Thursday, July 18, 2013

မာလာလာထံသို့ တာလီဘန်ခေါင်းဆောင်က စာရေးသားပေးပို့

Posted by drmyochit Thursday, July 18, 2013, under | No comments

ပါကစ္စတန် အခြေစိုက် တာလီဘန်အဖွဲ့ ခေါင်းဆောင် တစ်ဦးက တာလီဘန် သေနတ်သမား တစ်ဦး၏ လုပ်ကြံ မှုနှင့် ကြုံခဲ့ရသည့် ကျောင်းသူလေး မာလာလာ ယူဆွတ်ဖ်ဇိုင်ထံသို့ အဆိုပါ ဖြစ်စဉ်နှင့် ပတ် သက်ပြီး မိမိတို့ တုန်လှုပ် အံ့ဩမိရကြောင်း စာရေးသား ပေးပို့လိုက်သည်။ ပြီးခဲ့သည့်နှစ်က ပါကစ္စတန်တွင် မိန်း ကလေးများ စာသင်ခွင့်ရရေး အဓိက ဟောပြောစည်းရုံးသူ ကျောင်းသူလေး မာလာလာကို ကျောင်း ကားပေါ်တွင် တာလီဘန် သေနတ်သမား တစ်ဦးက သေနတ်ဖြင့် တေ့ပစ်ခဲ့သည်။ 

ကံကြီးလှသော မာလာလာသည် အသက်မသေခဲ့ဘဲ ဦးခေါင်းခွံ ကျေမွဒဏ်ရာနှင့် နားစည်ပေါက်ထွက် ဒဏ်ရာ များ ရရှိခဲ့သည်။ သူမသည် လုပ်ကြံခံရချိန်က အသက်(၁၅)နှစ်သာ ရှိသေးပြီး ယခုအချိန်တွင်မူ (၁၆)နှစ် ပြည့်ခဲ့ပြီ ဖြစ်သည်။ မာလာလာသည် ထိုဖြစ်စဉ်နောက်ပိုင်း ဗြိတိန်တွင် ဆေးဝါးကုသမှု ခံယူခဲ့ရပြီး သူမ ၏ ဦးခွံကို သတ္တုဖြင့် အစားထိုးကာ နားစည်ကိုလည်း ပြန်လည်ဖာထေးပြီး ဖြစ်သည်။ ယခုအခါ အပြည့် အဝ ကျန်းမာလာနေပြီ ဖြစ်သည့် မာလာလာထံ တာလီဘန်ခေါင်းဆောင် တစ်ဦးဖြစ်သည့် အက်ဒ်နန် ရာရှစ်ဒ်က စာရေးသား ပေးပို့ခဲ့သည်။

၎င်းက တိုက်ခိုက်မှုနှင့် စပ်လျဉ်းပြီး မာလာလာကို တောင်းပန်ထားကာ အမှန်အားဖြင့်မူ ယင်းသို့သော လုပ်ရပ်မျိုး လုံးဝ မပေါ်ပေါက်စေလိုခဲ့ဟု ပြောဆိုထားသည်။ ထို့အပြင် အဆိုပါ တိုက်ခိုက်မှုသည် မာလာလာ၏ အမျိုးသမီးများ ပညာတတ်မြောက်ရေး လှုပ်ရှားမှုအတွက် မဟုတ်ဘဲ တာလီဘန် ဆန့်ကျင်ရေး ဟောပြောမှုများအတွက်ဟုလည်း ရာရှစ်ဒ်က ရေးသားထားသည်။ မာလာလာသည် ယခုအခါ နိုဘယ်လ် ငြိမ်းချမ်းရေးဆု စာရင်းတွင် လျာထားခံရသူ တစ်ဦးအဖြစ် အမည်တင်သွင်း ခံထားရပြီ ဖြစ်သည်။ သူမသည် ပြီးခဲ့သည့် သီတင်းပတ်က ကုလသမဂ္ဂ ရုံးချုပ်တွင်လည်း စကားပြောခွင့် ရခဲ့သည်။

မာလာလာထံ ရာရှစ်ဒ် ရေးသားထားသော စာကို မိတ္တူကူးထားသည့် မှတ်တမ်းတွင် ရာရှစ်ဒ်က မိမိတို့သည် မာလာလာနှင့် အနွယ်တူများ ဖြစ်ကြောင်း၊ ယင်းအတွက် မာလာလာကို လုပ်ကြံရသည့်အပေါ် စိတ်ပိုင်းဆိုင်ရာ သက်ရောက်မှု များစွာ ရှိခဲ့ကြောင်း အသိပေးထားသည်။ ၎င်းက တိုက်ခိုက်မှုကို အပြစ်တင်ရန်မူ ငြင်းပယ်ထားပြီး ထိုလုပ်ရပ်သည် မျှတသည်၊ မမျှတသည် ဆိုခြင်းကို ဘုရားသခင်က ဆုံးဖြတ် စီရင်လိမ့်မည်ဟုလည်း ရေးသားထားသည်။ ထို့အပြင် တာလီဘန်တို့သည် အမျိုးသား၊ အမျိုးသမီး မည်သူဖြစ်စေ ပညာသင်ယူခွင့်နှင့် စပ်လျဉ်းပြီး လုံးဝ ဆန့်ကျင်မှု မရှိကြောင်းလည်း အခိုင်အမာ ဆိုသည်။

မာလာလာကို မိမိတို့ လုပ်ကြံရန် အားထုတ်မှုသည် တာလီဘန်တို့က အစ္စလာမ်မစ် နိုင်ငံတော် ထူထောင်ရန် အစီအစဉ်ကို ဆန့်ကျင်ဟောပြောခြင်းကြောင့်ဟု ရာရှစ်ဒ်က ဖြေရှင်းထားသည်။ "မင်းရဲ့ မိန့်ခွန်းထဲမှာ ဘောပင်ဟာ ဓားထက် ပိုပြီးတော့ ခွန်အားရှိတယ်လို့ ပြောခဲ့တယ် မိန်းကလေး။ ဒါကြောင့် သူတို့က မင်းရဲ့ ဓားအတွက် မင်းကို တိုက်ခိုက်ခဲ့တာ။ မင်းရဲ့ ကျောင်းနဲ့ မင်းရဲ့ စာအုပ်တွေအတွက် မဟုတ်ဘူး"ဟု ရာရှစ်ဒ်က ရေးသားထားသည်။ ထို့အပြင် မာလာလာအား ပါကစ္စတန်သို့ ပြန်လာပြီး အစ္စလာမ်နှင့် ပက်ရ်ှတွန်ဝါဒကို လေးစား လိုက်နာကာ အခြား အစ္စလာမ်မစ် မိန်းကလေး ကျောင်းများအတွက် အလုပ်လုပ်ရန်လည်း တိုက်တွန်းထားသည်။

"မင်းရဲ့ ဘောပင်ကို သုံးပေါ့။ ပြီးတော့ လူနည်းစုလေး တစ်ရပ်က လူသားတစ်ရပ်လုံးကို ကျွန်ဇာတ်သွင်းချင်နေတဲ့ အကြောင်းတွေ ရေးပေါ့"ဟုလည်း ခနဲ့တဲ့တဲ့ ပြောဆိုထားကြောင်း သိရသည်။ လေ့လာသူများက ငယ်ရွယ်လှသေးသည့် မိန်းကလေး တစ်ဦးကို လူအများရှေ့တွင် ရက်စက်စွာ လုပ်ကြံခဲ့မှုသည် ပါကစ္စတန် မြောက်ပိုင်းတွင် အခြေစိုက်သည့် တာလီဘန်တို့အပေါ် ထောက်ခံမှု အခြေအနေကို ဆိုးဆိုးရွားရွား ကျဆင်းသွားစေကြောင်း သုံးသပ် ပြောဆိုထားကြသည်။

From: Planet Myanmar Network

0 comments:

Post a Comment

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်