Time in Rangoon 
မြန်မာ့နိုင်ငံမှထွက်ရှိသော ကျောက်စိမ်းများနှင့် ကျောက်မျက် ရတနာအများစုမှာ အခွန်ပေးဆောင် ရန်ရှောင် ရှားသည့် အနေဖြင့် တရားဝင် လမ်းကြောင်း ထက် မှောင်ခိုဈေးကွက်များမှတဆင့် ပြည်ပ သို့သွားရောက်နေကြောင်း သိရသည်။
မြန်မာ့နိုင်ငံမှ ထွက်ရှိသည့် ကျောက်မျက်ရတနာများကို အမျိုးအစားလိုက် ရောင်းချ၍ရရှိသော တန်ဖိုးမှ ၃၀ ရာခိုင်နှုန်းအား အခွန်ငွေအဖြစ် ပေးဆောင်ရကြောင်း၊ ယင်းသို့ပေးဆောင်ရသည့် ရာခိုင်နှုန်းမှာ များသည့် အတွက် မှောင်ခိုလမ်းကြောင်း များမှတဆင့် ပြည်ပသို့ ရောက်ရှိခြင်း ဖြစ်နိုင်ကြောင်း ကျောက်မျက်ကုန် သည်တစ်ဦးက ပြောသည်။
ယခုကဲ့သို့ ပွင့်လင်းမြင်သာသည့်ခေတ်ကို ရောက်လာချိန်တွင် တရားဝင်လမ်းကြောင်းများမှ ပြည်ပသို့ တင်ပို့နိုင်စေရန် လုပ်ဆောင်ရန် လိုနေပြီဖြစ်ကြောင်း၊ သို့မှသာ ကုန်သည်များနှင့် ဘဏ္ဍာအခွန်အကြာင်း နှစ်ဦးနှစ်ဖက် အကျိုးတစ်စုံတစ်ရာရစေရန် ဖန်တီးနိုင်မည်ဖြစ်ကြောင်း မြန်မာနိုင်ငံကျောက်မျက်လုပ်ငန်းရှင် အသင်းမှ ဗဟို အလုပ်အမှုဆောင် ဦးသောင်းထွန်းက ပြောကြားသည်။
“အခုပေးဆောင်ရတဲ့အခွန်က ဟိုအရင်တည်းက သတ်မှတ်ထားတဲ့ အခွန်နှုးထားပါ၊ ဒါကိုများဆိုရင် ပြန်ပြင်ပေးနိုင်အောင် အသင်းအနေနဲ့ လုပ်ဆောင်နေပါတယ်၊ ရန်ကုန်မှာ ကျတော့ one stop service ရှိတယ်ဆိုပေမယ့် ဒီဘက်က လေကြောင်းနဲ့ သွားတဲ့ တစ်လိုင်းပဲရှိတာ၊ ကုန်းလမ်းနဲ့ကျတော့ လမ်းကြောင်းက ပိုမာတယ်၊ ပြီးတော့မှောင်ခိုလဲ ထုတ်သွားတဲ့ အပိုင်းကပိုများတယ်၊ အခွန်းများလို့ ရှောင်တယ်လို့ ပြောလို့ရတယ်၊ မှောင်ခိုလမ်းက မသွားစေချင်ရင်တော့ အခွန်နှုန်းကို ပြန်သုံးသပ်ပေးရမယ်၊ အခွန်လဲမများဘူး ခွင့်ပြုသင့်ဟာတွေ ဥပမာ- A တို့ B တို့လို အသားလွှာကျောက်တွေကို ခွင့်ပြုမယ်ဆိုရင် မှောင်ခိုလမ်းတွေ သိပ်မရှိနိုင်တော့ဘူး၊ နိုင်ငံတော်တွက်လဲ အခွန်တွေ တိုးတက်လာမယ်”ဟု ၎င်းက ဆိုသည်။
ကျောက်မျက်အခွန်နှင့် ပတ်သတ်၍ ယခုနှစ်အတွင်းပြင်ဆင် သတ်မှတ်ပေးရန် ကျောက်မျက်အသင်းက ဦးဆောင်ကာ ဝန်ကြီးဌာနသို့ တင်ပြပေးရန် စီစဉ်ထားထားကြောင်း၊ လက်ရှိတွင် ကျောက်မျက်အသင်းနှင့် ကုန်သည်များကြား ညှိနှိုင်းမှုများ ပြုလုပ်နေပြီး ကုန်သည်နှင့် ဘဏ္ဍာအခွန်တို့ နှစ်ဦးနှစ်ဖက် အကျိုးဖြစ်ထွန်းစေမည်ဟု မျှော်လင့်ရကြောင်းလည်း အထက်ပါပုဂ္ဂိုလ်က ဆက်လက် ပြောကြားသည်။
ကိုထိုက်
0 comments:
Post a Comment