Time in Rangoon 
.jpg)
KIA တပ်မဟာ(၂)လက်အောက်ခံ ရင်း(၂၆) တုံပင်မှ အဖွဲ့ဝင်(၂)ခန့်သည် ဘုရားတောင်တွင် စခန်း ချနေထိုင် ကာ ကုမ္ပဏီမှ ဘက်ဟိုးယာဉ်များအား ခေါ်ယူစေခိုင်း၍ စက်တင်ဘာလ(၁၇) ရက်နေ့က ပစ်ကျင်း၊ ကတုတ် ကျင်းများနှင့် အမြောက်ဒဏ်ခံနိုင်တဲ့ အဆောက်အဦတွေ ပြုလုပ်ခဲ့တယ်လို့ သတင်းရရှိ ပါတယ်။
ထိုသို့လုပ်ဆောင်နေမှုအား ဘုရားတောင်ကျေးရွာမှ ခရစ်ယာန်အသင်းတော် သင်အုပ်ဆရာဦးစီး၍ ရပ်ရွာ လူကြီးများမှ ယခုလိုလုပ်ဆောင်နေခြင်းသည် တိုက်ပွဲများဖြစ်ပွားလာစေမဲ့ အရိပ်အယောင် ရှေ့ပြေးနိမိတ် များပင် ဖြစ်ကြောင်းနှင့် ထိုသို့ မဖြစ်ပွားစေရေးအတွက် အသနားခံသွားရောက်တောင်းပန်ခဲ့သော်လည်း KIA ခေါင်းဆောင်မှ အထက်အမိန့် အရ လုပ်ဆောင်ခြင်းဖြစ်သည် လုံးဝနောက်ဆုပ်လို့မရကြောင်း အထက် ညွှန်ကြား ချက်များဖြစ်၍ မည်သို့သော တောင်းပန်မှုမျိုးကိုမဆို လက်မခံနိုင်ကြောင်း ပြန်လည်ပြောကြားခဲ့ တယ် လို့သိရပါတယ်။
ထိုသို့ညှိနှိုင်းပြောဆို၍မရသဖြင့် ဘုရားတောင်ကျေးရွာနေဒေသခံများသည် စစ်ဖြစ်ပွားလာမည်ကို စိုးရိမ်ကာ ဖားကန့်မြို့နယ် ဆိတ်မူကျေးရွာအုပ်စုအတွင်းမှာရှိတဲ့ နမ့်မှော်ကျေးရွာသို့လည်းကောင်း ဟောင်ပါးကျေးရွာ အုပ်စုမှာရှိတဲ့ တာမခံကျေးရွာရှိ ဘုန်းတော်ကြီးကျောင်းများသို့ ထွက်ပြေးတိမ်းရှောင်လျက်ရှိတယ်လို့ သိရပါတယ်။
ကျွန်တော်တို့သွားပြောတယ် အဲဒီလိုလုပ်နေလို့ ဒေသခံတွေလည်း စီးပွားရေးကောင်းကောင်း မလုပ်ရဲတော့ ဘူး။ ရွာမှာလည်း မနေရဲကြတော့ဘူး။ ဘယ်တော့စစ်ဖြစ်မလဲဆိုတဲ့ စိုးရိမ်စိတ်ကြီးနဲ့ သွားလာလှုပ်ရှားနေ ကြရတာ ဗမာစစ်တပ်ကလည်း လာမယ်လို့ သတင်းမကြားပါဘူး။
တကယ်ဆိုစခန်းတွေပြင်ဆင်နေမဲ့အစား KIO ခေါင်းဆောင်ကြီးတွေအနေနဲ့ အာဏာယစ်မူးကာ ကချင်ပြည်နယ်မှာ လက်နက်ကိုင်စီးပွားရှာနေတဲ့ စိတ်တွေကို ဖျောက်ပြီး စစ်မှန်တဲ့ငြိမ်းချမ်းရေးရရှိအောင် ဘယ်လိုလုပ်ဆောင်မယ်ဆိုတာဘဲ စဉ်းစားသင့်တယ်။ လူသစ်စု၊ ဆက်ကြေးကောက်၊ စခန်းပြင်တာဘဲ ဆိုတာကတော့ ကချင်ပြည်နယ်ဟာ စစ်ပြေးစစ်ဒဏ်တွေကြားမှာ ဒီထက်ပို ဆိုးလာအုံးမယ် ဆိုတာ ကို ပြောလိုက်သလိုဘဲဒုက္ခရောက်နေတဲ့ ကချင်လူမျိုးတွေကို သူတို့မမြင်ချင်ယောင် ဆောင်ပြီး အတ္တကြီးနေ တာတော့ မကောင်းပါဘူးလို့ သင်အုပ်ဆရာမှ KDN သတင်းဌာနသို့ ပြောကြားလာခဲ့ ပါတယ်။
0 comments:
Post a Comment