Time in Rangoon 
ဗီယက်နမ်နိုင်ငံရဲ့တောင်ဘက်စွန်းနားမှာ တွေ့ရတဲ့ လောင်စာဆီ ကွက်ကြီး ၂ ခုရှိတဲ့နားကို ကယ်ဆယ်ရေး သင်္ဘောတွေကို စေလွှတ် ထားတယ်လို့ ဗီယက်နမ်အစိုးရက ပြောပါတယ်။
၆ မိုင်ကနေပြီး ၉ မိုင်လောက် ရှိတယ်ဆိုတဲ့ ဆီကွက်ကြီးတွေကို တွေ့ရှိမှုဟာ မလေးရှားကနေ တရုတ်နိုင်ငံဆီ ပျံသန်းသွားစဉ် ပျောက်သွားတဲ့ လေယာဉ်အတွက် နောက်ဆုံးရတဲ့ သဲလွန်စကြီး ဖြစ်ပါတယ်။
ကွာလာလာမ်ပူမြို့တော်ကနေ ဘေဂျင်းမြို့ဆီကို ပျံသန်းသွားတဲ့လေယာဉ်ပေါ်မှာ ခရီးသည်နဲ့လေယာဉ်အမှုထမ်း စုစုပေါင်း ၂၃၉ ယောက် ပါသွားပါတယ်။
လေယာဉ်ပျံတဲ့နောက်ဆုံးအဆက်အသွယ်ရတဲ့နေရာလို့ ဗီယက်နမ်တာဝန်ရှိသူတွေ ပြောတဲ့ ဗီယက်နမ်နိုင်ငံ၊ အနောက်တောင်ပိုင်း သောင်ချူးကျွန်း ( Tho Chu) ရဲ့ အနောက်တောင်ပိုင်း ကမ်းလွန် မိုင် ၁၅၀ လောက်မှာ အဓိက အာရုံစိုက်ပြီး နိုင်ငံစုံက ရှာဖွေရေးတွေကို လုပ်နေကြပါတယ်။
မလေးရှား၊ ဖိလစ်ပိုင်၊ ဗီယက်နမ်နဲ့ တရုတ်နိုင်ငံတို့က သင်္ဘောတွေ၊ လေယာဉ်တွေနဲ့ ပျောက်ဆုံးသွား တဲ့လေယာဉ်ကို ရှာဖွေနေကြတာပါ။
ကွာလာလာမ်ပူမြို့တော်ကနေ ဒီကနေ့ စနေနေ့ မနက်ပိုင်းမှာထွက်ခွာသွားတဲ့ ခရီးစဉ် MH ၃၇၀ လေယာဉ်ဟာ ပျံတက်ပြီးတော့ တစ်နာရီလောက်အကြာမှာပဲ အဆက်အသွယ်အားလုံးပြတ်သွားတယ်လို့ မလေးရှားလေကြောင်းက ပြောပါတယ်။
ခရီးသည်တွေထဲမှာ တရုတ်လူမျိုး ၁၅၂ ယောက်၊ မလေးရှား ၃၈ ယောက်၊ အမေရိကန် ၄ ယောက်အပါအဝင် စုစုပေါင်း နိုင်ငံ ၁၄ ခုက ခရီးသည်တွေဖြစ်တယ်လို့ လေကြောင်းလိုင်းရဲ့ Facebook စာမျက်နှာမှာလည်း ဖော်ပြပါတယ်။
ဗွီအိုအေ (မြန်မာဌာန)
0 comments:
Post a Comment