ရန်ကုန် လေဆိပ် နှင့် မန္တလေး အပြည်ပြည်ဆိုင်ရာလေဆိပ်များ တိုးချဲ့ပြင်ဆင်မှု ပုဂ္ဂလိကပေးမည် ဟံသာဝတီ နိုင်ငံတကာ လေဆိပ်စီမံကိန်း စတင်တော့မည်

ရန်ကုန်လေဆိပ် နှင့် မန္တလေး အပြည်ပြည်ဆိုင်ရာ လေဆိပ်များ တိုး ချဲ  ပြင်  ဆင်မှုများကို ပုဂ္ဂလိကသို့ လုပ် ကိုင်ခွင့်ပြုသွား မည်ဖြစ်ပြီး ကျန်ပြည် တွင်းလေဆိပ် ၃၃ခုကိုပါ အဆင့်ဆင့် လုပ်ကိုင်ခွင့်ပြုသွား   တော့ မည်ဖြစ် ကြောင်း လေကြောင်းပို့ဆောင်ရေး ညွှန်ကြားမှု ဦးစီးဌာနမှ  ညွှန်ကြားရေး မှူးချုပ် ဦးတင့်နိုင်ထွန်းကပြောသည်။

လက်ရှိတွင် ဟံသာဝတီလေဆိပ် စီမံကိန်းကို ပုဂ္ဂလိက သို့ပေးရန်ရှိကာ လာမည့်၂၀၁၃ဇွန်မှစ၍လုပ်ငန်းစမည်ဖြစ်ပြီးကျန် အပြည်ပြည် ဆိုင်ရာ လေဆိပ်များနှင့် ပြည်တွင်းလေဆိပ် များကို ယခုနှစ် စက်တင်ဘာလ ခန့်မှ စ၍ အဆင့်ဆင့်လုပ်ကိုင်ခွင့်ပြုသွား မည်ဖြစ်ကြောင်း သိရသည်။

မြန်မာနိုင်ငံတွင် လေဆိပ်ပေါင်း ၆၉ ခုရှိရာ ယင်းတို့အနက်မှ ရန်ကုန်၊ မန္တလေးနှင့် နေပြည်တော်လေ ဆိပ်သုံးခု မှာ အပြည်ပြည်ဆိုင် ရာ လေဆိပ်များ ဖြစ်ပြီး ကျန်လေဆိပ်များမှာ ပြည်တွင်း လေကြောင်း လိုင်း များသာရပ်နားေ သာ ပြည်တွင်းလေဆိပ်များဖြစ်ကာ ဈေး ကွက်လိုအပ်ချက်များ အရ ခရီးသည် များတိုးမြှင့်ဝင်ရောက်လာနိုင်သဖြင့် ယင်းသို့ ပုဂ္ဂလိကသို့လုပ်ကိုင်ခွင့်ပြုရန် စီစဉ်ရခြင်း ဖြစ်ကြောင်း သိရသည်။

''အခုကတော့ Market Demand က အရမ်းမြင့်လာတယ်။ ရန်ကုန်အပြည်ပြည်ဆိုင်ရာလေဆိပ် ရဲ့ ခရီးသည် လက်ခံနိုင်စွမ်း လျော့လာ နေပြီ။ ဒီတော့ Customer တွေရဲ့ လိုအပ်ချက်အရ လေဆိပ်တွေကို တိုးချဲ့ ပြင်ဆင်မှုတွေ လိုအပ်လာတယ်။ ဒီလိုပုဂ္ဂလိက ကိုပေးလိုက်တော့ နိုင်ငံ တော်ပိုင်းအနေနဲ့လဲ ဘတ်ဂျက် သုံးစွဲမှုအပိုင်းမှာ နိုင်ငံတော်ရဲ့ အခြားသော အရေးကြီးတဲ့ အခန်းကဏ္ဍတွေ မှာ ပိုမိုသုံး စွဲနိုင်မှာ ပါ''ဟု ဦးတင့်နိုင် ထွန်းက ပြောကြားသည်။

နေပြည်တော် အပြည်ပြည်ဆိုင်ရာ လေဆိပ်မှာ ဘီအိုတီစနစ်ဖြင့် ၂၀၀၉ ခုနှစ် တွင် ဆောင်ရွက်ခဲ့ပြီး ဖြစ်ကာ ရန်ကုန်လေဆိပ်နှင့် မန္တလေးလေဆိပ် မှာ ယခုနှစ် စက်တင်ဘာတွင် ပုဂ္ဂလိက သို့ လုပ်ကိုင် ခွင့်ပြုသွားမည်ဖြစ်ကြောင်းသိရသည်။လက်ရှိတွင် အပြည်ပြည်ဆိုင်ရ  လေဆိပ် များကဲ့သို့ပင် ခရီးသည်   ဝင် ထွက်မှုများသောလေ ဆိပ်များမှာ ဟဲဟိုး၊ ညောင်ဦး၊ တာချီလိတ် လေဆိပ် များဖြစ် ပြီးသံတွဲလေဆိပ်၊ မြန်မာနိုင်ငံမြောက်ဘက် မြစ်ကြီးနား ပူတာအိုလေဆိပ်နှင့်   မြန်မာနိုင်ငံ တောင်ပိုင်း ထားဝယ် မြိတ်လေဆိပ် များမှာလည်း ခရီးသည်များ သွားလာမှု မြင့်မားသဖြင့် ယင်းလေဆိပ်များကိုပါ အဆင့်ဆင့်ပေး သွားမည် ဖြစ်ကြောင်း သိရ သည်။ ''အခုကတော့       First Pirority အဖြစ် ဟံသာဝတီ၊ ပြီးရင် ရန်ကုန်၊ မန္တလေး အဆင့်ဆင့်ပေးမယ်။ ပြည် တွင်းလေဆိပ်တွေ ကိုပေးတဲ့အခါမှာ တစ်စိတ်တစ်ပိုင်းေ သ်ာလည်းကောင်း၊ အားလုံး သော်လည်းကောင်း ပေးသွား ဖို့စီစဉ်ထား ပါတယ်''ဟု လေကြောင်း ပို့ဆောင်ရေး ညွှန်ကြားမှုဦးစီးဌာနမှ ဒုတိယညွှန်ကြားရေး မှူးချုပ် ဦးဝင်း ဆွေထွန်းကပြောသည်။

လေဆိပ်များအား ပုဂ္ဂလိကသို့ ပေးရာတွင် အဆောက်အအုံပိုင်း၊ ပြုပြင်ထိန်းသိမ်းရေးအပိုင်း၊ ဖွံ့ဖြိုးမှု အပိုင်းများ အပါအဝင် လျှပ်စစ်၊ ပြေး လမ်းများနှင့်လေကြောင်းသုံးပစ္စည်း များ၊ ရေဒါများအပါအဝင် ဆက်စပ်လုပ်ငန်းများကိုလုပ်ကိုင်ခွင့်ပြုသွားမည်ဖြစ်ကြောင်းသိရသည်။

လက်ရှိတွင် ရန်ကုန်အပြည်ပြည် ဆိုင်ရာလေဆိပ်အကျယ်အဝန်းမှာ ဧကပေါင်း ၁၁၂၀ဝရှိပြီး ခရီးသည် လက်ခံနိုင် မှုမှာ ၂ဒသမရသန်းရှိပြီး ခရီးသည်ဝင်ရောက်မှု နှစ်စဉ်တိုးတက် နေသဖြင့် ယခုအခါတွင် ၂ဒသမ၄ သန်း ကျော်ရှိနေပြီး နှစ်ကုန်ပိုင်းတွင် သုံးသန်းခန့်အထိ ဝင်ရောက်နိုင်ကာ ၂၀၁၅တွင် ၅ဒသမ၄ သန်းအထိ တိုး တက်မည်ဟု ခန့်မှန်းထားကြောင်း သိရသည်။

Myanmar Express

 ဟံသာဝတီ နိုင်ငံတကာ လေဆိပ်စီမံကိန်း စတင်တော့မည်

မြန်မာနိုင်ငံတွင်အကြီးဆုံးဖြစ်လာမည့်ဟံသာဝတီအပြည်ပြည် ဆိုင်ရာ လဆိပ်စီမံကိန်းကို ပြည်တွင်းပြည်ပ ရင်းနှီးမြှုပ်နှံမှုများ ခေါ်ယူကာ စတင်ဆောင်ရွက်တော့မည် ဖြစ်ကြောင်း လေကြောင်းပို့ဆောင်ရေး ညွှန် ကြားမှု ဦးစီးဌာန ညွှန်ကြားရေးမှူး ဦးတင်ထွန်းနိုင်က ပြောသည်။

ဟံသာဝတီ အပြည်ပြည်ဆိုင်ရာ လေဆိပ်သည် အကျယ်အဝန်းအားဖြင့် ဧက ၉၀၀၀ ကျော် ရှိမည်ဖြစ်ပြီး ရန်ကုန်မြို့မှ မိုင် ၅၀ ကျော် ကွာဝေးသည့် ပဲခူးတိုင်း ဒေသကြီးအတွင်းရှိ ပဲခူးမြို့နယ်   ကျောက်တိုင်တန်း   ကျေးရွာတွင်   ဆောက်လုပ် မည် ဖြစ်ကြောင်း ယနေ့ ကျင်းပပြုလုပ်သည့် ရှင်းလင်း ပွဲတွင်    ၎င်းက   ပြောဆိုခဲ့ခြင်း ဖြစ်သည်။

ရန်ကုန် မင်္ဂလာဒုံ အပြည်ပြည်ဆိုင်ရာ လေဆိပ်သည် လာမည်နှစ်ပိုင်းအတွင်း မြေပြင်ဒဏ် ခံနိုင်မှု အားနည်းကာ ဧည့်ဝင်ဆံ့မှု နည်းလာနိုင်သည့် အတွက် ယင်းကို အထောက်အကူ ပြုနိုင်စေမည့် ဟံသာဝတီ အပြည်ပြည်ဆိုင်ရာ လေဆိပ်သစ်အဖြစ် စီမံကိန်းရေးဆွဲ ဆောင်ရွက်ခြင်း ဖြစ်ကြောင်း သိရသည်။

လက်ရှိတွင် လေဆိပ်ဆောက်လုပ်ရန် မြေဖို့လုပ်ငန်း ၈၀ ရာခိုင်နှုန်းကျော် ပြီးစီးနေပြီဖြစ်ကြောင်း၊ ယင်း မြေနေရာတွင် ဆောင်ရွက် ရခြင်းမှာ လေကြောင်းလမ်း အဆင်ပြေမှု ရှိသည့်အပြင် မြေဧက ကျယ်ဝန်းခြင်း၊ လူနေအိမ်ခြေများနှင့် ဝေးခြင်း၊ လေယာဉ်ကွင်း အဖြစ် အသုံးပြုနိုင် သည့် မြေအနေ အထားရှိခြင်း၊ မိုးလေ၀သအရ အဆင်ပြေခြင်း၊ ရေ ထုတ်ယူနိုင်ရန် မဇင်းဆည် အနီး၌ တည်ရှိခြင်း လျှပ်စစ်ဓာတ်အား ရရှိရန် လွယ်ကူခြင်း စသည်တို့ကြောင့် ဖြစ်ကြောင်း ဦးတင်ထွန်းနိုင်က ရှင်းပြသည်။

“ဒီလေဆိပ်ပြီးသွားရင် ပြည်တွင်းပြည်ပ လေကြောင်းလိုင်း အားလုံး အဲဒီကို  ပြောင်းမယ်။ရန်ကုန်ေ လဆိပ်မှာ အစိုးရ လေကြောင်းလိုင်းနဲ့ ကုန်တင်လေယာဉ် တွေပဲကျန်မယ်” ဟု သူက ဆိုသည်။လေဆိပ်  

 တည်ဆောက်နိုင်ရန် အတွက် ပြည်တွင်းပြည်ပမှ ရင်းနှီးမြှုပ်နှံမှု ကုမ္ပဏီများကို စိစစ်မှုများနှင့် တကွ   ခေါ်ယူမည် ဖြစ်ကြောင်း၊ လေဆိပ်စီမံကိန်းအတွက် ဗိသုကာလုပ်ငန်း၊ မြို့ပြလုပ်ငန်း၊ လျှပ်စစ်မီးလုပ်ငန်း၊ စက်မှုလုပ်ငန်း၊ လေကြောင်း ဆက်သွယ်ရေးလုပ်ငန်းနှင့် လေကြောင်း လျှပ်စစ်မီးလုပ်ငန်းများတွင် ရင်းနှီးမြှုပ်နှံလိုသူ များအား ခေါ်ယူသွားမည် ဖြစ်ကြောင်း သိရသည်။

အဆိုပါလုပ်ငန်း လုပ်ဆောင်လိုသူများသည် ငွေကြေး အင်အား ၁၀၀ ရာခိုင်နှုန်း တောင့်တင်းခြင်း၊ စက်ကိရိယာ ပြည့်စုံလုံလောက်မှု ရှိခြင်း၊ ကျွမ်းကျင် ပညာရှင်များစွာ ပါဝင်ခြင်း စသည့် အချက်များနှင့် ပြည့်စုံရမည် ဖြစ်၍ လုပ်ငန်း စိစစ် ရွေးချယ်ရန်အတွက် ဌာနနှင့် သက်ဆိုင်ခြင်း မရှိသော ကုမ္ပဏီ တခုကို ဖွဲ့စည်းကာ ပြည်ပမှ ပညာရှင်များ၊ ပြည်တွင်းမှ ဥပဒေ ပညာရှင်များ၊ စီးပွားရေး လုပ်ငန်းရှင်များကို ငှားရမ်း ခေါ်ယူ၍ အရည်အသွေး စစ်ဆေး ထိန်းချုပ်ခြင်းများ ဆောင်ရွက် သွားမည် ဖြစ်သည်။

“ရင်းနှီးမြှုပ်နှံမယ့် လုပ်ငန်းစုက ငွေကြေးအင်အား ၁၀၀ ရာခိုင်နှုန်း ရှိရမယ်၊ ကျန်တဲ့အချက်တွေ နဲ့လည်း ပြည့်စုံရမယ်၊ အစိုးရဘက်က ငွေကြေး လုံးဝ ထည့်ဝင်မှာမဟုတ်ဘူး။ လေဆိပ်မြေ ငှားရမ်းခကိုပါ ကောက်ခံသွားမှာပါ။ ကျမတို့က လုပ်ငန်းစု တခုကိုပဲ ရင်းနှီးမြုပ်နှံခွင့် ပြုမယ်” ဟု ပြည်တွင်းပြည်ပ ပြန်ကြားရေး တာဝန်ခံ ညွှန်ကြားရေးမှူး ဒေါ်နွယ်နီဝင်းကျော်က ပြောသည်။

ပြည်တွင်းပြည်ပ ရင်းနှီးမြုပ်နှံမှုများ ခေါ်ယူရာတွင် မေးခွန်း ၁၁ ခုဖြင့် အကြိုစစ်ဆေးမှု ပြုလုပ်မည်ဖြစ်ပြီး ယင်းအဆင့် အောင်မြင်သော လုပ်ငန်းစုများသာ ပထမ တင်ဒါခေါ်ယူခြင်း၊ ဒုတိယ တင်ဒါခေါ် ယူခြင်း ပြုလုပ်ပြီး နောက်မှသာ သင့်လျော်သည့် လုပ်ငန်းစုနှင့် သဘောတူ စာချုပ် ချုပ်ဆိုသွားမည်ဟု သိရသည်။

“လေဆိပ်လုပ်ငန်း အားလုံးအတွက် တပေါင်းတည်း ရင်းနှီးမြှုပ်နှံဖို့ လုပ်ငန်းတခုတည်းကို ခေါ်မယ်ဆိုတော့ အဆင်မပြေဘူး၊ ဖက်စပ် လုပ်မှပဲရမယ်” ဟု ၀ါဝါ ဆောက်လုပ်ရေး ကုမ္ပဏီ ဒါရိုက်တာ အဖွဲ့ဝင် တဦးကပြောသည်။

ဟံသာဝတီ အပြည်ပြည်ဆိုင်ရာ လေဆိပ်အတွက် ရင်းနှီးမြှုပ်နှံမှု ခေါ်ယူရန် ပထမအဆင့် အနေဖြင့် အကြို အရည်အချင်း  စစ်ဆေးခြင်းနှင့် ပတ်သက်သည့် ခေါ်ယူမှုကို လာမည့်ဇူလိုင် ၉ ရက်ထုတ် နိုင်ငံပိုင် သတင်းစာများမှ တဆင့် ကြေညာမည် ဖြစ်ကြောင်း၊ ကြေညာပြီးသည့် နေ့ရက်မှစ၍ ၂ လအတွင်း MFTBဘဏ်တွင် အမေရိကန် ဒေါ်လာ ၁ ထောင် ပေးသွင်းကာ လေကြောင်းပို့ဆောင်ရေး ညွှန်ကြားမှု ဦးစီးဌာနသို့ ဘဏ်ချလန်နှင့်အတူ လျှောက်ထားရမည် ဖြစ်ကြောင်း သိရသည်။

အပြည်ပြည်ဆိုင်ရာ လေဆိပ်များ အပါအ၀င် ပြည်တွင်းလေဆိပ်များ အဆင့်မြှင့်တင်မှု ဆောင်ရွက်ရာတွင် အစိုးရချည်း သက်သက် ဆောင်ရွက်ရန် အားနည်းချက်များ ရှိနေခြင်းကြောင့် ပုဂ္ဂလိကသို့ လွှဲပြောင်းလုပ်ကိုင်စေရန် သက်ဆိုင်ရာ ဌာနများ ဆွေးနွေးကာ ဆုံးဖြတ်လိုက်ခြင်း ဖြစ်သည်ဟု ယနေ့ ရှင်းလင်းပွဲတွင် ရှင်းပြသည်။

မြန်မာနိုင်ငံတွင် လေဆိပ်စုစုပေါင်း ၆၉ ခု ရှိပြီး လက်ရှိ အသုံးပြုနေသည့် လေဆိပ် ၃၃ ခုရှိကာ အရန်သင့် ထားသည့် လေဆိပ် ၃၆ ခုရှိကြောင်း၊ ပို့ဆောင်ရေးကဏ္ဍ မြှင့်တင်နိုင်ရန်အတွက် အပြည်ပြည် ဆိုင်ရာ လေဆိပ်များကို အဆင့်မြှင့်သွားမည် ဖြစ်ပြီး အဆိုပါ လေဆိပ်များ အားလုံးအတွက်လည်း လာမည့် စက်တင်ဘာလမှ စတင်ကာ ပြည်တွင်းပြည်ပ ရင်းနှီးမြှုပ်နှံမှုများ ခေါ်ယူ ဆောင်ရွက်ရန်အတွက် အစီအစဉ် များ ရေးဆွဲထားကြောင်း သိရသည်။