အချိန်စော နေတာလား၊ နောက်ကျ သွားတာလား

အတိတ်၊ ပစ္စုပ္ပန်၊ အနာဂတ် ဆိုတဲ့ ကာလကြီး ၃ ခုဟာ သတ္တ လောက ကြီးမှာ နာရီ လက်တံ များနှင့် အတူ  တရွေ့ ရွေ့ ပြောင်းလဲ နေပါတယ်။ လူ အများ စုဟာ များသော အားဖြင့် လက်ရှိ ဘဝကို မူတည်ပြီး ဦးစွာ ရှေ့တန်း တင်ကြတယ်။ ပြီးတော့ ရောက်ရှိ လာမဲ့ အနာဂတ် အခြေ အနေ အတွက် ထည့်သွင်း စဉ်းစားမယ်၊ သုံးသပ်မယ်၊ ပြင်ဆင်မယ်၊ လုပ်ဆောင် မယ်ပေါ့။ အဲလို စဉ်းစားတဲ့ အခါ ယခင်က အခြေ အနေ ဆိုတဲ့ အတိတ် သမိုင်းကြောင်း ကိုလည်း ချန်လှပ် ထားလို့ မရဘူး ဆိုတာ လက်ခံ ကြရမှာ ဖြစ်ပါတယ်။

လက်ရှိ ကျွန်တော်တို့ နိုင်ငံတော်ကြီးဟာ ဒီမို ကရေစီ လမ်းကြောင်းပေါ် စတင် လျှောက်လှမ်း နေခါစ ရှိပါ သေးတယ်။ ဒီအခြေ အနေကို ရောက်ဖို့ ပြည်သူ ပြည်သား အများစု ဟာလည်း စိတ်ရှည် သည်းခံမှု များစွာနဲ့ စောင့်စား ခဲ့ကြ ရတာပါ။ သို့ပေမဲ့ ဒီ ကာလ တွေမှာ ကိုယ့် အကျိုး စီးပွားကို ရှေ့တန်း ထားပြီး ဘယ်သူ သေသေ၊ ငတေ မာရင် ပြီးရော ဆိုတဲ့ လူတန်းစား အတ္တ သမား အချို့ ကတော့ လုပ်ချင်ရာ လုပ်ပြီး အခုကြမှ အများကြိုက် ခေါင်းစဉ်များ ဖြစ်တဲ့ တိုင်းရင်းသား အရေး၊ မူးယစ် ဆေးဝါး ပပျောက်ရေး ခေါင်းစဉ် များနဲ့ အတွင်းစိတ် မမှန်ဘဲ နာမည်ကောင်းခံ ကိုယ်ယောင်ပြ လာတာ တွေ့နေ ရပါတယ်။ ဇွန်လ ၁၀ ရက် နေ့က နိုင်ငံတော် သမ္မတကြီးနဲ့ ရှမ်းပြည်နယ်ရဲ့ ပြန်လည် ထူထောင်ရေး ကောင်စီ ဥက္ကဌ ရွက်ဆစ်တို့ နေပြည်တော်မှာ တွေ့ဆုံကြောင်း သတင်း ဖတ်လိုက် ရတယ်။ သာမန် ပြည်သူတွေ အဖို့ ဝမ်းသာ စရာပါ။ ကျွန်တော်လည်း အကောင်း မြင်နိုင်အောင် စိတ်နှစ်ပြီး ကြိုးစား ကြည့်ပါတယ်။ ဒါပေမဲ့ ကျွန်တော်တို့ ဒေသခံ တွေရဲ့ အမြင် အာရုံနှင့် အတွေး ခံစား ချက်တွေ ထဲမှာ အတိတ်က အရိပ်မည်း တွေတင်မက လက်ရှိ အခြေ အနေ တွေက ဒီ အဖွဲ့ အစည်းရဲ့ လုပ်ဆောင်ချက်၊ အကြံ အစည် တွေကို ဘာနဲ့မှ ဖုံးကွယ်လို့ မရအောင် မြင်နေလို့ပဲ ဖြစ်ပါတယ်။

အခု နိုင်ငံရေး အခြေ အနေ တွေအရ ပတ်ဝန်းကျင် နိုင်ငံ ကလည်း လက်မခံ နိုင်တော့တဲ့ အချိန် ပြည်တွင်း မှာလည်း ယခင် အတိုင်း ဆိုးသွမ်းလို့ မရနိုင် တော့တဲ့ အချိန်မှာ နည်းဗျူဟာ ပြောင်းပြီး ရှေ့ထွက် လာခဲ့မယ် ဆိုရင် ဒေသခံ တွေအဖို့ အတိတ်၊ လက်ရှိ ခံစား မှုတွေအပြင် အနာဂတ် အတွက် သံသယ ဖြစ်မိ ပါတယ်။ စိတ်ရင်း မှန်စွာ ရှေ့ထွက် လာတာ ဖြစ်ပါ စေလို့ ဆုတောင်း ရုံမှ အပ မတတ် နိုင်ပါ..။ အဖွဲ့အစည်း၊ ပုဂ္ဂိုလ်ရေး အရ ပုတ်ခတ်ခြင်း မဟုတ်ပါ။ စာရေး သူတို့ ဒေသခံတွေ အသိဆုံး ဖြစ်ပါတယ်။

အခုလည်း သမ္မတကြီးနဲ့ တွေ့စဉ်က ပြည်ထောင် စုကြီးကနေ ခွဲ မထွက် ပါဘူးဟု ပြောပြီးတော့ အခုပြောပြန်ပြီ သူတို့ ပြည်နယ် ထူထောင်ဖို့ အတွက် သီးခြား စစ်တပ် တွေလိုတယ်၊ ရဲ တပ်ဖွဲ့တွေ လိုတယ်တဲ့၊ ဘယ်လို နားလည်ရ မှာလဲ။ ကျွန်တော်တို့ လူမျိုး ဥက္ကဌကြီး ဆိုသူရဲ့ မြန်မာ ပြည်တွင်း သမ္မတနှင့် တွေ့ဆုံစဉ်၊ မြို့နယ် တွေမှာပြည်သူ လူထု၊ သတင်း မီဒီယာ သမား များနဲ့ တွေ့ဆုံစဉ် ပြောကြား ချက်တွေ ထဲက သိရ သလောက် ထုတ်နုတ် ပြလို ပါတယ်။ “နိုင်ငံတော် သမ္မတကြီးထံ ကျိုင်းတောင်း ရေအား လျှပ်စစ် စီမံ ကိန်းအား တောင်းခံ ထားကြောင်း ရရှိ ပါက သူ၏ မိတ်ဆွေ နိုင်ငံခြား သားများ ခေါ်ယူ၍ ယခု ထက်ကြီးသော အကျိုး အမြတ် ရှိမယ့် စီမံကိန်းများ အကောင် အထည် ဖော်မှာ ဖြစ်ကြောင်း”၊ “သမ္မတကြီး ထံမှာ မဲခေါင်မြစ်ကြောင်း တစ်လျှောက် မြေဧက ၂၅၀၀ တောင်းခံ ထားကြောင်း”၊ “သူတို့အနေဖြင့် နိုင်ငံတော် ဥပဒေမှ စ၍ လုပ်ထုံး လုပ်နည်း များအား လေ့လာ နေဆဲ ဖြစ်ပြီး အလုံးစုံ နားမလည် သေးကြောင်း”၊ “သူတို့ စစ်သင်တန်း ပေးနေ သည် ဆိုတာ လူကို အုပ်ချုပ်လို့ လွယ်ကူ အောင်သာ ဖြစ်ပြီး သင်တန်း ပြီးပါက အိမ်ပြန် လွတ်ကြောင်း”၊ “သူတို့ စစ်တိုက် နေတာ တိုင်းပြည် အတွက် တာဝန် ထမ်းဆောင် နေတာ ဖြစ်ကြောင်း” “တပ်မတော်က ပြည်သူနှင့် သူတို့ အဖွဲ့ ပူးပေါင်းမှာ စိုးရိမ်ကြောင်း၊ အစိုး ရက တစ်ပါတီနှင့် တစ်ပါတီ ရန်ဖြစ် စေချင်ကြောင်း၊ တစ်ဖက်နှင့် တစ်ဖက် ရန်တိုက် ပေးနေ မှုအား သတိထား ရမည် ဖြစ်ကြောင်း ၂၀၁၅ ရွေးကောက် ပွဲတွင်လည်း အခြေခံ ဥပဒေကို နောက်ကွယ်မှ ကြိုးကိုင်သူ ရှိနေမည်မှာ ဖြစ်ကြောင်း၊ အစိုးရသည် ဉာဏ်နီ ဉာဏ်နက် များကြောင်း”   ဖော်ပြပါ စကား များသည် ဇွန်လ ၉ ရက်မှ လကုန်ရက် အထိ ထုတ်ဝေသည့် သတင်း၊ အသံလွှင့်မှု များတွင် ပါရှိပြီး ဖြစ်ပါသည်။ ဒီ စကားရပ် များကို လေ့လာ သုံးသပ် ကြည့်ခြင်း အားဖြင့် ရွက်ဆစ်ရဲ့ အတွင်း စိတ် သဘော ထား များကို မြင်နိုင် ပါသည်။

ကိုယ်ကျိုး အတွက် ရည်ရွယ် ချက်နဲ့ ဆောင်ရွက် နေတာဟာ ရွက်ဆစ်ရဲ့ သမိုင်းက သက်သေပါ။ ဆွေမျိုး သားချင်း အရင်း ခေါက်ခေါက် များကိုပါ လုပ်ကြံ သတ်ဖြတ်ပြီး တစ်ချိန်က ခွန်ဆာ ခေါင်းဆောင်တဲ့ MTA အဖွဲ့မှာ ဗိုလ်မှူးကြီး အဆင့်နဲ့ ရမ်းကား ခဲ့ရာမှ MTA တစ်ဖွဲ့လုံး လက်နက် ချစဉ် ယောင်ပြ ပါဝင် ခဲ့ပြီး တစ်ပတ် အတွင်း မှာပဲ ခိုလန်၊ ကွန်ဟိန်း၊ ကျိုင်းတောင်း၊ ကျိုင်းခမ်း နယ်မြေ ထဲက လက်ကျန် လက်နက်ကိုင် အဖွဲ့များနှင့် ရည်ရွယ်ချက် ရှိရှိ ပူးပေါင်းပြီး ရွက်ဆစ်က ခေါင်းဆောင် လုပ်ကာ ဒုတိယ ဗိုလ်ချုပ်ကြီး ဆိုတဲ့ ရာထူးကို ကိုယ့် ဘာသာ သမုတ် ခဲ့တာ သိသာ လွန်းခဲ့ ပါတယ်။ ယခင် MTA လက်ထက်က ဆောင်ရွက် ခဲ့သော မူးယစ် ဆေးဝါး လုပ်ငန်း များကို တိုးချဲ့ ဆောင်ရွက် ခဲ့တယ်။ ရှမ်းပြည် တောင်ပိုင်းနှင့် အရှေ့ပိုင်းမှ ထွက်ရှိသော ဘိန်းတွေကို မြန်မာ- ထိုင်း နယ်စပ်ရှိ ဘိန်းဖြူ ချက် စခန်း များကို ပို့ဆောင်တယ်။ ဘိန်းဖြူချက် စခန်းတွေကို လုံခြုံ ရေး လုပ်ပေး တယ်။ ဘိန်းချက် စခန်း တွေမှာ ရှယ်ယာ ပါဝင်တယ်။ ဘိန်းစိုက် တောင်သူတွေ ထံမှ ဆက်ကြေး ကောက်တယ်။ ဘိန်း ကုန်သည်တွေ ထံမှ ဆက်ကြေး ကောက်တယ်။ 

ဒါ့အပြင် ယနေ့ ခေတ်စား လာတဲ့ စိတ်ကြွ ရူးသွပ် ဆေးပြား ထုတ်လုပ်ခြင်း ဆောင်ရွက်တယ်။ ဒေသခံ တွေကို မျက်စိ ပိတ်၊ နားပိတ် ဖြစ်အောင် ဘိန်းမှိုင်းနဲ့ တိုက်တဲ့ အပြင် အတင်းအဓမ္မ လူသစ်ပါ စုတယ်။ အသက် ၁၈ နှစ်မှ ၄၅ နှစ်ကြား ယောက်ကျား မှန် သမျှ စစ်မှု ထမ်းရ မယ်တဲ့။ ဒု စစ်ဦးစီးချုပ် ခေးငင်း ရဲ့ သမီး ကိုလည်း ယူတယ်။ (တရားဝင် မယား ၁၇ ဦး၊ ရောက်ရာ အရပ် ဒေသတွင် တရားမဝင် မယား အများ အပြား၊ တင်စားခြင်း မဟုတ်ပါ၊ အမှန် သတင်း သိရှိသူ အနေဖြင့် ဖော်ပြ ပေးခြင်း ဖြစ်ပါတယ်။ ကျွန်တော်တို့ ဒေသခံ အားလုံး သက်သေ ခံနိုင် ပါတယ်။) လက်နက် အားကိုးနဲ့ အနိုင် ကျင့်တယ်။ ငွေကြေး အားကိုးနဲ့ ထိုင်းနိုင်ငံ ထဲက တာဝန် ရှိသူ တွေကိုပါ စည်းလုံး သိမ်း သွင်းတယ်။ ကဲ.. ဘာကျန် သေးလဲ။    

 အစိုးရသစ် သက်တမ်း ကာလတို အတွင်း နိုင်ငံတော် သမ္မတကြီးရဲ့ ဆောင် ရွက်ချက် များကြောင့် အထင်ကြီး၊ အားကိုး၊ လေးစား မိခဲ့ ပေမဲ့၊ ဒီ တစ်ခါတော့ လုံးလုံး လျားလျား မဆန့် ကျင်သော်လည်း မဖြစ်သင့် ပါလို့ တွေးမိ ပါတယ်။ နိုင်ငံတော် သမ္မတ ကြီး၏ သည်းခံ နိုင် စွမ်းအားနဲ့ ပြည်တွင်း ငြိမ်းချမ်းရေးကို  ရလိုစိတ် ပြင်းပြမှု အတွက် သူတို့ကို တွေ့ဆုံ ခဲ့မှု အပေါ် တစ်ဖက် ကလည်း လေးစား မိပါတယ်။ တိုင်းရင်းသား ခေါင်းဆောင် အမည် ခံထား သော်လည်း ကျွန်တော်တို့ လူမျိုး၊ တိုင်းရင်း သားများ လက်ခံသည့် အဖွဲ့ အစည်း မဟုတ်ခြင်း၊ အဖွဲ့ အစည်း စတင် တည်ထောင်ပြီး ချိန် ကနေ ယနေ့ အထိ ကျွန်တော်တို့ တိုင်းရင်းသား ဒေသ ဖွံ့ ဖြိုး တိုးတက်ရေး များ မဆောင်ရွက် နိုင်ခဲ့တာ အပြစ် မပြောလို ပေမယ့် ဒေသ မှာပင် ဘိန်းစိုက်၊ မှောင်ခိုထုတ်၊ ဓားပြ တိုက်၊ လူသတ်၊ ဆက်ကြေးကောက်၊ အတင်း အဓမ္မ လူသစ်စု ဆိုတဲ့ ဥပဒေမဲ့၊ မင်းမဲ့ စရိုက် ဆောင်ရွက် ချက်တွေက သူတို့ အတွက်  အမည်းစက် တင် မက အမှောင် ထုကြီးသာ ဖြစ်ပါတယ်။ အမေ ရိကမှာ နာမည် ကြီးခဲ့တဲ့ လူဆိုးကြီး Al Capone      (Scarface) တို့၊ မာဖီးယား ဂိုဏ်း ခေါင်းဆောင်တို့ စတဲ့ ရာဇဝင် လူဆိုး တွေကို အခု အချိန် မပြောနဲ့ အဲဒီ အချိန်တုန်း အမေရိကန် သမ္မတ တွေနဲ့ တွေ့ဆုံ ခဲ့တာ မရှိပါ။ ထောင်ထဲမှာ ဖြစ်ဖြစ်၊ အမှောင်ထု ထဲမှာ ဖြစ်ဖြစ်၊ အချင်းချင်း လုပ်ကြံ ကြလို့ဘဲ ဖြစ်ဖြစ် မထင် မရှားနဲ့ ပျောက်ဆုံး သွားကြတာ ချည်း ပါဘဲ။

ရွက်ဆစ်လို လူစား မျိုး ဟာလည်း ဘာထူး မှာလဲ။ တိုင်းပြည်နဲ့ လူမျိုး ကောင်းစားရေး ဆောင်ရွက် ဖို့ရာ ဘယ်လိုမှ မဖြစ် နိုင်ဘူး ဆိုတာ သူ့ရဲ့ သမိုင်းကြောင်း သာမက လက်ရှိ ပြောဆို လုပ်ဆောင် မှုတွေက ပေါ်လွင် နေပါတယ်။ မြန်မာ စကားပုံ တစ်ခု ထဲက လိုပါပဲ “သူခိုးကြီးတော့ ဓားပြ၊ ဓားပြကြီးတော့ သူပုန်” ဆိုတာ မျိုး အတိ အကျ ဖြစ်နေ တာပါ။ နဂို ကမှ မိမိကိုယ်ကို အထင်ကြီးပြီး ပဒေ သရာဇ် စော်ဘွား ဟန်ပန်နဲ့ မယား ၁၇ ယောက် (တရားမဝင် မယားများ မပါ) ယူထားတဲ့ ရွက်ဆစ်ဟာ အခုလို သမ္မတကြီးနဲ့ တွေ့ဆုံပြီး နောက်ပိုင်း ပြည်တွင်း ပြည်ပ ခရီးစဉ် ၂ ပတ် လှည့်လည် စဉ်က ပြောကြားတဲ့ စကားလုံး တွေကို လေ့လာ ကြည့်ခြင်း အားဖြင့် “အရူး ဘုံမြောက် ချေးခြောက် ကောက်စား”တဲ့ စကားပုံ ထဲက အတိုင်း ဖြစ်ပျက် နေတာ သိသာစွာ မြင်တွေ့ ကြားသိ နိုင်ပါ တယ်။

ဒီမို ကရေစီ အရေး၊ ငြိမ်းချမ်းရေး၊ တိုင်းရင်းသား အရေး၊ မူးယစ် ဆေးဝါး အရေး၊ လူ့ အခွင့် အရေး၊ အရေးပေါင်း များစွာ အတွက် ဆောင်ရွက် ချက် တိုင်းကို လက်ကမ်း ကြိုဆို လျက်ပါ။ အခုလည်း ကျွန်တော်တို့ လူမျိုး တိုင်းရင်းသား ခေါင်းကြီးကို သမ္မတကြီး တွေ့ဆုံတာ အပြု သဘောနဲ့ စောနေ သေးကြောင်း အတွင်းသိ ဒေသခံ တိုင်းရင်းသား တစ်ဦး အမြင်သာ ဖြစ်ပြီး အပြု သဘောနဲ့ လုံးဝ အပြည့် အဝ ကြိုဆို နေပါကြောင်း။

အိုက်ခမ်း