Tuesday, August 13, 2013

ချစ်သူနှင့် ထာဝရ လက်တွဲခွင့်ရပြီး ပျော်ရွှင်နေသည့် လီဗြောင်ဟွန်း

Posted by drmyochit Tuesday, August 13, 2013, under | No comments



ချစ်သူနှင့် လက်ထပ် ထိမ်းမြားခွင့် ရခဲ့ခြင်းအတွက် အလွန် ပျော်ရွှင်မိကြောင်း တောင်ကိုရီးယား ရုပ်ရှင် မင်းသား လီဗြောင်ဟွန်းက ဝန်ခံ ပြောကြားလိုက်သည်။ တောင်ကိုရီးယား ရုပ်ရှင်လောက၏ ဦးဆောင် မင်းသား အဖြစ် လူသိများပြီး ဟောလီးဝုဒ်ထိ ထိုးဖောက်နိုင်ခဲ့သူ လီသည် ကာလရှည်ကြာ တွဲခဲ့သည့် ချစ်သူ လီမင်ဂျွန်းနှင့် စနေနေ့က လက်ထပ်ခဲ့ကြသည်။ ဆိုးလ်တွင် ကျင်းပခဲ့သော မင်္ဂလာပွဲသည် တောင် ကိုရီးယား ရုပ်ရှင်လောက၏ အလင်းလက်ဆုံး ကြယ်နှစ်ပွင့် ပေါင်းဖက်မှုလည်း ဖြစ်လာခဲ့သည်။ အသက် (၄၃)နှစ်ရှိ မင်းသားက ၎င်း၏ ချစ်သူနှင့် လက်ထပ်ခဲ့ရမှုအပေါ် "ကျွန်တော့်အတွက်တော့ အိပ်မက်တွေ တကယ်ဖြစ် လာတာပါပဲ"ဟု မီဒီယာများထံ ပျော်ပျော်ရွှင်ရွှင် မှတ်ချက်ပေးခဲ့သည်။

မင်းသမီး လီကလည်း "မှတ်မှတ်ရရ ကျွန်မတို့ မင်္ဂလာပွဲနေ့ မနက်ပိုင်းမှာ လျှပ်စီးတွေလက်ပြီး မိုးတွေလည်း ခြိမ်းတယ်။ ကိုရီးယား ရှေးရိုး စကားပုံတွေအရ လက်ထပ်ပြီးစ မင်္ဂလာ စုံတွဲတွေအတွက် လျှပ်စီးနဲ့ မိုးခြိမ်းမှုတွေက ကောင်းမွန်တဲ့ လက္ခဏာတွေ ဖြစ်ပါတယ်။ ကျွန်မတို့ နှစ်ယောက်ရဲ့ ဘဝကို ပျော်ပျော်ရွှင်ရွှင် အတူတကွ အကောင်းဆုံး ရှေ့ဆက်သွားချင်ပါတယ်"ဟု ဖွင့်ဟခဲ့သည်။ G.I. Joe ဇာတ်ကားနှစ်ခုတွင် သရုပ်ဆောင်ခဲ့သလို Iris ဇာတ်လမ်းတွဲများကြောင့် နာမည်ကျော်ခဲ့သော လီသည် မကြာသေးမီက ရုံတင်ခဲ့သည့် Red 2တွင်လည်း မင်းသား ဘရုစ်ဝီလီနှင့်အတူ အပြိုင်ကြဲထားခဲ့သည်။

From: Planet Myanmar Network

0 comments:

Post a Comment

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်