Sunday, December 23, 2012

ကော့သောင်းမြို့နဲ့ မြိတ်မြို့တွေကို ဒေါ်အောင်ဆန်းစုကြည် ခရီးထွက်

Posted by drmyochit Sunday, December 23, 2012, under | No comments

 
 အမျိုးသားဒီမိုကရေစီအဖွဲ့ချုပ် ဥက္ကဌ၊ ပြည်သူ့လွှတ်တော် အမတ် ဒေါ်အောင်ဆန်းစုကြည်ဟာ ပါတီ စည်းရုံးရေး ခရီးစဉ်အဖြစ် တနသာင်္ရီတိုင်း ကော့သောင်းမြို့နဲ့ မြိတ်မြို့တွေကို ဒီကနေ့ သွားရောက်ခဲ့ ပါတယ်။

ကော့သောင်းမြို့၊ အေးရိပ်ငြိမ်ရပ်ကွက်၊ ရန်ကြီးအောင်အားကစားကွင်းမှာ ကျင်းပပြုလုပ်တဲ့ လူထုတွေ့ ဆုံပွဲမှာ ဒေါ်အောင်ဆန်းစုကြည်က ဒီ စည်းရုံးရေးခရီးစဉ်ဟာ မဲရရှိရေးအတွက် အဓိကမ ဟုတ် ဘဲ ပြည် သူတွေ ဒီမိုကရေစီတာဝန်တွေ နားလည်အောင်လုပ်ဖို့ဖြစ်တယ်လို့ တက်ရောက်လာတဲ့ ပရိသတ် ၁ သောင်းကျော် ကို ပြောကြားခဲ့ပါတယ်။

" တချို့က စည်းရုံးရေးခရီးစဉ်ထွက်တယ်ဆိုတာ ရွေးကောက်ပွဲမှာ မဲရရေးအတွက် စည်းရုံးရေးခရီး ထွက်တယ် လို့ နားလည်ကြပါတယ်၊ အဲ့ဒါကအဓိကမဟုတ်ပါဘူး၊ အဓိကဟာ ပြည်သူလူထုအနေနဲ့ ကိုယ့်ရဲ့ ဒီမိုကရေစီ တာဝန်ကိုနားလည်ဖို့ ဖြစ်ပါတယ်၊ ဒီမိုကရေစီနိုင်ငံကို တည်ဆောက်မယ်ဆိုရင် ပြည်သူတွေက ဒီမိုကရေစီ ကို သေသေချာချာနားလည်ရပါမယ်၊ အဲ့ဒါမှ ကျွန်မတို့ လိုချင်တဲ့ ဒီမိုကရေစီနိုင်ကို တည်ဆောက်နိုင် မှာပါ"

ဒေါ်အောင်ဆန်းစုကြည်ဟာ အဲဒီ ရန်ကြီးအောင် အားကစားကွင်းလူထုတွေ့ဆုံပွဲမှာ နာရီဝက်ခန့် မိန့်ခွန်းပြောကြား ခဲ့ပြီးတဲ့နောက် ၊ ၃ မိုင် ဘုန်းကြီးကျောင်း ကျောင်းထိုင်ဆရာတော်ကို သွားရောက် ဖူးမြှော်ပြီး ကော့သောင်း NLD ရုံးကိုသွားရောက်ကာ ပါတီဝင်တွေနဲ့ တွေ့ဆုံခဲ့ပါတယ်။

အဲဒီနောက် ကော့သောင်းလေဆိပ်ကနေ မြိတ်မြို့ကို ပြန်လည်ထွက်ခွာသွားပါတယ်။

မြိတ်မြို့ ကန်ဖျားရပ် ကြံတောလမ်းရှိ ဦးစောဂျက်ခမ်း မမှာ ဒေသခံတွေ နဲ့ တွေဆုံရာ မှာ ဒေါ်အောင် ဆန်းစုကြည်က တရားဥပဒေစိုးမိုးရေး၊ ပညာရေးအဆင့်မြှင့်တင်ရေးနဲ့ ဒီမိုကရေစီ အစစ်အမှန်ရတယ်ဆို တာ ပြည်သူတွေကိုယ်တိုင် ခံစားရမှ ဒီမိုကရေစီဖြစ်ကြောင်း၊ စစ်မှန်တဲ့ ဒီမိုကရေစီ ရရှိဖို့ ပြည်သူ ကိုယ်တိုင် ပါဝင်မှ သာ ရရှိခံစားရမှာဖြစ်တယ်လို့ ပြောကြားခဲ့ပါတယ်။

" အပြောင်းအလဲတွေ ရှိလာတဲ့ ၂ နှစ်အတွင်းမှာ ပြည်သူတွေရဲ့ ဘဝတွေ အပြောင်း အလဲရှိပြီ လားလို့ မေးမယ်ဆိုရင် အများစုက ဘာမှအပြောင်းအလဲမရှိသေးဘူးလို့ ကျွန်မပြောချင်ပါတယ်၊ ဒီမိုကရေ စီနိုင်ငံမှာ အပြောင်းအလဲရှိပြီလား၊ မရှိသေးဘူးလားဆိုတာ ပြည်သူက ဆုံးဖြတ်လိမ့်မယ်၊ ပြည်သူက ငါတို့ဘ ဝတွေ တကယ်ပြောင်းသွားပြီလို့ ခံစားရမှ အပြောင်းအလဲရှိပြီလို့ယူဆရမယ်၊ ကိုယ့်ဘဝတွေ တကယ်ပြောင်း ဖို့အတွက် ပြည်သူတွေကိုယ်တိုင် ပူးပေါင်းပါဝင်ရမယ်"

ဒေါ်အောင်ဆန်းစုကြည်ဟာ မနက်ဖြန်မှာ ကျွန်းစုမြို့နယ်နဲ့ ကံမော်ရွာတွေကို သွားရောက် မှာဖြစ်ပြီး ဒေသခံ လူထု ကို  မိန့်ခွန်းပြောကြားမှာ ဖြစ်ပါတယ်။

0 comments:

Post a Comment

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်

Loading...