ငါးပိ ဖိုဘီးယား ဖြစ်တော့မှာလား

ငါးပိတွင် ယူရီးယား ဓာတ်မြေသြဇာ ထည့်သွင်း အသုံးပြု နေကြောင်း မြန်မာနိုင်ငံ စားသုံးသူ ကာကွယ်ရေး အသင်း၏ ပြီးခဲ့သည့် တစ်ပတ် အတွင်းက ထုတ်ပြန်ချက်က တစ်ရက် နှစ်နပ်ထက်မနည်း နိစ္စ ဓူဝ စားသုံးနေသူများကို တပ်လှန့်လိုက်သည်။ ငါးများ အလျင်အမြန် အရိုးဆွေးပြီး နူးလာစေရန် ငါးပိ သိပ်ရာတွင် ယူရီးယားထည့်သွင်းခြင်း ဖြစ်ကြောင်း ယင်းအသင်းက ဆိုသည်။ ယခင် ၂၀၀၉ ခုနှစ်က အန္တရာယ် ရှိသော ဆိုးဆေး ပါဝင်ခဲ့သည့် ငါးပိအမျိုးမျိုးကို စားသုံးရန်မသင့် အစားအစာ များအဖြစ် ကျန်းမာရေး ဝန်ြ ကီးဌာနက တရားဝင် ကြေညာ ထုတ်ပြန် ခဲ့ပြီးနောက် ယခုအကြိမ် ငါးပိပြဿနာသည် လေးနှစ်အတွင်း တစ်ကျော့ပြန်လာခြင်း ဖြစ်သည်။

နေပြည်တော် မြို့မဈေး အနီးရှိ ဝန်ထမ်းအိမ်ရာတွင် နေထိုင်သည့် ငါးပိကြိုက်သူ ဒေါ်လှလှဝင်း အတွက်မူ ထို ငါးပိသတင်းက ငါးပိမစားချင် တော့လောက်အောင် ဖြစ်သွားသည်။ "လုပ်ငန်းရှင်တစ်ဦးက ငါးပိနဲ့ ပတ်သက်တဲ့ စီးပွားရေးလုပ်ငန်း လုပ်ဖို့ ဧရာဝတီတိုင်းဘက်မှာ သွားရှာတာ အဲဒီဘက်က ငါးပိတွေမှာ ဓာတ်မြေသြဇာတွေ ထည့်ထားတာ သိခဲ့ရတယ်" ဟု မြန်မာနိုင်ငံ စားသုံးသူကာကွယ်ရေးအသင်း ဥက္ကဋ္ဌ ဦးဗအုပ်ခိုင်က The Voice သို့ ပြောဆိုသည်။ စားသုံးသူ ကာကွယ်ရေးအသင်း၏ ကြေညာချက်သည် ငါးပိလုပ်ငန်းရှင်များ အတွက် စိန်ခေါ်မှုသစ်အဖြစ် ထပ်မံပေါ်ပေါက်လာခဲ့သည်။ သို့သော် ၂၀၀၉ ခုနှစ် ငါးပိပြဿနာကြောင့် စီးပွားရေး ထိခိုက်မှု သိသိသာသာ မဖြစ်ခဲ့သည့်အတွက် ယခု အကြိမ် အတွက်လည်း စိုးရိမ်ပူပန်စိတ် နည်းပါးကြောင်း ငါးပိ၊ ငါးခြောက် လုပ်ငန်းရှင်များ ထံမှ သိရသည်။

ယင်းကြေညာချက် ထုတ်ခဲ့ပြီးနောက် အသင်း၏ တာဝန်ရှိသူများကလည်း ဈေးကွက်တွင်းရှိ ငါးပိအမျိုးမျိုးကို ဓာတ်ခွဲစမ်းသပ်ရန် စီစဉ်လျက်ရှိကြောင်း အဆိုပါအသင်း အတွင်းရေးမှူး ဒေါ်စိုးကလျာထိုက်က ပြောဆိုသည်။ ကျန်းမာရေးဝန်ကြီးဌာန လက်အောက် အစားအသောက်နှင့် ဆေးဝါးကွပ်ကဲရေး ဌာန၊ စီးပွား/ကူးသန်းဝန်ကြီးဌာန၊ ရန်ကုန်မြို့တော် စည်ပင်သာယာရေး ကော်မတီနှင့် သက်ဆိုင်ရာ ကျန်းမာရေး တာဝန်ခံများက ရန်ကုန်မြို့တွင်းရှိ ဆူပါမားကက်ကြီးများနှင့် ဈေးများတွင် ငါးပိ အပါအဝင် အခြားသီးနှံ အစားအသောက် များကို သြဂုတ်လ ၂၀ ရက်နေ့တွင် လိုက်လံ စစ်ဆေးခဲ့သော်လည်း နှစ်ရက်ကြာသည် အထိ အဖြေမထွက်သေးပေ။

ဧရာဝတီတိုင်း ဒေသကြီးမှ လုပ်ငန်းရှင် အများစုသည် ငါးပိရည်ကျို ငါးအတွက် ငါးဆားနယ် အဆင့်ထိသာ အများစု လုပ်ကိုင်ကြပြီး ငါးပိရည်ကျိုဖြစ်သည် အထိကိုမူ သက်ဆိုင်ရာ ပွဲရုံကြီးများက ထပ်မံဆောင်ရွက်ကြကြောင်း၊ ငါးပိရည် ကျိုအဆင့် ရောက်ရှိရန် ငါးဆားနယ် များကို အနည်းဆုံးလေးလခန့်ထိ အိုးအတွင်းသိပ်ထားရန် လိုအပ်ကြောင်း ဧရာဝတီတိုင်း ဒေသကြီး ဖျာပုံမြို့နယ် ဓမင်းဆိပ်ကျေးရွာ မှ မိရိုးဖလာ ငါးပိလုပ်ငန်းလုပ်ကိုင်ခဲ့သူ ဦးမျိုးဦးက The Voice သို့ ပြောကြားသည်။ "ကျွန်တော်တို့ ဘက်ကတော့ ငါးမြန်မြန်နပ်ဖို့ဆို ငါးဆားနယ်ကို နေကို သေချာမလှမ်းဘဲ ထမင်းစိုစိုနဲ့ တစ်ခါတည်း ရောသိပ်လိုက်တာပဲ။ ဓာတ်မြေသြဇာတွေ မသုံးကြသလို အလုပ်ရှုပ်မှာစိုးလို့ အိုးတောင် မသိပ်ဘဲ ပွဲစားတွေဆီ အပ်ကြတယ်" ဟု ၄င်းက ထပ်မံပြောဆိုသည်။

လေးထောင့်ကန် ငါးပိငါးခြောက်ရုံ (၃) ဥက္ကဋ္ဌ ဦးမောင်မောင်သိန်းကလည်း မိမိ အတွေ့အကြုံအရ နယ်ဘက်မှ တစ်နိုင်တစ်ပိုင် ငါးပိလုပ်ကိုင်သူများသည် ရောင်းတမ်းဝင်အောင် မလိုလားအပ်သော ပစ္စည်းများ သုံးကာ ရန်ကုန်ဈေးသို့ လာရောက်ရောင်းချ ကြခြင်းဖြစ်ပြီး ယခင်နှစ်များက ယင်းကဲ့သို့ မကြားဖူးကြောင်း ပြောဆိုသည်။ "သက်ဆိုင်ရာက စစ်ဆေးမယ်ဆိုရင် ဈေးတွေမှာ ရှောင်တခင်စစ်ပြီး ဘာတံဆိပ်လဲ၊ ဘယ်ကဝယ်လဲဆိုတာ စစ်ဆေးပြီး အမြစ်ပြတ်အောင် ဆောင်ရွက်စေချင်တယ်" ဟု ၄င်းက အကြံပြုပြောဆိုသည်။

စားသုံးသူ ကာကွယ်ရေးအသင်း ကလည်း ဓာတ်ခွဲခန်းတွင် သွားရောက် စစ်ဆေးပြီး လာမည့်တစ်ပတ် အတွင်း စစ်ဆေးတွေ့ရှိချက်များကို ကြေညာသွားမည်ဟု ထုတ်ပြန်ခဲ့သည်။ "စစ်ဆေးချက်အဖြေပေါ် မူတည်ပြီး စားသင့်၊ မစားသင့် စဉ်းစားရမှာက စားသုံးသူတွေ အပိုင်းပါ" ဟု အဆိုပါအသင်း တာဝန်ရှိသူ ဒေါ်စိုးကလျာထိုက်က ဆိုသည်။ ဓာတ်မြေသြဇာ ထည့်သွင်းထား သော ငါးပိများသည် လူ့ခန္ဓာကိုယ်အတွက် အဆိပ်သင့်စေနိုင်ပြီး ရေရှည်စားသုံးပါက ကင်ဆာရောဂါအမျိုးမျိုး ဖြစ်စေနိုင်သည်။

ယူရီးယားဓာတ်မြေသြဇာတွင် ပါဝင်သော အမိုနီယမ်နိုက်ထရိုက် ကွန်ပေါင်းများသည် ရေရှည်စားသုံးပါက အစာအိမ်ကင်ဆာ၊ အစာရေမျိုကင်ဆာနှင့် အူမကြီးကင်ဆာတို့ ဖြစ်ပွားစေကြောင်း၊ ကလေးငယ်များတွင်မူ သွေးကင်ဆာ၊ အမျိုးသမီးများတွင်မူ မျိုးဥကင်ဆာ၊ အူမကြီးကင်ဆာ၊ စအိုကင်ဆာ၊ ဆီးအိမ်ကင်ဆာ၊ ပန်ကရိယကင်ဆာတို့ ဖြစ်နိုင်ကြောင်း အထွေထွေရောဂါဆရာဝန် ဒေါက်တာဝမ်းထွဋ်က The Voice သို့ ရှင်းလင်းပြောကြားသည်။ ယင်းအပြင် အယ်ဇိုင်းမားရောဂါ၊ အမျိုးအစား(၂) ဆီးချိုရောဂါ နှင့် ပါကင်ဆန် ရောဂါ (ဦးနှောက်၏ အောက်ခြေတွင် ရှိသော အာရုံကြော အဖုများ ပျက်စီးသောရောဂါ) တို့ကို ဖြစ်ပွားစေနိုင်ကြောင်း ၄င်းက ထပ်လောင်းပြောဆိုသည်။

တစ်ဖက်တွင်လည်း နိုင်ငံတကာ ပညာရှင်များ၏ လေ့လာတွေ့ရှိ ချက်အရ ယူရီးယားကို အစားအစာများတွင် ထည့်သွင်းပါက ယူရီးယားအာနိသင် တဖြည်းဖြည်း လျော့ပါး သွားကြောင်း၊ ယူရီးယားသည် ပြင်ပတွင် ကြာရှည် မတည်မြဲနိုင်ဘဲ အမိုးနီးယားနှင့် ကာဗွန်ဒိုင်အောက်ဆိုဒ် အဖြစ် ပြောင်းလဲသွားတတ်ပြီး ယင်းပြောင်းလဲသွားသော ဒြပ်ပေါင်းသည် လူ့ခန္ဓာကိုယ်အတွက် အန္တရာယ်မဖြစ်စေကြောင်း ဒေါက်တာဝမ်းထွဋ်က ထပ်မံ ပြောကြားသည်။

မည်သို့ပင်ဆိုစေ ငါးပိကြောင့်သာမက အခြားအစား အစားများတွင် လူကို အန္တရာယ်ဖြစ်စေသော ဓာတ်သတ္တုများ ပါဝင်ခြင်းနှင့် နေထိုင်မှုပုံစံများ ပြောင်းလဲလာခြင်းကြောင့် မြန်မာနိုင်ငံတွင် ကင်ဆာဖြစ်ပွားမှုနှုန်း နှစ်စဉ်တိုးတက်လျက် ရှိကြောင်း ကျန်းမာရေးဝန်ကြီးဌာန တာဝန်ရှိသူများက သတိပေး ပြောကြားထားသည်။ "ပိုက်ဆံဘယ်လောက်ရရ အဲဒါမျိုးတော့ မလုပ်သင့်ဘူး" ဟု ဦးမောင်မောင် သိန်းက အကြံပြု ပြောကြားသည်။ အစိုးရကလည်း ယင်းကဲ့သို့အစား အသောက်တွင် မသမာမှုများ အသုံးပြုမှု များကို အပြစ်ပေးရန် အမျိုးသား အစားအသောက်ဥပဒေတွင် ငွေဒဏ်သတ်မှတ် ချက်ကို အနည်းဆုံး ငါးထောင်မှ အများဆုံး ငါးသိန်းထိ တိုးမြှင့်ပြင်ဆင်ထားသည်။

သို့သော် လက်တွေ့ဆောင်ရွက်ချက် တွင်မူ မြန်မာနိုင်ငံရှိ စားသုံးသူများသည် အခွင့်အရေး ဆုံးရှုံးမှုများ ခံစားနေရသေးသည်။ နေ့စဉ်စားသုံးသော အစားအစာများသည် ကျန်းမာရေးအတွက် အန္တရာယ်ရှိ သော်လည်း ပြန်လည်တုံ့ပြန်ရန် အခွင့်အရေးက အလှမ်းကွာနေသေးသည်။ ငါးပိကဲ့သို့ နေ့စဉ် စားအစားအစာတွင် အန္တရာယ်ရှိပစ္စည်းများ ပါဝင်လေ့ ရှိသည်မှာ မဆန်းတော့သလို ဖြစ်နေသည်။

ငါးပိမတိုင်မီ အချဉ်ရည်တွင် ဆာလဖြူရစ်အက်စစ် တွေ့ရှိခြင်း၊ ငရုတ်သီးမှုန့် များတွင် ဆိုးဆေးအသုံးပြုခြင်း၊ လက်ဖက်တွင် ဆိုးဆေးအသုံးပြုခြင်း၊ မယ်လမင်းဓာတ်ပါ နို့မှုန့်များ ဝင်ရောက် လာခြင်း ဖြစ်သည်။ ယခု မြန်မာ့ဟင်းပွဲတွင် မပါမဖြစ် ငါးပိအလှည့်သို့ ရောက်လာပြီ။ လူအများ ငါးပိကြောက်ရောဂါ (ငါးပိ ဖိုဘီးယား) ဖြစ်တော့မလား။ "အရင်က မသိလို့စားတာ။ အခုသိတော့ မစားတော့ဘူး" ဟု ငါးပိချစ်သူ ဒေါ်လှလှဝင်းက ဆိုလေသည်။



ရလေး၊ အောင်မျိုးထက်

THE VOICE JOURNAL