Time in Rangoon 
ယနေ့ဟာ အမေရိကန် စူပါကားများကို ချစ်မြတ်နိုးသူများအတွက် ဂုဏ်ယူစရာ နေ့တစ်နေ့ပဲ ဖြစ်ပါတယ်။ ဘာဖြစ်လို့လဲ ဆိုတော့ ကယ်လီဖိုးနီးယား အခြေစိုက် Bulleta Motors က ယင်းတို့၏ စူပါကားဖြစ်တဲ့ RF22 အား ထုတ်ဖော်ပြသခဲ့ပါပဲ။
Lotus Evora အား အခြေခံပြီး ထုတ်လုပ်ထားပြီး သိပ်သည်းကျစ်လစ်ပြီး စူးရှထက်မြက်တဲ့ ပုံစံဒီဇိုင်းရှိတဲ့ RF22 ကို စိတ်ကူးပုံဖော် ဒီဇိုင်းရေးဆွဲ ခဲ့သူကတော့ Aston Martin DBC နှင့် Cadillac C-Ville တို့ရဲ့ ဖန်တီးရှင်ဖြစ်တဲ့ Samir Sadikhov ပဲ ဖြစ်ပါတယ်။ Bulleta အနေနဲ့ ကိုယ်ပိုင်ထုတ် Supercharger အား 3.5 Liter V6 အင်ဂျင်မှာ တပ်ဆပ်ပေထားပြီး မြင်းကောင် ၅၀၅ ကောင်အားနဲ့ အင်ဂျင်ရုန်းအား ၄၁၀ ပေါင်-ပေ ထွက်ရှိမှာဖြစ်ပါတယ်။
ဒီစွမ်းအားနဲ့ ၀-၆၀ မိုင်အား ၃.၆ စက္ကန့်နဲ့ အရောက်မောင်းနှင် နိုင်မယ်လို့ ဆိုထားပါတယ်။ F-22 Raptor ရဲ့ စွမ်းအားနဲ့ ညီမျှမှာ မဟုတ်ပေမယ့် စူပါကား စာရင်းဝင်ဖို့ကတော့ သေချာနေပါတယ်။
Mid-Engine လို့ခေါ်တဲ့ အင်ဂျင်ကို ကားကိုယ်ထည်ရဲ့ အလယ်ပိုင်းမှာ တပ်ဆင်ထားတဲ့ စနစ်ကနေပြီး နောက်ဘီးများထံသို့ အင်ဂျင်ပါဝါအား ၆ ချက်ထိုး manual (သို့) လက်ကိုင် ဂီယာခလုတ် (paddle shifter) တပ်ဆင်ထားတဲ့ ၆ ချက်ထိုး automatic တို့မှတဆင့် ပို့ဆောင်ပေးမှာ ဖြစ်ပါတယ်။
၁၉ လက်မအရွယ် ကာဗွန်ဖိုင်ဘာဘီးနဲ့ လက်မ ၂၀ အရွယ် အလူမီနီယံ အလွိုင်းဘီးများဟူ၍ ၂ မျိုး ၂ စား ရွေးချယ်တပ်ဆင် နိုင်မှာဖြစ်တယ်လို့လည်း သိရှိရပါတယ်။ ရှေ့ဘီးတာယာကတော့ Michelin Super Sport 245/40 ZR20 ဖြစ်ပြီး နောက်ဘီးတာယာကတော့ Michelin Super Sport 245/35 ZR20 ပဲ ဖြစ်လို့ ရာသီမရွေးမှာ လွယ်ကူစွာ ထိန်းချုပ်မောင်နှင် နိုင်ပါလိမ့မယ်။ ဒီဘီးများရဲ့ အနောက်မှာတော့ carbon ceramic disk ဘရိတ်များ တပ်ဆင်ပေးထားပါတယ်။
Bulleta Mortors ဟာ မကြာသေးမီကမှ ဈေးကွက်တွင်းသို့ ဝင်ရောက်လာခဲ့တာပါ။ ဤ FR22 ဟာ ယင်းတို့ရဲ့ ပထမဆုံးသော စူပါကားလည်း ဖြစ်ပါတယ်။ ဒီ့အတွက်ကြောင့်လည်း FR22 ကို ဝယ်ယူလိုသူများ အနေနဲ့ ကားကိုယ်ထည် အတွင်း၊ အပြင်ကို မိမိစိတ်ကြိုက် ရွေးချယ်ဝယ်ယူနိုင်မှာ ဖြစ်ပါတယ်။ ကိုယ်ထည် အပြင်ပိုင်းကို သမားရိုးကျကိုယ်ထည်နဲ့ ကာဗွန်ဖိုင်ဘာကိုယ်ထည် ဟူပြီး ၂ မျီုး ၂ စား ရရှိနိုင်မှာဖြစ်ပြီး အတွင်းပိုင်းမှာလည်း ၂ ယောက်စီး (သို့) ၂+၂ ယောက်စီး အဖြစ် မှာယူနိုင်ပါလိမ့်မယ်။
ကားဝယ်ယူသူတိုင်း အတွက်လည်း မိမိရဲ့ကားနဲ့ serial နံပါတ်ခြင်း တူညီတဲ့ ဆွစ်ဇာလန်နိုင်ငံမှာ ပြုလုပ်ထားတဲ့ အဆင့်မြင့် Chronograph လက်ပတ်နာရီတစ်လုံး လက်ဆောင်ရရှိမယ်လို့ သိရှိရပါတယ်။
ဈေးနှုန်းကိုတော့ ထုတ်ဖော်ကြေညာခြင်း မရှိသေးပါဘူး။
Credit >> Myanmar Consumer Guide
0 comments:
Post a Comment