Wednesday, January 07, 2015

ဖားကန့်တွင် ကျောက်စိမ်းတူးဖော်ရေး လုပ်ငန်းခွင် မြေပြို၊ လူ ၁၀ဝခန့် ပျောက်ဆုံး

Posted by drmyochit Wednesday, January 07, 2015, under | No comments

ဖားကန့်မြို့ မြောက်ဘက် မှော်မောင်းကုန်းမှော်အနီး ကျောက်စိမ်းတူးဖော်ရေး လုပ်ငန်းခွင်တစ်ခုတွင် ဇန်နဝါရီလ ၆ ရက်နေ့ ညနေ ၆နာရီ ၁၅ မိနစ်ဝန်းကျင်က မြေပြိုမှု ဖြစ်ပွားခဲ့ပြီး လူ ၁၀ဝခန့် ပျောက်ဆုံးနေဆဲ ဖြစ်ကြောင်း ယင်းဒေသခံများနှင့် မြေပြိုမှုဖြစ်စဉ်မှ လွတ်မြောက်လာသူ တို့က ပြောကြားသည်။

စိန်သီရိ ကျောက်မျက်တူးဖော်ရေး ကုမ္ပဏီက လုပ်ငန်းခွင်စွန့်ပစ် မြေစာများ စုပုံသည့် မြေစာပုံ ပြိုကျခြင်းဖြစ်ကာ ကုမ္ပဏီ၏ မြေတင်ယာဉ်သုံးစီး၊ မြေတူးစက်သုံးစီး အပါအဝင် ကျောက်စိမ်းရေမဆေး ရှာဖွေသူ ၈၀ ခန့်နှင့် ဈေးဆိုင် ၂၃ ဆိုင်မှ လူအချို့ မြေပြိုမှုတွင် ပါဝင်သွားပြီး ငါးယောက်သာလွတ်မြောက် ကြောင်းဒေသခံများထံမှ သိရသည်။

လွတ်မြောက်ခဲ့သူ ငါးယောက်ထဲမှ တစ်ဦးဖြစ်သူ ဦးမိုးဝင်းက “မြေစာပုံ တစ်ဆင့်ချင်း ပြတ်ကျကုန်တယ်။ ရေလှိုင်းတွေအတိုင်းပဲ ဝုန်းကနဲ့ မြေတွေ ပြတ်ကျကုန်တယ်။ ကျွန်တော်တို့က တောင်ခြေနားပဲ ရောက်နေလို့ ပြေးလို့လွတ်သွားတာ။ ဆိုင်ကယ်တော့ မြေမြုပ်သွားပြီ” ဟုပြောဆိုသည်။
မြေပြိုသည့်အချိန်တွင် ရေမဆေးကျောက်စိမ်း ရှာဖွေသူ ၈၀ခန့် ရှိပြီးဈေးဆိုင် ၂၃ ဆိုင်တွင်လည်း ကျောက်ရှာသူများနှင့် ဈေးရောင်းသူများလည်း ရှိနေကာ မြေပြိုမှုထဲတွင် ပါဝင်သွားသည်ဟု သူကဆိုသည်။

လက်ရှိတွင် ယင်းမြေပြိုမှု ဖြစ်ပွားသည့်နေရာတွင် စိန်သီရိ ကျောက်မျက်တူးဖော်ရေး ကုမ္ပဏီက ကယ်ဆယ်ရေးလုပ်ငန်းများကို မြေတူးစက်ငါးစီးဖြင့် လုပ်ကိုင်နေပြီး ဇန်နဝါရီလ ၇ ရက်နေ့ နံနက် ၁၀ နာရီအချိန်ခန့်တွင် သေဆုံးသူတစ်ဦးနှင့် ဆိုင်ကယ်ငါးစီးခန့်သာ တွေ့ရှိသေးကြောင်း အခင်းဖြစ်ပွားရာနေရာသို့ ရောက်ရှိနေသည့် မော်ပေါင်လျန်းမှော်တွင် နေထိုင်သူတစ်ဦးက ဆိုသည်။

“ကယ်ဆယ်ရေးလုပ်တဲ့ လူတွေကို လက်ညိုးလောက်ပဲ မြင်နေရတယ်။ တောင်ကအမြင့်ကြီး ဆိုတော့ အလောင်းပြန်တွေ့ဖို့ တော်တော်လေး ရှာရလိမ့်မယ်” ဟုသူမြင်နေရသည့် အနေအထားကို ပြောကြားသည်။

ဇန်နဝါရီလ ၅ ရက်နေ့က မိုးရွာသွန်ထားခြင်းကြောင့် မြေပြိုမှု ဖြစ်ပွားရခြင်း ဖြစ်ကြောင်း ဒေသခံတို့က ပြောဆိုကြသည်။

The Voice Weekly

0 comments:

Post a Comment

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်