ဂါဇာစစ်ပွဲတွင် အစ္စရေး၏ နာမည်အကျော်ဆုံး တပ်ဖွဲ့မှ စစ်သည်(၁၃)ဦး တစ်ရက်တည်းသေဆုံး

ဂိုလန်နီတပ်ဖွဲ့ဝင်များကို တွေ့ရစဉ် (Photo - Dailystar)

ဂါဇာကမ်းမြှောင်သို့ အစ္စရေး မြေပြင်တပ်ဖွဲ့များ ထိုးဖောက်ဝင်ရောက်ပြီး ဟားမားစ်စစ်သွေးကြွတို့နှင့် တိုက်ပွဲများ ဖြစ်ပွားနေရာ ဇူလိုင်လ (၂၀)ရက်က အစ္စရေး၏ အမာကျောဆုံး၊ နာမည်အကျော်ဆုံး တပ်ဖွဲ့မှ စစ်သည် (၁၃)ဦး ကျဆုံးခဲ့ကြောင်း သိရှိရသည်။

ဂိုလန်နီတပ်ဖွဲ့သည် အစ္စရေး၏ လက်နက်ကိုင် တပ်ဖွဲ့များတွင် တိုက်ရည်ခိုက်ရည် အကောင်းဆုံး၊ အကြမ်းအခံဆုံး၊ လေ့ကျင့်သား အပြည့်ဝဆုံး အထူးတပ်ဖွဲ့အဖြစ် နာမည်ကောင်း ရထားသည်။ သို့သော်လည်း တပ်ဖွဲ့၏ သမိုင်းတွင် ခါးသီးသော တနင်္ဂနွေ တစ်နေ့တာအဖြစ် ဟားမားစ်တို့နှင့် ရင်ဆိုင်တိုက်ခိုက်ရာတွင် အကျအဆုံး များပြားခဲ့ခြင်း ဖြစ်သည်။

ဂါဇာကို ထိုးစစ်ဆင်နေသည့် တိုက်ပွဲတစ်ခုတွင် လက်ထောက်တပ်မှူး အပါအဝင် (၃)ဦး သေဆုံးခဲ့ပြီး ရှာဂျိုင်ယား ဒေသတွင် စစ်သွေးကြွများနှင့် ထိပ်တိုက်တွေ့ဆုံရာ၌ အခြား ဂိုလန်နီ တပ်ဖွဲ့ဝင် (၁၀)ဦး ထပ်မံ သေဆုံးခဲ့သည်။ ထို့အပြင် ပြင်းပြင်းထန်ထန် ဒဏ်ရာရရှိသူများလည်း ရှိခဲ့ကြောင်း သိရသည်။

ဒဏ်ရာရ စစ်သည်များသည် စစ်စည်းကမ်းအရ သတင်းထောက်များနှင့် စကားပြောခွင့် မရခဲ့သော်လည်း ဆွေမျိုးသားချင်းများ၏ အဆိုအရ ဂိုလန်နီ တပ်ဖွဲ့ဝင်များသည် ပါလက်စတိုင်း ဒေသ၏ အကြီးဆုံး မြို့တစ်မြို့ဖြစ်သည့် ရှာဂျိုင်ယားနှင့် အနီးအနား ဒေသများကို ထိုးစစ်ဆင်ရာတွင် တပ်ဦးမှ တာဝန်ယူထားကြောင်း သိရှိရသည်။

အရာရှိ တစ်ဦးက ဟားမားစ်တို့၏ တုံ့ပြန်မှုသည် ဂိုလန်နီ တပ်ဖွဲ့အတွက် ဆိုးရွားသည့် နေ့တစ်နေ့ကို ကြုံတွေ့စေခဲ့ကြောင်း ဖွင့်ဟခဲ့သည်။ “ကျွန်တော်တို့ ဝန်ခံရပါမယ်။ အစ္စရေး တပ်တွေဟာ တကယ့်ကို ထူးချွန်တဲ့ တိုက်ခိုက်ရေးသမားတွေနဲ့ ရင်ဆိုင်ခဲ့ရတာပါ။ သူတို့ဟာ အကြမ်းဖက်သမားတွေပါ။ ဒါပေမဲ့ တကယ်တော်တဲ့ တပ်သားတွေလည်း ဖြစ်နေပါတယ်”ဟု အဆိုပါ အရာရှိက ဝန်ခံခဲ့သည်။

ဂိုလန်နီ တပ်ဖွဲ့များသည် အစ္စရေးနိုင်ငံ သမိုင်းတွင် ပြောင်မြောက်သော  ဖြတ်သန်းမှုများ ရှိခဲ့သည်။ အဆိုပါ တပ်ဖွဲ့သည် (၁၉၇၃)ခုနှစ်၊ အာရပ်-အစ္စရေး စစ်ပွဲတွင် ဂိုလန်ကုန်းပြင်မြင့်ရှိ ဆီးရီးယားတပ်များ ထိန်းချုပ်ထားရာ ဟာမွန်းတောင်ကို ပြန်လည် သိမ်းပိုက်ခဲ့သည့် တိုက်ပွဲကြောင့် အထူးတလည် ကျော်ကြားခဲ့သည်။ အဆိုပါ တပ်ဖွဲ့သည် (၂၀၀၆)ခုနှစ်ကလည်း လက်ဘနွန်တောင်ပိုင်းတွင် တိုက်ပွဲဝင်စဉ် တစ်ရက်တည်း (၈)ဦး ကျဆုံးခဲ့ဖူးသည်။

ဇူလိုင်လ (၂၀)ရက်နေ့က ဂိုလန်နီ တပ်ဖွဲ့ခွဲ တစ်ခုသည် ရှာဂျိုင်ယားရှိ အရပ်သား နေအိမ်တစ်လုံးကို စစ်မြေပြင် အခြေစိုက် စခန်းအဖြစ် အသုံးပြု နေရာယူထားစဉ် ဟားမားစ်တို့ဘက်မှ ပစ်ခတ်လိုက်သည့် မော်တာကျည်ဆန် တည့်တည့် ထိမှန်ဖြင့် အများအပြား သေဆုံးခဲ့သည်။

_Ref:WSJ Online
7 Day