သီပေါမင်းနှင့် စုဖုရားလတ်တို့ ၀တ်ဆင်ခဲ့သည့် မဟာလတ္တာ ၀တ်ရုံတော်ကို ဂျပန်နည်းပညာဖြင့် ထိန်းသိမ်းမည်

အမျိုးသားပြတိုက် (ရန်ကုန်)တွင် ပြသထားသည့် သီပေါမင်းနှင့် စုဖုရားလတ်တို့ ၀တ်ဆင်ခဲ့သော မဟာလတ္တာ ၀တ်ရုံတော်ကို ရေရှည်ပြသနိုင်ရန် ရည်ရွယ်ကာ ဂျပန်နိုင်ငံမှ နည်းပညာဖြင့် ထိန်းသိမ်းရန် ညှိနှိုင်းဆောင်ရွက် နေကြောင်း ရှေးဟောင်းသုတေသန၊ အမျိုးသားပြတိုက်နှင့် စာကြည့်တိုက် ဦးစီးဌာနမှ ဒုတိယညွှန်ကြားရေးမှူးချုပ် (ငြိမ်း) ဒေါ်နုမြဇံက ဆိုသည်။

ထိုသို့ နည်းပညာဖြင့် ထိန်းသိမ်းဆောင်ရွက်ရန် ဂျပန်နိုင်ငံမှ ကမ်းလှမ်းထားပြီး ယခုနှစ် အောက်တိုဘာ (သို့မဟုတ်) နိုဝင်ဘာတွင် စတင် အကောင်အထည် ဖော်နိုင်မည်ဟု ခန့်မှန်းကြောင်း ၎င်းက ဆက်လက် ပြောကြားသည်။

''ဂျပန်နိုင်ငံက Textile Specialist တစ်ဦးက ဒီကိုလာပြီးတော့ သူတို့နည်းပညာနဲ့ ဒီဝတ်ရုံတွေကို ထိန်းသိမ်းမှာ ဖြစ်ပါတယ်။ ဒီဝတ်ရုံတွေမှာ သြော်ဂဲနစ်ကော၊ အင်သြော်ဂဲနစ်တွေပါ ရောနေတဲ့ အတွက်ကြောင့် နည်းပညာနဲ့ ထိန်းသိမ်းတဲ့အခါ လက်ဝင်တယ်။ ဒီဝတ်ရုံတွေမှာက ရွှေချည်၊ ငွေချည်ထိုးတွေ အပြင် ကျောက်၊ သံ၊ ပတ္တမြားတွေပါ ပါတဲ့အတွက် အရမ်းကို အနုစိတ်တယ်။ အဲဒီလိုလာပြီး ထိန်းသိမ်းတဲ့အတွက် သူတို့အနေနဲ့လည်း သုတေသနပြုလို့ ရမယ်။ မြန်မာနိုင်ငံက ပြတိုက် တာဝန်ရှိသူတွေ အနေနဲ့လည်း ပညာရမယ်'' ဟု ၎င်းက ဆက်လက် ပြောကြားခဲ့သည်။

အဆိုပါ ထိန်းသိမ်းမှုသည် အကြီးစား ထိန်းသိမ်းမှုဖြစ်ပြီး ဂျပန်နိုင်ငံမှ ပညာရှင်အား အချိန်ယူ ပြင်ဆင်ရန် ကမ်းလှမ်းထားခြင်းဖြစ်ကာ တစ်နှစ်ခွဲ၊ နှစ်နှစ်ခန့် ကြာမြင့်မည်ဖြစ်ကြောင်း၊ ပဏာမစမ်းသပ် စစ်ဆေးမည့် ကာလသည် တစ်လခွဲခန့် ကြာမြင့်မည်ဖြစ်ကြောင်း၊ Textile Specialist ပညာရပ်တွင် အမျိုးအမည် ပေါင်းများစွာ ရှိကြောင်း၊ နည်းပညာဖြင့် ထိန်းသိမ်းပါက ကနဦးအနေဖြင့် ကြိုတင်စစ်ဆေး ရမည်ဖြစ်ကာ ယင်းနောက် အစီရင်ခံစာတင် သွင်းရမည် ဖြစ်ကြောင်း နေပြည်တော် အမျိုးသားပြတိုက်မှ တာဝန်ရှိသူ ဦးကျော်ရှင်နောင်က ဆိုသည်။

(သီပေါမင်းနှင့် စုဖုရားလတ်တို့ ၀တ်ဆင်ခဲ့သည့် မဟာလတ္တာ ၀တ်ရုံတော်အား တွေ့ရစဉ် (ဓာတ်ပုံ-အမျိုးသားပြတိုက်))

Eleven Media Group