တာပိန်မြစ် ရေအားလျှပ်စစ်အနီး အစိုးရတပ်အား KIA မိုင်းခွဲတိုက်ခိုက် ၈ ဦးကျ

မြန်မာအစိုးရ တပ်ပေါင်းစုစစ်ကြောင်း တစ်ခုကို ကချင်လွတ်မြောက်ရေးတပ်ဖွဲ့ KIA မှ ယမန်နေ့ နံနက် ၁၀ နာရီချိန်တွင် မိုင်းဖြင့် တိုက်ခိုက်ခဲ့ရာ အစိုးရတပ်မှ ၈ ဦးသေ ဆုံးကြောင်း ရှေ့တန်းမှ အရာရှိတဦး ကချင် သတင်းဌာနသို့ပြောသည်။

ကချင်လွတ်မြောက်ရေးတပ်ဖွဲ့ တပ်မဟာ (၃) လက်အောက်ခံတပ်ရင်း (၁၅) မြန်မာအစိုးရတပ် တာပိန်ရေ အားလျှပ်စစ် တွင် လုံခြုံရေးယူထားသော တပ်မ (၉၉)  တပ်ပေါင်းစုတပ်ကို အနီး ရာဘာခြံတွင် မှိုင်းဖောက်ခွဲ တိုက်ခိုက်ခဲ့စဉ် သေဆုံးမှုဖြစ် သွားခဲ့ခြင်း ဖြစ်ကြောင်း ပြောသည်။

“ကျနော်တို့ဘက်က တစ်လုံးဘဲ ဖေါက်ကွဲလိုက်တာ တခါထဲ ၈ ယောက်လဲသွားတယ်။ ကျန်တဲ့သူနဲ့လည်း အနည်းငယ် ပစ်ခတ်ကြပြီး လက်နက်ကြီးနဲ့လည်း ၁ ခေါက် ၂ ခေါက် ပစ်ပြီးတဲ့နောက်ငြိမ်သွားတယ်” ဟု ရှေ့တန်းမှဆိုသည်။

ထိုမြန်မာအစိုးရတပ်ဖွဲ့အား တာပိန်ရေအားလျှပ်စစ်အနီးတွင် ကင်းလှည့်နေစဉ် ကချင်လွတ်မြောက်ရေးတပ်ဖွဲ့မှ မှိုင်းဖြင့် ပစ်၍ တိုက်ခိုက်ခဲ့ခြင်းဖြစ်သည် ဟု သိရသည်။

တာပိန်မြစ်ရေအားလျှစ်စစ်အနီးဝန်းကျင်တွင် မြန်မာအစိုးရတပ်ဖွဲ့များသည် နေရာကွက်ကြား ၅ နေရာခန့်တွင် အင်အား၂၀ ကျော်ဖြင့် တပ်ချထားကြောင်း သိရသည်။

အစိုးရတပ်လုံခြုံရေးနှင့် တပ်ချထားသည့် နေရာများသည် ဇိန်းခုန်းလမ်း (Zinghkung lam)၊ တာပိန်ရေအား လျှပ်စစ်ရုံး၊ ဆန်ဂန်ရွာ (Sang Gang)နှင့် ဗန်းမော်သွားလမ်းများ တွင်ဖြစ်ကြောင်း သိရသည်။

၎င်းနယ်မြေတွင်ရှိနေသော အစိုးရစစ်အင်အားများနှင့် စက်တင်ဘာ ၁၆ ရက် ညတွင် ဗန်းမော်ဘက်မှ စစ်ကား ၄ စီး နှင့် အင်အား ၁၀၀ ကျော်ဖြင့် ထပ်မံရောက်ရှိလာသည့် တပ်သားများသည် ယနေ့ ဒေါ့ဖုန်းယန်ရွာအတွင်း ဝင်ရောက်စစ်ဆေးမှုများလည်းပြု လုပ်ခဲ့ကြောင်း သိရှိရသည်။ တိုက်ပွဲများသည် ကချင်လွတ်မြောက်ရေးတပ်ဖွဲ့ KIA တပ်ချထားသောနေရာတ၀ိုက် နှစ်ဖက် အသင့်အနေ ထားဖြင့် တင်းမာမှုများရှိနေဆဲဖြစ်ပြီး ထိပ်တိုက်ရင်ဆိုင်မှုများ ရှိနေချိန် ပစ်ခတ်တိုက်ခိုက်မှုများ ရှိနေကြောင်း KIA ဗဟိုအရာရှိများပြောသည်။