ရခိုင်ပြည်နယ်အတွင်း အစိုးရဆိုင်ရာ ရုံးတစ်ချို့တွင် ၀န်ထမ်းများအား သတ်မှတ်ချိန်ထက်ပိုမိုအလုပ် ခိုင်း စေခြင်းများရှိနေပြီး အချိန်ပိုအတွက်လုပ်အားခမရဘဲ အလုပ်လုပ်ပေးနေရခြင်းအပေါ် ၀န်ထမ်းအများစု မကျေ မနပ်ဖြစ်နေကြောင်းနှင့် သတ်မှတ်ထားသော ရုံးတက်ရုံးဆင်းချိန်များကိုလိုက်နာရန်လိုအပ်နေဟုဆို

စစ်တွေ၊ စက်တင်ဘာ-၅

ထိုကိစ္စများနှင့်ပတ်သက်ပြီး အစိုးရ၀န်ထမ်းတစ်ဦးက “ဌာနမှာ အမျိုးသမီးအရာရှိတစ်ဦးရောက်တယ်။ အဲဒီ နေ့ကစပြီး ရုံးဆင်းရုံးတက်ချိန်မမှန်တော့ဘူး။ ပုံမှန် လေးနာရီခွဲအလုပ်ဆင်းရမှာ ည ၈ နာရီထိုးတဲ့နေ့လည်း ရှိတယ်။ ဒါဟာ တရားသလား။ သူနဲ့ အဆင်ပြေတဲ့ဝန်ထမ်းတွေဆို အလုပ်မလုပ်ပဲနေလဲ အရေးမလုပ်ဘူး။ မျက်နှာလိုက်တယ်။ တကယ်တော့ ရုံးဆင်းချိန်၊ ရုံးတက်ချိန်အတိုင်း အလုပ်လုပ်ခွင့်ပေးစေလိုပါတယ်”ဟု အမည်မဖော်လိုသော ၀န်ထမ်းတစ်ဦးက ရှင်းလင်းပြောကြားခဲ့ပါသည်။

ယင်းနည်းတူစွာပင် အခြားသော ဌာနဆိုင်ရာဝန်ထမ်းများအနေဖြင့်လည်း ရုံးတက်ချိန်စောပြီးခေါ်ခြင်း၊ ရုံးဆင်း ချိန် လွန်စွာနောက်ကျပြီးမှ ပြန်ခိုင်းခြင်းများကို ၀န်ထမ်းအများစု ရင်ဆိုင်နေရပြီး ၀န်ထမ်းပိုင်း ဆိုင်ရာ စည်းကမ်း စည်းမျဉ်းများကို လေ့လာရန်လိုအပ်နေသကဲ့သို့ သတိထားရန် လည်းလို အပ်နေပြီဖြစ် သည်ဟု လည်းပြော ဆို ကြသည်။

အခြားဝန်ထမ်းတစ်ဦးကလည်း “ တိုးတက်လာတဲ့ခေတ်လို့ပြောနေကြပေမယ့် ရုံးပိုင်းဆိုင်ရာက လူတွေဟာ အခုတိ ဘာမှ တိုးတက်တယ်လို့မမြင်ဘူး။ ခြစားမှု၊ လာဒ်စားမှုတွေကို အခုတိပြုလုပ်နေကြတယ်။ အတူး သဖြင့် အလုပ်ခန့်၊ ၀န်ထမ်းခန့်ထားရေးအပိုင်းမှာ လာဒ်စားမှုတွေရှိတယ်။ ဒါကလည်း အလုပ်မရှိလို့ အလုပ် လိုချင်ကြ တဲ့ လူများကို ငွေပေးပြီး ခန့်ဖို့စည်းရုံးတယ်။ ပေးသူမှားလား၊ ယူသူမှားလားဆိုတာတော့ မသိ တော့ ဘူး။ စနစ်ဆိုးတွေပျောက်ဖို့လိုပြီလို့ထင်တယ်။ ဌာနဆိုင်ရာအကြီးအကဲတွေကလည်း လက်အောက် ငယ် သားတွေ အပေါ်မှ ဆက်ဆံရေးတွေ ပြောင်းလဲဖို့လိုပြီဖြစ်တယ်။ အဲဒါကို ပြည်နယ်အဆင့်၊ ပြည်ထောင် စု အဆင့် လူကြီးတွေ သိသင့်တယ်။ အပြစ်ပေးသင့်တယ်လို့ ယူဆပါတယ်”ဟုသူ့အမြင်ကို သုံးသပ်ပြောကြားခဲ့သည်။

ရခိုင်ပြည်နယ်အတွင်း ဌာနဆိုင်ရာများတွင် အကျင့်ပျက်ခြစားခြင်း၊ အလုပ်ချိ်န်များကို အတင်း ခိုင်းခြင်း များသည် ခြစားမှု တိုက်ဖျက်နေသော ဦးသိန်းစိန်အစိုးရသစ်လက်ထက်တွင် ထိုသို့ပြုလုပ်နေ ခြင်းမှာ လုံးဝမသင့်တော်တော့ကြောင်းလည်း ပြောဆိုကြပါသည်။

အချိန်ပို လုပ်အား ခမရသော ၀န်ထမ်းများအနေဖြင့် အချိန်ပိုဆင်းပေးနေရခြင်းသည် ၀န်ထမ်း ဆိုင်ရာ စည်းကမ်း စည်းမျဉ်း တွင် မပါကဲ့သို့ နိုင်ထက်စီးနင်းခိုင်းစေခြင်း၊ အရာရှိ အာဏာကိုအလွဲသုံးစားလုပ်ပြီး ခိုင်းခြင်းများသည် ကျင့်ဝတ်ပိုင်းနှင့်သိက္ခာပိုင်းတွင်လည်း ထိခိုက်မှုများရှိကြောင်း ပြောဆိုကြပါသည်။

အရာရှိဆိုသည့်အစွဲဖြင့် လက်အောက်ဝန်ထမ်းများအပေါ် နိုင်ထက်စီးနင်းပြောဆိုခြင်း၊ ခင်မင်သူကို မျက်နှာ သာပေးခြင်းနှင့် စည်းကမ်းပျက်အောင် လုပ်ဆောင်ခြင်းများသည် ယနေ့ခေတ်အထိ သယ်ဆောင်လာရန်မ သင့်တော့ကြောင်းနှင့် စုံစမ်းစစ်ဆေးမှုများပြုလုပ်ပြီး ထိရောက်သော အပြစ်ပေးမှုများကို ပြုလုပ်ကာ အကောင်း ဘက်သို့ရောက်အောင်ပြုပြင်ရန်လိုအပ်နေပြီဖြစ်ကြောင်း၊ အထူးသဖြင့် အချိန်ပို အလုပ်လုပ်နေ ရခြင်း များကို ၀န်ထမ်းများရင်ဆိုင်နေရခြင်းအပေါ် အလေးထားဆောင်ရွက်သင့်ကြောင်းလည်း လေ့လာသူ များက သုံးသပ်ပြော ဆိုကြပါသည်။

RSV