Time in Rangoon 
မောင်ရမ္မာ
ရခိုင်တိုင်းရင်းသားများ တိုးတက်ရေးပါတီ RNDP မှ ရခိုင်ပြည်နယ် အစိုးရ အဖွဲ့တွင် ပါဝင်နေသော လယ်ယာနှင့် စိုက်ပျိုးရေး ၀န်ကြီး ဦးကျော်သိန်းသည် စီပွားရေး သမားများနှင့် ပူးပေါင်းပြီး ပြည်သူများ၏ အရေးကို မျက်ကွယ်ပြုနေကြောင်း ဒေသခံ လယ်သမားများက ပြောကြားသည်။
ရခိုင်မှ ပုဇွန်မွေးမြုရေးတာ (ကန်) တစ်ခုအား တွေ့ရစဉ်။
ဝန်ကြီး ဦးကျော်သိန်းမှ ဂီရိ မုန်တိုင်း အတွင်း ကျိုးပေါက်သွားသော မြေပုံမြို့နယ် ငမန်းရဲ ကျွန်းမှ တာတမံများကို ဆည်ဖို့နေရာတွင် အများစု ဒေသခံ ပြည်သူများဘက်မှ မရပ်တည်ဘဲ ပုဇွန် လုပ်ငန်းရှင်များဘက်မှ ရပ်တည် လုပ်ကိုင် ဆောင်ရွက်နေသည်ဟု လယ်သမားများက ပြောသည်။
“ အခု ကျွန်တော်တို့ ငမန်းရဲကျွန်းမှာ နိုင်ငံတော်ကနေ မနှစ်က စပြီး ကျွန်းပတ်ကာရီ (တာတမံ) ကို ဆည်ပေးနေပါတယ်။ အဲသလို ဆည်နေတဲ့ နေရာမှာ ဦးခင်မောင်လှ ဦးဆောင်တဲ့ ပုဇွန်လုပ်ငန်းရှင် ၂၀ လောက်က သူတို့ ရေငံ သွင်းပေါက် တွေကို ပိတ်ပြီး တာတမံ မဆည်ရဘူး ပြောဆိုနေတဲ့ အတွက် တာတမံတွေကို ဆည်နေတာကို ရပ်နားထားရပါတယ်။ သူတို့က ဘာပြောလဲဆိုတော့ သူတို့ ပုဇွန်မွေးမြူဖို့ကို လယ်ယာ စိုက်ပျိုးရေးဝန်ကြီး ဦးကျော်သိန်းက ခွင့်ပြုထားတယ်လို့ ပြောတယ်။ ဆည်မြောင်းဌာနက ခွင့်ပြုစာ တောင်းတဲ့အခါမှာ နှုတ်နဲ့ ခွင့်ပြုထားတာဖြစ်တဲ့အတွက်ကြာင့် ၀န်ကြီး ဦးကျော်သိန်းဆီမှ ခွင့်ပြု ချက် စာလာမှ ဆည်ပါဆိုပြီး ဆည်မြောင်းက ဆည်ဖို့လုပ်တာကို အနှောင့်အယှက် ပေးပါတယ်” ဟု ဒေသခံ လယ်သမား တစ်ဦးက ပြောသည်။
စပါးစိုက်ခင်းများသို့ ပင်လယ် ဆားငံရေမ၀င်ရန် အတွက် တာတမံ ဆည်ရာတွင် ရေငံ ၀င်ပေါက်များအားလုံးကို ပိတ်ဆို့ ဆည်ရမည် ဖြစ်သော်လည်း ယခုအခါ ၀န်ကြီးအားကိုးဖြင့် ပုဇွန် လုပ်ငန်းရှင်များ တားမြစ်နေသဖြင့် ဆားငံ ၀င်ပေါက်များကို မဆည်ဖို့နိုင်ဘဲ ဖြစ်နေကြသည်ဟု သိရသည်။
ငမန်းရဲကျွန်းတွင် ယခင် ဆည်ဖို့ထားသော တာတမံများမှာ သဘာဝဘေးဒဏ် အမျိုးမျိုးကြောင့် ပျက်စီးခဲ့ရာမှ အစိုးရက ပြန်လည် မပြုပြင်ဘဲရှိနေရာ ထိုအားနည်းချက်များကို အခွင့်ကောင်းယူပြီး ပုဇွန်မွေးမြူရေး လုပ်ငန်းရှင်များက တာတမံများကို ဆားငံရေများသွင်းကာ ပုဇွန်မွေးမြူနေကြသည်ဟု သိရသည်။
“ ဆားငံ ၀င်ပေါက်တွေကို မပိတ်ရင် စပါး စိုက်လို့ မရပါဘူး။ ဒီဆားငံ ၀င်ပေါက်တွေကို ပိတ်မှ စပါး စိုက်လို့ ရမှာ ဖြစ်ပါတယ်။ ဆားငံရေ မ၀င်ရအောင် တမံတုတ်နေတာမှာ အခု ပုဇွန်သမားတွေကြောင့် အခက်ကြုံနေရပါတယ်။ အခု ရခိုင် ၀န်ကြီး ဦးကျော်သိန်းရဲ့ ညွှန်ကြားချက်အရ တာတမံ ဆည်နေတာကို ရပ်နားထားရပါတယ်” ဟု အမည်မဖေါ်လိုသူ ဆည်မြောင်း တာဝန်ရှိသူ တစ်ဦးက ပြောသည်။
ယခုကဲ့သို့ တာတမံ ဆည်ဖို့နေသည်ကို ရပ်နားထားရန် ၀န်ကြီး ဦးကျော်သိန်းမှာ ညွှန်ကြာထားခြင်းမှာ ယခုလ ၁၉ ရက်နေ့က ပုဇွန် လုပ်ငန်းရှင်များမှ တာတမံဆည်ဖို့ပါက သူတို့ လုပ်ကိုင်နေသော ပုဇွန်တာ(ကန်)များ ပျက်စီးသွားမည် ဖြစ်ကြောင်း ၀န်ကြီးကို သွားရောက် တိုင်ကြားခြင်းကြောင့် ဖြစ်သည်ဟု သိရသည်။
“ ဆည်မြောင်းဌာန၏ တားမြစ်ချက်ကို မကျေနပ်တဲ့ အတွက် ပုဇွန်ကန်ပိုင်ရှင်တွေက ဒီဇင်္ဘာလ ၁၉ ရက်နေ့ က ရခိုင်ပြည်နယ် လယ်ယာနှင့်စိုက်ပျိုးရေးဝန်ကြီး ဦးကျော်သိန်းနှင့် သွားရောက် တွေ့ဆုံ တယ်လို့သိရပါတယ်။ အဲဒီ နောက်မှာ ၀န်ကြီးက ပြည်နယ် ဆည်မြောင်းဌာနဦးစီးမှူးကို တာတမံဆည်ဖို့ နေတာ ကို ရပ်တန့်ထားဖို့ ဖုန်းနဲ့ အကြောင်းကြားလာပါတယ်” ဟု ဆိုသည်။
၁၉၆၇ ခုနှစ် က ရခိုင်တွင် ဖြစ်ပွားခဲ့သော မုန်တိုင်းကြီးကြောင့် ငမန်းရဲကျွန်း တစ်ခုလုံး ရေနစ်ခဲ့ပြီး လူပေါင်း ထောင်ချီ သေဆုံးခဲ့ပြီး နောက်ပိုင်း ၁၉၆၈ ခုနှစ်မှ စပြီး နိုင်ငံတော် အစိုးရက တာတမံများ ဆည်ဖို့ပေးခဲ့ရာ လယ်ဧက ၅၀၀၀ ကျော် စိုက်ပျိုး နိုင်ခဲ့သည်ဟု သိရသည်။
၂၀၁၀ ခုနှစ်က အောက်တိုဘာလ အတွင်းက တိုက်ခတ်ခဲ့သော ဂီရိ မုန်တိုင်းကြောင့် တာတမံ အများအပြား ပျက်စီးသွားခဲ့သဖြင့် လယ်ယာမြေများစွာကို မစိုက်ပျိုးနိုင်ဘဲ ဖြစ်နေခဲ့သဖြင့် နိုင်ငံတော်မှ ပြန်လည်ပြီး တာတမံများကို ပြန်လည် ဆည်ဖို့ပေးနေကြောင်း သိရသည်။
ငမန်းရဲကျွန်းတွင် ပုဇွန်လုပ်ငန်းရှင်များ ပုဇွန်မွေးမြူနေမူကြောင့် ဒေသခံ လယ်သမားများ ထိခိုက်မှု ရှိနေသည်ဟု မြေပုံမြို့နယ် ပြည်သူ့ လွှတ် တော်ကိုယ်စားလှယ် ဦးဖေသန်းကလည်း နိရဉ္စရာသို့ အတည်ပြု ပြောသည်။
“ အစိုးရ ဆည်ပေးတဲ့ တာတမံထဲမှာ ပုဇွန်ကန်လုပ်လို့မရဘူး၊ ရေငံသွင်းလို့လည်းမရဘူး။ ရေငံသွင်းလိုက်တာနဲ့ စပါး စိုက် နေတဲ့ တာတမံတွေဟာ အားလုံး ဆာငံရည်မြှုပ်သွားတယ်။ လယ်သမားတွေက စပါးစိုက်တဲ့အချိန်မှာ လုံးဝ လုပ်စားလို့ မရ ဖြစ်သွားတယ်။ ဒီကိစ္စကို အလေးအနက်ထားပြီး ဖြေရှင်း ပေးသင့်ပါတယ်” ဟု သူကပြောသည်။
ဒေသခံ လယ်သမားများ အနေဖြင့် ငမန်းရဲကျွန်းတွင် တာတမံများကို ဖေါက်ပြီး ဆားငံရေသွင်းကာ ပုဇွန်မွေးမြူနေသည်ကို ရပ်ဆိုင်းပေးရန် နိုင်ငံတော်နှင့် ပြည်နယ် အဆင့်ထိ တက်ရောက် တိုင်ကြားရန် စီစဉ်နေသည်ဟု သိရသည်။
နိရဉ္စာ သတင်းဌာနမှကူးယူဖော်ပြသည်။
0 comments:
Post a Comment