ပိန်ချင်လား၊ ကျန်းမာချင်လား … ဆန်ပြုတ်စား

ကိုယ်အလေးချိန် ချချင်တဲ့သူတွေ၊ ကျန်းမာရေးနဲ့လည်း ညီညွတ်တဲ့ အစားအစာက ဘာလဲ။ ရန်ကုန်မြို့လယ်ခေါင်မှာ နှစ် ၄ဝလောက် စားသုံးသူတွေ အားပေးမှုရနေတဲ့ဆိုင်ကတော့ လမ်း၂ဝ ဆန်ပြုတ်ဆိုင်ပါ။ ဆန်ပြုတ်က ဘာတွေထူးခြားလို့လဲ။

ကြက်ပေါင်းရည်နဲ့ ပြုတ်ထားတာဖြစ်လို့ ဆန်ပြုတ်ထဲမှာ ကြက်ပေါင်းရည် အာနိသင်ပါပြီး အစာလည်း ကြေလွယ်၊ ဝမ်းလည်းကောင်းတာကြောင့် ဖြစ်တယ်လို့ ဆိုင်နာမည်မရှိပေမယ့် ညီအစ်ကိုသုံးယောက်ဆန်ပြုတ်ဆိုပြီး လူသိများတဲ့ ဆန်ပြုတ်ဆိုင်ပိုင်ရှင် ကိုရဲဝင်းအောင်က ဆိုပါတယ်။

ဆန်ပြုတ်ဆိုတာ နေမကောင်းတဲ့အခါ စားရတဲ့ လူမမာစာလို့ ခေါ်ကြပေမယ့် လမ်း ၂ဝက ဆန်ပြုတ်ကတော့ တော်တော်ကွာပါတယ်လို့ ပြောသူက ကိုဇေယျာမင်းပါ။

နောက်ထပ် စားသုံးသူတစ်ယောက်ဖြစ်တဲ့ ကိုစိုးလင်းထက်က ဒီဆန်ပြုတ်ဟာ လက်ရာမပြောင်းအောင် ထိန်းထားနိုင်တာနဲ့ ငါးဆန်ပြုတ်ဟာ အစာအိမ်အတွက် အကောင်းဆုံးမို့ လာစားဖြစ်တယ်လို့ ညွှန်းပါတယ်။

ကဲ အခုတော့ ကိုရဲဝင်းအောင်ကိုယ်တိုင် နာမည်ကျော် ဆန်ပြုတ်ကို ဘယ်လိုလုပ်လဲဆိုတာ အခုလိုပဲ ရှင်းပြပေးပါတယ်။

Kamayut Media