KIA နှင့် အစိုးရတပ်အကြား တိုက်ပွဲ ဖြစ်ဆဲ

အစိုးရတပ်နှင့် ကချင်လွတ်လပ်ရေး တပ်မတော် (KIA) အကြား တိုက်ခိုက်မှုများ ယခု ဒီဇင်ဘာ လဆန်းပိုင်းမှ စတင်၍ ပိုမို ပြင်ထန်လာပြီး ကေအိုင်အေက အင်အားလည်း တိုးချဲ့ ထားကြောင်း သိရ သည်။ တိုက်ပွဲများသည် ကချင်ပြည်နယ် ပန်ဝါဒေသနှင့် မိုးမောက်မြို့နယ်တို့တွင် ဖြစ်ပွားခြင်းဖြစ်ကြာင်း ကချင် လွတ်လပ်ရေး အဖွဲ့ (KIO) တွဲဖက် အထွေထွေအတွင်းရေးမှူး ဦးလနန်က ဧရာဝတီသို့ ပြောသည်။ “ဒီဇင်ဘာ ၁ ရက်နဲ့ ၂ ရက် ပန်ဝါဒေသမှာ တိုက်ပွဲ ပြင်းပြင်းထန်ထန် ဖြစ်တယ်။ တပ်ရင်းကတော့ ခြေလျင်တပ်ရင်း (ခလရ) ၇၇ နဲ့ ၇၄ တပ်ရင်း ၂ ခုပေါင်း တပ်ဖွဲ့နဲ့ ၂ ရက်လောက် တနေကုန် တိုက်ပွဲဖြစ်တာ ရှိတယ်” ဟု ၎င်းက ဆိုသည်။ ၂ ရက်အတွင်း အစိုးရတပ်နှင့် KIA တို့ တိုက်ပွဲ စုစုပေါင်း ၉ ကြိမ်ခန့် ဖြစ်ပွားခဲ့ကြောင်း၊ KIA ဘက် ၁ ဦး ကျဆုံးပြီး ၁၂ ဦး ဒဏ်ရာ ရရှိခဲ့ကြောင်း၊ အစိုးဘက်တွင်လည်း အကျအဆုံး မရှိကြောင်း ဦးလနန်က ဆက်ပြောသည်။ လတ်တလောတွင် တပ်မ ၉၉ လက်အောက်ခံ တပ်ရင်း ၂ ရင်းခန့် မိုးကောင်းမြို့နယ်မှ ဖားကန့် ဒေသသို့ စစ်တပ်အင်အား ၃၀၀ နီးပါးခန့် တိုးချဲ့ထားပြီး KIA တပ်ရင်း ၃ အဖွဲ့ဝင်များ လှုပ်ရှားနေသည့် ၀ိုင်းမော်ဒေသတွင်လည်း အစိုးရတပ်နှင့် တိုက်ပွဲ ဖြစ်ပွားခဲ့ကြောင်း သိရသည်။

ကချင်ဒုက္ခသည်စခန်းတခုကို ပြီးခဲ့သည့် နိုဝင်ဘာလက တွေ့ရစဉ် (ဓာတ်ပုံ – နန်းသီရိလွင် / ဧရာဝတီ)

“နိုဝင်ဘာလလည်တုန်းက လက်နက်တွေ ရိက္ခာတွေ ကားအစင်း ၃၀ ကျော်နဲ့ ဖားကန့်ကို အရင် ပို့ထားပြီပြီ။ အဲဒီကို ပို့ထားပြီးတဲ့ အခါကျမှ တပ်မ ၉၉ က တပ်ရင်း ၂ ရင်းက တက်လာဖို့ဆိုပြီးတော့ လုပ်ထားတယ်။ ဒီနေ့ သူတို့ သွားလိမ့်မယ်။ ဖားကန့်ရောက်တာနဲ့တော့ အဲဒီဖားကန့် ဒေသဘက်မှာ တိုက်ပွဲတွေကတော့ အခုလောလော ဆယ် ငြိမ်နေတယ်။ ဆက်ပြီး ဖြစ်လာဖို့ပဲ ရှိတယ်” ဟု ဦး လနန်က ပြောသည်။ အစိုးရတပ်ဖွဲ့ဝင်များ၏ စစ်ရေး လှုပ်ရှား မှုများကို မျက်ခြေမပြတ် လေ့လာ စောင့်ကြည့်နေပြီး KIA ဘက်ကလည်း ကြိုတင် ပြင်ဆင်ထားကြောင်း ၎င်းက ဆိုသည်။ တိုက်ပွဲတိုင်းလိုလို၌လည်း ကေအိုင်အေဘက်မှ အကျအဆုံး ဒဏ်ရာတာတွေများ နေကြောင်း၊ လိုင်ဇာရှိဆေး ရုံနဲ့ မိုင်ဂျာယန်ရှိဆေးရုံတွေမှာလဲ ကေအိုင်အေက ဒဏ်ရရသူတွေ များနေကြောင်း၊ ခြေပြတ် လက်ပြတ်သူတွေ များနေလို့ သူတို့ နေရပ်တွေကို ပြန်ဖို့ထားရကြောင်း၊ အစိုးရ တပ် ကို ပြန် လည်တိုက် ခိုက်ဖို့အတွက် လူသစ်များကို ထပ်မံစုဆောင်းသွားမည်ဖြစ်ကြောင်း ဦးလနန်မှပြောသည်။

ဖားကန့်မြို့ နယ်တွင်လည်း အစိုးရတပ်များနှင့် KIA တပ်ဖွဲ့တို့ ယခုနှစ် သြဂုတ်လအတွင်း တိုက်ပွဲများ ဖြစ်ပွားခဲ့ သဖြင့် ဒေသအတွင်းရှိ စိုင်းတောင်၊ မှော်မောင်းကုန်း၊ မှော်ဝန်းကြီး၊ မှော်ဝန်းလေး၊ ရှရော်ခနှင့် သန်းကြွယ် အပါအဝင် ကျေးရွာပေါင်း ၂၀ ကျော်မှ ဒေသ ခံ ၈ ထောင်ခန့် အိုးအိမ်များကို စွန့်၍ ဖားကန့်မြို့ပေါ်ရှိ ကယ် ဆယ်ရေး စခန်းများသို့ ခိုလှုံခဲ့ကြရသးသည်။ အဆိုပါဒုက္ခသည် အများစုမှာ နေရပ်ရင်းသို့ ပြန်သွားကြပြီး ကယ် ဆယ်ရေး စခန်း ၈ ခုတွင် ၂၀၀၀ ကျော်သာ ကျန်ရှိတော့ကြောင်း ဖားကန့်မြို့ပေါ်အခြေစိုက် ဒုက္ခသည် ကယ်ဆယ်ရေးစခန်း တာဝန်ရှိသူများထံမှ စုံစမ်းသိရှိရသည်။ ကချင်ပြည်နယ်အတွင်း အစိုးရတပ်များနှင့် KIA တို့ အကြား ၂၀၁၁ ခုနှစ် ဇွန်လ ၉ ရက်နေ့က စတင်ဖြစ်ပွားခဲ့သည့် တိုက်ပွဲများကြောင့် KIO ထိန်းချုပ်မှု အောက်ရှိ ဒုက္ခ သည် စခန်းများတွင် စစ်ပြေးဒုက္ခသည် ၆၃၀၀၀ ကျော်ရှိကြောင်း သိရသည်။

 ဧရာဝတီသတင်းဌာနမှကူးယူဖော်ပြသည်။