ကွန်မြူနစ် တရုတ်ကို ချီးမြှောက် ထားေ သာ ပြဋ္ဌာန်း စာအုပ်သစ်အား ဟောင်ေ ကာင်တွင် ထပ် မံဆန္ဒပြ

 

ကွန်မြူနစ်တရုတ်ကို ချီးမြှောက်ထားသော ပြဋ္ဌာန်းစာအုပ်သစ်အား စာသင်နှစ်မစတင်မီ အစိုးရက ပြန်လည် ဖယ်ရှားပေးရန် တွန်းအားပေးသည့်အနေဖြင့် မိဘများနှင့် ကျောင်းသားများပါဝင်သော လူ ၄၀၀၀၀ ခန့် က ဟောင်ကောင်တွင် စက်တင်ဘာလ ၁ ရက်က စုဝေးဆန္ဒပြခဲ့ကြသည်။ မိုးရေထဲတွင် ဆန္ဒပြသူများက အစိုးရရုံးအပြင်ဘက်၌ စုရုံးခဲ့ကြပြီး ဆန္ဒပြသူ ၄၀၀၀၀ ခန့်ရှိသည်ဟု ပုဂ္ဂလိကရုပ်သံ RTHK က ထုတ်လွှင့်ခဲ့သော်လည်း ရဲတပ်ဖွဲ့ကမူ ဆန္ဒပြသူ ၈၁၀၀ ခန့်သာရှိသည်ဟု ထုတ်ပြန်ခဲ့သည်။ ဇူလိုင်လကလည်း လူ ၉၀၀၀၀ ခန့်က ယင်းပြဋ္ဌာန်းစာအုပ်သစ်ကို ကန့်ကွက်ဆန္ဒပြခဲ့ကြပြီး ကိုယ်ပိုင် အုပ်ချုပ်ခွင့် တစ်စိတ်တစ်ပိုင်း ရထားသော ဟောင်ကောင်တွင် ကလေးများအပေါ် တရုတ်က ၀ါဒဖြန့်ချိရန် ကြိုးပမ်းမှုအဖြစ် စွပ်စွဲခဲ့ကြသည်။ စာသင်နှစ်စတင်မည့် စက်တင်ဘာလ ၄ ရက်မတိုင်မီ ယင်းကဲ့သို့ ဒုတိယအကြိမ်မြောက် ဆန္ဒပြမှုဖြစ်ပွားခဲ့ခြင်း ဖြစ်သည်။ ကျောင်းများတွင် ယင်းပြဋ္ဌာန်းစာအုပ်သစ်မှ သင်ခန်း စာ များကို ယခုအချိန်တွင် မိတ်ဆက်သဘောလောက်သာ သင်ပေးရန် အစိုးရက ညွှန်ကြားထားပြီး ၂၀၁၆ ခုနှစ်တွင် ကျောင်းအားလုံး၌ မသင်မနေရစနစ်ဖြင့်သွားရန် ညွှန်ကြားထားကြောင်း သိရသည်။ သို့သော် ဒေသခံသတင်းမီဒီယာအချို့၏ ထုတ်ပြန်မှုအရ ကျောင်းအများစုတွင် ယင်းသင်ခန်းစာများကို ယခုနှစ်အတွင်း မိတ်ဆက်ပေးသွားရန် အစီအစဉ်မရှိကြောင်း သိရသည်။ သဘောထား အမြင်အမျိုးမျိုးကို အစိုးရက လက်ခံနားထောင်ပေး သွားမည်ဟု ပညာရေး ၀န်ကြီးဌာန ပြောခွင့်ရပုဂ္ဂိုလ်တစ်ဦးက ပြောကြားခဲ့သော်လည်း ယင်းပြဋ္ဌာန်းစာအုပ်သစ်ကို ပယ်ဖျက်ပေး မည့် အရိပ်အယောင်ကိုပင် မပြသခဲ့ပေ။

ကျောင်းသားအရေး လှုပ်ရှားသူသုံးဦးက ယင်းပြဋ္ဌာန်းစာအုပ်သစ်အပေါ် ကန့်ကွက်ဆန္ဒပြသည့်အနေဖြင့် အစာငတ်ခံဆန္ဒပြမှုကို သုံးရက်ကြာ ပြုလုပ်မည်ဖြစ်ပြီး စက်တင်ဘာလ ၃ ရက် ညသန်းခေါင်တွင် ပြီးဆုံးမည်ဖြစ်ကြောင်း သိရသည်။