အီရန်နျူကလီးယားစက်ရုံများသို့ ကုလသမဂ္ဂအထွေထွေအတွင်းရေးမှူးချုပ်သွားရောက်နိုင်ရေးအတွက် အီရန်သမ္မတမှ ခွင့်ပြုမိန့်ပေးခဲ့ခြင်း

Farsnews.com;Aug-29(Wed)

အီရန်နျူကလီးယား စက်ရုံများသို့ ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းသွားရောက် နိုင်ရေးအတွက် လိုအပ်သည့် ခွင့်ပြုချက်များအား အီရန်သမ္မတ မာမွတ်အမာဒီနီဂျက်က ထုတ်ပြန်ခဲ့ကြောင်း အီရန် နိုင်ငံခြားရေးဝန်ကြီး အလီအက်စ် ဘာဆာလီဟီက သြဂုတ်လ ၂၉ ရက်နေ့တွင် ထုတ်ဖော် ပြောကြားခဲ့ပါသည်။ အထက်ပါ ပြောကြားချက်အား သြဂုတ်လ ၂၉ ရက်နေ့တွင် ပြုလုပ်ခဲ့သော ဘက်မလိုက် လှုပ်ရှားမှုအဖွဲ့ Aligned Movement-NAM) ၏ ဝန်ကြီးများအဆင့် ဆွေးနွေးပွဲပြင်ပ၌ ဆာလီဟီက ပြောကြား ခဲ့ခြင်းဖြစ်ပါသည်။ အီရန်နျူကလီးယား စက်ရုံများသို့ ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းသွားရောက် မည့်ခရီးစဉ်အား အစီအစဉ်ရေးဆွဲခဲ့ကြောင်း၊ အဆိုပါခရီးစဉ်အား ၄င်း၏ပုဂ္ဂိုလ်ရေးဆိုင်ရာ သဘောဆန္ဒအရ သွားရောက်ခြင်းဖြစ် ကြောင်း ဆာလီဟီက သြဂုတ်လ ၂၉ ရက်နေ့တွင် သတင်းထောက်များ သို့ပြောကြားခဲ့ပါသည်။  Natanz နျူကလီးယား စက်ရုံများအပါအဝင် အီရန်နိုင်ငံမြို့များသို့ ဘက်မလိုက် လှုပ်ရှားမှုအဖွဲ့ (NAM) ခေါင်းဆောင်များ သွားရောက်နိုင်ရေးအတွက် လိုအပ်သည့် စီစဉ်ဆောင်ရွက် မှုများကို ဆောင်ရွက်ထား ကြောင်းကိုလည်း ၄င်းမှ ထပ်လောင်းပြောကြားခဲ့ပါသည်။

ဘန်ကီမွန်းသည် တီဟီရန်သို့ရောက်ရှိပြီး တခဏအကြာတွင် ဘက်မလိုက် လှုပ်ရှားမှုအဖွဲ့  (NAM) ၏  (၁၆)ကြိမ်မြောက် နိုင်ငံ့ခေါင်းဆောင်များအဆင့် ညီလာခံသို့ တက်ရောက်မည်ဖြစ်ပြီး ကွဲပြားသော ဒေသတွင်းနှင့် နိုင်ငံတကာ တိုးတက်မှုများနှင့် ပတ်သက်၍ အီရန်အရာရှိများနှင့်လည်း ဆွေးနွေးသွား မည်ဖြစ်ပါသည်။ ဘန်ကီမွန်း သည် အီရန်တွင်ရှိ နေစဉ်ကာလအတွင်း၌ Isfahan ပြည်နယ်သို့ သွားရောက်လည် ပတ်မည်ဖြစ်ကြောင်း အီရန် နိုင်ငံခြားရေးဝန်ကြီးဌာနမှ နိုင်ငံတကာ ဆက်ဆံရေးဆိုင်ရာ လက်ထောက်နိုင်ငံခြားရေးဝန်ကြီး Mehdi Akhoundzadeh က ပြောကြားခဲ့ပါသည်။ Isfahan တွင် ရှိနေခြင်းသည် အီရန်နျူကလီးယား စက်ရုံဖြစ်သည့် Natanz  သို့ သွားရောက် ရန်ရည်ရွယ်ခြင်း ဖြစ်ကြောင်း အခြားသတင်းများက ပြောကြားကြပါသည်။ တစ်ချိန်တည်းမှာပင် NAM အစည်းအဝေးသို့ တက်ရောက်လာကြ သူများသည်လည်း တွေ့ဆုံမှုများအပြီးတွင် အီရန်နျူကလီးယား လုပ်ငန်းခွင် နှင့် စက်ရုံများသို့ သွားရောက်ရန်စီစဉ် ထားကြောင်း သိရှိရပါသည်။

ယူရေနီယံသန့်စင်မှုသည် ယခုနှစ်များအတွင်း အီရန်နှင့် အမေရိကန်တို့အကြား နျူကလီးယားကိစ္စရပ် များတွင် အငြင်းပွားစေသော အဓိကအကြောင်း အရာလည်းဖြစ်ပါသည်။ ကုလသမဂ္ဂပြင်ပမှ အကြီးဆုံးအုပ်စု ဖြစ်သော NAM တွင် ကမ္ဘာ့နိုင်ငံများ၏ သုံးပုံနှစ်ပုံပါဝင်ပြီး အီရန်နိုင်ငံ၏ နျူကလီးယား သန့်စင်မှုအပါအဝင် ငြိမ်းချမ်းစွာ အသုံးပြုရေးဆိုင်ရာ နျူကလီးယား ဆောင်ရွက်မှုများကို NAM က ထောက်ခံကြောင်းလည်း သိရှိရ ပါသည်။ အမေရိကန်နှင့် ၄င်း၏မဟာမိတ်များသည် ခိုင်မာသောအထောက် အထားတင်ပြနိုင်ခြင်းမရှိဘဲ အီရန် နိုင်ငံအား အရပ်ဘက်နျူကလီးယား အစီအစဉ်များကို ဘန်းပြ၍ နျူကလီးယား လက်နက်များထုတ်လုပ်ရန် ကြိုးစား လျက်ရှိသည်ဟု စွပ်စွဲခဲ့ကြပါသည်။ အီရန်နိုင်ငံမှ ၄င်းစွပ်စွဲချက်များကိုငြင်းဆို၍ အီရန်၏ နျူကလီးယားအစီအစဉ် သည် ငြိမ်းချမ်းရေးနှင့် သက်ဆိုင်သောကိစ္စရပ်များ အတွက်သာဖြစ်သည်ဟု တုံ့ပြန်ပြောကြားခဲ့ပါသည်။