ရာဇဝင် အတ္ထုပ္ပတ္တိလည်း ရှိရမယ်

နိုင်ငံရေးဆိုတာ ချိုသလား၊ ငန်သလား၊ လွတ် လပ်ရေးဆိုတာ ဘယ်လို သတ္တဝါမျိုးလဲဟုမေး မည့်မျက်နှာထားမျိုးနှင့် ထိပ်ကအစခြေဖျား အဆုံး မိန်းကလေးရှုံးလောက်အောင် အလှပြင်ထားသော ဆောင့်ကြွားကြွား ကလေးတွေ ယခုအခါများ၍ နေလေ ကြသည်။ (ဇော်ဂျီ)

တစ်ရက်က မြို့ထဲတွင် မတွေ့တာကြာပြီဖြစ်သော မိတ်ဆွေတစ်ဦးနှင့်တွေ့ သည်။ ဝမ်းသာအားရနှုတ် ဆက်ကြ ရင်း တစ်ဦးအကြောင်း တစ်ဦး မေးမြန်းပြောဆိုဖြစ်ကြ သည်။ 

ထိုသို့ပြောကြဆိုကြရင်း သားသမီးတွေအကြောင်း ရောက်သွားသည်။ တူညီနေသည်တစ်ခုက သူ့သား၊ ကိုယ့် သမီးနှစ်ဦးစလုံးမှာ လက်ကိုင်ဖုန်း များဖြင့်သာ အချိန်ကုန် နေကြခြင်းဖြစ်သည်။ တစ်ဦးက ဂိမ်းဆော့ခြင်းဖြင့် အ ချိန်ကုန်ပြီး တစ်ဦးက ဖေ့စ်ဘွတ်ခ်သုံးခြင်းဖြင့်သာ အချိန် ကုန်နေခြင်းဖြစ်သည်။

ဆယ်ကျော်သက် အရွယ်၊ ၂ဝကျော် အရွယ် လူငယ် တိုင်း၏ လက်ထဲတွင် လက်ကိုင်ဖုန်းကိုယ်စီရှိနေကြပါ သည်။ ခေတ်၏ မျက်မှောက်အနေအထား အရ လက် ကိုင်ဖုန်းဟူသည် မရှိမဖြစ် အရာ၊ လက်ကိုင်ဖုန်းသည် ဆက်သွယ်ရေး ကိရိယာအပြင် ကမ္ဘာကြီးကို ကြည့်မြင် ရာ ပြတင်းပေါက် တစ်ခု လည်းဖြစ်သည်။ ဗဟုသုတဟင်း လေးအိုးကြီးဟုလည်း ဆိုနိုင်ပါ သည်။ 

ထိုဖုန်းတစ်လုံး သည်ပင် အသုံးချတတ်မည်ဆိုပါက ဘဝတက်လမ်း အ တွက် လှေကားထစ်တစ်ခုလည်း ဖြစ်နေပြန်ပါသည်။ ဒါ တင်မကသေးဘဲ လက်ကိုင်ဖုန်းသည် သမိုင်းကိုထင်ဟပ် သော ကြေးမုံပြင် ပုံရိပ်တစ်ခုလည်း ဖြစ်နေပါသေးသည်။ 

၂ဝဝ၇ ရွှေဝါရောင်တော်လှန်ရေးသည် လက်ကိုင်ဖုန်းများ ကြောင့် ကမ္ဘာကျော်ပုံရိပ်တစ်ခုဖြစ်ခဲ့ရသော သာဓကမျိုး လည်း ရှိခဲ့ဖူးပါသည်။

ပြောလိုသည်မှာ လက်ကိုင်ဖုန်းကို မှန်ကန်စွာအသုံး ချတတ်မည်ဆိုပါက ဘဝတက်လမ်းကို ထောက်ကူနိုင်မည်ဖြစ်ပြီး လွဲမှားစွာအသုံးချနေပါမူ ဘဝကျလမ်းဆီသို့ တွန်းပို့မည့် အရာသာဖြစ်ပေသည်။ 

လူငယ်များအနေဖြင့် လက်ကိုင်ဖုန်းကိုအသုံးပြု၍ဂိမ်းကစားခြင်း၊ ဖေ့စ်ဘွတ်ခ် သုံးခြင်း၊ ချက်တင်ဝင်ခြင်းများသာ ပြုလုပ်အချိန်ကုန် နေမည်ဆိုပါက မိမိတို့၏ အနာဂတ်ရေးက ရင်လေးဖွယ် ရာဖြစ်နိုင်ကြောင်းသတိချပ်သင့် ပါသည်။

နောက်လူငယ်အုပ်စုကတော့ ဆရာဇော်ဂျီပြောသ လို အလှအပရေးရာ ကိုသာ ဦးစားပေးပြီး ဆက်ဆံရေး မပြေပြစ်သော လူငယ်များဖြစ်လေသည် ။ ခေါင်းက ဆံ ပင်များကို ဂျယ်ဖြင့်ထောင်၊ နားဖောက်၊ နားကပ်ပန်၊ လက်သည်းဆေးဆိုး စသည်ဖြင့် မိန်းကလေးများနှင့် အလှပြိုင်ကာ ကြွပ် ဆတ် မာကျောသော လူငယ်လူရွယ် များကို ယခုအခါ အများအပြား တွေ့နေ ရပြီဖြစ်လေ သည်။ 

ထို့အပြင် မူးယစ်ဆေးသုံးလူငယ်၊ စာရိတ္တယိုယွင်း ပျက်ပြားနေသောလူငယ်၊ ဥပဒေကို မျက်ကွယ်ပြု၍ ရာဇဝတ်မှုများနှင့် လိုက်တမ်းပြေးတမ်း ကစားနေသော လူငယ် စသည်တို့ကိုလည်း တွေ့နေရပေရာ တိုင်းပြည်၏ အနာဂတ်အတွက် များစွာမှ ဆုံးရှုံးနစ်နာလှပါသည်။

ြ်မန်မာတို့၏ လူငယ်သမိုင်းသည် ရာဇဝင်မရိုင်း ခဲ့ပါ။ မြန်မာ့သမိုင်းတွင် တိုးတက်၍ တက်ကြွသော လူငယ် အများအပြားပေါ်ပေါက်ခဲ့ဖူးပါသည်။ 

နိုင်ငံရေး၊ ပညာ ရေး၊ အားကစား၊ အနုပညာတို့တွင် ထူးချွန်ထက်မြက် သော လူငယ်များ အသေအချာရှိခဲ့ဖူးပါသည်။ ယခုလည်း မရှိ၍မဟုတ် ရှိပါသည်။ သို့သော် ဆယ်ရေးတစ်ရေး၊ ကိုးရေးတစ်ရာဆိုသလို အပြုနှင့်အပျက်၊ အပျက်ကသာ လွန်နေမည်ကို စိုးရိမ်မိခြင်းသာ ဖြစ်ပါသည်။ တစ်ချိန် တွင် ယခုလူငယ်တွေလက်ထဲသို့ တိုင်းပြည်ကို လွှဲအပ်ပေး ရပါမည်။ ဘယ်လိုလူငယ်တွေလက်ထဲကို ဘယ်ပုံလွှဲအပ်ရ မည်ကို ရင်လေးနေခြင်းသာဖြစ်ပါသည်။

တစ်ချိန်တစ်ခါက ကျွန်တော်တို့နိုင်ငံတွင် ကျောင်း သားသပိတ်မှ မွေးဖွားပေး ခဲ့သော လူငယ်များရှိခဲ့ဖူး သည်။ ကိုအောင်ဆန်း၊ ကိုဗဟိန်း၊ ကိုလှရွှေ၊ ကိုအေး ကျော်၊ ကိုဗဆွေ စသည်ဖြင့်...။ နောက်တော့ ထိုလူငယ် များသည် ဒို့ဗမာအစည်းအရုံးသို့ ဝင်သွားကြပြီး သခင်နု၊ သခင်လှဖေတို့ ဖြစ်လာသည်။ သခင်စိုး၊ သခင်သန်းထွန်း ဖြစ်လာခဲ့သည်။ မြန်မာ့နိုင်ငံရေးကို သည် လူငယ်တွေ ၊ သည်ကျောင်းသားတွေ မဦးဆောင်ခဲ့လျှင် လွတ်လပ်ရေး ၏အရသာကို ကျွန်တော်တို့ခံစားရမည်မဟုတ်ပေ။

ကျွန်တော်တို့တိုင်းပြည်သည် လွတ်လပ်ရေးရပင် ရငြားခဲ့သော်လည်း ယခုအချိန်အထိ အလဲလဲအပြိုပြိုနှင့် ပင်ဖြစ်သည်။ ထူထောင်နေရဆဲကာ လဖြစ်သည်။ အခါး သက်သက် နေ့ရက်တွေ ကိုသာ ကျော်ဖြတ်နေတုန်း ရှိသေး သည်။ ဒီအချိန်တွင် လူကြီးတွေကလည်း ခြေကုန်လက် ပန်းကျနေပြီ။ ကျွန်တော်တို့ကတော့ လူကြီးခြေကျတွေ အစား လူငယ်လက်တက်တွေကိုပဲ အားကိုးချင်ပါသည်။ ကျွန်တော်တို့အားကိုးရမည့်လူငယ်တွေသည် .......။ 'ရာဇဝင် အတ္ထုပ္ပတ္တိလည်းရှိရ မယ်၊ မော်ကွန်းလည်းထိုး လောက် တယ်၊ မြင့်မြတ်တဲ့ဗိုလ်အောင်ဆန်းရယ်'ဟူ သော စာသားကိုသာ အကြိမ်ကြိမ်အခါခါ ရွတ်ဆိုနေမိ ပါကြောင်း။

အယ်ဒီတာ

Yangon Media Group