Time in Rangoon 
ယနေ့ နေ့လည် ၁ နာရီ ဗိုလ်စိန်မှန်ကွင်းမှာ မျိုးချစ်လူငယ်များ နဲ့ မျိုးချစ်များ ဦးစီးဆောင်ရွက်ပြီး ၅၉ (စ) မပယ်ဖျက်/မပြင်ဆင်ရေးငြိမ်းချမ်းစွာ စုဝေး ဆန္ဒပြခဲ့ကြပါတယ်။၎င်း ဆန္ဒထုတ်ဖော်ပွဲကို လူပေါင်း ၁၅၀၀ ခန့် တက်ရောက် ဆန္ဒထုတ်ဖော်ကြတယ်လို့ သိရပါတယ်။ ၎င်း ဆန္ဒထုတ်ဖော်ပွဲမှာ မတူကွဲပြား မှ ဦးနေမျိုးဝေ ၊ ဒေါ်ခင်ဝိုင်းကြည် ၊ ဓမ္မစက္က ဦးမောင်မောင် ၊ ဥပဒေပညာရှင် ဦးအေးပိုင် တို့ ဦးစီးပြီ့း  ၅၉ (စ) မပြင်ဆင်ရေး ကို ဦးစီးဟောပြောပေးခဲ့ပါတယ်။ ထို အချိန်မှာ NLD ပါတီဝင်များ က "၅၉(စ) မပြင်သူ တို့ရန်သူ" ဆိုတဲ့ စာတမ်းပါ စာရွက်များ ကို လမ်းမ တစ်လျှောက်ဖြန့်ကျဲပြီး နှောက်ယှက် ခဲ့ကြတယ်လို့ သိရပါတယ်။ဒီကိစ္စနဲ့ ပတ်သတ်ပြီး ဆန္ဒထုတ်ဖော် ပွဲ ကို တက်ရောက်လာသူ တစ်ဦးကတော့..
"ကျွန်တော် တို့ က ၅၉(စ) လုံး ပြင်ဆင်ဖို့ လုံးဝ မလိုဘူးလို့ ယုံကြည်လို့ အခုပွဲကို တက်ရောက်လာတာပါ။ ကျွန်တော် တို့ဟာ ဘယ်သူမှ ခိုင်းလို့မဟုတ်ပါဘူး အမျိုးသား ရေး အသိနဲ့ လာကြတာဖြစ်ပါတယ်။ အခုလို စာတွေ ဖြန့်ကျဲပြီး နှောက်ယှက်တာတော့သူတို့ ပါတီက မပြည့် မှန်း သိအောင် ပြလိုက်တာပေါ့ ။ သူတို့ မမြင်ချင်ရင် မျက်နှာလွဲနေရုံပဲ ခုလို လုပ်တာတော့ သူတို့ပါတီ ရုပ်ပျက်တာပေါ့ " ဟု ပြောဆိုပါတယ်။
သတင်းများကို ဆက်လက်ဖော်ပြသွားပါမည်။
မေမြတ်မောင်
0 comments:
Post a Comment