ပရိတ်ကြိုးကို ဆွဲဖြုတ်ပြီး ၀င်ပူးတဲ့ ကမ္ဘာအေးက ဒေါ်အေးသင်(ပရလောက ဖြစ်ရပ်မှန်)

ဒီတစ်ခါတော့ လွန်ခဲ့တဲ့ သြဂုတ်လ (၅) ရက်နေ့က ဖြစ်သွားခဲ့တဲ့ အကြောင်းအရာတခုကို ပြန်ပြောပြချင် ပါတယ်။ ရန်ကုန်မြို့၊ မရမ်းကုန်းမြို့နယ်၊ ကမ္ဘာအေးဘုရားလမ်းပေါ်မှာ အထည်ချုပ်စက်ရုံတရုံရှိတယ်။ စက်ရုံဝန်ထမ်းတွေ နေထိုင်ဖို့အတွက် စက်ရုံရဲ့အနောက်ဖက်မှာတင် တန်းလျားလေးတခု ဆောက်ထားပေး တယ်။ ကုန်လွန်ခဲ့တဲ့လရဲ့ ပထမဆုံး တနင်္လာနေ့မှာတော့ အဲ့ဒီ အထည်ချုပ်စက်ရုံမှာ ခါတိုင်းနဲ့မတူတဲ့ အဖြစ်အ ပျက်လေးတခု စတင်ပေါ်ပေါက်လာတော့တာပါပဲ။

အထည်ချုပ်ဝန်ထမ်းတွေထဲမှာ အသက်အငယ်ဆုံးချာတိတ်မလေးတယောက်က သူ့လည်ပင်းမှာဆွဲထားတဲ့ ပရိတ်ကြိုးကို အလုပ်လုပ်ရင်းတန်းလန်းကနေ ဆွဲပြီးဖြုတ်ဖို့အကြိမ်ကြိမ်အခါခါ ကြိုးစားနေတာကို စက်ရုံထဲမှာ လိုက်ကြည့်နေတဲ့ စက်ရုံပိုင်ရှင်အန်တီက သတိထားမိလိုက်တယ်။ အစပိုင်းတော့ မသိသလိုနေလိုက်မိပေမယ့် ခလေးမလေး သူ့လည်ပင်းက ပရိတ်ကြိုးကိုဖြုတ်ဖို့ ကြိုးစားနေတာ အကြိမ်ရေအတော်များလာတော့ စက်ရုံပိုင်ရှင်လည်း မနေနိုင်တော့ပဲ

" နင် .. အလုပ်မလုပ်ပဲ ဒါဘာလုပ်နေတာလဲ ?? " ဆိုပြီး သွားမေးတော့တာပါပဲ။ ခါတိုင်းဆိုရင် ကလေးမလေးက စက်ရုံပိုင်ရှင်အန်တီကြီးကို တရိုတသေဆက်ဆံတတ်ပေမယ့် ဒီတကြိမ်မှာတော့ မျက်နှာကိုတောင် မကြည့်တော့ပဲ

" ဒါကြီးက ရှုပ်လို့ မကြိုက်ဘူး " ဆိုပြီး လေသံခပ်ပြတ်ပြတ်နဲ့ ပြန်ဖြေလိုက်ရင်း သူ့လည်ပင်းက ပရိတ်ကြိုးကို သဲသဲမဲမဲဆွဲဖြုတ်နေပါတော့တယ်။ အရင်နေ့တွေတုန်းကဆိုရင် သီချင်းလေးတအေးအေးဆိုလိုက်၊ ဘေးနားမှာ အတူအလုပ်လုပ်နေတဲ့ ဝန်ထမ်းတွေနဲ့ စကားတွေရွှန်းရွှန်းဝေအောင်ပြောလိုက်နဲ့နေတတ်တဲ့ ကောင်မလေးက ဒီနေ့မှ ထူးထူးဆန်းဆန်း ဘယ်သူနဲ့မှ စကားမပြောပဲ သူ့လည်ပင်းက ပရိတ်ကြိုးနဲ့တင် အတော်အလုပ်ရှုပ်နေတော့တာပဲ။

ချာတိတ်မလေးရဲ့အခြေအနေကို တနေရာကနေတွေ့လိုက်ရတဲ့ စက်ရုံပိုင်ရှင်အန်တီရဲ့သားက ဒါသွေးရိုးသားရိုးမဟုတ်လောက်ဘူးဆိုတဲ့အတွေးဝင်လာပြီး သူတို့ဘုရားကျောင်းဆောင်ပေါ်က ပရိတ်ရည်ကိုယူလာပြီး ချာတိတ်မကို သောက်ခိုင်းပါလေရော။ ပရိတ်ရည်သောက်ခိုင်းတော့မှ အခြေအနေက ပိုပြီးရှုပ်ထွေးသွားတယ် ပြောရမလားပဲ။

ကောင်မလေးရဲ့ ပင်ကိုအသံမဟုတ်တော့ပဲ အသက်အရွယ်အိုမင်းနေတဲ့ မိန်းမကြီးတယောက်ရဲ့ အသံ၊ လေယူလေသိမ်းနဲ့
" ငါ မသောက်ချင်ဘူး " လို့ ယတိပြတ်ငြင်းပါတော့တယ်။ ခလေးမရဲ့လည်ပင်းက ပရိတ်ကြိုးကလည်း ကျွတ်သွားပြီး သူ့ရှေ့က စက်ချုပ်ခုံပေါ်ပြုတ်ကျသွားတယ်။ ပြီးတော့ ချာတိတ်မက သူ့ထက်အသက်အများကြီး ကြီးတဲ့စက်ရုံပိုင်ရှင်အန်တီ့ကို

" ငါ ဗိုက်ဆာတယ်။ ထမင်းခူးကျွေးစမ်း " ဆိုပြီး ပြောလာပါရော။ စက်ရုံပိုင်ရှင်အန်တီခမျာလည်း ဘာလုပ်လို့လုပ်ရမှန်းမသိတာနဲ့ သူ့အိမ်က အိမ်ဖော်အလုပ်သမားတယောက်ကိုလှမ်းခေါ်ပြီး ကောင်မလေးအတွက် ထမင်းသွားခူးပြီးယူလာပေးဖို့ မှာလိုက်တယ်။ ထမင်းဟင်းတွေရောက်လာတော့ ကောင်မလေး ခါတိုင်းအရင်နေ့တွေစားနေကျပမာဏထက်ကိုပိုပြီး စားနေလိုက်တာ ရိုင်းရိုင်းပြောရရင် တခါမှ ထမင်းဟင်းမမြင်ဘူးတဲ့ အငတ်တယောက်အတိုင်းပါပဲ။ ထမင်းစားနေရင်းက စက်ရုံပိုင်ရှင်ကို " ငါ့ကို ရေခပ်ပေးစမ်း " လို့ ပြောလာပြန်ပါရော။ တကယ်ဆိုရင် ခလေးမလေးက ဒီအထည်ချုပ်စက်ရုံမှာ အသက်အငယ်ဆုံးဖြစ်သလို တခါမှလည်း ဘယ်သူ့ဘယ်သူကိုမှ ငါဆိုတဲ့နာမ်စားကို သုံးပြီး ပြောလေ့ပြောထလည်း မရှိခဲ့ပါဘူး။

ကောင်မလေး ထမင်းစားပြီးတော့မှ စက်ရုံပိုင်ရှင်လည်း ကြောက်စိတ်ကိုအားတင်းပြီး " နင်က ဘယ်ကလဲ??? ဘယ်သူလဲ??? ဘာလို့ဒီလိုလုပ်တာလဲ??? " ဆိုပြီး အင်တာဗျူး လုပ်ရပါတော့တယ်။ အဲ့ဒီလိုမေးတော့ ဟိုကလည်း အမယ်အိုကြီးတယောက်ရဲ့ ခက်ထန်တဲ့လေသံနဲ့.....

" ငါက ဒေါ်အေးသင်။ ဒီအိမ်က ငါ့အိမ် ဟဲ့။ နင်တို့ က လူတွေကလည်းများတယ်။ ငါ မနေတတ်တော့ဘူး။ ခုချက်ချင်း အကုန်ထွက်သွားကြ။ ငါ့အိမ် ငါ့ကို ပြန်ပေး ။ " ဆိုပြီးတော့ ပြန်ပြောတော့တာပါပဲ။

စက်ရုံပိုင်ရှင်အန်တီကလည်း သူ့ထမင်းအိုးကို တုတ်နဲ့ထိုးတာတော့ ဘယ်ခံနိုင်ပါလိမ့်မတုန်း။ ပြန်ပြောတော့တာပါပေါ့။ " ရှင် အဲဒီလိုတော့ မပြောနဲ့လေ။ ဒီအိမ်က ကျွန်မတို့နေနေတာ။ ဘယ်လိုလုပ်ပြီး ဖယ်ပေးလို့ ဖြစ်မလဲ " ဆိုပြီး စောဒက တက်တော့တာပေါ့။ ဒေါ်အေးသင်တဖြစ်လဲ ကောင်မလေးကလည်း စိတ်ကြီးတယ်။

" မဖယ်လို့ မရဘူး။ နင်တို့အားလုံး ဒီနေရာကနေ ထွက်သွားကြ " လို့ ထပ်ပြောလာပါလေရော။

ဒီမှာတင် စက်ရုံပိုင်ရှင်လည်း " ကောင်းပြီလေ။ ဒီလိုဆိုရင် ရှင်ကျွန်မတို့ကို နေရာရှာပေး။ ရှင် ကျွန်မတို့အတွက် နေရာရှာပေးရင် ကျွန်မတို့ ဒီအိမ်ကနေ ဖယ်ပေးမယ် " ဆိုပြီးတော့ အပေးအယူလုပ်ကြည့်လိုက်တယ်။

ဒီတော့မှာ ဟိုတယောက်က " အေး ကောင်းပြီလေ။ ညည်းစကား ညည်း တည်ပစေ " လို့ပြောပြီး ခဏငြိမ်သွားတယ်။

ချာတိတ်မလေးရဲ့ ခန္ဓာကိုယ်ထဲရောက်နေတဲ့ ဒေါ်အေးသင်ငြိမ်နေတုန်းမှာ အန်တီ့ခမျာ သူ့သမီးဆီကို အကျိုးအကြောင်းဖုန်းဆက်ပြီး ဘုန်းကြီးတွေပင့်၊ ကမ္မဝါဖတ်ရင်ကောင်းမလားလို့ အကြံဥာဏ်တောင်းရပါတော့တယ်။ သူ့သမီးကလည်း ဖုန်းထဲက သူ့အမေပြောတာတွေကို နားထောင်ပြီးမှ " အို အမေကလည်း... သူနဲ့အပေးအယူသွားလုပ် ပြီးမှ နှင်ချရင်ပိုသောင်းကျန်းမှာပေါ့ " လို့ ပြန်ပြောတယ်။ ဒါနဲ့ပဲ ဘာဆက်လုပ်လို့ လုပ်ရကောင်းမှန်းမသိတော့ပဲ အချိန်တရက်ကုန်သွားပါလေရော။ ကောင်မလေးလည်း ဘာပြဿ နာတခုမှ ထပ်မဖြစ်တော့ အားလုံးအေးအေးဆေးဆေးဖြစ်သွားပြီလို့ပဲ ထင်နေကြတုန်းမှာ ညဘက်ရောက်တော့ နောက်ထပ်ပြဿ နာတခု ထပ်ဖြစ်ပြန်ပါတော့တယ်။ စက်ချုပ်အလုပ်သမားတွေထဲက အစအနောက်သန်တဲ့ ကောင်လေးတယောက်က အဲ့ဒီကောင်မလေးကို

" ဟဲ့ !!! အေးသင် " လို့ လှမ်းခေါ်ပြီး နောက်လိုက်တဲ့အခါမှာ ကောင်လေးကို ပေစောင်းစောင်းကြည့်ပြီးတော့ ကပ်ကြေးနဲ့ထိုးဖို့ ကြိုးစားတော့တာပါပဲ။ ကောင်မလေးကို အတင်းဝိုင်းချုပ်ပြီး ဘုရားကျောင်းဆောင်ရှေ့ကို ခေါ်သွားကြတော့ ဘုရားကန်တော့တယ်။

ပြီးတော့ ဘုရားဆင်းတုတော်ကို သူ့ခေါင်းပေါ်မှာတင်ပြီး ချုံးပွဲချငိုပါတော့တယ်။ အခြေအနေတွေက တမျိုးတဖုံဖြစ်လာတော့ စက်ရုံပိုင်ရှင်အန်တီကြီးလည်း ကြောက်စိတ်ကိုအားတင်းပြီးတော့ " ရှင် ဒီနေရာမှာ ဒီအတိုင်းဆက်နေသွားလို့တော့ ဘယ်နည်းနဲ့မှ မဖြစ်ဘုး။ ရှင်ဆုံးတော့ ရှင့်အတွက် ဘုန်းကြီးပင့်၊ ဆွမ်းကပ်၊ အမျှဝေမလုပ်ပေးကြဘူးလား " လို့ မေးတဲ့အခါမှာ ဟိုကလည်း " ဆွမ်းကပ်တယ်။ သာဓုခေါ်လို့ မရဘူး " လို့ ပြန်ဖြေတယ်။ ပြီးတော့ ငိုရတာမောသွားလို့လား မသိပါဘူး။ ခဏ ငြိမ်သွားပြန်တယ်။ သူငြိမ်နေတုန်းမှာ အန်တီ့ရဲ့သားက တရားခွေဖွင့်လိုက်တော့လည်း ငိုရင်းနဲ့ ငြိမ်ငြိမ်လေး
နားထောင်နေပြန်ရော။ ကောင်မလေးလည်း ဘာမှထပ်မသောင်းကျန်းတော့သလို ညည့်ကလည်းအတော်နက်နေပြီမို့ ဘေးနားမှာ ယောက်ျားလေး၊ မိန်းကလေးတချို့ကို အစောင့်သဘောမျိုးစောင့်အိပ်ခိုင်းပြီး ဒီတိုင်းထားခဲ့လိုက်ကြတယ်။

မနက်မိုးလင်းတော့ ဘုန်းကြီးတွေပင့်ပြီး တရားနာ၊ ကမ္မဝါညှပ်ပြီး ရေစက်ချ အမျှပေးဝေလိုက်တော့ ဘုန်းကြီးတွေကို ကန်တော့ပြီး ကောင်မလေးခန္ဓာကိုယ်ထဲကနေ ထွက်သွားတယ်။ ကိုယ်တိုင်ကြုံခဲ့တဲ့ ကာယကံရှင်တွေအပြောအရတော့ ဝင်ပူးခံရတဲ့ကောင်မလေးက အရင်တုန်းကလို မဟုတ်တော့ပဲ အသားအရည် ဝင်းဝင်းဝါဝါနဲ့ မျက်နှာလည်း ဟိုးအရင်တုန်းကထက် ပိုပြီးတော့ ကြည်ကြည်လင်လင်ဖြစ်လာပါသတဲ့။ ကိုယ်တိုင်ကြုံရခြင်းမဟုတ်လို့ စီကာပတ်ကုံးမရေးတတ်ပေမယ့် ဘိလပ်ပြည် လန်ဒန်က တကယ့် အဖြစ်အပျက်တွေနဲ့ ကျေးဇူးရှင် မွေးသဖခင်ရဲ့ကိုယ်တွေ့အကြောင်းအရာတွေကို နောက်တကြိမ်မှာ ပြောပြဖို့ ကြိုးစားပါဦးမယ်။

Thanks to a page member

One of Admins
From: သရဲအကြောင်းပြောကြမယ်-ပေတလောကကိုစိတ်ဝင်စားသူများ