Monday, October 08, 2012

မောင်တောတွင် နယ်မြေလုံခြုံရေး ပြည်သူ့စစ် သင်တန်းပေး

Posted by drmyochit Monday, October 08, 2012, under | No comments


မြန်မာနိုင်ငံ အနောက်ဘက်ဆုံး ဒေသအတွင်း နေထိုင်လျက်ရှိသည့် ဒေသခံတိုင်းရင်းသားများ၏ ဘဝ လုံခြုံရေးကို ကာကွယ်နိုင်ရန်အတွက် ရခိုင်ပြည်နယ် မောင်တောမြို့နယ်ရှိ ဒေသခံတိုင်းရင်းသားများကို စက်တင်ဘာလ နောက်ဆုံးပတ်ကစပြီး ပြည်သူ့စစ်သင်တန်းများ လေ့ကျင့်ပေးနေပြီဖြစ်ကြောင်း မောင်တောမြို့ ဒေသခံများထံမှ သိရှိရသည်။ မောင်တောမြို့နယ်တွင် အများအားဖြင့် တရားမဝင် ဝင်ရောက် နေထိုင်လျက်ရှိသည့် ဘင်္ဂါလီကျေးရွာများ အများဆုံးရှိပြီး ယင်းတို့နှင့် နီးစပ်သော ဒေသခံ တိုင်းရင်းသား ကျေးရွာများမှ ရခိုင်၊ မြို၊ ဒိုင်းနက်၊ သက် စသည့် လူမျိုးများကို မိမိတို့၏ ကျေးရွာများကို မိမိတို့ ကိုယ်တိုင် ကာကွယ်နိုင်ရန် ရည်ရွယ်ချက်ဖြင့် မြန်မာ့တပ်မတော်က ပြည်သူ့စစ် သင်တန်းပေးခြင်း ဖြစ်ကြောင်း ယင်းဒေသခံများက ဆိုသည်။ “လောလောဆယ်တော့ သင်တန်းပေးနေပါတယ်။ လက်နက် ကတော့ သင်တန်းပြီးမှ ပေးမယ်လို့ပြောတယ်” ဟု မောင်တောမြို့ အမျိုးသားဖောင်ဒေးရှင်းမှ ဒုတိယဥက္ကဋ္ဌ ဦးအောင်ကျော်ညွန့်က ပြောကြားသည်။ ယင်းသင်တန်းကို နစက အရာရှိများနှင့် တပ်မတော်အရာရှိများက သက်ဆိုင်ရာ နယ်မြေအလိုက် လေ့ကျင့်ပေးနေခြင်းဖြစ်ပြီး သင်တန်းပြီးဆုံးပါက ကျေးရွာတစ်ရွာလျှင် ပျမ်းမျှ လက်နက် ၁၀ လက်ခန့် တပ်ဆင်ပေးသွားမည်ဖြစ်ကြောင်း အထက်အရာရှိများ၏ ပြောကြားချက်ကို ကိုးကား၍ ၎င်းက ဆိုသည်။ လက်ရှိ ရခိုင်ပြည်နယ် မောင်တောမြို့နယ်တွင် ရခိုင်အပါအဝင် သက်၊ မြို၊ ခမီး၊ ဒိုင်းနက် စသည့် ဒေသခံတိုင်းရင်းသား စုစုပေါင်း ၃ ရာခိုင်နှုန်းရှိပြီး ဘင်္ဂါလီလူမျိုး ၉၇ ရာခိုင်နှုန်းရှိကြောင်း ခရိုင်လဝက၏ စာရင်းဇယားများအရ သိရှိရကြောင်း ၂၀၁၂ ခုနှစ် အောက်တိုဘာ ၈ ရက်နေ့ထုတ် The Voice ဂျာနယ်တွင် ဖော်ပြထားပါသည်။

0 comments:

Post a Comment

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်