Monday, May 13, 2013

ရန်ကုန်တိုင်း၌ အဓမ္မကျင့်မှု သုံးရက်လျှင် တကြိမ်၊ ကလေးများကို ကျူးလွန်မှု လေးလအတွင်း ၂၆ မှုရှိ

Posted by drmyochit Monday, May 13, 2013, under | No comments



ရန်ကုန်တိုင်းအတွင်း အမျိုးသမီးများ အဓမ္မ ပြုကျင့်ခံရမှုနှုန်းမှာ သုံးရက်လျှင် တကြိမ်ခန့် ဖြစ်ပွားနေပြီး အသက် မပြည့်သေး သူ မိန်းခလေးငယ်များအား ကျူးလွန်ခံရမှုပေါင်းမှာ လေးလအတွင်း ၃၀ နီးပါးခန့်အထိ ရှိ လာကြောင်း ရန်ကုန်တိုင်း ရဲတပ်ဖွဲ့စခန်း၏ မှုခင်း သတင်းမှတ်တမ်းများအရ သိရသည်။

“ပထမ လေးလ အတွင်းမှာတင် မုဒိမ်းမှုပေါင်း ၄၇ မှု ဖြစ်တယ်။ အဲဒီမှာ အသက် ၁၆ နှစ်အောက် မိန်း ခလေးတွေ အဓမ္မ ပြုကျင့်ခံရမှုပေါင်းက ၂၆ မှုထိ ရှိတယ်။ အဲဒီထဲမှာပဲ ၁၀ နှစ်အောက်က ၆ မှုပါတယ်” ဟု ရန်ကုန် တိုင်း ရဲတပ်ဖွဲ့မှူးရုံး ဦးစီး(၂)ဌာနခွဲမှ ဒုရဲမှူးက မဇ္ဈိမကို ပြောသည်။

မုဒိမ်းမှု အများ ဆုံးဖြစ်ပွား ခဲ့သော မြို့နယ် များမှာ လှိုင်သာယာတွင် ၈ မှု၊ တိုက်ကြီးတွင် ၃ မှု၊ ထောက်ကြန့်၊ မြောက် ဥက္က လာ၊ရွှေပြည်သာ၊ အင်းစိန်တို့တွင် ၂ မှုစီဖြင့် အများဆုံး ဖြစ်ပွားခဲ့ကြောင်း မှုခင်း မှတ်တမ်း များအရ သိရသည်။

အဓမ္မပြုကျင့်ရာတွင် မသိနားမလည်သော ကလေးသူငယ်များအား အစားအစာ၊ အဝတ်၊ ဖိနပ် စသည်တို့ ဝယ်ပေးမည်ဟု ပြောဆိုဖျားယောင်းပြီး ပြစ်မှုကျူးလွန်ကြခြင်းများ ပါဝင်ကြောင်း သိရသည်။

အရွယ် မရောက်သေး သူ ကလေးငယ်များအား အဓမ္မပြုကျင့်မှုများတွင် ဖခင်အရင်းက ကျူးလွန်မှု ၁ မှု၊ ပထွေး က ပြုကျင့်မှု ၁ မှု၊ အစ်ကိုဝမ်းကွဲက ၁ မှု၊ ဦးလေးက ၁ မှုနှင့် အရပ်သား အခြားသူများက အဓမ္မ ပြု ကျင့်မှု ၂၂ မှုထိ ပါဝင်ခဲ့ကြောင်း သိရသည်။

ရန်ကုန်တိုင်းရဲတပ်ဖွဲ့အနေဖြင့် ပြစ်မှုကျူးလွန်သူများအား အသေးစိတ် စစ်ဆေးပြီး ကျူးလွန်ရသည့်အကြောင်း အရင်းအား ဖော်ထုတ်က အလားတူ ဖြစ်စဉ်များ ထပ်မံမဖြစ်ပွားရန် သုတေသနပြု ဆောင်ရွက်သွားမည်ဟု ဆိုသည်။

ထို့ပြင် ကလေး သူငယ် များအား အတုမြင် အတက် သင်စေသည့် ညစ်ညမ်း ဗီဒီယိုကားများ၊ ဒီဗီဒီ ကားများ ကြည့် ရှုခြင်း များအား တားမြစ် သွားမည် ဖြစ်ကြောင်း သိရသည်။

ရန်ကုန်တိုင်းအတွင်းတွင် ၂၀၁၃ ခုနှစ်၊ ဇန်နဝါရီလ ၁ ရက်မှ ဧပြီလ ၃၀ ရက်နေ့အထိ လူသတ်မှု ၃၈ မှု၊ ဓားပြ မှု ၁ မှု၊ လုယက်မှု ၆ မှု၊ အဓမ္မပြုကျင့်မှု ၄၇ မှု၊ ဖောက်ထွင်းမှု ၂ မှု၊ စုစုပေါင်း အမှုကြီးဖြစ်ပွားမှု ၉၄ မှုထိ ရှိ ခဲ့ကြောင်း မှုခင်းသတင်းထုတ်ပြန်ပေးသော ဌာနမှ ဒုရဲမှူး၏ ပြောပြချက်အရ သိရသည်။

၂၀၁၂ ခုနှစ်အတွင်းကမူ ရန်ကုန်တိုင်းအတွင်း ဖြစ်ပွားခဲ့သော အမှုကြီးပေါင်း ၃၆၅ မှုတွင် လူသတ်မှု ၁၆၄ မှု၊ ဓားပြမှု ၂ မှု၊ လုယက်မှု ၃၀ မှု၊ အဓမ္မပြုကျင့်မှု ၁၃၅ မှု၊ ဖောက်ထွင်းမှု ၁၈ မှု၊ တိရစ္ဆာန်ခိုးမှု ၄ မှု နှင့် မတရား အသင်း ဖွဲ့စည်းမှု ၃ မှုအထိ ပါဝင်ခဲ့ကြောင်း သိရသည်။

0 comments:

Post a Comment

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်