မက္ကဆီကိုစီးတီးအနီး စုပုံမြှုပ်ထားသော အလောင်းများတွေ့

ဩဂုတ်၂၂ရက်က မက္ကဆီ ကိုစီးတီးအနီး အစုလိုက်အပြုံ လိုက် မြှုပ်နှံထားသောသင်္ချိုင်း မြေပုံတစ်ခုကို အာဏာပိုင်တို့က တွေ့ရှိခဲ့ရာ မေလက ပြန်ပေးဆွဲ ခံခဲ့ရသော လူငယ် ၁၂ဦး၏အ လောင်းများဟုတ်မဟုတ် စိုးရိမ် နေသောဆွေမျိုးများက သိချင် နေသည်။

ဩဂုတ် ၂၁ရက်က ပန်းခြံ တစ်ခုတွင် ရှာဖွေမှုစတင်ပြီး နောက် ပုပ်သိုးဆွေးမြည့်နေသော လူခုနစ်ဦးပါအလောင်းများတွေ့ ရခြင်းဖြစ်သည်ဟု မက္ကဆီကိုစီး တီး၏ ထိပ်တန်းရှေ့နေရိုဒေါ်လ် ဖိုရီယို့စ်က ပြောကြားခဲ့သည်။ အလုပ်သမားများက ဆက်လက် တူးဖော်ရှာဖွေလျက်ရှိသည်။

အလောင်းများကို ခွဲခြား သိရှိရန်အတွက် DNA ရလဒ် များရရှိရန် အနည်းဆုံးနှစ်ရက် ကြာမည်ဟု ရီယို့စ်က ပြောကြား ခဲ့သည်။ ပြန်ပေးဆွဲခံရသူများ မှာ အသက်၁၆နှစ်မှ ၃၄နှစ်အ ရွယ်အထိ ပါဝင်ပြီး လွန်ခဲ့သည့် သုံးလက တနင်္ဂနွေနေ့နေ့ခင်း ကြောင်တောင်မြို့လယ်ရှိ ဘား ဆိုင်တစ်ခုမှ အဓမ္မခေါ်ဆောင် ခံခဲ့ရသည်။
၎င်းဖြစ်ရပ်ကြောင့် မက္ကဆီ ကိုစီးတီး၏ လုံခြုံရေးကိစ္စအပေါ် စိုးရိမ်မှုများမြင့်မားလာခဲ့ပြီး မူး ယစ်ဆေးဝါးဂိုဏ်းများ၏ အကြမ်း ဖက်တိုက်ခိုက်မှုကို ယခင်ကနှင့် စာလျှင်ခုခံကာကွယ်နိုင်စွမ်းရှိပြီ ဆိုသည့်ယူဆချက်ကို စိန်ခေါ် လျက်ရှိသည်။

သင်္ချိုင်းမြေပုံကို မြို့တော် ၏အရှေ့တောင်ဘက် ၁၉မိုင် အကွာ တီလယ်မာနယ်လ်ကို စည်ပင်သာယာနယ်နိမိတ်အ တွင်း ရန်ချိုလာမီဆာဂေဟဗေဒ ပန်းခြံတွင် တွေ့ရှိခဲ့သည်။ အာ ဏာပိုင်များသည် ဩဂုတ်၂၁ ရက်က လက်နက်များရှာဖွေခဲ့ရာ ရပ်ထားသောနောက်တွဲယာဉ် တစ်ခုပေါ်မှ လက်နက်များ တွေ့ ရှိခဲ့သည်။ ထို့အပြင် ဘိလပ်မြေ ဖြင့်အုပ်ထားသော မြေနေရာ တစ်ခုကို တွေ့ရှိတူးဖော်ရာမှ အ လောင်းများကို တွေ့ရှိခဲ့ခြင်းဖြစ် သည်ဟု ရဲအရာရှိတစ်ဦးက ပြော သည်။

Ref-AFP
Yangon Media Group