မနောမြေမှာ ဒဏ်ရာဒဏ်ချက်တွေနဲ့ အပိုင်း(၂)

ဉာဏ်လင်း၊ တီတိုး၊ ဆိုင်းမိုင်(မြစ်ကြီးနား) ရေးသားသည်။

ရာသီတွေ ကပြောင်းကပြန် 

သဘာဝပတ်ဝန်းကျင် ပျက်စီးယိုယွင်းလာမှု၏ နောက် ဆက်တွဲအဖြစ် ရာသီဥတုတွေလည်း ကပြောင်း ကပြန်ဖြစ် လာပြီး အအေးဓာတ်တွေလည်း လျော့နည်းလာခဲ့သည်ဟုဆိုပါသည်။

မြစ်ကြီးနားဒေသခံ အဖွားအင်ဖန်ဂျာရာ ပြန်ပြောင်းပြော ပြသည်က ဟိုးအရင်တုန်းက သူတို့ကချင်ပြည်နယ်မှာ မိုးတွင်း ကာလ မိုးတွေအုံ့ဆိုင်းလာပြီဆိုလျှင် အနွေးထည်ကောက်ဝတ်သူ တွေက ကောက်ဝတ်၊ မီးထလှုံသူတွေက လှုံကြ ပေါ့တဲ့။

“အခုတော့ အဲဒီအအေးဓာတ်မျိုးက မရှိတော့ဘူးလေ၊ အားလုံးပျက်စီးကုန်ပြီ” ဟု စိတ်ပျက် လက်ပျက်ဖြစ်ဟန်ဖြင့် အဖွားအင်ဖန်ဂျာရာက ဆိုပါသည်။

အဖွားအင်ဖန်ဂျာရာ ရည်ညွှန်းပြောဆိုသော “ဟိုးအရင် တုန်းက” ဆိုသည့်အသုံးအနှုန်းက အချိန်ကာလ သိပ် အဝေးကြီး ကို ဆိုလိုခြင်းမဟုတ်ဘဲ လွန်ခဲ့သော အနှစ် ၂၀ မရှိတရှိကာလ လောက်ကိုသာ ရည်ညွှန်းပြောဆိုခဲ့ခြင်းဖြစ်ပါသည်။

မြစ်ကြီးနားနှင့် ဖားကန့်ကြား ကုန်စည်ကူးသန်းရောင်း ၀ယ်သည့်အလုပ်ကို ဘ၀တစ်လျှောက်လုံးနီးပါး လုပ်ကိုင်ရင်း ခရီးတွေ ထွက်ဖြစ်ခဲ့သော မြစ်ကြီးနားဒေသခံ အဖွားအင်ဖန်ဂျာရာသည် မြန်မြန်ကြီးပြောင်း လဲလာနေသည့် ရေမြေ သဘာ ၀ကို စိတ်မချမ်းမြေ့ စွာဖြင့် မျက်မြင်ကြုံတွေ့နေရသူ ဖြစ်သည်။

သဘာဝပတ်ဝန်းကျင်ထိန်းသိမ်းရေး လုပ်ငန်းများအပါ အ၀င် အခြားသော ဖွံ့ဖြိုးရေး လုပ်ငန်းများ လုပ်ဆောင်နေသော SWISSAID (မြစ်ကြီးနားရုံး)မှ တာဝန်ခံဦးဇုန်တိန့်က တစ်နှစ်ထက်တစ်နှစ် ပိုမိုပူပြင်းလာသော ကချင်ပြည်နယ်၏ အခြေအနေကို သတိထားမိသည်ဟုဆိုသည်။

“ကျွန်တော့်တစ်သက် ကချင်ပြည်နယ်မှာ အပူချိန်က ၃၂ (ဒီဂရီဆဲလ်ဆီးယပ်စ်) က အများဆုံးအပူချိန်ပဲ၊ ဒီနှစ်အပူချိန်က ၄၀ အထိတောင်ရောက်တယ်”ဟု ကချင်ပြည်နယ်မှာမွေး၊ ကချင်ပြည်နယ်မှာ ကြီးပြင်းခဲ့သည့် အသက် ၄၀ အရွယ် ဦးဇုန်တိန့်က ဆိုပါသည်။

အပူချိန်မြင့်တက်လာသောကြောင့် ခါတိုင်းထက် အပူဒဏ်ကို ခံစားနေကြရချိန်မှာ မူမမှန်တော့သော မိုးလေ၀သ အခြေအနေကလည်း ကချင်လယ်သမားများအတွက် ခန့်မှန်းရ ခက်သထက် ခက်လာနေ ပါသည်။

မိုးကမရွာချင်သည့် အခါများမှာ လုံးဝတစ်ပေါက်မှ မကျဘဲ ရွာချင်သည့်အခါများဆိုလျှင်တော့ ဗြုန်းစားကြီးထရွာချင် ရွာလာတတ်သည်ဟုဆိုပါသည်။

ယင်းသို့ မိုးလေမမှန်သည့်အတွက် စပါးအထွက်နှုန်းလည်း ထိခိုက်လာကြောင်း လယ်သမားများက ဆိုပါသည်။ ခါတိုင်း လယ်တစ်ဧက တင်း ၆၀ ထွက်သော လယ်များသည် မိုးလေ မမှန်သောကြောင့် နေရာတော်တော်များများမှာ တင်း ၄၀ ၀န်း ကျင်လောက်သာ ထွက်တော့သည်ဟုဆိုပါသည်။

ပျက်စီးသွားသော မြေမျက်နှာပြင်

ရာသီဥတုတွေ ကပြောင်းကပြန်ဖြစ်နေချိန်မှာ ရွှေတူးဖော် ရေးလုပ်ငန်းများနှင့် ကျောက်စိမ်း တူးဖော်ရေး လုပ်ငန်းများကလည်း မနောမြေ၏ အသွင်အပြင်များကို မြန်မြန်ကြီး ဖျက်ဆီး ပစ်နေပါသည်။

ရွှေတူးဖော်သူများကြောင့် အချို့သော ကုန်းမြေများမှာ အားပြင်းလှသော ဗုံးဆန်၊ အမြောက်ဆန်များ ထိမှန်ခံထားရ သည့်အလား ချိုင့်တွေ၊ ကျင်းတွေနှင့် အကျည်းတန်နေသည်။

ရွှေတူးဖော်သူများ တူးထားသည့် ကျင်းများမှာလည်း ဆယ်ပေပတ်လည်လောက်ကျယ်ဝန်းသော ကျင်းများရှိသလို ဘောလုံးကွင်း တစ်ဝက်မက ကျယ်သော ကျင်းများလည်းရှိကြ သည်။ အချို့ကျင်းများ၏ အနက်မှာ ၀ါးတစ်ပြန်စာမက နက်ရှိုင်း သည်များလည်းရှိသည်။

ရွှေတူးဖော်ရေး လုပ်ငန်းခွင်များ၏ ၀ါးမျိုခြင်းကို ခံရသည့် အထဲတွင် လယ်ခင်း၊ ယာခင်းတွေလည်း ပါသွားတတ်ကြသည်။

“ဟူးကောင်းဘက်ဆိုရင် လယ်ယာတွေကို ရွှေကျင်လိုက် တယ်။ အရင်က စပါးအထွက်နူန်းကောင်းတဲ့ နေရာတွေ အခု ဘာမှ စိုက်စားလို့မရအောင်ဖြစ်နေပြီ” ဟု KDNG မှ ဦးအောင်ဝါက ဆိုသည်။

လယ်ယာမြေတွေကို ရွှေကျင်လိုက်သည့်အခါ အပေါ်ယံမြေဆီလွှာများ လွင့်ပါးသွားသည့်အတွက် ဘာအပင်မှစိုက်ပျိုးလို့မရတော့အောင် ပျက်စီးသွားခြင်းဖြစ်ကြောင်း ပညာရှင်များ က ရှင်းပြသည်။

လယ်မြေဧကများစွာ ရွှေတူးဖော်သူများ၏ လက်ချက် ကြောင့် ပျက်စီးနေကြချိန်မှာ သစ်သီးခြံပိုင်ရှင်၊ ဥယျာဉ်ခြံပိုင်ရှင် တချို့ကလည်း ရွှေတူးဖော်သူများ၏ မက်လောက်စရာ ငွေ အသပြာ ကမ်းလှမ်းမှု များကြောင့် နှစ်စဉ်မိသားစုဝင်ငွေ ဖန်တီး ပေးနေသည့် ၎င်းင်းတို့၏ ဥယျာဉ်ခြံမြေများကို စွန့်လွှတ်လိုက်ကြ သည်များလည်း ရှိသည်ဟုဆိုပါသည်။

KDNG အဆိုအရ ကချင်ပြည်နယ် ဧရိယာ၏ ၁၈ ရာခိုင် နှုန်း ( ငါးပုံ တစ်ပုံ နီးပါး) ရှိသော ရွှေတူးဖော်ခြင်းလုပ်ငန်းများမှာ ကုန်းတွင်းပိုင်းများတွင်သာမက မြစ်ချောင်း၊ ကမ်းပါးများ တွင်လည်း တွင်တွင်ကျယ်ကျယ်လုပ်လာကြသည်ဟု ဆိုသည်။

တစ်ချိန်က ကြည်လင်ခဲ့သော မြစ်၊ ချောင်းများမှာ ယခုအခါ ရွှေတူးဖော်ရေးလုပ်ငန်းများမှ အန်ထုတ်လိုက်သည့် မည်းညစ်ညစ်ရွှံ့ရေများကြောင့် နောက်ကျိခဲ့ရပါပြီ။

သူငယ်ငယ်က ရေဆင်းချိုးနေကြဖြစ်သော ဥရုချောင်းဆိုလျှင် ချင်းတွင်းမြစ်အထိ လုံးဝနောက်ကျိ နေကြောင်း ဦးအောင် ၀ါက ပြောပြပါသည်။

“ဥရုချောင်းဆို ကျွန်တော်ငယ်ငယ်တုန်းက ရေချိုးခဲ့တဲ့ နေရာပေါ့၊ တအားပျော်ဖို့ကောင်းခဲ့တာ၊ အခုတော့ ရေကို ကိုင်တောင်မကိုင်ချင်တော့ဘူး၊ ညစ်ပတ်နေတာပဲ” ဟု သူက ဆိုပါသည်။

ဧရာဝတီမြစ်ဖြစ်တည်ရာ၊ မေခ၊ မလိခမြစ်နှစ်သွယ်တို့ ဆုံဆည်းရာ မြစ်ဆုံမှာဆိုလျှင်လည်း ကမ်းပါး တစ်လျှောက် ရွှေတူးဖော်မှုများကြောင့် ရုပ်ပျက်ဆင်းပျက်ဖြစ်နေပါပြီ။

ရွှေတူးဖော်ရေးလုပ်ငန်းများက မြစ်ထဲ၊ ချောင်းထဲသို့ စွန့်ပစ်လိုက်သော ပြဒါးပါသည့် ရေများကလည်း မြစ်ရေသုံးစွဲ နေရသူများ၏ ကျန်းမာရေးကို ခြောက်လှန့်နေသည့်အတွက် ကြောင့် ဒေသခံ တော်တော်များများမှာ မြစ်ရေ၊ ချောင်းရေကို သောက်ရေအဖြစ် အသုံးမပြုရဲ ဖြစ်နေကြပါသည်။

ဖားကန့်ဘက်မှာဆိုလျှင် မြစ်ချောင်းများမှာ အမြဲတမ်း နောက်ကျိနေသည့်အတွက် ဒေသခံများအနေနှင့် ထိုရေများကို အသုံးမပြုရဲဖြစ်နေကြသည်ဟု ဆိုပါသည်။

အရင်တုန်းက ဖားကန့်မှာ နေထိုင်သူများသည် စမ်းရေ၊ ချောင်းရေပဲ ခပ်သောက်ခဲ့ကြသည်ဟု ဒေါ်လမာရွယ်က ဆိုသည်။

“(အခု) စမ်းရေ၊ ချောင်းရေတွေက အချိန်ပြည့်နောက် နေလို့ တွင်းရေပဲ သောက်တော့တယ်” ဟု သူက ဆိုသည်။

စိမ်းစိုသည့် သစ်တောကြီးများ၊ စိမ့်စမ်းများ ပျောက်ဆုံး ကုန်သောကြောင့် ယခင်က နွေ၊ မိုး၊ ဆောင်း ရေလုံးဝမခမ်းခဲ့သော ချောင်း များမှာ ယနေ့အခါ မိုးကုန်လျင် ရေခမ်းကုန်ကြပြီဟု ဒေါ်လမာရွယ်ကဆိုပါသည်။

ပတ်ဝန်းကျင် ထိန်းသိမ်းရေးနှင့် သစ်တောရေးရာ ၀န်ကြီး ဌာန ပြည်ထောင်စုဝန်ကြီး ဦးဝင်းထွန်းကလည်း မြစ်ကြီးနား မြို့မှာ စက်တင်ဘာ ၂၄ ရက်နေ့က ကျင်းပသွားခဲ့သည့် ဆွေးနွေး ပွဲတစ်ခုတွင် ဧရာဝတီမြစ်၏ ပြောင်းလဲလာသော အခြေအနေကို စိုးရိမ်မကင်း ထည့်သွင်းပြောကြားသွားခဲ့သည်ကို နိုင်ငံပိုင် မီဒီယာများတွင် တွေ့ရှိရပါသည်။

ရွှေ့ပြောင်းတောင်ယာများ၊ ရေဝေရေလဲဒေသမှ သစ် တောများ ပြုန်းတီးလာခြင်း၊ သတ္တုများတူးဖော်ခြင်း၊ ဓာတု ပစ္စည်းများ အသုံးပြု စွန့်ပစ်ခြင်းတို့ကြောင့် ဧရာဝတီမြစ်ရေမှာ ညစ်ညမ်းပြီး နုန်းပို့ချမှုများကာ သောင်ထွန်းခြင်း၊ မြစ်ကြောင်း များ ရေစီးရေလာပြောင်းလဲခြင်းများဖြစ်ပေါ်လာနေကြောင်းနှင့် ရေနေသတ္တ၀ါများ၏ ဂေဟစနစ်သည်လည်း ပျက်စီးလာကြောင်း ၀န်ကြီးကပြောကြားသွားခဲ့ပါသည်။

ထို့ကြောင့်လည်း ဧရာဝတီမြစ်၏ ရေဝေရေလဲ ဒေသများ ကို အမျိုးသားရေးတာဝန်တစ်ရပ်သဖွယ် ထိန်းသိမ်းစောင့် ရှောက် ပြုပြင်သွားရန်လိုအပ်ကြောင်း ၀န်ကြီး ဦးဝင်းထွန်းက အလေးအနက်ထားပြောကြားသွားခဲ့ခြင်း ဖြစ်ပါသည်။

SWISSAID တာဝန်ခံ ဦးဇုန်တိန့်က “ကျောက်စိမ်းတူး ဖော်တာကြောင့် မြေသယံဇာတ၊ ရေသယံဇာတနဲ့ သဘာဝပတ် ၀န်းကျင်ပျက်စီးမှုက တစ်နှစ်ပြီးတစ်နှစ် ကြောက်ခမန်းလိလိပဲ” ဟု ပြောပါသည်။

တောင်ဖြိုရာမှ ထွက်လာသော မြေစာများကို မိုးရေများ က မြစ်ချောင်းများအတွင်းသို့ သယ်ဆောင်သွားကြသောကြောင့် မြစ်ချောင်းများလည်း ခါတိုင်းနှင့်မတူ၊ တိမ်ကောလာကြသည်ဟု ဆိုပါသည်။

မိုးရွာသည့်အခါ မိုးရေကိုထိန်းပေးမည့် သစ်ပင်တွေလည်း ရှားပါးလာကြရာ ရွာချသမျှ မိုးရေတို့မှာ ထို တိမ်ကောနေသော မြစ်ချောင်းများ အတွင်းသို့သာ အဟန့်အတားမဲ့ တရှိန်တိုး ထိုးဆင်းကြရသဖြင့် ဤတွင်ပဲ ရေကြီးရေလျှံမှုများ ဖြစ်လာရခြင်း ဖြစ်ကြောင်း ပတ်ဝန်းကျင်လေ့လာသူများက ဆိုသည်။

ဒေသခံများအဆို ခုနောက်ပိုင်း မိုးတွင်းကာလ ကချင် ပြည်နယ်၏ အချို့ နေရာတွေမှာ၊ အထူးသဖြင့် ဖားကန့်ဘက်မှာ နှစ်စဉ်လိုလို ရေကြီးရေလျှံမှုများဖြစ်ပေါ်နေပြီး လူသေဆုံးမှု များပင် ရှိခဲ့သည်ဟု ဆိုပါသည်။

လည်မျိုအညှစ်ခံရသော မြစ်များ

မြေပေါ်မြေအောက် သယံဇာတများအပြင် ကချင်ပြည် နယ်အပေါ်ပိုင်းမှာရှိသည့် မြစ်ချောင်းများကလည်း ရေအား လျှပ်စစ် ထုတ်ယူလိုသူများအတွက် သွားရည်တများများ ကျစရာ ဖြစ်နေပါသည်။

သွားရည်ကျစရာ ကောင်း သည့် အလျောက်လည်း တရုတ်ကုမ္ပဏီများက မြန်မာ အစိုးရနှင့်ပေါင်းကာ မေခ၊ မလိခ မြစ်နှစ်သွယ်ပေါ်မှာ ရေ ကာတာခြောက်ခု၊ မြစ်ဆုံ အောက်ဘက်နား ဧရာဝတီမြစ်ပေါ်မှာ ရေကာတာ အကြီး ကြီးတစ်ခု၊ အားလုံးပေါင်း ရေ ကာတာခုနစ်ခု တည်ဆောက်ကာ ရေအားလျှပ်စစ် ထုတ် ယူဖို့ လုံးပန်းခဲ့ကြသည်။

လူထု၏ ကျယ်ကျယ်လောင်လောင် ကန့်ကွက်မှု များ ပေါ်ထွက်လာပြီးနောက် မှသာ ဆောက်လက်စ၊ မြန်မာ နိုင်ငံမှာအကြီးဆုံး ရေကာတာ ဖြစ်လာမည့် မြစ်ဆုံရေကာ တာစီမံကိန်းကို သမ္မတဦးသိန်းစိန်က သူ့လက်ထက်မှာ ရပ်နား ထားရမည်ဟု ပြီးခဲ့သည့်နှစ်က òန်ကြားခဲ့ခြင်းဖြစ်ပါသည်။

မြစ်ဆုံနောင်ရေး မည်သို့ဖြစ်လာမည်ကို မသိရသေးသော် လည်း ၂၀၁၅ ခုနှစ်အထိတော့ ရင်အေးစရာဖြစ်နေသည့်တိုင် မေခနှင့် မလိခမြစ်ပေါ်မှာတော့ ရေကာတာခြောက်ခုကိုမူ ဆက် လက်ဆောက်လုပ်ခွင့် ပြုထားပါသည်။

ထိုရေကာတာခြောက်ခုကလည်း မြစ်ဆုံရေကာတာကဲ့သို့ သဘာဝပတ်ဝန်းကျင်နှင့် ဒေသခံတို့၏ အသက်မွေးဝမ်းကျောင်း လုပ်ငန်းများအပေါ် ဆိုးကျိုးများသက်ရောက်စေနိုင်ကြောင်း မြန်မာနိုင်ငံ မြစ်ချောင်းများဆိုင်ရာကွန်ရက် Burma Rivers Network (BRN) က သတိပေးပြောဆိုပါသည်။

“ရေကာတာခြောက်ခု တည်ဆောက်တာဟာ သဘာဝ ပတ်ဝန်းကျင်ကို ပြန်ပြင်လို့မရအောင်ကို ပျက်စီးစေမှာ ဖြစ်သလို ရေစီးဆင်းမှုနှင့် ရေပြတ်လပ်မှုကိုလည်း ခန့်မှန်းလို့မရအောင် သက်ရောက်မှုတွေ ဖြစ်စေပါလိမ့်မယ်။ နောက်ပြီး ဧရာဝတီမြစ် ကို မှီခိုနေတဲ့ လူသန်းပေါင်းများစွာတို့ အပေါ် မှာလည်း လူမှုရေး၊ စီးပွားရေးအရ ထိခိုက်မှုတွေ ဖြစ်ပေါ်စေမှာဖြစ်ပါတယ်” ဟု BRN သတင်း ထုတ် ပြန်ချက်တစ်စောင်မှာ ဖော်ပြထားပါသည်။

ဦးအောင်ဝါကလည်း ဆည်ခြောက်ခုကြောင့် ဖြစ်ပေါ်လာ နိုင်သည့် သက်ရောက်မှုများကိုတွေးကာ စိုးရိမ်မကင်း ဖြစ်နေသည်။

“ရေကာတာ ဆောက်လိုက်ခြင်းအားဖြင့် သဘာဝစီးဆင်း နေတဲ့ ပုံစံကပြောင်းသွား မယ်၊ ငါးတွေဘာတွေ ခါတိုင်း လို ပေါတော့မှာမဟုတ်တော့ ဘူး၊ လူနေထိုင်မှုစနစ်တွေ လည်း ဟိုတုန်းကလို လွတ် လွတ်လပ်လပ် နေလို့မရနိုင် တော့ဘူး” ဟု KDNG ဥက္ကဌက ဆိုပါသည်။

ဆုလာဘ်လား၊ ကျိန်စာလား

ကချင်ပြည်နယ်၏ သဘာဝပတ်ဝန်းကျင်ကို နောက်ထပ် ခြိမ်းခြောက် သည့်အရာမှာ ပီလောပီနံ၊ ကြံ အစရှိသည့် စီမံကိန်း သီး နှံများစိုက်ပျိုးရန်အစိုး ရနှင့် နီးစပ်သည့် အခွင့်ထူးခံ စီး ပွားရေးလုပ်ငန်းရှင်များက လယ်ယာမြေဧက သိန်း သောင်းချီ ချဲ့ ထွင်ကြခြင်း ဖြစ်ပါသည်။

၎င်းင်းတို့က လယ်ယာ မြေ ချဲ့ထွင်ရုံသာမက တည်ရှိပြီးသား လယ်ယာမြေများကိုပါသိမ်းကြသောကြောင့် ဒေသခံ ကချင် လယ်သမားတို့၏ဘ၀ကိုပါ ဖျက်လိုဖျက်ဆီးလုပ်သလို ဖြစ်သွား ကြောင်း ကချင်ပြည်နယ်အရေး လေ့လာသူများက ဆိုပါသည်။

အမျိုးသားအဆင့်နှင့် အပြည်ပြည်ဆိုင်ရာဆိုင်ရာ အစိုးရ မဟုတ်သော အဖွဲ့အစည်းပေါင်း ၄၇ ဖွဲ့ဖြင့် ဖွဲ့စည်းထားသည့် စားနပ်ရိက္ခာဖူလုံမှု ပူးပေါင်းဆောင်ရွက်ရေးအဖွဲ့ (FSWG) ၏ အဆိုအရ အစိုးရက ကချင်ပြည်တွင် ကုမ္ပဏီပေါင်း ၁၁ ခုကို ဧက လေးသိန်းနီးပါး လုပ်ပိုင်ခွင့်ပြုခဲ့သည်ဟုဆိုပါသည်။ ယင်းတို့ အနက် ထက်ဝက်မှာ ကျားထိန်းသိမ်းရေးစခန်းရှိရာ ဟူးကောင်းချိုင့်ဝှမ်းဒေသတွင်ဖြစ်သည်ဟု (FSWG) က ဆိုပါသည်။

ကချင်ပြည်နယ်မှ သဘာဝရင်းမြစ်တွေကို ထုတ်ယူနေကြ သော်လည်း၊ လူဦးရေ ၁၃ သိန်းကျော်ရှိသည့် ပြည်နယ်ဖွံ့ဖြိုး ရေးအတွက်ကား လက်ညှိုးထိုးပြရလောက်အောင် မည်မည်ရရ မရှိဟု လေ့လာသူများက ဝေဖန်ပြောဆိုကြပါသည်။

“မြစ်ကြီးနား-ဖားကန့် ကားလမ်းကို သွားကြည့်လိုက်လေ၊ လမ်းတောင် (ကောင်းကောင်း) လုပ်မပေးဘူး” ဟု ကချင်ပြည် နယ်၏ သဘာဝပတ်ဝန်းကျင်ကို လေ့လာနေသူ ကိုလဆီဘောက်ဝါက ဆိုပါသည်။

မြေပေါ်မြေအောက် သယံဇာတများစွာ ပိုင်ဆိုင်ထားသော် လည်း ကချင်တိုင်းရင်းသားများစွာမှာ မြင်သာမြင်၊ မကြင်ရ သည့်အဖြစ်မျိုး ဆိုက်ရောက်နေပြီး သာမန်အရပ်သူ၊ အရပ်သား များ၏ ဘ၀မှာလည်း ထူးထူးခြားခြားတိုးတက်မှုမရှိဘဲ စားဝတ်နေရေးအတွက် နိစ္စဓူဝ ရုန်းကန်နေကြရသည်ဟု လေ့လာစောင့် ကြည့်သူများက ဆိုပါသည်။

ယခုနှစ် မေလမှာ ထုတ်ပြန်ခဲ့သော KDNG ၏ “ကချင် ဖွံ့ဖြိုးတိုးတက်ရေးမှ သင်ခန်းစာများ” အမည်ရှိ အစီရင်ခံစာမှာ တော့ “သဘာဝရင်းမြစ်များ မည်မျှပင် ထုတ်ယူတူးဖော်နေသော် လည်း ဒေသခံပြည်သူများမှာ တိုးတက်ဖွံ့ဖြိုးလာသည် မရှိဘဲ (၁၉၉၄ အပစ်အခတ်ရပ်ပြီးဖော်ဆောင်သည့်) ဖွံ့ဖြိုးရေး စီမံ ကိန်း မရှိခင်ကထက်ပင် ပိုမိုဆင်းရဲမွဲတေမှုကို ရင်ဆိုင်လာခဲ့ကြ ရသည်” ဟု ဖော်ပြထားသည်။

ယခုနှစ် ဇူလိုင် ၂၇ ရက်နေ့ထုတ် ကြေးမုံသတင်းစာမှာပါရှိ သည့် ကိန်းဂဏန်းများအဆိုအရ ကချင်ပြည်နယ်၏ ဆင်းရဲမွဲတေ မှုနှုန်းမှာ တစ်ပြည်နယ်လုံး လူဦးရေ၏ ၂၆ ဒသမ ၆ ရာခိုင်နှုန်း (၄ ယောက်မှာ ၁ ယောက်နှုန်း) ရှိသည်ဟု ဆိုပါသည်။

ကချင်ပြည်နယ်ရှိ အဖိုးတန် သဘာဝသယံဇာတများ သည် ကချင်လူထုအတွက် ဘုရားပေးသည့် ဆုလာဘ်ကြီးများ ဖြစ်သော်လည်း ယခုအခါတွင် ထိုဆုလာဘ်များ၏ ကျိန်စာသင့် သကဲ့သို့ဖြစ်နေပြီဟု လည်း KDNG ၏ အစီရင်ခံစာက သုံးသပ် ထားသည်။

နိစ္စဓူဝ စားဝတ်နေရေးအခက်အခဲများကြားမှာ ရှင်သန် ဖို့ကြိုးစားရင်း ဒေါ်လမာရွယ်တို့လို သောင်းဂဏန်းချီသော ဒေ သခံများမှာ နှစ်ဖက်စစ်တပ် အပစ်မရပ်ကြသေးသည့်အတွက် စစ်ဘေးရှောင်နေကြရသည်မှာ တစ်နှစ်ပင်ကျော်သွားပြီ ဖြစ်သည်။

နောက်ဆုံးခံတပ် ထိန်းသိမ်းရေး

လောလောဆယ်မှာ နှစ်ဖက်စစ်တပ် အပစ်အခတ်မရပ်ကြ သေးသောကြောင့် မြေပေါ်၊ မြေအောက်သယံဇာတ တူးဖော်ရေး လုပ်ငန်း အတော်များများ အရှိန်တန့်နေသည်ဆိုသော်လည်း အပစ်အခတ်ရပ်စဲပြီးနောက်ပိုင်း ယခင်အတိုင်း အခြေအနေ ဆိုးမြဲ၊ ဆိုးလာဦးမည်ကို ပညာရှင်များက စိုးရွံ့နေကြသည်။

နေရာတိုင်းမှာ ဒဏ်ရာဒဏ်ချက်တွေနှင့် ပျက်စီးယိုယွင်း လာနေသည့် ကချင်ပြည်နယ်၏ အခြေအနေများကို အချိန်မီ မကုစား၊ မထိန်းသိမ်းနိုင်လျှင် ကချင်ပြည်နယ်၏ အနာဂတ် မတွေးရဲစရာအခြေအနေမျိုး ဆိုက်ရောက်သွားမည်ကို သဘာဝ ပတ်ဝန်းကျင် ထိန်းသိမ်းသူများက စိုးရိမ်နေကြသည်။

မြစ်ဆုံအရေးကိစ္စတုန်းက တစ်နိုင်ငံလုံး ညီညီညွတ်ညွတ် ကန့်ကွက်ခဲ့ကြသည့်ပုံစံကို နမူနာယူပြီး တစ်နိုင်ငံလုံးအတွက် အရေးကြီးသော ကချင်ပြည်နယ်၏ သဘာဝပတ်ဝန်းကျင် ပျက် စီးယိုယွင်းလာနေမှုကို တက်ညီလက်ညီ ကာကွယ်ကြဖို့ လိုအပ် ကြောင်း သဘာဝပတ်ဝန်းကျင်ထိန်းသိမ်းသူများက တိုက်တွန်း ပြောဆိုကြပါသည်။

ကချင်ပြည်နယ်၏ သဘာဝပတ်ဝန်းကျင် လေ့လာနေသူ ကိုလဆီဘောက်ဝါကတော့ အခုချိန်မှာ အသိတရားဝင်လာကြ ပြီး ကာကွယ်၊ ထိန်းသိမ်းရေးလုပ်ငန်းများ လုပ်ကြမည်ဆိုလျှင် အချိန်မီသေးသည်ဟုဆိုသည်။

“ကြွေလုဆဲဆဲဖြစ်နေတဲ့ဟာကို လောဘသမားတွေ၊ အုပ်ချုပ်တဲ့လူတွေ သဘောပေါက်သွားရင် နောက်မကျသေးဘူး”ဟု သူက သတိပေးသည်။

“မဟုတ်ရင်တော့ သွားမှာပဲ”

EcoDev မှ ဦးဝင်းမျိုးသူကလည်း မြန်မာနိုင်ငံ၏ နောက် ဆုံးကျန်ရှိသည့် ခံတပ်ကြီးကို လတ်တလော အကျိုးစီးပွားကိုသာ ကြည့်ပြီး ဖျက်ဆီးမပစ်ကြဖို့ တပ်လှန့်နှိုးဆော်သည်။

“နောက်ဆုံးခံတပ်ကိုတောင် မချန်ဘဲ ပြုတ်အောင် လုပ်လိုက်မယ်ဆိုရင် ကျွန်တော်တို့လောက် မိုက်တဲ့သူတွေ ရှိတော့မှာ မဟုတ်ဘူး” ဟု ဦးဝင်းမျိုးသူက သတိပေးသည်။

ဦးခေါဘောမ်တို့လို ဒေသခံတွေလည်း ယိုယွင်းလာနေ သော သူတို့၏ မနောမြေကို အရေးပေါ် ထိန်းသိမ်းကာကွယ်ရေး လုပ်ရမည်ကို နားလည်သဘောပေါက်ကြသည်။

သူတို့ဒေသ အခုလို ပျက်စီးနေရခြင်း၊ လူတွေ ကျပ်တည်း နေရခြင်းသည် လောဘတက်သူများကြောင့် ဖြစ်ရသည်ဟု လည်း ရိုးရိုးစင်းစင်းပဲ မှတ်ယူထားသည်။

ဦးခေါဘောမ်အနေနှင့် သူငယ်ငယ်က မှတ်မိထားသည့် ပုံစံအတိုင်း ကချင်ပြည်နယ် ပြန်လည် ပျိုမျစ်လှပလာဖို့ကိုကား မည်သို့မည်ပုံ လုပ်သင့် သည်ကိုတော့ ပညာရှင်များအကြံပြုသလို သူကတော့ အကြံ မပြုတတ်။ မပြောပြတတ်။

သူ ရိုးရိုးစင်းစင်း နားလည်၊ လက်ခံထားသည်က အခုလို ဖြစ်သည်။

“လူတွေရဲ့ မတရားလောဘရှိနေသမျှ နဂိုလို စိမ်းလန်း စိုပြည်လာဖို့ဆိုတာ မဖြစ်နိုင်ဘူးလေ” ။ ။