Time in Rangoon 
ဧပြီလ ၂၀ ရက် ၂၀၁၄ ခုနှစ်
ပြီးခဲ့တဲ့ ဧပြီ ၅ ရက်နေ့က စတင်ပြီး လေး ရက်ကြာ ပြုလုပ်ခဲ့တဲ့ အစိုးရနဲ့ NCCT တို့ရဲ့ တစ်နိုင်ငံလုံး အပစ်အခတ် ရပ်စဲရေးအတွက် တစ်ခုတည်း သော သဘောတူညီချက် (Single Text) ပထမမူကြမ်းကို သဘောခဲ့ကြပေမယ့် လူသတ်၊ ဗုံးခွဲမှုများ ရှိနေသေး သဖြင့် KIA ပြောတဲ့ ငြိမ်းချမ်းရေး ကို လေ့လာစောင့်ကြည့်သူများက သံသယဖြစ် အထူးစိုးရိမ်လျှက်ရှိကြောင်း သတင်းရရှိပါတယ်။
ဧပြီလ ၈ ရက်နေ့က KIA မ ဒုတိယစစ်ဦးစီးချုပ် ဗိုလ်ချုပ်ဂွမ်မော် ကိုယ်တိုင် ရန်ကုန်မြို့ MPC သို့သွားရောက်ကာ ငြိမ်းချမ်းရေးဆွေးနွေး ခဲ့ပြီးနောက် ၅ ရက်အကြာ ဧပြီလ ၁၃ ရက်နေ့ သင်္ကြန်အကြိုနေ့မှာ မိုးမောက်-လွယ်ဂျယ် ကားလမ်းပေါ်တွင် ယာဉ်ခုနစ်စင်းပါဝင်တဲ့ အစိုးရ စစ်တပ် ယာဉ်တန်းကို ကေအိုင်အေ က ဗုံးခွဲ တိုက်ခိုက်ခဲ့တာကြောင့် ယာဉ်တစ်စီး မီးလောင်ပျက်စီးခဲ့ပြီး အစိုးရတပ်သား နှစ်ဦးကျဆုံးကာ လေးဦးဒဏ်ရာ ရခဲ့ကြောင်း သိရပါတယ်။
"မိုးမောက်မှာ သင်္ကြန်အကြိုနေ့က တပ်ကို ကားမိုင်းခွဲလိုက်တယ် အဲ့ဟာလိုက်ရှင်းနေတာ၊ ရှင်းနေတုံးပဲ အဲ့ဖြစ်စဉ်ရဲ့ နောက်ဆက်တွဲပဲ၊ လွယ်ဂျယ်- ဗန်မော်လမ်းကြီးပေါ်မှာ မိုင်းခွဲလိုက်တာလေ ကားတစ်စီး မီးလောင်သွားတယ်လေ၊ ဗန်မော်- လွယ်ဂျယ်လမ်းပေါ်မှာတင် မိုးမောက်အထွက်ပဲရှိသေးတယ် အဲ့ဒါကို မိုင်းခွဲလိုက်တာ" လို့ မြစ်ကြီးနားမြို့ အခြေ စိုက် မြောက်ပိုင်းတိုင်းစစ်ဌာနချုပ် တပ်မတော်အရာရှိ တစ်ဦးက RFA ကိုပြောပါတယ်။
မြန်မာ့ရိုးရာ သင်္ကြန် ရက်များကို မရှောင်ပဲ KIA မှ စတင်ကာ ရန်စ တိုက်ခိုက်ခဲ့တဲ့ တိုက်ပွဲများကြောင့် ဧပြီလ ၁၇ ရက်နေ့မှာ (၇) နာရီကြာနီးပါးလောက် ဆက်တိုက်ဖြစ်ပွားခဲ့ပြီး ဧပြီ ၁၇ ရက်နှင့် ၁၈ ရက်တွင် ဖြစ်ပွားခဲ့သော တိုက်ပွဲနေရာများတွင် လူနေအိမ်များနှင့် ရွာများမရှိကြောင်း သိရပါတယ်။ ဒါပေမယ့် ပြီးခဲ့တဲ့ ရက်ပိုင်းအတွင်းက မန်ဝိန်းကြီး ဒေသနဲ့ KIA တပ်မဟာ ၄၊ တပ်ရင်း ၉ နယ်မြေများတွင် ဖြစ်ပွားခဲ့သော တိုက်ပွဲများကြောင့် ကချင်နှင့် ရှမ်းတိုင်းရင်းသား ကျေးရွာများတွင် နေထိုင်သူများ အိုးအိမ် စွန့်ခွာပြေးခဲ့ရပြီး စစ်ပြေးဒုက္ခသည် တစ်သောင်းကျော်ရှိခဲ့ကြောင်း ဒေသခံလူမှု ကူညီရေး အဖွဲ့များထံမှ သိရသည်။
မနှစ်က အခုလိုနွေရာသီ ရေရှားပါးချိန်တုန်းကတော့ မြန်မာနိုင်ငံ ကြက်ခြေနီအသင်းမှ ဦးဆောင် ကူညီကယ်ဆယ်ရေး လုပ်ငန်းတွေ လုပ်ဆောင်ခဲ့ပေမယ့် လက်ရှိ ဖြစ်ပွားနေတဲ့ တိုက်ပွဲများက ဒုက္ခသည်များကိုတော့ သင်္ကြန်ကာလအတွင်း ဖြစ်တာကြောင့် လည်းကောင်း၊ မည်သူမျှ မျှော်လင့်မထားသော နေ့ထူးနေ့မြတ်တွေမှာ KIA က ဗုံးခွဲခဲ့တာ ဖြစ်ခြင်းကြောင့်လည်းကောင်း ကူညီမယ့်သူမရှိသေးဘူးလို့ သိရပါတယ်။
"ဖြစ်နိုင်ပါတယ်။ ဘာကြောင့်ဖြစ်လဲဆိုတော့ အေးအေးချမ်းချမ်းနဲ့ ပျော်ပျော်ရွှင်ရွှင် ကျင်းပလေ့ရှိတဲ့ မြန်မာရိုးရာ သင်္ကြန် စတင်တဲ့ ရက်မှာပဲ မိုးမောက်-လွယ်ဂျယ် အများသုံးလမ်းမှာ KIA ဘက်က ဗုံးခွဲတိုက်ခိုက်တာ တွေရှိတယ်…။ ငြိမ်းချမ်းရေးဆွေးနွေးပွဲပြီးတာလည်း တစ်ပတ်မပြည့်သေးဘူး…၊ ဗိုလ်ချုပ်ဂွမ်မော်ကလည်း အမေရိကန် ရောက်နေတယ်… ကချင်ပြည်သူတွေက သင်္ကြန်တွင်းမှာ အေးချမ်းပျော်ရွှင်ရမယ့်အစား.. စစ်ပြေးဒုက္ခသည်ဖြစ်နေတယ်.. ဒီတော့ KIA ရက်လုပ်ရပ်တွေက ကချင်လူထုအတွက်လား.. ငြိမ်းချမ်းရေးကို တကယ်လိုလားတာ ဟုတ်ရဲ့လားဆိုတာ သံသယဖြစ်မိတယ်…” လို့ MPC မှ ကျွမ်းကျင်သူတစ်ဦးက ဆိုပါတယ်။
သမ္မတပြောခွင့်ရလည်းဖြစ်၊ ဒု ပြန်ကြားရေး ဝန်ကြီးလည်း ဖြစ်တဲ့ ဦးရဲထွဋ်ကို ဗွီအိုအေမြန်မာပိုင်းက ဆက်သွယ်မေးမြန်းစဉ်မှာတော့ ကချင်ပြည်နယ်မှာကတော့ သန်းခေါင်စာရင်းကောက်ယူနေတဲ့ အချိန်အတွင်းမှာ ကေအိုင်အေဘက်ကနေ သန်းခေါင်စာရင်းကောက်တဲ့အဖွဲ့တွေကို တားမြစ်တာ၊ ဟန့်တားခဲ့တာတွေ ရှိတယ်။ သန်းခေါင်စာရင်းကောက်ယူရေးကိစ္စတွေကို လိုက်ပါ ဆောင်ရွက်ပေးနေတဲ့ တပ်မတော်က အရာရှိတွေနဲ့ စစ်သည်တွေကို ချောင်းမြောင်းပစ်ခတ်တဲ့ အတွက်ကြောင့်မို့ ဗိုလ်မှူးတစ်ဦး ကျဆုံးခဲ့ရတာရှိတယ်လို့ ဆိုပါတယ်။
ပြီးခဲ့တဲ့ ဧပြီလ ၃ ရက်နေ့ကလည်း သန်းခေါင်စာရင်းကောက်ဝန် ထမ်းများကို ကေအိုင်အေမှခြိမ်း ခြောက်မှုများရှိနေသည့်အတွက် ကချင်ပြည်နယ် မန်ဝိန်းကြီး အနီးရှိ ကေအိုင် အေ ထိန်းချုပ်နယ်မြေမဟုတ်တဲ့ မန်ဝိုင်းကျေးရွာအတွင်း လုံခြုံရေးဆောင်ရွက်ပေး နေတဲ့ အစိုးရတပ်ခမရ(၅၆၇)မှ တပ်ရင်းမှူး ဗိုလ်မှူးမျိုးညွန့်စိုးကို KIA က ချောင်းမြောင်းပစ်ခတ်ခဲ့တာကြောင့် ဧပြီ ၄ရက်နေ့က ကျဆုံး သွားခဲ့ပါတယ်။
မြန်မာစစ်တပ် ဒုတပ်ရင်းမှူးကို ကေအိုင်အေ ချောင်းမြောင်းပစ်ခတ် သတ်ဖြတ်စဉ်က ကေအိုင်အေ ဒုတိယစစ်ဦးစီးချုပ်ဗိုလ်ချုပ်ဂွန်မော်ဟာ တစ်နိုင်ငံလုံးအ ပစ်အခတ်ရပ်စဲရေး ဆွေးနွေးပွဲ တက်ရောက်ဖို့ ရန်ကုန်မြို့မှာ ရောက်ရှိနေပြီး အများပြည်သူသုံးလမ်းပေါ် ကေအိုင်အေ ဗုံးခွဲမှုကြောင့် တိုက်ပွဲများ ဖြစ်ပွားနေချိန်မှာ ဗိုလ်ချုပ်ဂွမ်မော်ဟာ အမေရိကန်အစိုးရတာဝန်ရှိသူတွေ၊ မြန်မာ့အရေး၊ ကချင့်အရေး စိတ်ဝင်စားတွေနဲ့ တွေ့ဆုံဆွေးနွေးဖို့ဆိုပြီး အမေရိကန်ပြည်ထောင်စု ကို ရောက်ရှိနေပါတယ်။
ကေအိုင်အေ တပ်ဖွဲ့အတွင်း အထက်အောက် အမိန့်နာခံမှု ကင်းမဲ့နေခြင်း၊ တပ်ဖွဲ့ဝင်အားလုံးက ငြိမ်းချမ်းရေး လိုလားမှုမရှိခြင်း နဲ့ ရန်ကုန်သို့ အကြိမ်ကြိမ်ရောက်ရှိသော်လည်း ငြိမ်းချမ်းရေးနိုဘယ်ဆုရှင် ဒေါ်အောင်ဆန်းစုကြည်ကို ဗိုလ်ချုပ်ဂွမ်မော် သွားရောက်တွေ့ဆုံမှု မရှိခြင်း တို့အတွက် ကေအိုင်အေ ရဲ့ ငြိမ်းချမ်းရေး လိုလားမှု အမှန်တကယ် ရှိ/မရှိ ကို မြန်မာ့အရေးစောင့်ကြည့်သူများက မေးခွန်းထုတ်နေကြပြီး ကေအိုင်အေ ရဲ့ ရန်စ တိုက်ခိုက်မှုတွေကြောင့် မေလ တွင်းမှာလုပ်မယ့် ငြိမ်းချမ်းရေးဆွေးနွေးပွဲအပါအဝင် တစ်နိုင်ငံလုံးအတိုင်းအတာ အပစ်အခတ်ရပ်စဲရေး ဆွေးနွေးပွဲများ အချိန်ကြန့်ကြာမှာကို လူထုတစ်ရပ်လုံးက အားလုံးက စိုးရိမ်လျှက်ရှိကြောင်း သိရပါတယ်။
မောင်လွင်
Kachin Daily News
1 comments:
ဗိုလ်ချုပ်ဂွမ်မော်က ၂၀၁၃ ခုနှစ် မြန်မာ့နိုင်ငံရေးမှာ အရေးပါဆုံးပုဂိုလ်အဖြစ် အသိအမှတ်ပြုခြင်းခံရတယ်။ ခင်ဗျားပြောသလို KIA က ငြိမ်းချမ်းရေးမလိုချင်ဘူး
KIA က ဗမာ့တပ်မတော်ကို စတင်ရန်စတယ်ဆိုတဲ့စကားကမှန်ပါ့မလား။ ဗမာ့တပ်မတော်ကို ကချင်ပြည်နယ်ထဲက အကုန်ရုတ်သိမ်းလိုက် ပြသနာတက်စရာ
အကြောင်းမရှိတော့ဘူး။ နေပြည်တော်ကို KIA က သွားမသိမ်းပိုက်ဘူး။ ရန်ကုန်ကိုလည်း မသိမ်းပိုက်ဘူး။ ခင်ဗျားပြောတာအားလုံးပြောင်းပြန်ကြီးဘဲ။ ကြည့်လုပ်ပါအုံး။ ခင်ဗျားတို့လို စစ်အာဏာရှင်ကို ဒေါက်တိုင်လုပ်သူတွေ၊ အားပေးသူတွေကြောင့် ဗမာပြည်ကြီးက ဆင်းရဲမွဲတေပြီး စားစရာမရှိတော့ဘူး။ တခြားနိုင်ငံတွေမှာသွားပြီး အလုပ်လုပ်ကြ၊ ဒုက္ခပေါင်းစုံတွေတွေ့ရ၊ ဖာဖြစ်ရ ရောင်းစားခံရ အဲဒီ သတင်းတွေ ခင်ဗျားမသိဘူးလား။ အမှန်ကို အမှန်အတိုင်း ပြောစေချင်တယ်။ မြင်စေချင်တယ်။
Post a Comment