တရုတ်အစိုးရက တရုတ်နိုင်ငံသားများကို သေဒဏ်စီရင်စဉ်က တိုက်ရိုက်ထုတ်လွှင့်မပြသခဲ့ဘဲ ယခု နိုင်ငံခြားသား မြန်မာနိုင်ငံသား စိုင်းနော်ခမ်းအား ကွပ်မျက်ကာမှ တိုက်ရိုက်ထုတ်လွှင့်ပြသမှုအပေါ် အမြင်အမျိုးမျိုးကွဲပြားနေ

မြန်မာနိုင်ငံသား မူးယစ်ရာဇာ စိုင်းနော်ခမ်းနဲ့ နောက်ထပ် ၃ ဦးကိုသေဒဏ် ပေးမှုနဲ့ ရုပ်မြင် သံကြား ကနေ တိုက်ရိုက် ထုတ်လွှင့်မှု အပေါ်မှာ အမြင်အမျိုးမျိုး ကွဲပြားခဲ့ကြပါတယ်။

စိုင်းနော်ခမ်းရဲ့ နှမငယ် နန်းခမ်းဟွင်းက စိုင်းနော် ခမ်းဟာ သင့်တော်တဲ့ ဖြေရှင်းချေပခွင့်မရဘဲ သေဒဏ်ပေး ခံခဲ့ရတယ်လို့ ဆိုပါတယ်။ ကျန်း မာရေးကြောင့် ဖြစ်စေ၊ တိုက်ပွဲမှာ ကျဆုံးလို့ ဖြစ်စေ သေ ဆုံးခဲ့ရင် ဖြေသာမှာ ဖြစ်ပေမဲ့၊ အခုလို တရုတ် နိုင်ငံမှာ သေဒဏ်ခံရတဲ့ အတွက် ဖြေမဆည်နိုင် ဖြစ်မိတယ်လို့ ဆိုပါတယ်။ စိုင်းနော်ခမ်းဟာ မူးယစ်ဆေးဝါး ရောင်းဝယ်သူ ဖြစ်ပေမဲ့ လူသတ်မှု မကျူးလွန်ခဲ့ဘူးလို့လည်း သူက ခုခံပြောဆိုပါတယ်။

တရုတ်နိုင်ငံမှာ ဒီနေ့ တီဗီမှာ ထုတ်လွှင့်ပြသမှုနဲ့ပတ်သက်ပြီး တရုတ် နိုင်ငံသားတွေကြားမှာလည်း အမြင်က ကွဲနေပါတယ်။

"အခု ကျွန်တော်တို့ တွေ့ရတာကတော့ တရုတ်မှာ ဝေဘိုလို လူမှု ကွန်ယက် ဝက်ဘ်ဆိုက်တွေ ရှိပါတယ်။ အဲဒီမှာ တချို့ ပြောနေကြတာကတော့ ဒီလို တီဗီက တိုက်ရိုက် ထုတ်လွှင့်ပြသမှုကို ကြိုဆိုကြပါတယ်။ ဒီလို ပြလိုက်တဲ့ အတွက် ရာဇဝတ်မှုတွေ၊ အထူးသဖြင့် သတ်ဖြတ်မှုတွေနဲ့ပတ်သက်တဲ့ ရာဇ၀တ်မှုတွေကို တားဆီးပေး နိုင်မယ်လို့ မြင်ကြတယ်။ နောက် တဘက်မှာလည်း တချို့ ပြောကြတာက ဒီလို သေဒဏ် စီရင်မှု မလုပ်သင့်ဘူး။ ဒါဟာ ယဉ်ကျေးရမယ့် ခေတ်မှာ ဒီလို ကွပ်မျက်တာ မလုပ်သင့်တော့ဘူး။ နောက်ပြီး ဒါက အကြမ်းဖက်မှုကို အားပေးရာ ရောက်နိုင်တယ်၊ တရုတ် အစိုးရပိုင်းက အရင်က နိုင်ငံသားတွေ သေဒဏ် ကျတုန်းက တီဗီက တိုက်ရိုက် မပြခဲ့ပဲ အခု နိုင်ငံခြားသားတွေကို ဒီလို ထုတ်ပြတာက မလုပ်သင့်ဘူးလို့ တချို့က မြင်ကြပါတယ်။"လို့ တရုတ်လူမျိုးတွေ အကြား အမြင်အမျိုးမျိုး ကွဲလွဲမှုနဲ့ ပတ်သက်ပြီး ဘီဘီစီ တရုတ်ဘာသာ ဌာနရဲ့ အယ်ဒီတာ ရေမွန်လီက ပြောပါတယ်။

စိုင်းနော်ခမ်းသေဆုံးချိန်မှာ အသက် ၄၃ နှစ် ဖြစ်ပါတယ်။