မှတ်ပေးသော နေရာတွင် ထပ်မံမြှတ်နှံရသည်။ ငွေတတ်နိုင်လျှင် အုတ်ဂူအသစ် ဆောက်လုပ်ရသည်။ ရယ်စရာလိုလို ..ပုံပြင်လိုလို.. န.အ.ဖ ခေတ် တာမွေသခြိုင်းကိုရွှေ့အပြီးတွင် ညအချိန်၊ ရဲတပ်ဖွဲ့မှုးမှ ကားကြီးအချို့ ကို ချောဆွဲပြီး ဝိညာဉ်၊ တစ္တေများ နေရာရွှေ့ခြင်းကို လုပ်ရသည်။ ရဲအရာရှိက သခြိုင်းတွင် အမိန့်စာတန်းကိုဖတ်ပြသည်။ သင်တို့နေရာကို ရွှေ့လိုက်ပြီဖြစ်သဖြင့် ယခုကားဖြင့် နေရာသစ်သို့ ပို့ဆောင်ပေးမည်။ ကားပေါ်တက်ကြပါ..ဟု ကျယ်လောင်စွာအမိန့်ပြန်တမ်းထုတ်ရသည်။ ထိုကားကို စောင့်ကြည့်နေသူက အမိန့်ပြန်တမ်းကြေငြာပြီးသည်နှင့် ကားဘီးပင် ပြားလုမတတ် ညွှတ်ကျသွားသည်ဟုဆိုသည်။ ထို့နောက် သခြိုင်းအသစ်သို့ကားမောင်းသွားပြီး၊ အမိန့်ပြန်တမ်း ထပ်ကြေညာရသည်။ ဆင်းနိုင်ပြီ ဟု ကြေညာပြီးချိန် ညွတ်ကျနေသော ကားဘီးများ ပုံမှန်ပြန်ဖြစ်သွားသည်ဟု ဆိုသည်။ တခါ သခြိုင်းဟောင်းတွင် သူရဲ့အရမ်းခြောက်နေဆဲဖြစ်သောကြောင့် အထူးကားတစ်စီးဖြင့် ထို မသိလိုက်သဖြင့် ကျန်ရစ်ခဲ့သော သရဲအတွက် အမိန့်ပြန်တမ်း ပြန်ထုတ်ကာ သယ်ဆောင်ပေးရသည်ဟု ..ပြောဆိုကြသည်။


 စင်ကာပူတွင် သုဿန်ရွှေ့ခြင်း

 မြို့ကြီးဖြစ်လာသည်နှင့်အညီ စင်ကာပူတွင်လည်း သုဿန်များစွာကို ချွာကြူကန်းဒေသသို့ ပြောင်းရွှေ့ရသည်။ အမိန့်ပြန်တမ်း ထုတ်သလား၊ မထုတ်သလားတော့ မသိရပါ။ အင်္ဂလိပ်လက်အောက် မြန်မာ၊မလေးရှား၊စင်ကာပူတို့ အတူနေထိုင်ခဲ့ရသောကြောင့် ဥပဒေ၊ လုပ်ထုံးလုပ်နည်းများ တူလေ့ရှိသဖြင့်၊ စင်ကာပူတွင်လည်း အမိန့်ပြန်တမ်းထုတ်ပြီး သစ္ဆေ၊သရဲများကို ရွှေရပေမည်။ အောက်မှပုံမှာ စင်ကာပူ၊ Lornie Road တွင်ရှိသော သခြိုင်းတစ်ခုမှာ Land Transport Authority က ဟိုက်ဝေး၊ အဝေးပြေးကားလမ်းဖေါက်မည့် နေရာတွင်ကျရောက်နေသဖြင့် အရိုးများကို ရွှေ့ပေးမည်ဖြစ်ကြောင်း ကြေငြာချက်ဖြစ်သည်။ ထိုမြေကွက်တွင် မြေစာရင်းဌာန၊ အိမ်မြေဂရံကဲ့သို့ သုဿန်တွင်မြှတ်နှံသူများ၏ ၈ပေ x ၄ပေ မြေကွက်လေးများကို တိုင်များရိုက်ပြီး၊ မှတ်ထားသည်။ သေဆုံးသူအများစုမှာ အုတ်ဂူပင်မရှိတော့ပေ။ ရှိနေသော အုတ်ဂူများမှာလည်း နှစ်ပေါင်း ၅၀ကျော် လူသေမမြှတ်နှံတော့သဖြင့် သေသောသူ၊ ကြာရင်မေ့၊ ထိုသေဆုံးသွားသူများ၏ သားသမီးများပင်လျှင် သေဆုံးပြီး၊ သုဿန်အသစ် ချွာချူကန်းတွင် မြှတ်နှံခြင်း (သို့မဟုတ်) မန်ဒိုင်းမီးသဂြိုလ်စက်တွင် သဂြိုလ်ပြီးဖြစ်နေချေပြီ။

 ထိုသုဿန်တွင် မြှတ်နှံထားသူများ၏ အနီးဆုံးဆွေမျိုးစာရင်းကို စင်ကာပူအစိုးရက ရှာဖွေပြီး၊ စာပို့သည်။ မြန်မာပြည်ကဲ့သို့ ကိုယ့်စရိတ်၊ကိုယ်ခံပြီး အရိုးဖေါ်ရန်မဟုတ်ပါ။ အရိုးအားလုံးကို ဖေါ်ပြီး သုဿန်အသစ်သို့ ရွှေ့ပြောင်းမည်။ စရိတ်အားလုံးကို အစိုးရက အကုန်ခံမည်။ အစိုးရလုပ်ပေးသည်ထက် ပိုပြီးအုတ်ဂူကောင်းကောင်း လုပ်လိုသူများကို ဖိတ်ခေါ်ထားသော ဆိုင်းဘုတ်ဖြစ်ပါသည်။ NOTICE OF EXHUMATION ဆိုင်းဘုတ်ကိုလည်း ထင်ရှားစွာ ထောင်ထားသည်။ ဆိုင်းဘုတ်ထောင်ပြီး သုဿန်ရွှေ့မည့်အချိန်သည် ၃နှစ်ခန့် အချိန်ပေးထားသည်။ မသိလိုက်ရမဖြစ်ရအောင် တစ်ချို့ ၃နှစ်တစ်ခါ အဖိုးဖွား၊ အုတ်ဂူလာကြည့်သောသူများ ထိုဆိုင်းဘုတ်ကိုတွေ့ပြီး အုတ်ဂူရွှေ့ပြောင်းခြင်းကို စုံစမ်းနိုင်ပါသည်။ မိမိဖာသာ ရွှေ့လိုပါကလည်း ငွေကုန်ခံပြီး ရွှေ့နိုင်ပါသည်။

 ယခုခေတ်တွင် စင်ကာပူအစိုးရက နိုင်ငံသားအားလုံး သေဆုံးလျှင် သူတို့ခန္တာကိုယ်ကို အစိုးရဆေးသုတေသနမှ လာရောက်သိမ်းဆည်းသွားပါမည်။ အကယ်၍ အသိမ်းဆည်းမခံလိုပဲ၊ ဆေးသုတေသန အလုပ်မခံလိုပါက မိမိအသက်ရှင်နေစဉ်ပင် မိမိသေလျှင် မိမိမိသားစုက သခြိုင်းအမှတ်တရ မြှတ်နှံလိုပါသဖြင့် ခွင့်ပေးပါရန် လျှောက်လွှာတင်ရသည်။

 လူမျိုးတိုင်း၊ ဘာသာတိုင်း၊ မိမိတို့ ဆွေမျိုးတစ်ဦး သေဆုံးသွားလျှင် အသုဘချပြီး၊ မြေမြှတ်၊ ဂူသွင်းကြသည်။ မတတ်နိုင်သော မြန်မာများကို ဖျာလိပ်ဖြင့် အသုဘချရသည်။ ယခုခေတ်တွင် မီးသဂြိုလ်ခြင်းဖြင့် စရိတ်ကုန်ကျမှု သက်သာစေသည်။ မူဆလင်များက မြေမြှတ်ခြင်းကို ကြိုက်နှစ်သက်ပြီ၊ အခြားဘာသာဝင်များလည်း ငွေတတ်နိုင်ပါက မြေမြှတ်၊အုတ်ဂူလုပ်ပေးကြသည်။ သေဆုံးသူ အုတ်ဂူသို့ မိသားစုလိုက် သွားရောက်ပြီး ပန်းခွေချ၊ အောက်မေ့သတိရပြီး၊ ဆွေမျိုးအချင်းချင်း ညီညွတ်မှုကို တဖန်ပြန်လည်ရရှိစေသည်။ သေဆုံးသူများ အရိုးတွန်သည်ဟုပင် အချိုက အမွှန်းတင်ကြသည်။ ခရစ်ယာန်ဘာသာတွင် သေဆုံးသွားသူများတွင် ကောင်းကင်ဘုံရောက်သူများကတစ်ဖွဲ့၊ ငရဲရောက်သူများက မြေအောက် မရဏာနိုင်ငံတွင်တစ်စု ၂မျိုးရှိသည်။ ၁၈၀၀ နောက်ပိုင်းတွင် Rapture ဟုခေါ်သော ချီဆောင်ခြင်း အယူဝါဒ ပြန်လည်ဖေါ်ထုတ်လာသည်။ မသေမှီပင် အရှင်လတ်လတ် ဇျန်ကြွသကဲ့သို့ ကောင်းကင်နိုင်ငံသို့ ချီဆောင်ခေါ်ယူခြင်း ခံရမည်ဟု ယုံကြည်ကြသည်။ ခန္တာကိုယ်သည် မသေတော့ပဲ၊ ကောင်းကင်ဘုံသို့ မိမိခန္တာကိုယ်အတိုင်း ရောက်ရှိသွားမည်ဟု ယုံကြည်သူများစွာရှိပါလာသည်။  ဗုဒ္ဓ၊ မူဆလင်၊ ဟိန္ဒြူ ဘာသာများတွင်လည်း အလားတူ သေလွန်ခြင်းနှင့်ဆိုင်သော ယုံကြည်ချက်များရှိကြသည်။

ဝတ်မှုန် (စင်ကာပူ)  ၁၅-သြဂုတ်လ-၂၀၁၃
 စင်္ကာပူရောက် မြန်မာများ