ရွက်ဆစ်အဖွဲ့ကိုမေးချင်ပါတယ်

ငြိမ်းချမ်းရေးကို ကျွန်တော်တို့တိုင်းရင်းသားအားလုံး လိုလားကြတယ်။ ငြိမ်းချမ်းရေးအတွက်လုပ်ကိုင် နေကြ သူတွေ လည်း လုပ်နေကြပါတယ်။ အစိုးရကလည်း ငြိမ်းချမ်းရေးရဖို့ လိုက်လျောကြိုးပမ်းနေတယ်။ ရှမ်းပြည် နယ် အစိုးရကလည်း ငြိမ်းချမ်းရေးအတွက် ကြိုးစားဆောင်ရွက်နေတယ်။ ရှမ်းပြည်နယ်အတွင်းမှာ ရှိတဲ့ တိုင်းရင်း သားလက်နက်ကိုင်တွေကလည်း ငြိမ်းချမ်းရေးလိုချင်တယ်ပြောတယ်။ ဒါကြောင့် ငြိမ်းချမ်းရေး ဆွေးနွေး ပွဲတွေ လုပ်ခဲ့ကြတယ်။ သဘောတူညီချက်တွေရယူပြီး အပစ်အခတ်တွေရပ်စဲကြတယ်။ နိုင်ငံရေး စကားဝိုင်းဆီသွားကြမယ်ပေါ့။ ရည်ရွယ်ချက်တွေ၊ စေတနာတွေ သိပ်ကောင်းတော့ ငြိမ်းချမ်းရေးစကားကို မျှော်လင့်နေတဲ့ တိုင်းရင်းသားပြည်သူလူထုတွေ သိပ်ပျော်ရတာပေါ့။

ဒါပေမယ့်လက်တွေ့ငြိမ်းချမ်းရေးဖော်ဆောင်ရာမှာရော ရည်ရွယ်ချက်တွေ၊ စေတနာတွေမှန်ကြပါရဲ့ လား။ ထာဝရငြိမ်းချမ်းရေးလို့ ပါးစပ်က တဖွဖွရွတ်ဆိုနေပြီး တလွဲတချော်ဖော်ဆောင်နေရင်ကော ငြိမ်းချမ်းရေးက ဝေးနေဦးမှာပါ။ ၇-၈-၂၀၁၃ ရက်နေ့ကပဲ ကျိုင်းတုံမှာ RCSS/SSA အဖွဲ့ဥက္ကဋ္ဌ ရွက်ဆစ်က နေပြည်တော် မှာ သမ္မတနဲ့ တွေ့ဆုံခဲ့တာကို ပြန်ရှင်းပြလို့ သွားနားထောင်ခဲ့ရပါသေးတယ်။ NLD၊ SNDP၊ SNLD၊ NDF၊ ပြည်ခိုင်ဖြိုးနဲ့ လားဟူပါတီက လူတွေ၊ မြို့မိမြို့ဖနဲ့ ရှမ်းစာပေယဉ်ကျေးမှုအဖွဲ့က ကျောင်းသူ၊ ကျောင်းသား တွေ ဒေသခံပြည်သူလူထုစုစုပေါင်း ၂၅၀ လောက်တက်ခဲ့ကြပါတယ်။

အရင်တစ်ချိန်က သောင်းကျန်းသူအဖွဲ့ဆိုပေမယ့် လက်ရှိအစိုးရနဲ့ ငြိမ်းချမ်းရေးဆွေးနွေးနေတာ ဆိုတော့ နည်းနည်းတော့ကြီးကျယ်လာပြီပေါ့။ မြို့ကြီးရပ်ကြီးတွေအထိ ပေါ်ပေါ်ထင်ထင်တက်ပြီး သွားလာ လုပ်ကိုင် နိုင်ကြ ပြီပေါ့။ RCSS/SSA အဖွဲ့အနေနဲ့ ဖက်ဒရယ်ပြည်ထောင်စုဖြစ်ဖို့၊ ကိုယ်ပိုင်အုပ်ချုပ်ခွင့်ရဖို့၊ စစ်မှန်တဲ့ ဒီမိုကရေစီရရှိဖို့၊ ပြည်နယ်လုံခြုံရေးဖွဲ့စည်းဖို့နဲ့ မူးယစ်ဆေးဝါးအန္တရာယ်တားဆီးကာကွယ်ဖို့ ရည်မှန်း ချက်တွေ ရှိကြောင်း အစိုးရနဲ့ သဘောတူညီမှုရရှိခဲ့တယ်လို့ ဆိုပါတယ်။

ရှမ်းပြည်နယ်ငြိမ်းချမ်းရေးအတွက် အစိုးရ၊ ပြည်နယ်အစိုးရ၊ အဖွဲ့အစည်းအသီးသီးနဲ့ ရှမ်း တိုင်းရင်းသား လက်နက်ကိုင် အဖွဲ့တွေ ဝိုင်းဝန်လုပ်ဆောင်ကြတာတော့ကောင်းပါတယ်။ ရွက်ဆစ်တို့အဖွဲ့ ရှင်းပြ တာ တွေ ကို နားထောင်ရင်း တချို့ကိစ္စတွေကတော့ သူ့အပိုင်းကိုယ့်အပိုင်း၊ သူ့စည်းကိုယ့်စည်းလေး တွေ ရှိသင့် တယ်လို့ ခံစားမိပါတယ်။ ရွက်ဆစ်တို့က မူးယစ်ဆေးဝါးတားဆီးမယ်ပြောတယ်။ ဒါပေမယ့် ဘိန်းခွန်ကောက် တာ အခုထိရှိတုန်းဆိုတော့ ဘိန်းစိုက်ပျိုးရေးကို သူတို့ကတစ်ဖက်လှည့်နဲ့ အားပေးနေကြ သလားပေါ့။

၂၀၁၄ခုနှစ် သန်းခေါင်စာရင်းကောက်တဲ့အခါမှာလည်း ဝိုင်းဝန်းဆောင်ရွက်မယ်လို့ပြောပါတယ်။ ဒါပေမယ့် ရှမ်းလက်နက်ကိုင်တွေအနေနဲ့ သီးခြားစာရင်းကောက်ခံနေတာမျိုးဆိုရင်တော့ လမ်းကြောင်းလွဲ နေမှာ ဖြစ်ပါ တယ်။ ငြိမ်းချမ်းရေးက ဘယ်နားနေမှန်းမသိသေးဘူး။ RCSS/SSA ဆိုတာ ရှမ်းပြည်နယ် တစ်ခု လုံးကို ကိုယ်စားပြုတယ်လို့ပြောလို့မရတဲ့ ရှမ်းလက်နက်ကိုင်အဖွဲ့တစ်ဖွဲ့ပါ။ ဒီလိုလက်နက်ကိုင်အဖွဲ့ လေးက ကိုယ့်ကိုယ်ကို အစိုးရလို့ထင်ပြီး ကိုယ့်အလုပ်မဟုတ်တာတွေလုပ်နေတယ်လို့လည်း ထင်ရပါ တယ်။ RCSS/SSA အဖွဲ့အနေနဲ့ တိုင်းပြည်အေးအေးချမ်းချမ်းရှိတာမြင်လိုတယ်လို့ ရှင်းပြခဲ့ပါသေးတယ်။ တကယ် ဆန္ဒရှိခဲ့ရင်တော့ RCSS/SSA အနေနဲ့ ငြိမ်းချမ်းရေးကိုပဲ အာရုံစိုက်သင့်တာပေါ့။ မြို့ပေါ်တွေအထိ လာပြီး ဆက်ကြေးကောက်တာတွေလည်း ရပ်သင့်ပါပြီ။ ဆက်ကြေးကောက်ခံမှုတွေ၊ ခြိမ်းခြောက်မှုတွေ မရှိ ဘူးလို့ သူတို့က ငြင်းနေပေမယ့် ဆက်ပြီးကောက်ခံခြိမ်းခြောက်နေတုန်းပါပဲ။ ငြိမ်းချမ်းရေးကို အချိန်ဆွဲပြီး စစ်သားစုဆောင်းနေတာလည်း ဆက်ရှိနေတုန်းဆိုတော့ ကျွန်တော်တို့တိုင်းရင်းသားတွေက အလုပ်ပျက်၊ အကိုင်ပျက်နဲ့ ဒီဒဏ်တွေခံနေရတုန်းပါပဲ။

၂၄-၇-၂၀၁၃ရက်နေ့မှာ SSA(ရွက်ဆစ်)အဖွဲ့က ပေါ့ထောက်ဝေါင် (ခ) နှုတ်ခမ်းမွေးအဖွဲ့က မိုင်းယောင်း မြို့နယ် ၀မ်တပ်၊ ၀မ်ဒေ၊ ၀မ်မိုင်နဲ့ ၀မ်ကျူးကျေးရွာတွေက ရွာသား ၅၉ ယောက်ကို ဖမ်းဆီးသွား တဲ့ ဖြစ်စဉ် အမှန်ကိုသိချင်လို့ ဒီပွဲမှာ သတင်းထောက်တွေက မေးမြန်းခဲ့ကြပါတယ်။ RCSS/SSA အဖွဲ့က တာဝန် ရှိသူတွေ မျက်နှာပျက်ရုံမှအပ ပြန်ဖြေကြားခဲ့တာမရှိပါဘူး။ အဖမ်းခံရသူတွေကတော့ ပြန်လွတ် လာကြပါပြီ။

RCSS/SSA အဖွဲ့ဟာ အစိုးရနဲ့ ငြိမ်းချမ်းရေးသဘောတူထားလို့ ပြည်သူတွေက သူတို့ကိုတွေ့ဖို့ မကြောက် ပါနဲ့လို့ ပြောပေမယ့် ဆက်ကြေးကောက်တုန်း၊ စစ်သားစုဆောင်းတုန်းဖြစ်တဲ့ RCSS/SSA အဖွဲ့ကို ကျွန်တော်တို့ ကြောက်နေရတုန်းဖြစ်ပါတယ်။ ပြည်နယ်အစိုးရက လုပ်ရမယ့်အလုပ်တွေကို RCSS/SSA အဖွဲ့က ၀င်စွက်ဖက်ပြီးလုပ်နေကြတော့ ဘယ်သူက ရှမ်းပြည်နယ်ရဲ့အစိုးရလည်း ကျွန်တော်တို့ ရှမ်း တိုင်းရင်းသားတွေက ဘယ်သူခိုင်းတာလုပ်ရမှာလဲ ဆိုတာကို မေးလို့ရရင် မေးချင်လာပါတယ်။

ရှမ်းတိုင်းရင်းသားတစ်ဦး