စစ်ဘေးရှောင် ပြည်သူများအား နှစ်ဘက်စလုံးမှ စာနာရန်လိုအပ်နေပြီ ဟုနိုင်ငံရေးအင်းအားစုများဆို

Thursday, January 03, 2013

ကချင်ပြည်နယ်အတွင်း စစ်ပွဲများပြင်းထန်လာသည်နှင့်အမျှ စစ်ဘေးရှောင်ပြည်သူများ အခက်အခဲများစွာ ရင်ဆိုင်နေရပြီး နှစ်ဘက်စလုံးမှ စာနာရန် လိုအပ်နေပြီ ဟု နိုင်ငံရေးအင်အားစုများက ဆိုကြသည်။

စစ်ပွဲများ ပြင်းထန်လာသည်နှင့်အမျှ ဒေသတွင်းတွင် စစ်ဘေးရှောင်ပြည်သူများ တဖြည်းဖြည်း တိုးမြင့်လာကြောင်း သိရပြီး ကချင်ပြည်နယ် အတွင်း ဖြစ်ပွားနေသော စစ်ပွဲသည် တိုင်းပြည်အတွက် မကောင်းသည့် လက္ခဏာဖြစ်ကြောင်း အမျိုးသားဒီမိုကရေစီအဖွဲ့ချုပ်မှ ပြည်သူ့လွှတ်တော် ကိုယ်စားလှယ် ဦးညဏ်ဝင်းက ဆိုသည်။

“ဒီစစ်ပွဲကို ငြိမ်းချမ်းစွာ မရှင်းနိုင်ရင် နိုင်ငံရေးအရ မရှင်းနိုင်ရန် သံသရာရှည် မယ်၊ လူတွေ ဒုက္ခရောက်မယ်၊ စစ်ဘေးသင့် ပြည်သူတွေကတော့ တကယ့် ဓားစာခံပါပဲ၊ ဒီကိစ္စတွေကို နှစ်ဘက်စလုံးက စာနာတတ်ဖို့ လိုလာပြီ” ဟု ဦးညဏ်ဝင်းက ပြောကြားသည်။

“နှစ်ဖက်စလုံးမှာရှိတဲ့ လူကြီးတွေမှာ အပစ်အခက်ရပ်စဲဖို့ ဆန္ဒမရှိဘဲ ဒီစစ် ကြီးရပ်လိမ့်မယ်လို့ မထင်ဘူး။ သူတို့ စိတ်ကူးထဲမှာ ဒီစစ်ကြောင့် ငြိမ်းချမ်းရေး ခရီးစဉ် နှောင့်နှေးမှာတွေ ဒုက္ခရောက်နေတဲ့ စစ်ဘေးရှောင်ပြည်သူ (IDP) တွေကို စာနာတာတွေ၊ ဒါလိုအတွေးမရှိဘူး ဆိုရင် ဒီစစ်ကရပ်မှ ရပ် ပါ့မလားလို့ ထင်တယ်” ဟု ဒေါက်တာတူးဂျာက ၎င်း၏အမြင်ကို ပြောကြား သည်။

၎င်းကပင် “စစ်ဘေးရှောင်နေတဲ့ ပြည်သူတွေမှာ သူတို့ ဘယ်အချိန်ပြန်မလဲ ဆိုတာကို မမျှော်မှန်းနိုင်ကြဘူး။ တရုတ်ကလည်း လက်မခံဘူး၊ အထောက် အပံ့ တွလည်း မပြည့်စုံတော့ အတော်ဒုက္ခရောက်နေကြတယ်။ ဒေသခံပြည်သူတွေက တကယ်ကိုမြေဇာပင်တွေပါ” ဟု ထပ်မံ ပြောကြားခဲ့သည်။ဒေသတွင်း စစ်ပွဲအရှိန်များမြင့်လာသောကြောင့် နယ်စပ်ဒေသတစ်လျှောက် စစ်ဖြစ် ပွားရာ အနီးတစ်ဝိုက်မှ လာရောက်ခိုလှုံသူ ဦးရေ တစ်သိန်းကျော် သွားပြီဖြစ်ကြောင်း ထပ်မံသိရသည်။

အဆိုပါကိစ္စနှင့် ပတ်သက်ပြီး ဒီမိုကရက်တစ်ပါတီ(မြန်မာပြည်)မှ ဥက္ကဋ္ဌ ဦးသုဝေက “စစ်ဖြစ်ပွားတဲ့နေရာက ပြည်သူတွေ အတော်ဒုက္ခ ရောက်နေကြ တယ်၊ ပြည်သူတွေဒုက္ခရောက်နေတာ မကောင်းပါဘူးဗျာ၊ ဒီကိစ္စမှာ တကယ် သက်ဆိုင်ပြီး လက်နက်ကိုင်ပြီးဖြေရှင်းနေကြတဲ့သူတွေညှိနှိုင်းကြဖို့

လိုပါတယ်” ဟု ၎င်း၏အမြင်ကို ပြောကြားသည်။

၎င်းအနေဖြင့် အစိုးရ၏ငြိမ်းချမ်းရေး ကိုယ်စားလှယ် ပြည်ထောင်စု ၀န်ကြီး ဦးအောင်မင်းနှင့်တွေ့ဆုံစဉ် “ငြိမ်းချမ်းရေးအဖွဲ့ကတော့ ငြိမ်းချမ်းရေး ရအောင် ဆက်လုပ်သွားမှာပဲ၊ ဒီအချိန်မှာ နှစ်ဖက်စလုံးမှာလည်း အခက် အခဲတွေ ရှိနေကြတယ် ၊ဒီကိစ္စတွေမှာ ဘေးပရောဂတွေလဲပါတယ်”ဟုပြည်ထာင်စုဝန်ကြီးက ပြောကြားခဲ့ကြောင်း သိရသည်။

“ဒီစစ်ပွဲတွေနဲ့ပဲ ဖြေရှင်းနေရင် တိုင်းပြည်အတွက် ဘာအကျိုးမှရှိမှာ မဟုတ် ဘူး၊ စစ်ပွဲတွေကြောင့် မြေစာပင်ဖြစ်ရတာ ပြည်သူတွေပဲ၊ တိုင်းရင်းသား လက်နက်ကိုင်အဖွဲ့အစည်းဘက်ကလည်း လက်နက်ကိုင်ပြီး ဖြေရှင်းမယ် ဆိုရင် ကချင်ပြည်နယ်လွတ်မြောက်ရေးက မဖြစ်နိုင်သလို၊ ဒီဘက်က မြန်မာ့ တပ်မတော်ဘက်က လည်းစစ်ရေးနဲ့ အပြုတ်တိုက်မယ်ဆိုရင် လုံးဝငြိမ်းချမ်းရေး မရပါဘူး။ နိုင်ငံရေးအရ ဆွေးနွေးမှုတွေနဲ့ အဖြေရှာ သင့်တယ်။ အဲလို အဖြေရှာနေတဲ့အချိန်မှာ အပစ်အခတ် ရပ်စဲထားသင့်တယ်။ ငြိမ်းချမ်းရေး၊ ငြိမ်းချမ်းရေးလို့ အော်နေပေမယ့် တကယ် လက်တွေ့ဖြေရှင်းတဲ့ နည်းလမ်းကတော့ သံတယ ရှိစရာပဲ” ဟု အမျိုးသားဒီမိုကရေစီ အဖွဲ့ချုပ်မှ ပြည်သူ့ လွှတ်တော်ကိုယ်စားလှယ် ဦးဖြိုးမင်းသိန်းက ပြောကြားသည်။

အစိုးရနှင့် ကချင်လွတ်မြောက်ရေးတပ်မတော် (KIA) တို့ အလွတ်သဘောတွေ့ဆုံဆွေးနွေးမှု ၄ ကြိမ်၊ ပြည်နယ်အဆင့် တွေ့ဆုံဆွေးနွေးမှု ၃ ကြိမ်၊ ပြည်ထောင်စုအဆင့် တွေ့ဆုံဆွေးနွေးမှု ၄ ကြိမ်၊ စုစုပေါင်း ၁၁ ကြိမ် တွေ့ဆုံဆွေးခဲ့သည်ဟု အစိုးရပိုင်မီဒီယာများတွင် ဖော်ပြထားကြောင်း သိရသည်။

The Myanma Age