ဘင်္ဂါလီ ၅၄ဦး ငရုတ်ကောင်းမြို့နယ်ခွဲ နံ့သပုရွာတွင် ကမ်းတင်

ပုသိမ်၊ သြဂုတ် ၂၀။

သြဂုတ်၁၉ရက်နေ့ ညနေ ၆နာရီခန့်က၊ ကမ်းခြေနှင့် ကိုက်၅၀၀ခန့် ဝေးသည့်နေရာရှိ စက်လှေကြီး တစ်စီးပေါ်မှ ဘင်္ဂါလီလူမျိုး၅၃ဦး ရေကူးကာ ငပုတောမြို့နယ် အတွင်းရှိ ကမ်းခြေရွာတစ်ခု ဖြစ်သည့် နံ့သပုကျေးရွာသို့ ရောက်ရှိလာကြောင်း သိရသည်။

အဆိုပါ ဘင်္ဂါလီများအား လူကုန်ကူးသူများမှ မလေးရှားနိုင်ငံတွင် အလုပ်လုပ်ကိုင်ရန်အတွက် ဟုဆိုကာ ခေါ်ယူလာခြင်းဖြစ်ပြီး၊ စက်လှေပေါ်တွင် လူ၄၀၀ကျော်ခန့် ပါဝင်ကြောင်း သိရသည်။ လှိုင်းကြီးလေထန် သောကြောင့် စက်လှေအတွင်းသို့ ရေများဝင်ရောက် လာသဖြင့် လူလျော့သွား စေရန်အတွက် ယင်းတို့အား စက်လှေပေါ်မှ အကြမ်းနည်းသုံးကာ ကန်ချခံခဲ့ရခြင်း ဖြစ်သည်ဟု ဒေသခံများအား ၎င်းတို့မှ ပြောပြသည်ဟု ဆိုသည်။

ရေထဲသို့ ကန်ချခံရသောလူ မည်မျှလောက် ရှိသည်ကို ယင်းတို့အနေဖြင့် မသိရှိဟုလည်း ဆိုသည်။ နံ့သပုကျေးရွာ၏ မြောက်ဘက်မှနေ၍ ရောက်ရှိလာသော ထို၅၃ဦးတွင် ဘင်္ဂါလားဒေ့ရ်ှနိုင်ငံ ဘက်မှ ၃၆ဦးနှင့်၊ မြန်မာနိုင်ငံ ဘူးသီးတောင်ဘက်မှ၁၇ဦး ပါဝင်ကြောင်း သိရသည်။

လူကုန်ကူးသူများထံသို့ မြန်မာနိုင်ငံတွင် နေထိုင်သူများမှ မြန်မာငွေကျပ်  ၁သိန်း၊၂ သိန်းစသည် ဖြင့် အသီးသီး ပေးခဲ့ရပြီး၊ ဘင်္ဂါလားဒေ့ရှ် နိုင်ငံဘက်မှ လိုက်ပါလာသူ များမှာလည်း ယင်းဒေသတွင် အသုံးပြုသည့် ငွေကြေးများဖြင့် ပေးခဲ့ရသည်ဟု ဆိုသည်။ ယင်းအထဲတွင် မလေးရှား နိုင်ငံ၌ အလုပ်လုပ် ကိုင်ပြီးမှ ငွေပေးနိုင်မည့်သူများ၊ အကျွေးစနစ်ဖြင့် လိုက်ပါခဲ့သူများလည်း ပါဝင် သည်ဟု ဆိုသည်။

ယင်းတို့ ရောက်ရှိလာပုံကို ဂေါ်ရန်ဂျီ တောင်ပေါ်မှ မြင်တွေ့နေသည့် ဒေသခံတစ်ဦးက “ကျွန်တော်တို့ သူတို့ကို ဂေါ်ရန်ဂျီတောင်ပေါ်ကနေ လှမ်းမြင်နေရပါတယ်။ စက်လှေပေါ်ကနေ သူတို့တွေ အစုလိုက် အစုလိုက် ရေထဲကို ပြုတ်ကျနေတာ တွေ့ရတယ်။ သူတို့လာတဲ့ အချိန်ကလည်း ပင်လယ်မှာ လှိုင်းကြီးလေထန် နေတဲ့အချိန်၊ သူတို့ကအသက်ကယ် ဘောကွင်းတွေရယ်၊ ရေပုံးတွေ ပျဉ်ပြားစတွေနဲ့ကူးပြီး ကမ်းရောက်အောင် လာခဲ့ကြတာ။ ကမ်းရောက်တော့ တချို့အ၀တ်အစား တောင်မပါကြဘူး။ ရွာကဘဲဝိုင်းဝန်း စောင့်ရှောက်ကြတယ်”ဟု ပြောပြသည်။

အဆိုပါ ဘင်္ဂါလီ၅၃ဦးအား နံ့သပုကျေးရွာ စာကြည့်တိုက်တွင် ယင်းနေ့၌ရွာမှ နေထိုင်ရန် စီစဉ်ပေးခဲ့ပြီး၊ သြဂုတ်လ ၂၀ရက်နေ့တွင် ငရုတ်ကောင်းမြို့နယ် ရဲစခန်းသို့ လွဲပြောင်းပေးခဲ့သည်ဟု သိရသည်။

ယင်း၅၃ဦးတွင် မြန်မာစကား ကျွမ်းကျင်စွာ ပြောဆိုနိုင်သူ ၂ဦး၊ အနည်းအကျင်း ပြောဆိုနိုင်သူ ၅ဦးသာ ပါဝင်ပြီး ကျန်လူများမှာ မြန်မာစကား ပြောဆိုနိုင်ခြင်း မရှိဟု သိရသည်။ ၎င်းတို့အား သက်ဆိုင်ရာ အစိုးရဌာနများမှ စစ်ဆေးမှုများ ဆောင်ရွက်ပြီးစီးပါက ယင်းတို့သည် တရားဥပဒေ၏ အဆုံးအဖြတ် အတိုင်း အကျဉ်းကျခံရနိုင်ဘွယ်ရှိကြောင်း သိရသည်။

အေးချမ်းမိုး(ပုသိမ်)
From: မြန်မာ့ခေတ်