Time in Rangoon 
အီဘိုလာရောဂါသံသယရှိသူ၏ သွေးနမူနာကို ဂျာမနီနိုင်ငံ၊ဟန်းဘတ်မြို့ရှိ ဗိုင်းရပ်စ်ဗေဒ ဓာတ်ခွဲခန်းသို့ပေးပို့စစ်ဆေးရာ ဓာတ်ခွဲနမူနာ၏အဖြေအရ ကူးစက်မြန်အီဘိုလာရောဂါပိုး မရှိကြောင်း ကျန်းမာရေးဝန်ကြီးဌာနက ယနေ့သတင်းထုတ်ပြန်လိုက်သည်။
ဝေဘာဂီကူးစက်ဆေးရုံတွင် စစ်ဆေးကုသနေသော အီဘိုလာရောဂါ သံသယလူနာနှင့်ထိတွေ့ ဆက်ဆံသူလေးဦး၏ သွေးနမူနာကို သြဂုတ်၂၉ ရက်က ဂျာမနီနိုင်ငံ၊ဟန်းဘတ်မြို့ရှိ ဗိုင်းရပ်စ်ဗေဒဓာတ်ခွဲခန်းသို့ပေးပို့စစ်ဆေးရာ ထိုဓာတ်ခွဲခန်း၏အဖြေပြန်ရောက်ရှိလာခြင်း ဖြစ်သည်။
‘‘လူနာကလည်းကျန်းမာရေးအားလုံးကောင်းမွန်နေပြီ။ဓာတ်ခွဲအဖြေကလည်း ဘာမှမရှိဘူးဆိုတာ သိရပါပြီ။သူတို့ကို ဘယ်နေ့ဆေးရုံးဆင်းရမယ်ဆိုတာနဲ့ပတ်သက်လို့ ဖွဲ့စည်းထားတဲ့ အဖွဲ့အစည်းရှိပါတယ်။ ဆေးရုံကနေဘယ်နေ့ဆင်းမဆင်း တိုင်ပင်ဆုံးဖြတ်ပြီးလုပ်ရမှာပါ’’ဟု ကျန်းမာရေးဝန်ကြီးဌာန၊ ရောဂါကာကွယ်နှိမ်နင်းရေးဌာန ဒုတိယညွှန်ကြားရေးမှူးချုပ်ပါမောက္ခ ဒေါက်တာစိုးလွင်ငြိမ်းက 7DayDaily သို့ ပြောကြားသည်။
0 comments:
Post a Comment