ကမ္ဘာ့ခေါင်းဆောင်အများစု ဒေါ်အောင်ဆန်း စုကြည် ပြောသောစကားထက် ဦးသိန်းစိန်ပြောသောစကားအား ပိုမိုလက်ခံလာကြ

အမေရိကန် နိုင်ငံခြားရေးဝန်ကြီး ကယ်ရီ လာသွားတဲ့ ခရီးစဉ်ကိုတော့ ပြည်တွင်းကရော ပြည်ပ ကပါ တော်တော်လေး စိတ်ဝင်တစား စောင့်ကြည့်ခဲ့ကြပါတယ်။ ဒီခရီးစဉ် မတိုင်ခင်မှာလည်း အမေရိကန် လွှတ်တော်အမတ် ၆၀ ကျော်က ကယ်ရီကို ဖိအားပေးတဲ့ ပေးစာ ပေးပို့ခဲ့ကြပါတယ်။ ဒါ့ကြောင့် ကယ်ရီရဲ့ ခရီးစဉ်အတွင်းမှာ မြန်မာနိုင်ငံကို ဘာတွေ ဖိအားပေးမလဲ ဆိုတဲ့ သိချင်စိတ်က အဓိက ဖြစ်ခဲ့ကြပါတယ်။ ဒါပေမယ့် အထင်နဲ့အမြင် ပါစင်အောင်လွဲသွားခဲ့တာကတော့ ကယ်ရီရဲ့ သတင်းစာရှင်းလင်းပွဲမှာ အကောင်းဘက်များတဲ့ ရှုမြင်သုံးသပ်ချက်တွေ ထွက်ပေါ်လာခဲ့ပါတယ်။ အမေရိကန် ပြန်ရောက်တော့ လည်း East-West Center မှာ ကယ်ရီရဲ့ အာရှခရီးစဉ်အကြောင်း ပြောတဲ့အခါမှာလည်း မြန်မာနိုင်ငံနဲ့ ပတ်သက်လို့ Good Example အဖြစ် ပြောသွားပြန်ပါတယ်။

ဧရာဝတီသတင်းတစ်ပုဒ်မှ ဆောင်းပါးရှင် ကျော်စွာမိုးရဲ့ ရေးသားဖော်ပြထားချက်ကို ဖတ်ရတော့ ပိုပြီး စိတ်ဝင်စားစရာ ကောင်းလာပါတယ်။ ကယ်ရီ မြန်မာနိုင်ငံကို ရောက်နေတဲ့အချိန်မှာ ဒေါ်အောင်ဆန်းစုကြည်ကို တွေ့ဆုံဖို့ ချိန်းဆိုထားပြီး အချိန်မီ ရောက်မလာနိုင်ခဲ့ဘဲ တက္ကသိုလ်ရိပ်သာ လမ်းက နေအိမ်မှာ စောင့်ဆိုင်းစေခဲ့တဲ့ သဘောမျိုး ရေးထားပါတယ်။ ကယ်ရီအနေနဲ့ နေပြည်တော်မှာ အစိုးရ အရာရှိတွေနဲ့ တွေ့နေရလို့ ဒေါ်အောင်ဆန်းစုကြည် စောင့်ပေးပါဦး ဆိုတဲ့ အနေအထားမျိုးလို့ ဖတ်ရှု နားလည်မိပါတယ်။ ကယ်ရီရဲ့ အဖွဲ့သားတွေက ဒေါ်အောင်ဆန်းစုကြည်ဆီကို ဆက်သွယ်ပြီး ပြောကြားခဲ့တာကတော့ ကယ်ရီအနေနဲ့ ည ၈ နာရီထိုးတဲ့အထိ အားလပ်မှာ မဟုတ်တဲ့အကြောင်း ဖြစ်ပါတယ်။ ဒီတော့ အချိန်နောက်ကျနေပြီ ဆိုပြီးတော့ ဒေါ်အောင်ဆန်းစုကြည်က ကယ်ရီနဲ့ တွေ့ဆုံဖို့ အရေးကို ငြင်းဆန်ခဲ့တယ်လို့လည်း ရေးသားထားပါတယ်။ ဒီအချိန်မှာ သံတမန်တွေက ဒေါ်အောင်ဆန်းစုကြည်ကို ၀ိုင်းပြီး တောင်းပန်ခဲ့ကြလို့ နောက်ဆုံး ဒေါ်အောင်ဆန်းစုကြည်က တွေ့ဆုံဖို့ သဘောတူ လက်ခံခဲ့တဲ့အတွက် သူတို့အတွက်လည်း အသက်ရှူချောင်ခဲ့တယ်လို့ ရေးသားထားပါတယ်။ ကယ်ရီ့အနေနဲ့ ဒေါ်အောင်ဆန်းစုကြည်နဲ့ မတွေ့ဘဲ ပြည်တော်ပြန်သွားခဲ့ရင် ၀ိုင်းပြီး ပြစ်တင် ဝေဖန် တာတွေ ကြုံရနိုင်တဲ့ အတွက်ကြောင့်လို့လည်း ရေးသားထားပါတယ်။

အရင်တုန်းကဆိုရင် ကမ္ဘာ့ခေါင်းဆောင်တွေဟာ ဒေါ်အောင်ဆန်း စုကြည် ပြောတဲ့ စကားကို လက်ခံခဲ့ကြပေမယ့် အခုအချိန်မှာ အခြေအနေတွေ ပြောင်းလဲသွားပြီ လို့လည်း သိရပါတယ်။ ၀ါရှင်တန်နဲ့ အနောက်နိုင်ငံတွေ အနေနဲ့ ဒေါ်အောင်ဆန်းစုကြည်ထက်စာရင် သမ္မတ ဦးသိန်းစိန်ကို ပိုပြီး လိုအပ် နေတဲ့ သဘောမျိုး ယူဆလာရပြီ ဆိုတဲ့အကြောင်း ရေးသားထားတဲ့ ဆောင်းပါးလည်း ဖြစ်နေပါတယ်။ ကယ်ရီနဲ့ ဒေါ်အောင်ဆန်းစုကြည်တို့ရဲ့ တွေ့ဆုံမှုမှာ ဘာတွေ ဆွေးနွေးကြတယ် ဆိုတာလည်း ထုတ်ပြန်ခြင်း မရှိတဲ့အတွက် မသိနိုင်ပါဘူး။ ခြုံငုံပြီး ပြန်ကြည့်ရင် ကယ်ရီရဲ့ ခရီးစဉ်မှာ အမေရိကန်လို နိုင်ငံကြီးတောင် အပြောင်းအလဲအတွက် အချိန်ယူရတယ်၊ မြန်မာနိုင်ငံ တွေ့ကြုံနေရတဲ့ စိန်ခေါ်မှုတွေ အတွက် အချိန်ယူရမယ် ဆိုပြီး သမ္မတ ဦးသိန်းစိန်ကို စာနာ ထောက်ထားတဲ့ Message ကို ပေးသွားတာ တွေ့ရပါတယ်။ နိုင်ငံတကာ အသိုင်းအ၀ိုင်းရဲ့ သဘောထားက ဒီသုံးသပ်ချက်အတိုင်း တဖြည်းဖြည်းချင်း ပြောင်းပြန် ပြောင်းလဲနေပြီလား စဉ်းစားဖို့ ကောင်းနေပြန်ပါတယ်။

နောက်တစ်ခါ မကြာပြန်ပါဘူး။ ဒေါ်အောင်ဆန်းစုကြည်က စာနယ်ဇင်းသမားတွေနဲ့ တွေ့ဆုံပွဲ တစ်ခု လုပ်လာခဲ့ပါတယ်။ ဒီတွေ့ဆုံပွဲမှာလည်း ဒေါ်အောင်ဆန်းစုကြည်ရဲ့ ပြောကြားချက်တွေကို လေ့လာကြည့်ရင် မြန်မာနိုင်ငံရဲ့ တကယ့်ပကတိအခြေအနေကို အများသိအောင် ၀ိုင်းဝန်းပြီးတော့ ကူညီ လုပ်ဆောင်ပေးဖို့၊ အတိုက်အခံ ပါတီတစ်ခုက ထောက်ပြတဲ့ ကိစ္စတွေဆိုရင် အတိုက်အခံပါတီ ဆိုတော့ ဒီလိုပြောမှာပေါ့ ဆိုတဲ့အမြင်တွေ ရှိနေတဲ့အတွက် ဒီနိုင်ငံဟာ တကယ် ဒီမိုကရေစီလမ်းကြောင်းပေါ် ရောက်နေသေးတာ မဟုတ်ဘူး ဆိုတာကို ထင်ရှားအောင် စာနယ်ဇင်းတွေက ၀ိုင်းဝန်းရေးသားဖော်ပြပေး ကြဖို့ ဆိုတဲ့ အဓိက အချက်ကို တွေ့ရပါတယ်။ ဒီတော့ ဒီပြောကြားချက်ကနေ ကောက်ကြည့်ရင် ဒေါ်အောင်ဆန်းစုကြည်နဲ့ သူ့ပါတီက ပြောရင် အတိုက်အခံမို့လို့ ပြောတယ် ဆိုတာမျိုး နိုင်ငံတကာက ထင်မြင်ယူဆနေကြတယ်လို့ ဒေါ်အောင်ဆန်းစုကြည်က ခံစားမိတဲ့ အနေအထားမျိုး ဖြစ်နေပါတယ်။ ဒီတော့ နိုင်ငံတကာ သဘောထားအမြင်တွေကတော့ အဓိကနေရာမှာ ပါဝင်နေပြီ ဆိုတာကို ထင်ထင် ရှားရှား တွေ့ရမှာ ဖြစ်ပါတယ်။

အမေရိကန်လွှတ်တော်အမတ် ၆၀ ကျော် ကယ်ရီကို ဖိအားပေးခဲ့တာတွေနဲ့ ပတ်သက်လို့လည်း သမ္မတ ဦးသိန်းစိန်ဘက်က ထုတ်ဖော်ပြောကြားတဲ့ သဘောထားတွေကို လေ့လာကြည့်ရင် စိတ်ဝင်စား စရာ ကောင်းပါတယ်။ အမေရိကန် ပြည်တွင်း နိုင်ငံရေးအရ မကြာခင် လွှတ်တော်ရွေးကောက်ပွဲတွေ ပြုလုပ်တော့မှာ ဖြစ်လို့ အိုဘားမားနဲ့ ဒီမိုကရက်တွေကို နိုင်ငံရေးထောက်ခံမှုတွေ ကျဆင်းလာပြီး ရီပတ်ဘလီကင်တွေ ရွေးကောက်ပွဲမှာ အသာစီး ရရှိအောင် မြန်မာနိုင်ငံ ကိစ္စကို အသုံးချ တိုက်ခိုက် နေတာ ဖြစ်တယ်ဆိုပြီး တုံ့ပြန်ကြပါတယ်။ မြန်မာနိုင်ငံကိစ္စဟာ အိုဘားမားနဲ့ ဒီမိုကရက်တွေရဲ့ အောင်မြင်မှု ဖြစ်နေတဲ့အတွက် ဒီအောင်မြင်ကို ကျဆုံးမှုအဖြစ် လူထုအမြင်မှာ ပြောင်းလဲသွားရင် ရီပတ်ဘလီကင်တွေ အသာရမယ် ဆိုတဲ့ ဗျူဟာနဲ့ ဖိအားပေးနေကြတယ် ဆိုတာကို သမ္မတရုံးဘက်က ထုတ်ဖော်ပြောကြားခဲ့တာတွေ တွေ့ရပြန်ပါတယ်။ ဒီတော့ အမတ်တွေ ဖိအားပေးတာဟာ အမေရိကန် ပြည်တွင်းနိုင်ငံရေးကြောင့် လုပ်နေတာပဲ၊ အိုဘားမား အစိုးရအနေနဲ့ ကယ်ရီ့အနေနဲ့ ဝေဖန်တာတွေ ပြောရမှာပဲ ဆိုတာကို နားလည် သဘောပေါက်ထားပြီးသား ဖြစ်နေပါတယ်။ သမ္မတ ဦးသိန်းစိန်က ကယ်ရီနဲ့ တွေ့ဆုံချိန်မှာ အဓိက ပေးလိုက်တဲ့ သတင်းစကားက “နောက်ပြန်မလှည့်အောင် ကြိုးစား နေတယ်၊ ဒါကို ၀ိုင်းပြီး ကူညီပါ” ဆိုတဲ့အချက် ဖြစ်တာကို သတင်းထုတ်ပြန်ချက်တွေအရ သိရှိရပါတယ်။

သမ္မတ ဦးသိန်းစိန်ဘက်က အမေရိကန် ပြည်တွင်းနိုင်ငံရေးကိုပါ ခြုံငုံ စဉ်းစားသုံးသပ်ပြီး လုပ်ကိုင် လာတာဟာ သတိပြုစရာ ဖြစ်နေပြန်ပါတယ်။ နောက် အရှေ့အာရှ နိုင်ငံခြားရေးဝန်ကြီးများ အစည်း အဝေးမှာလည်း မြန်မာနိုင်ငံ ကိုင်တွယ်သွားတာတွေကို ချီးကျူးစကား ပြောကြားနေကြတာကိုလည်း ပြည်ပ မီဒီယာတွေမှာ တွေ့လာရပြန်ပါတယ်။ ဒီတော့ ပြည်တွင်းနဲ့ ပြည်ပ ရှုမြင်သုံးသပ်ချက်တွေဟာ ဆန့်ကျင်ဘက် ဖြစ်နေတာကို သတိပြုစရာပါ။ အထူးသဖြင့် အမေရိကန်လို သတင်းထောက်လှမ်းရေး စွမ်းအားကြီးမားတဲ့ နိုင်ငံကြီးတစ်နိုင်ငံအနေနဲ့ မြန်မာနိုင်ငံမှာ ဘာတွေဖြစ်နေတယ် ဆိုတာ တော်တော် များများ သိရှိထားမှာ သေချာပါတယ်။ ဒီလိုနိုင်ငံမျိုးရဲ့ သဘောထားအမြင်တွေက အံ့သြစရာ ကောင်းလောက်အောင် ပြောင်းလဲနေတာဟာ အကြောင်းမဲ့တော့ ဟုတ်ဟန် မတူနိုင်ပါဘူး။

တစ်ချိန်တည်းမှာပဲ လေးပွင့်ဆိုင်တွေ့ဆုံရေးကို သမ္မတ ဦးသိန်းစိန်ဘက်က လွှတ်တော်က ဖွဲ့စည်းပုံ ပြင်ဆင်ရေး ဆောင်ရွက်နေတာကို အကြောင်းပြပြီး ငြင်းဆန်ထားတာကို သုံးသပ်ဖို့ လိုလာ ပါတယ်။ ကြားထဲမှာ ဦးသိန်းစိန်နဲ့ ဒေါ်အောင်ဆန်းစုကြည် တွေ့ဆုံခဲ့ကြပြီးတော့ မတူတာတွေကို စေ့စပ် ညှိနှိုင်း အဖြေရှာဖို့ ဆွေးနွေးကြတယ် ဆိုပြီး သမ္မတရုံးဘက်က ထုတ်ဖော်ပြောကြားခဲ့တာ တွေ့ရပြန် ပါတယ်။ အရင်ကတော့ မတူတာတွေ ခွဲလုပ်၊ တူတာတွေ တွဲလုပ်ကြမယ် ဆိုပြီး သတင်းထုတ်ပြန်ခဲ့ကြ တာပါ။ အခုတော့ မတူတာတွေ ဆွေးနွေးအဖြေရှာတဲ့အဆင့်ကို ရောက်လာပြီ ဆိုပြီး ပြောကြာပါသေး တယ်။ လက်ရှိအချိန်မှာတော့ တစ်နိုင်ငံလုံး အပစ်အခတ်ရပ်စဲရေး သဘောတူစာချုပ် သေချာပေါက် ချုပ်ဆိုတော့မယ် ဆိုပြီး ယူဆထားကြချိန်မှာ ဦးသိန်းစိန်ဘက်က ချပြထားတဲ့ နိုင်ငံရေးဆွေးနွေးပွဲကို အာရုံစိုက် ဦးလှည့်လာကြပါပြီ။ အဓိကအားဖြင့် တိုင်းရင်းသားတွေ၊ နိုင်ငံရေးပါတီတွေ၊ လူမှုရေး အဖွဲ့အစည်းတွေ၊ လူငယ်တွေ အားလုံးက နိုင်ငံရေး ဆွေးနွေးပွဲမှာ ပါဝင်နိုင်ဖို့ ကြိုးပမ်းလာကြတာ ကိုလည်း တွေ့နေရပါတယ်။ လေးပွင့်ဆိုင်ဆိုတဲ့အတွက် သူတို့အတွက် ထိုင်ခုံနေရာ မရှိနိုင်ပေမယ့်လည်း ဦးသိန်းစိန်ရဲ့ နိုင်ငံရေးဆွေးနွေးပွဲက အားလုံးပါဝင်ခွင့် ပေးမယ်ဆိုတဲ့အတွက် ဒီဘက်ကို အလေးပေး လာကြတာလည်း ဖြစ်နေပါတယ်။ လေးပွင့်ဆိုင်က မှေးမှိန်သွားပြီး အပစ်ရပ်ပြီး ဆက်လုပ်မယ့် နိုင်ငံရေး ဆွေးနွေးပွဲက ရှေ့တန်းရောက်လာတဲ့ သဘောပါ။

ဒီအချိန်မှာပဲ ရွေးကောက်ပွဲကော်မရှင်ကနေ NLD ပါတီက ကိုမျိုးရန်နောင်သိမ်းကို တရားစွဲ ဆိုတာနဲ့ ပတ်သက်ပြီးတော့ တွေ့ဆုံမေးမြန်းခန်းတစ်ခုမှ ဦးသိန်းစိန်ကို ပုဂ္ဂိုလ်ရေး တိုက်ခိုက်တာ ထွက်ပေါ်လာခဲ့ပါတယ်။ ဒီအပေါ်မှာ ပြန်ကြားရေးဝန်ကြီးဌာနက စာနယ်ဇင်းကောင်စီကို ကြားဝင် ညှိနှိုင်း ပေးဖို့ စာတစ်တန် ပေတစ်တန် ထွက်လာပြန်ပါတယ်။ ဒီမှာပဲ NLD ပါတီက နာယက ဖြစ်တဲ့ ဦးတင်ဦးက သမ္မတ ဦးသိန်းစိန် ကို “ဗလွှတ်ရွှတ်တပြောတဲ့ သမ္မတတင် မဟုတ်ဘူး။ ပေါပေါတောတော သမ္မတ ဖြစ်နေတာ။ အပစ်ရပ် ပါလို့ အမိန့်ပေးလည်း (ဗိုလ်ချုပ်မှူးကြီး) မင်းအောင်လှိုင်က မရပ်ဘူး။ ဆက်ပစ် နေတာပဲ။ ဒီဥပဒေကို လက်မခံနိုင်ဘူးဆိုလည်း လွှတ်တော်က အတည်ပြုတာပဲ။ သူပို့တဲ့ ဥပဒေကို ကျတော့လည်း ဖျက်ချင် ဖျက်နေတာပဲ။ ဒါက စနစ်ကြောင့် ဖြစ်နေတာ။ တကယ်က သမ္မတ ဆိုပြီးသာ ရှိတာ၊ အားလုံးက ကာ/လုံ က ထိန်းချုပ်ထားတာ။ စနစ်ကြောင့်ပေါ့။ စနစ်ကြောင့်ဖြစ်နေတာ။ စနစ်ကို ပြောင်းရမှာ” ဆိုပြီး ပြောတဲ့စကား ထွက်ပေါ်လာခဲ့ပြန်ပါတယ်။ တိုင်းရင်းသားတွေနဲ့ အပစ်ရပ် စာချုပ် ချုပ်ဆိုဖို့ လုပ်နေချိန်မှာ ဝေဖန် ပြောကြားချက်တွေက ထိလွယ်ရှလွယ် သဘောမျိုး ဖြစ်နေပါတယ်။ ကျားဖြူပါတီက ဦးစောသန်းမြင့်ရဲ့ ငြိမ်းချမ်းရေးရပြီး ဦးသိန်းစိန် နာမည်ကောင်းရသွားမှာ စိုးတဲ့ လူတွေ နှစ်ဘက်စလုံးမှာ ရှိနေတယ် ဆိုပြီး ပြောထားတဲ့ စကားနဲ့ တိုက်ဆိုင်ကြည့်ရင် မြန်မာ့ နိုင်ငံရေးက ပိုပြီး ရှုပ်ထွေးလာပြန်ပါတယ်။

ငြိမ်းချမ်းရေးမှာပဲ ဖြစ်ဖြစ်၊ ဖွံ့ဖြိုးရေးမှာပဲ ဖြစ်ဖြစ် နိုင်ငံတိုးတက်ဖို့၊ ပြည်သူတွေ ချမ်းသာဖို့က အဓိက အချက်ပဲ ဖြစ်ပါတယ်။ NLD ပါတီ အာဏာရရှိလာခဲ့ရင်လည်း မပြီးပြတ်သေးတဲ့ ငြိမ်းချမ်းရေးကို ဆက်လက်ပြီး ကိုင်တွယ်ဖြေရှင်းရမှာပါပဲ။ ဒီအချိန်မှာ တပ်မတော်နဲ့ပဲ အဓိက ဆွေးနွေး ညှိနှိုင်းရမှာပဲ ဖြစ် ပါတယ်။ လေးပွင့်ဆိုင် တောင်းဆိုမှုကို ပယ်ချထားတာက ဦးသိန်းစိန်နဲ့ တပ်မတော် ကာကွယ်ရေး ဦးစီးချုပ် တို့ပဲ ဖြစ်ပါတယ်။ ဒီလို ပယ်ချထားတဲ့အချိန်မှာ နှစ်ဘက် ဆက်ဆံရေးကို လေ့လာ ကြည့်တဲ့ အခါမှာတော့ အားရဖွယ်ရာ ယုံကြည်မှု မရှိသေးပါဘူး။ NLD ပါတီဘက်က ကိုမျိုးရန်နောင်သိမ်း ရဲ့ ပြောကြားချက်တွေကို ပုဂ္ဂိုလ်ရေးတိုက်ခိုက်မှု ဆိုပြီး ယူဆထားတဲ့အကြောင်းကို စာနယ်ဇင်း ကောင်စီကို ဒုဝန်ကြီး ဦးပိုက်ထွေး ပေးပို့တဲ့ စာမှာ တွေ့ရပါတယ်။ ဒီနောက်မှာ NLD ပါတီက နာယကဖြစ်တဲ့ ဦးတင်ဦးက ထပ်မံပြီး ပုဂ္ဂိုလ်ရေးဆန်တဲ့ ပြောကြားချက် ကိုပဲ ပြောလိုက်တဲ့အတွက် တစ်ဘက်က ယူဆချက်တွေကို မှန်းဆကြည့်နိုင် ပါတယ်။ နှစ်ဘက်အကြားက ယုံကြည်မှုနဲ့ နားလည်မှုတွေကို ပိုပြီး ဆုံးရှုံး သွားစေနိုင်ပါတယ်။ ဒီအတိုင်း ဆိုရင်တော့ လေးပွင့်ဆိုင် စကားဝိုင်းဟာ ဝေးသထက်ဝေးလာမယ့် အနေအထားမှာ ရှိနေပါတယ်။

ငြိမ်းချမ်းရေးဆိုတာ ဒီနိုင်ငံမှာ ဘယ်တုန်းကမှ အပြည့်အ၀ မျှော်လင့်လို့ မရခဲ့တဲ့ အခြေအနေပါ။ အခုတော့ တစ်ကယ်ပဲ ငြိမ်းချမ်းတော့မယ် ဆိုပြီး မျှော်လင့်ချက်တွေ မြင့်တက်လာနေပါတယ်။ ဦးသိန်းစိန် ပဲ လုပ်လုပ်၊ ဒေါ်အောင်ဆန်းစုကြည်ပဲ လုပ်လုပ် အဓိကအချက်က ငြိမ်းချမ်းရေး ရဖို့ပါပဲ။ ပြီးတော့ တိုင်းပြည်တိုးတက်ပြီး ပြည်သူတွေ ချမ်းသာဖို့ပါပဲ။ ဦးသိန်းစိန်နဲ့ ဒေါ်အောင်ဆန်းစုကြည်တို့ တွေ့ဆုံကြတဲ့ အချိန်မှာ ပြည်သူတွေ အံ့သြ၀မ်းသာပြီး မျှော်လင့်ချက်တွေ ကြီးမားခဲ့ကြပါတယ်။ တဖြည်းဖြည်းနဲ့ သွေးအေးပြီး ဝေးကွာလာခဲ့တဲ့ အချိန်မှာတော့ ပြည်သူတွေရဲ့ မျှော်လင့်ချက်တွေေ၀၀ါး မှေးမှိန် လာခဲ့ ကြပြန်ပါတယ်။ အမျိုးသား ရင်ကြားစေ့ရေးကို တဖွဖွပြောနေကြတဲ့ ခေါင်းဆောင်တွေ ကိုယ်တိုင် စံနမူနာပြ ရင်ကြားစေ့ကြဖို့ အရေးကြီးနေပါတယ်။

ဦးသိန်းစိန်ရော၊ ဒေါ်အောင်ဆန်းစုကြည်ရော ခုနှစ်ဆယ်ကျော် အသက်အရွယ်တွေကို ရောက်ရှိ နေကြပြီ ဖြစ်ပါတယ်။ တစ်ဘက်နဲ့ တစ်ဘက် အထင်အမြင် လွဲမှားနိုင်တဲ့၊ နားလည်မှု မှားယွင်းစေနိုင်တဲ့၊ ယုံကြည်မှု ပျက်ပြားစေမယ့် ပြောကြားချက်တွေကို သတိထားပြီး ရှောင်ကြဉ်ကြဖို့ လိုပါတယ်။ အဝေးကြည့် အမြင်တွေနဲ့ စကားလုံးတိုက်ပွဲတွေ မဆင်စေချင်ပါဘူး။ ခေါင်းဆောင် နှစ်ယောက်ဘေးက ပုဂ္ဂိုလ်များ အနေနဲ့လည်း ချစ်စကို တိုစေ၊ မုန်းစကို ရှည်စေမယ့် စကားတွေ ထိန်းထိန်းသိမ်းသိမ်း ပြောဖို့ လိုပါ တယ်။ ကိုယ့်ကြောင့် ခေါင်းဆောင်တွေရဲ့ ရှိရင်းစွဲ ယုံကြည်မှုတွေ ပျက်ပြား သွားစေနိုင်တဲ့အတွက် ကြောင့်ပဲ ဖြစ်ပါတယ်။ ကမ္ဘာမှာ ဖြစ်ပွားခဲ့တဲ့ စစ်ပွဲတွေကို လေ့လာကြည့်ရင် ခေါင်းဆောင်လုပ်သူရဲ့ ဆုံးဖြတ်ချက်က အဓိကမဟုတ်ဘဲ ခေါင်းဆောင် ဆုံးဖြတ်ချက် ချမှတ်နိုင်အောင် အစီရင်ခံ တင်ပြခဲ့ကြတဲ့ ခေါင်းဆောင်အနီးက ပုဂ္ဂိုလ်တွေက အဓိက ဖြစ်တာကိုလည်း တွေ့ရှိရပါတယ်။ သူတို့ရဲ့ ပြောဆို တင်ပြချက်တွေကို အခြေခံပြီး ခေါင်းဆောင်လုပ်သူတွေက ဆုံးဖြတ်ကြရတာ ဖြစ်ပါတယ်။ တချို့ဆိုရင် စစ်မဖြစ် ဖြစ်အောင်ကို ဖိအားပေးတာတွေ ရှိခဲ့ကြပါတယ်။ တစ်ကယ်တမ်းမှာတော့ နိုင်ငံနဲ့ ပြည်သူ တွေလည်း နာလှပြီ ဖြစ်ပါတယ်။ မဆုံးနိုင်တဲ့ အမုန်းတွေ၊ အာဃာတတွေကြောင့် တိုင်းပြည်လည်း နွံနစ်ခဲ့ရတာ သမိုင်းမှာ အထင်အရှားပါ။ ဒီကနေ့ နိုင်ငံ့ခေါင်းဆောင်တွေရဲ့ အမြော်အမြင်နဲ့ ရင်ကြား စေ့နိုင်မှုပေါ်မှာ ဒီနိုင်ငံရဲ့ အနာဂတ်က တည်ရှိနေတာ ဖြစ်ပါတယ်။ ကြီးနှစ်ကြီး ဆက်ဆံရေး ကောင်းနေဖို့ အရေးကြီးပါတယ်။ ကြီးနှစ်ကြီးအကြားမှာ ပုဂ္ဂိုလ်ရေးမာနတွေကို ဘေးဖယ်ထားပြီး နောင်လာမယ့် အနာဂတ်ကိုပဲ အလေးပြုကြဖို့ တိုက်တွန်းလိုပါတယ်။

Messenger