Time in Rangoon 
" လူမှာ အဝတ်တောင်းမှာအကွပ်" ဆိုသော မြန်မာဆိုရိုး စကားတစ်ခုရှိလေသည်။ သို့သော်လည်း အမျိုး သားခေါင်းဆောင်ကြီး ဗိုလ်ချုပ်အောင်ဆန်း ကတော့ သူ၏ ငယ်ဘဝမှာပင် ထိုစကားရပ်ကို အမှု မထား ခဲ့သူ ဖြစ်ပါ၏။
ဝတ်စားပလွှားခြင်းသည် အပိုအလုပ်ဟု သူကမှတ်ယူလေ သည်။ အဝတ်အစားနှင့် ပတ်သက်၍ ဟန်ရေးပြ ဂုဏ်တု ဂုဏ်ပြိုင်လုပ်ခြင်းများ ကိုလည်း အလွန်စက်ဆုပ်သူ ဖြစ်ပါ၏။
ကျောင်းသား မောင်အောင်ဆန်း
-------------------------------------
၁၉၂၂ ခုနှစ်၊ အသက်(၇)နှစ်အရွယ်တွင်မှ နတ်မောက်မြို့ ဒီပင်္ကရာကျောင်းတွင် ကျောင်း နေခဲ့သော မောင်အောင်ဆန်းသည် ၁၉၂၈ခုနှစ်တွင် အထက်တန်း ကျောင်း၌ ပညာသင်ယူရန် အစ်ကိုကြီး ကျောင်း ဆရာ ဦးဘဝင်းရှိရာ ရေနံချောင်းမြို့ သို့ အသက် ၁၃ နှစ် အရွယ်တွင် ရောက် ရှိလာခဲ့ပါတော့သည်။
ထို ကျောင်းသို့ရောက် သည်နှင့် ကျောင်းသားကျောင်း သူ များသည် ဝတ်စားပလွှားနေ သည်ကို တွေ့ရလေသည်။ ဤ အပြုအမူသည် တစ်ကျောင်း တည်းသားချင်းကိုသော်လည်း ကောင်း၊
အခြားသော ကျောင်း သား ကျောင်းသူများနှင့်သော် လည်းကောင်း မ ညီမညွတ်ဖြစ် စေသော၊ စိတ်ဝမ်းကွဲ ပြားစေ သည့်အကြောင်းတစ်ရပ်ဖြစ်သည် ဟု သူကခံယူထားလေသည်။
နောင်အခါ ကျောင်းသားများ သမဂ္ဂတွင်အကြီးအကဲဖြစ် လာသောအခါ school dress ကို စတင်တီ ထွင်တော့လေရာ သူတီထွင်သော ကျောင်းဝတ်စုံ မှာရွှေတောင်လုံချည်အနီနှင့် ပင်နီအင်္ကျီ ဖြစ်လေသည်။
ရေနံချောင်းမြို့ အမျိုး သားကျောင်းသို့ ရောက်ရှိစဉ် အစ်ကို ဦးဘဝင်းကညီအငယ်ဆုံး မောင် အောင်ဆန်း အား အစ်ကို ကြီး အဖအရာဆိုသလိုအထူး ဂရုစိုက်လေသည်။
ပညာရေး သာမက ကျန်းမာရေးအတွက် ညီငယ်ကို တင်းနစ်ကစားစေ သည်။ တင်းနစ်ကစားနည်းတွင် အများ သိကြသည့်အတိုင်း ဖွေး ဖွေးဖြူသော အင်္ကျီ၊ ဘောင်းဘီ၊ ဖိနပ်တို့ကိုဝတ်ဆင်လေ့ရှိသည်။ မောင်အောင်ဆန်း ကမူ ထိုဖြူ ဖွေးသောဝတ်စုံကိုပင်လျှင် ပလွှား သည်ဟုထင်လေရာ နံနက်တိုင်း တင်းနစ်ရက် ကက်ကို ချိုင်းကြား ညှပ်၍ တင်းနစ်ကလပ်ဆီသို့ သွားလေသည်။
တင်းနစ်ကစား ရာတွင်လည်း စတိုင်မများ။ အဝတ်ဖိနပ်ကိုမသုံး။ ဖိနပ်မပါ ခြေထောက်ဗလာနှင့်ပင် ကစား လေသည်။
တက္ကသိုလ်ကျောင်းသား ကိုအောင်ဆန်း
-------------------------------------------
၁၉၃၂ ခုနှစ်တွင် ရေနံ ချောင်း အမျိုးသားကျောင်းမှ အထက်တန်းစာမေးပွဲကို မြန်မာစာနှင့်ပါဠိဂုဏ်ထူး တို့ဖြင့်အောင် မြင်လေရာရန်ကုန်တက္ကသိုလ်သို့ ပြောင်းရွှေ့ပညာသင်ယူလေသည်။
တက္ကသိုလ်ကျောင်းသား ဘဝတွင်လည်း ငယ်မူမပျောက်၊ အဝတ်အစား မမက်မောပုံကို " ခေါင်းဆောင် ဟူသည်" စာအုပ်၌ ယခုလိုရေးသားထားလေသည်။
"ထိုသူကား နေ့စဉ်နှင့်အမျှ မူမပြောင်း၊ နံနက်မိုးလင်းက စ၍ ညအိပ်သည့်အချိန်ထိ မျက်နှာမှာ မှုန်တေတေ ထားရာမှ တရွေးသားလျော့သည်ကို မမြင်ရ၊ အမြဲခေါင်းငိုက်စိုက်နှင့်သာ မြင်၏။
ကျောင်းဝိုင်းထဲတွင်မူ ထိုသူသည် ချည်ကြမ်းပုဆိုးနှင့် ဘလေဇာကွတ်အင်္ကျီအစိမ်း ရောင်ခပ်နွမ်းနွမ်းကို အအေး အချမ်းခံနိုင်ရုံ ဝတ်ဆင်လေ့ရှိ ၏။ တစ်ခါတစ်ရံလည်ပတ်ကြီးကို ကပိုကရိုဝတ်လေ့ရှိ၏။
သူသည် ဘလေဇာအစိမ်းကို နံနက်တိုင်း ခါးမှ ချွတ်သည် မရှိချေ။ သူ့ကို ကြည့်ရသည်မှာ အဝတ်အစား သားနားတင့်တယ်ဝင့်ဝါမှုကို ဂရု မထား၊ အရေးစိုက်ပုံ စိုးစဉ်းမျှ မပေါ်ချေ။ ဖြစ်ကတတ်ဆန်း ဝတ်ဆင်တတ် သူတစ်ဦးဟု မှတ် ချက်ချလျှင်မှားမည် မဟုတ်ချေ" ဟု ဖော်ပြထားလေသည်။
အဝတ်အစားကို မည်မျှ ဂရုမစိုက်တတ်ကြောင်း မန္တ လေးမြို့တွင် ကျင်းပသော ပထမ ဆုံးဗမာနိုင်ငံလုံး ဆိုင်ရာ ကျောင်း သားများ ညီလာခံသို့ သွား ရောက်ပုံကို ဗိုလ်ချုပ်အောင် ဆန်း အတ္ထုပ္ပတ္တိစာအုပ်တွင် ဤ သို့ တွေ့ရလေသည်။" ညီလာခံအသွား ကိုအောင်ဆန်းသည် သူ၏ အစ်ကို မြို့အုပ် ဦးအောင်သန်းထံ ဝင်လာ၏။ လွယ်အိတ်တစ်လုံး ပါလာ၏။
လွယ်အိတ်ထဲ၌မူ ပညာရေးစနစ် အကြောင်း စာအုပ်များနှင့် အတူ တကွရောမအဘိ ဓမ္မာဆရာကြီး (ပလေ တို)ရေးသားသော " နိုင်ငံရေးအဘိဓမ္မာကျမ်း" နှင့်၎င်းအပြင် အဝတ်အစားဆို၍ လုံချည် ၂- ထည်သာမြင် ရ၏။
သူပြန်သွား သောအခါ လုံချည်တစ်ထည် ကျန်ခဲ့လေသည်။ အဝတ်အစား ကို ဂရုမစိုက်သိသာ၏။ သူစူး စိုက်သွားသည့်ကိစ္စမှာ မန္တလေး ညီလာခံသာဖြစ်ရာ သင်္ဘော ဆိပ်သို့အသွား မြင်းရထားပေါ် ပါသွားသော ကိုအောင်ဆန်း အား မြင်းရထားနောက်မှ လုံ ချည်ကျန်ခဲ့၍ လိုက်အော်ကာ တကြော်ကြော်ပေးသူ၏ အသံ ကိုပင် ဂရုမထားချေ။ ကိုအောင် ဆန်းကားမန္တလေးသာရောက် သော်လည်း လုံချည်ကျန်ရစ်ခဲ့ ကြောင်းကို မသိရှာခဲ့ချေ။
သူ၏ အစ်ကိုဖြစ်သူကသာ သူ့ညီအတွက် ခေါင်းတညိတ် ညိတ်နှင့် အံ့သြခြင်းဖြစ်ကာ -
"ဖြစ်မှဖြစ်ရလေ အောင်ဆန်း ရယ်၊လုံချည်ပါတာမှ နှစ်ထည်၊ တစ်ထည်ကျန်သွားရသေး သကိုး၊ တော်ေ တ်ာနတဲ့အကောင်" ဟု ရေ ရွတ်ရှာ၏။" ဟုပါရှိလေသည်။
ကိုအောင်ဆန်းသည် အဝတ်အစားကိုသာမမက်မောသူ မဟုတ်။ အပျော်အပါးနှင့်ဟိတ်ဟန်ထုတ် ခြင်းတို့ကို လည်း စက်ဆုတ်သူ ဖြစ်သည်။
၁၉၃၂-၃၃တွင် ရန်ကုန် တက္ကသိုလ်(မကွေး) အသင်း၌ ဥက္ကဋ္ဌဖြစ်လာသော အခါယခင်နှစ်များကအငြိမ့် ခံခြင်း၊ မိတ်ဆက်ဧည့်ခံခြင်းများပြုလုပ်လေ့ရှိသော် လည်းထို အစဉ်အလာကိုဖျက် သိမ်းခဲ့လေသည်။
ကိုအောင်ဆန်းကြိုက်တဲ့ကတုံး ဘိုကေ
------------------------------------------
၁၉၃၄ ခုနှစ်တွင် ကိုအောင်ဆန်းသည် ဥပစာဝိဇ္ဇာတန်း ဒုတိယနှစ်စာမေးပွဲကို ခုံအမှတ် ၂၃၁ ဖြင့် အောင်မြင်၍ ဝိဇ္ဇာပထမ နှစ်(ဘီအေ-ဂျူနီယာ)တွင် တက်ရောက်ခဲ့ပြီးတက္ကသိုလ်ကျောင်း သားများသမဂ္ဂ (တကသ)အ မှု ဆောင် ရွေးကောက်ပွဲတွင် ဝင် ရောက်ယှဉ်ပြိုင်ရာ ရှုံးနိမ့်ခဲ့လေသည်။
ထိုအချိန်က ကိုအောင်ဆန်း သည်ကတုံးဘိုကေကို နှစ်ခြိုက် သူလည်း ဖြစ်လေသည်။ ထိုအချိန်တွင် ခုံဖိနပ်စီးပြီး ပင်နီတိုက်ပုံနှင့် ကျောင်းတက်ခဲ့ သော ကိုအောင်ကျော်(နောင် ဗိုလ်အောင်ကျော်)မှာလည်း ၁ဝ တန်းအောင်မြင်ကာ ဂျပ်ဆင်ကော လိပ်သို့ ရောက်လာလေသည်။ တစ်နေ့၌ ကိုအောင်ကျော်နှင့် ကိုအောင်ဆန်းတို့ တွေ့ကြပုံကို တကသ ဥက္ကဋ္ဌဟောင်း ကိုသိန်းအောင်ရေးသားသော " ကျွန်တော် သိခဲ့ တဲ့အောင်ကျော်" ဆောင်းပါး၌ ယခုလို ဖော်ပြထားလေသည်။
"ဟေ့ ဖိုးအောင်ဆန်း၊ ခင်ဗျားအားကျပြီး ခေါင်းတုံးဘိုကေထားတဲ့ လူနှစ်ယောက်တော့ရှိပြီ။ ကိုလှရွှေရယ်၊ ခုကိုအောင်ကျော်ရယ်လေ။
အောင်ဆန်း- လွတ်လပ်တဲ့ဗမာ ပြည်ကြီးမှာကျွန်တော်အာဏာ ရှင်ဖြစ်ရင်အကုန်လုံးခေါင်းတုံးဘို ကေထား လို့ အမိန့်ပေးမယ်။
အောင်ကျော်-ခေါင်းတုံးဘိုကေ ချင်းထားတာတူပေမယ့်ရူးတာချင်းတော့ ကိုအောင်ဆန်းက သာပါတယ်။
အောင်ဆန်း- မိုက်တဲ့နေရာကျ တော့ ခင်ဗျားက သာပါတယ်။ ခင်ဗျား ရုပ်ကိုက မှုန်ကုပ်ကုပ် ပုကွကွနဲ့.. ဟုဖော်ပြထားသည်။၁၉၃၈ ခုနှစ် အောက်တိုဘာ လ ၁ ရက်နေ့တွင် တက္ကသိုလ် ကျောင်းသား ကိုအောင် ဆန်း သည်တက္ကသိုလ်မြေကို စွန့်ခွာကာ တို့ဗမာအစည်းအရုံးသို့ဝင် ရောက်လျက်သခင်အောင်ဆန်း ဘဝကိုခံယူခဲ့လေတော့သည်။
ဖိနပ်ပျောက်တဲ့ သခင်အောင် ဆန်း
--------------------------------------
တို့ဗမာအစည်းအရုံး၏ အထွေထွေအတွင်းရေးမှူး ဖြစ် လာသော သခင်အောင်ဆန်းသည် မော်လမြိုင် ညီလာခံကို အောင်မြင်စွာ ကျင်းပပြီးနောက် ဘုရားတက်ဖူးစဉ်ဖိနပ်ပျောက်ခဲ့ ပုံကိုသခင်လှဖေ (ဗိုလ်လက်ျာ)က အောက်ပါအတိုင်းရေးသား ထားလေသည်။
" ညီလာခံကြီး၏ နောက်ဆုံး နေ့နှင့်ညီလာခံကြီးပြီးဆုံးပုံကို ကျွန်တော်မှတ်မိသေးတော့သည်။ အောင်ဆန်း သည် ကျွန်တော့်အရင် ဘုရားပေါ်မှဆင်းသွားကာဘုရား ခြေရင်းလှေကား နားတွင်တစ်ခု ခုအားရှာဖွေနေ သည်ကို တွေ့ ရ၏။
ကျွန်တော်ကသူ့အား ဖိနပ် ပျောက်၍လားဟုမေးရာဟုတ် ကြောင်းသူက ပြန်ပြောသည်။ဖိနပ်က ဘာ အရောင်လဲဟု ကျွန်တော်ကမေးသော အခါ သူကပြုံးလိုက်ကာ "အရောင်တော့မမှတ်မိ ဘူး။တော်တဲ့ဖိနပ် တစ်ရန်ရန်ကို ကောက်စွပ်မလို့" ဟုပြန်ပြောသည်။ " ဟာ- ဒီလိုနဲ့ဘယ်ဖြစ်မလဲ၊ တော်တဲ့တစ်ရံရံ ကိုကောက်စွပ် မယ်ဆိုတာကတော့မဟုတ် သေးပါဘူး၊ လာပါဗျာဈေးသွားပြီး ကျွန်တော်တစ်ရန် ဝယ်ပေးပါ့ မယ်" ဟုပြောပြောဆိုဆိုပင်သူ့အားဆွဲ ခေါ်ခဲ့ရသည်။
ကံအားလျော်စွာပင် မြင်းလှည်းတစ်စီးကိုအနီး အနား၌အလွယ်တကူနှင့် ရသောကြောင့် ဖိနပ် မပါေ သာအောင်ဆန်းအား မည်သူမျှ ဂရုမပြုမိလိုက်ကြချေ" ဟု ဆိုလေသည်။
စစ်သားကြီးဗိုလ်အောင်ဆန်း
-------------------------------
သခင်အောင်ဆန်းမှသည် ဂျပန်ပြည်၌စစ်ပညာများသင် ကြား ပြီးနောက်ဗိုလ်တေဇ ခေါ် ဗိုလ် အောင် ဆန်းဖြစ်လာသော အခါ၌လည်းသူသည်စစ်ဝတ်စုံကိုပင် ဂရုတစိုက်မရှိခဲ့ကြောင်း အမွိုင် မြို့သို့ အတူ ထွက်ခွာခဲ့သူ သခင် လှမြိုင်(ဗိုလ်ရန်အောင်) ကအိုးဝေ မဂ္ဂဇင်းတွင်ရေးသားခဲ့ဖူးသည်။
" အင်္ကျီဝတ်၊ ဘောင်းဘီစွပ်၊ ဓားကိုချိတ်၊ ဖိနပ်ကို စီး၍ ဗိုလ် မင်းခေါင်နှင့်တွဲကာ အစည်းအဝေးသို့ လာသော အခါ လမ်းတစ်လျှောက်တွင် ဗိုလ်အောင်ဆန်း ၏ဓားသည်တစ်လမ်းလုံး တလျှော လျှောနှင့် တရွတ်တိုက်နေလေသည်။ ဗိုလ်မင်းခေါင်ကငုံ့ကြည့်မှ " ဟာ အစ်ကိုကြီး၊ဓားချိတ်ပုံမဟန်သေးပါ ဘူး၊ပြင်ချိတ်ပါဦး" ဟု ပြောပြီးပြင်ချိတ်ပေးရ၏။
တစ်ဖန် ဗိုလ်မင်းခေါင်က အင်္ကျီကိုကြည့် လိုက်မိရာအင်္ကျီကြယ်သီးပြောင်း ပြန်တပ်ထားသည်နှင့်ပြင် ဆင်တပ်ပေး ရပြန်၏။သို့နှင့်ခရီးအတန်ရောက် သောအခါဗိုလ်အောင်ဆန်းက-
" ညီလေးရာ ငါ့ဖိနပ်ကျပ်နေတယ်။ ဘာပြုလို့လဲ ဟုမေးလေသည်။ ဗိုလ်မင်းခေါင်က ဖိနပ်ကိုငုံ့ကြည့်သော အခါ ဗိုလ်အောင်ဆန်းစီးထားသော ဖိနပ်သည်ဘယ်နှင့်ညာလွဲနေသည်ကို တွေ့ရသည်နှင့် ပြန်ချွတ်၍ ပြန်ဝတ်ပေးလိုက် ရလေသည် ဟူ၍ ဖြစ်ပါ၏။
သိန်းအေး
Popular Journal
0 comments:
Post a Comment