ည ၁၀ နာရီကျော်လို့ အပြင်ထွက်ရင် မိုင်းပဲနင်းနင်း၊ သေနတ်နဲ့ပဲ အပစ်ခံရခံရ သူတို့တာဝန်မယူဟု အသံပေးမိုင်းတစ်လုံးခွဲ၍ ဒေသခံများကို KIA မှ သတိပေး

ကချင်ပြည်နယ် မန်စီမြို့နယ် မန်ဝိန်းလေးကျေးရွာ သချိုင်္င်းကုန်းအနီးတွင်အောက်တိုဘာ ၁၂ ရက် ရက်ည ၉ နာရီခန့်က ကချင်လွတ်လပ်ရေး တပ်မတော် (KIA)အဖွဲ့ တစ်ဖွဲ့မှ အသံပေးမိုင်းတစ်လုံးခွဲပြီး ယင်းရွာသူ ရွာသားများအား ည ၁၀ နာရီနောက်ပိုင်း ရွာပြင်မထွက်ရန် လာရောက် တားမြစ်သွားခဲ့ကြောင်း ယင်းဒေသ ခံအချို့ထံမှ သိရှိရသည်။

မန်စီမြို့နယ် နန့်အူကြီးကျေးရွာတစ်ဝိုက်၌ ၀င်/ထွက်သွားလာနေသော KIA တပ်ဖွဲ့ဝင်များသည် အောက်တိုဘာ ၁၂ ရက်နေ့တွင် သံတံတားကျေးရွာ အနီးဝန်းကျင်သို့ အင်အားအလုံးအရင်းဖြင့် ရောက်ရှိ လာပြီး အဖွဲ့များ ခွဲ၍ သွားလာနေသောကြောင့် အစိုးရတပ်များနှင့် KIA တို့ တွေ့ဆုံ တိုက်ပွဲ ဖြစ်ပွားမှာ ကို ဒေသခံများက စိုးရိမ် နေကြသည်။

အဆိုပါ အသံပေးမိုင်းခွဲမှုနှင့်ပတ်သက်၍ မန်ဝိန်းလေးရွာသားတစ်ဦးအား မေးမြန်းကြည့်ရာ ``အဲဒီနေ့ည ၉ နာရီ လောက်မှာ ရွာအနောက်ဘက် သချိုင်္င်းနားလောက်က မိုင်းကွဲသံကြားရပါတယ်။ အသံကအကျယ်ကြီး ဆိုတော့ တစ်ရွာလုံး ကြောက်နေကြတာပေါ့၊ တိုက်ပွဲတွေ ဖြစ်တော့မှာလား ဆိုပြီး တွေးပူနေကြတာ။ အချို့ဆိုရင် အထုပ် အပိုးတောင်ပြင်ပြီး နေကြပြီ´´ ဟု ပြောပြသည်။

``မိုင်းကွဲပြီး နာရီဝက်လောက်ကြာတော့ ကချင်တပ်က အဖွဲ့တွေ ရောက် လာတယ်။ ည ၁၀ နာရီ ကျော်ရင် ရွာပြင်မထွက်ရဘူးလို့ ပြောသွားတာပဲ၊ ရွာပြင်ထွက်လို့ မိုင်းနင်းမိတာ ပဲ ဖြစ်ဖြစ်၊ သေနတ် ပစ်ခံ ရတာဘဲ ဖြစ်ဖြစ်၊ သူတို့အနေနဲ့ လုံးဝတာဝန်မယူဘူးလို့ ပြောဆိုပြီး ပြန်သွားကြတယ်´´ ဟု ၎င်းက ဆက်လက်ပြောပြသွားသည်။

အဆိုပါကျေးရွာနှင့်အနီးပတ်ဝန်းကျင်ရှိ ကျေးရွာများ တစ်ဝိုက်တွင် ကချင် လွတ်လပ်ရေး တပ်မတော် (KIA)အဖွဲ့ ၀င်များအား လှုပ်ရှား သွားလာနေကြပြီး မိုင်းခွဲကာ အသံပေးခြောက်လှန့်ခြင်း၊ ရွာပြင်မထွက်ရန် လာရောက် တားမြစ် ခြင်းတို့ကြောင့် ဒေသခံရွာသူရွာသားများ စိတ်ဒုက္ခရောက်နေကြရကြောင်း ယင်းဒေသ ခံတစ်ဦးက ဆိုသည်။

``ရွာသူရွာသားတွေဟာ ရွာထဲမှာနေရပေမယ့်လုံခြုံတယ်လို့ မခံစားရပါဘူး။ ကချင်တပ်က ဒီလောက်သွား လာ နေမှတော့ အစိုးရ စစ်တပ်နဲ့ တစ်နေရာ မဟုတ် တစ်နေရာတွေ့ပြီး ပစ်ကြခတ်ကြဦးမှာပဲ၊ ဒုက္ခရောက် တာက ဒေသခံတွေပါဗျာ´´ ဟု မန်စီမြို့ခံကျောင်းဆရာတစ်ဦးက ပြောပြသွားသည်။

ကချင်လွတ်မြောက်ရေးအဖွဲ့(KIO)နှင့် အစိုးရငြိမ်းချမ်းရေးဖော်ဆောင်ရေး အဖွဲ့ တို့သည် အောက်တို ဘာ (၈၊၉၊ ၁၀) ရက်နေ့များတွင် ပြည်ထောင်စု အဆင့်ငြိမ်းချမ်းရေးဆွေးနွေးပွဲ ပြုလုပ်ကျင်းပပြီး သဘောတူညီ ချက်များ ရရှိခဲ့သော်လည်း KIA ၏ ယခုလို လုပ်ရပ်များကြောင့် ဒေသခံတိုင်းရင်းသား များ၏ လူနေမှု ဘ၀ စိုးရိမ်ဖွယ်ရာ ဖြစ်လာကြောင်း တရုတ် - မြန်မာနယ်စပ်ရှိ ကချင်အရေးလေ့လာသုံးသပ်သူ သတင်းထောက် တစ်ဦးကလည်း ပြောပြ သွားခဲ့သည်။

အယ်နော်ဆိုင်း

By ကချင်နေ့စဉ်သတင်း