KIA ၏ ပစ်ခတ်တိုက်ခိုက်မှုကြောင့် သန်းခေါင်စာရင်းကောက်နေသာ ၀န်ထမ်းများ၏ လုံခြုံရေးစိုးရိမ်စရာ အနေ အထားဖြစ်လာ

ကချင်ပြည်နယ် မန်စီမြို့နယ်တွင် သန်းခေါင်စာရင်း ကောက်ယူ နေသော ၀န်ထမ်းများအား လုံခြုံရေးလိုက်ပါ ဆောင်ရွက် ပေး နေသော အစိုးရစစ်ကြောင်းမှ ဒုတပ်ရင်းမှုးအဆင့်ရှိသူ တစ်ဦး အား အေပြီ လ(၄)ရက်နေ့က KIA အဖွဲ့မှချောင်းမြောင်း ပစ်ခတ်ခဲ့ မှုကြောင့် သေဆုံးသွားခဲ့ကြာင်း ယင်းဝန်ထမ်းများထံမှ သိရ သည်။

“သန်းခေါင်စာရင်း ကောက်တဲ့ဝန်ထမ်းတွေကို လုံခြုံရေး လိုက် လုပ်ပေးရင်း အခုလို တိုက်ပွဲကျသွားတာ တစ်ကယ် စိတ် မကောင်း ပါဘူး” ဟု သန်းခေါင်စာရင်းကောက်နေသော ဆရာမတစ်ဦးကပြောသည်။

မတ်လ(၃၀)ရက်နေ့မှစ၍ မြန်မာနိုင်ငံနေရာအနှံအပြား၌ သန်းခေါင်စာရင်းကောက်ယူလျက်ရှိရာ KIO ထိမ်းချုပ်နယ်မြေ များတွင် သန်းခေါင်စာရင်းကောက်ယူခြင်းကို KIO/KIA ခေါင်းဆောင်ပိုင်းက ငြင်းပယ်ခဲ့မှုကြောင့် ကောက်ယူခြင်းမရှိ ကြောင်း ပြည်နယ်လ၀ကရုံးမှ သိရသည်။

“KIO နယ်မြေထဲမှာ မကောက်ပါဘူး၊ အခုကောက်တဲ့ရွာတွေက ရှမ်းရွာတွေပါ မန်ဝိန်းကြီးအုပ်စုထဲကို သန်းခေါင်းစာရင်း ကောက်ကတည်းက KIA အဖွဲ့က တောက်လျှောက် ခြိမ်းခြောက်နေတာ အချို့ရွာတွေမှာ ဆိုရင် စာရွက်စာတမ်းတွေ သိမ်းပြီး မောင်းထုတ်လို့ ဆရာ/ဆရာမတွေပြန်ပြေး လာခဲ့ရတယ် ”ဟု မန်စီမြို့နယ် လ၀ကရုံးမှ ဦးစီးအရာရှိတစ်ဦးက ဆို သည်။

KIA မှ မန်စီမြို့နယ် မန်ဝိန်းကြီးဒေသအပါအ၀င် ကျေးရွာအုပ်စုများ၌ သန်းခေါင်စာရင်းကောက်ယူနေမှုကို ခြိမ်းခြောက် တားမြစ်သလို ရှမ်းပြည်နယ်မြောက်ပိုင်း နမ္မတူမြို့နယ်၊ နမ့်ခမ်းမြို့နယ်များအထိပါ လာရောက် ဟန့်တားနှောင့်ယှက်နေ ကြောင်း လ၀ကဦးစီး အရာရှိတစ်ဦးက ပြောကြားခဲ့သည်။

“သူတို့ထိမ်းချုပ်နယ်မြေမဟုတ်ပဲ လိုက်ပြီးနှောင့်ယှက်နေတော့ သန်းခေါင်စာရင်းကောက်တဲ့အဖွဲ့တွေ အားလုံး စိတ်ညစ် ရတယ်၊ လွယ်ဂျယ်မှာ တပ်မတော်က လုံခြုံရေးလုပ်ပေးလို့ ကောက်နိုင်တာ၊ အခုလည်းမန်စီမြို့နယ်ထဲက မန်ဝိန်းကျေးရွာ နဲ့ နမ့်ခမ်းပါ ကျေးရွာတွေကို သန်းခေါင်စာရင်း သွားကောက်တော့မှာ” အဲဒီရွာတွေကိုသွားဖို လုံခြုံရေးလုပ်နေတဲ့ တပ်ကို KIA ဘက်မှ ချောင်းပစ်တယ် “ဒုတပ်ရင်းမှုးကျသွားတာ တကယ်စိတ်မကောင်းဘူး”ဟု မန်ဝိန်းကြီးကျေးရွာ၌ သန်းခေါင်း စာရင်းကောက်ရန် ရောက်ရှိသော ဆရာမတစ်ဦးကပြောသည်။

အဆိုပါကိစ္စနှင့်ပတ်သက်၍ ပြည်နယ်လ၀ကရုံးမှ ဦးစီးအရာရှိတစ်ဦးက “သူတို့နယ်မြေ မဟုတ်တဲ့အတွက် သန်းခေါင် စာရင်းကောက်တဲ့အဖွဲ့တွေကို လွှတ်တာပါ၊ ပြီးတော့ KIA ခေါင်းဆောင်ပိုင်းကလည်း အပစ်အခတ် ရပ်စဲရေး ဆွေးနွေးပွဲ တက်နေတော့ ဘာမှမလုပ်လောက်ဘူးလို့ ယုံခဲ့ကြတာပေါ့ “ဒါပေမဲ့ယုံကြည်မှုတွေကို KIA က အလွဲသုံးစားလုပ်တာ များနေပါပြီ။ တပ်မတော်စစ်ကြောင်းက သူတို့ကိုယုံလို့ ဒီအတိုင်းလုံခြုံရေး လိုက်ပေးတာပါ၊ ဒါပေမဲ့ KIA ဘက်က ကတိ မတည်လို့အခုလိုဖြစ်ရတာပါ” လက်ရှိသန်းခေါင်စာရင်းကောက်နေတဲ့ ၀န်ထမ်းတွေရဲ့လုံခြုံရေးဟာ စိုးရိမ်စရာအနေအထား ဖြစ်လာပါတယ် ”ဟု ပြောကြားသွားခဲ့သည်။

ညီသစ်(မြစ်ကြီးနား)
Kachin Daily News