အိန္ဒိယ ကလေးငယ်တွေ ကျောင်းနေ့လည်စာ စားပြီး သေဆုံး

ကလေး မိဘတွေ စိုးရိမ် သောက ရောက်ကြသလို ဆန္ဒပြ ကန့်ကွက်မှုတွေရှိခဲ့

အိန္ဒိယနိုင်ငံ ဘီဟား ပြည်နယ်မှာ ကျောင်း တကျောင်းက ကျွေးတဲ့ အခမဲ့ နေ့လည်စာကို စားခဲ့တဲ့ ကလေး ၄၇ ယောက် အနက် ၂၂ ယောက် အသက် ဆုံးရှုံး ခဲ့ပြီး ကျန်တဲ့ ကလေး တွေလည်း နာမကျန်း ဖြစ်ကုန် တာကြောင့် မိဘတွေနဲ့ အများပြည်သူ တွေက ဒေါသူပုန် ထနေ ကြပါတယ်။

မိဘတွေနဲ့ အတူ ရွာသူ ရွာသား ရာပေါင်း များစွာက ဆန္ဒပြ ကန့်ကွက်ကြ သလို ရဲကား တွေကိုလည်း မီးတင် ရှို့ခဲ့ ပါတယ်။

ဆန္ဒပြ သူတွေ ထဲမှာ တုတ်တွေ ကိုင်ဆောင် ထားသူ တွေလည်း ရှိကြပြီး ကားလမ်း ရထား လမ်းတွေ ကိုလည်း ပိတ်ဆို့ ထားခဲ့ ကြပါတယ်။

အိန္ဒိယ နိုင်ငံမှာ ကလေး စုစုပေါင်းရဲ့ တဝက် လောက်ဟာ အစား အသောက် အဟာရ ချို့တဲ့ ကြသလို ကျောင်းတက်ဖို့ အခက် အခဲလည်း ရှိကြ ပါတယ်။

ဒီလို ကလေးငယ် တွေရှိတဲ့ အတွက် အခမဲ့ နေ့လည်စာ အစီ အစဉ်ကို အကောင် အထည် ဖော်ခဲ့တာ ဖြစ်ပါတယ်။

ဒီ အစီ အစဉ်ဟာ ကလေးတွေ ကျောင်း နေနိုင်ရေး စာ မတတ်သူ ပပျောက်ရေး စီမံကိန်းရဲ့ တစိတ် တဒေသ ဖြစ်ပါတယ်။

ဒါပေမဲ့ ဒီအခမဲ့ နေ့လည်စာ အစီ အစဉ်မှာ ကလေးတွေရဲ့ စားစရိတ်ကို ကြားက ဖြတ်စား တာတွေ ရှိတယ် ဆိုတဲ့ စွပ်စွဲ ချက်တွေလည်း ရှိခဲ့ ပါတယ်။

အခု ဒီကလေး တွေ သေဆုံး ရတဲ့ အကြောင်းကို စမ်းသပ် စစ်ဆေးတဲ့ အခါမှာတော့ အစာ အဆိပ် သင့်လို့ သေဆုံး ရတာ မှန်ကန်ကြောင်း ဆရာဝန် တွေက ပြောခဲ့တယ် လို့ ပြည်နယ် ပညာရေး ဝန်ကြီး ပီကေ ရှာဟိ က အတည်ပြု ပြောကြားပါတယ်။

ကလေးတွေကို ခွဲစိတ် ကြည့်တဲ့ အခါ ထွက်ပေါ်လာတဲ့ အနံ့အသက် အရ အစာထဲမှာ အဆိပ် ဖြစ်စေတဲ့ ဖော့စဖရပ် ဓါတ်ပေါင်း ပါဝင်နေကြောင်း သိရတယ်လို့ စစ်ဆေးတဲ့ ဆရာဝန် တွေက ပြောပါတယ်။

အဲဒီ ဖော့စဖရပ် ဓါတ်ပေါင်းဟာ အစား အသောက် ထဲမှာ မတော် တဆ ပါသွား တာလား၊ တမင် ထည့်လိုက် တာလား ဆိုတာကို စုံစမ်း စစ်ဆေး သွားမယ်လို့ ပြည်နယ် ပညာရေး ဝန်ကြီးက ပြောပါတယ်။

ဖော့ စဖရပ် ဓါတ်ပေါင်း ကတော့ သီးနှံ အတွက် သုံးတဲ့ ပိုးသတ် ဆေးတို့၊ ကြွက်သတ် ဆေးတို့ ထဲမှာ ပါဝင် တတ်တဲ့ ဓါတ်ပေါင်း ဖြစ်ပါတယ်။

ထမင်းချက် အမျိုးသမီးက ဟင်းချက်ဖို့ ဝယ်လာတဲ့ ဆီကို မသင်္ကာလို့ တာဝန်ကျ ကျောင်း ဆရာမကို ခေါ်ပြခဲ့ သေးတယ်လို့ ဆိုပါတယ်။

ဒါပေမဲ့ ဆရာမက အဲဒီဆီကို အိမ်မှာ ထုတ်လုပ်တဲ့ ဆီဖြစ်တယ်၊ စိတ်ချ ရတယ်လို့ ပြောတာကြောင့် သုံးခဲ့တယ်လို့ ဆိုပါတယ်။

အဲဒီ ဆီဟာ တာဝန်ကျ ဆရာမရဲ့ ခင်ပွန်းဖြစ်သူ ပိုင်တဲ့ ကုန်စုံ ဆိုင်ကနေ ဝယ်ခဲ့တာ ဖြစ်ပြီး အခု အခါမှာ အဲဒီ ကုန်စုံဆိုင် ပိုင်ရှင် ခင်ပွန်း ကတော့ ရှောင်တိမ်း နေပါတယ်။

ဒီကိစ္စဟာ ပေါ့ဆလို့ ဖြစ်တာလား၊ ရည်ရွယ်ချက်ရှိရှိ လုပ်တာလား ဆိုတာကို စုံစမ်း စစ်ဆေးမှု စနေပြီ ဖြစ်ပြီး ပန်းကန် ခွက်ယောက် တွေကိုရော အစားအစာ အကျန် တွေကိုရော အခု အထူး စုံစမ်းရေး အဖွဲ့က သိမ်းထား လိုက်ပြီလို့ ပြည်နယ် တရားသူကြီး ချပ်ပရာက ပြောပါတယ်။

နေ့လည်စာ အခမဲ့ ကျွေးတဲ့ စနစ်ကို အိန္ဒိယ တောင်ပိုင်း ချန်နိုင်းမြို့မှာ ၁၉၂၅ ခုနှစ်က စတင် ကျင့်သုံး ခဲ့တာ ဖြစ်ပါတယ်။

From: BBC