ကံပစ်ချရာ

မိမိတို့ရဲ့ယုံမှားမှု့သံသယတွေကိုပယ်ဖျောက်နိုင်စေဖို့ ရရှိထားတဲ့ဘ၀အမှန်ကို ဘယ်သူတစ်ဦး တစ်ယောက်ကမှ လုပ်ပေးလို့ရတယ်ဆိုတဲ့ အယူအစွဲတွေ ယနေ့သူတော်စင်များ ရဲ့သန္တာန်မှာ အနည်းငယ်မျှမကျန်ရအောင် အား လုံးရဲ့သန္တာန်မှာ ရှင်းရှင်းလင်းလင်းနဲ့ အသိတွေကိန်းဖို့အတွက်က ကိုယ့်ရဲ့ဖြစ်ပေါ်လာတဲ့ဇစ်မြစ်အမှန်တရား တော်ကို ဖော်ထုတ်သိခွင့်ရမယ် ဆိုရင်တော့ သံသယမရှင်းနိုင်ဘူးလား…ရှင်းနိုင်ပါတယ်။ အေး ဒီသံသယတွေ ရှင်းနိုင်ဖို့က နဂိုတုန်းကတော့ ကိုယ်ဖြစ်လာတဲ့ဘ၀ကို သမိုင်းသုတေသီတွေကလည်းပဲ ဩော် လူနဲ့မျောက်က ဆင်သလိုလိုရှိတဲ့အတွက် မျောက်ကဆင်းသက်လာသလိုလို၊ တစ်ချို့ရှေးကျတဲ့အယူတွေကြောင့် ဗြဟ္မာ၊သိ ကြားပဲ မွေးဖွားလာသလိုလို၊ တန်ခိုးရှင်တွေဖန်ဆင်းရှင်တွေကပဲဖန်ဆင်းလို့ ပေါ်လာသလိုလို ဒီလိုမျိုးနဲ့ပဲ အယူ အစွဲတွေကအားကောင်းပြီး လက်ခံလာကြလို့ မှားယွင်းတဲ့အယူတွေနောက်မှာ တကောက်ကောက်ပါခဲ့ကြ အခု ဘုရားရှင်ကိုယ်တော်မြတ်ကြီး ပွင့်ထွန်းလာတဲ့ သာသနာတော်နဲ့ အားလုံးသူတော်စင်တွေ လာဆုံတဲ့အခါမှာ အမှန်တရားတွေကိုနာခွင့်ရလို့ ဖန်ဆင်းရှင်၊တန်ခိုးရှင် ဆိုတာတွေလည်း မဟုတ်ပါလား၊ ဗြဟ္မာသိကြားကမွေးဖွား တယ်ဆိုတာလည်း မဟုတ်ပါလား၊ မျောက်ကဆင်းသက်လာတယ်ဆိုတာလည်း မဟုတ်ပါလား တကယ့်ကိုအ ကြောင်းတရားရှိပါလားလို့ ယနေ့မိမိတို့တရားတွေကိုနာရတဲ့အခါကျတော့ အသိအမြင်တွေက တိုးတိုးပြီးတော့ ဖြစ်ပေါ်ခဲ့တဲ့ သံသယတွေကို ကင်းစင်နိုင်လောက်အောင်ကော ဥာဏ်မရောက်ဘူးလား…ရောက်ခဲ့လား။ အဲ့ဒါ တွေကိုသိနိုင်ဖို့အတွက်က ယနေ့သူတော်စင်များရှေ့မှောက် တွေ့နေရတဲ့ပဋိစ္စသမုပ္ပါဒ်တရားကို သေချာကြည့် မယ်ဆိုရင်တော့ သဘောရှင်းမှာပါ။

ဒီပဋိစ္စသမုပ္ပါဒ်မှာကြည့်လိုက်ရင် အကွက်အားဖြင့် (၄)ကွက်မရှိဘူးလား။ (၁) အကွက်ကို လွန်ခဲ့ပြီးသော အတိတ်လို့မှတ်ထားနော်။(၂)အကွက်က ယခုကိုယ်ရထားတဲ့ဘ၀အမှန်ကို ဖော် ထုတ်ထားတဲ့ ပစ္စုပ္ပန်ဘ၀။ ဒါကြောင့် ယခုဖြစ်ဆဲပစ္စုပ္ပန်လို့မှတ်ထား။ ဟောဒီရရှိထားတဲ့ဘ၀အမှန်ကိုမသိရင် (၃)အကွက်မှာဒါတွေကိုပြန်ရအောင်ကြိုးစားနေတာဖြစ်တဲ့အတွက် ဒါကိုလည်းယခုလက်တွေ့ပစ္စုပ္ပန်မှာပြန်ကြိုး စားလို့ ယခုဖြစ်ဆဲပစ္စုပ္ပန်လို့ (၃)အကွက်ကိုလည်း မှတ်ထားပါ။ (၄)အကွက်က မရောက်သေး မရသေးတဲ့ အနာ ဂတ်ကို ဖော်ကြူးထားတာမို့လို့ နောင်ဖြစ်လတ္တံအနာဂတ်ကာလလို့ မှတ်ထားပါ။ ကာလအားဖြင့် သုံးပါး။အကွက် အားဖြင့်တော့ လေးကွက်ရှိတယ်ပေါ့။ ယနေ့မိမိတို့အားလုံးရောက်ရှိနေတာက (၂)အကွက်ထဲမှာနော်။ အဲ့တော့ (၂)အကွက်ထဲမှာ အားလုံးသော သတ္တ၀ါတွေ အပါယ်လေးဘုံကိုရောက်နေတဲ့ အပါယ်လေးဘုံသားတွေလည်းရှိ တယ်၊ လူ့ပြည်ကိုရောက်နေတဲ့ လူသားတွေရှိတယ်၊ နတ်ပြည်ကိုရောက်နေတဲ့ နတ်သားနတ်သမီးတွေရှိကြ တယ်၊ ဗြဟ္မာပြည်ကိုရောက်နေတဲ့ ဗြဟ္မာကြီးတွေလည်းရှိကြတယ်။ ၃၁ဘုံထဲမှာရှိနေကြတဲ့သတ္တ၀ါတွေအားလုံး ဘယ်အကွက်မှာတွေ့ရမလဲ…(၂)အကွက်မှာ။

အရင်တုန်းကတော့ ဗြဟ္မာ၊သိကြားကပဲ မွေးဖွားထားသလိုလို၊ တန်ခိုးရှင်၊ဖန်ဆင်းရှင်တွေကပဲ ဖန်ဆင်းထားသလိုလို ၊ သူတို့ကိုမကိုးကွယ်ရင် ဒဏ်ခတ်တဲ့အနေနဲ့အပါယ်လေး ဘုံကိုချသလိုလို၊ ကောင်းတာလုပ်တဲ့ပုဂ္ဂိုလ်များကျတော့လည်း သူတို့ကိုပူဇော်ပသတဲ့အတွက်ကြောင့်မို့လို့ လူ ချမ်းသာ ၊ နတ်ချမ်းသာကို ပေးသလိုလိုနဲ့ သလိုလိုနဲ့တက်လာခဲ့တဲ့ဘ၀ကြီးဟာ ရှည်ကြာခဲ့ပါပြီ။ အခုမြတ်စွာဘု ရားပွင်လာတဲ့အခါကျမှ ဒါတွေအားလုံး ဘာတစ်ခုမှမဟုတ်ဘူးဟေ့။ ဟောဒီပစ္စုပ္ပန်မှာဖြစ်ပေါ်နေကြတဲ့ သတ္တ၀ါ တွေကို ဖြစ်ပေါ်စေတဲ့အကြောင်းအရာဟာ တစ်ခြားမဟုတ်ပါဘူးဆိုပြီး အတိတ်မှာမှာဖော်ထုတ်ပြီးတော့ အ တိတ်နဲ့ပစ္စုပ္ပန်ကို အကြောင်းအကျိုးဆက်စပ်တဲ့နေရာမှာ သေချာသဘောပေါက်အောင် နားလည်လွယ်အောင်...........

ကံပစ်ချရာ သတ္တ၀ါ ရောက်ကာနေရသည်

အခုပစ္စုပ္ပန်မှာရှိနေကြတဲ့သတ္တ၀ါတွေ ခေါင်းအမျိုးမျိုးတပ်ပြီးတော့ ဆိုင်းဘုတ်တွေမရေမတွက်နိုင်အောင် ဆွဲထား ပါစေ။ အဲ့ဒီမြားမြောင်လှတဲ့သတ္တ၀ါအမျိုးအမည်ပေါင်းကို ဘယ်သူတွေကများ ရအောင်ပြုလုပ်ပေးခဲ့သလဲဆို တော့ကိုယ်ဆိုင်ရာ ဆိုင်ရာအတိတ်ကလုပ်ခဲ့တဲ့ကံက ပြုလုပ်ပေးတယ် လို့မှတ်လိုက်နော်။ ဟောဒီပစ္စုပ္ပန်သတ္တ၀ါ တွေကို ဘယ်သူလုပ်ပေး … ကံတရားကလုပ်ပေးတယ်။ အဲ့ဒီကံသင်္ခါရဆိုတာ ပစ္စုပ္ပန်မှာရောက်လာတဲ့သတ္တ၀ါ တွေအတွက်ကို ဟောဒီအတိတ်က ဖော်ကြူးထားတဲ့ သင်္ခါရတစ်လုံးမရှိဘူးလား။ အဲ့ဒီသင်္ခါရတရားမှာ သုံးမျိုးရှိ တယ်လို့မှတ်ထား။ ပုညာဘိသင်္ခါရဆိုတဲ့ ကုသိုလ်၊ အပုညဘိသင်္ခါရဆိုတဲ့ အကုသိုလ်၊ အနဉ္စာဘိသင်္ခါရဆိုတဲ့ ဈာန်၊သမထကုသိုလ် ရယ်ဆိုပြီး ရှိတယ်။ ကုသိုလ်သင်္ခါရကို အတိတ်တုန်းကလုပ်ခဲ့ရင် ယခုပစ္စုပ္ပန်မှာ လူ့ဘ၀အ ဖြစ်နဲ့ ပုံသဏ္ဏာန်အထည်တွေနောက်ကိုလိုက်ပြီး ဆိုင်းဘုတ်ဆွဲထားတဲ့ လူအဖြစ်နဲ့လည်းတွေ့ရမယ်၊နတ်အဖြစ်နဲ့ လည်းတွေ့ရမယ်၊ ရူပဗြဟ္မာအဖြစ်နဲ့လည်းတွေ့ရမယ်။ ဒီလိုဆိုရင် လူတွေ၊နတ်တွေ၊ဗြဟ္မာတွေကို ဖြစ်ပေါ်စေတဲ့ တရားသည် ပုညာဘိသင်္ခါရလို့မှတ်ထားနော်။ အနဉ္စာဘိသင်္ခါရကိုလုပ်ရင် အရူပဗြဟ္မာကိုရစေတယ်။ ဒီလိုဆိုရင် ဈာန်၊သမထကုသိုလ်တွေကိုလုပ်ရင် အရူပဗြဟ္မာကိုဖြစ်စေတယ်။ အပုညာဘိသင်္ခါရကိုလုပ်မယ်ဆိုရင် အပါယ် လေးဘုံကျမယ်၊ အပါယ်လေးဘုံကိုရောက်မယ်ပေါ့။

ကဲဒီလိုဆိုရင် အတိတ်ကသာ အပုညာဘိသင်္ခါရကိုလုပ်ရင် ယနေ့လူ့ဘုံရောက်ပါ့မလား။ နတ်ဘုံ၊ဗြဟ္မာဘုံရော တက်ချင်လို့ဖြစ်ပါ့မလား။ သူနဲ့ထိုက်တန်တဲ့အကျိုးပေးသည် ဘာလဲမေးရင် အပါယ်လေးဘုံ။ အတိတ်ကသာကောင်းမှု့ကုသိုလ်တွေလုပ်ခဲ့မယ်ဆိုရင် ဟောဒီပစ္စုပ္ပန်မှာ အပါယ်လေးဘုံကလွတ်ပြီး ယနေ့ရတဲ့လူ့ဘ၀လည်းရမယ်။ ဒီထက်မြင့်မြတ်တဲ့ နတ်ဘုံ၊ဗြဟ္မာဘုံလည်းရမယ်ဆို တော့ ကုသိုလ်သင်္ခါရရဲ့ အကြောင်းရှိရင် သုဂတိဘုံ လူနတ်ဗြဟ္မာမရဘူးလား။ အကုသိုလ်လုပ်ခဲ့မယ်ဆိုရင် အပါယ်လေးဘုံမကျဘူးလား။ ကဲဒီလိုဆိုရင် ၃၁ဘုံထဲရှိနေကြတဲ့ သတ္တ၀ါတွေသည် ဖန်ဆင်းရှင်၊တန်ခိုးရှင်နဲ့ဆိုင် သလား။ ဗြဟ္မာ၊သိကြားကမွေးဖွားတယ်ဆိုတာရော လက်ခံစရာအကြောင်းရှိသလား။ အဲ့လိုဆိုရင် ဒို့လုပ်ခဲ့တဲ့ အကြောင်းတရားတွေ ရှိလား..မရှိဘူးလား …ရှိပါတယ်။ အဲ့ဒီအကြောင်းတရားက သတ္တ၀ါတွေဖြစ်ရတာသည် ကံပစ်ချလို့ဆိုရင် မမှန်ဘူးလား။ အဲ့ဒီကံသင်္ခါရကို ဘယ်သူက အုပ်ချုပ်ခဲ့လဲမေးရင် .. အ၀ိဇ္ဇာ။

ဒါဖြင့် အ၀ိဇ္ဇာအုပ် ချုပ်ပြီး ကံသင်္ခါရတွေပြုလုပ်ပြီး ဟောဒီပစ္စုပ္ပန်မှာ လူ၊နတ်၊ဗြဟ္မာအဖြစ်တွေ့ရတယ်။ အဲ့ဒီတွေ့ရတဲ့ ၃၁ဘုံထဲမှာ ရောက်တဲ့အရပ်တွေကို အပါယ်လေးဘုံထက် လူ့ဘုံကမြတ်တယ်၊ လူ့ဘုံထက်နတ်ဘုံကမြတ်တယ်၊ နတ်ဘုံ ထက် ဗြဟ္မာဘုံကမြတ်တယ်လို့ သူ့ချမ်းသာချမ်းသာလေးတွေကို ဆင့်ကဲဆင့်ကဲပြတော့ အပါယ်လေးဘုံထက် လူ့ဘ၀ကို သာယာကြတယ်။ လူ့ဘုံထက် နတ်ဘုံကိုသဘောကျတယ်။ နတ်ဘုံထက်ဗြဟ္မာဘုံကို တပ်မက်နေ ကြတယ်။ အဲ့ဒီလိုမျိုးဆင့်ကဲ ဆင့်ကဲတပ်မက်နေတဲ့အတွက်ကြောင့်မို့လို့ ဟောဒီပစ္စုပ္ပန်မှာပြန်ပြီးတော့ အပါယ် လေးဘုံကိုမကျရအောင် လူ့ဘုံကိုလိုချင်တဲ့တဏှာနဲ့ရော မကြိုးစားဘူးလား။ နတ်ဘုံ၊ဗြဟ္မာဘုံကိုလိုချင်တဲ့ တ ဏှာနဲ့လည်း ကြိုးစားကြတယ်။ အဲ့ဒီတဏှာအုပ်ချုပ်ပြီးတော့ ကံသင်္ခါရတွေလုပ်ခဲ့တဲ့အတွက်ကြောင့်မို့လို့ ကမ္မ ပ စ္စယာ ဇာတိဆိုပြီး အနာဂတ်သံသရာမှာ ဇာတိချောက်ထဲပြန်မကျဘူးလား။

ဇာတိဘာသစ္စာ…ဒုက္ခသစ္စာ။ ဇာတိ ဆိုတဲ့တရားရရင် အိုသေရောမရဘူးလား။ အိုသေလည်း ဘာသစ္စာ…ဒုက္ခသစ္စာ။ လက်ရှိပစ္စုပ္ပန်မှာလည်း အပါယ်လေးဘုံသားလည်း ဒို့တွေအားလုံးဟာ ဟောဒီပစ္စုပ္ပန်မှာရောက်နေတယ်လို့ပြောပေမယ့် တကယ်တမ်း ကျတော့ ရောက်ရာဌာနကို ချမ်းသာတယ် ချမ်းသာတယ်လို့ ထင်ခဲ့ကြတဲ့အရာတွေအားလုံး ဘာတစ်ခုမှမဟုတ် ပါလားဆိုတာကို ယနေ့သိရအောင်က ရောက်လာတဲ့အရပ်ဌာနကိုကြည့်လိုက်ရင် အပါယ်လေးဘုံသားလည်း ၀ိ ညာဏ်ကစတယ်လို့မှတ်ထား။ လူ့ပြည်၊နတ်ပြည်၊ဗြဟ္မာ့ပြည်ကိုရောက်တဲ့ ပုဂ္ဂိုလ်လည်း ဘယ်ကစလဲ..၀ိညာဏ်။ ဒါဘ၀မှာအဦးဆုံး အစဆုံးဖြစ်တဲ့ ပဋိသန္ဓေစိတ် ၊ခန္ဓာအားဖြင့် ၀ိညာဏက္ခခန္ဓာ။ သစ္စာနဲ့ပြောရင် ဒုက္ခသစ္စာ။ ဘာနဲ့စခဲ့တုန်း ..ဒုက္ခသစ္စာနဲ့စခဲ့တယ်။ အဲ့ဒီဝိညာဏ်ရတဲ့ပုဂ္ဂိုလ်တိုင်း ၀ိညာဏပစ္စယာ နာမရူပံဆိုပြီးတော့ နာမ် ရုပ်ရောမပေါ်ဘူးလား။ အဲ့ဒီနာမ်ရုပ်မှာ စေတသိတ်နာမ်ရယ် ဟောဒီရုပ်တရားတွေကရယ်က ၃၁ဘုံထဲသတ္တ၀ါ တွေထဲမှာ ၂၈ပါးသော ရုပ်တွေက ပါပြီးသားဆိုတော့ ခန္ဓာငါးပါးပြသွားတယ်။

ဆရာတော်အရှင်ပုညာနန္ဒ၏ ကံပြစ်ချရာတရားတော်မှ ထုတ်နှုတ်ဖော်ပြအပ်ပါသည်။

Posted by သုံးဆယ် သား

Words of Buddha