Time in Rangoon 
ဘီလာရုစ် နိုင်ငံတွင် စခန်းသွင်း လေ့ကျင့်လျက် ရှိပြီး ရှေ့လဆန်းတွင် ဗိုလ်လုပွဲ ကျင်းပတော့မည့် ကမ္ဘာ့ Miss Supranational အလှမယ် ပြိုင်ပွဲ အကြိုခန့်မှန်းမှု Hot Picks - 3 တွင် မြန်မာနိုင်ငံမှ အလှမယ် ခင်ဝင့်ဝါက ထိပ်ဆုံး ၁၅ ဦးတွင် အမှတ်စဉ် (၁၄)နေရာ၌ ပါဝင်လျက် ရှိသည်။ နိုင်ငံတကာမှ ကျွမ်းကျင်ပညာရှင်များက ကြိုတင် ခန့်မှန်းမှုများ နှစ်စဉ် ထုတ်ပြန်လေ့ရှိရာ Hot Picks အမည်ဖြင့် ထုတ်ပြန်ချက်၌ စုစုပေါင်း ပြိုင်ပွဲဝင် ၉၀ ကျော်အနက်မှ ပထမပတ်တွင် ထိပ်တန်း ၁၀ ဦးကို ရွေးချယ်ဖော်ပြခဲ့စဉ် ခင်ဝင့်ဝါ မပါခဲ့သော်လည်း ယခင်အပတ် ခန့်မှန်းချက်၌ နံပါတ်ရှစ်နေရာသို့ ရောက်ခဲ့သည်။
ယခုတစ်ပတ် တတိယအကြိမ်ခန့်မှန်းချက် အဖြစ် ၂၅-၈-၂၀၁၃ ရက်က ထုတ်ပြန်ခဲ့ရာ ခင်ဝင့်ဝါက Top 15 စာရင်းတွင် နံပါတ် ၁၄ နေရာ၌ ရပ်တည်လျက် ရှိသည်။ ယခုလက်ရှိ အနေအထားအရ ဘရာဇီး၊ ဘီလာရုစ်၊ ဖိလစ်ပိုင်၊ ရုရှား၊ လက်ဗီးယား၊ ဒိန်းမတ်၊ ထိုင်း၊ ဗင်နီဇွဲလား၊ သြစတြေးလျ၊ မက္ကစီကို၊ ချက်၊ ဆူရီနမ်၊ ပွာတိုရီကို၊ မြန်မာနှင့် ကနေဒါတို့က ထိပ်ဆုံး ၁၅ ဦးတွင် အစဉ်လိုက် ရပ်တည်လျက် ရှိနေကြကြောင်း သိရသည်။
ပြည်မြန်မာ
0 comments:
Post a Comment