Tuesday, July 03, 2012

ရခိုင်ပြည်နယ်အကြမ်းဖက်မှု လူ ၃၀ ကို ဖမ်းဆီး

Posted by drmyochit Tuesday, July 03, 2012, under | No comments

ရခိုင်ပြည်နယ်မှာ အကြမ်းဖက် အဓိကရုဏ်းတွေကို ပျံ့နှံ့ဖြစ်ပွားစေခဲ့တဲ့ တောင်ကုတ်မြို့ လူ ၁၀ ယောက် သတ်ဖြတ်မှုနဲ့ ဆက်နွယ်နေသူ အယောက် ၃၀ ကို ရဲက ဖမ်းဆီးလိုက်ပါတယ်။ မသင်္ကာသူ အယောက် ၃၀ ကို တရားဥပဒေနဲ့ အညီအရေးယူသွားမယ်လို့ အစိုးရထုတ် သတင်းစာတွေထဲမှာ ဖော်ပြထားပါတယ်။


ရမ်းဗြဲမြို့က မသီတာထွေး အသတ်ခံရမှု၊ ရိုးမသစ္စာယာဉ်ပေါ်မှာ ပါလာသူ ၁၀ ယောက် တောင်ကုတ်မြို့မှာ အသတ်ခံရမှု တွေအတွက် စုံစမ်းစစ်ဆေးရေး အဖွဲ့က ဂျွန်လ ၇ ရက်နေ့ကနေ ၂၅ ရက်နေ့ အထိစုံစမ်းစစ်ဆေးမှု တွေလုပ်ခဲ့တယ်လို့ဆိုပါတယ်။ စစ်တွေ၊   သံတွဲ၊ တောင်ကုတ်၊ ကျောက်ဖြူ၊ ရမ်းဗြဲ စတဲ့မြို့တွေမှာ စုံစမ်းစစ်ဆေးခဲ့ပြီးနောက် ခုလို မသင်္ကာသူ အယောက် ၃၀ ကိုဖမ်းဆီးခဲ့တယ်လို့ အစိုးရကပြောပါတယ်။ မသီတာထွေးကို အဓမ္မပြုကျင့် သတ်ဖြတ်ခဲ့သူ သုံးယောက်ကိုတော့ ကျောက်ဖြူခရိုင်တရားရုံးကသေဒဏ် ချမှတ်ခဲ့ပါတယ်။ ရခိုင်ပြည်နယ်ထဲမှာဖြစ်ပွားခဲ့တဲ့ အကြမ်းဖက်မှုတွေကြောင့် လူပေါင်း ၇၈ ယောက် သေဆုံးပြီး ၅ သောင်းလောက် အိုးမဲ့အိမ်မဲ့ ဖြစ်ခဲ့ပါတယ်။

0 comments:

Post a Comment

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်