သူငယ်တန်း ကျောင်းသူ အဓမ္မပြုခံရမှု အတန်းဖော်များ စစ်ဆေး မေးမြန်းခွင့် မပြုနိုင်ဟု မိဘများဆို

ရန်ကုန်၊ ဇူလိုင်၂၁

ရန်ကုန် တောင်ပိုင်းခရိုင် ကျောက်တန်းမြို့နယ် ရွှေပျောက်ကျေးရွာရှိ သူငယ်တန်း ကျောင်းသူ တစ်ဦး အဓမ္မပြု ကျင့်ခံ ရမှုနှင့် ပတ်သက်၍ အတန်းဖော် သူငယ်တန်း ကျောင်းသားများကို ခေါ်ယူ စစ်ဆေးခွင့် လုံးဝ မပြုနိုင် ဟု ယင်းကလေးငယ်များ၏ မိဘများက The Voice သို့ ပြောကြား သည်။

ဇူလိုင်လ ၂၀ ရက်နေ့က ယင်း ကလေးများ၏ မိဘ ၁၀ ဦးကို ကျောက်တန်း မြို့နယ် ရဲစခန်းက ကျေးရွာ အုပ်ချုပ်ရေး မှူး အိမ်သို့ ခေါ်ယူ တွေ့ဆုံခဲ့ပြီး ကလေးများကို စစ်ဆေး မေးမြန်းခွင့် ပြု မပြု မေးမြန်းရာတွင် ကလေး ငယ် များ၏ အနာဂတ် အစွန်းအထင်းဖြစ်မည် စိုးသဖြင့် စစ်ဆေး မေးမြန်းခွင့် မပြုနိုင်ကြောင်း ပြန် လည် ဖြေဆိုခဲ့ပြီး၊ ထိုသို့ ခွင့်မပြုနိုင်ကြောင်းကို လက်မှတ် ထိုးခဲ့ရသည်ဟု ကျောင်းသား မိဘ တစ်ဦးက ဆိုသည်။

“အထက်ကို တင်ပြပါဦးမယ်လို့ သူတို့က ပြောတယ်။ ဒီလိုအရွယ်လေးတွေနဲ့ ဘယ်လိုမှ မဖြစ်နိုင်ပါဘူး၊ ကလေးတွေကို ခေါ်စစ်မယ့်အရေး တွေးပြီး ညတွေမှာ အိပ်လို့တောင် မရဘူး” ဟု ၎င်းက ဆိုသည်။

အဆိုပါ သူငယ်တန်း ကျောင်းသူ အပါအဝင် ပအို့ဝ် တိုင်းရင်းသူ သုံးဦးကို ဗဟန်းမြို့နယ်၊ တောင်ကြီး ကျောင်းတိုက်ရှိ သံဃာ တစ်ပါးထံမှ ရွှေမင်းသမီး တည်းခိုခန်းပိုင်ရှင်က ခေါ်ယူမွေးစားထားခြင်းဖြစ်ပြီး၊ ဇွန်လ ၂၈ ရက်နေ့ တွင် ကျောက်တန်းမြို့နယ် ဆေးရုံသို့ တည်းခိုခန်း မန်နေဂျာနှင့် အလုပ်သမား တစ်ဦးတို့က မိန်းကလေးငယ်၏ ဒဏ်ရာများကို လာရောက် ပြသရာ သာမန်ဒဏ်ရာ မဟုတ်ဘဲ အဓမ္မ ပြုကျင့်ခံထားရသည့် ဒဏ်ရာများ ဖြစ်နေသည်ကို တွေ့ရှိသောကြောင့် ရဲစခန်းသို့ အကြောင်းကြား ခဲ့ပြီး အမျိုးသမီး ဆေးရုံသို့ လွှဲပြောင်းပေးခဲ့ခြင်း ဖြစ်သည်။

အဓမ္မပြုကျင့်ခံရသည့် ကျောင်းသူမှာ ၄င်းနေထိုင်ရာ ရွှေမင်းသမီး တည်းခိုခန်းရှိ ကောက်ရိုးပုံတွင် လူကြီး တစ်ဦးက သုံးကြိမ် တိုင်တိုင် ပြုကျင့်ခဲ့သည်ဟု ပထမအကြိမ်တွင် ထွက်ဆိုခဲ့ပြီး၊ တစ်ပတ်ခန့် အကြာ ဒုတိယ အကြိမ် ထွက်ဆိုရာတွင် သူငယ်တန်း ကျောင်းသား တစ်ဦးက ကျောင်းဝင်းထဲတွင် အဓမ္မ ပြုကျင့်ပါသည်ဟု ပြင်ဆင် ထွက်ဆို ခဲ့ကြောင်း ရွှေပျောက် ကျေးရွာအုပ်စု အုပ်ချုပ်ရေးမှူးက ပြောကြားသည်။

အဆိုပါ ကျောင်းသူသည် ပအို့ဝ် တိုင်းရင်းသူ တစ်ဦးဖြစ်ပြီး မြန်မာစကားကို “ဟုတ်ကဲ့” တစ်လုံးတည်း သာ ပြောဆိုတတ်ကြောင်း၊ တစ်စုံတစ်ရာ အရေးအကြောင်း ရှိပါက အခြား ပအို့ဝ် တိုင်းရင်းသူ သူငယ်တန်း ကလေး နှစ်ဦးမှ တစ်ဆင့် ဆရာ၊ ဆရာမများကို ခွင့်တောင်းရကြောင်းဟု အဆိုပါ မူလတန်း ကျောင်းအုပ်ဆရာကြီး ဦးအေးသောင်းက ဆိုသည်။

“ရေသောက်သွားတာ၊ အိမ်သာသွားတာကအစ စကားပြန် ကလေးတွေ အမြဲတမ်း အဖော်ပါတယ်၊ ပြီးတော့ ခလုတ်တိုက်တာ၊ ခဲတံနဲ့ ထိုးမိတာက အစ ဆရာ၊ ဆရာမတွေကို တိုင်ကြတယ်၊ အခုလို ကိစ္စမျိုးကို ကျူးလွန်ဖို့ ဆိုတာ ကျောင်းဝင်းထဲမှာ မဖြစ်နိုင်ပါဘူး၊ ၉၉ ရာခိုင်နှုန်း အာမခံ ပါတယ်၊ ကျောင်းဝင်းထဲမှာ ကလေးငယ်တွေ ခေါ်စစ်မှာကိုလည်း ခွင့်မပြုနိုင် ပါဘူး” ဟု ၎င်းက ဆက်လက် ပြောဆိုသည်။

သင်္ဃန်းကျွန်းမြို့နယ် မှုခင်း ကျွမ်းကျင် ဆရာဝန်ကြီးများနှင့် ဗဟို အမျိုးသမီး ဆေးရုံမှ သားဖွားမီးယပ် ဆရာဝန်များ၏ စစ်ဆေးချက်အရ ယင်း သူငယ်တန်း ကျောင်းသူမှာ အဓမ္မ ပြုကျင့်ခံရကြောင်း၊ သို့သော် ကလေးချင်း ကျူးလွန်ခြင်း မဖြစ်နိုင်ကြောင်းကို ဆေးပညာအရ သိနိုင်ကြောင်း ကျောက်တန်း မြို့နယ် ဆေးရုံမှ လက်ထောက် ဆရာဝန် တစ်ဦးက The Voice သို့ ပြောဆိုသည်။

ယင်းသူငယ်တန်း ကျောင်းသူ အဓမ္မ ပြုကျင့်ခံရမှုကို ကျောက်တန်းမြို့နယ် ရဲစခန်းမှ စခန်းမှူးဖြစ်သူ ဒုရဲမှူး ခင်စိုးမှ တရားလိုပြု တိုင်ကြားထားပြီး၊ (ပ)၂၀၅/၂၀၁၃ ပြစ်မှုပုဒ်မ ၃၇၆၊ ၃၇၇ ဖြင့် အမှုဖွင့် အရေးယူထားကြောင်း အဆိုပါ ရဲစခန်းထံမှ သိရသည်။

အဆိုပါ အမှုနှင့် ပတ်သက်၍ ယင်း ရဲစခန်းကို ဇူလိုင်လ ညနေ ၄ နာရီခန့်က The Voice မှ သွားရောက် မေးမြန်းသော်လည်း စခန်းမှူး မရှိကြောင်း တာဝန်ရှိသူ တစ်ဦးက ပြန်လည် ဖြေကြားခဲ့သည်။

အောင်မျိုးထက်၊ ဟိန်းသွင်ထက်
The Voice Weekly